Tuesday, March 26, 2013

Hyun Bin နဲ့ ကြုံလာဖို့ အကြောင်းဖန်တော့...

သူ့ရဲ့ ပထမဆုံး ဇာတ်လမ်းတွဲ "My lovely Sam Soon" ကတည်းက သူ့ Character က အရမ်းမကောင်းခဲ့ပင်မဲ့ လှရက်နိုင်လွန်းတဲ့ မင်းသားမို့ အဲဒိကားကို ၃၊ ၄ခေါက်ပြန်ကြည့်ဖြစ်တယ်... Character မကောင်းဘူးဆိုတာ လုံးလုံးမကြိုက်တာတော့မဟုတ်ဘူး... ဒါမျိုးက အပြင်က ယောကျာင်္းတွေမှာလဲ ဖြစ်တတ်တယ်... ဟိုပင်လဲ မလွှတ်ချင် ဒီပင်လဲ မလွှတ်ချင်ဖြစ်တာကိုပြောတာ... ဒါပေမဲ့ အကြိမ်ကြိမ်ပြန်ကြည့်တော့လဲ Character အားလုံးကို နားလည်ပေးနိုင်ပါတယ်... သူက သူ့စိတ်ကိုသူမသိဖြစ်နေတာ... ဒါတွေထားတော့ သူ့ရဲ့ ပက်ပက်စက်စက်ချောလှချက်နဲ့ Heart attack ရလောက်တဲ့ ရင်ခုန်စရာသရုပ်ဆောင်ချက်တွေကြောင့် ရင်ကိုစွဲငြိစေသူ မင်းသားတစ်ယောက်ဖြစ်ခဲ့တယ်...

သူ့ရဲ့ Movie "Millionaire first love" နဲ့ "Daddy Long Legs" , တခြား Drama တွေဖြစ်တဲ့ "Snow Queen" နဲ့ "World within (aka) The world they live in" တွေမှာလဲ ဘယ်လိုဆံပင်ပုံစံ... ဘယ်လို Character မျိုးသရုပ်ဆောင်ပါစေ မကြိုက်ပဲ မနေနိုင်တဲ့ ဆုနဲ့ပြည့်တဲ့မင်းသားတစ်ယောက်ပါ... Snow Queen မှာလဲ မင်းသမီးသေမှာသိနေတော့ မင်းသမီးကို သနားတာထက် မင်းသားလေးဆွေးကျန်တော့မှာတွေးပြီး သူ့ထက်ငိုခဲ့ရသေး... (ငိုတာမကြိုက်ရင် အဲကား မကြည့်နဲ့) ဒါပေမဲ့ အဲကားမှာ မင်းသမီးကလဲ Song Yuri ဆိုတော့ ချောမှချော... "World Within" အပြီးမှာ အဲဒိထဲက မင်းသမီး ဆောင်းဟေကို (အွန်စောလို့ လူသိများတဲ့ မင်းသမီး) နဲ့ ငြိသွားကြတယ်ဆိုတော့ သိပ်တော့ သဘောမတူချင်ဘူး... မင်းသမီးကို မကြိုက်လို့ မဟုတ်... အဲမင်းသမီးက အရင်ကလဲ "All In" အပြီးမှာ "Lee Byung Hun" နဲ့လဲ ကြိုက်ပြီး အစကဆို ယူထားတယ်တောင် သတင်းထွက်တယ်... နောက်ကွဲသွားမှ ယူတာမဟုတ်ဘူး ရည်းစားပဲလို့ပြောတော့ (Anyway, သူတို့အတွက်ကတော့ ယူယူမယူယူ အတူတူပါပဲ)... ဒါပေမဲ့လဲ သူနဲ့ သဘောမတူလို့ ကိုယ်ရမှာလဲ မဟုတ်တော့ မင်းသားကြိုက်ချင်တဲ့သူကြိုက် ကိုယ်နဲ့လဲ ဆိုင်မှမဆိုင်တာ... မင်းသားရည်းစားရလို့ အဲမင်းသားမကြိုက်တော့ဘူးဆိုတဲ့ မရင့်ကျက်တဲ့ ပရိတ်သတ်ထဲ မဗေဒါမပါ... ဒီတော့လဲ "I wish for them to happy"... ထင်တော့ထင်သား အဲ့ကားမှာ အရမ်း အဖက်၊ အနမ်းတွေကြမ်းနေကြတော့ တစ်မျိုးကြီးတောင်ထင်တယ်... Viewer Instinct က ဖြစ်တော့မယ် ဖြစ်တော့မယ် ထင်သား.. (မဲ့ကာရွဲ့ကာရေးသည် :P ) ... ဒါပေမဲ့ ကိုယ်သာ ယောကျာင်္းဆိုလဲ ဆောင်းဟေကိုလို လှတဲ့ မင်းသမီး မကြိုက်ပဲ မနေနိုင်ပေါင် (ခုလဲ Jo In Sung နဲ့ "That winter the wind blow" မှာ အသံမထွက်လာပါစေနဲ့ ထပ်ဆုတောင်းတယ်... ဆောင်းဟေကို ကိုကြိုက်လို့ (Ha Ji Won) လို Professional ဆန်တဲ့ မင်းသမီးပဲဖြစ်စေချင်တယ်... Jo In Sung ရဲ့ Professional ဆန်မှုကိုယုံထားတယ်...)... အော်... ငါ့နှယ်... ဟရွန်ဘင်း အကြောင်းပြောမို့ဟာ ...


Hyun Bin in "My Lovely Sam Soon"

Hyun Bin in "Snow Queen"

Hyun Bin in "World Within" with Song Hye Kyo



ဆက်ရရင်ဖြင့်... မဗေဒါဘလော့ကို ပုံမှန်ဖတ်တဲ့ ကိုရီးယားရုပ်ရှင်
ကြိုက်ပရိတ်သတ်ဆိုရင်တော့ မဗေဒါ အရမ်းကြိုက်ခဲ့ပြီး အရေးများခဲ့တဲ့ "Secret Garden" Hyun Bin စစ်ထဲမဝင်ခင် နောက်ဆုံးရိုက်သွားတဲ့ ဇာတ်လမ်းတွဲအကြောင်းကို သိလိမ့်မယ်... (မသိရင်လဲ သိအောင်ဖတ်လိုက် ဒါပဲ) ... Ha Ji Won နဲ့ Hyun Bin အတွဲကလဲ မင်းသမီး၊ မင်းသားနာမည်ကြားတာနဲ့ ဝမ်းပန်းတသာဖြစ်ပြီး "ငါဒီကားကို ကြည့်မှဖြစ်မယ်" လို့ ခံစားရတဲ့ ဖန်သားပြင်ပေါ်က စုံတွဲပေါ့... အဲဒိထဲက ဇာတ်ဝင်တေးတွေကလဲကောင်း... ဟရွန်ဘင်းကလဲ ဘုံကြိုးပြတ်တဲ့ မိုးနတ်သားလိုချော... အဟိ... (မဗေဒါ အရူးထခြင်းကို သည်းမခံနိုင်လျှင် ဆက်မဖတ်ပဲနေနိုင်သည်... ၀ါသနာတူများသာ ဆက်ပါလေ)... တော်ပါဘီ Secret Garden အကြောင်းတော့ ပြောတော့ဘူး... အိမ်ရောက်မှ ကိုယ့်ဘာကိုယ် နောက်တစ်ခေါက်ထပ်ကြည့်တော့မယ်...
Hyun Bin in "Secret Garden" with Ha Ji Won...

Hyun Bin as Joo Won in Secret Garden

ခုမှ ဒီပိုစ့်ရေးရတဲ့ အဓိကအကြောင်းလာဘီ... ဒါနဲ့ အဲဒါမပြောခင် ပြောစရာရှိတယ်... လူတစ်ယောက်နဲ့ တစ်ယောက် ဒီဘဝမှာတွေ့ရတာ အရင့် အရင်ဘဝတွေက ပတ်သတ်ခဲ့ရမှု ကုသိုလ် အကုသိုလ်အတူလုပ်ခဲ့မှု စတဲ့ ရေစက်တွေနဲ့ ဆိုင်တယ်တဲ့... ကိုယ်ကြိုက်တဲ့ မင်းသားတွေ စကာင်္ပူကိုလာမယ်ဆိုတိုင်း အဲဒိအတွေးဝင်လာရင် ငါသွားတွေ့မှဖြစ်မယ်ဆိုတဲ့ ရူးပေါပေါအတွေးဝင်တတ်တယ်... ဟုတ်ဟုတ် မဟုတ်ဟုတ်... သူ့ Fan meeting သွားလို့ သူက ကိုယ့်ကို မသိပေမဲ့ ကိုယ်က သူ့ကို ကိုယ်ရှူနေတဲ့ လေကို တစ်ခန်းထဲမှာ သူလဲရှူနေတယ်... (တင်တင်စီးစီး အထက်စီးက ပြောရရင်) ကိုယ်ပေးထားတဲ့ ပိုက်ဆံကြောင့် သူဖျော်ဖြေနေတယ် ဆိုရင် ကိုယ်နဲ့ သူနဲ့ အရင်ဘဝက နည်းနည်းတော့ ရှေးရေစက်ရှိခဲ့လို့ပဲ... (အဲလိုတွေးမှ အရသာရှိတာလေ).... ဒါပေမဲ့ အဲလိုမျိုးအတွေးက ကိုယ်မကြိုက်တဲ့ မင်းသားကိုဆို မဖြစ်ဘူးနော်... ကိုယ်တကယ်ကြိုက်မှအဲလို ရင်ခုန်တာ... မဗေဒါ နောက်ဆုံးတစ်ခေါက် Kpop show ( 2PM, Beast, Miss A နဲ့ တခြားအဖွဲ့တွေပါတုန်းက)သွားကြည့်ဖြစ်တဲ့ ပွဲမှာ လူပိပြီး သေပြီမှတ်ခဲ့ရကတည်းက အဲဒိပွဲတွေသွားမကြည့်ဖြစ်တော့ဘူး... ပြီးတော့ အဲပွဲမှာ လူသာပိခဲ့တယ်... တကယ်ကျတော့ ကိုယ်အရမ်းကြိုက်တဲ့သူတွေမဟုတ်လှတော့ ရင်မခုန်ဘူး... ဒီတော့ ထင်ခဲ့တာက ဂျန်ဂမ်ဆပ်တုန်းက ပထမဆုံးမို့ ရင်ခုန်တာဖြစ်မယ်.... ခုတော့ ရိုးသွားပြီ ရင်မခုန်တော့ဘူး... ဒီတော့ မသွားတော့ပါဘူး ဆုံးဖြတ်ခဲ့တာ... ခုတော့ ဟရွန်ဘင်း လာမယ်ဆိုတော့ ဒွိဟတော့ နည်းနည်းပွားလိုက်သေးပင်မဲ့ ခုသွားကြည့်ဖို့ အဖော်လဲရှိတော့ ဆုံးဖြတ်လိုက်ပြီးတဲ့အခါမှာတော့ ပျော်သွားဘီ... သူကတော့ "Secret Garden" ထဲက "That Woman" သီချင်းဆိုမှာပဲ... ကြိုးစားပမ်းစား အလွတ်ကျက်သွားမှ... (စာသာဒီလိုကျက်ရင်တော့ဖြင့်)...



သူရဲ့ Fan Meeting Ticket တွေ ခု sistic website မှာဝယ်လို့ရဘီ... Special တန်းဝယ်ပြီး ဓာတ်ပုံတွဲရိုက်ချင်ရင်တော့ အဲဒိ အော်ဂနိုက်စာ website မှာဝယ်လို့ရတယ်... ဒါပေမဲ့ ဓာတ်ပုံက Group ပုံပဲရမှာ တစ်ယောက်ချင်းစီတော့ မဖြစ်နိုင်ဘူး... မဗေဒါကတော့ ရိုးရိုးတန်းပဲကြည့်ပြီး Hyun Bin ကို "OPPA" လို့ အကျယ်ကြီး အော်ပစ်မယ်... (ဂျန်ဂမ်ဆပ်တုန်းက ကိုယ့်ထက် ငယ်နေတော့ OPPA လို့ မအော်ဖြစ်ခဲ့ဖူး)...

4 comments :

Anonymous said...

အီးးဘာလို ့ရန္ကုန္ကို မလာတာလဲ ဟြမ္ဟြမ္ရယ္ သု ့ကို ကင္ဆန္ဆြန္း ရယ္ စႏိုးကြင္း ရယ္မွာၾကိဳက္တယ္( ေနာက္ကားေတြလည္း ၾကိဳက္တာပါဘဲ ဟီး) အိုပါး လို ့ေအာ္မယ္ဆိုလို ့အားက်တယ္ အစ္မေရ ေအာ္သာေအာ္
AMT

Sandakuu said...

sis... soo lucky!!!! မင္းသားေတြအားလံုးထဲမွာ အျမဲစြဲေနတာ park shi woo... ဒီတစ္ေယာက္လဲၾကိဳက္တယ္..

Unknown said...

ေနာက္ထပ္လည္းသူ႕အေၾကာင္းေရးပါအံုးေနာ္

mabaydar said...

@yati maung - ဟုတ္... သူ႔ ပဲြသြားျပီးရင္ေတာ့ ေရးျဖစ္အံုးမွာ စိတ္ခ်..