Tuesday, September 27, 2016

သင်မသိကောင်း မသိသေးမဲ့ Park Bo Gum အကြောင်းလေးတွေ





Park Bo Gum ကိုယ်ရေးအကြောင်းတွေ မွေးနေ့တွေ သွေးအမျိုးအစားတွေ ဘာတွေတော့ ထွေထူးရေးမနေတော့ပါဘူး။ တခြား Facebook page တွေကလဲ တော်တော်လေး ရေးပြီးထားကြပြီဆိုတော့လေ။ အစကတော့ ကိုယ်တောင် သိပြီးတာ အားလုံးလဲ သိပြီးလောက်ပြီဆိုပြီး မရေးတော့ပဲ နေမလို့ မဗေဒါ Page က ဝါသနာတူ ဘော်ဘော်တွေက ရေးပေးပါဆိုလို့။ တချို့က Park Bo Gum အကြောင်းကို သူကိုယ်တိုင်လာပြောပြထားသလို သိနေကြတဲ့ သူတွေရှိတော့ ကိုယ်လို အွန်လိုင်းက သတင်းလေးတွေ ဟိုဖတ်ဒီဖတ်လုပ်မှ သိရတဲ့ ကိုယ်က ဆရာလုပ်သလိုဖြစ်မိမှာစိုးလို့။ ကြိုဝန်ခံပါရစေနော်… သူ့အကြောင်း လဲ ရေးတဲ့ သတင်းကို ကြုံလို့ဖတ်ရမှ သိတာပါ။ ခုလဲ ကိုယ်တွေ့တာကို ပြန်မျှတာပါ သတင်းမှားဆိုရင် မူရင်း သတင်းရေးတဲ့သူအပြစ်ပါ။

၁။ Park Bo Gum မှာ အကျအနရိုက်ထားတဲ့ မိသားစုပုံမရှိဘူး


TvN ကပြတဲ့ Youth Over Flower ခရီးသွားအစီအစဉ် Reality show မှာ Park Bo Gum နဲ့ Reply 1988 က ဒုမင်းသား Ryu Joon Yeol တို့ ၂ယောက် ရင်တွင်းဖြစ် စကားတွေပြောကြတဲ့ အချိန်… Bo Gum က ဟိုမင်းသားကို “ံဒါနဲ့ Hyung မှာ မိသားစု ဓာတ်ပုံရှိလား?” လို့ မေးရင် သူ့ မျက်ရည်တွေကို သုတ်လိုက်တယ်။ “ကျွန်တော်တို့ အိမ်မှာ မိသားစု ဓာတ်ပုံမရှိဘူး” လို့ ပြောရင် သူ့ မျက်ရည်တွေ စီးကျလာတယ်။ Bo Gum ငိုတာကို တွေ့တဲ့ Joon Yeol က သူ့ကို “ ဒီတစ်ခါ ကိုရီးယားပြန်ရောက်ရင် မင်းတို့ မိသားစု ဓာတ်ပုံ သွားရိုက်။ Hyung ပိုက်ဆံပေးမယ်” လို့ နွေးထွေးစွာပြန်ပြောတယ်။
အဲ့ဒိအကြောင်းကို Production crew တွေနဲ့ interview ချိန်ရောက်တော့ မေးတော့ Bo Gum က ငိုလျက်
“ကျွန်တော် ငယ်ငယ်က memories တွေကို မစုထားခဲ့နိုင်သလို ခံစားရတယ်။”
အကြောင်းရင်းကို သူဆက်ရှင်းပြတယ်။

“အမေက ကျွန်တော် ကြီးလာတဲ့ တစ်လျှောက် ကျွန်တော့်ကိုပဲ ပုံတွေရိုက်ထားခဲ့တယ်။ အမေ့ပုံကျတော့ ကျွန်တော့မှာ ပြစရာ မရှိသလောက်ပဲ။ အဲဒါကြောင့် ကျွန်တော်တို့ရဲ့ Memories တွေကို မသိမ်းဆည်းထားလိုက်နိုင်သလို ခံစားရတယ်။”

Source: http://www.allkpop.com/article/2016/02/park-bo-gum-cries-about-the-lack-of-a-family-portrait-at-his-home

၂။ သူ့ အမေအကြောင်း စဉ်းစားမိပြီး Reply 1988 Audition မှာ ငိုခဲ့တဲ့ Park Bo Gum


အရှေ့မှာပြောခဲ့တဲ့ Youth over flower အစီအစဉ်ထဲမှာပဲ သူတို့တွေ Reply 1988 အတွက် audition ဝင်ခဲ့တဲ့ ဗွီဒီယိုလေးကိုကြည့်ရတယ်။ အဲ့ဒိ လူတွေ့ စစ်ဆေးမှုမှာ အင်တာဗျူးသူတွေက သူ့အမေအကြောင်းကို မေးတဲ့အခါ “ကျွန်တော် ၄တန်းကတည်းက အမေဆုံးသွားပါပြီ” လို့ သူပြန်ဖြေခဲ့တယ်။
အဲ့ဒိနောက်မှာ အင်တာဗျူးသူတွေက သူ့ကို Reply 1994 က ဒုတိယမင်းသား Chil Bong’s ဇာတ်ကောင်ပြောခဲ့တဲ့ ဒိုင်ယာလော့ကိုပေးပြီး သရုပ်ဆောင်ခိုင်းတယ်။ ဒိုင်ယာလော့ကို စဖတ်တာနဲ့ Bo Gum ဟာ မျက်ရည်တွေဝဲလာခဲ့တယ်။
သူ့ကို ဖတ်ခိုင်းတဲ့ အခန်းက Chil Bong သူ့အမေကို ဖုန်းပေါ်ကနေ မတ်စေ့ထားခဲ့တဲ့ အခန်းက ဒိုင်ယာလော့ဖြစ်နေတယ်။ ဖတ်နေရင်း တစ်ဝက်လောက်မှာ Bo Gum ဝမ်းနည်းစွား မျက်ရည်ပေါက်ကြီးငယ် ကျလာခဲ့တယ်။
(Youth over flower ကြည့်တုန်းက အဲ့ Audition လေးကိုကြည့်ပြီး Reply 1988 မှာ တကယ်ပဲ သူ ပထမ မင်းသား ဖြစ်ထိုက်ပါတယ်ဆိုပြီး ကိုယ့် ship အတွက် ကိုယ် ကျေနပ်သလို၊ သူ့ဘဝအကြောင်းလေး သိရတော့ ကိုယ်ပါ လိုက်ငိုနေမိတယ်)

Source: http://www.soompi.com/2016/03/11/park-bo-gum-cries-talking-about-his-late-mother-during-reply-1988-audition/

၃။ Park Bo Gum ဟာ အကြွေးတွေမဆပ်နိုင်လို့ လူဆင်းရဲ့ အမည်ခံ ခဲ့ဘူးတယ် (Bankrupt)


သူဟာ သူ့နာမည်နဲ့ ချေးထားတဲ့ အကြွေးတွေ ပြန်မဆပ်နိုင်လို့ တရားဝင်လူဆင်းရဲ စာရင်းဝင်ခဲ့ဖူးတယ်။
သူ့ အေးဂျင်စီကတော့ “သူငယ်စဉ်မှာဖြစ်ခဲ့တဲ့ သူ့ကိုယ်ရေးကိုယ်တာကိစ္စမို့ ကျွန်တော်တို့ အသေးစိတ်မသိပါဘူး။ ကျွန်တော်တို့သိတာတော့ ပြဿနာတွေအားလုံး မနှစ်က ဖြေရှင်းပြီးသွားပါပြီ။ ခု ဘာပြဿနာမှ မရှိတော့ပါဘူး” လို့ဆိုပါတယ်။
ဒါပေမဲ့ တချို့ သတင်းဋ္ဌာနတွေအရ အဲ့ဒိအကြွေးဟာ ၂၀၀၈ ခုနှစ်က သူ့အဖေ စီးပွားရေးလုပ်ဖို့ သူ့နာမည်နဲ့ ချေးငှားခဲ့ပြီး စီးပွားရေး မအောင်မြင်ဖြစ်ခဲ့ပါတယ်တဲ့။ အဲ့ဒိအချိန်က Park Bo Gum ဟာ ဆယ်ကျော်သက်အရွယ်ပဲ ရှိသေးပြီး သူ့အဖေအကြွေးကို ပူးတွဲ ချေးငှားသူအဖြစ် ပါဝင်ခဲ့ပါတယ်။ နောက်ပိုင်းမှာ များပြားလာတဲ့ အတိုးနှုန်းတွေကြောင့် ခုလို ဖြစ်ခဲ့တာပါ။

၂၀၁၄ မှာ သူဟာ ဇာတ်ပို့သရုပ်ဆောင်အဖြစ် တချို့ကားလေးတွေမှာ ပါဝင်လာတဲ့အခါ Loan Shark တွေက အကြွေးအကြေ ချက်ချင်းပြန်ဆပ်ဖို့ တောင်းဆိုခဲ့ကြပါတယ်။ Bo Gum က မပေးနိုင်တဲ့အခါ တရားရုံးမှာ တရားစွဲဆိုခံခဲ့ရပါတယ်။
တရားရုံးမှာ Bo Gum က သူဟာ အဲ့ဒိအချိန်က အသက်မပြည့်သေးတဲ့ အပြင် သူ့အဖေက သူ့ကို Guarantor အဖြစ် နာမည်ထည့်ခဲ့မှန်း လုံးဝ မသိခဲ့ပါဘူးလို့ ထွက်ဆိုခဲ့တယ်။ အကြွေးပြန်မဆပ်နိုင်တဲ့အတွက် ဒီဇင်ဘာ ၂၀၁၄ မှာ Park Bo Bum ဟာ လူဆင်းရဲစာရင်း(Bankruptcy) ခံခဲ့တယ်။ မတ်လ ၂၀၁၅ မှာ သူဟာ လူဆင်းရဲ စာရင်းဝင်မို့ တရားရုံးက အကြွေးရှင်တွေကို အကြွေးတွေ လျော့ပေါ့ဖို့ စီရင်ခဲ့ပေမဲ့ အကြွေးရှင်တွေကတော့ Bo Gum ဟာ သရုပ်ဆောင်တစ်ယောက်ဖြစ်တဲ့အတွက် အကြွေးကိုပေးနိုင်တဲ့ အခြေအနေရှိတယ်လို့ စွပ်စွဲခဲ့တယ်။

အဲ့ဒိအတွက် တရားရုံးက ဘိုဂမ်းရဲ့ ဝင်ငွေကို စစ်ဆေးခဲ့ပြီး မူလချေးငွေ $243,765 USD ကနေ $24,390 USD (30 million KRW) နီးပါးကို တော့ ပေးစေခဲ့တယ်။
Reply 1988 ရဲ့ အောင်မြင်မှုကြောင့် နောက်ပိုင်းမှာ Park Bo Gum ဟာ အကြွေးအားလုံးကို ခြေနိုင်ခဲ့တယ်။

Park Bo Gum ရဲ့ အဖြစ်ဟာ သူ နာမည်မကြီးသေးခင်က ရိုက်ခဲ့တဲ့ “Coin Locker Girl” ထဲက သူ့ဇာတ်ကောင်နဲ့ တိုက်ဆိုင်နေတယ်လို့ လူတွေက ပြောကြတယ်။
(အဲ့ကား Bo Gum လေးပါလို့ ကြည့်ပြီးပြီ။ စိတ်တွေ အရမ်းဆင်းရဲပါတယ်။ အဲ့ထဲမှာလဲ သူ့အဖေက loan shark ဆီက ပိုက်ဆံချေးပြီး ထွက်ပြေးနေလို့ loan shark က သူ့ကို လာသတ်သွားတာ။ မင်းသားလေးခမျာ သူဠေးသားရုပ်လေးဖြစ်ပါရက်၊ မင်းသားမဖြစ်ခင် ခုလို ချို့ချို့တဲ့တဲ့လေးဆိုတော့ သနားထှာ။ အာ့ကြောင့် ခုလို သူအောင်မြင်လာတာ ကိုယ်က ဘာရယ်မဟုတ် ဝမ်းသာနေတယ်။)

A scene from "Coin Locker Girl" movie

Source: http://www.kdramastars.com/articles/114051/20160302/park-bo-gum-reveals-his-past-financial-woes.htm

၄။ သူဟာ ခုထက်ထိ အများသုံး ရထားစီးတုန်းပဲ


မင်းသားချော Park Bo Gum ဟာ ခုချိန်မှာ အောင်မြင်တဲ့ သရုပ်ဆောင်တစ်ယောက်ဖြစ်နေသော်လည်း သူဟာ ခုထက်ထိ အများသုံး ပို့ဆောင်ရေးစနစ် (အများသုံး ရထား၊ ဘတ်စ်ကား) နဲ့သာ သွားလာနေတုန်းပါပဲ။ Moonlight Drawn by Cloud နဲ့ Music Bank ရိုက်ကူးနေတဲ့အပြင် တခြား Schedule တွေအများကြီး ရှိနေပေမဲ့ ဘိုဂမ်းဟား ခုထက်ထို အများသုံး ရထားကိုစီးကာ သူ့အတန်းတွေနဲ့ သူ့ အေဂျင်စီကို သွားလာနေတုန်းပါပဲ။ အရင်က လုပ်ခဲ့တဲ့ အင်တာဗျူးတစ်ခုမှာ သူ့ ကိုယ်ပိုင်ဘဝအကြောင်းကို အများကိုထုတ်ပြောရတာ မကောင်းပေမဲ့၊ အများသုံးရထားစီးတာကိုတော့ ဘယ်တော့မှ ရပ်မှာမဟုတ်ပါဘူးတဲ့။

သူ့လို နာမည်တက်နေတဲ့ မင်းသားတစ်ယောက်ကို အများသုံး ရထားပေါ်မှာသာ တွေ့ရင် ပရိတ်သတ်တွေအုံတာ ခံရမှာမို့ သူ့ လုံခြုံရေးအတွက် စိုးရိမ်စရာပါပဲ။ ပုံမှန်အားဖြင့် နာမည်ရ ဆယ်လီတွေဟာ အများသုံးပို့ဆောင်ရေးကို မစီးကြတော့ပဲ ကုမ္ဗဏီက စီစဉ်ပေးတဲ့ ကားနဲ့ပဲ သွားလာကြတာများပါတယ်။

သူ့ကိုနောက်ပိုင်း ရထားစီးထားရပ်လိုက်မှာလားလို့ မေးတဲ့အခါမှာ Park Bo Gum က “ဘာလို့လဲ? ရထားနဲ့သွားရတာ မြန်ပြီး အချိန်မှန်တယ်။ တစ်ယောက်ယောက်နဲ့ ချိန်းထားရင် ရထားစီးသွားတာ အကောင်းဆုံးပဲ။ ဝမ် ၁၃၀၀ ပဲပေး။ ဆိုလ်းတစ်မြို့လုံး ကြိုက်တဲ့နေရာသွားလို့ရတယ်” လို့ ရိုးရိုးလေးပဲ ပြန်ဖြေသွားတယ်။

http://www.koreaboo.com/news/korean-actor-park-bo-gum-reveals-the-one-thing-he-will-never-stop-doing-in-his-lifetime/

၅။ Bo Gum နာမည်ကြီးလာတဲ့ နှုန်းက တခြားမင်းသားတွေထက် မြန်တယ်

A scene from "Reply 1988" as genius baduk player

လွန်ခဲ့တဲ့ ၄နှစ်ကမှ Bridal Mask မှာ အဓိက ဇာတ်ပို့တောင်မဟုတ်ဘူး ရဲသားလေးတစ်ယောက်အနေနဲ့ ပါခဲ့တဲ့ (ဘယ်သူမှတောင် သတိထားမိခဲ့မှာမဟုတ်တဲ့) Park Bo Gum ဟာ ခုဆိုရင် နှုတ်ခမ်းနီမလေးတွေ အသည်းစွဲဖြစ်နေပြီလေ။
သူပထမဆုံး Debut ဖြစ်ခဲ့တဲ့ ရုပ်ရှင်ဟာ လွန်ခဲ့တဲ့ ၅နှစ်က မင်းသမီး Kim Ha Neul ပါတဲ့ Blind ဆိုတဲ့ ကားဖြစ်တယ်။ ၂၀၁၅ မှာ သူဟာ Reply 1988 နဲ့ ခေါင်းဆောင်မင်းသားအဖြစ် ပါဝင်ခွင့်ရနေပြီလေ။ တချို့မင်းသားတွေဆို ဒုတိယမင်းသားကနေ တက်မလာတာတွေ။ ပထမ မင်းသားဖြစ်ပြီးမှ နောက်တစ်ကားမှာ ဒုတိယမင်းသားအဖြစ် ပြန်ကျသွားတာတွေ။ နောက်ပိုင်း ပေါ်မလာတော့တာတွေတောင် ရှိတယ်။ သူက တက်သွားတာ ဒိန်းဒိန်းဒိန်းကနဲပဲ။

A scene from "Tomorrow Cantabile" as talented Musician

A scene from "Hello, Monster" as Psychopath Killer and Lawyer and younger brother (This drama is where I found his talent and make me crazy about him)

At His Fan meeting... He was overwhelmed by the response of the fans.

Monday, September 19, 2016

W - Two Worlds Review

ဇာတ်ကားအမည် - "W – Two Worlds"
Genre - Romance, Melodrama,Suspense,Fantasy
Written by - Song Jae-jung (ko)
Directed by - Jung Dae-yoon
Starring
Lee Jong-suk
Han Hyo-joo
Country of origin - South Korea
Original language - Korean
No. of episodes - 16
Distributor - MBC
Original release - July 20 – September 14, 2016
My Rating: 4/5



ဇာတ်လမ်းအကျဉ်း

ကိုရီးယားမှာ အရောင်းရဆုံး ကာတွန်းစာအုပ် “W” ကို ရေးဆွဲနေတဲ့ စာရေးဆရာ Oh Sung-Moo ဟာ W နောက်ဆုံးအပိုင်းကို ရေးဆွဲနေရင်း ထူးခြားစွာ ပျောက်ဆုံးသွားတယ်။ သူ့ရဲ့ သမီးဖြစ်သူ နှလုံးခွဲစိတ်ကုဆရာဝန်မလေး Oh Yeon Joo ဟာ သူ့အဖေပျောက်ကို ရှာဖို့ အခန်းထဲမှာ ရပ်နေစဉ် သူ့အဖေ ကာတွန်းရေးဆွဲနေတဲ့ ကွန်ပြူတာ screen ထဲကနေ သွေးစွန်းနေတဲ့ လက်တဖက်က လှမ်းဆွဲတာကို ခံရပြီးနောက်မှာ သူမဟာ အဆောက်အဦးတစ်ခုရဲ့ ခေါင်မိုးပေါ်ကို မယုံကြည်နိုင်ဖွယ်ရောက်ရှိနေခဲ့တယ်။ သူမ ပတ်ဝန်းကျင်ကို သတိပြုလိုက်မိတဲ့အချိန်မှာတော့ သွေးအိုင်ထဲ လဲကျ သေလုမြောပါး လူငယ်တစ်ယောက်ကိုတွေ့လို့ ကယ်တင်လိုက်တယ်။ သူကယ်တင်လိုက်တဲ့သူဟာ တကယ်တော့ “W” ကာတွန်းရဲ့ အဓိကဇာတ်ဆောင် Kang Chul ဆိုတာကို နောက်မှ သိရှိခဲ့တယ်။ ဒီလိုနဲ့ တကယ့်အပြင်ကမ္ဘာနဲ့ ကာတွန်းကမ္ဘာကြားမှာ ထူးခြားတဲ့ဖြစ်ရပ်တွေနဲ့အတူ Oh Yeon Joo တစ်ယောက် စတင် ကြားညပ်မိတော့တယ်။ သူမရဲ့ ပျောက်ဆုံးသွားတဲ့ အဖေအကြောင်း၊ ကာတွန်းကမ္ဘာက ခေါင်းဆောင်မင်းသားလေး Kang Chul နဲ့ တကယ့်ကမ္ဘာက ဆရာဝန်မလေး Oh Yeon Joo တို့ကြားက ချစ်ဇာတ်လမ်းနဲ့ ကာတွန်းကမ္ဘာက သူ့အဖေဖန်တီးခဲ့တဲ့ လူဆိုးဇာတ်ကောင်တွေကြား ဘယ်လို သည်းထိတ်ရင်ဖို ဆက်မလဲဆိုတာတော့ အပိုင်း ၁၆ ပိုင်းလုံး ထိုင်ကြည့်ပြီး ခံစားချက် ရိုလာကိုစတာကို မိမိဘာသာ စီးကြည့်လိုက်ပါလို့…

ဝေဖန်ရေး

Spoiler မပါတဲ့ ဝေဖန်ရေးအပိုင်းနဲ့ ကြည့်ပြီးသူတွေအတွက် ကိုယ့်လို မတင်မကျဖြစ်တာလေးတွေ၊ ဆွေးနွေးချင်တာလေးတွေ ပြောလို့ရအောင် Spoiler ပါတဲ့ ဝေဖန်ရေး အပိုင်း ၂ပိုင်းခွဲရေးရမယ်ထင်တယ်။ ဒါပေမဲ့ Spoiler ပါတဲ့ ဝေဖန်ရေးမှာတော့ ပိုများလိမ့်မယ်။

Spoiler မပါတဲ့ ဝေဖန်ရေးအပိုင်းမှာတော့ ...

ဇာတ်လမ်းရဲ့ အခြေခံဖြစ်တဲ့ Webtoon ကမ္ဘာနဲ့ တကယ့်ကမ္ဘာဆိုတဲ့ Parallel Universe သဘောမျိုးကိုဆောင်တဲ့ concept ကို ပထမဆုံး ရိုက်ပြတဲ့ ကိုရီးယားဇာတ်လမ်းတွဲဖြစ်လို့ ဒီလို အိုင်ဒီယာကို ဖန်တီးတဲ့ စာရေးဆရာနဲ့တကွ ကိုရီးယား ထုတ်လုပ်ရေးအဖွဲ့သားတွေအားလုံးကို အမှတ်ပေးကိုပေးရမယ်လို့ ထင်တယ်။ ဒီဇာတ်လမ်းတစ်ပုဒ်လုံးမှာ ကြည့်ရှုသူ ပရိတ်သတ်တွေက ရှေ့ဘာဆက်ဖြစ်မယ် မှန်းလို့မရတာကိုးက ဒီဇာတ်လမ်းဟာ တစ်ခြားဇာတ်လမ်းတွေနဲ့ မတူတဲ့ အားသာချက်တစ်ခုဆိုတာတော့ လက်ခံသင့်တယ်ထင်တယ်။

နောက်ပြီး စာရေးဆရာတင်မကဘူး ဒါရိုက်တာရဲ့ ပုံဖော်မှု ကားထဲမှာသုံးထားတဲ့ setting တွေ၊ သေချာကြည့်ရင် ကာတွန်းကမ္ဘာနဲ့ တကယ့်ကမ္ဘာရဲ့ ကာလာအယူအဆ တွေကအစ မတူအောင်လုပ်ထားပေးတယ်။ Kang Chul ပထမဆုံး တကယ်ကမ္ဘာကို ထွက်လာတဲ့အခန်းမှာဆို လူတွေအားလုံးရပ်တန့်နေတာ ဆပ်ပြာပူဖောင်းလေးတွေ စားလက်စ မုန့်တွေ၊ ့ ပေါ်လာတဲ့ Portal design ၊ ပြီးတော ကားတိုက်တဲ့အခန်းမှာ ပလက်ဖောင်းက အမျိုးသမီးရဲ့ မှောက်နေတဲ့ ကော်ဖီခွက်တန်းလန်းရပ်နေတာ၊ စသဖြင့် Computer Graphic တွေကို ဖြစ်သလိုမဟုတ်ပဲ သပ်သပ်ရပ်ရပ်သုံးပြသွားတာကိုလဲ တွေ့နိုင်တယ်။

Production Cost အပိုင်းမှာဆိုလဲ Kang Chul မောင်းတဲ့ ကားတွေ၊ နေတဲ့ အိမ်တွေကို ခန်းခန်းနားနား သုံးပြသွားတယ်။ ဒါကတော့ ကိုရီးယားကားကောင်း တော်တော်များများ ခုနောက်ပိုင်းဆို အိမ်ပုံစံတွေကို တအားအသားပေးလုပ်လာကြတာ သတိထားမိပါတယ်။ အဲလိုတွေ အကုန်ကျခံ အပင်ပန်းခံလို့လဲ သူတို့ဇာတ်လမ်းတွေက တစ်အိမ်ထဲမှာ အပေါက်မျိုးစုံလှည့်ပတ်ရိုက်နေတဲ့ တချို့နိုင်ငံက ကားတွေထက် ကြည့်လို့ကောင်းနေတာပေါ့။ အဝတ်အစား ဒီဇိုင်းလေးတွေလဲ ကြည့်ကောင်းတယ်။ Kang Chul ဝတ်ထားတဲ့ ဂျင်းဝမ်းဆက်ကလေးလေ၊ အဖြူရောင်လေးလေနဲ့ ပြောစမတ်ကို တွင်ရောပဲ။ မင်းသမီးကို ဝယ်ပေးတဲ့ ဒေါ်လာ ၃၀၀၀ တန် ဂါဝန်လေးလဲ ကိုယ်က မျက်စိကျနေတာ။

မိတ်ကပ်ဆိုရင်လဲ ဒီကားမှာ မင်းသား လီဂျုံဆပ်ကို လိမ်းတဲ့ မိတ်ကပ်နဲ့ သူ့တခြားကားတွေနဲ့ မတူဘူး။ ဒီကားမှာ ကာတွန်းကာရိုက်တာနဲ့ တူအောင် ပိုပိုသာသာလေး လိမ်းထားတယ်လို့ မြင်တယ်။ ဒါပေမဲ့ ပရိတ်သတ်အများစုက သတိတောင် မထားမိဘူးလို့ ထင်တယ်။ မင်းသား လီဂျုံဆပ်က ကာတွန်းမင်းသားလေးအတိုင်းပဲ ချောလိုက်တာဆိုတာချည်းပဲ။ မင်းသားလဲ ချောတာပါသလို သူ့ကို သုံးထားတဲ့ မိတ်ကပ်အပြင်အဆင်နဲ့လဲ အများကြီးဆိုင်မယ်လို့ ကိုယ်ကတော့ ထင်တယ်။ သူ့အရင်ကား Pinnochio တို့၊ I hear Your voice တို့မှာ မျက်နှာက အခုကားမှာလို ကျောက်ဆင်းတုလောက်မှ smooth မဖြစ်တာ။ လူလို အသားအရည်ရှိသေးတယ်။ ကျောက်ဆင်းတုလိုဆိုပေမဲ့ မြန်မာပြည်က ဇာတ်မင်းသားတွေလို ရုပ်ပေါက်နေတယ်လို့ မဆိုလိုဘူးနော်။ သူတို့ရဲ့ မိတ်ကပ်အစွမ်းကိုလဲ တွေ့နိုင်တယ်။

ဇာတ်ဝင်တေးက တချို့ကားတွေလောက် မဗေဒါအတွက် သတိမထားမိပေမဲ့။ ဇာတ်ဝင်တေးတွေက ဖြစ်သလိုလုပ်ထားတာ မဟုတ်တာတော့ သေချာတယ်။ ကိုယ်လဲ ဇာတ်လမ်းထဲ မြောနေတော့ အရမ်းသတိမထားမိဘူး။ (Uncontrollably fond ထဲက အင်္ဂလိပ်သီချင်း ဇာတ်ဝင်တေးကိုတော့ သတိထားမိလို့ youtube မှာတောင် ရှာမိတယ်)

သရုပ်ဆောင်ပိုင်းမှာလဲ မင်းသား၊ မင်းသမီးကြားက လိုက်ဖက်မှု ဆက်စပ်မှုကို ပရိတ်သတ်က ခံစားရတယ်။ မင်းသမီး အဖေလုပ်တဲ့ သူကြီးကို မုန်းတဲ့သူတွေက မုန်းကြပေမဲ့ မဗေဒါကတော့ သူ့ဇာတ်ကောင်ကို နားလည်ပေးနိုင်လို့ သိပ်မမုန်းဘူး။ ဇာတ်လမ်းအရ ဟာကွက်လေးတွေ နည်းနည်းရှိလို့ သူ့ဇာတ်ကောင်ကလဲ ဖြစ်ချင်သလိုတွေ ဖြစ်နေရတာက တစ်ပိုင်းပေါ့။ အဲ့ဒိအကြောင်းကတော့ အောက်က Spoiler မှာ အကျယ်ပြောမယ်နော်။ မင်းသမီးဆေးရုံက သူ့အထက်အရာရှိ လူကြီးနဲ့ လက်ထောက် ကာတွန်းဆရာ Soo Bong ဆိုရင်လဲ တစ်ခါတစ်လေမှ ပေါ်လာပေမဲ့ သူတို့ ဇာတ်ကောင်နဲ့ သူတို့ လိုက်ဖက်တဲ့အတွက် ကြည့်ရှုသူတွေကို ရယ်ရွှင်စေခဲ့တယ်။

အဓိက ဇာတ်လမ်းပိုင်းမှာဆိုရင်လဲ အစပိုင်းမှာ သုံးသွားတဲ့ concept တွေဖြစ်တဲ့ အဓိကဇာတ်ဆောင်ရဲ့ စိတ်လှုပ်ရှားမှုပေါ်မူတည်ပြီး to be continue ပေါ်လာတာတို့ ဘာတို့ဆို မဗေဒါတို့လို ဇာတ်လမ်းတွဲကြည့်နေကျ ကြိုက်တဲ့ သူတွေအတွက် စိတ်ထဲ တခစ်ခစ်နဲ့ နားလည်နေမိခဲ့ကြတာပဲမဟုတ်လား။ တခြား ဒရမ်မာတွေမှာ မင်းသား၊ မင်းသမီး နမ်းလိုက်တဲ့အခန်းဆို တန်းလန်းထားပြီး နောက်တစ်ပတ်ထပ်စောင့်ရတာမျိုးတွေ လုပ်နေကျလေ။ အဲ့လို သဘောတရာကို မင်းသမီး ကမ္ဘာ ၂ခုကြား ကူးချင်ရင် သုံးသလိုမျိုး သုံးပြထားတာ ကိုယ့်အတွက်တော့ သဘောကျ ပြုံးမိတယ်။

ဇာတ်လမ်းကတော့ အစပိုင်းတအားသွက်ပြီးအပိုင်း ၁၀လောက်ကစပြီး ရှုပ်သထက်ရှုပ် စတန့်ထွင်ပြီး ကမ္ဘာ ၂ခုကြားက စည်းမျဉ်းတွေ က ဖြစ်ချင်သလိုဖြစ်လာလို့ တချို့ ပရိတ်သတ်တွေလဲ စိတ်ပျက်လာကြတာရှိတယ်။ ဇာတ်သိမ်းပိုင်းကို အတော်များများကသိပ်စိတ်တိုင်းမကျကြပေမဲ့ မဗေဒါကတော့လုံးဝ လက်မခံနိုင်စရာမကောင်းလောက်အောင် မဖြစ်ဘူး။
တချို့ဖြေရှင်းသင့်တဲ့ အကြောင်းအရာလေးတွေကို လစ်လျူရှုပြီး မြန်မြန်ဇာတ်သိမ်းလိုက်တယ်ဆိုတာတော့ လက်ခံတယ်။
တကားလုံးခြုံကြည့်မယ်ဆိုရင်တော့ ဇာတ်အိမ်ခိုင်ခိုင်လုံလုံမရှိ မင်းသမီး မင်းသား သရုပ်ဆောင်မကောင်းတာတွေနဲ့ စာရင် W – Two Worlds က အချိန်ပေးကြည့်ရတာ တန်တဲ့ ကားတစ်ကားလို့ သတ်မှတ်တယ်။



Review with Spoiler for those who has watched the drama!!

W မှာ မဗေဒါရဲ့ Page က ဝါသနာတူ တော်တော်များများကတော့ Kang Chul ကမ္ဘာ ၂ခုကို သွားချင်တိုင်းသွားလို့ရနေတာကို စပြီးစိတ်ပျက်ကြတယ်ဆိုတာ သိရတယ်။ မဗေဒါကတော့ အဲ့ဒါကို အဲ့လောက်စိတ်မပျက်ဘူး။ အစကတည်းက ဒီကာတွန်းအသက်ဝင်လာတယ်ဆိုတာ Kang Chul ရဲ့ ပျင်းပြတဲ့ စိတ်စွမ်းအားကြောင့် အပြင်ကမ္ဘာက လူတွေကို သူဆွဲခေါ်ချင်းတိုင်းခေါ်လို့ရနေလို့ ဒီဇာတ်လမ်းက စခဲ့တာဆိုတော့ နောက်ပိုင်းမှာကမ္ဘာ ၂ခုကြားသွားလို့ရတဲ့ နည်းကို သူချုပ်ကိုင်နိုင်သွားတာကို အလွန်အမင်း ရုပ်တိမရှိလှဘူးလို့ မထင်မိဘူး။ကိုယ်စိတ်ပျက်မိတဲ့ အခန်းက သူ့အဖေကြီးမျက်နှာကို လူဆိုးက ယူသွားပြီး သူ့အဖေကြီးကို ချုပ်ကိုင်ချင်တိုင်း ချုပ်ကိုင်တာကို စိတ်တိုင်းမကျလှဘူး။ သူက ဇာတ်လမ်းရဲ့ခေါင်းဆောင်လဲမဟုတ်။ ဖန်တီးသူနဲ့ ရုပ်တူတာနဲ့ပဲ ဖန်တီးသူနဲ့သူက တစ်ယောက်တည်းဖြစ်ရောလား။

ပြီးတော့ Kang Chul က ကာတွန်းကမ္ဘာမှန်းသိသွားလို့ သူ့ကမ္ဘာကြီးရပ်သွားတယ်ဆိုရင် ဘာကိစ္စ မျက်နှာမရှိသေးတဲ့ လူဆိုးကျ မရပ်ပဲ လူ့ပြည်ကို ဘယ် Portal ပေါက်ကနေ လိုက်လာရတာတုန်း? ရှင်းပြတာကိုယ်ပဲ မတွေ့မိလိုက်တာများလား။ အလင်းပြကြပါအုံး။

ပြီးတော့ ကိုယ်ပထမနားလည်ထားတာက ဒီ တက်ပလက်မှာ ဆွဲချင်တဲ့သူဆွဲတိုင်း သက်ရောက်မှုရှိတာ မဟုတ်ဘူး။ မင်းသမီးအဖေက ဖန်တီးသူမို့ သက်ရောက်မှုရှိတာ။ မင်းသမီးကလဲ Kang Chul ဇာတ်ကောင်ကို သူငယ်ငယ်ကတည်းက ဖန်တီးခဲ့တဲ့ မူရင်းဖန်တီးသူမို့ သက်ရောက်မှုရှိတာ။ အဲ့တာကို နောက်ပိုင်းကျတော့ ဆွဲချင်တဲ့သူဆွဲ သက်ရောက်မှုရှိနေတာက စာရေးဆရာမ သူကိုယ်တိုင် ချထားတဲ့ စည်းမျဉ်းကိုပဲ နားမလည်တော့တာလား။ ဥပမာ နောက်ဆုံးထိပါတဲ့ ဟိုလူဆိုးကြီးဆွဲတော့လဲ အလုပ်ဖြစ်နေတယ်။ အဲ့လိုသာ အလုပ်ဖြစ်နေရင် တက်ပလက်ကို လူ့ပြည်မှာပဲ ထားခဲ့ပြီး Soo Bong ကိုပဲ လိုတာ ထိုင်ဆွဲခိုင်းနေတာ ပိုတောင် စိတ်ချရသေးတယ်။

နောက်ပြီး ပထမ Kang Chul နဲ့ အိပ်မက်ဖြစ်ပြီး နိုးလားတဲ့ ဒုတိယ Kang Chul မှာ ပထမ Kang Chul က မင်းသမီးကို တကယ်ချစ်ခဲ့တယ်လို့ ခံစားရပြီး ဒုတိယ Kang Chul က စာအုပ်ထဲဖတ်ရလို့ လက်ခံလိုက်တယ်။ သူ့မှ လက်မခံရင်လဲ တခြား အားကိုးစရာလူမှမရှိတာလေ။ဒီတော့ ဒုတိယ Kang Chul က မင်းသမီးကို တကယ်ချစ်တာမဟုတ်ပဲ အခြေအနေအရ ဝတ်ကျေတန်းကျေ ချစ်သွားရသလိုပဲ။ ဒီလောက် Rule တွေနဲ့ ကစားနေပြီးမှတော့ စာရေးဆရာမ အနေနဲ့ Kang Chul ကို အတိတ်ပြန်သတိရတယ်ဆိုပြီး လုပ်ပေးလိုက်အေးရော။

နောက်ပြီး ဒီကာတွန်းကမ္ဘာကြီးကရော ဆက်လက်တည်ရှိနေသေးလား။ ခေါင်းဆောင်ဇာတ်ကောင်တစ်ယောက်လုံးမရှိတော့ဘူးဆိုရင် အဲ့ဒိ ကမ္ဘာကြီးရဲ့ ဖြစ်တည်မှုကလဲ ရည်ရွယ်ချက်မှ မရှိတော့တာ။

နောက်ပြီး လူ့ပြည်မှာ ထုတ်လုပ်တဲ့စာအုပ်က ဘာအတွက် Kang Chul သေတဲ့နေရာမှာ ဆုံးရတာလဲ? အဆုံးသတ်ကို ဇနိုးဇနောင့်နဲ့ မကျေ နပ် ဖြစ်ကြတဲ့ ပရိတ်သတ်ချင်းယှဉ်ရင်တောင် ဒရမ်မာထဲက ကာတွန်းစာအုပ် ပရိတ်သတ်တွေက ကိုယ်တွေလို အပြင်ဒရမ်မာပရိတ်သတ်တွေထက် ပိုပြီး မကျေမနပ်ဖြစ်သင့်တယ်ထင်ပါတယ်။ ကိုယ်တွေက သူတို့ဇာတ်သိမ်းကြီးထက်စာရင်တော်သေးတယ်။

အရှေ့က ဟာကွက်လေးတွေကို ခဏမေ့ထားပေးလိုက်ပြီး ဇာတ်သိမ်းကိုပဲ ကြည့်ပြောရမယ်ဆိုရင်တော့ သူ့ အဖေကြီးအဆုံးမှာ အနစ်နာခံသွားပြီး သူဖန်တီးထားတဲ့ ကမ္ဘာထဲမှာပဲ ပျောက်ဆုံးသွားတာကို ကိုယ်ကတော့ လက်ခံပေးလို့ရပါတယ်။ သူပေးချင်တဲ့ အချက်ကို ဇာတ်လမ်းထဲမှာ ထပ်ကာတလဲလဲ ပြောခဲ့တယ်လေ။ မင်းသားအတွက် happy Ending က သူ့အတွက် Sad Ending ဖြစ်တယ်ဆိုတဲ့ အချက်ကြီးလေ။ (အစကတည်းက အဖိုးကြီးနဲ့ လူသတ်သမားက တစ်ယောက်တည်းလုပ်ပစ်လိုက်တာကို ကိုယ်စိတ်တိုင်းမကျတာက ထားလိုက်အုံး)

ကိုယ့်အနေနဲ့ကတော့ ဒီဇာတ်လမ်းဟာ အစကတည်းက စာရေးဆရာအလိုကျ Fixed rule မရှိပဲ ပရိတ်သတ်ကို ခံစားချက် ရဟတ်ယဉ်ပေါ် စတင်ခဲ့ကတည်းက သူဖန်တီးသမျှ ကြည့်ပြီး လက်ခံရမဲ့ ပုံဖြစ်နေတယ်။ အဲ... သူ့ဟာသူ Rule တွေ ဖန်တီးပြီး ရှေ့ နောက်မညီတာကိုတော့ အပစ်ပြောချင်တာပေါ့နော်။ ပြောရမယ်ဆိုရင်တော့ သူ့ဟာသူ ချချင်တဲ့ Rule တွေချပြီး ၁၆ပိုင်းနဲ့ အဆုံးမှာ အားလုံးကို ပြန်ရှင်းဖို့ အချိန်မမှီဖြစ်ကုန်တယ်ထင်တာပဲ။

ဒါပေမဲ့ တစ်ခုတော့ ကျေးဇူးတင်မိတာက ကာတွန်း Kang Chul လူ့ပြည်ရောက်လာတာ မဟုတ်ပဲ။ သူနဲ့ရုပ်ချင်းဆင်တဲ့ လူ့ပြည်က နောက်တစ်ယောက်ကို တွေ့ပြီး ဇွတ်အတင်းပေးစားတာမျိုး မလုပ်လိုက်တာပဲ ကျေနပ်မိသေးတယ်။

အပေါ်က စိတ်ထဲ မကျေနပ်တာလေးတွေရေးခဲ့လို့ W ကို ဇာတ်ကား တစ်ခုလုံး အနေနဲ့ စိတ်တိုင်းမကျဘူးလို့တော့ မဆိုလိုဘူး။ Without spoiler review အောက်မှာရေးခဲ့သလိုပဲ ဒီကားဟာ ပေါ့တန်တန်ရိုက်ထားခဲ့တာ မဟုတ်ပဲ Ending Story အပြင် တခြားထည့်စဉ်းစားသင့်တဲ့ အချက်လေးတွေ ကြောင့် ကောင်းတဲ့ ဇာတ်လမ်းတွဲလို့တော့ သတ်မှတ်ပါတယ်။ အထူးသဖြင့် အဆုံးမှာ သူပေးချင်တဲ့ အချက်ဖြစ်တဲ့ တကယ့်အေးချမ်းတဲ့ ချစ်သူဘဝဆိုတာ တကယ်တော့ သာမာန်လူတွေရဲ့ ချစ်သူဘဝပဲ ဖြစ်တယ်။ သူရဲကောင်းတွေ ခေါင်းဆောင်ဇာတ်ကောင်တွေ ဖြစ်ဖို့ဆိုတာ လူဆိုးတွေ ရှိနေမှဖြစ်တဲ့အတွက် ဘယ်လိုမှ အေးချမ်းမှာ မဟုတ်ဘူးလေ။

တကယ်လို့ W ရဲ့ အဆုံးသတ်ကို စိတ်တိုင်းမကျတဲ့ သူတွေရှိရင် ပိုကျေနပ်စရာကောင်းတဲ့အဆုံးသတ်မျိုးကို မိမိဖာသာ စဉ်းစားမိတဲ့သူရှိလား။ ဘယ်လိုလေးဆို ထောင့်စေ့ပြီး ပိုကျေနပ်စရာကောင်းမဲ့ အဆုံးသတ်မျိုး ဖြစ်မယ်ထင်လဲ?

ဒါနဲ့ Kang Chul တစ်ယောက် လူ့ပြည်မှာ ဘာစတေးနဲ့နေပြီး ဘာလုပ်စားမလဲ မသိဘူးနော်။ ခိခိ.... ဒါပဲကွယ်
(အိမ်က လက်ပတော့နဲ့ စာရိုက်ရတာ အဆင်မပြေပေမဲ့ စောင့်နေကြတဲ့ သူတွေအတွက် အတတ်နိုင်ဆုံး ကိုယ်မှတ်မိသလောက်လေး ရေး ပေးလိုက်တယ်နော်)...


Friday, August 19, 2016

Did you know that you can shop Duty Free in Changi Airport online?

ဒီတစ်ခါရေးပေးချင်တာလေးကတော့ စင်္ကပူလေဆိပ်က Duty Free ဆိုင်တွေမှာ အပြင်ထက်စျေးသက်သာလို့ ရှော့ပင်းလဲ ထွက်ချင်တယ်။ လေဆိပ်လဲ အစောကြီးသွားဖို့ အချိန်မရှိဖြစ်နေတာမျိုးတို့။ အိမ်ပြန်လက်ဆောင် ၀ယ်ဖို့ အချိန်ကမရှိ လေဆိပ်မှာ ၀င်ဝယ်ဖို့လဲ အချိန်မလောက်ဖြစ်နေတာမျိုးတို့၊ Duty Free ဆိုင်တွေမှာ ရှော့ပင်းထွက်လွန်ပြီး အင်မီဂရေးရှင်းဖြတ်ပြီးမှ လေယာဉ်လွတ်သွားတဲ့ သူငယ်ချင်းတွေလိုမျိုး မဖြစ်ရလေအောင်...

Singapore Changi Airport duty free ဆိုင်တွေကို အွန်လိုင်းကနေ ကြိုဝယ်ထားလို့ရပြီး ကိုယ်လေဆိပ်ရောက်မှ collection counter မှာ သွားယူလိုက်လို့ရတယ်ဆိုတာ သင်သိပါသလား?
Duty Free online shopping website လေးကတော့
http://www.ishopchangi.com/ ဖြစ်ပါတယ်။

အောက်က ပုံလေးတွေမှာ တစ်ပုံချင်းရှင်းပြထားတယ်နော်။

သတိပြုရမှာက ကိုယ်မသွားခင် ၁၄ရက်ကနေ ၁၈နာရီ မတိုင်ခင်အတွင်းမှာပဲ ၀ယ်လို့ရတယ်။
လေယာဉ်မထွက်ခင် ကပ်ပြီးမှ ၀ယ်လို့မရဘူး။ ဘာလို့လဲဆိုတော့ သူတို့ဘက်ကလဲ Processing time ရှိသေးတယ်လေ။

ကြိုက်ရာ ရွေးပြီး shopping cart ထဲ ထည့်၊ check out လုပ်ဖို့ Checkout Now ကိုနှိပ်...

နောက်တစ် page မှာ log in ၀င်ခိုင်းတယ်။ အကောင့်မရှိရင် Create Account ကို နှိပ်ပြီး ကိုယ့်အီးမေလ်းနဲ့ အကောင့်ဖွင့်။ အကောင့်ဖွင့်တာ လွယ်ပါတယ်။

အကောင့်ဖွင့်ပြီးရင် log in ၀င် check out လုပ်ရင် ဒီပေချ့်မှာ ကိုယ့်ရဲ့ Details တွေ ဖြည့်ခိုင်းတာတွေ ပတ်စပိုစ့်ထဲက အတိုင်းအမှန်ဖြည့်။

Details ဖြည့်ခိုင်းတာရဲ့အောက်မှာ တစ်ခါတည်း ကိုယ်ထွက်ခွာဆို ထွက်ခွာ။ ဆိုက်ရောက်ဆို ဆိုက်ရောက် လေယာဉ် နံပါတ်ထည့်။ နေ့စွဲထည့်။

အောက်က Terms and conditions ကို tick လုပ်ပြီးရင် အောက်ဆုံးက (ဒီပုံထဲမှာ မပါ) button ကိုနှိပ်လိုက်ရင် နောက်တစ်ပေချ့်မှာ ပိုက်ဆံပေးပြီးရင် ရဘီ။

ကိုယ်ပြန်တဲ့နေ့မှာ အင်မီဂရေးရှင်းဖြတ်ပြီးရင် အတွင်းထဲက Collection counter မှာ ပတ်စပိုစ့်ပြပြီး သွား ယူရုံပဲ။

Tuesday, July 26, 2016

Staying at Hotels VS Airbnb Apartment Pros and Cons


Airbnb ဆိုတာ ဘာလဲ သိပြီးတဲ့သူတွေကတော့ ဒီပထမဆုံးအပိုဒ်လေးကို ကျော်ဖတ်လို့ရပါတယ်။ မသိသေးတဲ့လူတွေကို တစ်ခါတည်းသိသွားအောင် ဒီအခွင့်အရေးကိုယူပြီးရှင်းပြ ပါရစေ။ ကျွန်မတို့ခရီးသွားတွေ အများစုက အရင်ကဆိုရင် ခရီးသွားတိုင်း ဟော်တယ်မှာပဲ တည်းဖြစ်တာများပါတယ်။ ခုနောက်ပိုင်းတော့ www.airbnb.com ဆိုတဲ့ အင်တာနက်စာမျက်နှာကနေ အဲ့ဒိသွားမဲ့နေရာက အိမ်ပိုင်ရှင်တွေရဲ့ အိမ်ခန်းတွေကို ရက်တွက်နဲ့ ငှားပြီး တည်းလို့ရပါတယ်။ တစ်အိမ်လုံးငှားတာတွေရှိသလို အခန်းပဲ ငှားတာတွေလဲရှိပါတယ်။ တည်းခိုချင်တဲ့သူပဲဖြစ်ဖြစ်၊ ကိုယ့်အိမ်ခန်း ရက်ပိုင်းနဲ့ ငှားချင်သူတွေပဲ ဖြစ်ဖြစ်က အဲ့ဒိ အင်တာနက်စာမျက်နှာမှာ အကောင့်ဖွင့်ရပါတယ်။ မိမိဓာတ်ပုံ အမှန်လဲ တင်ရပါတယ်။ ဒါမှ တည်းခိုမဲ့သူနဲ့ အိမ်ခန်းပိုင်ရှင်က တစ်ဦးနဲတစ်ဦး ဘယ်လိုပုံလဲ သိမှာပါ။ လူပုံမတင်ပဲ တခြားပုံတွေတင်ထားရင် မဗေဒါဆိုရင်တော့ မငှားပါဘူး။ ကိုယ်နဲ့ဆက်ဆံရမဲ့သူ ဘယ်လို ဥပတိရုပ်ရှိလဲဆိုတာလဲ အနည်းနဲ့ အများအကဲခတ်လို့ရတာပေါ့နော်။ ကဲ… ဒီလောက်ဆို airbnb apartment ငှားတယ်ဆိုတာ ဘာလဲ သဘောပေါက်လောက်ပြီဆိုတော့ ဟော်တယ်မှာနေတာနဲ့ Airbnb ကနေ အိမ်ခန်းငှားနေတာ ဘာတွေကောင်းတယ်ဆိုးတယ် ကိုယ်ပိုင်အတွေ့အကြုံအရ ပြောပြမယ်နော်။

၁။ ရောက်ရောက်ချင်းနေ့ ဆက်သွယ်ရခက်ခဲခြင်း

ဟော်တယ်ဆိုရင် အဲ့ဒိကိုအရောက်သွားနိုင်တာနဲ့ Reception ရှိနေတယ်လေ။
Airbnb apartment တွေကျတော့ အိမ်ရှင်က အဲ့ဒိ ငှားစားတဲ့အိမ်နားမှာနေတာမဟုတ်ဘူးဆိုရင် သူ့ကို ဆက်သွယ်ဖို့ အခက်ခဲရှိတယ်။ ကိုယ်က တိုင်းတပါးကို ခုမှ စစချင်းရောက်တာ။ ဖုန်းကဒ်က လွယ်လွယ်ကူကူဝယ်လို့မရတဲ့ တိုင်းပြည်ဆိုရင် သူ့ကိုဆက်သွယ်ဖို့က အတော်လေး ကသိကအောက်ဖြစ်ရတယ်။

ဥပမာ။ မဗေဒါတို့ ဂရိကိုစစရောက်ချင်းနေ့က လေဆိပ်မှာ ဖုန်းကဒ်ဝယ်ဖို့လုပ်ပေမဲ့ ရောင်းတဲ့နေရာမရှိဘူး။ လိုကယ်တွေကိုပဲရောင်းတာ နိုင်ငံခြားသားတွေကို မြို့ထဲက ဖုန်းဆိုင်တွေမှာပဲ ဝယ်လို့ရမယ်တဲ့။ ဒီလိုနဲ့ ကိုယ်တည်းမဲ့ အိမ်ရှေ့ရောက်တာတောင် ဖုန်းမရှိလို အိမ်ရှင်ကိုဆက်သွယ်လို့မရ။ အထုတ်အပိုးတွေနဲ့မို့ ဖုန်းကဒ်ဆိုင်ကို ၂ယောက်လုံးတူတူသွားရှာဖို့ကလဲ ပင်ပန်း။ ဒီလိုနဲ့ Mr.Right ပဲ သွားရှာ ကိုယ်က အထုတ်တွေနဲ့ လမ်းပေါ်တစ်ယောက်တည်းကျန်ခဲ့။ ဂရိဆိုတာကလဲ နိုင်ငံခြားသားတွေကို ခါးပိုက်နှိုက်လုယက်တာမျိုးတွေ ကြားထားတော့ အရမ်းသတိနဲ့နေနေရတာပေါ့။
မလေးရှားသွားတုန်းကကျတော့ အိမ်ရှင်က ရှေ့တစ်ရက်ကတည်းက မတ်စေ့ပို့ထားတယ်။ သူ့အိမ်နံပါတ်က ဘယ်လောက်ပေါ့။ ရောက်ရင် အစောင့်ဂိတ်ကနေ အိမ်နံပါတ်ပြောပြီး သော့တောင်းလိုက်ပါဆိုတော့ နည်းနည်းအဆင်ပြေသေးတယ်။ တစ်အိမ်နဲ့တစ်အိမ်တော့ အဲ့လိုကွာတာပေါ့။


၂။ Checking in - Checking out

ဟော်တယ်မှာက များသောအားဖြင့် ၂၄ နာရီ Reception Service ရှိတော့ Check-in အချိန်မဟုတ်သေးပဲ စောရောက်ရင်တောင် အိတ်တွေအပ်ခဲ့ပြီး ကိုယ်သွားချင်တဲ့နေရာ လျှောက်သွားလို့ရပါပြီ။

Airbnb apartment တွေကျတော့ သူတို့ ချက်အင်အချိန် ညနေ ၂နာရီမတိုင်ခင်စောရောက်နေလို့ကတော့ အိမ်ရှင်နဲ့ မတွေ့မချင်း အိတ်တွေတန်းလန်းနဲ့ လမ်းပေါ်စောင့်ပေတော့ပဲ။ အထုတ်အပိုးနည်းတဲ့ ရက်တိုခရီးဆိုရင် ကျောပိုးအိတ်နဲ့လျှောက်သွားနေလို့ရသေးပေမဲ့ အထုတ်များရင် ဘယ်မှသွားလို့မရပဲ အချိန်ကုန် လူပန်းပါပဲ။ မဗေဒါတို့ရဲ့ ပထမဆုံး Airbnb အတွေ့အကြုံဖြစ်တဲ့ Greece မှာတုန်းက ခရီးဝေးလို့ လူပင်ပန်းရတဲ့အထဲ ဒီလိုမျိုးတွေရှိပါလားလို့ ကြိုမသိခဲ့လို့ အတော်လေးအချိန်ပုတ် လူပန်းဖြစ်ရပါတယ်။

အဲ့ဒါမျိုးမဖြစ်အောင် ကာကွယ်ချင်ရင် ကိုယ်အခန်းမငှားခင်ကတည်းက အိမ်ရှင်ကို မတ်စေ့ပို့ပြီး Early Check in ကိုယ်ရောက်မဲ့အချိန်ကို ဝင်လို့ရမရ သေချာသဘောတူညီမှုရယူပါ။ Check out လဲ ဒီတိုင်းပဲ။ ကိုယ့်လေယာဉ်က ညမှထွက်မှာ သူတို့က ချက်အောက် ၁၂ နာရီဆိုရင် ကိုယ့်အထုတ်တွေနဲ့ ဘယ်သွားနေရမလဲ။ ဟော်တယ်ဆိုရင် အထုတ်တွေအပ်ခဲ့လို့ရသေးတယ်။

၃။ ပုံမှန် ဝန်ဆောင်မှုရရှိခြင်း ရှိမရှိ

ဟော်တယ်တွေမှာတည်းမယ်ဆိုရင် အနည်းနဲ့အများတော့ ဘယ်လိုဝန်ဆောင်မှုမျိုးရမယ်ဆိုတာကို ကိုယ်က သိနေပြီးသား။ အလည်လာတဲ့လူတစ်ယောက်အတွက် လိုအပ်မဲ့ ဝန်ဆောင်မှုမျိုးတွေအားလုံးနီးပါး ဟော်တယ်မှာ ရှိတယ်။
Airbnb လို homestay apartment တွေကျတော့ ကိုယ်ကထောင့်စေ့အောင် စဉ်းစားနိုင်ပြီး မငှားခင် မေးနိုင်မှတော်ကာကျတယ်။ ဒါတောင် စိတ်ထဲက တထင့်ထင့်စိုးရိမ်နေရတာမျိုးဖြစ်တတ်တယ်။ တစ်ခုနဲ့တစ်ခု ရရှိနိုင်တဲ့ ဝန်ဆောင်မှုက အိမ်ရှင်ပေါ်မူတည်ပြီး ဟော်တယ်ထက်ကောင်းသွားနိုင်သလို၊ လိုအပ်နေတာမျိုးတွေလဲ ဖြစ်နေနိုင်တယ်။

၄။ လွယ်ကူ သေချာတဲ့ ဘွတ်ကင်း ဖြစ်မဖြစ်

ဟော်တယ်တွေကို ဘွတ်ကင်းလုပ်တဲ့အခါမှာ အခန်းကျန်နေသမျှ ကိုယ်သေချာပေါက်ရရင် ရတယ်။ မရရင် မရဘူး ကွဲကွဲပြားပြားရှိတယ်။ ဟော်တယ်ဘွတ်ကင်းလုပ်ရတာ ပိုလွယ်ကူသလို နောက်ဆုံးအချိန်မှ ကောက်လုပ်လဲရတယ်။
Airbnb လို apartment ကျတော့ တစ်ခါတစ်လေမှာ အနီးကပ်မှ အိမ်ရှင်က မငှားတော့ပါဘူးဆိုပြီး ထဖြတ်လိုက်တာမျိုး ကြုံဖူးတဲ့သူရှိတယ်တဲ့။ ပြီးတော့ ဘွတ်ကင်လုပ်တဲ့အခါမှာ တခါတစ်လေ တိုက်ရိုက်ဘွတ်ကင်လိုက်ရတာမဟုတ်ပဲ။ Request to book ဆိုတဲ့ အဆင့်မှာ အိမ်ရှင်ကို လှမ်းခွင့်တောင်းရတာမျိုးအရင်လာတယ်။ သူတို့က လက်ခံမှ book လို့ရတာမျိုးတွေရှိတဲ့အတွက် ဟော်တယ်လို နောက်ဆုံးအချိန် ကောက်ဘွတ်လို့မရဘူး။

၅။ ဈေးနှုန်း (အခြား ကုန်ကျစားရိတ်)

ဟော်တယ်တွေကတော့ သူ့အတန်းအစားနဲ့သူ ဈေးအသီးသီးရှိတယ်။ နေရာအချက်အချာကျရင် ကျသလို ဈေးကြီးတာမျိုးရှိတယ်။

AirBnB ကျတော့ တစ်ခါတစ်လေ ဈေးအတော်ချိုတာမျိုးတွေရတတ်တယ်။ နေရာကောင်းကောင်းနဲ့ ဈေးချိုတာမျိုးတွေ ရနိုင်တယ်။ ပြီးတော့ တော်တော်များများမှာ မီးဖိုချောင်နဲ့ တစ်ခြားအသုံးအဆောင်ပစ္စည်းတွေပါတဲ့အတွက် ချက်ပြုတ်စားလို့ရတယ်။ အဲ့ဒိအတွက် အစားအသောက်ခ သက်သာစေသလို ကိုယ်နှစ်သက်တဲ့ အစားအစာလဲ စားနိုင်တယ်။ ဥပမာ။ မဗေဒါတို့ ဆန်တိုရိနီမှာဆို ဥရောပစာတွေ ဈေးကြီးပေးပြီး ကိုယ်မကြိုက်တော့ ကိုယ်စားချင်တာ ချက်စားပြီး ကျေနပ်မှုရတယ်။ (အချိန်တော့ ကုန်တာပေါ့နော်)။ နောက်ပြီး တစ်ချို့ Airbnb အိမ်ရှင်တွေက လာတောင် မကြည့်တဲ့အတွက် လူများများတည်းရင် ဈေးနှုန်း မျှဝေလိုက်တဲ့အတွက် သက်သာနိုင်တယ်။ (ဒါကတော့ သိပ်သေချာတဲ့အရာတော့ မဟုတ်ဘူးပေါ့)။ ဥပမာ မဗေဒါတို့ မလေးရှားက Cameron Highland က အိမ်ဆိုရင် ၈ယောက်အများဆုံးလို့ပြောပေမဲ့ တခြားဘေးက ငှားစားတဲ့အိမ်တွေမှာ သူငယ်ချင်း အုပ်စုလိုက် ၁၀ယောက်ထက်မနည်းလာတည်းနေတာတွေ့ခဲ့တယ်။
ရက်ရှည်နေမယ်ဆိုရင် Airbnb လို Apartment မျိုးက ပိုပြီး ဈေးသက်သာနိုင်တယ်။

၆။ လိုကယ်တွေရဲ့ နေမှုထိုင်မှုလို အနည်းငယ်ခံစားလို့ရ

ဟော်တယ်ကတော့ ဟော်တယ်လိုခံစားရမှာပေါ့နော်။

Airbnb လို Apartment ကျတော့ လိုကယ် ရပ်ကွက်ထဲမှာနေရတဲ့အတွက် ဧည့်သည်ဆိုလို့ ကိုယ်တစ်ယောက်တည်းဆိုတဲ့ ခံစားချက်မျိုးတော့ ရှိတာပေါ့။ လိုကယ်တွေနဲ့ ဘယ်လောက်ထိရောနှောနေနိုင်မလဲဆိုတာကတော့ ကိုယ်ရက်ဘယ်လောက်ကြာကြာနေလဲပေါ်လဲ မူတည်မယ်ထင်တယ်။ တစ်ချို့အိမ်ရှင်တွေကတော့ ပိုပြီး ရင်းရင်းနှီးနှီးခင်ခင်မင်မင်နဲ့ လိုအပ်ရင်သူတို့ကို ဖုန်းဆက်မေးလိုက်ရင် သေသေချာချာပြောပြကြတာမျိုးတွေရှိတယ်။
ရက်တိုနေရင်တော့ ဘာမှ သိပ်မသိသာဘူး။ ကိုယ်ကလဲ ပြန်အိပ်ဖို့လောက်ပဲပြန်လာတာလေ။ ဘေးအိမ်မှာ ဘယ်သူတွေနေမှန်းတောင်သိရမှာ မဟုတ်ဘူး။

၇။ လုံခြုံရေး

ဟော်တယ်တွေမှာက သူတို့ အဆင့်အတန်းနဲ့သူတို့ လိုက်နာရမဲ့ စည်းကမ်းနဲ့ လုံခြုံရေး ကိစ္စအဝဝ ရှိပြီးသား။ ပြီးတော့ အောက်က လော်ဘီအဝင်မှာ သူ့ဟာနဲ့သူ လုံခြုံရေးအလုပ်သမားတို့။ မီးလောင်ရင် ပြေးရမဲ့ ထွက်ပေါက်တို့။ အရေးအကြောင်းဆို ချက်ချင်း ဖုန်းခေါ်လိုက်ရင် ချက်ချင်းရောက်လာနိုင်တာတို့ရှိတယ်။

Apartment တွေကျတော့ အိမ်ရှင်ဆီက သော့ယူပြီးတာနဲ့ ကိုယ့်ဟာနဲ့ကိုယ်ဖြစ်သွားပြီ။ အရေးအကြောင်းဖုန်းခေါ်လဲ သူတို့က ချက်ချင်းမရောက်လာနိုင်ဘူး။ ပြီးတော့ အဲ့ဒိ အိမ်ရှင်ကိုယ်တိုင်ကို ဘယ်လောက် ယုံရလဲ မယုံရလဲဆိုတဲ့ သံသယရှိနေတဲ့အတွက် စိတ်လက်တော့ အရမ်းအေးချမ်းမနေဘူး။ မဗေဒါတို့ ဂရိမှာ နောက်ဆုံးနေခဲ့တဲ့အိမ်ဆိုရင် ရေချိုးတဲ့နေရာရဲ့ နောက်နားလေးမှာ ပြတင်းပေါက်လေးနဲ့ တံခါးလေးလိုမျိုးတစ်ခုရှိတယ်။ ကြည့်လိုက်ရင်တော့ ရေပိုက်လိုင်းတွေသွားတဲ့လမ်းလိုနဲ့ တကယ်တန်းလူက အဲ့ဒိက တက်လာနိုင်သလားဆိုတဲ့ ကြောက်စိတ်မျိုးရတယ်။ သူတို့အိမ်ထဲမှာ ကင်မရာတွေဘာတွေတပ်ခဲ့မလား စသဖြင့်ပေါ့။ ပြီးတော့ အိမ်သော့ဖွင့်ရင်ကအစ ဟော်တယ်ဆို လော်ဘီထဲဝင်ပြီးတာနဲ့ ကိုယ့်ပရဝုဒ်ထဲရောက်သလို ခံစားရပြီး အခန်းပေါ်တက်ဖွင့်ရတာ သိပ်မကြောက်ရဘူး။ Apartment ကျတော့ အိမ်ထဲမရောက်မချင်း နည်းနည်းစိတ်ပူတယ်။ (နည်းနည်းကြောက်တယ်)။ ဘေးအိမ်ကလူက လူကောင်းမှဟုတ်ရဲ့လား။ ရပ်ကွက်က ဂျလေဘီပုံစံမျိုးတွေရှိရင် ပိုကြောက်တယ်။ (အထူးသဖြင့် ဥရောပမှာတည်းတုန်းကပေါ့)။

ဒါပေမဲ့ အကြမ်းဖက်သမားရန်ကျတော့ ဟော်တယ်မှာက ပိုကြောက်ရတယ်။ ဒီခေတ်ကြီးကလဲ အသေခံဗုံးခွဲ ဘာညာဆိုတော့။ Apartment ကျတော့ လူနေရပ်ကွက်လိုပဲဆိုတော့ အကြမ်းဖက်သမားက သိပ် target ထားမယ်မထင်ဘူး။

၈။ လိပ်စာအတိအကျ မသိရခြင်း

ဟော်တယ်တွေဆိုရင် ဘွတ်ကင်းမလုပ်ခင်ကတည်းက လိပ်စာအတိအကျသိရတယ်လေ။ အဲ့တော့ ဘယ်လိုနေရာမျိုးလဲ Google map ကနေ အရင်ကြည့်လို့ရတာပေါ့။

Airbnb apartment တွေကျတော့ သူတို့ ရေးထားတဲ့ description ဖတ်။ အောက်က တည်းဖူးတဲ့သူတွေရဲ့ Review တွေဖတ်။ ဘယ်နားနဲ့နီးတယ်။ ဘယ်မြို့နယ်မှာရှိတယ်လောက်ပဲ။ မြေပုံမှာလဲ သူတို့အိမ်ရှိတဲ့ မြို့နယ်ကို ဝိုင်းပြထားတာပဲရှိတယ် အိမ်လိပ်စာအတိအကျမသိရဘူး။ အဲ့ဒိတော့ google map တို့ဘာတို့ကနေ ပတ်ဝန်းကျင်အခြေအနေဘယ်လိုရှိမလဲ မသိနိုင်ဘူး။ ဘွတ်ကင်းလုပ်ပြီးတော့မှ အိမ်ရှင်နဲ့ အဆက်အသွယ်ရပြီး အိမ်လိပ်စာရတာ။ ဘွတ်ကင်ပြန်ဖျက်လို့ရတယ်ဆိုပေမဲ့ ဟော်တယ်ဘွတ်ကင်းဖျက်သလောက် မလွယ်ဘူးထင်တယ်။ တစ်ခါမှ မဖျက်ဖူးသေးတော့ မသိဘူး။

ဥပမာ မလေးရှား Cameron Highland သွားတုန်းက Apartment ဆိုရင် မြေပုံလေးနဲ့ပဲ ပြထားတယ်။ လိပ်စာသိတာတောင် Google map က သူ့ Apartment ရှိတဲ့ လမ်းထဲ ဝင်ကြည့်လို့မရဘူး။ တကယ်သွားတဲ့နေ့ကျတော့မှ လမ်းထဲ အတော်ဝင်လျှောက်လိုက်ရတယ်။ လူငယ်အတွက် ဒီလောက်မဝေးပေမဲ့ လူကြီးတွေနဲ့ ကလေးတွေအတွက်တော့ လျှောက်ရတာ ဝေးထယ်ထင်ရတယ်။ ဒီတော့ အဲ့ဒိ Apartment ကိုရောက်ပြီးရင် ပြန်မထွက်ချင်ကြတော့ဘူး။

၉။ အိမ်ရဲ့ ပတ်ဝန်းကျင်နဲ့ အထပ်ကို သေချာမသိရခြင်း

ဟော်တယ်တည်းရင်လဲ ဘယ်အထပ်ရမယ်သေချာမသိရပါဘူး။ ပြတင်းပေါက်ခန်းရပါ့မလား၊ ရှုခင်းကောင်းပါ့မလား စသည်ဖြင့်တော့ ပူရတာပေါ့။ ဒါပေမဲ့ ပိုက်ဆံပိုပေးပြီး upgrade လုပ်ဖို့ ရွေးစရာရှိသလို၊ ချက်အင်ဝင်တဲ့အချိန်မှာ အခန်းကောင်းလေးပေးပါနော် ဘာညာပြောလို့ရတာသေးတယ်။

Airbnb apartment တွေကျတော့ သူတို့ အရှိအတိုင်းပဲလေ။ ခုနေဖူးသမျှအိမ်တွေအကုန်လုံးကတော့ အတွင်းဘက်အခန်းအပြင်အဆင်နဲ့ အသုံးအဆောင်တွေအကုန်လုံးက ပုံထဲကအတိုင်းရပါတယ်။ ဒါပေမဲ့ သူတို့တွေ ဘယ်အထပ်မှာရှိလဲဆိုတာ မရောက်ခင် မသိခဲ့ရဘူး။

ဥပမာ။ အာသန်ပထမဆုံးနေ့စတည်းတဲ့ အိမ်ဆိုရင် ဓာတ်ပုံထဲမှာပြထားတဲ့ အခန်းအပြင်အဆင်လေးအတိုင်း အိပ်ယာခင်းတွေ မီးဖိုချောင်လေးတွေ ချစ်စရာလေးတော့ ရပါတယ်။ တကယ်တန်းကျတော့ မြေအောက်ထပ်အခန်းကြီးဖြစ်နေတယ်။ ပြတင်းပေါက်မရှိဘာမရှိ။ အိမ်ထဲဝင်ဖို့ မြေအောက်ထဲ ဆင်းရတာတင် စိတ်ထဲ ကြောက်မိတယ်။ အထဲရောက်သွားရင်တော့ မကြောက်တော့ဘူးပေါ့နော်။
မလေးရှာ Cameron Highland တုန်းကလဲ သူက ဝရံတာက အပြင်ပုံကိုရိုက်ထားတာ တင်ထားပေမဲ့ အဲ့ဒါ ဘယ်နှထပ်လဲ မသိနိုင်ဘူး။ ဟိုရောက်တော့ ပထမထပ်ဖြစ်နေတယ်။ သူ့လဲ အပြစ်ပြောလို့မရဘူး။ သူ့ဓာတ်ပုံထဲကအတိုင်းတော့ ရှုခင်းကရတယ်။ အပြင်မှာ သိပ်မလှတာပဲရှိတယ်။ ကော်ရိုက်တာတစ်လျှောက်ကလဲ နည်းနည်းမှောင်ပြီး ဘေးခန်းတွေကလဲ အလုပ်သမားတွေစုနေတဲ့ အိမ်တွေလိုပဲ။ မိသားစုလိုက်သွားပြီး အုပ်စုတောင့်လို့ သိပ်မကြောက်တာ။
ဒီတော့ အဆုံးသတ်မှာပြောချင်တာက ဘယ်မှာပဲနေနေ သေသေချာချာ ထောင့်စေ့အောင် စစ်ဆေးမေးမြန်း။ Airbnb apartment ဆိုရင် Checkin- check out time နဲ့ ကိုယ့်လေယာဉ်ချိန်ကို သေချာ ညှိ… ကိုယ်ကတော့ ကိုယ်ကြုံခဲ့တာနဲ့ ကိုယ်မစဉ်းစားမိခဲ့လို့ ဖြစ်ခဲ့တာကို နောက်လူတွေထည့်စဉ်းစားနိုင်အောင် ရေးပေးတာ။

Airbnb apartment တွေကို မကောင်းဘူးလို့ မဆိုလိုဘူး ဒါပေမဲ့ ကိုယ့်ဘက်က တစ်ချက်မှ လွတ်လို့မရဘူး။ ဖြစ်နိုင်ရင်တော့ အကြံပေးချင်တာက ကိုယ်ရောက်ရောက်ချင်းနေ့နဲ့ ပြန်မဲ့နေ့တွေဆိုရင်တော့ ကိုယ့်ခရီးစဉ်ပေါ်မူတည်ပြီး ဟော်တယ်နေသင့်ရင်နေ။

Airbnb မှာနေမှ ဝါရင့် ခရီးသွားကြီးဖြစ်တာမဟုတ်ပါဘူး။ ဒါပေမဲ့ ဟိုတယ်ထက်စာရင်တော့ လိုကယ်တွေရဲ့ နေ့စဉ်ဘဝတွေကို ပိုလေ့လာနိုင်သလို၊ သာမာန်ခရီးသွားတွေထက်တော့ ပိုအတွေ့အကြုံ ရနိုင်မယ်။ အိမ်ရှင်ဆီကနေ လိုကယ် tips တွေရနိုင်မယ်။ အဆင်ပြေမပြေ၊ ဈေးချိုမချိုစသဖြင့် တခြား အချက်အလက်တွေထည့်စဉ်းစား။ တစ်ခါတစ်လေတော့ နေရာကောင်းလေးတွေမှာ airbnb apartment တွေက ဟော်တယ်တွေထက် ဈေးတအားသက်သာတာမျိုးတွေရှိတတ်တာကျတော့ ကိုယ့်အတွက်ကောင်းတယ်လေ။ မဗေဒါအတွက်တော့ နောက်ဆိုရင် အုပ်စုမတောင့်ရင် ဟော်တယ်ပဲနေဖြစ်ဖို့များတယ်။
အောက်ကပုံလေးကတော့ အရိုးရှင်းဆုံး ရှင်းပြထားတာလေးပေါ့။ ကိုယ်လိုချင်တာ ကိုယ်ရွေးပေါ့နော်။

Tuesday, July 19, 2016

ကိုယ်ဝန် ၃လအောက် မိခင်လောင်းများအတွက် ခရီးသွားခြင်း



၂၀၁၆ မေလက မဗေဒါရဲ့ ဂရိခရီးစဉ်မှာ မပြင်နိုင်မဆင်နိုင်နဲ့ မလှမပ မဗေဒါကို မလှဘူးလို့ အားပေးကြတဲ့အတွက် ကျေးဇူးတင်ပါတယ်။ (ကြည့်ရတာ မလှတဲ့သူတွေ သင်္ဘောပျက်ကျွန်းကို မသွားသင့်ဘူးလို့ သူတို့ ထင်ပုံရတယ်နော်။)

အကြောင်းကတော့ ဒီခရီးကို စတင်စီစဉ်တဲ့ မတ်လအတွင်းမှာ မဗေဒါကိုယ်ဝန်မရှိသေးပါဘူး။ ကိုယ်ဝန်ရှိနေပြီဆိုတာ သိရတဲ့အချိန်မှာ ခရီးက အားလုံးစီစဉ်ပြီးဖြစ်နေပါပြီ။ စာတွေဖတ်ကြည့်တော့လဲ ကိုယ်ဝန်နုစဉ် ပင်ပန်းမဲ့ ခရီးဝေးသွားတာကို အားမပေးပေမဲ့ အန္တရာယ်တော့ မရှိပါဘူးတဲ့။ ကိုယ်ပြတဲ့ ဆရာဝန်နဲ့လဲ မေးမြန်းပြီး ဆရာဝန်ခွင့်ပြုချက်ရမှ သွားခဲ့တာပါ။ စိုးရိမ်ရလို့ သွေးဆင်းတာ ဘာညာဖြစ်လို့ ဆရာဝန်က ခွင့်ပြုချက်မပေးရင်တော့ အဆုံးခံလိုက်ပြီး မသွားတာအကောင်းဆုံးပါ။ ဒီတော့ မဗေဒါလို ခရီးသွားဝါသနာတူ မဗိုက်တွေအတွက် ပြင်ဆင်သင့်တာလေးတွေကို ရေးပေးပါမယ်။

ကိုယ်ဝန် ၃လအောက်မိခင်လောင်းတွေက Morning Sickness လို့ခေါ်တဲ့ မူးဝေ အော့အန်တာဖြစ်တတ်ပါတယ်။ Morning Sickness သာ ဆိုတယ် သူက တစ်နေ့လုံး ဖြစ်ချင်တဲ့အချိန်ဖြစ်တာပါ။ ပြီးတော့ သွေးလည်ပတ်မှုကောင်းဖို့လဲ လိုပါတယ်။ လေယာဉ်ပေါ် အကြာကြီး ထိုင်နေရင် အညောင်းကိုင်ပြီး သွေးလည်ပတ်မှုမကောင်းဖြစ်တတ်ပါတယ်။ အဲ့ဒိအတွက် ပြင်ဆင်လုပ်ဆောင်ရမှာတွေကတော့။

(၁) လေယာဉ်လက်မှတ်ဝယ်ကတည်းက လူသွားလမ်းဘက် ထိုင်ခုံယူပါ။ အိမ်သာသွား လမ်းထလျှောက်အတွက် လွယ်ကူပါတယ်။

(၂) ထိုင်ခုံမရွေးမိဘူးဆိုရင် ဆရာဝန်ဆီက ကိုယ်ဝန်သည်ထောက်ခံစာတောင်းခဲ့ပါ။ ချက်အင်ကောင်တာမှာ ချက်အင်ဝင်တဲ့အခါ အကျိုးကြောင်းပြောပြီး ခြေထောက်ဆန့်လို့ရတဲ့ ခုံ၊ ဒါမှမဟုတ် အနည်းဆုံး လူသွားလမ်းဘက်ခုံကိုတောင်းပါ။

(၃) ဖတ်ရတဲ့အထဲမှာတော့ လေယာဉ်တောင်ပံ အလယ်နားက လေယာဉ်စီးရာမှာ အချောမွေ့ဆုံးဖြစ်တဲ့အတွက် အဲ့ဒိနားထိုင်ရင်လဲ ကောင်းတယ်ဆိုပါတယ်။ (မဗေဒါအတွက်ကတော့ သိပ်မထူးခြားနားပါဘူး)

(၄) ကိုယ့်ရဲ့ Morning Sickness က ဆိုးတယ်။ အန်လဲ အန်တယ်ဆိုရင်တော့ လေယာဉ်မယ်/မောင် တွေဆီကနေ အန်တဲ့ စက္ကူအိတ် စိတ်ချရအောင် ပိုတောင်းထားပါ။ (အိမ်သာက ကိုယ်အန်ချင်တဲ့အချိန် အားချင်မှ အားမှာလေ)။
(မဗေဒါတုန်းကတော့ ခေါင်းမူးတာကလွဲလို့ မအန်ချင်ပါဘူး။ အန်ချင်ပြီဆိုတာနဲ့ အစားတစ်ခုခုထည့်လိုက်ရင် မအန်ချင်တော့ပြန်ပါဘူး။ အဲ့ဒိအတွက် အဆက်မပြတ်စားနေတော့တာပါပဲ။ ဒါကတော့ နောက်တစ်ချက်နဲ့ ဆက်ပြီပေါ့နော်)

(၅) ကိုယ်ဝန်သည်တွေဟာ ဂလူးကိုစ့်လည်ဗယ် မှန်နေရင် အန်ချင်တာ မူးဝေတာကို အနည်းနဲ့အများထိန်းထားလို့ရပါတယ်။ အဲ့ဒိအတွက်ကြောင့် ကိုယ့်အိတ်ထဲမှာ ကိုယ်ကြိုက်တဲ့ သားရည်စာတွေ အားဖြစ်မဲ့ energy bar လိုဟာမျိုးတွေကို ဆောင်ထားသင့်ပါတယ်။ လေယာဉ်အဆင်းအတက်တွေမှာလဲ လေဖိအားကြောင့် နားမနာရအောင် သကြားလုံးစုပ်/ ပီကေဝါး နေတာ အထောက်အကူဖြစ်ပါတယ်။ (ဒီတစ်ခေါက်ခရီးမှာ မဗေဒါရဲ့ အိတ်ထဲ မိတ်ကပ်ပစ္စည်းတွေအစား ကွတ်ကီးမျိုးစုံ၊ ဂျယ်လီ၊ Gummy မျိုးစုံ၊ သကြားလုံး၊ စတာတွေကို သွားလေရာဆောင်ထားပြီး မူးလာပြီဆိုတာနဲ့ ထုတ်စားရတော့တာပါပဲ။)

(၆) ဖတ်ဖြစ်တဲ့စာတွေရော၊ ဆရာဝန်က ပြောတာရောကြောင့် သွေးလည်ပတ်မှုကောင်းအောင် Compression Stocking (ဖိအားများတဲ့ ခြေအိတ်) ၀တ်ပါတဲ့။ (အဲ့ဒိခြေအိတ်က အရမ်းကျပ်တဲ့ ခြေအိတ်ဖြစ်ပြီး မဗေဒါ၀တ်တာတော့ မသက်မသာနဲဲ့ ခြေထောက်တအားအိုက်တဲ့အတွက် လေယာဉ်တက်ပြီး ၂နာရီလောက်နေတော့ ချွတ်လိုက်ပါတယ်။ သွေးလည်ပတ်မှုကောင်းအောင် လမ်းထလျှောက်ပေးလို့ရပါတယ်။ နောက်တစ်ချက်ကို ဆက်ဖတ်ပါ)

(၇) ဆရာဝန်ကတော့ ၁၅ မိနစ်ခြားတစ်ခါ လမ်းထလျှောက်ပေးဖို့ပြောပါတယ်။ ကိုယ်ကတော့ နာရီဝက် ၄၅ မိနစ်ခြားတစ်ခါလောက် ထလျှောက်ဖြစ်ပါတယ်။ ထိုင်နေတုန်းလဲ ခြေကျင်းဝတ်ကို လှည့်ပေးပြီး ထိုင်ရက် ခြေထောက်အားကစားလုပ်ပေးလို့ရပါတယ်။ ဒါဆိုရင်လဲ သွေးလည်ပတ်မှုကောင်းစေပါတယ်။

(၈) နောက်ပြီး ကိုယ်ဝန်ဆောင်အမျိုးသမီးတွေဟာ အနံ့အသက်ကိုလဲ Sensitive ဖြစ်တတ်တဲ့အတွက်။ လေယာဉ်အတွင်းက ရနိုင်လောက်တဲ့ မကောင်းတဲ့အန့ံဖြစ်စေ၊ ကိုယ်မကြိုက်တဲ့ ရေမွှေးနံ့ဖြစ်စေ စတာတွေကို ကာကွယ်ဖို့ သံပရာနံ့၊ လာဗန်ဒါနံ့ပါတဲ့ တစ်ခုခုကိုဆောင်ထားဖို့ဖတ်ရပါတယ်။ အဲ့ဒိအနံ့မျိုးတွေက Morning Sickness ကို လျော့ကျစေတယ်လို့ဆိုပါတယ်။ (မဗေဒါတုန်းကတော့ ပရုတ်ရှူဆေးရယ်၊ နှင်းဆီန့ံ ရေမွှေးဗူးသေးသေးလေးရယ်ပဲ ဆောင်တာပါ။ အနံ့မကောင်းရင် ရှူဆေးနဲ့ အဆင်ပြေပါတယ်။)

(၉) ရေဓာတ် မခြောက်ခမ်းပါစေနဲ့။ ကိုယ်ဝန်သယ်မိခင်လောင်းရဲ့ ခန္ဓာကိုယ်ဟာ ကလေးအတွက် ရေဓာတ်ကိုပေးနေရပါတယ်။ ကလေးအတွက် ရေဓာတ်ပြည့်မှ မိခင်ဆီရောက်တာပါ။ အဲ့ဒိအတွက် ရေဓာတ်ရှိအောင် ရေသောက်ပေးရပါမယ်။ အထူးသဖြင့် လေယာဉ်ပေါ်ဆိုရင် ခြောက်သွေ့တဲ့အတွက် ရေပိုလိုပါတယ်။ ဒါပေမဲ့ ရေသောက်တဲ့အခါ တစ်ချီတည်းနဲ့ ရေတွေအများကြီးသောက်တာထက်၊ နည်းနည်းနည်းနည်းစီ အာစွတ်ရုံသောက်တာကောင်းပါတယ်။ ရေတွေဝမ်းထဲအရမ်းများနေပြန်ရင်လဲ အန်ချင်မှာစိုးလို့ပါ။

(မဗေဒါတုန်းကတော့ ရေဗူးအလွတ်တစ်ဗူးယူသွားပြီး အင်မီဂရေးရှင်းနဲ့ ကာစတန်ဖြတ်ပြီး လေယာဉ်ပေါ်တက်ခါနီးကျမှ ရေထည့်ယူသွားလိုက်တယ်။ လေယာဉ်ပေါ်မှာ လေယာဉ်မယ်တွေ ရေတောင်းရင် တစ်ခွက်တစ်ခွက်နဲ့ ခဏခဏ မခေါ်ချင်လို့။)

(၁၀) ခရီးသွားရင် လမ်းလျှောက်ရတာများပါတယ်။ ဖြည်းဖြည်းပုံမှန်နဲ့ ကိုယ်ခန္ဓာကိုယ်အခြေအနေကိုယ်အသိဆုံး ချိန်ဆလျှောက်ပါ။ အဲ့ဒိအတွက် ကိုယ့်ခရီးသွားဖော်က နားလည်မှုပေးနိုင်တဲ့သူဖြစ်ရပါမယ်။

(၁၁) ကိုယ်ဝန်ရှိစဉ်မှာ အစားအသောက်ဝင်ဖို့က အဓိကဖြစ်တဲ့အတွက်။ လိုကယ်အစားအစာတွေ မစားနိုင်ဘူးဆိုရင်၊ ကိုယ်ကြိုက်တာပဲ ရွေးပြီး ရှာစားပါ။ ပိုက်ဆံပိုကုန်မှာ၊ အချိန်ကုန်မှာနဲ့ ခရီးသွားကောင်းမပီသပဲ ဒေသခံစာမစားတာတွေ ခေါင်းထဲမထည့်ပါနဲ့။ အဓိကက ကိုယ်အစားဝင်ပြီး အားအင်ပြည့်ဖို့ပါ။

(မဗေဒါတုန်းကတော့ ဂရိဆိုတော့ သူတို့အစားအစာထဲက Gyros ကလွဲလို့ ကျန်တဲ့ သူတို့အစာတွေ သိပ်မစားနိုင်လို့။ အစားဝင်ဖို့အရေးကြီးတော့ အာရှဆိုင် တရုတ်အစားအစာ၊ အန္ဒိယစားသောက်ဆိုင် စသည်ဖြင့် ပတ်ရှာစားခဲ့တာပါပဲ။)

(၁၂) မိမိကိုယ်ကိုယ် ညှာလျှင် ပိုက်ဆံအိတ်ကို ညှာလို့မရပါ။ အရင်ကဆို လေဆိပ်ရောက်တာနဲ့ ကိုယ့်အထုတ်ကိုယ်ဆွဲပြီး သူတို့နိုင်ငံက အများသုံး ကူးသန်းသွားလာရေးနဲ့ ဟော်တယ်ကိုသွားတာပါပဲ။ ဥပမာ ဘတ်စ်ကား ရထားပေါ့။ ခုကိုယ်ဝန်နဲ့ဆိုတော့ အထုတ်တွေနဲ့ သွားသွားလာလာ မလုပ်တာအကောင်းဆုံးမို့ တိုက်စီစီးဖြစ်တာများပါတယ်။ ကိုယ့်ရဲ့ အင်နာဂျီထဲက ၆၀ရာနှုန်းလောက်သာ အများဆုံးသုံးပါ။ ၄၀ရာနှုန်းအမြဲ အပိုဆောင်ထားပါ။ ဒါတောင် တစ်ခါတစ်လေ ဗိုက်နည်းနည်းစဆာတဲ့အချိန်မှ ထမင်းဆိုင်ရှာဖြစ်လို့ ကိုယ်စားချင်တဲ့ ဆိုင်မတွေ့ရင် ချက်ချင်းမူးလာတတ်သေးတယ်။

(၁၃) အချိန်မှန် စားပါ။ အချိန်မှန် အိပ်ပါ။ ဒီအချက်ကတော့ ကမ္ဘာအရှေ့ခြမ်း၊ အနောက်ခြမ်းမတူတာကို သွားရင် ပိုခက်ခဲပါတယ်။ အာရှကနေ ဥရောပရောက်သွားတော့ နေ့နဲ့ည အချိန်အပြောင်းအလဲတွေမှာ Jet lag ဖြစ်တဲ့အတွက် အချိန်ကို ညှိပြီး တဖြည်းဖြည်းပြောင်းယူပါ။ (မဗေဒါတို့ဆို ညနေလောက်ဆို အိပ်ချင်နေပြီး မနက်အစောကြီးတွေ နိုးနိုးနေတာမျိုးတွေဖြစ်ပါတယ်။ တဖြည်းဖြည်းညှိယူရတာပေါ့။ ၁၀ရက်ခရီးမှာ နောက်ဆုံး ၃ရက်လောက်ကျမှ နေသားကျသွားတာ။ နေသားကျသွားတော့ ပြန်ရရောလေ)

အားလုံးပဲ တကယ်ရောက်ချင် တကယ်သွား အဟုတ်ရောက်ရမည်လို့ အမှာပါးချင်ပါတယ်။


ဆန်တိုရိနီတဖက်ကျွန်းက မီးတောင်အရှင်ထိပ်ကို ရင်သွေးလေးနဲ့အတူ ရောက်ခဲ့တဲ့ အမှတ်တရပါ။ တောင်ထိပ်မရောက်ခင်အထိ အရှုံးပေးလိုက်ဖို့ အကြိမ်ကြိမ်စဉ်းစားမိပေမဲ့ ဗိုက်ထဲက ကလေးလေးက ဒိလောက်ပျော့တဲ့သူမဟုတ်ပါဘူး။ တနေ့ကျရင် သူ့ကိုလွယ်ပြီးတောင်ထိပ်တူတူရောက်ခဲ့တဲ့အကြောင်းပြန်ပြောပြဖို့ အားတင်းတက်ခဲ့တဲ့ အမှတ်တရပါ

Friday, June 10, 2016

ဒညင်းသီးရဲ့ ကောင်းကျိုးနဲ့ ဆိုးကျိုး တစေ့တစောင်း


ဟိုးတစ်လောက ဖေ့ဘွတ်ပေါ်မှာ ဒညင်းသီးဟာ ဘာအဟာရမှ မပေးပဲ အဆိပ်အတောက်အသီးသာ ဖြစ်တယ်ဆိုတဲ့ ပိုစ့်တစ်ပုဒ်ကို ဖတ်ခဲ့ရဖူးတယ်။ ကိုယ်လဲ ဒီပိုစ့်ကို ဖတ်တုန်းက ဒီလိုပဲ ဖတ်ပြီး ယုံလိုက်တာပါပဲ။ ဒါပေမဲ့ ကြိုက်တော့လဲ ရန်ဖန်ရန်ခါတော့ စားဖြစ်နေသေးတာပါပဲ။

ဟိုတစ်နေ့က မြန်မာပြည်ကနေ လူကြုံရလာတဲ့ ဒညင်းသီးတွေကို ကိုယ်ဝန်သည်မို့ မစားရဘူး။ အဲ့ဒါ ဘာအဟာရမှ မပေးပဲ အဆိပ်အတောက်တွေလို့ ဖေ့ဘွတ်မှာတွေ့ဖူးတယ်။ နင့်ကလေးပဲ ဒုက္ခရောက်မှာဆိုပြီး ပြောခံခဲ့ရပါတယ်။ ဒါနဲ့ ဟုတ်လား မဟုတ်လား ဘယ်လောက် ဒုက္ခရောက်နိုင်လဲ စသဖြင့် သိချင်တဲ့ စိတ်ကြောင့် အင်တာနက်မှာ ရှာဖွေကြည့်မိပါတယ်။ ဖေ့ဘွတ်ပေါ်က ပိုစ့်တိုင်းကလဲ ယုံလို့ရတာမဟုတ်ဘူးလေ။ အခုကျွန်မရေးတဲ့ ဒီပိုစ့်ကိုလဲ အဆုံးထိဖတ်ပြီးရင် ယုံသင့် မယုံသင့် မိမိဖာသာစဉ်းစားကြပါ။ ကိုယ်အင်တာနက်မှာတွေ့တာကို မျှဝေယုံသက်သက်ဖြစ်တဲ့အတွက် အင်တာနက်ပေါ်က ဟာတွေက ဘယ်လောက် မှန်မမှန်တော့ ကျွန်မလဲ မသိပါဘူး။ ဘယ်အရာမဆို တန်ဆေးလွန်ဘေးပါ။

ဒညင်းသီးအကြောင်း အင်တာနက်မှာတွေ့သမျှ တစေ့တစောင်း

ဒညင်းသီးကို Jengkol, Jering Bean, Dogfruit လို့ ခေါ်ဆိုပါတယ်။ အဲ့ဒိ keywords တွေရိုက်ထည့်လိုက်ရင် အင်တာနက်မှာ ထွက်လာပါလိမ့်မယ်။ ဒညင်းသီးကို အရှေ့တောင်အာရှနိုင်ငံတွေဖြစ်တဲ့ အင်ဒိုနီးရှား၊ မလေးရှား၊ မြန်မာနဲ့ ထိုင်းနိုင်ငံ တောင်ပိုင်း တို့မှာ စားသုံးကြတယ်လို့ သိရပါတယ်။





၁) ဒညင်းသီးရဲ့ ပါ၀င်တဲ့ အဟာရ

wiki အရ (wiki ကဟာ အကုန် မှန်တယ်လို့ ပြောခြင်းမဟုတ်ပေမဲ့၊ ဒညင်းသီးဟာ အဆိပ်တောက်သီးလို့ ရေးတဲ့ လူရဲ့ ပိုစ့်မှာလဲ wiki က အဲ့ဒိလင်ခ့်ကိုပဲ ပေးထားလို့ အဲ့ဒိလင်ခ့်အောက်က Nutritional value ထဲက ကောက်နုတ်တာပါ)

Source: https://en.wikipedia.org/wiki/Archidendron_pauciflorum#cite_note-1

wiki အရ ဒညင်းသီးဟာ ကာဘိုဟိုက်ဒရိတ် ၂၆ရာခိုင်နှုန်းပဲ ပါ၀င်ပါတယ်။ တခြား ပဲအမျိုးအစားတွေဖြစ်တဲ့ ပဲလိပ်ပြာ၊ ကုလားပဲ စတာတွေနဲ့ ယှဉ်ရင် ကာဘိုဟိုက်ဒရိတ် (Carb) ပါ၀င်မှု အတော်နည်းပါတယ်။ ဒါပေမဲ့ လူကို အကျိုးပြုတဲ့ ပရိုတင်းဓာတ်ကျတော့ ၁၄.၂ရာခိုင်နှုန်းတောင်ပါ၀င်ပါတယ်။ ထမင်း မှာ (၇%) ၊ဂျုံ မှာ (13%) ပဲ ပရိုတင်းပါ၀င်တဲ့အတွက် အဲ့ဒါတွေထက်တောင် ပရိုတင်းပါ၀င်မှု များတာတွေ့ရပါတယ်။ လူကို ဝ စေတဲ့ ကာဘိုဟိုက်ဒရိတ်နည်းပြီး အားဖြစ်စေတဲ့ ပရိုတင်းများတယ်ဆိုတော့ ဒညင်းသီးဟာအမှန်တော့ စားသင့်တဲ့ အသီး ဖြစ်ကောင်းဖြစ်မယ်လို့ ယူဆလို့ရတယ်လို့ ရေးထားပါတယ်။



၂) ကိုယ်ဝန်ဆောင်အမျိုးသမီးများနဲ့ ဒညင်းသီး

Thealthbenefitsof.com, vegetafruit.com နဲ့ allbeautyjournal.com (အောက်တွင်းလင်ခ့်အတိအကျပေးမည်) တို့က ဆောင်းပါးတွေအရ ဒညင်းသီးဟာ စားသုံးတဲ့ ကိုယ်ဝန်ဆောင်မိခင်ကိုသာမက သူ့ဝမ်းတွင်းက ကလေးငယ်ရဲ့ အရိုးဖွံ့ဖြိုးမှုနဲ့ သွားဖွံ့ဖြိုးမှု ကိုပါ အထောက်အပံ့ဖြစ်စေတယ်လို့ ရေးထားတာတွေ့ရပါတယ်။ ဒါ့အပြင် ဒညင်းသီးဟာ fiber ပါ၀င်မှုများတဲ့အတွက် ကိုယ်ဝန်ဆောင်မိခင်တွေ ဝမ်းချုပ်ခြင်းကို သက်သာစေတယ်လို့ ဆိုထားပါတယ်။

Sources:
http://www.thealthbenefitsof.com/jengkol-health-benefits-for-diabetes/
http://www.vegetafruit.com/2015/06/health-benefits-of-jengkol-jering-bean.html
http://www.allbeautyjournal.com/2014/09/benefits-jengkol.html

နောက်ပြီး ကိုယ်ဝန်သည်တွေ ဖြစ်လေ့ရှိတဲ့ anemia ကိုလဲ ကာကွယ်ပေးတယ်ဆိုပါတယ်။
Anemia ဆိုတာ နားလည်သလောက်တော့ လူတစ်ယောက်ရဲ့ သွေးနီဥမလောက်ငှမှု ကိုပြောချင်တာပါ။ Anemia ဖြစ်တဲ့လူဟာ ဖြူဖတ်ဖြူရော်၊ အားအင် နည်းပါး၊ ပင်ပန်းနွမ်းနယ်၊ မူးဝေမောပန်း မှု လက္ခဏာတွေရှိပါတယ်။ အထူးသဖြင့် တချို့ မိခင်လောင်းတွေမှာ အတွေ့များပါတယ်။ သွေးနီဥလည်ပတ်မှုကောင်းစေဖို့ သံဓာတ်လိုအပ်ပါတယ်။ ဒညင်းသီး ၁၀၀ ဂရမ်မှာ သံဓာတ် ၄.၇ ဂရမ်ပါတယ်လို့ ဆိုပါတယ်။ သံဓာတ်များတဲ့ ဒညင်းသီးကြောင့် Anemia လျော့နည်းအောင် ကူညီပေးနိုင်တယ်လို့ ယုံကြည်ရတယ်လို့ အောက်ပါ ၀က်ဆိုဒ်မှာ ဖတ်ရပါတယ်။

Source: http://www.lapazdeldial.com/?tag/jengkol%20for%20pregnant%20mother

ဒါ့အပြင် ဒညင်းသီးဟာ ဆီးချိုရှိတဲ့သူတွေ စားလျှင် ဆီးချိုကို လျော့ကျစေတယ်လို့ အပေါ်က ၀က်ဆိုဒ်တွေ အကုန်လုံးမှာ ရေးထားပါသေးတယ်။





၃) ဒညင်းသီးနဲ့ အဆိပ်

ဟုတ်ပြီ။ ဒါဆိုရင် ဒညင်းသီးဟာ အဆိပ်သီးပါလို့ ဘာလို့ရေးကြတာလဲ။ သူတို့လဲ လုံးလုံးမမှားပါဘူး။ ဒါပေမဲ့ ပြောချင်တဲ့ တစ်စိတ်တစ်ပိုင်းကိုပြောပြီး အပြည့်မပြောပဲ ချန်ထားသလိုဖြစ်နေတာပါ။ Drkokogyi.wordpress.com မှာ ဒညင်းသီးဟာ ကျောက်ကပ်အတွက် အဆိပ်အတောက်ဖြစ်တယ်ဆိုတဲ့ ဆောင်းပါးလေးကိုတွေ့ရပါတယ်။ သူ့ပိုစ့်ထဲမှာ ပေးထားတဲ့ ဖတ်လို့ရတဲ့ လင်ခ့်တွေကိုလဲ လိုက်ဖတ်ကြည့်ခဲ့ပါသေးတယ်။ ဥပမာ၊ သူပေးထားတဲ့ wiki ပေါ့။ 


Source: https://drkokogyi.wordpress.com/2011/06/26/da-nyin-thee-or-jengkol-or-dogfruit-or-buah-jering-has-no-medicinal-properties-but-toxic-to-kidney/

ဒညင်းသီးမှာ djenkolic acid, an amino acid ဆိုတဲ့ ကျောက်ကပ်မှာ ကျောက်တည်စေနိုင်တဲ့ အက်ဆစ်တစ်မျိုးပါပါတယ်။ အဲ့ဒါကို အင်္ဂလိပ်လို jengkol bean poisoning လို့လဲခေါ်ပါတယ်။





ဒါပေမဲ့ ဒညင်းသီးကြိုက်သူများ စိတ်မပူကြပါနဲ့တဲ့ Jengkolat acid များတာကို bicarbonate of soda (သို့) ရေများများသောက်ခြင်းဖြင့် လျော့ကျစေနိုင်ပါတယ်တဲ့။ ဒါပေမဲ့ ဒညင်းသီး (အပါအဝင် ဘယ်အရာမဆို) ကို အလွန်အကျွံ မစားကြဖို့ Dr.Parlindungan Siregar, Sp.PD, from the kidney and hypertension, the department of internal medicine, School of Medicine, in the event media seminar in the framework of the World Kidney Day in Jakarta (06/03/12) မှာ ပြောကြားသွားပါတယ်တဲ့။

Source: http://restauranteuno.blogspot.sg/2012/03/excess-of-jengkol-risk-of-kidney-stones.html

၄) ဒညင်းသီးနဲ့ စမ်းသပ် တွေ့ရှိချက်

နောက်ပြီး ဒညင်းသီးကို မလေးရှား စမ်းသပ်ခန်းထဲက ဆီးချိုဖြစ်နေတဲ့ ကြွက်နဲ့ ရိုးရိုးကြွက် ၂မျိုးနဲ့ စမ်းသပ်ချက်တွေအရ ဆီးချိုရှိနေတဲ့ ကြွက်တွေကို ဒညင်းသီးကျွေးပြီး ၁၂ပတ်အကြာမှာ ဆီးချို သူတို့ရဲ့ သွေးထဲက ဆီးချိုရာနှုန်းတွေ ကျသွားတာ သိသိသာသာတွေ့ခဲ့ရပါတယ်။ ဒါပေမဲ့ သာမာန်ကြွက်တွေကို ဒညင်းသီး ၁၅ပတ် ဆက်တိုက် ကျွေးအပြီးမှာတော့ အဲ့ဒိ သာမာန်ကြွက်လေးတွေရဲ့ ကြွက်သားတွေ ကြီးထွားဖောယောင်လာခြင်းနဲ့ နှလုံး၊ ကျောက်ကပ်၊ အသည်းတို့ရဲ့ တစ်ရှူးတွေ ယောင်လာပြီး ပျက်စီးလာတာတွေ့ရတယ်လို့ ရေးထားပါတယ်။ (ဆရာဝန်မဟုတ်တဲ့အတွက် ဘာသာပြန်တာ အလွဲအချော်အမှားရှိနိုင်လို့ စိတ်ဝင်စားရင် အောက်က လင်ခ့်က US National Library of Medicine နဲ့ National Institutes of Health ၀က်ဆိုဒ်မှာ သေချာအောင် သွားဖတ်စေချင်ပါတယ်)။

http://www.ncbi.nlm.nih.gov/pubmed/21744354

မိခင်လောင်းတစ်ယောက်ဟာ အရာတိုင်း စားချင်နေတာမဟုတ်ပါဘူး။ သူစားချင်စိတ်ရှိတဲ့ အရာမှသာ စားဝင်တာပါ။ ဒီလိုအချိန် ခံတွင်းပျက်တဲ့အချိန်မှာ ကြိုက်တာကို မစားရရင် ထမင်းစားဝင်မှာမဟုတ်ပါဘူး။ ဒီတော့ ကျွန်မအမြင်မှာ ဘယ်အရာမဆို တန်ရင်ဆေး လွန်ရင်ဘေးဆိုတဲ့အတိုင်း ဒညင်းသီးချစ်တဲ့ မိခင်လောင်းတွေလဲ အလွန်အကျွံမဟုတ်ပဲ စားချင်ရင် စိတ်သန့်သန့်နဲ့ စားလို့ရပါတယ်။ ဒညင်းသီးအနံ့ဆိုးတာကတော့ လူတိုင်းသိပြီးဖြစ်လို့ ထည့်မပြောတော့ပါဘူးနော်။

Thursday, June 09, 2016

My Free and Easy trip to Shipwreck Beach from DOTS drama

Since I have written about my Free and Easy trip to Shipwreck Beach (one of the popular DOTS drama location) in Burmese, I will write about it in English on my blog as requested by my non-Burmese friends.



The Shipwreck Beach is also known as Navagio Beach.

1) Location of Navagio Beach

Navagio Beach (aka) Shipwreck Beach is located on the coast of Zakynthos Island, in the Ionian Islands of Greece.



2) How do we get there?

If you want to go Zakynthos Island, first you have to fly into Athens, The capital of Greece. Then you can either go by Local Express and then Ferry OR you can fly directly from Athens to Zakynthos.

I personally prefer flying because it takes only 1hr flight time and boom… You are there. There are two local flight services, Olympic Air (https://www.olympicair.com/en) and Aegean Air (http://en.aegeanair.com/). You can purchase ticket on their website easily.

Going by local bus then Ferry would take a lot of time and it is not very easy to locate bus terminal both in Athens and Zakynthos.



3) Is it possible to go Zakynthos Island day trip from Athens?

Yes. It is.
We went to Zakynthos Island two times in the same trip because in the first time the weather was not on our side and no boat is sailing to Shipwreck Beach.

So we went there again gambling on our luck and made a day trip. We took Early morning 5:30AM flight from Athens to Zakynthos, went to Shipwreck Beach with local tour and take local KTEL bus and Ferry back to Athens departed around 2PM. We arrived back to Athens around 7PM. It was very tiring day trip and we skipped our proper lunch. But it is possible to do that if there is an early morning flight. (Not every day they have morning flight)

(Please Note that it is difficult to find local KTEL bus info on internet in English. For us, we just asked around the local people and found the bus terminal. One day four times departure from Zakynthos to Athens including Ferry ticket)



4) Where can we stay in Zakynthos Island?

When we went there, we didn’t know much about the island and we booked our hotel at Zakynthos Town (also called Zante Town). The month of May is shoulder season for a visit to Zakynthos Island. The Hotel room rate was pretty good comparing to other cities in Greece. Euro 54 per night (around SGD 82)

But we found out later that the Beach town “Tsilivi” is where most of the tourists stay and it is happening with lots of restaurants and souvenir shops. We found it by looking for Asian Food. There are Two Chinese Restaurants in Tsilivi.

If you take Taxi from Zante Town to Tsilivi, 10 mins drive and cost 11 Euro. (It seems like a flat rate).

I would recommend to stay at Tsilivi if you are visiting Zakynthos.



5) Shipwreck Viewing Platform from top

There are two ways you can enjoy Shipwreck Beach. One is from top viewing platform and the other is going to the beach itself by boat.
There is no access down to Shipwreck Beach from viewing platform.

5.1 - You can go to viewing platform by renting a car and drive by yourself. OR

5.2 - You can hire taxi (Based on the info we got, it will be around 80 Euro with waiting time 30mins there) OR

5.3 - You can rent a car and driver like what we did (At first they quote us for total package Shipwreck viewing platform + Shipwreck Beach by boat (Private tour) 75 Euro per person. But due to weather we couldn’t go by boat. So we just visited to Shipwreck Viewing Platform by car first, But we didn’t know they would be charging us by hours. They quoted us 120 Euro for 5 hrs usage of car and driver. After a bargain, they are kind enough to give us with 100 Euro).

The viewing platform is too crowded with those who came with tour group. It is very small and the view from there is not that awesome actually.

There was a trail near viewing platform. I recommend you to walk that trail and get amazing photos of shipwreck beach from the cliff. The trail was a bit rocky and the small tree can scratch your legs. Wear proper footwear to walk the trail. Take selfie stick but be careful not to fall off from the cliff while taking selfie. Safety first! There is no safety barrier and you are not safe if you are not careful.


The scenery around Shipwreck cliff 

6) Let’s go to Shipwreck Beach (By Boat)

All of you are surely want to know how to go to Shipwreck Beach. So here it is.
As I said before Shipwreck Beach is only accessible by Boat. There are no other ways. You can buy local tour package. We bought our tour at Zante town. They normally have two timing for tour. Leaving at Morning 9:30AM and Afternoon 2PM. Each tour takes about 4 hours. The tour includes – Shipwreck Beach (1 hour of time for you to swim there or take photos at the beach), and The Blue Cave (about 15 to 30 mins swimming time is given).

The tour only cost 25 Euro per person for the time we visited. There was a small bar and snack counter on board.

Here we are in Shipwreck Beach

With My Captain Yoo

The Blue Cave with Crystal Clear blue water

7) How much does it cost to travel to Zakynthos Or What are the things to consider when you budget a trip to Zakynthos?
I can only give you some general idea of cost for the time we travel in MAY because everything might be difference price for tourist seasonal time like June, July and August.

7.1 - Flight to Athens from you country (Price vary depending on carrier, transit time and your departure country)

7.2 – One night stay in Athens (If your flight time is not connecting for flight to Zakynthos. Normally local flight to Zakynthos depart at 7:30 PM)
(Room price is based on your choice of accommodation)

7.3 – Return Flight from Athens to Zakynthos (Check flight price from Olyampicair (https://www.olympicair.com/en) or Aegean Air (http://en.aegeanair.com/)

7.4 – Hotel In Zakynthos (Check Hotel.com , agoda.com, tripadvisor.com and etc)

7.5 –18 to 25 Euro per meal for two in MAY (Chinese Restaurant Rice + one soup + one dish + one mineral water bottle)

7.6 - Shipwreck + Blue cave local tour = Euro 25 per person

7.7 - Shipwreck viewing platform by car = Euro 80 to Euro 120

7.8 - taxi from Zakynthos Airport to Town (Arrival and departure)= Euro 15 + 15

7.9 - Other expenses = Euro 40 to Euro 60

7.10 – One night at Athens (Room price is based on your choice of accommodation)

Recreating DOTS famous romantic scene
The entire prices are based on the time that we visited to Zakynthos Island on May 2016. Hopefully, you now have some idea about how to go there and how much would it cost you. But let me tell you, it is extremely worth it. Currently, Zakynthos is not as popular as Santorini. So it is not as expensive as Santorini. But who knows what will be in future. Because of “Descendant of the Sun” k-drama fever, a lot of Asian tourists just like me are starting to flow in. So go now before it is crowded with a lot of tourists.

Oh! And don’t forget to pick a stone from Shipwreck Beach if you want to visit there again. That’s not what I said. It was said by Captain Yoo from DOTS drama. All of my friends do not want an expensive souvenir. They just keep asking me to pick a stone for them from that beach. Pretty handy trick huh!

Have questions? Leave a comment.

But do not ask the questions which is already stated in my post. And don’t ask me to calculate for your individual trip. If you are planning to travel free and easy, you should at least know how to estimate it. Or else I’ll charge you!

Will you become a storyteller?

Monday, May 16, 2016

Honeymoon to New Zealand Day 11: Magical Milford Sound


၁၂ရက် မေလ ၂၀၁၅ (အင်္ဂါနေ့)


ဒီပိုစ့်လေးကို Milford sound သွားထားတာ တစ်နှစ်တိတိပြည့်တဲ့နေ့လေးမှာ စရေးဖြစ်ပါတယ်။ ခုထက်ထိရေးလို့မပြီးသေးတော့ တစ်ခုခုတော့ မှားနေပြီလို့ ကိုယ့်ကိုကိုယ်လဲ စိတ်ဓာတ်ကျမိပါတယ်။ ထားပါတော့လေ။

Milford Sound သွားတဲ့အကြောင်းကို စောင့်မျှော်နေကြတဲ့သူတွေလဲ အတော်များမှာပါ။ သူက နယူးဇီလန်ရဲ့ နာမည်ကြီးနေရာကိုး။ ကိုယ်မြင်ခဲ့တဲ့အတိုင်းပြောရရင် သူက တောင်ထိပ်မှာ စုနေတဲ့ နှင်းတွေ အရည်ပျော်ပြီး ရေတံခွန်သေးသေးလေးတွေ အများကြီးအဖြစ် မတ်စောက်လှတဲ့ တောင်ကပါးရံတွေကနေ ပင်လယ်ထဲကို စီးကျနေတာလေ။ ကိုယ့်တုန်းကတော့ အရမ်းမှန်းသွားပြီး ရောက်သွားတော့ ဒီလောက်လဲ မဟုတ်ဘူးဆိုတဲ့ စိတ်ဖြစ်မိတယ်။ ဒါပေမဲ့ သေချာစဉ်းစားကြည့်တော့လဲ ထူးခြားပြီး တခြားနေရာတွေနဲ့ မတူတာတော့ အမှန်ပါပဲ။ တစ်ခုရှိတာက ရိုက်လာတဲ့ ဓာတ်ပုံတွေက အပြင်က လှတာကို မမှီပါဘူး။ ရေတံခွန်တွေကို သင်္ဘောနဲ့ အနီးကပ်ဆိုတော့ အားလုံးပါအောင်ရိုက်ဖို့က မလွယ်ဘူးလေ။ Drone နဲ့ဆိုရင်တော့ လှမယ်ထင်တယ်။ ရေတွေစင်တော့လဲ ကင်မရာက သိပ်မထုတ်ရဲလှဘူး။ ဒီတော့ အဲ့ဒိနေရာကို ခံစားဖို့ဆိုရင် ကိုယ်တိုင်သွားကြည့်မှပဲ အတိအကျသိမှာပါ။ နယူးဇီလန် တစ်နိုင်ငံလုံးက မြို့တွေ Cover လုပ်ဖို့ အချိန်မရရင်တောင် Queenstown ကို တိုက်ရိုက် ပျံပြီး နေ့ချင်းပြန်ခရီးသွားလို့ရပါတယ်။


Milford Sound

Milford Sound သို့ တနေ့တာ

Queenstown ကနေ Milford Sound ကို ကား ၄နာရီမောင်းရပါတယ်။ အသွားအပြန်ဆိုတော့ ၈နာရီကြာပါတယ်။ ဒီတော့ သွားမယ်ဆိုရင် အဲ့တစ်နေရာတည်းကို ၁နေကုန်အချိန်ပေးရပါမယ်။

မနက် ၅နာရီခွဲ အိပ်ယာထ

မနက် ၆နာရီခွဲမှာ Heartland hotel ကို Check out လုပ် အထုတ်တွေတော့ သူတို့ဆီပဲ အပ်ထားခဲ့။

မနက် ၆နာရီ ၃၅မိနစ် ကားထွက်စောင့်။ isite မှာ လက်မှတ် ဝယ်တုန်းက သူတို့က ကိုယ်နဲ့ အဆင်ပြေပြီး အနီးဆုံး Pick up point ဟော်တယ်လမ်းထိပ်နားကို ၆နာရီ ၄၀ လောက် လာခေါ်မယ်လို့ပြောထားတော့ ကိုလဲ လိုရမယ်ရ စော ထွက်လာခဲ့ပါတယ်။

အဲ့ဒိနေ့မှာ ကံဆိုးချင်တော့ မိုးက ဖွဲဖွဲကျနေပါတယ်။ ရာသီဥတု ၁၀ ဒီဂရီအောက်မှာ ရွာနေတဲ့ မိုးဆိုတော့ ဘယ်လောက် အေးမလဲ စဉ်းစားသာကြည့်ပါတော့။ ကိုယ်တွေလဲ အသင့်ယူလာတဲ့ တစ်ခါသုံး မိုးကာအင်္ကျီလေးအပေါ်ကထပ်ဝတ်ပြီး ပေပေတေတေပဲ ဟိုသစ်ပင်အောက်ခို ဒီသစ်ပင်အောက်ခိုနဲ့ စောင့်နေမိပါတယ်။ မနက် ၆နာရီခွဲလောက်ဆို နေမထွက်သေးပါဘူး။ အဲ့ဂိတ်မှာ ကျွန်မတို့ အပြင် ဘယ်သူမှလဲ မတွေ့ပါဘူး။ ခဏကြာတော့ အသက်ကြီးကြီး အဖွားကြီး ၂ယောက်လောက် ရောက်လာပြီး ပြန်ပျောက်သွားတော့ ကိုယ်ပဲ နေရာမှားသလားလို့ စိုးရိမ်စိတ်ဖြစ်မိတယ်။ မိုးကလဲ ဖွဲလိုက် သဲလိုက်ဆိုတော့ မိုးကာအောက်က ဘောင်းဘီနဲ့ ဖိနပ်တွေဆိုတာ စိုရွဲနေပါပြီ။ ၆နာရီ ၄၀ ဆိုပြီး ၇ နာရီထိ မလာတော့ မဟုတ်သေးပါဘူးဆိုပြီး သံသယဖြစ်လာတယ်။

ဒါနဲ့ အနီးနားမှာ မီးလင်းနေတဲ့ ဟော်တယ်လော်ဘီတစ်ခုမှာ ကားတွေ ရပ်တာတွေ့တာနဲ့ သေချာအောင် သွားမေးပါတယ်။ ကျွန်မတို့ စီးရမဲ့ ကားမဟုတ်ပါဘူးတဲ့။ ဒါနဲ့ ဟော်တယ်က အလုပ်သမားကို ကားစောင့်ရမဲ့နေရာကို ထပ်မေးတော့ ကျွန်မတို့ စောစောက စောင့်နေတဲ့ နေရာက မှန်တယ်တဲ့။

မနက် ၇နာရီ ၅မိနစ် - ဒါနဲ့ မိုးရေထဲ အဲ့နေရာကို ပြန်လာတော့ ကားက ရောက်နေပါတယ်။ ကျွန်မတို့ကိုပဲ သူက ပြန်စောင့်နေတဲ့ ပုံမျိုးပေါက်သွားလို့ စိတ်ထဲတော့ ဖြေရှင်းချက်ထုတ်ချင်ပါတယ်။ နောက်ကျတာက သူတို့လေ။ အဲ့လိုမှန်းသိ Queenstown မြို့ထဲ လမ်း ၁၅မိနစ်လောက်လျှောက်လိုက်တာနဲ့ ဂိတ်စ isite ကနေပဲ သွားစီးပါတယ်။ အဓိကက မိုးရွာလို့ သေချင်စော်ကို တော်တော်နံသွားတယ်။

The Remarkable နှင်းတောင်တန်းတွေနဲ့ နီးသတက်နီးလာသလို 

ကားပေါ်တက်တော့ စိုနေတဲ့ ဘောင်းဘီအောက်ပိုင်းနဲ့ ဖိနပ်၊ ခြေအိပ်တွေက အတော်လေး နေရခက်ပါတယ်။ အော်ငိုချင်စိတ်ပါပေါက်တယ်။ ချွတ်ထားလို့ အနံ့ထွက်မှာလဲ စိုးသေးတယ်လေ။ ကားမောင်းရင် မနက် ၉နာရီခွဲလောက်ကျတော့မှ kiwi country shop ဆိုတဲ့ လက်ဆောင်ပစ္စည်းရောင်းတဲ့ဆိုင်နဲ့ ကော်ဖီဆိုင်တွဲရက်နေရာလေးမှာ ကားခဏရပ်ပါတယ်။ အဲ့မှာတော့ မနေနိုင်လို့ ကျွန်မခြေအိတ် အသစ်ဝယ်လိုက်ပါတယ်။ Mr.Right ကိုလဲ မချမ်းဘူး မချမ်းဘူးနဲ့ ရှေ့ဆက် နှင်းတောင်ခြေသွားမှာဆိုတော့ ချမ်းမှာ သိတာနဲ့ လက်အိတ်ဝယ်ခိုင်းလိုက်ပါတယ်။ အဲ့ဒိဆိုင်မှာပဲ ကြုံတုန်း နယူးဇီလန်ရဲ့ နာမည်ကြီး ဆေးဘက်ဝင်တယ်လို့လဲ သူတို့ပြောတဲ့ Manuka (မနူကာ အပင်) နဲ့ ပျားရည်ဆပ်လုပ်ထားတဲ့ Moisturizer ဘူးလေးပါ ဝယ်လိုက်ပါတယ်။ လက်အိတ်၊ ခြေအိတ်၊ Moisturizer စုစုပေါင်း NZD 35.80 ကျပါတယ်။

မနက်စာကိုတော့ Hot chocolate နဲ့ muffin လိုဟာကို အောင့်အီးစားလိုက်ပါတယ်။ စိတ်ထဲမှာ Milford Sound ရောက်ရင်လဲ စားသောက်ဆိုင်တော့ ရှိလောက်ပါတယ် ထင်ထားခဲ့တာ။ အမှားကြီးမှားတာပဲ။ ကိုယ်တွေက လက်မှတ်ဝယ်တုန်းကလဲ ကိုယ်မကြိုက်တာတွေ ကျွေးမှာစိုးလို့ Lunch မပါတာဝယ်ခဲ့တာ။ Tourist attraction ဆိုတော့ စားသောက်ဆိုင်တော့ ရှိသင့်တာပေါ့နော်။ ဒါပေမဲ့ ဟိုမှာ snack ရောင်းတဲ့ Vending machine လေးပဲ တွေ့ခဲ့ရတယ်။

မနက် ၁၀နာရီ ၄၀ လောက်မှာ The Remarkable လို့ခေါ်တဲ့ နှင်းတောင်တန်းကြီးရဲ့ View point လို့ နေရာမျိုးမှာ ဓာတ်ပုံရိုက်ဖို့ ကားခဏရပ်ပေးတယ်။ ကားပေါ်ကလူတွေနဲ့လုရိုက်ရမှာရော၊ တောင်ကြီးတွေက အပြင်မှာ အရမ်းလှပေမဲ့ ဓာတ်ပုံထဲကျတော့ တိမ်တွေဖုံး ပြီး သိပ်မလှတာရော၊ အရမ်းအရမ်းချမ်းလွန်းလို့ ကြောက်ပါပြီ အော်နေရတာရော ကြောင့် ဓာတ်ပုံ ကောင်းကောင်းမရိုက်ဖြစ်ခဲ့ဘူး။ Mr.Right ကတော့ ကျွန်မကို အင်္ဂလန် လိုမျိုးမှာ နေရင်တော့ နင်ဖြစ်မှာ မဟုတ်ဘူးဆိုပြီး လှောင်သေးတယ်။ (နောက်နေ့ နှင်းတောင်ထိပ်တက်မှ သူ့အတင်းဆက်ခုတ်မယ်နော်)။ အမှန်တော့ မိုးရေစိုလို့ ချမ်းတယ်ထင်တာပဲ။ သူများတွေတော့ ဒီလောက်ချမ်းနေပုံမရဘူး ဘာလို့ ကိုယ်ပဲ ခိုက်ခိုက်တုန်းချမ်းနေသလဲ မသိတာ။ ချမ်းရင် အပေါ့သွားချင်မှာလဲ ကြောက်ရသေးတယ်။ သူတို့ကားက ရပ်ပေးတဲ့ အချိန်ပဲ သွားရတာကို။

The Remarkable တောင်တန်းတွေကို အနီးကပ်ကြည့်လို့ရတဲ့ view point တစ်နေရာ။ (အရမ်းချမ်းတယ်)

နှင်းတောင်ခြေ

မရမက တောင်တန်းနဲ့ ရိုက်ချင်တာ... အလင်းဗြောင်းဗြန်ဆိုတော့ ဒီလောက်ပဲရတယ်။

ချမ်းလွန်းလို့ ကားဆီ အမြန်ပြန်ပြေး

လမ်းတစ်လျှောက်လဲ ရေတံခွန်တွေ ရေခဲမြစ်/ချောင်းတွေ ဖြတ်လာတာ လှမှလှပါပဲ။ တကယ်ကိုပဲ ဓာတ်ပုံနဲ့ ဆုံးဖြတ်လို့ မရတဲ့ အလှတရားတွေပါ။

၁၁နာရီ ၅၀ လောက်မှာလဲ ရှုခင်းလှတဲ့ တစ်နေရာမှာ ခဏရပ်ပေးသေးတယ်။ တောင်ကြီး ၂လုံးကြားကနေ အဝေးက ရေခဲတောင်တွေကို မြင်နေရတဲ့ နေရာ။ ကားပေါ်မှာ အိန္ဒိယမိန်းမ ၃ယောက်ပါလာတယ်။ သိတဲ့အတိုင်း သူတို့ကလဲ ပြည်ကြီးတွေနဲ့ လူမှုရေးနာမလည်ရာမှာ နင်လားငါလားတွေလေ။ ဗျူးပွိုင့်ခဏရပ်ပေးတာ အလှည့်ကျ ဓာတ်ပုံရိုက်မယ်မရှိဘူး။ သူတို့ချည်းပဲ မပြီးတာ။ မတ်တပ်ရပ်ရိုက်၊ ခုန်ပျံရိုက်၊ ဖြစ်နိုင်ရင် ကင်းမီးဂေါက်ပါထောင်ရိုက်ချင်ပုံရတယ်။ ကိုင်ထားတော့ DSLR ပြီးတော့ အော်တိုမု ပဲ သုံးတတ်ပုံရတယ်။ Flash ကြီးက တဖျက်ဖျက်။ ကားပေါ်မှာ ရှုခင်းလှတဲ့ နေရာတွေရောက်ရင်လဲ Flash တဖျက်ဖျက်နဲ့ ကားထဲကနေရိုက်ရတာ အမော။ ထွက်လာမဲ့ ပုံတွေကို ကိုယ်က စိတ်ကူးကြည့်မိတယ်။ ကားမှန်က reflection နဲ့ဆိုရင် “အမီနာ Photography” က အတော်လေးကို လှတပတတွေရမှာ။ ကိုယ်နဲ့ Mr.Right ကတော့ အစက စိတ်တိုပေမဲ့ နောက်ပိုင်းတော့ တိတ်တိတ်လေးပဲ ရီနေရတယ်။ သူတို့နဲ့လဲ ပြိုင်တိုးပြီး မရိုက်တော့ဘူး။ အဝေးကရိုက်လဲ ရှုခင်းက ပါတာပါပဲ။ ရပ်ပေးတဲ့ အချိန်ကို ကျော်ပြီး မပြီးနိုင်မစီးနိုင်လုပ်နေကြလို့ ကားသမား ခေါ်တာလဲ မလာကြလို့ ထွက်တော့မယ်လုပ်တော့မှ ပြေးလာကြလို့ တစ်ကားလုံးက သူတို့ကို ဘယ်လိုဟာတွေလဲ ကြည့်တာ ခံလိုက်ရတယ်။

နောက်ထပ် ရပ်ပေးတဲ့ View Point တစ်နေရာ။ (အဲ့ဒိနေရာမှာ အနီနဲ့ မိန်းမ အုပ်စု သူများကို နေရာကို မဖယ်ပေးတာ)

ကိုယ်တောင် ကားပေါ်ပြန်ရောက်နေပြီး ခုန်ပြီး ရိုက်နေကြပြန်ပြီ။ (ကင်းမီးကောက်ထောင်ရိုက်ပါလား)

ကားဖြတ်သွားတဲ့ တံတားတဖက်က ချောင်းလေး။ (ကားရဲ့ ညာဘက်)

ကားရဲ့ ဘယ်ဘက် တောင်တန်းပေါ်က စီးကျလာတဲ့ ရေတံခွန် (ကားရဲ့ ဘယ်ဘက်က)

ဒီနှင်းတောင်ကြီးတွေက နှင်းတွေ ပျော်ကျတာပေါ့

ကိုယ့်ဘာသာကိုယ်ပဲ အလှတရားတွေ ခံစားတော့မယ်။ (တောင်ပေါ်က စီးကျနေတဲ့ ရေစီကြောင်းသေးသေးလေးတွေ)

နှင်းတောင်ကြီးတွေရှိတဲ့နေရာကို ကိုယ်ရောက်အောင် သွားဖူးတဲ့အတွက် ကျေနပ်တယ်။

ဆန်းကျယ်တဲ့ သဘာဝအလှ

ဒီခရီး နီးသလား..

နေ့လည် ၁၂နာရီ လောက်မှာ Milford Sound သင်္ဘောဆိပ်ကိုရောက်တယ်။ ခဏစောင့်ပြီးတော့ သွားရမဲ့ အပျော်စီး မော်တော်ဘုတ်အကြီးစားပေါ်ကို တက်ရတယ်။ Vending mechine က အာလူးကြော်အထုတ်သေးလေးကလွဲကို ဘာမှ စားစရာမပါဘူး။ ဘုတ်ပေါ်မှာတော့ လဘက်ရည်၊ ကော်ဖီက Free flow ကြိုက်သလောက် သောက်လို့ရတယ်။ စစချင်းတော့ အဲ့ဒိဘုတ်ရဲ့ အပေါ်ထပ်လေးကိုတက်ပြီး အပြင်မှာ ထိုင်ကြတာပေါ့။ အောက်က ထိုင်ခုံတွေနဲ့ အထဲက အခန်းထဲ ဘယ်သူမှ မနေချင်ဘူး။ တကယ်လဲ ဘုတ်ထွက်ရော၊ လေကအေး။ ရေငွေ့တွေက မျက်နှာလာရိုက်၊ ရေတံခွန်တွေနားရောက်ရင် ရေမှုန်တွေစင်လို့ ဘုတ်သေးသေးပေါ်မှာတောင် ဘယ်တွေ ပျောက်ကုန်ကြလဲ မသိဘူး။ ကိုယ်လဲ အပေါ်မှာ လူများလို့ စောစောစီးစီး အောက်ဆင်းလာလိုက်တယ်။ ဘုတ်အနောက်ပိုင်းလေးမှာတော့ အေးအေးဆေးဆေးရှိလို့ အဲ့မှာ ခဏထိုင်နေသေးတယ်။ နောက်တော့ ဘုတ်အရှေ့ပိုင်းဘက် သွားကြည့်ဖြစ်တယ်။ ဘုတ်အရှေ့ပိုင်းမှာက ရှုခင်းလှတယ်ဆိုပေမဲ့ လေတအားတိုက်တယ်လေ။ ဘယ်သူမှ ကြာကြာမနေနိုင်ကြတော့ ပြောစရာမလိုပဲ အလှည့်ကျလိုဖြစ်နေတယ်။

Milford Sound ကတော့ အပေါ်မှာပြောခဲ့တဲ့အတိုင်း မတ်စောက်တဲ့ တောင်ကြီးတွေပေါ်ကနေ ပျော်ကျလာတဲ့ နှင်းတွေကနေ ရေတံခွန်တွေ အများကြီး ပတ်ပတ်လည်စီးဆင်းနေတဲ့ နေရာပေါ့။ ကိုယ်က အစက ကနေဒါနဲ့ ယူအက်စ်နယ်စပ်က Niagara ရေတံခွန်လို ရေတွေများကြီးထင်တာ။ သူက ရေတံခွန်တွေတော့ အများကြီးဖြစ်နေပေမဲ့။ အားလုံးက ရေတံခွန် သေးသေးလေးတွေ။ စာထဲမှာဖတ်ရတာတော့ အဲ့ရေတံခွန်တွေကလဲ အမြဲတစ်နေရာတည်းမှာ ရှိနေတာမဟုတ်ဘူးတဲ့။ သူက အပေါ်က ရေခဲပျော်လို့ဖြစ်နေတာဆိုတော့ စီးချင်သလို စီးနေကြတာလေ။ တချို့တလေ နည်းနည်းကြီးတဲ့ ရေတံခွန်တွေလဲရှိပါတယ်။

Milford Sound သင်္ဘောဆိပ်ရောက်ပြီ

အာလူးကြော် တစ်ထုတ်ကို အဖော်ပြုလို့

တောင်နံရံရယ်၊ ရေတံခွန်ရယ်၊ ပင်လယ်ဝရယ် သဘာဝတရားကြီးက မရိုးရအောင် ဆက်စပ်ပေးတတ်တယ်

သင်္ဘောက ရေတံခွန်တွေနားနီးနီးထိ ကပ်ပေးတယ်။ (ကင်မရာရေစိုမှာစိုးလို့ ပုံကောင်းသိပ်မရ)

ဟိုအဝေးက ရေတံခွန်

သင်္ဘောအနောက်ဘက်မှာ လူလေးရှင်းနေတုန်း။ ကော်ဇီပူလေးတစ်ခွက်ကို အဖော်ပြုလို့ အအေးဒဏ်ကို အံတုနေတယ်။

ရေတံခွန်တွေနားမှာ သက်တံလေးတွေပေါ်နေတာ လှမှလှ

ကံကောင်းရင် အဲ့ ပင်လယ်ထဲမှာ သဘာဝအတိုင်းရှိနေတဲ့ ဝေလငါးတွေ၊ လင်းပိုင်တွေ၊ ပင်ကွင်း တွေကိုလဲတွေ့ရတတ်တယ်တဲ့။ ကိုယ့်တုန်းကတော့ ပင်လယ် ဖျံလေးတွေ ကျောက်ဆောင်တွေပေါ် အနားယူနေတာပဲ တွေ့ခဲ့တယ်။ တိရိစ္ဆာန်ရုံထဲမဟုတ်ပဲ သဘာဝအတိုင်းရှိနေတဲ့ လွတ်လပ်တဲ့ ဖျံအရိုင်းလေးတွေတွေ့ရတော့ စိတ်ထဲမှာ ကြည်နူးသလိုလို။ အစာမကျွေးဖို့တော့ အော်ထားတယ်။ သူ့စည်း ကိုယ့်စည်းနဲ့ နေကြတာ ကောင်းပါတယ်နော်။ ကိုယ်လဲ သင်္ဘောထိပ်အပြင်မှာ မှန်နားကပ်ပြီး နေရာလေးရတုန်း ပေထိုင်နေလိုက်သေးတယ်။ အချမ်းလွန်သွားရင် ထုံသွားပြီး မချမ်းတော့ဘူးလေ။ နောက်မှ Mr.Right က အထဲပြန်ဝင်မယ်ဆိုလို့ ဝင်လိုက်တော့ DSLR အိန္ဒိယအုပ်စုက အဲ့နေရာယူသွားတော့ ကိုယ်လဲ အထဲပဲ နေလိုက်တယ်။ အထဲမှာနေလဲ ဓာတ်ပုံရိုက်လို့ မရတာကလွဲလို့ အကုန်မြင်နေရတာပဲလေ။ ဓာတ်ပုံကလဲ ဘယ်လောက်ရိုက်ရိုက် အပြင်က အလှနဲ့ ခံစားချက်ကိုမှ မမှီတာ။ ဒီတော့ moment ကိုပဲ ကော်ဖီလေးသောက်ပြီး ခံစားနေလိုက်တယ်။ သင်္ဘောပေါ်မှာ နေ့လည်စာ ဝယ်ထားတဲ့သူတွေကို အသားညှပ် Sandwich တွေ လိုက်ဝေတယ် ကောင်းမဲ့ပုံပဲ။ ကိုယ်စားလို့ရလောက်တဲ့ အနေအထားရှိတယ်။ အဲ့ကျတော့ ကိုယ် နေ့လည်စာမယူဘူးပြောမိတာ နောင်တရသွားတယ်။ ဆိုင်တွေ မရှိတာလဲပါတယ်။ ဒီတော့ သင်ခန်းစာကတော့ Milford Sound သွားလို့ ကိုယ်စားစရာမယူသွားနိုင်ရင် နေ့လည်စာထည့်ဝယ်ကြပါလို့။

အပြန်ကျတော့ ဟယ်လီကော်ပတာနဲ့ ပတ်ပြပြီးလမ်းကျမှ ကားနဲ့ ပြန်ဆုံတာ လုပ်လို့ရတယ်။ အာ့က ဈေးတော့ ကြီးတယ်။ အဲ့တုန်းကတော့ ကပ်စေးနဲနေသေးတော့ မလုပ်တော့ပါဘူးဆိုပြီး ကားနဲ့ပဲ ပြန်လိုက်တယ်။ အဖွဲ့ထဲက အတွဲ ၂တွဲလောက်ကတော့ ဟတ်လီကော်ပတာနဲ့ ပြန်ကြတယ်။ အပြန်မှာလဲ အလာတုန်းက ခြေအိတ်ဝယ်တဲ့ဆိုင်လေးမှာပဲ ရပ်ပေးတယ်။ အဲ့ဒိကော်ဖီဆိုင်လေးက Asian ရောင်းတာထင်ပါတယ်။ သူက cup noodle လဲ ရောင်းတယ်။ ကိုယ်လဲ တခြား muffin တို့ cake တို့ထက်စာရင် လျှာထိအာထိ ရှူးရှူးရှဲရှဲပဲစားချင်တော့ Cup Noodle ဝယ်လိုက်တယ်။ ဖြစ်ချင်တော့ ကိုယ်ငွေရှင်းကလှည့်ကျမှ ဆိုင်က အလုပ်သမားလားဘာလားတော့ မသိဘူး အဖြူမနဲ့ကျတယ်။ တရုတ်မလေးက အလုပ်ရှုပ်နေတယ်။ အဲ့ဒါနဲ့ သူ့ကို ရေနွေးလေးထည့် ပေးပါလို့ပြောလိုက်တယ်။ အမှန်တော့ ဗူးဖောက် အထဲက အစာတွေ မလုပ်တတ်ရင်တောင် နောက်က သူတို့ ကော်ဖီဖျော်ရင်ထွက်တဲ့ ရေနွေးစက်ကနေ ရေနွေးလေးထည့်ပေးတာ ဘာခက်ခဲလဲတော့ မသိဘူး။ အဲ့ အဖြူမက ဗူးတောင် မဖောက်တတ်ရှာဘူး။ ဗူးမဖောက်တတ်တာက အဓိကမဟုတ်သေးဘူး။ သူ့မျက်နှာက ဒီလိုမျိုး မုန့်အစုတ်အပဲ့ကို အာရှသားတွေပဲ စားတယ်ဆိုတဲ့ လှောင်ချင်တဲ့ မျက်နှာမျိုးက လုပ်သေးတယ်။ အလုပ်ရှုပ်လိုက်တာလို့ ငြူစူချင်သလိုလို။ ပါးစပ်ကလဲ ဒါမျိုး ငါတစ်ခါမှ မစားဖူးဘူး၊ စားတဲ့သူရှိတယ်လား ဆိုပြီး ပြောသေးတယ်။ သူတို့ဆိုင်မှာပဲ ရောင်းနေပြီးတော့ မပြောချင်ဘူး။ နောက်တော့ တရုတ်မလေးပဲ လာလုပ်ပေးတယ်။ ဒီလောက်လွယ်တာကို မလုပ်တတ်တဲ့ အဖြူမ ဒူတယ်ပဲ ထင်တယ်။ ပြီးတော့ သူ့ဆိုင်မှာ ရောင်းတဲ့ပစ္စည်းကို မလုပ်တတ်တာ သူ့အပစ်။

အထဲမှာ Like a boss

သဘာဝအတိုင်း လွတ်လပ်တဲ့ ဖျံလေးတွေ

ဒီရေတံခွန်ကတော့ တော်တော်လေး ကြီးတယ်။

ပြန်အုံးမယ် Milford Sound ရေ။ ကံမကုန်ရင် ပြန်ဆုံမယ်။

ကိုယ့်ရဲ့ အဲ့ဒိနေ့က နေ့လည်စာကတော့ ခေါက်ဆွဲခြောက်ဗူးနဲ့ အားလူးကြော်ပေါ့နော်။ အဲ့ဒါ NZD 5.80 ကျတယ်။

Checking into Backpacker Place, Blacksheep Hostel

အပေါ်ထပ်တက်တဲ့ လှေကားနားက ဆိုင်းဘုတ်နဲ့

ညနေ ၆နာရီလောက် Queenstown ပြန်ရောက်တော့မှ Heartland hotel ကနေ အထုတ်တွေသွားယူပြီး Blacksheep backpacker တည်းခိုခန်းလေးကို check in ဝင်ကြတယ်။ ဝင်းထဲက ၂ထပ်တိုက် တန်းလျားလို့ အဆောက်အဦးမှာ အောက်ထပ်က ၂ထပ်ကုတင်တွေနဲ့ အထဲမှာ မရှိဘူးဆို ၆ယောက်လောက်ရှိမယ်။ စုပေါင်း ဘုံသုံး မီးဖိုချောင်မှာလဲ ချက်ပြုတ်စားနေကြတာတွေ့တယ်။ အပေါ်ထပ်ကတော့ ၄ယောက်ခန်းနဲ့ ၂ယောက်ခန်းပေါ့။ ကိုယ်တွေက special Deluxe Room (သူတို့ဆီမှာ ရှိသမျှမှာ အကောင်းဆုံး) ယူထားတော့ အနည်းဆုံး အိမ်သာ ရေချိုးခန်း ပါပြီးသားမှတ်တာ။ တကယ်တန်းကျတော့ အိမ်သာ၊ရေချိုးခန်းက နောက်ခန်း ၂ခန်းလောက်နဲ့ မျှသုံးရတယ်။ ကျွန်မတို့ အခန်းနဲ့တော့ မဝေးပါဘူး။ ပြီးတော့ အောက်ထပ်ကလူတွေလဲ လာမသုံးပါဘူး။ ဒါပေမဲ့ Blacksheep ကို အပေါစားဆိုပြီး အစကတည်းက မနေချင်တဲ့ Mr.Right တစ်ယောက်က သိပ်မကျေနပ်တော့ဘူးပေါ့။ ဒါပေမဲ့ ပိုက်ဆံပေးပြီးနေပြီလေ ဘာတတ်နိုင်မှာလဲ။ ကိုယ်လဲ ကိုယ်နေချင်တယ်ဆိုပြီး ကိုယ်ကြိုက်လို့ ခေါ်လာပြီး ထင်သလို မဖြစ်တော့ အပြစ်ရှိသလို ခံစားနေရပါတယ်ဆိုမှ သူ့ရုပ်က အင်းမလုပ် အဲမလုပ် စိတ်တိုင်းမကျတဲ့ ပုံလုပ်နေတော့ ကိုယ့်မှာ ပိုစိတ်ညစ်ရတာပေါ့။ အမှန်တော့ သူက ကိုယ် အပြင်ထွက်ရေချိုးရမှာကို စိတ်မချတာ။ ကိုယ်လဲ အစပိုင်းတော့ တမျိုးကြီးလိုဖြစ်ပေမဲ့ နောက်ရက်တွေကျတော့ နေသားကျသွားတော့လဲ အဆင်ပြေပါတယ်။ ဘိုမတွေတောင် ဒီလိုပဲ ချိုးနေကြတာ။

ဒါ ကျွန်မတို့ နေခဲ့တဲ့ အခန်း (ပုံကတော့ internet က ယူထားတာ) ရိုက်ဖို့ မေ့လာလို့

အခန်းလေးကတော့ အခြေခံ အိပ်ယာခေါင်းအုံး၊ တီဗွီ၊ ဗီဒို၊ အပူစက် အကုန်ရှိပါတယ်။ ပုတင်းပေါက်လေးကနေ The Remarkable နှင်းတောင်တန်းကြီးကိုလဲ လှမ်းမြင်နေရသေးတယ်။ အဲ့ဒါကတော့ Heartland Hotel ကြီးထက်သာပါတယ်။ နောက်ထပ်သာတာက သူက Unlimited Free Wifi ရတယ်။ New Zealand က ဘယ်ဟော်တယ်ကြီးတွေမှာမှ အင်တာနက် အလကားမရခဲ့ဘူး။ နေခဲ့တဲ့ Rotorua က လမ်းဘေးဟော်တယ်နဲ့ ခု ဒီ Backpacker နေရာမှာပဲ အင်တာနက် အလကားရတယ်။ အဲဒါ ဘာလဲတော့ မသိဘူး။ ၂ခုလုံး ဒေါ်လာ ၁၀၀အောက်တွေချည်းပဲ။

အဲ့ဒိ backpacker hostel မှာ အာရှသားဆိုလို့ သူနဲ့ ကိုယ် ၂ယောက်ပဲရှိတယ်။ ကျန်တာတွေအကုန် အနောက်တိုင်းသားတွေချည်းပဲ။ တချို့က လချီပြီး ရက်ရှည်နေကြတယ်လို့လဲ ကြားတယ်။ တနင်္ဂနွေနေ့ဆို တစ်ယောက်က ခွေငှားလာရင် Reception ရှိတဲ့ ဧည့်ခန်းထဲမှာ စုပြီး Movie night လုပ်ကြသေးတယ်။ သူတို့ဟာနဲ့ သူတို့တော့ ဟုတ်နေတာပဲ။ သူတို့အခန်းထဲနေတာထက် အဲ့ Reception ရှိတဲ့ ဧည့်ခန်းထဲက ဆိုဖာတွေပေါ်မှာ သူတို့အိမ်ကျနေတာပဲ laptop ကိုယ်စီနဲ့ ထိုင်နေကြတယ်။

နောက်ဖေးမီးဖိုချောင်က ဗီဒိုတွေထဲဆိုရင်လဲ ပစ္စည်းတွေကို နာမည်တွေနဲ့ သူတို့ Check Out ရက်တွေပါ တပ်ထားရတယ်။ ညဘက် ဟင်းဝင်ချက်ဖို့ မစဉ်းစားနဲ့ သူတို့ချက်နေတာနဲ့ ပြည့်နေတာပဲ။ စစချင်းတော့ Backpacker နေရာမျိုးမှာ ကိုယ်က ပထမဆုံးနေဖူးတာဆိုတော့ တမျိုးတော့ ဖြစ်သွားပေမဲ့ (ဒါတောင် ကိုယ်က သီးသန့်ခန်းငှားနေလို့) နောက်ပိုင်းကျတော့လဲ သူ့ဈေးလေးနဲ့သူ ရှုခင်းဘာညာမြင်ရပြီး နေပျော်တဲ့ နေရာလေးတစ်ခုဖြစ်တဲ့အတွက် Blacksheep ကို သူ့ဈေးနဲ့သူ သဘောကျတဲနေရာအဖြစ် သတ်မှတ်ပါတယ်။

Blacksheep ရှေ့က Black cat လေး အချွဲပို၊ သူလေး ချမ်းနေမလား...

အောက်ထပ်က မီးဖိုချောင်

စုပေါင်း မီးဖိုချောင်

ဟောဒီလို စာတွေကပ်ထား

နေမဲ့သူတွေလဲ ကိုယ့်ပစ္စည်းကိုယ် စာတမ်းထိုးထား

spa ရှိတယ်ဆိုပြီး book ပေမဲ့ spa က ပိတ်လို့ မသုံးဖြစ်၊ ဖွင့်လဲ သုံးဖြစ်မယ်မထင်၊ သေးသေးလေးမို့ (Mr.Right ကလဲ ကြိုက်မှာ မဟုတ်)

ဟိုးနောက်က ကန်သေးသေးလေးက spa pool တဲ့.. ဟီး (ဒါမဲ့ view တော့ ကောင်းတယ်)

အဲ့ဒိညလဲ Asia Food court မှာပဲ ယိုးဒယားဆိုင်က ထမင်းမှာစားဖြစ်ခဲ့တယ်။ ညစာ ပုံထဲက ထမင်း ၂ပွဲ ဟင်း ၂ပွဲကို NZD 27.80 ကျတယ်။

ယိုးဒယားစာနဲ့ ၂ပါးထပ်သွား (ငရုတ်ကောင်းစေ့တွေများလွန်းလို့ မနည်းဖယ်စားရ)

သူ့အကြိုက် တုန်ရမ်းဟင်းချို

နောက်နေ့တော့ Gondola ပေါ်မှာ zipline သွားစီးတဲ့ အကြောင်းပေါ့။

Other Related Posts
New Zealand Visa Application for Myanmar passport holder
Honeymoon to New Zealand: Day1
Honeymoon to New Zealand: Day2
Honeymoon to New Zealand: Day3
Honeymoon to New Zealand: Day4
Honeymoon to New Zealand: Day5
Honeymoon to New Zealand: Day6 (Part 1)
Honeymoon to New Zealand: Day7
Honeymoon to New Zealand: Day8
Honeymoon to New Zealand Day9 (Part -1): Experiencing Bluebridge Ferry
Honeymoon to New Zealand Day9 (Part -2): To Christchruch
Honeymoon to New Zealand Day10: To Queenstown