Friday, September 14, 2012

MaBayDar Facebook Page activities

ပြီးခဲ့တဲ့ အပတ်ကမှ facebook like လေး ဘေးက ဘားမှာထည့်ချင်လို့ ဘယ်လိုလုပ်လဲရှာတော့မှ... သူက ဖေ့ဘွတ်မှာ like page ဖွင့်မှရတယ်ဆိုတာ သိလိုက်ရပါတယ်... စမ်းကြည့်ချင်တာနဲ့ လုပ်ဖြစ်ခဲ့ပါတယ်...

Page လေးဖြစ်သွားတော့လဲ Friend list ထဲက ကိုယ့်စာဖတ်သူတွေကို အရင်ဆုံး invite လုပ်ဖြစ်ပါတယ်...  တစ်ခါတစ်လေ မဗေဒါရဲ့ စာဖတ်ပရိတ်သတ်မှန်းမသိ ဖေ့ဘွတ်ပေါ်တွေ့လို့ တွေ့ကရာလျှောက်အက်နေမှန်းမသိလို့ ခုနောက်ပိုင်း Friend request တွေကို သိပ်လက်မခံဖြစ်တော့ တကယ့်စာဖတ်သူများဖြစ်နေမလားဆိုပြီး စိတ်ထဲမကောင်းဖြစ်ရတယ်... နောက်ဆို မဗေဒါဘလော့ကို ဖတ်တဲ့ စာဖတ်သူတွေအတွက် အဲဒိ MaBayDar Page လေးကို like ထားရင် update တွေမြင်ရမယ်...
အဲဒိအချိန်ထိ ကိုယ့် page လေးမှာ ဘယ်လိုအရာတွေနဲ့ တစ်ခုခုပြန်ပေးနိုင်မလဲလို့ စဉ်းစားလို့မရခဲ့ပါဘူး... အစက ကိုယ်က ဘလော့ပေါ်က ဆိုဒ်ဘားမှာပဲ like လေးလုပ်ချင်ခဲ့တာဆိုတော့ ဘာအတွေးမှ မရှိခဲ့ဘူး... ဒါပေမဲ့ ကိုယ့် Page ကို ကြိုက်တဲ့ စာဖတ်သူတွေကို အလကား Like လုပ်ခိုင်းတော့လဲ မကောင်းပြန်ဘူးလေ...

စဉ်းစားမိတာက မဗေဒါဘလော့ကိုဖတ်သူတွေက ရုပ်ရှင်ကြိုက်ရင်ကြိုက် မဟုတ်ရင် ခရီးသွားတာကိုကြိုက်တဲ့ ပရိတ်သတ်တွေများတယ်လေ... ကိုရီးယား ဇာတ်လမ်းတွဲပဲဖြစ်ဖြစ်... အင်္ဂလိပ်ရုပ်ရှင်ကားပဲဖြစ်ဖြစ်... ကိုယ်ကြည့်ဖြစ်တဲ့ကားတွေ ကိုယ်ကြိုက်တဲ့ကားတွေတိုင်းကလဲ ဘလော့ပေါ်မှာ မရေးဖြစ်ဘူး... တခါတလေကြည့်နေရင်းကြိုက်တယ် အဆုံးပိုင်းမှ မကောင်းတော့လို့ရေးချင်စိတ်မရှိတော့တာတွေ... ဇာတ်လမ်းပြနေတဲ့အတောအတွင်း ရိုက်ကွင်းပေါ်က အကြောင်းတွေ ပြောပြချင်ပင်မဲ့ ပိုစ့်ကြီးတစ်ပုဒ်အနေနဲ့ မရေးဖြစ်ဘူး... ဒီတော့ ဒီ Page လေးပေါ်မှာ မဗေဒါရဲ့ လက်ရှိကြည့်နေတဲ့ကားတွေ ဇာတ်လမ်းတွေ ခံစားချက်လေးတွေကို ၀ါသနာတူတွေဆီ ဝေမျှမယ်လို့ စိတ်ကူးတယ်... 

နောက်ပြီး ကိုရီးယားရုပ်ရှင်လေးတွေနဲ့ ပတ်သတ်တဲ့ Facebook cover ပုံလေးတွေကို ဝေမျှမယ်... ယူသုံးချင်တဲ့သူ သုံးလို့ရတာပေါ့... 

နောက်တစ်ခုကတော့ အထူးအစီအစဉ်အနေနဲ့ မဗေဒါကို အမြဲအားပေးနေတဲ့ သူငယ်ချင်း ပရိတ်သတ်တွေနဲ့ ပိုမိုရင်းနှီးမှုလဲရအောင်... ပြီးတော့ အားလုံးလဲပျော်ရအောင် မဗေဒါက ၁လတစ်ကြိမ်လောက်  မေးခွန်းလေးတွေမေးပြီး ပထမဆုံးအဖြေမှန်တဲ့သူကို လက်ဆောင်ပစ္စည်းလေးတွေပို့ပေးဖို့ စဉ်းစားထာတယ်... 

ခင်မင်တဲ့သဘောနဲ့ရော အားပေးတဲ့အတွက် ကျေးဇူးတင်တဲ့သဘောနဲ့ရော အားလုံးလဲပျော်စေဖို့ ပို့ပေးချင်တာပါ... အရမ်းချမ်းသာနေလို့တော့မဟုတ်ပါဘူး... ဒီတော့ လက်ဆောင်ပစ္စည်းဆိုလို့ အိုင်ပက်တွေ၊ iphone တွေမထင်နဲ့အုံး.. (မထင်ဘူးဆိုတာ သိပါတယ်).... မဗေဒါတတ်နိုင်သလောက် မဗေဒါတွေ့လို့ သဘောကျတဲ့ ပစ္စည်းလေးတွေ ကြိုက်တဲ့ပစ္စည်းလေးတွေ စာဖတ်သူတွေကို လက်ဆောင်အဖြစ်ပေးချင်ယုံသက်သက်ပါပဲ...

ပထမဆုံးလက်ဆောင်ပစ္စည်းကို မခင်မီမီသိန်း ကို ပြီးခဲ့တဲ့ အင်္ဂါနေ့ကပဲ လက်ဆောင်ပစ္စည်းပို့ဖြစ်ခဲ့ပါတယ်... Register နဲ့ပို့လို့ ၁၂ရက်ကြာမယ်လို့ပြောပါတယ်... ပို့တဲ့ပစ္စည်းထက် ပို့ခကပိုလို့တောင် ဈေးကြီးနေပါတယ်... မဗေဒါဆီလာလည်တဲ့ စာဖတ်သူတွေအားလုံး 
မဗေဒါ ဘလော့ကို ကြိုက်တယ်ဆိုရင် ဘေးက sidebar မှာပေါ်နေတဲ့ fb Like လေးကို နှိပ်သွားကြပါလို့....

အမြဲအားပေးတဲ့ မခင်မီမီသိန်းအတွက် လက်ဆောင်...