Old are gold (English Movies review)

အာရှကားတွေကြည့်ရတာ ပျင်းလာရင် တမျိုးလေးပြောင်းပြီး အင်္ဂလိပ်ကားတွေ ကြည့်ပါတယ်... အရင်ကတော့ အင်္ဂလိပ်ကားတွေ ဘယ်နားဒေါင်းရမှန်းမသိတော့ တီဗွီကပြတာတွေကြည့်ဖြစ်တယ်... ဒါမှမဟုတ် ရုံသွားပြီးကြည့်တာတော့များတယ်... အဲဒိတလောကတော့ အလုပ်ကလူတွေဆီကနေ သူတို့ ဒေါင်းလာတာလေးတွေ ပြန်ပြန်ကူးကြည့်ဖြစ်လိုက် ကိုယ်ကြည့်ချင်တာလေး ဒေါင်းခိုင်းလိုက်နဲ့ တော်တော်လေးကြည့်ဖြစ်သွားတယ်... ကြည့်ဖြစ်တဲ့ကားလေးတွေထဲကမှ စိတ်ထဲမှာ မှတ်မှတ်ရရနဲ့ ကြိုက်တဲ့ကားလေးတွေအကြောင်း ပြန်ဖောက်သည်ချချင်တယ်... ကားတွေကတော့ အသစ်တွေတော့မဟုတ်ပါဘူး... ဒါပေမဲ့ မကြည့်ရသေးတဲ့ကားမှန်သမျှက မဗေဒါအတွက်တော့ ကားသစ်တွေပါပဲ... ခုပြောမဲ့ကားတွေကို ကြည့်ပြီးရင်လဲကြည့်ပြီးကြမှာပါ... မဗေဒါကတော့ လွန်ခဲ့တဲ့ ၆လလောက်ကမှ ကြည့်ဖြစ်ထားတာပါ....

The Truman Show (1998)

Truman Burbank ဆိုတဲ့ လူဟာ မွေးကတည်းက လျှို့ဝှက်ကင်မရာတွေများစွာကြားမှာနေနေခဲ့ရတယ်ဆိုတာကို သူကိုယ်တိုင်လဲ မသိပါဘူး... သူ့ဘ၀ဟာ သူများတွေလိုပဲသာမာန် လူတစ်ယောက်လို့ပဲထင်နေခဲ့တာပါ... တကယ်တော့ သူဟာ မိဘစွန့်ပစ်ခံ ကလေးတစ်ယောက်ဖြစ်ပြီး သူ့ကို executive producer Christof က ခေါ်ယူခဲ့ပြီး ဖန်တီးထားတဲ့ ဘ၀ဖြစ်တဲ့ သူ့ဘ၀ကို ၂၄နာရီ တီဗွီ အစီအစဉ်အနေနဲ့ တစ်ကမ္ဘာလုံးကို ထုတ်လွှင့်နေတာပါ... သူနေတဲ့ Seahaven ဆိုတဲ့ မြို့ငယ်လေးဟာလဲ တကယ့်မြို့အစစ်မဟုတ်ပဲ Christof ဖန်တီးထားတဲ့ ကြီးမားတဲ့ စတီဒီယိုအခန်းကြီးတစ်ခုဖြစ်ပါတယ်... အဲဒိ စတီဒီယိုထဲမှာ ဖန်တီးထားတဲ့ ရာသီဥတု... ပင်လယ်... ဖန်တီးထားတဲ့ နေနဲ့ လ... နေ့နဲ့ညတွေက ပုံမှန်ဖြစ်ပေါ်နေတယ်... Truman ကို အဲဒိမြို့ငယ်ထဲက မထွက်နိုင်အောင် ငယ်ငယ်ကတည်းက သူ့အဖေဟာ လေမှုန်တိုင်းကြောင့် ပင်လယ်ထဲမှာ သေတယ်ဆိုတဲ့ အဖြစ်ဆိုးကြီးကို ဖန်တီးပြီး ခြောက်ထားခဲ့ပါတယ်... တကယ်တော့ Truman သိထားတဲ့ သူ့မိဘတွေ သူ့သူငယ်ချင်းတွေ သူ့ အိမ်နီးချင်းတွေ လုပ်ဖော်ကိုင်ဖက်တွေဟာ တကယ့်အစစ်တွေမဟုတ်ပဲ သရုပ်ဆောင်တွေသာဖြစ်ပါတယ်... Truman တစ်ယောက်တည်းသာ သူ့ဘ၀ကို သူ့ဘာသာ အမှန်ထင်ပြီး နေနေခဲ့တာပါ... သူဟာ တကယ့်အပြင်လောကမှာ နာမည်ကြီး celebrity ဖြစ်လို့ဖြစ်နေမှန်းတောင် မသိရှာခဲ့ပါဘူး.... သူ့ အချစ်ဦးဟာ Chrisof စီစဉ်ထားသလို သူနဲ့ နီးစပ်မဲ့ Meryl မဟုတ်ပဲ.... ဇာတ်ရံ အပိုအဖြစ်ထည့်ထားတဲ့ Sylvia ဆိုတဲ့ ကောင်မလေးဖြစ်ခဲ့တဲ့အခါမှာ Christof ဟာ Sylvia ကို ပါဝင်သရုပ်ဆောင်မှုမှ ထုတ်ပစ်ခဲ့တယ်... Meryl နဲ့ လက်ထပ်ခဲ့ပင်မဲ့ Truman ဟာ Sylvia ကို မေ့မရခဲ့သလို သူ့ဘေးပတ်ဝန်းကျင်မှာ ပုံမှန်ဖြစ်ပေါ်နေမှုတွေနဲ့ တစ်ခါတစ်ရံ ထူးခြားတဲ့ဖြစ်ရပ်တွေကြောင့် သူ့ဘ၀ကို သူ သံသယ၀င်လာခဲ့တယ်.... အားလုံးမထင်မှတ်ထားတဲ့ အပြုအမူမျိုးတွေ သူစမ်းသပ်လုပ်ပြီး အခြေအနေကို လေ့လာကြည့်တဲ့အခါမှာ သူနေခဲ့တဲ့ သာမာန်ဘ၀ဆိုတာ တကယ်တော့ လုပ်ယူထားတဲ့ ဘ၀ကြီးမှန်းရိပ်မိခဲ့တယ်... အားလုံး နဲ့ ၁ယောက် ၀ိုင်းလိမ်ခံနေရတဲ့ ဘ၀ကို သူဘယ်လို လွတ်မြောက်အောင်လုပ်မလဲ.....

Review

ဒီဇာတ်လမ်းမှာ နာမည်ကြီးမင်းသား Jim Carrey က Truman အဖြစ်သရုပ်ဆောင်ခဲ့ပြီး ဒီဇာတ်လမ်းနဲ့ သူဟာ Golden Globe award for Best Actor ဆုကို ရရှိခဲ့တယ်.... ရလဲ ရထိုက်တယ်... ဒီပိုစ့်ကို မရေးခင်အထိ အဲဒိကားမှာ သူ ဆုရခဲ့တာကို မသိခဲ့ဘူး... ဒါပေမဲ့ အဲဒိကားကြည့်တုန်းက ကိုယ်ပါ သူနဲ့ အတူ သူပျော်တာ သူဝမ်းနည်းတာ ကိုယ့်အပေါ်ထပ်တူထပ်မျှ ခံစားနေရတယ်... ဒီဇာတ်လမ်းဟာ ၁၉၉၈ ခုနှစ်က ထွက်ရှိခဲ့တာဖြစ်တယ်... ၁၉၉၈ တုန်းက ကြည့်ရင်တော့ ဒီဇာတ်လမ်းကို ကြိုက်ဖို့နေနေသာသာ နားလည်ချင်မှတောင် နားလည်မယ်ထင်တယ်... စကားပြောတွေများတယ်.. အဓိက က စကားပြောတွေကနေ သဲလွန်စတွေ ပရိတ်သတ်ကိုပေးတယ်... ဇာတ်လမ်းအရ ပရိတ်သတ်ကိုလဲ Truman သိသလောက်ပဲ အစပိုင်းမှာ ပေးသိထားတယ်.. ဒါပေမဲ့ တချို့အကွက်တွေပြတာကို သိပ်နားမလည်သလိုလဲ ဖြစ်နေလိမ့်မယ်... ကားဆုံးခါနီးရောက်လေ အော်... ရှေ့ကပြသွားတဲ့အကွက်က ဒါကြောင့်ကိုးးးး ဆိုပြီး နားလည်သွားအောင်ပဲဖြစ်ဖြစ်... စဉ်းစားစရာဖြစ်နေအောင်ပဲဖြစ်ဖြစ် လုပ်ဆောင်သွားတယ်... အပေါ်မှာ ဇာတ်လမ်းပြောထားလို့ သိပြီးရင် ဘယ်ကြည့်လို့ကောင်းတော့မလဲလို့ ထင်ကောင်းထင်မယ်.... ဒါပေမဲ့ မဗေဒါ အတတ်နိုင်ဆုံး ဇာတ်လမ်းအနှစ်ကို မထိအောင် ကျောရိုးမျှပြောထားတာဖြစ်တယ်... သူဘယ်လိုကဘယ်လို သဲလွန်စသေးသေးလေးတွေကနေ ရိပ်မိလာတယ်... ဘယ်လို ရုံးထွက်ဖို့ကြိုးစားလဲ... သူ့ရဲ့ emotional သရုပ်ဆောင်မှုတွေ ဟာ ဘာနဲ့မှ မလဲနိုင်ဘူး... နောက်ဆုံးခန်းဆို သူ့နေရာမှာ ခံစားပြီး ဆို့နစ်ပြီး သနားလို့ ငိုလိုက်ရတာမပြောနဲ့... ဒီဇာတ်လမ်းလေးမှာ ရုပ်ရှင်ရဲ့ Catchphrase ဖြစ်တဲ့ မင်းသားပြောနေကျစကားလေးကို သဘောကျတယ်... "Good morning!.... In case I don't see you. Good afternoon, Good evening and Good night" တဲ့... ဒီဇာတ်လမ်းလေးက ပေးချင်တဲ့သင်ခန်းစာလေးကို မဗေဒါအနေနဲ့ ဒီလိုထင်မိတယ်... လူ့ဘ၀ထဲမှာနေနေတဲ့ လူတွေတော်တော်များများဟာ တကယ်တော့ Truman လိုပဲ အများက သတ်မှတ်ထားတဲ့ စည်းဘောင်တွေ မိဘ အသိုင်းအ၀ိုင်းက ဆုံးဖြတ်ပေးတဲ့ အရာတွေနဲ့ ကိုယ့်ဘ၀ကို သူများဆုံးဖြတ်မှုတွေနဲ့ နေနေကြတာများတယ်... ကိုယ့်ဘ၀ကို ဘေးက ဘာပရောဂမှမပါပဲ ကိုယ့်လမ်းကိုယ်ရွေးကိုယ့်အတွက် အမှန်တရားဖြစ်ပြီး ကိုယ့်ဘ၀ကိုယ်ပိုင်နိုင်တဲ့လူဖြစ်ဖို့ အရာရာကို စွန့်စား ဖောက်ထွင်းနိုင်တဲ့ အင်အား သတ္တိတွေရှိဖို့လိုတယ်... ဆုံးဖြတ်ချက်ချနိုင်ဖို့လိုတယ်ဆိုတဲ့ သင်ခန်းစာပေးတယ်လို့ ထင်တာပဲ....

အောက်ကဗွီဒီယိုလေးကတော့ The Truman Show fan made MV လေးပါ.. Trailer ထက် မဗေဒါအတွက် အလွမ်းပြေကြည့် လို့ရအောင် MV လေးပဲထည့်လိုက်ပါတယ်... spoiler မကြိုက်ဘူးဆိုရင်တော့ မကြည့်ချင်လဲ မကြည့်ပါနဲ့... ဇာတ်လမ်းသာ ရှာကြည့်လိုက်ပါ...



Equilibrium (2002)

တတိယကမ္ဘာစစ်အပြီးမှာ Libria ဆိုတဲ့ မြို့လေးမှာ လူတွေဟာ စစ်ကိုမုန်းတီးနေကြပြီး လူတွေရဲ့ ခံစားတတ်တဲ့ စိတ်တွေကြောင့် လောဘ ဒေါသ မောဟ တွေဖြစ်ပြီး စစ်ဖြစ်တယ်လို့ယူဆပြီး လူသားတွေကို ခံစားတတ်တဲ့စိတ်မဖြစ်အောင် Prozium ဆိုတဲ့ မူးယစ်ဆေးတစ်မျိုးကို မှန်မှန်သုံးစွဲခိုင်းပြီး စိတ်ခံစားမှု ပပျောက်တဲ့ လမ်းစဉ်ကို ချမှတ်တဲ့ the Tetragrammaton Council ဆိုတာက ကြီးစိုးနေပါတယ်... အဲဒိ Council ရဲ့ အကြီးအကဲကိုတော့ Father လို့ခေါ်ပြီး အများနဲ့ တိုက်ရိုက် မတွေ့ဖူးပဲ အဲဒိလူပုံကို တီဗွီကနေပဲ ခံစားမှုမရှိရေး တရားတွေဟောနေတာကို ထုတ်လွှင့်ထားပါတယ်... စိတ်ခံစားမှုရှိတယ်လို့ သံသယရှိတဲ့လူတွေအားလုံးကို ရာဇ၀တ်ကောင်လို့သတ်မှတ်ပြီး သုတ်သင်ပါတယ်... စိတ်ခံစားမှုကို အားပေးတဲ့ ပန်းချီ စာအုပ် အနုပညာ မှန်သမျှကိုလဲ ဖျက်ဆီးသုတ်သင်ပါတယ်... အဲဒိ ဥပဒေကြီး တည်တံ့နေဖို့အတွက် အဓိကပံ့ပိုးနေရသူတွေကိုတော့ Clerics လို့ခေါ်ပါတယ်... Clerics တွေဟာ အဆင့်မြင့် သေနတ်သိုင်းပညာဖြစ်တဲ့ Gun Kata ဆိုတဲ့ ပညာကို ကျွမ်းကျင်စွာတတ်မြောက်ပြီး ရှေ့မှာပြောခဲ့တဲ့ စိတ်ခံစားမှုကို ဖြစ်စေတဲ့ ပစ္စည်းတွေနဲ့ စိတ်ခံစားမှုရှိတဲ့ လူတွေကို လိုက်သုတ်သင်တဲ့ သူတွေဖြစ်ပါတယ်...

John Preston ဟာ ရာထူးအတော်လေးမြင့်တဲ့ Clerics တစ်ဦးဖြစ်ပါတယ်... သူ့မှာ သားတစ်ယောက် သမီးတစ်ယောက်ရှိပြီး သူ့မိန်းမဟာလဲ ခံစားချက်ရှိတယ်လို့ ယူဆခံရလို့ သေဒဏ်ကျမှတ်ခဲ့တာဖြစ်တယ်... သူဟာ သိုင်းပညာကိုတစ်ဖက်ကမ်းခက်တတ်မြောက်ပြီး ခံစားမှု မရှိဘူးလို့ ယုံကြည်ခံထားရတဲ့ Clerics တစ်ဦးလဲဖြစ်တယ်... တစ်နေ့တော့ သူ့ရဲ့ Partner Clerics ဟာ ဖျက်ဆီးရမဲ့ ကဗျာစာအုပ်တစ်ခုကို မဖျက်ဆီးပဲ ခိုးဖတ်နေတာကို သူမိတဲ့အချိန်မှာ ခံစားချက်ရှိတယ်လို့ဆိုပြီး သူကိုယ်တိုင် သတ်ခဲ့တယ်... မသတ်ခင် သူ့ Partner က ခံစားတတ်လို့ အသတ်ခံရမယ်ဆိုရင် သူပျော်ပျော်ကြီးသေရဲတယ်လို့ ပြောသွားတဲ့စကားက သူ့စိတ်တွေကို လေးလံစေခဲ့တယ်... နောက်နေ့မှာ သူတို့ သုံးနေကျ Prozium ဆေးက သောက်ရမဲ့အချိန်မှာ ကျကွဲခဲ့တာကြောင့် ဆေး ၁ပတ်လွတ်သွားတဲ့အချိန်မှာ သူကိုယ်တိုင် ခံစားတတ်လာတယ်... သူ့ Partner အသစ်နဲ့ အတူ နောက်နေ့ မှာ ခံစားချက်ရှိတယ်လို့ သတင်းရတဲ့ တရားခံ Mary O'Brien ဆီကို အသွားမှာ မြင်မြင်ချင်းပဲ Preston ဟာ Mary ကို စိတ်ဝင်စားခဲ့တယ်... အဲဒိနောက်ပိုင်း သူ ဆေးတွေကို မှန်မှန်မသုံးပဲ လေ့လာတဲ့အခါမှာ ဒီစနစ်ကြီးဟာ မှားနေမှန်း သိလာတယ်.... ဒါပေမဲ့ သူ့ Partner အသစ်ကလဲ သူ့ကို အလွတ်မပေးခဲ့ပါဘူး.... အဲဒိ Libria မြို့မှာ ခံစားချက်ရှိတဲ့ လူတွေကလဲ underground မှာ တော်လှန်ဖို့စီစဉ်နေတယ်ဆိုတာကို Preston သိသွားတဲ့အခါ ဘယ်လို တိုက်ကြမလဲ...

Review...

ဒီကားကို Youtube ပေါ်မှာ မထင်မှတ်ပဲ fan made ဗွီဒီယို လေးကို ကြည့်ဖူးရာကစပြီး ကြည့်ချင်ခဲ့တာပါ... ကြည့်ချင်ခဲ့တာ အတော်ကြာပင်မဲ့ အကြောင်းအမျိုးမျိုးကြောင့် မကြည့်ဖြစ်ခဲ့ပါဘူး... ခုတစ်လောကမှ ကြည့်ဖြစ်တယ်.... Bat Man မင်းသား Christian Bale က Clerics Preston အဖြစ် အဓိကနေရာက ပါဝင်သရုပ်ဆောင်ထားပါတယ်.... ဒီမင်းသားကို အရင်ကကားတွေမှာ တစ်သက်နဲ့ တစ်ကိုယ် Cool ဖြစ်တယ်လို့ မမြင်ခဲ့ဖူးပါဘူး... ဒီကားကြည့်အပြီးမှာတော့ သူ့ကို ကလိကလိ ကကျိကကျိနဲ့ကို မဗေဒါ သဘောကျနေပါတယ်... (ခုတစ်လောမှကြည့်ထားတော့ ပိုးကမသေသေးတာ ခွေးလွှတ်ပါ)... သူ့မှာ Feeling ရှိရဲ့သားနဲ့ Feeling မရှိတဲ့ပုံမျိုးသရုပ်ဆောင်တာ... Feeling ရှိပြီးနောက်ပိုင်းမှာ သတ်တာဖြတ်တာတွေ မလုပ်ချင်တော့တဲ့ သူ့ရဲ့ အပြုအမူပြောင်းလဲမှုကို မသိသာအောင် ဖုံးအုပ်ရတာ... အရမ်းသနားစရာလဲကောင်းသလို အရမ်းလဲ Cool ဖြစ်ပါတယ်... ဒါပေမဲ့ ဒီကားထွက်တဲ့ ၂၀၀၂ ခုနှစ်မှာ အကြီးအကျယ် အရှုံးနဲ့ရင်ဆိုင်ခဲ့ရပါတယ်... ဘာလို့လဲဆိုတော့ အဲဒိ အချိန်မှာ Keanu Reeves ရဲ့ The matrix reloaded ဆိုတဲ့ကားကလဲ တပြိုင်တည်းထွက်ခဲ့လို့ပါပဲ... Matrix ဟုန်းဟုန်းတောက်နာမည်ကြီးနေတဲ့အချိန်မှာ... Equilibrium ဟာ ရုံပြည့်မှာတောင် မပြသလိုက်ရပဲ ခွက်ခွက်လန် ရှုံးသွားတာတောင် လူမသိလိုက်ပါဘူး... Equilibrium ဟာ ဇာတ်လမ်းအရတော့ အတော်လေး ကြောင်တောင်တောင် မဖြစ်နိုင်ပင်မဲ့...(fiction ဆိုတာ အားလုံး မဖြစ်နိုင်ဘူးဆိုပင်မဲ့... ခံစားမှုမရှိအောင် လုပ်တဲ့ ကမ္ဘာဆိုတာကတော့ အလွန်ကြောင်ပါတယ်... ) ဒီလောက်ကြီး အရှုံးပေါ်စရာတော့ မလိုဘူးထင်ပါတယ်... The Matrix ကို Keanu Reeves ကြိုက်လို့ အဲဒိတုန်းက ကြည့်ဖို့ကြိုးစားခဲ့ပင်မဲ့ဘယ်လိုမှ နားမလည်တာကြောင့် မကြည့်ဖြစ်ခဲ့ပါဘူး... ဒါပေမဲ့ Equilibrium ကတော့ ဒီလောက်ကြီး မညံ့ပင်မဲ့ လူသိနည်းခဲ့တဲ့ ဇာတ်လမ်းလေးတစ်ပုဒ်ပါ... ဇာတ်လမ်းအခြေခံ အရမ်းမကောင်းပင်မဲ့ ကြည့်သင့်တဲ့ ဇာတ်ကားလေးလို့လဲ ကျွန်မထင်ပါတယ်... အနည်းဆုံးတော့ မင်းသား Christian Bale နဲ့ ချတဲ့အကွက်တွေ အတွက်ပေါ့...

အောက်က ဗွီဒီယိုလေးကတော့ Equilibrium ကို ကျွန်မစတင်သိခဲ့ပြီး ကြည့်ချင်သွားအောင် စွမ်းဆောင်ခဲ့တဲ့ ဗွီဒီယိုလေးပါ...



Hide and Seek (2005)

ဒါကတော့ Mystery, Suspense, Thriller ဇာတ်ကားလေးပါ... တခြား Thriller ဇာတ်ကားတွေလိုပါပဲ... what lies beneath တို့လိုကားမျိုးကို ကြိုက်တဲ့သူတွေအတွက်တော့ ဒီကားလေးကိုလဲ သဘောကျမယ်လို့ထင်ပါတယ်... (မဗေဒါက What lies beneath ကိုလဲ ကြိုက်ပါတယ်)... ဇာတ်လမ်းလေးကတော့ သူ့ဇနီးရေချိုးခန်းထဲမှာ ကိုယ့်ကိုကိုယ်သတ်သေသွားတဲ့ အဖြစ်အပြီးမှာ Dr. David Callaway ဟာ သူ့သမီးငယ် Emily စိတ်အနှောင့်အယှက်မဖြစ်စေရန် အတွက် တခြားမြို့တမြို့မှာရှိတဲ့ တောအုပ်နားက အိမ်ကျယ်ကြီးတစ်ခုမှာ သွားရောက်ပြောင်းရွေ့နေထိုင်ခဲ့ပါတယ်... သို့သော် အဲဒိအိမ်ကိုရောက်ပြီးကတည်းက သူ့သမီး Emily ထူးဆန်းစွာပြုမူပြီး Charlies လို့ခေါ်တဲ့ သူငယ်ချင်းတစ်ယောက်ရရှိနေတယ်လို့ သူ့အဖေကိုပြောပါတယ်... သိပ်မကြာခင်မှာပဲ ကြောက်မက်ဖွယ် အဖြစ်တွေ တစ်ခုပြီး တစ်ခုဖြစ်ခဲ့ပြီး Emily က Charlies လုပ်တယ်လို့ပဲ သူ့အဖေကိုပြောပါတယ်... David ဟာ Charlies ဆိုတာ ဘယ်သူလဲ ဘယ်မှာလဲ ဆိုတာကို မေးတိုင်း လက်ဆုပ်လက်ကိုင်မပြနိုင်တဲ့ Emily ကို စိတ်ရောဂါဝေတနာဖြစ်နေတယ်လို့ယူဆပြီး စိတ်ရောဂါကုဆရာဝန်မ Elizabeth ပြသခဲ့ပါတယ်... တစ်ရက် Elizabeth အိမ်ကိုအလာ Emily က Charlies နဲ့ တူတူပုန်းတမ်း (Hide and Seek) ကစားနေတယ်လို့ပြောလို့ ဆရာဝန်မကလဲ ဆော့သယောင်နဲ့ Charlies ရှိတယ်လို့ပြောတဲ့ ဗီဒိုကို အဖွင့်မှာတော့ သူမကို ဗီဒိုထဲကနေ အားကြီးစွာတွန်းလိုက်ပြီး အနီးက ပြတင်းပေါက်အထိပါ တွန်းချခံလိုက်ရပါတော့တယ်.... ကဲ.... ဒီကားရဲ့ အဓိက စိတ်ဝင်စားစရာအကောင်းဆုံးအချက်နဲ့ ဒီကားကို တခြားကား Thriller ကားတွေနဲ့ ကွာခြားသွားအောင် လုပ်နိုင်တဲ့ အချက်က Charlies ဆိုတာ ဘယ်သူလဲဆိုတဲ့ Mystery ပေါ်မှာ မူတည်နေပါတယ်... ဒီအချက်လေးကို မဗေဒါ မဖော်ပဲ ထိန်ချန်ထားပြီး ဖန်သားပြင်ပေါ်မှာ စိတ်ဝင်စားစွာ ကြည့်ရှုကြပါလို့ပြောချင်ပါတော့တယ်....

Review

ဒီပိုစ့်ကိုရေးဖို့အတွက် အမှီအငြမ်း info လိုက်ရှာရင်း Pro critics တွေရဲ့ ဝေဖန်ချက်တွေကို ဖတ်မိတယ်... တော်တော်များများကတော့ သိပ်အကောင်းမပြောကြဘူး... ဒီကားဟာ ခါတိုင်း Thrillers ကားတွေထဲက တစ်ကားပဲ ဘာမှ ထူးထူးခြားခြားမရှိဘူးလို့ပြောကြတယ်... တချို့ကလဲ ဇာတ်လမ်းဇာတ်ကွက်မရှိပဲ မကောင်းဘူးလို့ပြောကြတယ်.... ဘယ်လိုပဲဖြစ်ဖြစ်... မဗေဒါကတော့ မဗေဒါအမြင်အရ ကြိုက်တယ်လို့ပဲပြောချင်တယ်... ဇာတ်လမ်းအရတော့ တခြား Thrillers ကားတွေလိုပဲဆိုပင်မဲ့ ဇာတ်သိမ်းမှာ မထင်မှတ်ထားတဲ့ twist လေးက စိတ်ဝင်စားဖို့ကောင်းတယ်... ကလေးသရုပ်ဆောင် Dakota Fanning ဟာလဲ အရွယ်လေးနဲ့မလိုက်အောင် Creepy ဖြစ်ဖြစ် မျက်နှာပေးနဲ့ သရုပ်ဆောင်တတ်တယ်... သူ့အဖေ David လုပ်တဲ့ Robert De Niro ဆိုတာလဲ နာမည်ကြီးမင်းသားတစ်လက်ပါပဲ... အဲဒိ Critics တွေပြောသလောက်လဲ ကားက မဆိုးပါဘူး... သူတို့ အရသာနဲ့ ကိုယ်တွေ အရသာပဲ မတူလို့လားတော့မသိဘူး... ဒီတော့ အားလုံးကြည့်ပြီးမှပဲ ကြိုက်လား မကြိုက်လားပြောကြပါတော့...

Movie Trailer လေးက ဒီမှာပါ...



Case 39 (2009)

Social Worker Emily Jenkins ဟာ ၁၀ နှစ်အရွယ် Lillith ဆိုတဲ့ ကလေးမလေးရဲ့ မိဘတွေ ကလေးကို ညဉ်းပန်းတယ်လို့ ယူဆတဲ့ အမှုတစ်ခုကို လိုက်ဖို့ တာဝန်ကျခဲ့ပါတယ်... သူမ Lillith အိမ်ကို သွားရောက် စစ်ဆေးတဲ့အခါမှာလဲ မိဘတွေရဲ့ မူမမှန်တဲ့ အပြုအမူကြောင့် ကလေးကို အစိုးရက ခေါ်ယူထိန်းသိမ်းဖို့ကို လျှောက်ထားခဲ့ပါတယ်... သူမရဲ့ ထင်မြင်ချက်တွေကို ပိုမိုခိုင်မာသွားစေတာကတော့ Lillith ရဲ့ မိဘတွေဟာ ကလေးကို သတ်ဖို့ ကြိုးစားတာကို Emily ကိုယ်တိုင်တွေ့လိုက်တဲ့အခါမှာ Lillith ကိုကယ်တင်ရင်း မွေးစားမဲ့သူမရှိမချင်း သူမက ခေါ်ယူစောင့်ရှောက်ထားဖို့ တောင်းဆိုခဲ့ပါတယ်...

သို့သော် Lillith သူမအိမ်ကိုရောက်လာတဲ့ အချိန်ကစပြီး ထူးခြားတဲ့ အဖြစ်ဆိုးတွေ ပတ်ဝန်းကျင်မှာ တစ်ခုပြီး တစ်ခုဖြစ်ခဲ့ပြီး အဲဒိ အဖြစ်တွေဟာ ကလေးမနဲ့ တစ်နည်းနည်းနဲ့ ဆက်စပ်နေတယ်ဆိုတာကို သူမ သိရှိလာတဲ့အခါ........

Review...

Chicago ကား ထဲက နာမည်ကြီးမင်းသမီး Renée Zellweger က Emily အဖြစ်သရုပ်ဆောင်ထားတဲ့ Thriller-horror ဇာတ်ကားလေးပါ... Omen လိုကားမျိုးကို သဘောကျတဲ့သူတွေအတွက် ဒီကားလေးဟာလဲ ကားကောင်းလေးတစ်ခုဖြစ်မှာပါ.... မင်းသမီးကြီးရော ကလေးသရုပ်ဆောင်ပါ အတော်လေး သရုပ်ဆောင်ကောင်းလို့ ဒီဇာတ်ကားကို ထိန်းသွားတယ်လို့ထင်ပါတယ်.... ပျင်းနေတဲ့အချိန် သဲထိပ်ရင်ဖိုလေးလဲကြည့်ချင် အရမ်းလဲ ကြောက်ဖို့ကောင်းတာတွေလဲ မကြည့်ရဲဆိုသူတွေအတွက် အနေတော်ပဲလို့ ထင်ပါတယ်... (မဗေဒါအတွက်တော့ အရမ်းကြောက်ဖို့မကောင်းဘူးလို့ထင်တာပါပဲ... ဒါပေမဲ့ နည်းနည်းလေးကအစ ကြောက်တတ်ရင်တော့ မကြည့်တာကောင်းပါတယ်.. ဟဲ.. ဟဲ..)... Trailer မှာကအစ ဇာတ်ကြောင်းရဲ့ အဓိကအချက်ကို မဖော်ထားတဲ့အတွက် မဗေဒါလဲ ဖော်မပြောတော့ပါဘူး... စူးစမ်းကြည့်ရင်းမှ ပိုစိတ်ဝင်စားစရာကောင်းမယ်ထင်လို့ပါ... ဒီကားလေးကိုကြည့်ပြီးတော့ လူတွေအတွက် ကြောက်စရာအကောင်းဆုံးရန်သူဟာ ဘယ်သူမှမဟုတ်ဘူး... ကိုယ့်ကြောက်စိတ်ပဲ... အဲဒါကို အောင်နိုင်ရင် ဘယ်သူမှ ကိုယ့်ကို အနိုင်မယူနိုင်ဘူးဆိုတဲ့ သင်ခန်းစာပေးတယ်လို့ထင်ပါတယ်...

အောက်ကတော့ Trailer လေးပါ...



မဗေဒါ ခုလတ်တလော ကြည့်မယ်စိတ်ကူးထားတဲ့ ကားလေးကတော့ ခု ရုံတင်နေတဲ့ Black Swan ပါ... မင်းသမီးလဲ ချောသလို ကြည့်လို့ကောင်းမယ်လို့လဲ ထင်ပါတယ်....