Sunday, July 05, 2009

သိကြားနဲ့ အသူရာ ဇာတ်လမ်း

ကျေးဇူးတင်လွှာ

ဒီပိုစ့်လေးကတော့ ဟိုတစ်လောက မဗေဒါရေးခဲ့တဲ့ သိရင်ပြောကြပါရှင် ရဲ့ အဖြေပိုစ့်လေးပါ... မဗေဒါလုပ်လို့လဲ အတော်ခေါင်းစားသွားကြမယ်ထင်ပါတယ်... အဲဒါကို အားတက်သရောနဲ့ ကူညီ ဖြေရှင်ပေးတဲ့ အစ်ကိုတော် ၂ယောက်ဖြစ်တဲ့ နတ်သျှင်မြေသားနဲ့ ကိုမင်းထက်ကို အထူးကျေးဇူးတင်ပါတယ်... ခုအောက်က ပိုစ့်လေးကတော့ "ကသစ်ပန်း" သီချင်းရဲ့ စကားပြေပါ... အဲဒါကိုတော့ ကိုနတ်သျှင်မြေသားက စကားပြေရေးသားထားတာပါ... အစကတော့ ဆီပုံးမှာ ကိုနတ်သျှင်မြေသား ပေးသွားတဲ့လင်ခ့်ကနေသွားပြီး အကူအညီတောင်းတဲ့ Youtube က သူငယ်ချင်းကို ဒီတိုင်းပဲပေးလိုက်ပါတယ်... ဆီဗုံးမှာ ဆိုတော့ အမှတ်တရမကျန်ပါဘူး... ဒီတော့ အမှတ်တရလဲကျန်အောင် ဒီဘလော့လေးကို လာဖတ်တဲ့ စာဖတ်သူတချို့တွေကလဲ သူတို့လဲသိချင်ကြမယ်... ဒါမှမဟုတ် အားလုံးအတွက် ဗဟုသုတရအောင် တင်ပေးလိုက်ပါတယ်... ကိုမင်းထက်ရဲ့ ဟောဒီလင်ခ့်လေးမှာတော့ အာလမ္ဗရစည်တော် အကြောင်းကို ရေးသားထားပါတယ်... သွားရောက်လေ့လာနိုင်ပါတယ်... မဗေဒါလဲ ခုမှပဲ အဲဒိစည်တော်အကြောင်းကို ကောင်းကောင်းသိသွားတာပါ... အဲဒိအတွက် ကူညီပေးခဲ့တဲ့ အကို ၂ယောက်နဲ့ လာရောက်ဆွေးနွေးကြသော သူများ... လာရောက်ဖတ်ရှုကြသော သူများအားလုံးကို ကျေးဇူးအထူးတင်ရှိပါတယ်...

အမှာစာ

အရင်ပိုစ့်က ကွန်မန့်တွေမှာ ဆွေးနွေးချက်တွေအရ ဒီသီချင်းဟာ သီချင်းအနေနဲ့ စပ်ထားတာဖြစ်တဲ့အတွက်... တချို့သော ရာဇ၀င်ပိုင်းဆိုင်ရာ အချက်အလက် အသေးစားလေးတွေက လွဲမှားကောင်းလွဲမှားနေနိုင်ပါတယ်လို့ ကိုမင်းထက်က ကွန်မန့်မှာ ဒီလို ထောက်ပြခဲ့ပါတယ်... (ဥပမာ-မူရင်းဇာတ်လမ်းထဲမှာ စစ်တိုက်သွားတဲ့အခါ ပုဇွန်လက်အရိုးတံနဲ့ စည်တီးတာတွေ ဘာတွေမပါပါဘူး။ အခြားဇာတ်လမ်းတွေထဲတော့ ပါပါတယ်။ ဒါကြောင့် အာလမ္ဗ-ဆိုတာ ယောင်လည်လည်ဖြစ်နေရတာပေါ့။ ပြောမယ်ဆိုရင် သီချင်းရေးဆရာက သူ့စိတ်ကူးဉာဏ်ကွန့်ပြီး ရေးထားတဲ့ စာသားတွေကများပါတယ်။ နောက်ပြီး ဆင်တော်သုမိတ္တာ ဆိုတာလဲ စဉ်းစားစရာရှိပါတယ်။ သိကြားမင်းမှာ စီးတော်ယဉ်နှစ်ခုရှိပါတယ်။ တစ်ခုက ဝေဇယန္တာလို့ခေါ်တဲ့ မြင်းကောင်ရေတစ်ထောင်နဲ့ဆွဲတဲ့ နတ်ရထား၊ နောက်တစ်ခုက ဧရ၀ဏ်လို့ခေါ်တဲ့ ဆင်တော်။ သုမိတ္တာလို့တော့ ကျနော်မမှတ်ဖူးဘူး။ တစ်ခုစဉ်းစားနိုင်တာက သုမိတ္တာဆိုတဲ့စကားလုံးဟာ ဆင်ရဲနာမည်မဟုတ်ပဲနဲ့ သုနိမိတ္တာ-ကောင်းစွာဖန်ဆင်းအပ်သော-ဆိုတဲ့စကားလုံးကို ကိုယ်စားပြုသလားလို့တွေးစရာရှိတယ်။ အဲဒါဆိုရင်တော့ ဧရာဝဏ်နတ်သားက စစ်ထွက်ခါနီး ဆင်အသွင်ဖန်းတာကို ဆိုလိုတယ် လို့ ယူဆနိုင်တယ်။)

ထို့အတွက်ကြောင့် ဒီဇာတ်လမ်းပင်မကြီးဟာ မှန်သော်လည်း ဒီသီချင်းစာသားထဲမှာ ပါတဲ့ ပစ္စည်းတွေကတော့ မှားကောင်းမှားနိုင်တဲ့အတွက်... မိမိတို့ဘာသာ ချင့်ချိန် စဉ်းစား ဆုံးဖြတ်ပြီး လိုသလို ဗဟုသုတကို သိုမှီးကြပါလို့...

ကသစ်ပန်း စကားပြေ

အောက်ကတော့ နတ်သျှင်မြေသားရဲ့ စကားပြေနဲ့ ခက်ဆစ်တွေရဲ့ ကောက်နုတ်ချက်ဖြစ်ပါတယ်...

အဓိပ္ပါယ် အကျဉ်း - မိုးဦးကျစ ရာသီဥတုအခြေအနေကို တင်စားဖွဲ့နွဲ့ခြင်း အသူရာနတ်မင်းကြီး၏ သမီး သုဇိတာ ကို ယူခဲ့သော သိကြားမင်း နှင့် အသူရာ နတ်မင်းတို့ စစ်ဖြစ်သည့် အကြောင်းအရာ ကို ဥပမာပေး၍ ရေးသားစပ်ဆိုသည် ။

အဓိပ္ပါယ် အကျယ်-

အရပ်ရှစ်မျက်နှာရှိ မိုးကောင်းကင် တခုလုံး အုံ့မှိုင်းလျှက် တိမ်မှောင်ပြာတို့ ခြုံလွှမ်း တွယ်ဆိုင်းထားသလို မိုးသက်လေပြေအဝေ့တွင် လူးလွန့်ရစ်ပတ် လှုပ်ရှားနေသော တိမ်ခိုးတို့နှင့်အတူ စကြာဝဠာတံတိုင်း ရောက်အောင် အဆက်မပြတ်မြည်ဟီးနေသော မိုးချုန်းသံနှင့် လျှပ်ပျက် အလင်းတန်းများသည် တာဝတိန်သာနတ်ပြည်မှ သိကြားမင်း၏ နတ်စစ်သည်များက ပုဇွန်လက်မရိုးအခွံနှင့်ပြုလုပ်ထားသော အာလမ္ဗရာ စည်တော်ကို တီးခတ် ပြီး မိုးသက်လေပြေလေးများနှင့် အတူချီတက် လာလေသလားလို့ ထင်မှတ်မိပေသည် ၊ အသူရာနတ်မင်း လက်ရှိစံမြန်းနေရသော နတ်ဘုံသည် နွေအကုန် မိုးအကူး ရောက်လေတိုင်း ဘော်ငွေရောင်များဖြန့်ကျဲထားသကဲ့သို့ သခွပ်ပန်းပွင့်တွေလှိုင်လှိုင် ပွင့်လေတိုင်း အသူရာနတ်မင်းမှာ သူ့အားလှည့်စားအနိူင်ယူသွားသော သမက်တော်သိကြားမင်းရှိရာ မြင့်မိုရ်တောင်ထိပ်ရှိ တာဝတိန်သာ နတ်ပြည်သို့စစ်ချီတက်လေရော့သလား ၊ အပျော်ကြူး နေကြသော သူရာနတ်များသည် မိုးအခါနီး၍ ကသစ်ပန်းများ ပွင့်ပြီး ကသစ်ပန်းပွဲတော်ပြုလုပ်ရမည့်အခါမှသာ နီနီရဲရဲ ဆုပ်ဆုပ်ခဲခဲ ကသစ်ပန်းများ မတွေ့ရဘဲ ဘော်ငွေရောင်ဖြူဖြူဖွေးလျှက် တလက်လက်ဖွေးနေသော သခွပ်ပန်းကိုမြင်၍ ကြိတ်မနိုင်ခဲမရ တာဝတိန်သာနတ်ပြည်သို့ချီ ရှေးရှု၍ မိုးတဖွဲဖွဲ သဲသဲမဲမဲမှာ ချီတက်လာလေရော့သလား ၊ သို့ကလိုမှ မဟုတ်ရင် အသူရာနတ်မင်းကြီးရဲ့ စစ်အခင်း အကျင်းကို အာ လိန်ငါးဆင့် စီကာဆင့်လို့ တည်ဆောက်ကာကွယ် စောင့်ရှောက်ကြသော နဂါး ၊ ဂဠုန် ၊ ဂုမ္ဘာန် ၊ ယက္ခ များနဲ့ လောကစောင့် စတုမဟာရာဇ် နတ်မင်း
ကြီး (၄) ပါးတို့ပါမခုခံနိုင်ော့သည့်အဆုံး သိကြားမင်းကိုယ်တော်တိုင် ယူဇနာ တစ်သိန်းခြောက်သောင်းရှစ်ထောင်မြင့်တဲ့ မြင့်မိုရ်တောင်ကြီးကို ပေါက် ထွက်သွားနိုင်တဲ့ ၀ရဇိန်လက်နက်ကို ဆွဲကိုင်ပြီး နတ်မြင်းတစ်ထောင် ဆွဲတဲ့ နတ်စစ်ရထားဝေဇယန္တာ ကိုစီး နေနတ်သား ၊ လနတ်သား၊ တို့ ဘယ် ညာ ၀န်းရံလျှက် ရန်သူကိုတိုက်ခိုက်ရန် မုံကြွနေသော ဆင်တော် သုမိတ္တာ နောက်တော်ပါးမှ ကာယံထားပြီး သိကြားမင်း အုပ်ချုပ် သော (၃၃) နယ်သော နယ်ပယ်များမှ အောင်လံတော် ရဲတံခွန်များ ၀င့်ကြွားလွင့်လွှားလျှက် ချီတက်လာသော စစ်အင်္ဂါလေူးပါးပြည့်စုံသည့် နတ်စစ်သည် များနှင့် အတူ သခွပ်ပန်း ပင်လုံးကျွတ် ပွင့်သောဤ အချိန်ခါ၌ သိကြားမင်း စစ်ချီလာလေရော့လား ၊

ဤ အချိန်ခါ တွင် အသူရနတ်မင်း နဲ့ သိကြားမင်း တို့ သမက် နဲ့ ယောက္ခ
မ ရန်ဖြစ်လို့ မပြီးကြသေးလေရော့လား ၊ အဲဒီ ဖြစ်စဉ်ကို အားမကျဘို့ နဲ့ အတုမယူဘို့ ကြင်သူရှုမညီး ချစ်ဇနီးက
တောင်းပန်လာပေသည် ၊ ယောက္ခမ လည်း မိဘ ဘဲမို့ တည့်အောင်ပေါင်းပြီး ဘုရားရိပ် တရားရိပ်
မှာ ဥပုဒ် ရက်ရှည် စောင့်ခိုင်းရင်ရနိုင်သည် လို့ချော့ခဲ့ပြန်ပါသည် ။

ဒါကတော့ သီချင်းရဲ့ တစ်ကြောင်းချင်းစီ အဓိပ္ပါယ်ပါ.. ကိုနတ်သျှင်မြေသားရေးသားထားတာပါ...

( နတ်စည်ငယ်လေ........ပုဇွန် လက်ရိုး... အာလမ္ဗရာ ၊
ကျော်ဝန်းသံဝါ .. ဆော်ရွမ်းညံစာစာ...၊ )
၎င်း အပုဒ်သည် ကောင်းကင် ၌ မိုးချုန်းသံများ ထွက်ပေါ်နေခြင်း ကို ဆိုလိုသည် ။

ခက်ဆစ်-
( နတ်စည်ငယ် ) သိကြားမင်း၏နတ်စစ်သည်များတီးခတ်သည့်
စည်တို ၊
( ပုဇွန် လက်ရိုး ) ပုဇွန်၏လက်ရိုး အခွံ ၊
( အာလမ္ဗရာ ) ပုဇွန်၏လက်ရိုး အခွံ နှင့် ပြုလုပ်ထားသော
သိကြားမင်း ၏ နတ်စစ်သည်များ စစ်ချီရာတွင် တီးခတ်သည့်
စည်တို၏ နာမည် ၊
( ကျော်ဝန်း ) စကြာဝဠာတခုလုံးမှ ကြားရသော ၊ ကြားရ
လောက် အောင် ၊
( သံဝါ ) အသံကြီး ၊ အသံနက် ၊ ကြောက်စရာကောင်းသောအ
သံ
( ဆော်ရွမ်း ) စည်ကိုတီးခတ်သည် ၊
( ညံစာစာ ) အဆက်မပြတ် ၊ ထပ်ခါထပ်ခါ ၊

(တိမ်ယံအာကာ... နီလာပြင်ဆိုင်း...သင်တိုင်းခြုံလွှာ ၊
အုံ့မှိုင်းညိုပြာ ... မိုးထက်ကယ်ဝဠာ... ကိုးချက်နယ်မှာ ၊
တိမ်ခိုးယှက် ... မိုးသက်လေးတွေဖြာ ....................။)
၎င်း အပုဒ်သည် အရှေ့ အနောက် စသော အရပ်ရှစ်မျက်နှာနှင့်မိုးကောင်းကင်၏ ရာသီဥတု အခြေအနေများကို ဖွဲ့ဆိုပြခြင်းဖြစ်သည် ။

ခက်ဆစ်-
( တိမ်ယံ ) ကောင်းကင်ရှိတိမ်
( အာကာ ) အာကာသ ၊ မိုးကောင်းကင် ၊
( နီလာ ) နက်ပြာရောင် တွင်းထွက်ကျောက်
( နီလာပြင်ဆိုင်း ) နက်ပြာရောင် တိမ်များ ချိတ်ဆွဲထားသကဲ့
သို့ ၊
( သင်တိုင်း ) လွယ်လင့်တကူဝတ်ဆင်နိုင်သောအ၀တ် ၊
( ခြုံလွှာ ) လွယ်လင့်တကူ လွှမ်းခြုံနိုင် အ၀တ် ၊
( သင်တိုင်းခြုံလွှာ ) လွယ်လင့်တကူ လွှမ်းခြုံ ၀တ်ဆင် ထားသ
ကဲ့ သို့ ၊
( ကိုးချက်နယ် ) အရပ်ရှစ်မျက်နှာ နှင့် မိုးကောင်းကင် ၊

( ဝေဆာ ..သခွပ်ဖြူ ပင်မင်း ..ငွေအဆင်း ပွင့်ချိန်မှာ....၊
အသူရာ ..ဒေါသထွက်လို့ .. မြင့်မိုရ်ထက်သို့ .. တက်လို့ ....၊
စစ်ဖက် တဲ့ အခါ .. အုံ့ကာလေ တဖွဲဖွဲ ရွာလေ တသဲသဲ ..........။ )
၎င်း အပုဒ်သည် အသူရာနတ်မင်းက သခွပ်ပန်းတွေ မြင်ပြီး ဒေါသထွက် လို့ မြင့်မိုရ်ထက် တာဝတိန်သာနတ်ပြည်ရှိ သိကြားမင်းထံ စစ်တိုက်ထွက်
သည်အချိန်ဟု ဆိုလိုစည် ။

ခက်ဆစ်-
( ပင်မင်း ) သစ်ပင်တို့၏ ဘုရင် ၊ အမွန်အမြတ်ထားသည့်
သစ်ပင် ၊
( မြင့်မိုရ် ) မြင့်မိုရ်တောင်

{( လွဲခဲ့ကြရရှာ .. နတ်တို့နတ်ရွာ .. ၀တိန်သာ.... သူရိန်တွေဟာ....၊
ဘုံသာဝေယံနန်းမြင့် .. ကသစ်ပန်းပွင့် ရတုဖြာ .. သဘင်ပွဲပြုမှာ .....၊)၂
အော် .. သခွပ်ဖြူစွာ .. အပွင့်ကိုသာမြင်တော့မှ ... ၀တိံတွင် မဟုတ်ပါ
လား .. ဟရို့ရဲ့ .... သေနင်ဗျူဟာ .. နတ်သူရာ မင်းငယ်လေ ......၊
စစ်ခင်းလုမယ်လာ .. ရှေးရှုဝတိံသာ ..........။}
၎င်း အပုဒ်သည် အသူရာနတ်မင်းသည် သိကြားမင်း၏ လည့်ပတ်မှူ ကြောင့် ကသစ်ပန်းနီနီပွင့်သော တာဝတိန်သာနတ်ပြည်မှ
သခွပ်ပန်း ဖြူဖြူ ပွင့်သော အသူရာနတ်ပြည် ရောက်နေခြင်း ကိုမကျေနပ်၍
သိကြားမင်းကို စစ်တိုက်ရန် တာဝတိန်သာ နတ်ပြည်သို့ ချီတက်လာသည်ဟု ဖွဲ့ဆိုသည် ။

ခက်ဆစ်-
( ဟရို့ရဲ့ ) အာလုပ်သံ ၊
( သေနင်ဗျူဟာ ) စစ်ပြင်ဆင် ချီတက်လာခြင်း ၊

( အာလိန်ငါးဆင့် .. နဂါး နှင့် ဂဠုန်ရံ ဂုမ္ဘာန် ယက္ခ ... စတုမဟာ ရာဇာ.. ၊
မခံနိုင်ကြလို့ .. သိကြား ထွက်တဲ့အခါ .. တွက်ရေ တစ်သိန်း ခြောက်
သောင်း ရှစ်ထောင် ယူဇနာ .. ၀ရဇိန် လွှတ်ခါ .. မြင့်မိုရ်ကိုပင် .. ၊
သူခွင်းချင် .. ထွင်းလို့ဖေါက်နိုင်တာ .. နတ်မြင်းတစ်ထောင်ကတဲ့ ...၊
ရထား ဝေဇယန္တာ .. ရန်ဖန်မာန်တင်းတာက .. ဆင်တော်သုမိတ္တာ ...၊
ရဲတံခွန်လွှား ..သုံးဆယ့်သုံးပါး .. သိကြားနယ်ပါ .. နေလ နတ်သား..
လေးပါး စစ်အင်္ဂါ ... ပင်လုံး ကျွတ် သခွပ်ပွင့်ချိန်ခါ ..........။ )
၎င်း အပုဒ်သည် သိကြားမင်းဘက်မှ စစ်ပြင်ဆင် ခုခံမှု အဆင့်ဆင့် နှင့်
စစ်ရေးအခြေအနေ အားနဲမှုများကြောင့် သိကြားမင်းကိုတိုင် စစ်ထွက် တိုက် ရသည့်အကြောင်းနှင့် သိကြားမင်း၏ ၀ရဇိန် လက်နက်စွမ်းအား
သိကြားမင်း၏ စစ်မြင်းရထား သိကြားမင်း၏ တိုက်ပွဲဝင် စစ်ဆင်များအခြေ
အနေ နှင့် သိကြားမင်းပိုင်ဆိုင်သော နယ်မြေ ၃၃ ခုလုံးမှ စစ်အလံ စစ်တံ ခွန် များကိုင်စွဲချီတက်လာသော တပ်အင်အားတွင် ဆင် ၊ မြင်း ၊ ရထား ၊ စစ် အင်္ဂါလေးပါးနှင့် နေနတ်သား ၊ လနတ်သား ၊ခြံရံပြီး စစ်ချီလာသော
သိကြားမင်း၏ ခုခံမှုကို ဖွဲ့ဆိုသည် ။

ခက်ဆစ်-
( အာလိန်ငါးဆင့် ) မြင့်မိုရ်တောင်၏ဖွဲ့စည်းပုံ ၊
( နဂါး ) မြွေအမျိုးအစား ၊ ကြီးမားသောမြွေ ၊
( ဂဠုန် ) ငှက်အမျိုးအစား ၊ ကြီးမားသောသောငှက် ၊
( ဂုမ္ဘာန် ) ဘီလူး
( ယက္ခ ) နတ်ဘီလူး
( စတုမဟာ ရာဇာ) ဓတရဌ ၊ ၀ိရူဠက ၊ ၀ိရူပက္ခ ၊ ကုဝေရ ၊
နတ်မင်းကြီး (၄) ပါး စတုမဟာရာဇ်နတ်ဘုံ မှာနေသည် ၊
( တစ်သိန်းခြောက်သောင်းရှစ်ထောင်ယူဇနာ ) မြင့်မိုရ်အမြင့်၊

အောက်က ဗွီဒီယိုကတော့ youtube မှာ ကျမ သူငယ်ချင်း ပြန်ဆိုထားတဲ့ သီချင်းပါ... သူဟာ Youtube မှာ ၀ါသနာအရ သီချင်းဆိုပြီး ဗွီဒီယိုတင်တတ်ပါတယ်... သူ့မှာ အထိုက်အလျောက် ပရိတ်သတ်လဲရှိပါတယ်... သူ့ပရိတ်သတ်တွေထဲမှာ မြန်မာတွေအပြင် တခြားနိုင်ငံကသူတွေပါ ပါပါတယ်... သူဆိုတဲ့ မြန်မာသီချင်းတွေမှာ အဓိပ္ပါယ်ကို စာတမ်းထိုးလေ့ရှိပါတယ်... ဒီသီချင်းကို ဆိုမယ်ဆိုတော့ မြန်မာမှာရှိတဲ့ ရာဇ၀င်တွေ သမိုင်းတွေကို တခြားနိုင်ငံသားတွေပါ မျှဝေလိုတဲ့အတွက် ကျမက ကူညီပေးခဲ့တာပါ... ဒါပေမဲ့ သူ့အတွက်လဲ အင်္ဂလိပ်လို တစ်ကြောင်းချင်းဘာသာပြန်ဖို့ ခက်ခဲနေတယ်ထင်ပါတယ်... မပြန်ထားဘူး... သူ့ ဗွီဒီယို Channel sidebar မှာပဲ ပုံပြင်ကို ရှင်းပြထားတယ်... ဘာပဲ ပြောပြော မြန်မာသံစဉ်သီချင်းတစ်ပုဒ်ကိုတော့ တခြားနိုင်ငံသားတွေ သတိပြုမိသွားတဲ့အတွက် သူ့အတွက် ကျမဂုဏ်ယူပါတယ်...

(စာကြွင်း (နောက်မှ ဖြည့်စွက်ချက်)... ခုတော့ သူ အင်္ဂလိပ်လို ခြုံငုံ အတိုချုံးပြီး သူနားလည်သလို ဘာသာပြန်စာတမ်းထိုးလိုက်ပါပြီ... )



12 comments :

MrDBA said...

တော်တော် ကျိုးစားအားထုပ်ထားတာဘဲနော်။ ကူညီကျတဲ့ လူတွေကိုလဲ ကျေးဇူးတင်သွားပါတယ်။ တတ်နိုင်တဲ့ အင်အားလေးနဲ့ ကျိုးစားထားတာကို ကြည်ကြည့်နူးနူးနဲ့ လာအားပေးသွားပါတယ် မဗေဒါရေ။

တောင်ပေါ်သား said...

ဂုဏ်ယူစရာပါပဲ အမရေ.. တကယ့်ကို ချီးကျူးပါတယ်။

လေးစားလျက်
တောင်ပေါ်သား

Anonymous said...

သေချာဖတ်သွားတယ် မဗေဒါ.....။

ကျိုးစားအားထုပ်မဟုတ်... ကြိုးစားအားထုတ်ပါ ကဒီဘီ...... သေချာချီးကျူးပါ.....။


sdl

Thant said...

ဖြောင်း ဖြောင်း ဖြောင်း.......... အားပေးပါတယ် ။ တကယ့်ကို ဂုဏ်ယူမိပါတယ် ။

Rita said...

ဒီ post ကို ခုမှ ဖတ်မိတယ်။

ကိုယ်သိပ်ကြိုက်တာ အဲဒီ သီချင်းကို။ ကိုယ့်မှာ ကိုအံ့ကြီး version ရော သုမောင် version ရော ရှိတယ်။ blog ပေါ်တင်ဖို့ဟာကို စာသားတွေ စာလုံးပေါင်း မသိတာနဲ့ မတင်ဖြစ်သေးတာ။

သူဆိုသွားတာ မြန်မာသံတော်တော်ပီတယ်နော်။ အံ့သြစရာ။

နှစ်ယောက်စလုံးကို ကျေးဇူးတင်လိုက်တာ။ ဘာသာပြန်ပေးသူရော ဆိုတော့ ၃ ယောက်လုံးပေါ့။

:P said...

သူ့ရဲ့ ကျန်တဲ့ သီချင်းတွေပါ ရှာကြည့်နေပါတယ်..

Unknown said...

လာအားပေးသွားပါတယ်မဗေဒါရေ။ ကျွန်တော့်ကို ကောင်
မလေးအကြောင်းပဲရေးနေတာလို့ ပြောပေးသွားတဲ့အ
တွက်ကိုလည်းကျေးဇူးပါ။ အဲဒီဘက်ကိုစိတ်ရောက်နေလို့
ပါ။ အခုလိုသေသေချာချာရေးပေးတဲ့အတွက်ကိုကျေးဇူးပါ
အဓိပ္ပါယ်နဲ့တကွသိရလို့ကျေးဇူးပါ။ နောက်ကိုလည်းဖော်
ပြပေးပါဦးနော်။ အားလုံးအတွကိုကျေးဇူးပါ။

Gersing Aung said...

awww. you are the best!! :)

Gersing

Bino said...

Thanks you so much for your explanation.

BINO

Anonymous said...

းးးးးးးးးးးးးးးးအရင်ပိုစ့်က ကွန်မန့်တွေမှာ ဆွေးနွေးချက်တွေအရ ဒီသီချင်းဟာ သီချင်းအနေနဲ့ စပ်ထားတာဖြစ်တဲ့အတွက်... တချို့သော ရာဇ၀င်ပိုင်းဆိုင်ရာ အချက်အလက် အသေးစားလေးတွေက လွဲမှားကောင်းလွဲမှားနေနိုင်ပါတယ်လို့ ကိုမင်းထက်က ကွန်မန့်မှာ ဒီလို ထောက်ပြခဲ့ပါတယ်... (ဥပမာ-မူရင်းဇာတ်လမ်းထဲမှာ စစ်တိုက်သွားတဲ့အခါ ပုဇွန်လက်အရိုးတံနဲ့ စည်တီးတာတွေ ဘာတွေမပါပါဘူး။ အခြားဇာတ်လမ်းတွေထဲတော့ ပါပါတယ်။ ဒါကြောင့် အာလမ္ဗ-ဆိုတာ ယောင်လည်လည်ဖြစ်နေရတာပေါ့။ ပြောမယ်ဆိုရင် သီချင်းရေးဆရာက သူ့စိတ်ကူးဉာဏ်ကွန့်ပြီး ရေးထားတဲ့ စာသားတွေကများပါတယ်။ နောက်ပြီး ဆင်တော်သုမိတ္တာ ဆိုတာလဲ စဉ်းစားစရာရှိပါတယ်။ သိကြားမင်းမှာ စီးတော်ယဉ်နှစ်ခုရှိပါတယ်။ တစ်ခုက ဝေဇယန္တာလို့ခေါ်တဲ့ မြင်းကောင်ရေတစ်ထောင်နဲ့ဆွဲတဲ့ နတ်ရထား၊ နောက်တစ်ခုက ဧရ၀ဏ်လို့ခေါ်တဲ့ ဆင်တော်။ သုမိတ္တာလို့တော့ ကျနော်မမှတ်ဖူးဘူး။ တစ်ခုစဉ်းစားနိုင်တာက သုမိတ္တာဆိုတဲ့စကားလုံးဟာ ဆင်ရဲနာမည်မဟုတ်ပဲနဲ့ သုနိမိတ္တာ-ကောင်းစွာဖန်ဆင်းအပ်သော-ဆိုတဲ့စကားလုံးကို ကိုယ်စားပြုသလားလို့တွေးစရာရှိတယ်။ အဲဒါဆိုရင်တော့ ဧရာဝဏ်နတ်သားက စစ်ထွက်ခါနီး ဆင်အသွင်ဖန်းတာကို ဆိုလိုတယ် လို့ ယူဆနိုင်တယ်။)းးးးးးးးးးးးးးးးးးးးးးးးးးးး
ကျနော်တစ်ခုပြောချင်လို့ ပါ
သီချင်းကိုသေချာနားထောင်ကြည့်ရဲ့ လားမသိဘူးဗျ
ရန်ဖန်မာန်တင်းတာ က လို့ ဆိုသွားတာမဟုတ်ပါဘူး
ရာမာန် မာတင်နားက လို့ ဆိုသွားတာ
သိကြားမင်းရဲ့ စစ်အခင်းအကျင်းထဲက တစ်ခုဖြစ်နိုင်တယ်
မသေချာသေးပါ
သေချာပါကပြန်လာပြောပြပါ့မယ်
အကို့ ယူဆချက်လဲမှန်ပါတယ်
ဒါပေမယ့် သီချင်းထဲမယ်ကအဲ့လိုမဟုတ်ဘူးလားလို့ ပါ
ကျေးဇူးတင်ပါတယ်
ခုလို့ ကြိုးစားပမ်းစား တကူးတကတင်တာကိုလဲ ဂုဏ်ယူမိပါတယ်

mabaydar said...

ကိုမင်းထက်ကတော့ ဒီကွန်မန့်ကို ပြန်လာဖတ်ပါ့မလားတော့မသိဘူး... တကယ်လို့ သေချာရင်တော့ သူ့ဘလော့မှာ သွားအကြောင်းကြားပေးပါ့မယ်...
ဒါပေမဲ့ ရန်အောင်ဆိုထားတဲ့ ဗွီစီဒီမှာတော့ (http://www.youtube.com/watch?feature=player_embedded&v=sIH4_gcc3Yw#!) ရန်ဖန်မာန်တင်းတာက လို့ပဲစားတမ်းထိုးသွားပါတယ်... စာတမ်းထိုးတဲ့သူပဲ မှားသလားတော့ မပြောတတ်တော့ပါဘူး...

ဒါကတော့ ရှေ့ကကျွန်မတင်ထားတဲ့ပိုစ့်မှာ လာဆွေးနွေးသွားကြတာပါ...
http://mabaydar.blogspot.com/2009/06/blog-post_10.html

Min Chit Thu said...

နတ်စည်ငယ်လေ … ပုစွန်လက်ရိုး … အာလမ္ဗရာ” … ဆိုတဲ့ ဆရာမြို့မငြိမ်း ရေးဖွဲ့ခဲ့တဲ့ ကသစ်ပန်း သီချင်းလေးကို ကြားဖူးမယ် ထင်ပါတယ်။ ဝဿန်ကာလ မိုးကျလာပြီ ဆိုတာနဲ့အမျှ “အုံ့ကာလေ … တဖွဲဖွဲ … ရွာလေ တသဲသဲ” ဆိုတဲ့ အချပိုဒ်လေးနဲ့အတူ အုံ့မှိုင်းလာတဲ့ အာကာပြင် … ဖွဲဖွဲလေး စွေရွာလာရာကနေ ဂျိုးဂျိုးဂျိမ့်ဂျိမ့် မိုးခြိမ်းသံ၊ ထစ်ချုန်းသံတွေနဲ့ အတူ မိုးသီးမိုးပေါက်တွေ သွန်ပြီးရွာချနေတဲ့ မိုးကောင်းကင်ကို မှန်းဆ မြင်ယောင်လာရင်း “ဝေဆာ …. သခွပ်ဖြူပင်မင်း ငွေအဆင်းပွင့်ချိန်ခါ … အသူရာ … ဒေါသထွက်လို့ .. မြင့်မိုရ်ထက်ကို … တက်လို့ စစ်ဖက်တဲ့အခါ …” ဆိုတဲ့ စာသားလေးနဲ့အတူ သိကြားမင်းနဲ့ အသူရာနတ်မင်းတို့ စစ်ခင်းကြပုံတွေ စိတ်ထဲမှာ မြင်ယောင်လာမိတယ်ဗျ။
တကယ်တော့လည်း သိကြား နဲ့ အသူရာ ဆိုတာက တစိမ်းတွေမှ မဟုတ်တာ၊ သိကြားမင်းရဲ့ မိဖုရား သုဇိတာ နတ်သမီး (သုဇာ = သူဇာ လို့လည်း ခေါ်ပါတယ် ဆိုပဲ) ဟာ ဝေပစိတ္တိအသူရာ နတ်မင်းကြီးရဲ့ ချစ်မငြီးတဲ့ ရင်နှစ်သည်းခြာ သမီးတော် ဆိုတော့ကာ အသူရာကြီးက သိကြားမင်းရဲ့ ယောက္ခမ အရင်းခေါက်ခေါက်ကြီးကိုး။ ဒါပေမဲ့လည်း သူတို့နှစ်ယောက်က နဂိုတည်းက မတည့် ကြတော့ စစ်ခင်းပြီးမှ ယူထားရတဲ့ မိန်းမလေ၊ ခိုးပြေးရတာတဲ့ … အဲဒီကတည်းက မိဘ သဘောမတူရင် ခိုးပြေးတာ စပြီး ခေတ်စားလာတယ် ထင်ပါရဲ့ဗျာ …။ အသူရာတွေကလည်း ယမကာလုလင်ကြီးတွေဆိုတော့ မူးပြီး မှောက်နေကြတုန်း သိကြားမင်းတပ်တွေက မြင့်မိုရ်တောင်အောက်ကို တိတ်တိတ်ကလေး ပစ်ချထားတာ ခံလိုက် ရတာပါ။ အလစ်အငိုက် ပေါ့။ 
အသူရာတွေဘက်က ကြည့်မယ်ဆိုရင်လည်း မခံနိုင်စရာပါပဲ။ စစ်ကလည်း ရှုံးသေး၊ ကိုယ်နေတဲ့ နေရာကလည်း ဖယ်ရှားခံရသေး၊ သမီးလည်း ပါသွားသေး ဆိုတော့ သူတို့ကိုလည်း အပြစ်မဆိုသာဘူးပေါ့။ ဒါတောင် ကိုယ့် ဆရာတွေက ချက်ခြင်းသိသေးတာမဟုတ်ဘူးဗျ။ မူးပြီး ကောင်းနေတုန်းရှိသေးတာ။ အမူးပြေလို့ ဝေဇယန္တာ နန်းဘုံမြင့်ဆီက ပင်လယ်ကသစ်ပင်ကြီး ပန်းပွင့်တဲ့အချိန်မှာ သဘင်ပွဲ ဆင်နွှဲမယ်ဆိုပြီး ကြည့်လိုက်တော့မှ ကသစ်ပင်ကြီးမဟုတ်ဘဲ သခွပ်ပင်ကြီးက အဖြူရောင် သခွပ်ပွင့် တွေကို မြင်တော့မှပဲ “ဟင် … တာဝတိံသာလည်း မဟုတ်ပါလား” ရယ်လို့ သိပြီး ဒေါသအမျက် ခြောင်းခြောင်းထွက်လို့ မြင့်မိုရ်တောင်ပေါ်တက်၊ ဒေါသတကြီးနဲ့ ခပ်ကြမ်းကြမ်း တိုက်စစ်ဆင်လိုက်တဲ့အခါ အာလိန်ငါးဆင့် က စတုမဟာရာဇ် နတ်မင်းကြီး လေးပါး ဦးဆောင်တဲ့ နဂါး၊ ဂဠုန်၊ ကုမ္ဘဏ်၊ ရက္ခိုသ် တွေ မခံနိုင်တော့ပါဘူး။ ဒီအခါမှာ သိကြားမင်း ကိုယ်တိုင် ဝရဇိန်လက်နက်ကို ကိုင်စွဲလို့ နတ်မြင်းတစ်ထောင် က, တဲ့ ဝေဇယန္တာ နတ်ရထား ကိုစီးပြီး နတ်ဆင်တော်တွေ။ ရဲတံခွန်တွေနဲ့အတူ နေနတ်သား၊ လနတ်သား၊ ဝရုဏ နတ်မင်း၊ ဣသာန နတ်မင်း (မဟာပိန္နဲနတ် ဆိုတာ သူပါပဲတဲ့ …)၊ ပဇာပတိ နတ်မင်း တို့အပါအဝင် သုံးကျိပ် သုံးပါး သော စစ်သူကြီးများနဲ့ စစ်အင်္ဂါလေးပါး အပြည့်အစုံခင်းကျင်းပြီး ထွက်တိုက်တော့မှ အသူရာတို့ စစ်ရှုံးပြီး ပြန်ပြေးကြရပါတော့တယ်။ 
ကျနော်လည်း နိဒါန်းပျိုးပြီး လေရှည်နေတာနဲ့ လိုရင်းမရောက်တော့ဘူး ဖြစ်နေပြီ။ အဲဒီမှာမှ အာလမ္ဗရ စည်တော်က လာတာကိုးဗျ။ ဒီ စည်တော်ကြီးက ပုစွန်လက်မကြီးနဲ့ လုပ်ထားတာ။ အသူရာတွေရဲ့ စည်ဗျ။ အဲဒီပွဲ မှာ စစ်ရှုံးလို့ ပြန်ပြေးတော့ အဲဒီ အာလမ္ဗရ စည်တော်ကြီးပါ ပစ်ထားခဲ့ပြီး သေပြေးရှင်ပြေး ပြေးကြရတယ် ဆိုပဲ။ အဲဒါကိုတွေ့တော့ သိကြားမင်းက ဆွဲစေ့ ထားလိုက်တာပေါ့ဗျာ။ သိကြားကတော့ တန်သွားတာပေါ့။ သမီးလည်းရ၊ စစ်လည်းနိုင်တဲ့အပြင် စည်ကြီးပါ အပိုဆု ပေါက်လိုက်သေးတာကိုး။ မိုးခြိမ်းသံတွေဟာ ဒီစည်ကြီးကို တီးလိုက်တဲ့အခါ မြည်တဲ့အသံလို့ ဆိုရမှာပေါ့။