စီးတီးဟော စတိတ်ရှိုးနှင့် ၁၅ကျပ်သင်္ကြန်... ၂၀၀၉ ခုနှစ်

ယခုနှစ် city hall အစီအစဉ်မှာမူ စကာင်္ပူဒူးရင်းသီးကြီးနားက ဘောလုံးကွင်း အကျယ်ကြီးကို ငှားပြီး မြန်မာနိုင်ငံရှိ အဆိုတော်များကို ခေါ်ကာ ဖျော်ဖြေရေး ရေပတ်အစီအစဉ်များနဲ့ အကြီးအကျယ် ကျင်းပခဲ့ပါတယ်.. အဆိုတော်များမှာ ဇော်ဝမ်း၊ မျိုးကြော့မြိုင်၊ ဆောင်းဦးလှိုင်၊ စည်သူလွင်၊ ရဲလေး၊ ဖြူဖြူကျော်သိန်း၊ ရှင်ဖုန်း နှင့် အခြားသော အကဖျော်ဖြေမှုများလဲ ပါဝင်ပါတယ်.. မှတ်မှတ်ရရ ဇော်ဝမ်း သင်္ကြန်မိုးသီချင်းဆိုတဲ့ အချိန်မှာ သင်္ကြန်မိုးလို မိုးဖွဲလေးတွေ တကယ်ကျခဲ့ပါတယ်..

ဝင်ပေါက်မှာ တန်းစီးစဉ် (ဗွက်စတင်ပေပါတယ်..)

မမှီမကမ်း လှမ်းရိုက်ထားတဲ့ စတိတ်စင်..

ရေကစားဖို့ ကန်များနှင့် အဝေးက ဈေးဆိုင်များ...

အထဲက ဆိုင်တော်တော်များများကတော့ ပိုက်ဆံပေးဝယ်စားရပါတယ်.. ဒါပေမဲ့ ဖာလူဒါတော့ စတုဒီသာတိုက်ပါတယ်.. အအေးနဲ့ ရေသန့်တွေကိုတော့ ဆိုင်ဖိုးကြေရုံသာယူပြီး ဈေးသက်သာစွာအရင်းတိုင်းရောင်းချပေးပါတယ်.. မည်သို့ပင်ဆိုစေ.. အလကားကျွေးတဲ့ စတုဒီသာတောင် အေးအေးဆေးဆေးယူစားလို့ရပေမဲ့.. ဈေးကြီးပြီး တခွက်ကို ဒေါ်လာ ၆ကျပ်နဲ့ ရောင်းနေတဲ့ ဘီယာ ဆိုင်မှာတော့ ပြုံတိုးပြီး လုရက်ဝယ်ယူနေသော မြန်မာ အမျိုးသားများကိုလဲ တပုံတပင်တွေ့ရပါတယ်.. ကွင်းနောက်ဆုံးရှိ ယာယီအိမ်သာတွင်လည်း ၆ကျပ်တန်များကို ရေဖျောပစ်ခဲ့သူအများအပြား တန်းစီနေတာကိုလဲ အဆက်မပြတ်တွေ့ရပါတယ်..

စကာင်္ပူ မြို့လယ်ခေါင်နှင့် မြန်မာသင်္ကြန် မြင်ကွင်း..

နောက်ပိုင်း ကွင်းပြည့်နီးပါး လူပိုများလာခဲ့တယ်..

ရေပတ်ဖို့ ရေတိုင်ကီ ၃လုံးချထားပေးပြီး ပွဲအစတွင်တော့ ကလေးငယ်များနှင့် နိုင်ငံခြားသား တစ်ဦးနှစ်ဦးသာဆော့နေကြပြီး ပွဲစင်နားတွင်တော့ လူများပြီး တိုးမပေါက် မမြင်ရသဖြင့် မဗေဒါတို့လဲ ကလေးများရေကစားနေသော ကွင်းနောက်ပိုင်း တိုင်ကီနားရှိ လူထိုင်ရန်လုပ်ပေးထားသော ခုံတန်းများတွင်သာ ထိုင်လျက် ကြည့်ရှူခဲ့ရသည်.. မြက်ခင်းပြင်ဖြစ်သောကြောင့် ရေမစို့တစိုအချိန်တွင် နင်းလိုက်သမျှ ဗွက်ထသဖြင့် အစပိုင်းအတော်အနေခက်ခဲ့ရသည်.. အကြောင်းသိ၍ မနက်က၀တ်လာသော ဒေါက်မြင့်ဖိနပ်ကို ချွတ်၍ ပန်နီဆူလာ ပလာဇာတွင် ၈ကျပ်တန် ဖိနပ်ဝယ်စီးခဲ့လို့သာ တော်တော့သည်..

ကွင်းနောက်ဘက်ရှိ ခုံတန်းများ...

ဗွက်နဲ့ မြက်လူးနေတဲ့ ဗေဒါ့ခြေထောက်အလှ..

နောက်ပိုင်းတွင်တော့ ရေဆော့ရင်းဖြင့် ဗွက်တောထဲတွင် အနေသားကျခဲ့သည်.. ရေဆော့သော နေရာတွင် ရေနိုင်သွားသဖြင့် ဗွက်သိပ်မထတော့ခြင်းကြောင့်လဲ ဖြစ်သည်.. စတိတ်စင်ဘက် ကွင်းအရှေ့တွင်မူ အလွန်တရာမှ ဗွက်ထပြီး.. ဗွက်နံ့မှာ ၀က်မွေးမြူရေးခြံအတွင်းရောက်သွားသကဲ့သို့ပင်.. သို့သော် လူအတော်များများမှာ ဒေါ်လာများ အတန်အသင့် ရေဖျောပြီးသူများ ဖြစ်ခြင်းကတစ်ကြောင်း ရေစိုလာခြင်းကြောင်းတစ်ကြောင်း ဗွက်ပေလက်စနှင့် မထူးဟူသော စိတ်ကြောင့်တစ်ကြောင်း ဗွက်တော့ထဲတွင်ပင် ပျော်ရွှင်နေကြပုံရသည်.. ရေတိုင်ကီနားလာ၍ ခြေလာဆေးသူ အများအပြားကိုလည်းတွေ့ရသည်.. မည်သို့ပင်ဆေးဆေး သန့်သွားသည်မှာ တခဏသာဖြစ်မည်.. ဒီကွင်းထဲက ထွက်မှသာလျှင် ဗွက်လွတ်မည်ဖြစ်သည်..

ကျမ ဖေဖေ မေမေနှင့် ကျမကတော့ အသုတ်စုံ ၁ပွဲ ၃ကျပ်ဖြင့် စားလိုက်ကြတာ ၄ပွဲစားဖြစ်သည်.. ရေစိုစိုနှင့် အသုတ်ကလည်းအလွန်စားကောင်းသည်.. အစက ထိုင်နေသူများကို မည်သူမှရေလာမလောင်းကြသော်လည်း.. နောက်ပိုင်း ဖျော်ဖြေရေး ခေတ္တနားသောအချိန်တွင် ဒေါ်လာရေဖျောထားသူ အချို့ ရေကစားရာနေရာသို့ရောက်လာပြီး တိုင်ကီရေဖြည့်သော ပိုက်ကိုယူကာ ထိုင်နေသူများကို လိုက်ဖြန်းသောကြောင့် အားလုံးစိုကုန်ခြင်းဖြစ်သည်.. ရေမစိုသေးသောသူများလည်း သင်္ကြန်ရေထိ၍ ထိုသူကြောင့် ရေစိုသွားသည်ဆိုသော်လည်း.. ကလေးများကစားနေသော ရေတိုင်ကီသည် နောက်ပိုင်း လူအများအပြားရေကစားလာသောအခါ ပိုက်တစ်ချောင်းတည်းဖြင့် အလျှင်မမှီရေဖြည့်နေရသောကြောင့်.. တစ်ဦးတစ်ယောက် ပျော်ရွှင်မှုအတွက် အများဆော့နေသော ရေပိုက်ကိုယူကာ လိုက်မလောင်းသင့်ဟု ကျမထင်မိသည်.. တာဝန်ရှိသူမှ ရေပိုက်ကို ကောင်းကောင်းမွန်မွန်ပြန်တောင်းတာတောင် ထိုသူက သိပုံမရ.. သူ့စိတ်ကြိုက် ရေပိုက်ကို သုံးနေသည်.. နောက်ဆုံး ရေပျက်(ချင်ယောင်ဆောင်) သွားတော့မှ ရေပိုက်ကိုချသည်.. တာဝန်ရှိသူက ခပ်ပြုံးပြုံးဖြင့် သူမသိသယောင်..
"ဟာ.. ရေပျက်သွားပြီ" ဆိုပြီး သူ့လက်ထဲ ပိုက်ပြန်ရောက်တော့မှ ရေက ပြန်လာသည်..
စကာင်္ပူလိုရေဈေးကြီးသောနိုင်ငံတွင် ယခုလို ပွဲအစအဆုံးရေပေးကာ အကြာကြီးဆော့ရသည်မှာ အလွန်ပင် ကြေနပ်စရာကောင်းလှသည်...

ဝန်းအပြင်တွင် လူအများကလည်း မြန်မာလူမျိုးများ၏ ရေသဘင် နှစ်ကူးကိုကြည့်ကာ အပျော်ကူးဆက်နေသူများကိုလဲတွေ့ရသလို.. လက်မှတ်မ၀ယ်တော့ပဲ ဘေးဘောလုံးကွင်းတွင်ထိုင်ကာ သီချင်းနားထောင်လိုက် ကြည့်လိုက်လုပ်နေသူ မြန်မာ အများအပြားကိုလဲတွေ့ရသေးသည်.. ဇကာပိုက်ပုံစံမျိုးနှင့်သာ ကာထားခြင်းဖြစ်၍ အပြင်မှလူများလဲ မြင်ရ ကြားရသည်.. အတွင်းကလူတွေလို လိုက်ကကြ လိုက်ခုံကြ ရေဘုန်းဘောလအော ကစားကြလို့မရတာသာရှိမည်.. အားလုံးကတော့ သိပ်မကွာလှပါ... အော်.. အပြင်ကလူများက ရွှံ့မပေပါ.. ဟဲ.. ဟဲ..

ဝန်းအတွင်း၌ အမှိုက်ကို စနစ်တကျပစ်ရန်နှင့် စည်းကမ်းရှိရန်စာရေးထားသောလည်း တချို့သူများက အမှိုက်များကို စည်းကမ်းမဲ့ပြစ်နေသူများကိုလဲ မြင်တွေ့ရသည်.. တချို့လူများကလည်း ဘေးလူကို ဂရုမထားပဲ.. ဗွက်ရေများပေါ် ဗြမ်းကနဲ ခုန်ကသောသူများကြောင့်လဲ ထိုင်နေသူများ ရွှံ့စင်ကာ စိတ်အနှောင့်အယှက်ဖြစ်ခဲ့ရတာများလည်းရှိသည်.. ဤသို့သော အပြုအမူများမှာ အခြားသော နိုင်ငံသားများ အမြင်တွင် မြန်မာဆိုသည်ကို နှိမ်သထက်နှိမ်ချင်စဖွယ်ဖြစ်အောင် လုပ်ပြနေသကဲ့သို့ပင်.. ကျမတို့ မြန်မာလူမျိုးများ၏ ဂုဏ်ကိုထိမ်းသိမ်းဖို့မှာ မြန်မာလူမျိုးတိုင်းရဲ့တာဝန်ဖြစ်သည်လို့ ကျမမြင်သည်.. အထူးသဖြင့် သူများနိုင်ငံတွင်နေထိုင်နေသော မြန်မာလူမျိုးများအနေဖြင့် ကိုယ့်ပတ်ဝန်းကျင်တွင်ရှိသော နိုင်ငံခြားသားများအတွက် ကိုယ်က မြန်မာပြည်ကိုယ်စားပြုဖြစ်နေသည်.. အထူးသတိပြုသင့်ပေသည်..

ယခင်နှစ်များတွင် ပင်နီဆူလားပလာဇာတွင် အခမဲ့ဖျော်ဖြေရေးများနှင့်ကျင်းပခဲ့စဉ်က စည်းကမ်းမဲ့ အမှိုက်ပြစ်၊ ကွမ်းတံတွေးထွေး အံကြ၊ မူးကြလို့ နောက်ပိုင်းနှစ်များတွင် ပလာဇာတွင်း သင်္ကြန်ပွဲကျင်းပမှုကို တာဝန်ရှိသူများက ပိတ်ပင်ခဲ့ခြင်းဖြစ်သည်ဟု ကြားသိရသည်.. ကိုယ့်နိုင်ငံရိုးရာပဲဟေ့.. ကိုယ်ပိုက်ဆံပေးထားတာပဲဟေ့ဟု မည်သို့ပင်ဆိုစေ သူများနိုင်ငံတွင် ပြုလုပ်နေခြင်းဖြစ်သည်ကို ခေါင်းထဲထည့်ထားသင့်သည်.. အထူးသဖြင့် စကာင်္ပူလို သန့်ရှင်းမှုကို အမြဲဂုဏ်ယူနေတတ်သောနိုင်ငံတွင် မြန်မာပွဲလုပ်တော့မှ အမှိုက်က ပေပွပြီးကျန်ခဲ့သည်ဆိုပြီး လက်ညှိုးထိုးချင်စရာ ဖြစ်အောင်မနေသင့်ပေ.. အမှိုက်ပုံးများကိုလဲ ကွင်းနေရာစုံတွင် လွယ်ကူစွာထားပေးထားသည်ကိုလည်း တွေ့ရသည်.. သို့သော် ဘီယာထည့်သော ကဒ်များ.. အာလူးကြော်ဘူးများ.. မုန့်ဘူးများကိုလဲ မြက်ခင်းပေါ်တွင်တွေ့ခဲ့ရသည်.. (ဒါတောင် ကျမစိတ်ထင် ၃ပုံ ၂ပုံလောက်ကတော့ စည်းကမ်းထိမ်းသဖြင့် သိပ်ဆိုးဆိုးရွားရွား အမှိုက်ပွခြင်းတော့ မရှိပါ ကျန် ၁ပုံကသာလျှင် ဆိုးရွားခြင်းဖြစ်သည်)

ရိုးရာမပျက်ကျင်းပခဲ့သော မြန်မာသင်္ကြန်ပွဲတော်အတွက် ကျမ မြန်မာတစ်ယောက်အဖြစ်ဂုဏ်ယူသည်.. နိုင်ငံခြားသားတော်တော်များများနှင့် ကမ္ဘာကအသိများသော ရေသဘင်ပွဲမှာ ယိုးဒယားဟုသာဖြစ်သည်.. အမှန်တော့ မြန်မာကစခဲ့ခြင့်းဖြစ်သည်ဟု ကျမယုံကြည်သည်.. ယိုးဒယားတွင် ကန့်သတ်ထားသောနေရာတွင်သာ ရေပတ်ကြသော်လည်း.. မြန်မာနိုင်ငံတွင် နိုင်ငံတ၀ှမ်း ကလေးလူကြီး အူကြီးအူမ မကျန် (ဥပုသ်သည်မှ လွဲ၍) ရေပတ်ခံရမည်.. သင်္ကြန်၏ မူလပထမ ပိုင်ရှင်မှာ မြန်မာလူမျိုးများဖြစ်သည်ဟု ကမ္ဘာသိအောင် ပြလိုက်ချင်သည်.. ယခုလို တန်ဖိုးရှိသော ကျမတို့ ရိုးရာကို ခိုးယူခံရပြီး ကမ္ဘာတွင် သူတို့မူပိုင်ရှင်လုပ်နေခြင်းအတွက် မချိတင်ကဲ စိတ်မကောင်းဖြစ်ရသည်.. (ကျမအထင် မှားသည်ဆိုလျှင် ပြောပြပေးဖို့ သိသူများကို မေတ္တာရပ်ခံလိုပါသည်.. သင်္ကြန်က မြန်မာကစသလား.. ယိုးဒယားကစသလား.. ဟိုးယခင် အလောင်းမင်းတရားခေတ်က ယိုးဒယားကို သိမ်းဖူးလို့ မြန်မာ့ယဉ်ကျေးမှု အနည်းငယ်စီးဆင်းသွားခြင်းဖြစ်မည်ဟု ကျမတော့ထင်သည်..)

မည်သို့ပင်ဆိုစေ.. စကာင်္ပူတွင်ရိုးရာမပျက် ကျင်းပသော မြန်မာသင်္ကြန်ပွဲတော်မှာ ကုသိုလ်ပြုမှုများ.. ဖျော်ဖြေရေးများ.. ရေကစားခြင်းများဖြင့် အောင်မြင်စွာပြီးဆုံးသွားသဖြင့် ကျမအလွန်တရာမှ ၀မ်းသာပိတိဖြစ်မိပါတော့သည်....

ကျန်ပုံများကို ဆက်လက်ရှူစားကြပါကုန်...

ကွင်းနောက်ထောင့်ရှိ ယာယီအိမ်သာများ..

ရေဆော့သူ သိပ်မများခင် အစောပိုင်းအချိန်..

နောက်ပိုင်း ရေဆော့သူများလာချိန် (ရေပိုက်ရှိရာ ရေကန်တွင် လူပိုအုံတတ်သည်.. ယခုရေကန်တွင် လတ်တလောရေပိုက်မရှိပါ)

ဖာလူဒါစားနေတာ.. စားပါအုံး..

ခြေဆေးဖို့ ရေသွားခပ်ရင်း ရေပက်ခံလိုက်ရတာကနေစပြီး ရေကစားဖြစ်သွားတဲ့ ကြွက်စုတ် မဗေဒါ...