ေတာင္နံရံေပၚက ဖန္ လမ္းေၾကာင္း

ဒီေန႔ ဂူဂဲလ္ပလပ္စ္မွာ ဟိုေလ်ွာက္ၾကည့္ ဒီေလွ်ာက္ၾကည့္ရင္း စိတ္၀င္စားစရာေကာင္းတဲ့ ေနရာေလးတစ္ခုအေၾကာင္း သြားေတြ႔ပါတယ္… အဲဒါကေတာ့ တရုတ္ျပည္ Hunan မွာရွိတဲ့ The Zhangjiajie National Forest Park မွာရွိတဲ့ Tianman ေတာင္ထိပ္ေပၚမွာ ေတာင္နံရံကို ကပ္ျပီး ဖန္နဲ႔ေဆာက္ထားတဲ့ လမ္းေၾကာင္း ဓာတ္ပံုေတြျဖစ္ပါတယ္…
ဒါနဲ႔ သိခ်င္လို႔ ထပ္ရွာၾကည့္ေတာ့ ဒီလမ္းေၾကာင္းကို ၇ရက္ ၁၁လ ၂၀၁၁ ကမွ ခရီးသြားမ်ားအတြက္ စတင္ဖြင့္လွစ္လိုက္တာပါ… ပင္လယ္ေရမ်က္ႏွာျပင္အထက္ ၁၄၃၀ မီတာ (၄၇၀၀ ေပ) ျမင့္ပါတယ္… ကမာၻေပၚမွာ အျမင့္ဆံုးေတာင္တက္လမ္းထဲမွာ တစ္ခုအပါအ၀င္ျဖစ္ပါတယ္… စုစုေပါင္း လမ္းေၾကာင္း အရွည္က ၆၉မီတာ (၂၀၀ ေပ) ျဖစ္ပါတယ္… ဖန္သားအထူက ၃လက္မပါ… လာေရာက္လည္ပတ္သူေတြကို ဖန္ေပၚတြင္ မေခ်ာ္လဲေစရန္ သင့္ေတာ္တဲ့ဖိနပ္မ်ားကို စီးဖို႔ အၾကံျပဳထားပါတယ္…

ေနာက္ထပ္စိတ္၀င္စားစရာေကာင္းတဲ့ အခ်က္တစ္ခ်က္ကေတာ့ ၂၀၁၀ ခုႏွစ္က ထြက္တဲ့ “Avatar” ဇာတ္ကားထဲမွာပါတဲ့ ေကာင္းကင္ေပၚမွာ ပ်ံေနတဲ့ေတာင္ေတြ “Hallelujah Mountain” ကို ဒီဇိုင္းေဖာ္တဲ့အခါမွာ ဒါရုိက္တာနဲ႔ ဒီဇိုင္နာေတြရဲ႕ အေတြးကို စတင္ အေျခခံေပးလိုက္တဲ့ ေတာင္ေတြလို႔သိရပါတယ္… ဒီေတာင္ေတြထဲက တစ္ေတာင္ကို ယခုအခါမွာ “Avatar Hallelujah Mountain” လို႔ေတာင္ တရား၀င္ နာမည္ေျပာင္းေပးလိုက္ျပီလို႔သိရပါတယ္…

Now name as Avatar Hallelujah Mountain

ဒီ သတင္းအခ်က္အလက္ေတြရဖို႔ ဟိုရွာဒီရွာလုပ္ရင္း အမ်ားသူငွာေတြရဲ႕ အျမင္ကိုလဲ ဖတ္ခဲ့ရလို႔ ကြ်န္မသာဆိုရင္ေရာလို႔ေတြးျဖစ္ပါတယ္… ဟုတ္ပါတယ္… ကြ်န္မကေတာ့ လံုျခံဳမွဳ အသက္အႏၱရာယ္ကို မယံုၾကည္တဲ့အတြက္ အဲဒိ ဖန္လမ္ေၾကာင္းေပၚကို တက္မေလွ်ာက္ရဲပါဘူး… ေအာက္ပါလူတစ္ခ်ိဳ႕ ေတြကလဲ ဒီလိုေျပာထားၾကပါတယ္… http://thecornfieldonline.com ဖိုရမ္မွာ ေဆြးေႏြးထားၾကတာကို ေကာက္ႏုတ္ပါတယ္…

တစ္ေယာက္က ေဟာဒီလိုေျပာပါတယ္…
The real fear is that it was built by the Chinese. it could come down any time.

I'll stick with the ledge at the Sears, er, Willis Tower in Shitcago.
(တကယ္ေၾကာက္စရာေကာင္းတာက တရုတ္ျပည္က ေဆာက္ထားလို႔ပဲ… အခ်ိန္မေရြးျပိဳက်ႏုိင္တယ္…
ငါကေတာ့ ခ်ီကာဂိုက Sears, Willis Tower ေတြပဲသြားေတာ့မယ္…)

ေနာက္တစ္ေယာက္က ဒီလိုေျပာတယ္…
Who the hell knows what those bolts and fasteners are made from, how they were made, and even if they were tested.

No thanks. Track record and all that.
(ဒီလက္ရမ္းေတြ ဒီမူလီေတြ ဘယ္ကေနထုတ္တာလဲ၊ ဘယ္လိုထုတ္လုပ္ခဲ့တာလဲ၊ ဒါေတြက (လံုျခံဳစိတ္ခ်ရတဲ့) စမ္းသပ္မွဳေတြျပဳလုပ္ခဲ့ရဲ႕လား ဆိုတာ ဘယ္သူသိလဲ…
ေက်းဇူးပဲ ဒါေပမဲ့ ကြ်န္မအတြက္ေတာ့ (ဒီခရီးက) မလိုအပ္ဘူး..)

ေနာက္တစ္ေယာက္ကေျဖတယ္…
Made by China, following Chinese "regulations". See all pics.
Pass.
(တရုတ္ကလုပ္တာေလ… တရုတ္ျပည္စည္းကမ္းေတြအတိုင္းလိုက္နာျပီးလုပ္ထားတာေပါ့… ကြ်န္ေတာ္လဲ Pass ပဲဗ်ာ…)

ေနာက္တစ္ေယာက္က…
..the railing/fasteners are stainless steel. it is very obvious. not going anywhere either.
(လမ္းေၾကာင္းကို ပတ္ထားတာေတာ့ stainless စတီးဆိုတာ အသိသာၾကီး… ကြ်န္ေတာ္လဲ ဘယ္မွမသြားပါဘူး…)

ေနာက္တစ္ေယာက္ေတာ့…
Looks perfectly safe.

I still wouldn't do it. (အျမင္အရေတာ့ လံုျခံဳမွဳ အေသအခ်ာ ရွိတယ္ဆိုတယ္လို႔ ထင္ရတာပဲ… ဘာပဲျဖစ္ျဖစ္ ကြ်န္ေတာ္ေတာ့ မသြားဘူး)

Google+ က ဓာတ္ပံုတင္တဲ့သူမွာရတဲ့ ကြန္မန္႔ေတြမွာေတာ့ တခ်ိဳ႕ကလဲ မိုက္တယ္… သြားခ်င္တယ္… လွလိုက္တာ … အံ့ၾသစရာေကာင္းေအာင္လွလိုက္တာ… အင္ဂ်င္နီယာေတြရဲ႕ အႏုပညာပဲ စသည္ျဖင့္ ခ်ီးက်ဴးထားၾကသူေတြရွိသလို တခ်ိဳ႕သူေတြကလဲ အေပၚက ဖိုရမ္ထဲကလူေတြလိုပဲသေဘာမတူၾကပါဘူး..

လူတစ္ေယာက္ဟာ အေတြးအေခၚတစ္မ်ိဳးစီကဲြျပားၾကပါတယ္… ကဲြျပားႏိုင္ပါတယ္… ကြ်န္မဒီဓာတ္ပံုေတြကို ေတြ႔ေတာ့ ဘယ္ေနရာလဲမသိဘူးဆိုျပီး ခရီးသြား၀ါသနာပိုးအရ ရွာၾကည့္မိပါတယ္… ဒါေပမဲ့ တရုတ္ျပည္ဆိုတာေတြ႔ရေတာ့ ဘာေၾကာင့္မွန္းမသိ စိတ္ထဲေအာင့္သက္သက္ၾကီးျဖစ္သြားတယ္… ဒီပိုစ့္ကို ေရးဖို႔ အခ်က္လိုက္ရွာေတာ့မွ သူမ်ားေတြကြန္မန္႔ေတြဖတ္ျပီး ကြ်န္မစိတ္ထဲက ေအာင့္သက္သက္ျဖစ္တာကို ရွင္းသြားေတာ့တယ္… တရုတ္ျပည္ကေဆာက္တဲ့ ၃လက္မအထူရွိ ေတာင္နံရံမွာကပ္ေဆာက္ထားတဲ့ လမ္းေၾကာင္းကို ေလွ်ာက္ဖို႔ဆိုတာ ယံုၾကည္မွဳနဲ႔ အမ်ားၾကီးဆိုင္ပါတယ္… ေဆာက္လုပ္ရာမွာ အသံုးျပဳတဲ့ ပစၥည္းေတြကို ယံုၾကည္လား၊ ေဆာက္လုပ္သူေတြကို ယံုၾကည္လား၊ ဒီလမ္းေၾကာင္းကို ထိမ္းသိမ္းေစာင့္ေရွာင့္ေရး ကို ယံုၾကည္လား… ေနာက္ဆံုးကုန္ေအာင္ေျပာမယ္… အတူတူလမ္းေလွ်ာက္ေနတဲ့ ေဘးက လူက အဲဒိေပၚမွာ မခံုပါဘူး မအံပါဘူး လက္မကစားပါဘူး မဖ်က္စီးပါဘူးလို႔ယံုၾကည္လား… ဒါေတြအားလံုးကေတာ့ သင့္ရဲ႕ ခံယူခ်က္ေပၚပဲမူတည္တယ္…

ကြ်န္မအတြက္ကေတာ့ ျမန္မာျပည္မွာေခတ္စားေနတဲ့ စကားတစ္ခြန္းကို သြားသတိရတယ္… “တရုတ္စက္၊ တရက္စုတ္” တဲ့… တရုတ္ကထုတ္တဲ့စက္ ၁ရက္ထဲနဲ႔ စုတ္တယ္လို႔ေတာင္ တေဘာင္ထြက္သတဲ့… ကိုယ္ကိုတိုင္ တရုတ္ျပည္ ရွန္ဟိုင္းကို အလည္အပတ္ေရာက္တုန္းကလဲ တန္းစီရမဲ့ေနရာတန္းမစီတာတို႔ ေက်ာ္တက္တာတို႔… ဂိုက္ကလဲ ခရီးသည္ကို ဂရုမထားတဲ့အျပင္ ေငြညွစ္ဖို႔ပဲ ၾကိဳးစားေနတာတို႔ စတဲ့စတဲ့ မေကာင္းတဲ့ အေတြ႔အၾကဳံေတြ ၀န္ေဆာင္မွဳေတြနဲ႔ ၾကဳံခဲ့ရေတာ့ ကိုယ္သြားခ်င္တဲ့ တရုတ္ျပည္ ဂရိတ္ေ၀ါေလးသြားဖို႔ေတာင္ ခုထိ ေျခတံုခ်တံုနဲ႔ စိတ္ကို ေတာ္ေတာ္ေလးျပင္ဆင္ေနရတယ္….
ဒါ့အျပင္ ျဖစ္သမွ်ၾကည့္လိုက္… လူသားခ်င္းမစာနာမွဳေတြ (ကေလးကို ကား ၂ဆင့္တက္ၾကိတ္တာေတာင္ မသိခ်င္ေယာင္ေဆာင္ေနတဲ့ သူေတြ)၊ အာဏာအလဲြသံုးစားလုပ္မွဳေတြ (လူငယ္ ၂ေယာက္ကို ကားနဲ႔တိုက္လို႔ ၁ေယာက္ေသတာေတာင္ ေဘးကလူေတြကို “တိုင္ရဲရင္တိုင္လိုက္ ငါ့အေဖက ဘယ္သူ” ဆိုျပီး စိန္ေခၚသြားတာေတြ)၊ လူကို အႏၱရာယ္ျပဳမဲ့ စံခ်ိန္မမွီတဲ့ အစားအေသာက္ေတြ (ကေလးႏုိ႔မုန္႔ေတြနဲ႔ စားသံုးကုန္ေတြမွာ မယ္လမင္းေတြထည့္ထုတ္တာ)၊ စတဲ့ တျခားေသာ ျပႆနာမ်ားကလဲ ျဖစ္လိုက္ရင္ တရုတ္ကခ်ည္းပဲ… လူမ်ိဳးေရး နုိင္ငံေရး ပုတ္ခတ္ျခင္းမဟုတ္ရပါ… ေၾကာက္မယ္ဆိုရင္ေတာ့ ေၾကာက္စရာေတြ အမ်ားၾကီးလို႔လဲ ကပ္ေျပာႏုိင္ပါတယ္… သို႔ေသာ္ ကိုယ္သြားခ်င္တဲ့ ေနရာတစ္ခုနဲ႔ ပတ္၀န္းက်င္ရဲ႕ သမိုင္းနဲ႔ အေလ့အထကိုေတာ့ ဆင္ျခင္သင့္တယ္ထင္လို႔ပါ… ဖန္လမ္းေၾကာင္းျခင္းအတူတူ USA Grand Canyon ကိုပဲ ကြ်န္မ သြားျဖစ္မယ္ထင္ပါတယ္…

ကဲ… စာဖတ္သူတို႔ေရာ ဘယ္လိုသေဘာရၾကလဲ… လြတ္လပ္စြာ သေဘာထားကဲြလဲြႏုိင္ပါတယ္ေနာ္…

Grand Canyon, USA

Glass walk at Grand Canyon, USA

Source : http://www.amusingplanet.com/2010/06/zhangjiajie-national-forest-park.html

http://www.echinacities.com/china-media/chinese-mountain-that-inspired-avatar-renamed-after-the.html

http://sightbywalk.blogspot.com/2011/11/worlds-highest-glass-trail-zhangjiajie.html

It's the day, a girl was born to be My MUM

ေကၽြးေမြးသုတ္သင္၊ သက္ဆံုးပင္
ခ်စ္ခင္ရွာေပ၊ တို႔ေမေမ။

ငယ္စဥ္ကာလ၊ စည္းကမ္းျပ
ဆံုးမခဲ့ေပ၊ တို႔ေမေမ။

အရြယ္ေရာက္လာ၊ ေက်ာင္းအပ္ကာ
ပညာေပးေပ၊ တို႔ေမေမ။

က်န္းမာဖို႔ေရး၊ သင့္ရာေကၽြး
ေလးစားအပ္ေပ၊ တို႔ေမေမ။

၀တ္စားဆင္ယင္၊ ျမတ္ႏိုးၾကင္
ခ်စ္ခင္အပ္ေပ၊ တို႔ေမေမ။






A mother is she who can take the place of all others but whose place no one else can take. -Cardinal Mermillod
အေမဆိုတာ က်န္တဲ့အရာေတြ အားလံုးေနရာ၀င္ယူႏုိင္တယ္…. ဒါေပမဲ့ က်န္တဲ့ဘယ္အရာမွ အေမ့ေနရာကို ၀င္မယူႏိုင္ဘူးဆိုတဲ့ စာသားေလးက ေမေမ့ေမြးေန႔အတြက္ ပိုစ့္ေရးဖို႔ inspiration လိုက္ယူေနတဲ့ ကြ်န္မအတြက္ေတာ့ ကြ်န္မ စိတ္ကို အထိမိဆံုးစကားေလးတစ္ခြန္းပါပဲ…

အေပၚက တုိ႔ေမေမ ကဗ်ာထဲက အခ်က္ေတြနဲ႔ အားလံုးနဲ႔ ကြ်န္မေမေမ ညီတယ္ဆိုတာကေတာ့ အထူးတလည္ပင္ ေျပာေနစရာမလိုေတာ့ပါဘူး…

ဒါေလာက္မ်ား ပ်င္းေသး… ဒိထက္ေတာင္ ပိုေသးလို႔ပဲ ေျပာလိုက္ခ်င္ပါေတာ့တယ္…
အေပါင္းအသင္း သူငယ္ခ်င္းေတြ ဘယ္ေလာက္ေကာင္းေကာင္း ကိုယ္လိုအပ္ခ်ိန္မွာ အျမဲတမ္း အေဖာ္ရွိေနတတ္တာ ကြ်န္မ ေမေမပါ…
ႏွလံုးသားေရးရာ ကိစၥေတြ အဆင္မေျပခ်ိန္မွာ ကိုယ္စကားတစ္ခြန္းမွ မေျပာပင္မဲ့ နားလည္ေပးႏုိင္တာ ကြ်န္မေမေမပါ…

သမီးေတြနဲ႔ အေဖနဲ႔ အၾကိဳက္ အျမင္မတူတာေတြၾကားမွာ ညွိႏွဳိင္းေပးေနတတ္တာ ကြ်န္မေမေမပါ…

ဘုရားသိပ္မရွိခိုးျဖစ္တဲ့ ကြ်န္မတို႔အတြက္ အေရးၾကီးတဲ့ ရက္ေတြမွာ လိုအပ္တဲ့ ရၾတာေတြနဲ႔ ကြ်န္မတို႔တစ္ေယာက္ခ်င္းစီအတြက္ မေမာႏုိင္မပန္းႏိုင္ ဆုေတာင္းေပးတတ္တာ ကြ်န္မတို႔ေမေမပါ…

ကြ်န္မတို႔ သမီးတစ္ေယာက္ခ်င္းဆီရဲ႕ အၾကိဳက္နဲ႔ အညီ လိုက္ဖက္ေအာင္ ဟင္းစီစဥ္တတ္တာ ကြ်န္မေမေမပါ…

ညီအစ္မလို တိုင္ပင္ႏုိင္ျပီး ရီစရာေတြေျပာလို႔ရတာ ကြ်န္မတို႔ေမေမပါ…

အသုတ္အစံု ရွယ္ေကာင္းတာ ကြ်န္မတို႔ ေမေမပါ…

အိမ္မွာ အလုပ္မ်ားေနလို႔ တစ္ေယာက္နဲ႔တစ္ေယာက္မေတြ႔ျဖစ္ရင္ေတာင္ အိမ္သားေတြအခ်င္းခ်င္းအေၾကာင္း update ျဖစ္ႏုိင္တာ ကြ်န္မတို႔ အိမ္ရဲ႕ အင္ထရာနက္ ေမေမရွိလို႔ပါ…

စာဖတ္ရမွာ ပ်င္းေသာ္လည္း (ကြ်န္မနဲ႔ တူတာ) ကြ်န္မေရးသမွ် (မျဖစ္ေလာက္တဲ့) စာမ်ားကို Die hard fan အျဖစ္ မွန္မွန္ဖတ္အားေပးတတ္တာ ေမေမပါ…

အခ်ိဳအစိမ့္ေတြ အခ်ိဳရည္ေတြ မတည့္လို႔ မစားပါနဲ႔ လို႔ အတန္တန္တားေသာ္လည္း သနားစရာမ်က္ႏွာႏွင့္တစ္မ်ိဳး ကြ်န္မတို႔ မသိလိုက္ခ်ိန္တမ်ိဳး ကိုယ့္ပိုက္ဆံနဲ႔ကိုယ္၀ယ္စား၍တစ္မ်ိဳး ေျပာလို႔မရတာလဲ ကြ်န္မတို႔ ေမေမပါ…

ေျပာရမယ္ဆိုရင္ ေျပာမကုန္ႏုိင္ျဖစ္ေနမွာစိုးလို႔ အခ်ဳပ္ တင္စားရရင္ အိမ္မွာ ပ်င္းေျခာက္ေျခာက္မျဖစ္ေစပဲ eventful ျဖစ္ေနႏုိင္တဲ့ ေမေမ့ကို အိမ္ရဲ႕ ဆည္းလည္းလို႔ခ်စ္စႏုိးနဲ႔ တစ္ဖန္ျပန္တင္စားခ်င္ပါေတာ့တယ္…

ဒီပိုစ့္ေလးနဲ႔အတူ ေမေမ့ေမြးေန႔အတြက္ ဆုေတာင္းေပးခ်င္တာကေတာ့ ေမေမ က်န္းက်န္းမာမာ ေပ်ာ္ေပ်ာ္ရႊင္ရႊင္ ခ်မ္းခ်မ္းသာသာနဲ႔ ဒီလင္ ဒီသမီးေတြနဲ႔ အသက္ရာေက်ာ္ရွည္ေနႏုိင္ပါေစ… ေျမးေတြ ခုခ်က္ခ်င္း ဘယ္သမီးကမွ မေပးႏုိင္ေသးလို႔ က်န္းမာေရးကို အထူးသတိျပဳလိုက္စားဖို႔ ေရွာင္သင့္တာေရွာင္ျပီး ေဆာင္သင့္တာေဆာင္ဖို႔ မွာခ်င္ပါတယ္...

ေမေမ့ ေမြးေန႔အတြက္ ဘာလက္ေဆာင္ ေပးရင္ေကာင္းမလဲ စဥ္းစားရင္း ကြ်န္မတို႔ကိုယ္တိုင္ ကိတ္မုန္႔ကို decoration ဆင္လို႔ရတဲ့ ဆိုင္ေလးကေန ဒုတိယအေသးဆံုး ကိတ္မုန္႔ ၆လက္မအက်ယ္ကိတ္မုန္႔ေလးကို ၀ယ္ျပီး surprise လုပ္ခဲ့တယ္... ကိုယ္တိုင္ ပံုေဖာ္ေတာ့ သိပ္ေတာ့မလွဘူး... ဒါေပမဲ့ လုပ္ေဆာင္ခ်က္သာ အဓိကပဲေလ... ျပီးေတာ့ ေမေမ့ ေမြးေန႔အတြက္ ဗီြဒီယိုေလး လုပ္ေပးျဖစ္တယ္... ဗီြဒီယို ၾကည့္လို႔မရင္ ကိတ္မုန္႔ကို ဓာတ္ပံုၾကည့္သြားေနာ္... (ခု ေရးေနတဲ့ အခ်ိန္မွာ ဗီြဒီယိုက upload လုပ္တုန္း) ျပီးရင္တင္မယ္...

ထူးျခားတဲ့ ၾသစီျပန္လက္ေဆာင္...

သိျပီးသားလူေတြအတြက္ကေတာ့ ထူးခ်င္မွထူးမယ္... မေဗဒါကေတာ့ တစ္ခါမွ မေတြ႔ဖူးလို႔ ထူးျခားတယ္လို႔ေျပာတာ... ဟုိရက္က အလုပ္က လုပ္ေဖာ္ကိုင္ဖက္တစ္ေယာက္ ၾသစေတးလ်သြားျပီး အျပန္မွာ အားလံုးစားဖို႔ ထူးျခားတဲ့ အသားေတြကို လက္ေဆာင္အျဖစ္၀ယ္လာပါတယ္... ကြ်န္မ တစ္သက္နဲ႔တစ္ကိုယ္မွာ ဒီအသားေတြဟာ စားလို႔သင့္တ့ဲအရာလို႔ မထင္ခဲ့ပါဘူး... ဒါေတြကေတာ့ သားပိုက္ေကာင္သား၊ မိေခ်ာင္သား နဲ႔ Emu (ျမန္မာလို အဲငွက္ကို ဘယ္လုိေခၚလဲ မသိပါ)လို႔ေခၚတဲ့ ၾသစေတးလ်က ငွက္တစ္မ်ိဳးရဲ႕ အဆင္သင့္စားဖို႔ထုတ္ပိုးထားတဲ့ အသားေျခာက္ေတြပါ...

Emu ငွက္

အစကေတာ့ အထုတ္ေတြကိုၾကည့္ျပီး မယံုေသးပါဘူး... အဖံုးေပၚက မိေခ်ာင္းပံုကို မ်က္လံုးန႔ဲ တပ္အပ္ျမင္တာေတာင္ အထဲက မိေခ်ာင္းသားမဟုတ္ေလာက္ပါဘူး... အထူးအဆန္းလုပ္ထားပင္မဲ့ အထဲက တစ္ျခားဟာျဖစ္မွာပါလို႔ ထင္ခဲ့တယ္... ေသခ်ာေအာင္ ေနာက္က ပါ၀င္ပစၥည္းကို စစ္လိုက္ေတာ့ မိေခ်ာင္းသား၊ သားပိုက္ေကာင္သား၊ Emu သားဆိုျပီးေတာ့ကို ေရးထားတာ လန္႔သြားတာပဲ...

ဂ်ပန္ေတြကေတာ့ စားၾကတယ္... စလံုးေတြနဲ႔ ကြ်န္မကေတာ့ မစားရဲပါဘူး... သူတို႔စားတာကို ကိုယ္က ေၾကာက္တယ္ေျပာေတာ့ သူတို႔က သိပ္မၾကိဳက္ခ်င္ဘူး... စားၾကည့္ပါ... မိေခ်ာင္းသားက အရမ္းေကာင္းတယ္ေျပာၾကတယ္... ကိုယ္ကလဲ အသစ္ဆိုေတာ့ အထက္ကလူေတြနဲ႔လဲ တည့္ေအာင္ ေနရမယ္ေလ... ျပီးေတာ့ ကြ်န္မက အရာရာ(ဆူရွီးတို႔ ဆာရွီမီးတို႔ smoke salmon တို႔ လဲ လံုး၀မၾကိဳက္) အေတာ္ေလး ေဂ်းမ်ားဆိုေတာ့ မစားၾကည့္ပဲနဲ႔ မၾကိဳက္ဘူးေျပာလို႔မေကာင္းဘူးေလ... ဒါနဲ႔ ဟန္ေဆာင္ပန္းေဆာင္ Emu အသားေလး ေသးေသးတစ္ဖဲ့စားၾကည့္တယ္... ကိုယ့္စိတ္ပဲ မသတီလို႔လားမသိဘူး နဲနဲေလးညွီတယ္... ကိုယ့္ကို အဲဒိပံုမျပပဲ ဆပ္သားေျခာက္လို႔ေျပာေကြ်းရင္ေတာ့ စားႏုုိင္ခ်င္စားႏုိင္မယ္... ဒါေပမဲ့ ယူလိုက္တဲ့ အေသးဆံုး တစ္ဖဲ့ေတာင္ မကုန္ႏုိင္လို႔ ခပ္တည္တည္ Pantry ထဲသြားျပီး သူတို႔မျမင္ေအာင္ လႊတ္ျပစ္လိုက္ရတယ္... ျပီးေတာ့ ေရေတြအမ်ားၾကီးေသာက္ခ်လိုက္တယ္...

ေနာက္ ေန႔က်ေတာ့ သူတို႔က မိေခ်ာင္းသားထုတ္ကို ေဖာက္ျပီးစားေနျပန္ေရာ... ျပီးေတာ့ အားလံုးက မိေခ်ာင္းသားက အေကာင္းဆံုးပဲလို႔ေျပာတယ္... ကြ်န္မလဲ မစားရဲေတာ့လို႔ မစားေတာ့ဘူး... ဒါေပမဲ့ အားလံုးက စမ္းစားၾကည့္ပါ... Emu သားထက္ေကာင္းတယ္ ဘာညာနဲ႔ သူတို႔လဲစားရင္ ၀ိုင္းေျပာၾကျပန္ေရာ... ဒါနဲ႔ ဒီတစ္ေခါက္ေတာ့ အရင္တစ္ေခါက္ကထက္ ေသးတဲ့ အပိုင္း ေသးေသးေလးကိုပဲလက္သည္းေလးနဲ႔ စိတ္ျပီး စားၾကည့္ေတာ့... အမေလး... ညွီလိုက္တာ... ေရသတၱ၀ါဆိုေတာ့ ေရနဲ႔ညွီတာေပါ့... ကြ်န္မက အစကတည္းက ငါးတို႔ ပုဇြန္တို႔ေတာင္ အနံ႔နည္းနည္းေလးက်န္တာနဲ႔ မစားႏုိင္တာ... ကြ်န္မအတြက္ေတာ့ ေတာ္ေတာ္ေလး ညွီတယ္လို႔ခံစားရတယ္... ဒါေပမဲ့ ငါးၾကိဳက္တဲ့သူေတြအတြက္ဆိုရင္ေတာ့ သိပ္ညွီမယ္မထင္ပါဘူး... ကြ်န္မလဲ ဘယ္လိုမွ ဟန္မေဆာင္ႏုိင္ေတာ့ပဲ ကိုယ့္ စားပဲြေဘးက အမွိဳက္ပံုးထဲကို ေထြးခ်လိုက္မိေရာ... ေရေတြေသာက္ခ်လိုက္တယ္... စိတ္ထဲ မသန္႔လို႔ မ်က္ရည္ေတာင္၀ဲခ်င္ခ်င္ မနည္းျပန္ထိန္းရတယ္... ဒါေလး ေကြ်းတာ ျဖစ္ေနလိုက္တာလို႔ ထင္ၾကမွာစိုးလို႔...

ေနာက္ေန႔က်ေတာ့ သားပိုက္ေကာင္သားထုတ္ကို ေဖာက္ၾကေရာ... ဒီတစ္ခါက်ေတာ့ ၀ယ္လာတဲ့သူ ကိုယ္တိုင္က အန႔ံနမ္းၾကည့္ျပီး ဒီအသားက အနံ႔ရွိတယ္တဲ့... ဒီကတည္းက ကြ်န္မဒီေန႔ေတာ့ လာမေကြ်းနဲ႔ လံုး၀မစားေတာ့ဘူးလို႔ ျပင္လိုက္ျပီ... သူတို႔လို႔ လူအတြက္ေတာင္ အန႔ံရွိတယ္ဆိုေတာ့ ကြ်န္မအတြက္ဆိုရင္ေတာ့ ေသေလာက္မယ္... ဘေလာက္မွာေရးခ်င္လို႔ အနံ႔သြားရွဳၾကည့္ေတာ့ အေျခာက္မို႔ေပပဲ... အသားစိမ္းအနံ႔... ေစ်းသြားလို႔ သားသတ္ရုံတန္းေရာက္ရင္ အဲဒိမွာ ခ်ိတ္ထားတဲ့ အသားစိမ္းေတြ အနံ႔ကို သိလားေတာ့ မသိဘူး.... အဲဒိလို အနံ႔မ်ိဳး... မေဗဒါကိုေတာ့ စားၾကည့္ပါလားလို႔ သူတို႔ မေကြ်းေတာ့ပါဘူး... ဒီတစ္ခါေကြ်းရင္ ရုံးမွာ အန္ခ်မိလိမ့္မယ္ထင္တယ္...

ခုေတာ့ အဲဒိအသား ၃မ်ိဳးမွာ မိေခ်ာင္းသားကေတာ့ ကုန္လုနီးပါးပဲ... သားပိုက္ေကာင္သားက အမ်ားဆံုးက်န္တယ္... အဲဒိအထုတ္ေတြၾကည့္ျပီး ဘာေၾကာင့္မွန္းေတာ့ မသိဘူး ကြ်န္မကေတာ့ သက္ျပင္းပဲခ်မိေနတယ္... ေနာက္ဆို က်ားသားတို႔ ျခေသၤ့သားတို႔ ဆင္သားတို႔ပါ လူေတြစားေတာ့မလားမသိဘူး... ဘုရားတားထားတဲ့ မစားအပ္တဲ့ အသား ဘယ္ႏွစ္မ်ိဳးလဲ မသိဘူးရွိတယ္... အဲဒါျပန္ရွာရမွာ ပ်င္းတာနဲ႔ ဒီမွာပဲ ေမးလိုက္ေတာ့မယ္... သိရင္ မေဗဒါကို သင္ျပသြားၾကပါအံုး... ဆရာတင္တယ္ေနာ့္...

Cute and nice idea for photoshoot in bed

ဘယ္အရာမဆို အိုင္ဒီယာေကာင္းဖို႔က အေရးၾကီးပါတယ္... တခ်ိဳ႕အရာေလးေတြကို ကိုယ္ဘယ္ေလာက္စဥ္းစား စဥ္းစား ဘယ္လို အကုန္က်ခံထား ခံထား ေနာက္ဆံုးက်ရင္ အိုင္ဒီယာေကာင္းတဲ့သူကပဲ ကုန္က်စရိတ္နည္းနည္းနဲ႔ပဲရုိက္အံုး လူၾကိဳက္ပိုမ်ားတတ္ၾကပါတယ္... မေဗဒါလဲ ေက်ာင္းက ဓာတ္ပံု assignment ေတြလုပ္မွ ကိုယ္ေတာ္ေတာ္ အိုင္ဒီယာမထြက္လို႔ အေတာ္ေလးစိတ္ပ်က္ရပါတယ္... တစ္ခါတစ္ေလ အြန္လိုင္းမွာ references ေတြရွာၾကည့္ရင္ သူမ်ားေတြလုပ္ထားေတြေတြ႔မွ ေအာ္ ဒါေလးက ဒီလုိလုပ္ရင္ လြယ္လြယ္ေလးပဲဆိုျပီး ျဖစ္ရတဲ့အခါတိုင္း "ဒါကိုဘာလို႔ ငါ့ဘာသာငါမသိပဲ သူမ်ားလုပ္တာၾကည့္ျပီးမွ နားလည္တာလဲ" ဆိုျပီး မခံခ်ိ မခံသာနဲ႔ ကိုယ့္ကိုကိုယ္ စိတ္ပ်က္ရပါတယ္...

ပရုိဂရမ္းမင္း ဘာသာကို မေဗဒါ အရင္က လက္ေလွ်ာ့လိုက္တဲ့ အထဲမွာ အဲဒိျပႆနာေၾကာင့္လဲပါပါတယ္... ကိုယ့္ဘာကိုယ္ေရးဆိုရင္ concept ေတြ command ေတြ အားလံုးသိပါရဲ႕ ဘယ္က စေရးရမွန္းကို မသိဘူး... သူမ်ားေရးျပီးသြားရင္ေတာ့ ဖတ္ၾကည့္ရင္ နားလည္တယ္... စိတ္ဓာတ္ကို က်ေရာ... မေဗဒါလို ခံစားဖူးတဲ့သူရွိၾကလားေတာ့ မသိဘူး... ဒါေပမဲ့ ပရုိဂရမ္းမင္းကို ၾကိဳက္တဲ့သူေတြက်ေတာ့လဲ အဲလို ထိုင္စဥ္းစားေနရင္း အေျဖကို နည္းအမ်ိဳးမ်ိဳးနဲ႔ၾကိဳးစားရတာကို ၾကိဳက္တာတဲ့... အင္းေပါ့ေလ... အေျဖရသြားရင္ေတာ့ အရမ္းကို ေပ်ာ္ရတာသိပါတယ္... မေဗဒါမွာ ပါရမီမပါလို႔လားေတာ့ မသိပါဘူး... ေက်ာင္းမွာ ေနာက္ semester က်ရင္ C++ ယူရေတာ့မယ္... ညစ္တယ္... ဆီပရုိဂရမ္းမင္း တတ္တဲ့သူေတြရွိရင္ ဆရာတင္ပါတယ္ေနာ္... ကူညီၾကပါ...

ကဲ... ေျပာခ်င္တာကတျခား ေရာက္သြားတာက ပရုိဂရမ္းမင္းအေၾကာင္း... လိုရင္းကို ျပန္ဆဲြရရင္... ဒီေန႔ အင္တာနက္မွာ ဟိုၾကည့္ဒီၾကည့္နဲ႔ ေကာင္မေလးတစ္ေယာက္ ရွိတဲ့ ခန္းတြင္းပစၥည္းေတြနဲ႔ပဲ တန္ဆာဆင္ျပီး အိပ္ယာေပၚမွာ အိုက္တင္အမ်ိဳးမ်ိဳးနဲ႔ ရုိက္ထားတာေလးက စိတ္၀င္စားစရာေကာင္းေနလို႔ပါ... ျပီးေတာ့ အိုင္ဒီယာေလးေကာင္းလိုက္တာဆိုျပီး သေဘာက်လို႔ အားလံုးၾကည့္ရေအာင္ ေ၀မွ်လိုက္ပါတယ္...

ဂျင် ကစားမလို့ (သို့) စကာင်္ပူရောက် အလွဲများ ၁၁

ကျွန်မ ဖေဖေက သားသမီးတွေနဲ့ ပျော်ပျေုာ်ပါးပါးနေတတ်ပြီး အလိုလိုက်တဲ့ အခါတွေရှိသလို သူပြင်းပြင်းထန်ထန်တားမြစ်ထားတဲ့ အရာတွေလဲ ရှိပါတယ်... ဥပမာ ဖဲရိုက်ခြင်း လောင်းကစားလုပ်ခြင်း အရက်သေစာ ဘီယာသောက်ခြင်း နဲ့ ငယ်ငယ်ကဆိုရင် အချစ်ဝတ္တုဖတ်ခြင်းစတာတွေပါ... အချစ်ဝတ္တုဆိုတာကို မဗေဒါ အစအဆုံး မနေ့တနေ့ကမှ ဖတ်ဖူးတာပါ... ဒါကြောင့် မဗေဒါကို အချစ်ဝတ္တုနဲ့ပတ်သတ်လို့ လာပြောရင် ဘာမှမသိသလို စာဖတ်လဲ နှေးလှပါတယ်... ငယ်ငယ်က ရှားလော့ဟုမ်းတို့ ရွှေဥဒေါင်းတို့တော့ဖတ်ပါတယ်... အချစ်ဝတ္တုတွေဖတ်ပြီး အတုယူမှား စိတ်ကစားမှာစိုးရိမ်လို့ပါတဲ့... ဒါပေမဲ့ ခုလိုရင့်ကျက်လာတဲ့အရွယ်မှာတော့ အချစ်ဝတ္တုဖတ်ခြင်းကို မတားမြစ်တော့ပါဘူး...

သို့သော် အရက်သေစာ ဘီယာ မူးယစ်စေတဲ့အရာမှန်သမျှ သောက်သုံးခြင်းနဲ့ ဖဲရိုက်ခြင်း လောင်းကစားခြင်းကိုတော့ ပြင်းပြင်းထန်ထန်တားမြစ်ထားပါသေးတယ်... ဥပမာဆိုရင် ခုခေတ်ကြီးမှာ မိန်းကလေးတွေ ဘီယာ အရက်သောက်တာနဲ့ပတ်သတ်လို့ ကျွန်မအနေနဲ့ ကိုယ့်တာဝန်ကိုယ်ယူနိုင်လို့ သောက်ကြတာကို ဘာမှ အပြစ်ပြောစရာမရှိဘူးလို့ အိမ်မှာပြောမိတာတောင်... ဖေဖေက ကျွန်မက ကိုရီးယားကား ဂျပန်ကားတွေကြည့်ပြီး မိန်းမအရက်သောက်တာကို အတုယူချင်လို့ သွေးထိုးဆန်းပြီး ပြောတယ်လို့ ထင်လိုထင်... ဒါနဲ့ ပတ်သတ်ရင် အဲဒီလောက် စပ်စပ်ထိမခံဘူး... ကျွန်မလို အသက်အရွယ်ရောက်နေသူအတွက် အရက် ဘီယာကို မိဘတားမြစ်ထားလို့ မသောက်ဘူးဆိုတာ မဖြစ်နိုင်ပါဘူး... ဘယ်ကမှလဲ အတုယူတာမဟုတ်ပါဘူး... တကယ်လို့ ကျွန်မသောက်ချင်စိတ်ရှိရင် ကိုယ့်လုပ်တာကို ကိုယ်တာဝန်ယူနိုင်ရင် သောက်ချင်သောက်မှာပါပဲ... သို့သော် ၁ အချက်က ဘာသာရေးအရတွေးလဲ ဘုရားကတောင်တားမြစ်ထားတဲ့အရာ အဲဒါသောက်မှ ပျော်ရရွှင်ရတယ်ဆိုတာကို လက်မခံပါဘူး... နောက်တစ်ချက်က ဒီလောက် ခါးတူးနံစော်နေတဲ့ အရည်တွေကို Coke တို့ Sprite တို့တောင် မသောက်နိုင်တဲ့ ကျွန်မက ဘယ့်နှယ့်လာ သောက်နိုင်မတုံး... ကိုယ်ကိုတိုင်ကိုက မကြိုက်လို့ မသောက်ဖြစ်ပါဘူး... ဒိအတွက် ဘယ်အပေါင်းအသင်း သူငယ်ချင်းမှကလဲ "ဒီအရွယ်ထိ အိမ်ကြောက်တုန်း" တို့ဘာတို့နဲမြှောက်ပင့်ပေးလို့ မရပါဘူး... သူငယ်ချင်းတွေထဲမှာ သောက်နေတဲ့သူတွေရှိလဲ ကျွန်မကတော့ အထင်သေးခြင်း ရှုံ့ချခြင်းရှိမှာ မဟုတ်ပါဘူး... အားလုံး ကိုယ့်တာဝန်ကိုယ်ယူနိုင်တဲ့ လူကြီးတွေပဲ...

ထိုနည်းလည်းကောင်းပါပဲ... အိမ်မှာ ကလေးကစားစရာ ကဒ်ဂိမ်းလေးတွေနဲ့ ကစားရင်တောင် တစ်ချို့ ဂိမ်းလေးတွေက ဖဲနဲ့ ကစားပုံခြင်းတူတယ်လို့ ဆိုပြီး တစ်ခါတစ်လေ စိတ်တိုင်းမကျတတ်ပြန်ပါဘူး... သို့သော် မဆော့ရဟုတော့မတားပါ... ဖဲဆိုလျှင်လဲ ဖဲထုတ်ကိုသာ မြင်ဖူးပြီး ဖဲရိုက်နည်းဆို၍ ယခုချိန်ထိ တစ်နည်းမျှပင်မတတ်ပါလေ... ထိုသို့သော ကျွန်မနှင့် ကျွန်မ၏ဖေဖေတို့ ၁ရက် လွဲကြပုံကတော့ဖြင့်....

ကျွန်မဟာ အလုပ်ပြီးရင် တစ်ခါတစ်လေ အလုပ်က Gym မှာ အားကစားသွားလုပ်လေ့ရှိပါတယ်... အဲလိုလုပ်မယ်ဆို အိမ်ပြန်နောက်ကျတတ်တော့ အိမ်ကို အလုပ်မသွားခင်ကြိုပြောသွားပါတယ်... ပုံမှန်ဆိုရင်တော့ ကျွန်မက "အလုပ်ပြီးရင် အားကစားလုပ်မလို့ နောက်ကျမယ်" လို့ပဲ ပြောလေ့ရှိလား... "အလုပ်ပြီးရင် Gym သွားကစားမယ်" လို့ပဲ ပြောလေ့ရှိလား ကျွန်မလဲ သတိမထားမိပါဘူး... များသောအားဖြင့်တော့ မေမေ့ကိုပဲ ပြောသွားလေ့ရှိတယ်ထင်ပါတယ်...

၁ရက်တော့ ကျွန်မက အလုပ်သွားဖို့ ပြင်ဆင်ရင်း ဖေဖေက ဧည့်ခန်းမှာထမင်းစားနေတာတွေ့တော့ "သမီး အလုပ်ပြီးရင် အလုပ်ကလူတွေနဲ့ ဂျင်သွားကစားမယ်" လို့ ခါတိုင်းလိုပဲ ပြောလိုက်ပါတယ်...

အဲဒါကိုလဲ ကြားရော ကျွန်မဖေဖေက ဒေါသအမြတ်ထွက်နေတဲ့ မျက်လုံးတွေနဲ့ လေသံကလဲ မာပြီး ကျွန်မကို ပြန်ပြောတယ်... "ဘာပြောတယ်! ဘာသွားကစားမယ်?!"

ကျွန်မကလဲ အစထဲက အသံက ကျယ်ကျယ် ပြီးတော့ ကိုယ့်အဖေက ကိုယ်လဲ ဘာမှအမှားမလုပ်ပဲနဲ့ အသားလွတ်ကြီး လာအော်တော့ နည်းနည်းလေးတင်းသွားပြီး...

"ဂျင်သွားကစားမယ် ပြောတာလေ... ဘာဖြစ်လို့လဲ" လို့ခပ်စပ်စပ်မေးမိတာပေါ့... ကျွန်မစိတ်ထဲ ဖေဖေ ဘယ်ကိစ္စနဲ့ ကျွန်မကို အမြင်မကြည်ဖြစ်နေလဲလို့ပဲထင်တာပေါ့...

ဖေဖေက ပိုဒေါသထွက်လာပြီး ထမင်းပန်းကန်တွေပါတွေ စားပွဲပေါ်တင်ပြီး "ဘာပြောတယ်?!" ဆိုပြီး အခြေတင်ဖြစ်ခါနည်း ဆဲဆဲမှ မေမေက နောက်ဖေးကထွက်လာပြီး ကျွန်မတို့ရဲ့ ပြဿနာအလုံးစုံကို ဖြေရှင်းပေးလိုက်ပါတော့တယ်...

"မဟုတ်ဘူး... သူက အလုပ်ပြီးရင် အားကစားသွားလုပ်မယ်ပြောတာ... လောင်းကစား လေးကောင်ဂျင်တို့ဘာတို့ သွားကစားမှာ မဟုတ်ဘူး..."

ကျွန်မဘက်ကိုလှည့်ကာ "နင့်အဖေက Gym ဆိုတာကို လေးကောင်ဂျင်တို့ဘာတို့ စတဲ့ လောင်းကစားသွား ကစားမယ်ထင်နေတာ" လို့ ဖြေရှင်းလိုက်မှပဲ ကျွန်မလဲ ရယ်မိပါတော့တယ်... နောက်မို့ဆို Gym ကစားမယ်ပြောမိလို့ အရိုက်ခံရမဲ့ အပေါက် လွဲချက်က...

ဒိထက်ရီရတာရှိသေးတယ်... ဖေဖေက မေမေ့ကို မင်းက ဘယ်လိုသိလဲလို့မေးတော့... ကျွန်မမေမေက သူ့ရဲ့ Story ကို ပြောပြတော့ ပို၍ပင် ရီချင်စရာကောင်းနေပါတော့တယ်...

လွန်ခဲ့တဲ့ ၂နှစ်လောက်က ကျွန်မတို့ အိမ်မှာ ကျောင်းသူ အိမ်ငှားကောင်မလေးတစ်ယောက်ရှိပါတယ်... မေမေတို့က မိဘနဲ့ဝေးပြီး ကျောင်းလာတက်နေတဲ့ ကလေးတွေကို သနားတတ်တော့ အိမ်မှာနေတဲ့သူလဲ ကိုယ့်သားသမီးလိုပဲ ကိုယ်ချက်တဲ့ ထမင်းကျွေးပါတယ်...

တစ်ရက် အဲဒိကောင်မလေးက ညနေပိုင်း အပြင်ထွက်ဖို့ ဖိနပ်စီးနေတဲ့ အချိန်မှာ မေမေက...

"သမီး ဘယ်သွားမလို့လဲ... ထမင်းစားသွားအုံးလေ" လို့ပြောတော့

သူက "သမီး ကျောင်းမှာ ဂျင် "Gym" သွားဆော့မလို့ " လို့ဖြေတော့...

မေမေက ထမင်းတောင်မစားနိုင်ပဲ လောင်းကစားသွားလုပ်မဲ့ ကလေးတစ်ယောက်အတွက် စိတ်ပူပြီး ဆုံးမပါတော့တယ်...

"ကလေးရယ် လောင်းကစားဆိုတာ မကောင်းပါဘူး... သမီးတို့ကျောင်းမှာ လောင်းကစားလုပ်လို့ရတယ်ဟုတ်လား? ဒုက္ခပါပဲ... "

အဲဒိတော့မှ အိမ်ငှားကောင်မလေးလဲ ခေါင်းထဲက Question mark မျိုးစုံထွက်သွားပုံရတယ်...

"အန်တီ သမီးပြောတာ အားကစားသွားလုပ်မလို့... Gymnasium ကိုပြောတာ" ဆိုတော့မှ

ကျွန်မမေမေလဲ... "အော် သိပါဘူးကွယ်... လေးကောင်ဂျင်တို့ဘာတို့ လောင်းကစားသွားလုပ်မယ်ထင်လို့ပါ" ဆိုပြီး ရှက်ရှက်နဲ့ ပြန်ပြောလိုက်ရဖူးတော့ Gym ဆိုတာ လောင်းကစားမဟုတ်မှန်း အဲဒိကတည်းက ကောင်းကောင်းကြီးသိသလို ကျွန်မနဲ့ ကျွန်မဖေဖေကြားက နားလည်မှု လွဲမှားခြင်းကိုလဲ ဘာဖြစ်နေသလဲဆိုတာ ကောင်းကောင်းကြီး သဘောပေါက်ခဲ့သကိုး...

စကာင်္ပူရောက်အလွဲများ အပိုင်း ၁ကနေ ၁၅ ကိုတော့ ဒီမှာ နှိပ်ပြီး ဖတ်လို့ရပါတယ်...

David Archuleta ပရိတ္သတ္ေတြအတြက္

American Idol runner-up David Archuleta တစ္ေယာက္ ေနာက္လထဲမွာ ဆန္တိုဇာ Resorts world မွာရွိတဲ့ Hard Rock hotel မွာ လာေရာက္ေဖ်ာ္ေျဖမယ္လို႔ သိရပါတယ္...

၂၀၀၈ ခုႏွစ္ အေမရိကန္အိုင္ဒိုးမွာ ဒုတိယေနရာနဲ႔ နာမည္ၾကီးလူၾကိဳက္မ်ားခဲ့တဲ့ အသံအားေကာင္းေကာင္း ေကာင္ေလးဟာ ႏုိ၀င္ဘာ ၁၉ရက္ေန႔မွာ Hotel ရဲ႕ "The Coliseum" စင္ျမင့္ေပၚမွာ ေဖ်ာ္ေျဖမွာျဖစ္ပါတယ္....

အေမရိကန္ အိုင္ဒိုးျပိဳင္ပဲြအျပီး ထုတ္လုပ္ခဲ့တဲ့ သူနာမည္ၾကီးခဲ့တဲ့ Crush သီခ်င္းဟာ ေခြေပါင္း ၂,၀၀၀,၀၀၀ (၂သန္း) နီးပါးေရာင္းရခဲ့ပါတယ္...

၂၀၁၀ခုႏွစ္ သူ႔ေနာက္ဆံုးထြက္ စီးရီး "The Other Side of Down" မွာ သူ႔ရဲ႕ သီခ်င္းေရး အေရအခ်င္းကို စီးရီးတစ္၀က္စာေလာက္ ပူးေပါင္းေရးျပီး ျပသခဲ့ပါတယ္...

ခု သူ႔ရွဳိးပဲြလက္မွတ္ တန္ဖိုးေတြကေတာ့ ရုိးရုိးတန္း $၁၀၈ နဲ႔ VIP $၁၄၈ (ပထမ အေစာင္ ၂၀၀ သာ၊ အနီးကပ္ ႏွဳတ္ဆက္ခြင့္ရမည္) တို႔ျဖစ္ပါတယ္...

၀ယ္ယူခ်င္ရင္ေတာ့ www.gatecrash.com.sg, TicketCube နဲဲ႔ စကာၤပူစာတိုက္မ်ား... SAM စက္မ်ားမွ ၀ယ္ယူႏုိင္ပါတယ္... မေန႔က ေဖ့ဘြတ္မွာေတြ႔တဲ့အထိေတာ့ VIP ticket အနည္းငယ္က်န္ေသးတယ္လို႔ေတြ႔ပါတယ္...

ကဲ David Archuleta ရဲ႕ ပရိတ္သတ္ေတြ မသိလိုက္ရ မရွိရေလေအာင္ ဒီကေန ေ၀မွ်လိုက္ပါတယ္...

Source from AsiaOne Sunday, Oct 23, 2011.

ရုံး cubical ေလးကို Jang Keun Suk calender နဲ႔ အလွဆင္မယ္...

ရုံးမွာ meeting အတြက္ပဲျဖစ္ျဖစ္... ကိုယ္မွာထားတဲ့ ပစၥည္းေရာက္မဲ့ေန႔ပဲျဖစ္ျဖစ္... သူေ႒းရဲ႕ အခ်ိန္ဇယားပဲျဖစ္ျဖစ္... ကိုယ့္ေက်ာင္း စာေမးပဲြ၊ assignment dead line ေန႔ပဲျဖစ္ျဖစ္ မွတ္ဖို႔လိုေနပါတယ္... ရုံးသံုး ျပကၡဒိန္ရွိပင္မဲ့ ကိုယ္ထိုင္တဲ့ cubical ေလးကို ကိုယ့္စိတ္ၾကိဳက္ေလးလဲ ျပင္ဆင္ခ်င္ပါတယ္... ဒါမွလဲ အလုပ္မွာ စိတ္သက္ေတာင့္သက္သာရွိမွာပါ... ကြ်န္မတို႔ေတြ ေတာ္ေတာ္မ်ားမ်ားဟာ အိမ္မွာေနရတဲ့ အခ်ိန္ထက္ ရုံးမွာေနရတဲ့အခ်ိန္က ပိုမ်ားေနတတ္တဲ့အတြက္ ကိုယ္ထိုင္တဲ့ ေနရာကို ကိုယ့္အတြက္ စိတ္ရႊင္လန္းေစမယ့္ အျပင္အဆင္မ်ိဳးထားသင့္ပါတယ္... ရာသီခ်ိန္အလိုက္ decoration ေျပာင္းေပးျခင္းမ်ိဳးလုပ္ေပးျခင္းျဖင့္လည္း ကိုယ္နဲ႔ ကိုယ့္လုပ္ေဖာ္ကိုင္ဖက္ေတြၾကား ေျပာစရာစကားပိုမိုမ်ားျပားလာျပီး ရင္းႏွီးမွဳကို ပိုေစပါတယ္... (မွတ္ခ်က္ ကိုယ့္ရုံးရဲ႕ စည္းကမ္းခ်က္ေတြမွာ အတိုင္းအတာဘယ္ေလာက္ထိ ခြင့္ျပဳလဲဆိုတာ ၾကိဳတင္ေလ့လာရန္ လိုအပ္ပါတယ္)...

မေဗဒါရဲ႕ ခုရုံးအသစ္မွာ ကိုယ္ပိုင္ Cubicalေလး ပထမဆံုးအၾကိမ္ရဖူးေတာ့ လွလွေလးျပင္ခ်င္ပင္မဲ့ ဘယ္လိုျပင္ရမလဲ စဥ္းစားမရေသးပါဘူး... ခုေတာ့ အိမ္က မေဗဒါေမြးေန႔အတြက္ အစ္မအလတ္ လုပ္ေပးထားတဲ့ scrapbook ေလးကို တင္ထားပါတယ္... ဓာတ္ပံုေတြအဲဒိထဲ ကပ္ရအံုးမယ္...

ဒီေန႔ေတာ့ ကိုယ့္စာေမးပဲြအခ်ိန္ဇယားေတြ ေမ့တတ္တာတစ္ေၾကာင္း... သူေ႒းက ဟိုကိစၥ ဒီကိစၥ ေမးရင္ ဘယ္ေန႔လဲဆိုတာကို ေမးလ္ထဲမွာ ျပန္ျပန္စစ္ေနရတာ ရွဳပ္တာတစ္ေၾကာင္းေၾကာင့္ ေန႔ေတြကို အျမဲေမ့့တတ္တဲ့ ကြ်န္မအတြက္ အျမဲၾကည့္ဖို႔ မွတ္ဖို႔ ျပကၡဒိန္ေလးလိုလာပါတယ္... ကုမၺဏီကေပးတဲ့ ျပကၡဒိန္က ရုံးပိတ္ရက္ public holiday ေတြပါေပမဲ့ ရိုးရုိးၾကီး ျဖစ္ေနတာေၾကာင့္ ျပကၡဒိန္လွလွေလး လိုခ်င္လာပါတယ္... ဒါေပမဲ့လဲ ႏွစ္က ကုန္ခါနီးျပီဆိုေတာ့ အသစ္လဲ မ၀ယ္ခ်င္ျပန္ပါဘူး... ဘာပံုေလး ယူရင္ေကာင္းမလဲစဥ္းစားေတာ့ ေခါင္းထဲကို ဘာရယ္ညာရယ္မဟုတ္ အရင္ဆံုး သူက ေရာက္လာပါတယ္... ဒါနဲ႔ ရိုက္ရွုာလိုက္ေတာ့ ပထမ ၂၀၁၁ အတြက္ သူ႔ပံုနဲ႔ ၁ႏွစ္စာ ျပကၡဒိန္ ၃ခုထြက္လာပါတယ္... သူအရင္က ဆံပင္တိုနဲ႔ပံုရယ္... ခုတစ္ေလာက ဆံပင္ရွည္နဲ႔ပံုရယ္... ေနာက္တစ္ပံုက မ်က္မွန္နဲ႔ ကေလးလိုလို မ်က္လံုးကို ပြတ္ေနတဲ့ ပံုရယ္ပါ... မေဗဒါ အၾကိဳက္ဆံုး အလယ္ပံုကို ေရြးျပီး colour printer နဲ႔ စာမ်က္ႏွာ ၁မ်က္ႏွာေလာက္ အလဲြသံုးစားလုပ္လိုက္တယ္... (အမွန္ေတာ့လဲ လိုအပ္လို႔ထုတ္တာပါ... ျပကၡဒိန္က ကိုယ္အျမဲၾကည့္ျပီး မွတ္မိေနဖို႔ ကိုယ္ၾကည့္ခ်င္မဲ့ ဆဲြေဆာင္မွဳတစ္ခုရွိဖို႔ အေရးၾကီးတယ္မွတ္လား... ဟတ္... ဟတ္)...

ေဟာဒီမွာ မေဗဒါထုတ္လိုက္တဲ့ ျပကၡဒိန္ေလးကို ဒီလို ခ်ိတ္ထားတယ္... ဒီျပကၡဒိန္က ၁၂လလံုးပါတယ္... (ခ်ိတ္ျပီးတာနဲ႔ ရုံးက မန္ေနဂ်ာက လာေမးတယ္... အဲဒါ ေယာက်ာၤးလား မိန္းမလားတဲ့.... ျဗဲ.... JKS ေလးကို ေလွာင္တယ္... အဟင့္... ေအာ္ မိန္းမနဲ႔ တူလဲ ကိစၥမရွိပါဘူး... ကိုယ္ၾကိဳက္ရင္ျပီးတာပါပဲ... သူတုိ႔အတြက္လဲ ေကာင္မေလးလို႔ သေဘာထားျပီးၾကည့္လို႔ရတာေပါ့...)

JKS ျပကၡဒိန္ နဲ႔ my scrapbook and mirror (mirror to watch who's coming from behind :P)

ဒါနဲ႔ ၂၀၁၂ အတြက္ ဟိုရွာဒီရွာထပ္ရွာေတာ့ ျပကၡဒိန္က မထြက္ေသးဘူး... ပိုက္ဆံနဲ႔ေရာင္းတာေတြပဲ ေတြ႔တယ္... ဒါေပမဲ့ ၂၀၁၁ အတြက္ လအလိုက္ သူ႔ပံုေလးေတြနဲ႔ ျပကၡဒိန္ကို ႏွစ္လဲကုန္ခါနီးျပီဆိုေတာ့ ေ၀ငွထားတာေလးေတြရွိတယ္... အဲဒိပံုေလးေတြလဲလွတယ္... ဒါနဲ႔ပဲ ေဒါင္းလုပ္လုပ္ျပီး laptop monitor wallpaper အျဖစ္ထားလိုက္တယ္.... ကြ်န္မလိုပဲ JKS fan ေတြအတြက္ ကြန္ျပဴတာဖြင့္လိုက္တာနဲ႔ အထီးက်န္မဆန္ရေအာင္ ေန႔ရက္ေတြနဲ႔ လုပ္စရာေတြကို မွတ္မိေနေအာင္ ေစာင့္ၾကပ္ေပးမဲ့ မင္းသားေလး JKS ျပကၡဒိန္ wallpaper Nov နဲ႔ Dec ကို ေ၀မွ်လိုက္ပါတယ္...

My Laptop wallpaper

November Calender

December Calender

တို႔ေဖေဖ

တို႔ေဖေဖ
စားဝတ္ေနေရး ေငြရွာေပး
ေက်းဇူးၾကီးေပ တို႔ေဖေဖ။

ကိစၥမ်ားျဖင့္ ေပၚေပါက္လွ်င္
စီရင္တက္ေပ တို႔ေဖေဖ။

အိမ္ေထာင္အေရး စီမံေပး
ေလးစားေလာက္ေပ တို႔ေဖေဖ။

စဥ္းစားေျမာ္ျမင္ ဥာဏ္ႏွင့္ယွဥ္
ပဲ့ျပင္တတ္ေပ တို႔ေဖေဖ။

ႏိုင္ငံအက်ိဳး တို႔အက်ိဳး
သယ္ပိုးႏိုင္ေပ တို႔ေဖေဖ။

"ဟာ... ေန႔တိုင္း ထမင္းဗူးယူလာတယ္... ေခြ်တာလွခ်ည္းလား..." အိမ္မွ အလုပ္ကို ထမင္းဗူးယူေလ့ရွိေသာ ကြ်န္မကို အသိျမန္မာတစ္ေယာက္ကေကာက္ခ်က္ခ် ႏွဳတ္ဆက္လိုက္ျခင္းျဖစ္သည္... ထိုသူကို ကြ်န္မ အျပဳံးတစ္ပြင့္သာေပးလိုက္သည္... ဘာမွေျဖရွင္းျပမေနခ်င္ေတာ့ပါ... တခ်ိဳ႕အရာမ်ားသည္ ေျဖရွင္းျပေနစရာပင္မလိုေတာ့ေပ... လူတစ္ဦး၏ခံယူခ်က္ေပၚတြင္သာ မူတည္ေပသည္...

အမွန္ေတာ့ ထိုသူမျမင္လိုက္သည္မွာ ထမင္းဗူးထဲတြင္ ေသသပ္စြာထည့္ေပးထားေသာ ကြ်န္မေဖေဖ၏ ေစတနာႏွင့္ ထိုထမင္းဗူးကို စားသံုးျခင္းျဖင့္ ကြ်န္မရရွိေသာ စိတ္ဓာတ္ခြန္အား ပီတိ လံုျခံဳမွဳတို႔ကို ထိုသူ မခံစားဖူးေသာေၾကာင့္ ထိုသို႔ေကာက္ခ်က္ခ်ျခင္း သာျဖစ္ေၾကာင္း ကြ်န္မယူဆလို႔ရသည္... ကြ်န္မသည္ အိမ္ထမင္း အိမ္ဟင္းကို ခုံမင္သူျဖစ္သည္... အျပင္စာကို ၁ပတ္ေလာက္ ဆက္တိုက္စားေနရလွ်င္ပင္ ေနာက္ေန႔ အဲဒိ food court တို႔ hawker center တို႔ကို အၾကိမ္ၾကိမ္ပတ္ေသာ္လည္း စားခ်င္တာ ရွာမေတြ႔တတ္ေသာ သူျဖစ္သည္... အလြန္တရာမွ အစားဂ်ီးမ်ားေသာ ကြ်န္မအတြက္ အိမ္မွ ကြ်န္မအၾကိဳက္ ေမေမစီစဥ္ကာ ေဖေဖ ခ်က္ျပဳတ္ေပးတတ္ေသာအိမ္ထမင္း အိမ္ဟင္းက အသင့္ေတာ္ဆံုးျဖစ္သည္...

ထိုထမင္းဗူးကိုစားတိုင္း ကြ်န္မေဖေဖ၏ ကြ်န္မတို႔ အေပၚထားေသာ ေမတၱာႏွင့္ ေစတနာကို ခံစားလို႔ရသည္...
ထိုထမင္းစားတိုင္း ကြ်န္မတို႔ မိသားစုဘ၀ေလး မျပိဳကြဲမပ်က္စီးပဲ သိုိက္သိုက္၀န္း၀န္းရွိေအာင္ ေစာင့္ေရွာက္ဖန္တီးေပးခဲ့ေသာ ေဖေဖ့ကို ေလးစားသည္...
ထိုထမင္းစားတိုင္း ကြ်န္မတို႔ သားသမီးေတြႏွင့္ ခင္ခင္မင္မင္ ေပ်ာ္ေပ်ာ္ပါးပါးေနတတ္ကာ ေပ်ာ္ရႊင္တဲ့့ မိသားစုေလးကို ထူေထာင္ေပးခဲ့ေသာ ေဖေဖ့ကို ေက်းဇူးတင္သည္...
ထိုထမင္းစားတိုင္း ကြ်န္မတို႔ငယ္စဥ္အခါမွ စ၍ ယခုအခ်ိန္အထိ ဖခင္တစ္ေယာက္ရဲ႕တာ၀န္ကို ရရာေနရာကေန အတတ္ႏုိင္ဆံုး ေက်ပြန္ေအာင္ လုပ္ေပးေနတဲ့ ေဖေဖ့ကို အားကိုးသည္...
ထိုထမင္းဗူးသည္ ကမာၻေပၚတြင္ မည္သူ႔အတြက္မွ ပိုက္ဆံမည္မွ်ႏွင့္မွ အဖိုးျဖတ္လို႔မရပဲ ကြ်န္မအတြက္သီးသန္႔ျဖင့္သာ စီမံထားေသာ အထူးစပၸါယ္ရွယ္ ထမင္းဗူးျဖစ္သည္...
အထူးသျဖင့္ ထိုထမင္းဗူးကို စားတိုင္း ကြ်န္မ၏ မိဘႏွစ္ပါးလံုး က်န္းက်န္းမာမာျဖင့္ သက္ရွိထင္ရွား မိသားစု တသိုက္တ၀န္းထဲရွိေနတဲ့ အျဖစ္ကို သိရတိုင္း ကြ်န္မစိတ္ေအးရသည္...
ယခုအခ်ိန္အထိ ကြ်န္မဘာသာ မည္မွ်ပင္ ရပ္တည္ရွာေဖြႏုိင္ပါေစ ကြ်န္မ မိဘမ်ားမရွိေတာ့လွ်င္ဆိုသည့္အေတြးသည္ ကြ်န္မကို တစ္ထိုင္တည္း မ်က္ရည္က် ေခ်ာက္ခ်ားကာ အားအငယ္ဆံုးခံစားခ်က္ကို ေပးႏုိင္စြမ္းရွိသည္... ကြ်န္မ အေၾကာက္ဆံုးျဖစ္သည္...

ကြ်န္မစာဖတ္ပ်င္းေသာ္လည္း ယခုကဲ့သုိ႔ စာေတြ အနည္းနဲ႔ အမ်ားေရးႏုိင္ေနျခင္းသည္ ကြ်န္မ ေဖေဖ ဖတ္ေသာစာမ်ားကို ျပန္လည္ ေ၀ငွေျပာျပတတ္ေသာေၾကာင့္ျဖစ္သည္...
သူငယ္ခ်င္းမ်ားအလည္တြင္ အရင္ေခတ္က သမိုင္းေၾကာင္းမ်ား အထၱဳပတၱိမ်ားႏွင့္ ပတ္သတ္၍ အသိရွိကာေျပာႏုိင္ေနျခင္းမွာလဲ ေဖေဖစာဖတ္ကာ ျပန္ေျပာျပေလ့ရွိေသာေၾကာင့္ျဖစ္သည္...
ျမန္မာျပည္အတြင္း ေနရာေဒသေတာ္ေတာ္မ်ားမ်ားႏွင့္ ပတ္သတ္၍ ခရီးသြားႏွင့္ပတ္သတ္၍ ကြ်န္မတြင္ ေ၀ငွစရာမ်ားရွိေနျခင္းမွာလဲ ငယ္ငယ္ကတည္းက ေနရာေတာ္ေတာ္မ်ားမ်ားကို ေဖေဖႏွင့္ေမေမတို႔ လိုက္ပို႔ေပးခဲ့ၾက၍ျဖစ္သည္...
ကြ်န္မ ေရွးသီခ်င္းေတြ (တြံေတးသိန္းတန္၊ ျပည္လွေဖ၊ ေမရွင္၊ မျမရင္၊ သုေမာင္၊ ကိုျမၾကီး၊ စႏၵရားခ်စ္ေဆြ၊ စသည္ျဖင့္)သီခ်င္းေတြကို ထန္ကတိုင္းက်က် သီဆိုတတ္ျခင္းသည္လည္း ကြ်န္မေဖေဖ၏ အလြန္အက်ဴး သီခ်င္းၾကိဳက္တတ္ကာ တေနကုန္ဖြင့္ထားေသာ (တနည္းအားျဖင့္) ကြ်န္မတို႔အား နားဒုကၡေပးတတ္ေသာ သီခ်င္းမ်ားကို ၾကိမ္ဖန္မ်ားစြာၾကားေနရျခင္းေၾကာင့္ျဖစ္သည္...

ကြ်န္မရံဖန္ရံခါ ေဖေဖႏွင့္ သေဘာထားကြဲလြဲေသာ အခ်ိန္မ်ားရွိေသာ္လည္း ကြ်န္မဘ၀ရဲ႕ အဓိက အေရးၾကီးဆံုး ေန႔စဥ္လည္ပတ္မွဳမ်ားတြင္ ကြ်န္မ ေဖေဖႏွင့္ ေမေမက မရွိမျဖစ္သာျဖစ္သည္... သူတို႔ ျမန္မာျပည္ ေခတၱျပန္သြားလွ်င္ပင္ အိမ္ျပန္လာတိုင္း ၾကိဳသူမရွိေသာေၾကာင့္ ကိုယ့္ဘာသာကိုယ္ တံခါးဖြင့္၀င္ရကာ တိတ္ဆိတ္ ေမွာင္မဲေနေသာ အိမ္ထဲကို ၀င္ရတာပင္ ကြ်န္မအတြက္ လစ္ဟာခ်က္တစ္ခုပင္... ေန႔တိုင္း နားဒုကၡမခံႏိုင္၍ ျငဴစူျဖစ္ေသာ ေဖေဖ့၏ သီခ်င္းၾကီး သီခ်င္းခံ အသံမ်ားမၾကားေတာ့လဲ အိမ္ၾကီးက ေျခာက္ေသြ႔လြန္းလွသည္... ေန႔တိုင္း ျမန္မာျပည္ႏွင့္ပတ္သတ္ေသာ သတင္းမ်ားကို ဖြင့္မည့္သူမရွိေတာ့ ကြ်န္မတို႔ ျမန္မာျပည္တြင္ ျဖစ္ပ်က္ေနသည့္ သတင္းမ်ား အဆက္ပ်က္ရသည္...

ဒီေန႔ဟာ ကြ်န္မခ်စ္လွစြာေသာ ေဖေဖရဲ႕ ေမြးေန႔ျဖစ္တယ္... ကိုယ္လက္လွဳပ္ရွားမွဳနဲ႔ အားကစားသိပ္မရွိတဲ့ ကြ်န္မ ေဖေဖအတြက္ က်န္းမာေရးကို အနည္းနဲ႔ အမ်ားလိုက္စားျဖစ္ေအာင္ သူ႔အတြက္ Wii game စက္ေလး ေမြးေန႔လက္ေဆာင္အျဖစ္၀ယ္ေပးလိုက္တယ္... စက္ပစၥည္းအသစ္အဆန္းပဲျဖစ္ျဖစ္ ဂိမ္းပဲျဖစ္ျဖစ္ ၀ါသနာပါတတ္တဲ့ ေဖေဖ့အတြက္ က်န္းမာေရးအရလဲ လွဳပ္ရွားျဖစ္ေအာင္တစ္ေၾကာင္း စကၤာပူေရာက္ကာ ပ်င္းေနေသာ ေဖေဖအတြက္ အပ်င္းေျပစရာ အသစ္တစ္ခုရသြားေစရန္ ကြ်န္မ စီစဥ္၀ယ္ေပးခဲ့တာျဖစ္တယ္... ေနာက္တစ္ခ်က္ကေတာ့ အလုပ္က ျပန္လာတာနဲ႔ အခန္းထဲ၀င္ ရတဲ့အခ်ိန္ကို ကြန္ျပဴတာေရွ႕ထိုင္တတ္တဲ့ ကြ်န္မတို႔ေတြလဲ ေဖေဖနဲ႔ အနည္းနဲ႔ အမ်ားအခ်ိန္တူတူသံုးကာ မိသားစုၾကိဳးပိုမိုခိုင္ျမဲေစရန္ျဖစ္သည္... ဒါေပမဲ့ ခု၀ယ္လာတဲ့ ဂိမ္းေခြက Mario sport Mix ထဲမွာ ကြ်န္မထင္သေလာက္ ကိုယ္လက္လွဳပ္ရွားစရာသိပ္မလိုဘူးျဖစ္ေနတယ္... လက္ထဲက wii remote ေလး နည္းနည္းလွဳပ္ရုံနဲ႔တင္လံုေလာက္ေနတယ္... အဲဒါ ဘာဂိမ္းက ေကာင္းလဲ သိရင္ အၾကံေပးသြားၾကပါအံုး...

ဂိမ္းေတြကို အရမ္း စိတ္မ၀င္စားခဲ့တဲ့ ကြ်န္မ ဒီေန႔၀ယ္လာျပီးမွ ဟိုၾကည့္ဒီၾကည့္ေတာ့ Wii က Function

အေတာ္ေလးစံုသဗ်ိဳ႕.... လတ္တေလာ Wii Channels ပါျပီးသားေတြက Wii နဲ႔ Nintendo GameCube games ေတြ ကစားလို႔ရတယ္... Mii channel ဆိုတာမွာ ကိုယ္ၾကိဳက္တဲ့ အေကာင္ကို Customize လုပ္လို႔ရတယ္... Photo Channel ဆိုတာမွာ SD card က ဓာတ္ပံုနဲ႔ ဗီြဒီယိုေတြကို တီဗီြမွာ တခါတည္းၾကည့္လို႔ရတယ္... အင္တာနက္နဲ႔ ဆက္လိုက္ရင္ Wii Shop Channel မွာ channel အသစ္ေတြနဲ႔ တျခားဟာေတြ Download လုပ္လုပ္ ေရွာ့ပင္းပဲလုပ္လုပ္ရတယ္... Forecast Channel မွာ ကမာၻအႏွံ႔က ရာသီဥတု အေျခအေနေတြကို ၾကည့္လို႔ရတယ္... News channel မွာ ကမာၻအႏွံ႔က သတင္းေတြၾကည့္လို႔ရတယ္... function ေတြကေတာ့ အမ်ားၾကီးပဲ ဒါေပမဲ့ အကုန္ေတာ့လုပ္မၾကည့္ရေသးဘူး... သိပ္မလုပ္တတ္ေသးတာလဲပါတယ္... သိတဲ့သူမ်ား အၾကံေပးသြားၾကပါအံုး...

ဒါနဲ႔ လိုရင္းကိုျပန္သြားရရင္... ဒီႏွစ္ ေဖေဖ့ေမြးေန႔အတြက္ သမီးစိတ္ထဲက လွဳိက္လွဳိက္လွဲလွဲ ဆုေတာင္းေပးခ်င္တာကေတာ့ ေဖေဖ က်န္းက်န္းမာမာ ခ်မ္းခ်မ္းသာသာနဲ႔ ခ်စ္ေမေမရယ္ သမီးေတြရယ္နဲ႔အတူ ႏွစ္ေပါင္းမ်ားစြာေနထိုင္ႏုိင္ပါေစလို႔...

Interview with Real Steel Child star Dakota Goyo

လက္ရွိ ရုံတင္ျပသေနတဲ့ Real Steel  ရုပ္ရွင္ ဇာတ္ကားရဲ႕ ႏွလံုးအိမ္ျဖစ္တဲ့ သရုပ္ေဆာင္ Dakota Goyo နဲ႔ ေတြ႔ဆံုေမးျမန္းထားတာေလးေတြကို ေဖာ္ျပခ်င္ပါတယ္... ဒီဇာတ္ကားရဲ႕ မင္းသားဟာ နာမည္ေက်ာ္ သရုပ္ေဆာင္ Hugh Jackman ဆိုေသာ္ညား ဒီဇာတ္ကားမွာ ကေလးငယ္ရဲ႕ အေဖကို ရင့္က်က္လာေအာင္ တြန္းအားေပးရတဲ့ အဓိကအခန္းက ပါ၀င္ေနရတာပါ... သူဟာ အရင္က အသံသရုပ္ေဆာင္အျဖစ္ ကေလးအစီအစဥ္ "Arthur"... ဟိုတစ္ေလာက ရုံတင္သြားတဲ့ "Thor" ဇာတ္ကားမွာ Thor ငယ္ငယ္က ကေလးသရုပ္ေဆာင္အေနနဲ႔ သရုပ္ေဆာင္သြားခဲ့ပါတယ္... သူ၈ႏွစ္သားမွာ Resurrecting the Champ (၂၀၀၇)ဆိုတဲ့ဇာတ္ကားမွာ Young Artist Award for Best Performance in a Feature Film - Young Actor Age Ten or Younger ဆုကို Nominated စာရင္းထဲပါ၀င္ခဲ့ပါတယ္... သို႔ေသာ္ ယခု Real Steel ကားမွာ အဧိက သရုပ္ေဆာင္ ေနရာကို ပထမဆံုး ခုန္တက္သြားႏုိင္ခဲ့တာပါ...

ေမး။ ။ သားမွာ တီဗီြ အစီအစဥ္ပဲျဖစ္ျဖစ္ ရုပ္ရွင္ပဲျဖစ္ျဖစ္ ခုထက္ထိ သရုပ္ေဆာင္လာသမွ်ထဲမွာ အၾကိဳက္ဆံုး ဇာတ္ေကာင္ရွိလား?

Goyo။ ။တကယ္တမ္းေျပာရရင္ ကြ်န္ေတာ္ သရုပ္ေဆာင္လာသမွ် ရုပ္ရွင္ေတြနဲ႔ သရုပ္ေဆာင္လာသမွ် ဇာတ္ေကာင္ေတြအားလံုးကို ၾကိဳက္ပါတယ္... ဒါေပမဲ့ ခုကားမွာ Max က သူ႔အေဖ ခ်ားလီး(စ္) ကို ခပ္ရုိင္းရုိင္း စကားေျပာတယ္... ဒါေပမဲ့ အဲဒါက တမ်ိဳးေတာ္ ေပ်ာ္ဖို႔ေကာင္းတယ္... အျပင္မွာ ကြ်န္ေတာ့ အေဖနဲ႔ အေမကို အဲလို ဘယ္ေတာ့မွ ေျပာမွာ မဟုတ္ဘူးေလ...

ေမး။ ။ ခ်ားလီး(စ္)က လူအရိပ္အေျခ နဲ႔ အလိုက္မသိတတ္ဘူး... အဲလိုမ်ိဳး ဇာတ္ေကာင္မ်ိဳးနဲ႔ ဆန္႔က်င္ျပီးအလုပ္လုပ္ရတာ ဘယ္လို ခံစားရလဲ?

Goyo။ ။ တကယ္ေတာ့ သူတို႔ relationship မွာ Max ကေတာင္ အုပ္ထိန္းသူ (မိဘ) လိုျဖစ္ေနတယ္... ခ်ားလီး(စ္) က Max ကို ကေလးေနရာကေန အေဖပံုစံေရာက္ေအာင္ လုပ္လိုက္တာ... သူ႔အေမက ေသသြားျပီ သူဟာ အရမ္း၀မ္းနည္းျပီး စိတ္ဓာတ္က်ေနမွာ အသိသာၾကီး ဒါေပမဲ့ သူ႔ အေဖကို သူျပန္ရလိုက္တယ္... အရင္က အေဖမပီသတဲ့ သူ႔အေဖကို အေဖတစ္ေယာက္လို ျပဳမူႏုိင္ေအာင္ သူလုပ္ႏုိင္ခဲ့တယ္...

ေမး။ ။ သားမွာေရာ Max လို personality ရွိလား?

Goyo။ ။ လံုး၀ပဲ... ကြန္ျပဴတာနဲ႔ စက္ပစၥည္းေတြ စိတ္၀င္စားတာကလဲြလို႔ သူနဲ႔တူတာ ဘာမွမရွိဘူး... ကြ်န္ေတာ္က PS3 ကစားရတာ အရမ္း ၾကိဳက္တယ္... UFC တို႔ Call of Duty တို႔ ကစားရတာ ၾကိဳက္တယ္...

ေမး။ ။ စက္ရုပ္ေတြနဲ႔ အလုပ္လုပ္ရေတာ့ ဘယ္လိုေနလဲ?

Gayo။ ။ စက္ရုပ္ေတြနဲ႔ အလုပ္လုပ္တဲ့ အခ်ိန္ၾကာလာရင္ သူတို႔ဟာ တကယ့္လူေတြျဖစ္သြားတယ္... သူတို႔မွာ personality ရွိတယ္... ခံစားခ်က္ရွိတယ္ ဒီေတာ့ သူတို႔နဲ႔ အၾကာၾကီး အလုပ္လုပ္လိုက္ရင္ သူတို႔ဟာ တကယ္ျဖစ္သြားတယ္... ေနာက္ျပီး ကြ်န္ေတာ္က စက္ရုပ္ေတြကို ခ်စ္တယ္... သူတို႔နဲ႔ အလုပ္တူတူလုပ္ရဖုိ႔ဆိုတာ အရင္က တခါမွ မစဥ္းစားမိခဲ့ဖူးဘူး...

ေမး။ ။ Rise of the Guardians ဆိုတဲ့ ရုပ္ရွင္ကားမွာ အသံ သရုပ္ေဆာင္အေနနဲ႔ သရုပ္ေဆာင္ခဲ့တာ ဘယ္လိုေနလဲ?

Goyo။ ။ အဲဒါက တကယ္ၾကီးတဲ့ action ဇာတ္ကားပဲ Ewan McGreger နဲ႔ အလုပ္လုပ္ရတာ ေကာင္းတယ္... သူက အေတာ္ေလး ရီရတယ္...

ေမး။ ။ ဒါဆို အဲဒိ ေနာက္ခံစကားေျပာတဲ့ အလုပ္ကို လုပ္တုန္းက စတီဒီယိုထဲမွာ တစ္ေယာက္တည္းလား တျခားသူေတြနဲ႔လား?

Goyo။ ။ ကြ်န္ေတာ္ ေတြ႔ၾကဳံဖူးသမွ် အသံဖမ္း စတီဒီယိုေတြမွာေတာ့ ကြ်န္ေတာ္ တစ္ေယာက္ပဲေျပာရတာပါ... ဇာတ္ကားအားလံုးျပီးသြားေတာ့ ကြ်န္ေတာ္တို႔ တစ္ေယာက္ခ်င္းေျပာထားတာေတြကို ေပါင္းလိုက္တာ ၾကည့္ရေတာ့ အရမ္းမိုက္တယ္...

ေမး။ ။ Real Steel ဇာတ္ကား ေအာင္ျမင္လာမယ္လို ထင္လား?

Goyo။ ။ ေသခ်ာတာကေတာ့ အဲဒိကားမွာ အားလံုးအတြက္ တစ္ခုခုေတာ့ ေပးခဲ့ဖို႔ ပါတယ္... အဲဒိကားက ၾကည္ႏူးေစတယ္... ဒိအျပင္ action - ထိုးႏွက္မွဳ၊ ေအာ္ဟစ္မွဳ၊ အငိုခန္း၊ ေပ်ာ္စရာအခန္း စတဲ့ စိတ္ခံစားမွဳေတြ ျပည့္ေနတဲ့ ဇာတ္ကားျဖစ္တယ္... သင္တို႔ ၾကည့္မယ္ဆိုရင္ ခံစားခ်က္ေတြ အျပည့္နဲ႔ ကိုယ္တိုင္ လက္ေ၀ွ႔ထိုးေနရလိမ့္မယ္...

ေမး။ ။ သားဒီကားကို ၾကည့္ေတာ့ ေနာက္ဘာလာမယ္ဆိုတာ သိေနတာေတာင္ စိတ္ထဲမွာ ခံစားျပီး ၀မ္းနည္းတာေတြ ရွိလား..?

Goyo။ ။ ကြ်န္ေတာ္တို႔ရဲ႕ စာေရးဆရာ John Gaden ေရးထားတာ ဒီထက္ေကာင္းတာ မရွိေလာက္ေတာ့ပါဘူး... ကြ်န္ေတာ္ ဒီကားကို ၅ ခါၾကည့္ျပီးျပီ... ၾကည့္တိုင္ ကြ်န္ေတာ္ အားမေပးတဲ့ မငိုတဲ့ မရီတဲ့ အခါမရွိပါဘူး... ဒီဇာတ္ကားရဲ႕ မိနစ္တိုင္းကို ကြ်န္ေတာ္ၾကိဳက္ပါတယ္... ကြ်န္ေတာ့ ေသြး၊ ေခြ်း၊ မ်က္ရည္ေတြက ဒီကားထဲမွာပါ... ကြ်န္ေတာ့အတြက္ေတာ့ ဒါဟာ ၾကီးမားတဲ့ ရလာဒ္တစ္ခုျဖစ္ျပီး ကြ်န္ေတာ့ကိုယ္ကြ်န္ေတာ္လဲ ဂုဏ္ယူပါတယ္...

ေမး။ ။ အနာဂတ္မွာ ဘယ္လို ဇာတ္ေကာင္စရုိက္မ်ိဳးေတြ သရုပ္ေဆာင္ခ်င္လဲ?

Goyo။ ။ ကြ်န္ေတာ္က 3:10 To Yuma လိုကားမ်ိဳးကို ၾကိဳက္တယ္ ျပီးေတာ့ Western Movies ကားမ်ိဳးကို သရုပ္ေဆာင္ခ်င္ပါတယ္... Western movies ေတြသရုပ္ေဆာင္ရတာ ေပ်ာ္စရာေကာင္းမယ္ထင္တယ္... ဒါေပမဲ့ super hero ကားမ်ိဳးေတြဆိုရင္လဲ မိုက္တာပဲ...

ေမး။ ။ ဘယ္ superhero ကို အၾကိဳက္ဆံုးလဲ?

Goyo။ ။ Marvel characters ေတြ အကုန္လံုးကို ၾကိဳက္တယ္... အၾကိဳက္ဆံုးက ၂ေယာက္ရွိတယ္... ဘယ္သူ႔ကို ပိုၾကိဳက္လဲ ေရြးလို႔မရဘူး... The Hulk ကို အရမ္းၾကိဳက္တယ္... အရမ္းေကာင္းတဲ့ ဇာတ္ကားပဲ... The Hulk ကားေတြ အကုန္ၾကည့္ျပီးျပီ... ျပီးေတာ့ Iron man, Iron man ကို အျမဲၾကိဳက္ခဲ့တာ...

ေမး။ ။ ဒါဆို Jon Favreau (director of IRON MAN) နဲ႔ အလုပ္တူတူလုပ္ခ်င္လား ?

Goyo။ ။ Iron Man! ကြ်န္ေတာ္ အရမ္းၾကိဳက္တယ္... သူ ဒီကားကို ျပဳလုပ္ရာမွာ အရမ္းေတာ္ခဲ့တယ္... ေနာက္ျပီး Cowboys and Aliens လဲ အရမ္းေကာင္းတယ္... အဲဒိကားထဲက ဇာတ္ေကာင္ေတြလို သရုပ္ေဆာင္ျပီး အရူးလိုလိုက္ေျပာေနတာ အေမ့ကိုေတာင္ အေႏွာင့္အယွက္ျဖစ္တယ္... တစ္ခ်ိန္လံုး အဲကားပဲ ၾကည့္ေနတာ...

ေမး။ ။ တီဗီြအစီအစဥ္မွာေရာ ရုပ္ရွင္ေရာ လုပ္ဖူးသြားျပီဆိုေတာ့ ခု ရုပ္ရွင္မွာပဲ ေနဖို႔ စိတ္ကူးရွိလား?

Goyo။ ။ ရုပ္ရွင္ေတြရုိက္ရတာကို ခုေပ်ာ္ေနတယ္... ရုပ္ရွင္ေတြဆက္ရုိက္တာ ကြ်န္ေတာ့္အတြက္ ေကာင္းမယ္ထင္တယ္...

ေမး။ ။ တစ္ေန႔မွာ ဘယ္သူနဲ႔ အလုပ္လုပ္ခ်င္ဆံုးလဲ?

Goyo။ ။ ကြ်န္ေတာ္ Spielberg နဲ႔ အလုပ္တူတူလုပ္ခ်င္တယ္ သူ႔ကိုတစ္ခါမွ မေတြ႔ဖူးပင္မဲ့လဲ သူ႔ေကာင္းေၾကာင္းေတြၾကားတယ္... မဟုတ္ပဲေတာ့ လူေတြက ေျပာမွာမဟုတ္ဘူး... သူက သေဘာေကာင္းတယ္လို႔ၾကားတယ္... သူနဲ႔ေတြ႔ခ်င္တယ္...

Real Steel ရုပ္ရွင္ကားဟာ ခုရုံတင္ျပသေနျပီး Goyo ဟာ Personality ေကာင္းျပီး Hollywood ခရီးကို ေအာင္ျမင္စြာလွမ္းေလွ်ာက္ေနပါတယ္...

Source GeekTyrant
http://www.mcgeeks.com/exclusive-interview-real-steel-child-star-dakota-goyo

Real Steel - Movie review

ဒီ႐ုပ္႐ွင္ကားကုိ ေၾကာ္ျငာေတြ႔ကတည္းက ၾကည့္ခ်င္ခဲ့တာပါ... ၾကည့္ခ်င္ရတဲ့ အဓိက အခ်က္ကေတာ့ ၂ ခ်က္ရွိပါတယ္... ၁ ခ်က္က Hugh Jackman က မင္းသားျဖစ္တာ တစ္ေၾကာင္း... ေနာက္ ၁ခ်က္ကေတာ့ ရုပ္ရွင္ကားေတြမွာ အဓိက ကေလးသရုပ္ေဆာင္ေလးေတြပါရင္ ကြ်န္မက သေဘာက်ပါတယ္... အထူးသျဖင့္ သရုပ္ေဆာင္ကေလးက ခ်စ္ဖို႔ေကာင္းရင္ ၾကည့္ခ်င္ပါတယ္...

ဇာတ္လမ္းကေတာ့ ေၾကာ္ျငာၾကည့္ကတည္းက ခန္႔မွန္းလို႔ရပါတယ္... သို႔ေသာ္ တကယ္သြားၾကည့္လွ်င္လဲ ပရိတ္သတ္ကို စိတ္မပ်က္ေစပါဘူး... ကြ်န္မကေတာ့ သေဘာက်ပါတယ္... ေနာက္ဆံုးခန္းမွာဆို ဘာရယ္ညာရယ္မဟုတ္ ကိုယ္ပါလိုက္ငိုေနမိေသးတယ္... (အသည္းငယ္တတ္လို႔ပါ)...

ဇာတ္လမ္း အက်ဥ္းကေတာ့...
၂၀၂၀ ခုႏွစ္မွာ စက္ရုပ္ေတြကို လူေတြအစား boxing ကစားခိုင္းျပီး ေလာင္းကစားလုပ္ၾကတာ ေခတ္စားလာခဲ့ပါတယ္... ခ်ားလီး(စ္) ဟာ ယခင္က လက္ေ၀ွ႔သမားေဟာင္းတစ္ေယာက္ျဖစ္ခဲ့ျပီး ခုအခါမွာေတာ့ တရားမ၀င္ စက္ရုပ္လက္ေ၀ွ႕ပဲြမွာ ယွဥ္ျပိဳင္ရင္း အရွဳံးေတြမ်ားကာ အေၾကြးေတြ၀ိုင္း၀ိုင္းလည္ေနသူ တစ္ဦးျဖစ္ပါတယ္... သူပိုင္တဲ့ Ambush ဆိုတဲ့ စက္ရုပ္ၾကီးဟာ Ricky ဆိုတဲ့လူပိုင္တဲ့ Black Thunder ကြ်ဲနဲ႔ ျပိဳင္တိုက္ခိုက္ရင္ ရွဳံးခဲ့လို႔ အေၾကြးေတြတင္တဲ့ အခ်ိန္အတြင္းမွာပဲ သူ႔ဆီကို သူ႔ အရင္ ရည္းစား ဆံုးပါးသြားေၾကာင္း အေၾကာင္းၾကားျခင္းခံရတဲ့အျပင္ သူ႔မွာ သူမထားခဲ့တဲ့ ၁၁ႏွစ္အရြယ္ သားတစ္ေယာက္အတြက္ အုပ္ထိန္းခြင့္ရွိေနတယ္လို႔ သိရပါတယ္... ထိုကေလးငယ္ကို သူ႔အရင္ရည္းစားရဲ႕ အစ္မျဖစ္သူ (ကေလးရဲ႕ အေဒၚျဖစ္သူ)က ေမြးစားခ်င္သျဖင့္ အုပ္ထိန္းခြင့္ကို စြန္႔လႊတ္ဖို႔ လာေရာက္ အေၾကာင္းၾကားတာျဖစ္ပါတယ္...

ေရဆာတုန္း ေရတြင္းထဲက်သလိုျဖစ္သြားတဲ့ ခ်ားလီး(စ္)ဟာ... သူ႔ သားကို ၾကည့္ေတာင္ မၾကည့္ပဲ ေဒၚလာ $100,000 ေပးရင္ ေပးမယ္ဟု အေဒၚရဲ႕ ခင္ပြန္းျဖစ္သူနဲ႔ ညွိလိုက္ပါတယ္... သို႔ေသာ္ ၾသဂုတ္လေရာက္တဲ့အထိေတာ့ ကေလးကို သူက ခဏၾကည့္ေပးရမယ္ျဖစ္ပါတယ္...

ထိုသို႔ျဖင့္ သူ၏သား Max နဲ႔ စတင္ေတြ႔ရွိခဲ့ပါတယ္... သူ႔သားကလဲ သူ႔ထက္ပင္ ဂ်စ္ကန္ကန္ ေခါင္းမာတတ္ကာ ထက္ျမတ္ေသာ ေကာင္ေလးတစ္ေယာက္ျဖစ္ပါတယ္... သူ႔အေဖ သူ႔ကို ေငြျဖင့္ေရာင္းစားသည္ကိုလဲ ေကာင္းစြာနားလည္သူျဖစ္ပါတယ္... သို႔ေသာ္ အေဖတူသားပီပီ သူကလဲ ကြန္ျပဴတာဂိမ္းနဲ႔ စက္ရုပ္မ်ားကို ၀ါသနာထံုသူျဖစ္ပါတယ္... ခ်ားလီး(စ္) ဟာ သူ႔သား ေရာင္းစားလို႔ ရတဲ့ ပိုက္ဆံနဲ႔ တစ္ခ်ိန္က နာမည္ၾကီးခဲ့တဲ့ စက္ရုပ္ Noisy Boy ကို ၀ယ္ယူကာ ထပ္မံယွဥ္ျပိဳင္ခဲ့ေသာ္လည္း ထိန္းခ်ဳပ္မွဳ မကြ်မ္းက်င္ေသာေၾကာင့္ ထပ္မံျဖတ္ဆီးခံခဲ့ရျပန္ပါတယ္...

ခ်ာလီး(စ္)ဟာ သူ႔သားနဲ႔ သတၱဳေတြပစ္တဲ့ ေနရာကို ခိုး၀င္ကာ အသံုးျပဳလို႔ရမဲ့ စက္ရုပ္အပိုင္းအစမ်ားကို ရွာေဖြဖို႔ သြားခဲ့ပါတယ္... အဲဒိမွာ သူ႔သား Max မေတာ္တဆ ေခ်ာက္ထဲျပဳတ္အက် ကမ္းပါးမွာ ထြက္ေနတဲ့ စြန္႔ပစ္ထားတဲ့ စက္ရုပ္ရဲ႕လက္နဲ႔ ျငိျပီး အသက္ခ်မ္းသာခဲ့ပါတယ္... Max ဟာ ေျမၾကီးေတြကိုဖယ္ၾကည့္လိုက္တဲ့အခါ ATOM ဆိုတဲ့ စက္ရုပ္ကို ရွာေတြ႔ျပီး သူ႔အသက္ကို ကယ္တဲ့ စက္ရုပ္ကို ယူလာခ်င္ပါတယ္... ခ်ာလီး(စ္)က သေဘာမတူေသာ္လည္း သူ႔အားသူကိုးကာ ဇြတ္ယူလာခဲ့ပါတယ္... ဒီအခါမွာေတာ့ ခ်ာလီး(စ္) Max နဲ႔ စက္ရုပ္ ATOM တို႔ရဲ႕ ဂႏၵ၀င္ခရီးလမ္း ေအာင္ပဲြေတြစတင္လာတဲ့အျပင္.... အေဖနဲ႔ သားရဲ႕ သံေယာဇဥ္ နားလည္မွဳ ဂရုစိုက္မွဳ တူညီမွဳေတြလဲ စတင္လာပါေတာ့တယ္... ခ်ားလီး(စ္)တစ္ေယာက္ သူ႔သား Max ရဲ႕ လိုအင္ကို ျဖည့္စည္းေပးႏုိင္ပါ့မလား... Max ကေရာ သူ႔အေဖကို ခ်စ္သလား မုန္းသလား... ဖန္သားျပင္ေပၚမွာရွဴစားၾကပါရွင္... ေအာက္က ေ၀ဖန္ေရးမွာေတာ့ spoiler ေတြပါတဲ့အတြက္ spoiler alert ေအာက္ပိုင္းကို မၾကိဳက္လွ်င္ ဆက္မဖတ္ၾကေစရန္....

ေ၀ဖန္ေရး...

မေဗဒါ ေရးျပီဆိုကတည္းကေတာ့ မေဗဒါၾကိဳက္တဲ့ ကားမို႔ဆိုတာ သိသာပါတယ္... မေဗဒါၾကည့္ခ်င္တဲ့ Hugh Jackman ကို အပိုစာလား ၀တ္စံုေတြ မပါပဲ သာမာန္ပံု ၾကည့္ရတယ္... ကေလးေလးကလည္း မေဗဒါထင္တာထက္ခ်စ္စရာေကာင္းျပီး စတိုင္မိုက္သလို သရုပ္ေဆာင္ကလည္း superb ပဲ... (အဲလို ခ်စ္ဖို႔ေကာင္းတဲ့ သားေလးလိုခ်င္တယ္)... အစက Hugh Jackman ၾကည့္ခ်င္လို႔သြားတာ ျပန္လာေတာ့ အဲဒိကေလးကို အသဲစဲြသြားတယ္...

Animation ေတြကေကာင္းေတာ့ တကယ့္လူနဲ႔ စက္ရုပ္ေတြကို ရိုက္တဲ့အတိုင္းပဲ... ဘယ္လိုလုပ္လဲ အၾကမ္းဖ်င္း သိခ်င္လို႔ ရွာၾကည့္လိုက္ေတာ့... Animatronics ဆိုတဲ့ နည္းကို အသံုးျပဳျပီးရုိက္သတဲ့... ရွင္းျပရင္ လိုရင္းေပ်ာက္မွာဆိုးလို႔... ဒိထက္သိခ်င္ရင္ Google လုိက္ေနာ္... မေဗဒါလဲ ရွင္းျပရေလာက္ေအာင္ မသိလို႔... လူေတြ လက္ေ၀ွ႔ထိုးတဲ့ကားၾကည့္ရင္ ရင္ေမာရလြန္းလို႔ ခုေတာ့ စက္ရုပ္ေတြထိုးတာဆုိေတာ့ နည္းနည္းေျဖသာေသးတယ္... အဲဒိစနစ္အျပင္မွာထြင္လိုက္လဲေကာင္းတာပဲ...

ဒီလိုကားမ်ိဳးဟာ ေနာက္ဘာျဖစ္မယ္ဆိုတာကို မွန္းလို႔ရတဲ့ ဇာတ္လမ္းမ်ိဳးပါ... အဆံုးဘယ္လိုသတ္မလဲဆိုတာလဲ ခန္႔မွန္းလို႔ရပါတယ္... သို႔ေသာ္ ဒီကားဟာ သားအဖ ၂ေယာက္ၾကား သံေယာဇဥ္က ရင္ကိုေအးျမေစျပီး အၾကမ္း အလြမ္း ဟာသ လွဳပ္ရွားမွဳ စိတ္ခံစားမွဳ စတာေတြနဲ႔ ျပည့္စံုတဲ့ ဇာတ္ကားေကာင္းေလးတစ္ပုဒ္ျဖစ္ပါတယ္....

Spoiler
ဒီကားမွာ Hugh Jackman ရဲ႕ ဇာတ္ေကာင္ ခ်ားလီး(စ္)ဟာ တာ၀န္မယူတတ္တဲ့ တဇြတ္ထိုးသမား သူ႔အတြက္ပဲ သူၾကည့္ကာ ဖခင္ေကာင္းမပီသသူတစ္ေယာက္ျဖစ္တယ္... သို႔ေသာ္ သူ႔ကိုအနားမွာ နားလည္ေပးတဲ့သူေတြရွိတယ္... သူ႔သားေလးဟာ သူ႔ထက္ငယ္ပင္မဲ့ သူ႔ထက္ရင့္က်က္တယ္လို႔ ကြ်န္မျမင္တယ္... ဘယ္ဟာ လုပ္သင့္တယ္ မလုပ္သင့္ဖူးဆိုတာကို အေျခအေနၾကည့္တတ္တယ္... ထိန္းခ်ဳပ္ႏုိင္စြမ္းရွိတယ္...သူ႔အေဖက သူနဲ႔ေနရင္ ဘ၀အတြက္မေကာင္းလို႔ သူ႔အေဒၚေတြေနာက္ထည့္ေတာ့ သူ႔မွာ စက္ရုပ္ ခ်န္ပီယံ Zeus နဲ႔ စိန္ေခၚထားတဲ့ ပဲြကို ျပိဳင္ခ်င္လို႔ မလိုက္ခ်င္ပင္မဲ့ သူလိုက္သြားခဲ့တယ္... ေနာက္ဆံုးအခ်က္ကေတာ့ သူဟာ သူ႔အေဖကို ခြင့္လႊတ္ျပီး သူ႔အေဖ ထူးခြ်န္ထက္ျမတ္တာကို ဂုဏ္ယူတဲ့ ကေလးတစ္ေယာက္ျဖစ္တယ္...
ေနာက္ဆံုးခန္းမွာ သူ႔အေဖက စက္ရုပ္ကို Shadow detection mode ကို ေျပာင္းျပီး သူထိုးတဲ့ပံုအတိုင္းလိုက္ထိုးတဲ့ အခန္းမွာ... သူ႔သားေလးက သူ႔အေဖကိုၾကည့္ျပီး ဂုဏ္ယူ ၀မ္းသာတဲ့ မ်က္ရည္က်တဲ့ အခန္းမွာ ကြ်န္မေတာ္ေတာ္ေလး heart ထိလို႔ လိုက္ငိုမိေသးတယ္... သူ႔သားဟာ သူ႔အေဖကို နားလည္ေပးတယ္ဆိုတဲ့ အဓိပၸါယ္ကို ေဖာ္ျပပါတယ္... ဒီဇာတ္လမ္းအသိမ္းမွာ သားအဖ ၂ေယာက္ အတူတူေနမလား... သူ႔ကို ေမြးစားထားတဲ့ အေဒၚလင္မယားနဲ႔ပဲေနမလားဆိုတာကေတာ့ ဒိြဟပြားစရာပါ... ရုပ္ရွင္သေဘာအရ သားအဖ ၂ေယာက္တူတူေနတယ္ဆိုျပီးျဖစ္သြားႏုိင္သလို (အရင္ေခတ္က ရုပ္ရွင္ကားမ်ား ပံုစံ)... reality အတိုင္း သူ႔သားက သူ႔ေမြးစားမိဘ သူ႔အေဒၚေတြနဲ႔ပဲေနတယ္ဆိုျပီး ျဖစ္ႏုိင္ပါတယ္.... spoiler ေျပာရရင္ေတာ့ ကေလးက သူ႔အေဒၚေတြနဲ႔ပဲေနရမွာပါ... ဒါဟာလဲ ကြ်န္မစိတ္ထင္ေတာ့ ကေလးအတြက္ပိုေကာင္းတဲ့ ေရြးခ်ယ္မွဳပါ... အေဖနဲ႔တူတူမေနရလို႔ စိတ္မေကာင္းသလိုျဖစ္ေကာင္း ျဖစ္ႏုိင္ေပမဲ့... သူ႔အေဒၚကလဲ ကေလးကို ခ်စ္ရွာပါတယ္... တိုးတက္ဖို႔လမ္းရွိပါတယ္...

ဒါနဲ႔ အဲဒိကားထဲက Max အျဖစ္သရုပ္ေဆာင္သြားတဲ့ ကေလးေလးရဲ႕ နာမည္ကေတာ့ Dakota Goyo လို႔ေခၚပါတယ္... (Dakota Funning ရဲ႕ေမာင္မဟုတ္ပါဘူး) သူ႔ကို စက္ရုပ္နဲ႔ တူတူ ကတဲ့ အခန္းေတြမွာ ဒီကေလးေလး ေတာ္ေတာ္ cool ျဖစ္တယ္လို႔ ေတြးမိတယ္... ၾကီးလာရင္ေတာ့ ပ်ိဳတိုင္းၾကိဳက္တဲ့ ႏွင္းဆီခိုင္ျဖစ္ေတာ့မယ္လို႔ ထင္တာပဲ... ၾကီးလာရင္လဲ မင္းသားျဖစ္ဖို႔ေမွ်ာ္လင့္ပါတယ္... ဒီကေလးဟာ သူ၈ႏွစ္သားမွာ Resurrecting the Champ (၂၀၀၇)ဆိုတဲ့ဇာတ္ကားမွာ Young Artist Award for Best Performance in a Feature Film - Young Actor Age Ten or Younger ဆုကို Nominated စာရင္းထဲပါ၀င္ခဲ့ပါတယ္... အဲဒိကားရွာၾကည့္အံုးမယ္...

Hugh Jackman နဲ႔ Dakota Goyo ကို ဒီကားနဲ႔ပတ္သတ္ျပီး အင္တာဗ်ဴးထားတာကို ေနာက္ပိုစ့္နဲ႔ ဆက္လက္ေဖာ္ျပပါအံုးမယ္...

Shooting Starေလး လက္သည္းေပၚ ဆိုးၾကရေအာင္

ကိုယ့္လက္သည္းေလးေပၚမွာ shooting Star ပံုလွလွေလး ဆိုးၾကရေအာင္...

ပထမဆံုး လက္သည္းမပ်က္စီးေအာင္ နဲ႔ လက္သည္းနီၾကာရွည္ခံေစရန္ Base coat ေအာက္ခံ လက္သည္းဆိုးေဆးကို ဆိုးပါ....


ဒုတိယအေနနဲ့... ကိုယ္လိုခ်င္တဲ့ ေအာက္ခံ အေရာင္ကို ဆိုးပါ... အျဖဴ သို႔မဟုတ္ အမဲ သို႔မဟုတ္ ေကာင္းကင္ျပာေရာင္ေလးေတြဆိုရင္ လိုက္ဖက္မယ္လို႔ထင္ပါတယ္... ကြ်န္မကေတာ့ အေပၚမွာ ေရႊေရာင္ဆိုးမွာျဖစ္တဲ့အတြက္ အနက္ေရာက္ကို ေအာက္ခံထားလိုက္ပါတယ္... ေျခာက္တဲ့အထိ ေခတၱေစာင့္ပါ...



ျပီးလွ်င္ အေပၚမွ ေရႊေရာင္အလက္ သို႔မဟုတ္ ေငြေရာင္ အလက္ ကို လက္သည္းကို ျဖတ္ျပီး ၾကယ္ေၾကြေနတဲ့ လမ္းေၾကာင္းပံုအတိုင္းဆိုးပါ... အျဖဴအခံဆိုးထားတဲ့သူမ်ားအတြက္ အျပာေရာင္ သို႔ ပန္းေရာင္စတဲ့ ထင္ေပၚမဲ့အေရာင္မ်ားကို သံုးႏုိင္ပါတယ္... ၾကယ္ေၾကြလမ္းေၾကာင္းကို အျပင္ဘက္ (outward) သို႔မဟုတ္ အတြင္းဘက္ (inward) ကုိယ္ လြယ္ကူမယ္ထင္သလို ဆိုးလို႔ရပါတယ္... မေဗဒါက အျပင္ဘက္ထြက္တာကို လက္သန္လို႔ အဲလိုပဲဆိုးလိုက္ပါတယ္...

မွတ္ခ်က္။    ။ ထိုသို႔ ဆိုးဖို႔အတြက္ အထူးထုတ္လုပ္ထားတဲ့ ဆိုးတံေသးေသးေလးပါတဲ့ stripper nail art polish ကိုသံုးရပါတယ္... အဲဒိ stripper ေတြက ရုိးရုိးလက္သည္းနီေတြထက္ ေစ်းအနည္းငယ္ၾကီးပင္မဲ့ nail art ကို စိတ္၀င္စားတဲ့ ပ်ိဳပ်ိဳေမတို႔အတြက္ အလြန္ အသံုး၀င္တဲ့အတြက္ အေျခခံ ကိုယ္လိုအပ္မဲ့ထင္တဲ့အေရာင္ကို ယ္ကာတျခားအေရာင္မ်ားေအာက္ခံထားျပီးဆိုးႏုိင္ပါတယ္...ကြ်န္မကေတာ့ ေရႊေရာင္၊ ေငြေရာင္နဲ႔ အစိမ္းေရာင္ေလးကို ၀ယ္ထားပါတယ္... ဒါေပမဲ့ ခုေတာ့ အေျခခံေရာင္ျဖစ္တဲ့ အျဖဴနဲ႔အနက္ကိုလဲ ထပ္၀ယ္ဖို႔လိုေနျပီထင္ပါတယ္... မေဗဒါဆိုးထားတာ ၾကယ္ေၾကြတဲ့ လမ္းေၾကာင္းက အရမ္းၾကီးျပီး သိပ္မလွဖူးျဖစ္ေနပါတယ္... ေလာဘၾကီးျပီး မေပၚမွာစိုးလို႔ ဆိုးလိုက္တာ အရမ္းမ်ားသြားပါတယ္.. ထိုသို႔မျဖစ္ေအာင္ သင္ခန္းစာယူပါေလ... :P

ေဟာဒီလို brush ေသးေသးေလးပါတဲ့ လက္သည္းနီနဲ႔ ေဟာဒီလို ၾကယ္ေၾကြလမ္းေၾကာင္းကို ဆဲြပါ.. မေဗဒါဆဲြသလို လမ္းေၾကာင္း သိပ္မၾကီးသြားေစရန္ သတိျပဳပါ...

ေနာက္ဆံုး အဆင့္အေနနဲ႔ မေဗဒါမွာ အသင့္ရွိျပီးသား ၾကယ္ေလးေတြပါတဲ့ လက္သည္းနီကေန သြားၾကားထိုးတံေလးနဲ႔ ၾကယ္တစ္လံုးစီကို ယူျပီး ၾကယ္ေၾကြလမ္းေၾကာင္းရဲ႕ ထိပ္နားေလးမွာ တင္လိုက္ပါတယ္...

ၾကယ္ေလးတင္ျပီးသြားျပီ သိပ္ေတာ့ မျမင္ရသလိုပဲ...

ေနာက္ဆံုးအေနနဲ႔ အားလံုးေျခာက္သြားျပီဆိုလွ်င္ ေျပာင္လက္သြားေစရန္၊ ၃မ်ိဳးလံုး ပူေပါင္းသြားေ၀ရန္ႏွင့္ ဆိုးထားေသာလက္သည္းမ်ား ၾကာရွည္ခံေစရန္၊ ပဲ့ထြက္ျခင္းေလ်ာ့နည္းေစရန္ ကာကြယ္တဲ့အေနနဲ႔ Top Coat ကို ထပ္ဆိုးပါတယ္... ဒါဆိုရင္ေတာ့ Shooting Star လက္သည္းအႏုပညာျပီးဆံုးပါျပီ... အားလံုး လက္သည္းမွာ ၾကယ္ပြင့္ႏုိင္ၾကပါေစေနာ္....

ကုန္ေပါက္ျဖစ္ေနတဲ့ မေဗဒါရဲ႕ လက္သည္းနီ collection ပါ... I like it

Lee Min Ho and Park Min Young တကယ္ စံုတဲြ ျဖစ္မျဖစ္?

"City Hunter" ရုပ္ရွင္ကားထဲမွာ တဲြဖက္သရုပ္ေဆာင္ခဲ့တဲ့ မင္းသားေခ်ာ လီမင္ဟိုနဲ႔ မင္းသမီးေခ်ာ ပတ္(ခ္)မင္ေယာင္း တို႔ ၂ဦးဟာ ရုပ္ရွင္ဇာတ္ကားအျပီး ဆက္လက္ေတြ႔ဆံုလည္ပတ္ေနၾကတာကို ေတြ႔ရွိတဲ့ ပရိတ္သတ္အခ်ိဳ႕နဲ႔ သတင္းေထာက္ေတြရဲ႕ ေမးျမန္းခ်က္မ်ား အင္တာနက္မွာဓာတ္ပံုႏွင့္တကြ ပ်ံ႕ႏွံ႔လာျပီးေနာက္ ၾသဂုတ္လ ၂၂ ရက္ေန႔မွာ သူတို႔ ၂ေယာက္ တစ္ေယာက္ကို တစ္ေယာက္ခုလို ရင္းႏွီးေနတာ (တနည္းအားျဖင့္ ခ်စ္သူေတြျဖစ္ေနတာ) ၁ လေလာက္ရွိျပီျဖစ္ေၾကာင္း သူတို႔ ေအးဂ်င့္ေတြက ခုလို ေျပာၾကားခဲ့ပါတယ္...

လီမင္ဟိုရဲ႕ ေအဂ်င္စီ StarHaus Entertainment Agency က ေျပာေရးဆိုခြင့္ရွိသူက "သူတို႔ ၂ေယာက္ အလုပ္အတူတူလုပ္စဥ္ အခ်ိန္အတြင္း၊ တစ္ေယာက္ကို တစ္ေယာက္ စိတ္၀င္မွဳကို ခံစားလို႔ ရခဲ့ပံုရပါတယ္... ခုဆိုရင္ သူတို႔ဟာ တစ္ေယာက္နဲ႔ တစ္ေယာက္ ပိုနားလည္လာႏုိင္တဲ့ အဆင့္ေရာက္ေအာင္ ေလ့လာေနၾကပါတယ္"Park Min Young ရဲ႕ King Kong Entertainment Agency ကေတာ့ "သူတို႔ ၂ေယာက္ ဒီရုပ္ရွင္ကားမွာ အတူတူ သူရုပ္ေဆာင္တုန္းက တစ္ေယာက္နဲ႔ တစ္ေယာက္ အေပးအယူ အေတာ္ေလး မွ်ပါတယ္.. ၾကည့္ရတာ တစ္ေယာက္နဲ႔ တစ္ေယာက္ ရုပ္ရွင္ရုိက္ေနတဲ့ အခ်ိန္မွာ သံေယာဇဥ္တြယ္ျပီး ဇာတ္ကား ရုိက္အျပီးမွာ တစ္ေယာက္ကို တစ္ေယာက္ စိတ္၀င္စားခဲ့ပံုရပါတယ္"
Source: www.allkpop.com

၂ဦး လံုးရဲ႕ ေအးဂ်င့္ေတြက "သူတို႔ ၂ေယာက္ တစ္ေယာက္ကို တစ္ေယာက္ စတင္စိတ္၀င္စားလာတာ ၁လေလာက္ေတာ့ ရွိပါျပီ... က်န္တာကေတာ့ သူတို႔ေတြရဲ႕ကိုယ္ေရးကိုယ္တာ ျဖစ္တာေၾကာင့္ ဒီထက္ပိုျပီးေတာ့ မေျပာၾကားႏုိင္ပါဘူး" လို႔ ေျဖၾကားခဲ့ပါတယ္...

ထိုအေျဖကို အင္တာနက္မွ ပရိတ္သတ္မ်ားႏွင့္ သတင္းေထာက္မ်ားက သူတုိ႔ ၂ေယာက္ ခ်စ္သူျဖစ္ေနၾကျပီဟု ယူဆပါတယ္... (ကြ်န္မဆိုလဲ ယူဆမွာပဲ.. ဒါေပမဲ့လဲ relationship ဆိုတာ ရွဳပ္ေထြးပါတယ္... ဒီေတာ့လဲ အျပစ္မေျပာပါဘူး)... တခ်ိဳ႕ကလဲ ၀မ္းသာၾကသလို မင္းသားပရိတ္သတ္တခ်ိဳ႕ကေတာ့ စိတ္မေကာင္းၾကပါဘူး... (မင္းသားရည္းစားရတာနဲ႔ သူတို႔ စိတ္မေကာင္းျဖစ္တာ နားမလည္ႏုိင္ပါဘူး... ဒီတစ္ေယာက္နဲ႔ မၾကိဳက္လဲ သူတို႔ရမွာက်ေနတာပါပဲ... ကြ်န္မအတြက္ကေတာ့ ကိုယ္ၾကိဳက္တဲ့မင္းသား ေပ်ာ္ရင္ျပီးတာပါပဲ... ေတာ္ပါေသးရဲ႕ Boys over flower ထဲက မင္းသမီးၾကီးနဲ႔ မဟုတ္တာကိုပဲ ကြ်န္မက ေက်နပ္လွျပီ... ဒီမင္းသမီးေလးနဲ႔ လိုက္ဖက္တယ္လို႔ ထင္တယ္)...

သို႔ေသာ္ ၾသဂုတ္လ ၂၃ရက္ေန႔မွာ လီမင္ဟိုရဲ႕ ေအဂ်င္စီက သူတို႔ ၂ေယာက္ ခ်စ္သူေတြ မဟုတ္ေသးပါဘူးဆိုတာကို သတိရွိရွိ ျပန္လည္ ျငင္းဆန္လိုက္ပါတယ္... ေျပာေရးဆိုခြင့္ရွိသူက "သူတို႔၂ေယာက္ သိတာ ေတာ္ေတာ္ေလးၾကာျပီျဖစ္တဲ့အတြက္ ခုဆိုရင္ သူငယ္ခ်င္းေတြျဖစ္ေနၾကပါျပီ... City Hunter ဇာတ္ကားအျပီးမွာ သူတို႔ ၂ေယာက္ အျပင္မွာ ေတြ႔ျဖစ္ၾကပါတယ္... ဒါကို ခ်ိန္းေတြ႔တယ္လို႔ ေျပာဖို႔ ခက္ပါတယ္... သူတို႔၂ေယာက္ ခုမွ တစ္ေယာက္ကို တစ္ေယာက္ စိတ္၀င္စားရုံပဲရွိပါေသးတယ္... တစ္ေယာက္အေၾကာင္း တစ္ေယာက္ ပိုသိတဲ့အခ်ိန္က်မွ သူတို႔ေတြ ခ်စ္သူျဖစ္ေကာင္းျဖစ္လာပါလိမ့္မယ္... ဒါေၾကာင့္ သူတို႔ ခ်စ္သူေတြျဖစ္ေနျပီဆိုတာကို ေျပာဖို႔ ေစာပါေသးတယ္... သူတို႔ရဲ႕ ကိုယ္ေရးကိုယ္တာျဖစ္တဲ့အတြက္ေၾကာင့္ ဒီထက္ပိုျပီး ကြ်န္ေတာ္တို႔ မေျပာခ်င္ေတာ့ပါဘူး..." လို႔ ေျပာၾကား ျငင္းဆိုခဲ့ပါတယ္...

ကြ်န္မအတြက္ေတာ့ ဘယ္မင္းသား၊ မင္းသမီး ရည္းစားရသြားျပီ ၾကိဳက္ေနၾကျပီဆိုတာက သတင္းအခ်က္အလက္တစ္ခု အေနနဲ႔ စိတ္၀င္စားလို႔ ဖတ္တာေလာက္ပဲရွိပါတယ္... မင္းသားရည္းစားရလုိ႔ အသဲကဲြတာတို႔ မင္းသမီးကို မုန္းတဲ့ ပရိတ္သတ္မ်ားလာတာတို႔ မျဖစ္သင့္ပါဘူး... အဲဒိမင္းသမီးနဲ႔ မၾကိဳက္လဲ သူက ကိုယ့္လာၾကိဳက္မွာမွ မဟုတ္တာ... ၂ဦး ၂ဖက္ေက်နပ္ေနရင္ျပီးတာပါပဲ... အဓိကက ကိုယ္ၾကိဳက္တဲ့ မင္းသား မင္းသမီး ေပ်ာ္ရင္ျပီးတာပါပဲ... ဘာပဲျဖစ္ျဖစ္ သူတို႔ ၂ေယာက္က ကိုယ္ၾကိဳက္တဲ့ မင္းသား မင္းသမီးျဖစ္တာတစ္ေၾကာင္း .. အသက္အရြယ္မတိမ္းမရိမ္းနဲ႔ ၂ေယာက္လံုးကို လိုက္ဖက္တာတစ္ေၾကာင္းေၾကာင့္ ကြ်န္မကေတာ့ သူတို႔ တစ္ကယ္ၾကိဳက္မယ္ဆိုရင္ သူတို႔အတြက္ ၀မ္းသာပါတယ္လို႔.... သတင္းကို သိတာ ၁လေက်ာ္ေနပင္မဲ့ မအားလို႔ မတင္ျဖစ္တာ... ခုမွ တင္ျဖစ္ေတာ့ သိတဲ့သူေတြေတာင္ ေတာ္ေတာ္မ်ားေနေလာက္ျပီ...

Source: www.allkpop.com