Monday, March 16, 2015

Jang Keun Suk နဲ့ ဝင်ငွေခွန် ပြဿနာ


ဒီပိုစ့်ရေးလို့ ကြိုက်မဲ့သူ ကွန်မန့်မဲ့သူ နည်းမယ်ဆိုတာ သိပေမဲ့ ဂျန်ဂမ်ဆပ်ပရိတ်သတ်တွေအတွက် သူနဲ့ပတ်သတ်တဲ့ စိတ်မကောင်းစရာသတင်းလေးတစ်ခု ဖတ်လိုက်ရလို့ ပြန်ပြောပြချင်စိတ်ဖြစ်မိတယ်။ သတင်းလေးက ၂လလောက်တော့ ကြာပြီဆိုတော့ သတင်းအဟောင်းလေးတောင်ဖြစ်နေပါပြီ။ ဒါပေမဲ့ မဗေဒါကတော့ ခုမှတွေ့လို့ ရေးလိုက်တာပါ။

ဂျန်ဂမ်ဆပ်ပါ၀င်တဲ့ reality-variety program လေးတစ်ခုဖြစ်တဲ့ Three Meals a Day: Fishing Village လေးကနေ သူ့ကို ထုတ်ပယ်ခြင်းခံလိုက်ရပါတယ်။ လောလောဆယ်ရိုက်ပြီးသား အပိုင်းတွေအတွက်တော့ လုံး၀ထုတ်လို့မရတဲ့အတွက် သူပါတဲ့ အခန်းတော်တော်များများကိုတတ်နိုင်သလောက် လျော့ချပစ်ခဲ့တာဖြစ်ပါတယ်။

အကြောင်းကတော့ အစိုးရကို ဝင်ငွေခွန် လိမ်လည် သတင်းပို့ခဲ့တဲ့အတွက်ဖြစ်ပါတယ်တဲ့။ ဖြစ်ပုံက မနှစ်ကမှ အသစ်တက်တဲ့ အခွန်ဝန်ကြီးက စစတတ်ချင်းဆိုတော့ အလုပ်တွေကြိုးစားပြပြီး ရှိသမျှ နိုင်ငံတကာစီးပွားရှာတဲ့သဌေးကုမ္ဗဏီတွေနဲ့ ဝင်ငွေကောင်းတဲ့ သူတွေရဲ့ အခွန်သတင်းပို့ ပေးဆောင်မှုကို စစ်ဆေးခဲ့ပါတယ်။ ကျွန်မတို့ရဲ့ မင်းသားလေး ဂျန်ဂမ်ဆပ်ကလဲ ကိုရီးယားမှာ ဈေးကောင်းပြီး အချမ်းသာဆုံး အနုပညာသမား စာရင်း၀င် ဝင်ငွေရှိတဲ့ Hallyu Star ဆိုတော့ စစ်ခံရတဲ့ နာမည်ကျော်တွေထဲ သူလဲပါတာပေါ့။ အဲဒိမှာ သူ့တရုတ်ပြည်က ၀င်ငွေကို ဒေါ်လာ ၂မီလီယံ လျှိုပြီး စာရင်းသွင်းထားတာ သွားမိတယ်။ အစပိုင်းမှာတော့ သူ့အေးဂျင်စီက ဒါဟာ ဂျန်ဂမ်ဆပ်နဲ့ မပတ်သတ်ဘူး။ သူ့ကို စာချုပ်ချုပ်ထားတဲ့ အေးဂျင့်ကုမ္ဗဏီကိုစစ်ဆေးတာလို့ ထုတ်ပြန်ခဲ့တယ်။

ဒါပေမဲ့ ဇန်နဝါရီ ၁၃ရက်နေ့မှာ ဂျန်ဂမ်ဆပ်နာမည်နဲ့ ယူအက်စ်ဒေါ်လာ ၁၀မီလီယံတန်ဖိုးကို ဒဏ်ကြေးငွေရော အခွန်အဖြစ်ရော ပေးဆောင်ခဲ့တယ်။ ခုလိုမျိုးတွေ့တွေ့ချင်းမှာပဲ မင်းသားဟာ အမြန်ပေးဆောင်ခဲ့တယ်။ အဲ့ဒိအတွက် အခွန်ဌာနကလဲ သူ့ကို ဆက်လက်စစ်ဆေးမနေတော့ပဲ ကိစ္စက ပြီးသွားတယ်။ တစ်ချို့ကိစ္စတွေမှာဆိုရင် ဒီတင်မပြီးပဲ အခွန်ပြစ်မှုဆိုင်ရာဌာနတွေဘာတွေက ဆက်လက်စစ်ဆေးမယ်ဆိုရင် သူ့အိမ်တွေပါတွေ သိမ်းခံရတဲ့အထိ ဖြစ်ကောင်းဖြစ်နိုင်တယ်။ ဒါပေမဲ့ သူတို့ ကုမ္ဗဏီက စာရင်းကိုင်မှားယွင်းတွက်ချက်ခဲ့လို့ မတော်တဆဖြစ်ခဲ့တယ်ဆိုတာကို အခွန်ဌာနက လက်ခံခဲ့တယ်။

စုံစမ်းမှုပြုလုပ်စဉ်က ဂျန်ဂမ်ဆပ်ရဲ့ ထွက်ချက် ဖြစ်တဲ့ “ကျွန်တော့မှာ ပြည်ပ activities အရမ်းများတယ်၊ ဒီတော့ ၀င်ငွေခွန်ကြေငြာရာမှာ အမှားအယွင်းတွေဖြစ်ခဲ့တယ်။ အဲ့ဒါတွေဟာ တမင်တကာ တိမ်းရှောင်ခဲ့တာမဟုတ်ပါဘူး” လို့ ရှင်းပြခဲ့တာကို The Korean National Tax Service က လက်ခံခဲ့တယ်။ ချက်ချင်းလဲ ပေးဆောင်ခဲ့တယ်။

ဘယ်လိုပဲဖြစ်ဖြစ် ကျွန်မအမြင်ကတော့ မင်းသားမှာ အပြစ်မရှိပါဘူး။ သူကိုယ်တိုင်လဲ စာရင်းကိုင်နေတာမဟုတ်တော့ သူ့ကုမ္ဗဏီက စာရင်းကိုင်မှားတယ်ဆိုတာ ဖြစ်နိုင်ပါတယ်။ ကိုယ်သာ အဲ့လောက် ဝင်ငွေတွေကောင်းပြီးနေရင်လဲ ဘယ်လိုလုပ် မှတ်မိမလဲ။ သတင်းတချို့မှာရေးတာကျပြန်တော့ သူ့ကုမ္ဗဏီ သူဌေးက ပိုက်ဆံတွေ ကုလားဖန်ထိုးပြီး တရုတ်ပြည်က ရတဲ့ ဝင်ငွေကို ဂျန်ဂမ်ဆပ်နာမည်အောက်ထည့်ထားတယ်လို့လဲ ကြားတယ်။ ဘာတွေလဲတော့ သေချာနားမလည်ပါ။ (ကိုယ်တွေက သူတို့လောက် ဝင်ငွေမကောင်းပဲ။ လေ့တော့ လေ့လာထားသင့်တယ်။ တချိန်ကိုယ်ဝင်ငွေကောင်းမလာဘူးလို့ မပြောနိုင်ဘူးလေ… ဟိ)။

မင်းသားဟာ ချက်ချင်း အခွန်ပေးဆောင်ခဲ့ပေမဲ့ အွန်လိုင်းသတင်းတွေမှာတော့ မင်းသားနဲ့ အခွန်ပြဿနာက တော်တော်လေးကို လူပြောများနေခဲ့တယ်။ အထူးသဖြင့် မင်းသားက အဲ့ဒိအတောအတွင်းမှာပဲ GangNam မှာ US$ 20 Million တန်တဲ့ တိုက်ခန်းတစ်ခုကို ဝယ်ယူခဲ့တဲ့အတွက် လူတွေရဲ့ အပြစ်တင်ခြင်းကို ပိုခံခဲ့ရပါတယ်။ အဲ့ဒိအတွက် သူလက်ရှိပါဝင်နေတဲ့ Three Meals a Day: Fishing Village ကို ထိခိုက်မှာစိုးလို့ဆိုပြီး အဲ့ဒိအစီအစဉ်ကနေ သူ့ကို ဖြုတ်ချခြင်းခံခဲ့ရတယ်။

သူ့ ကုမ္ဗဏီကတော့ ဂျန်ဂမ်ဆပ်အမှားမဟုတ်ကြောင်း၊ ကုမ္ဗဏီက စာရင်းကိုင်တွက်တာမှားတာဖြစ်ကြောင်း (စာရင်းကိုင်လဲ မြေဇာပင်ဖြစ်ရရှာတယ်။ မပြောနိုင်ဘူးလေ… သူတို့ပဲ အစက ဒီလို တွက်ခိုင်းခဲ့လားမှမသိတာ။ ဘယ်သူမှားတယ် မှန်တယ်ကတော့ ပြောရခက်တယ်)ကြေငြာပေမဲ့ ဂျန်ဂမ်ဆပ်ကတော့ ပရိတ်သတ်ကို တောင်းပန်ဖို့ သူ့မှာတာဝန်ရှိတယ်ဆိုပြီး သူ့ရဲ့ တရား၀င်ဝက်ဆိုဒ်မှာ တောင်းပန်စာရေးခဲ့တယ်။

“Whatever the reason may be, my name was in the middle of the controversy and I wanted to say sorry for that. It was a challenge for me to shoot in the village and the time I spent there is valuable to me.”
ဘာသာပြန်။ ။ “ဘယ်လို အကြောင်းပြချက်နဲ့ပဲဖြစ်ဖြစ် ကျွန်တော့နာမည်ဟာ ခုလို ပြောစရာကိစ္စတစ်ခုဖြစ်ခဲ့တဲ့အတွက် ကျွန်တော့ တောင်းပန်စကားဆိုချင်ပါတယ်။ အဲ့ဒိအစီအစဉ် ရိုက်ဖို့အတွက် ရွာမှာသွားနေပြီး အချိန်တူတူကုန်ဆုံးခဲ့ရတာဟာ ကျွန်တော့အတွက်တော့ စိန်ခေါ်မှုတစ်ခုလိုပါပဲ။”

“I know you had high expectations for the show, so I feel so sorry for that and I feel so small. I will take the time and will visit Cha Seung Won, Yoo Hae Jin and all the production team to offer them my apologies.”
ဘာသာပြန်။ ။ “ဒီအစီအစဉ်လေးအတွက် အရမ်းကို မျှော်လင့်ခဲ့ကြတယ်ဆိုတာ သိပါတယ်။ အဲ့ဒိအတွက်ကြောင့် အရမ်းစိတ်မကောင်းဖြစ်ရသလို စိတ်အားလဲ ငယ်မိပါတယ်။ အချိန်ယူပြီး Cha Seung Won, Yoo Hae Jin (သူနဲ့အတူ အဲဒိအစီအစဉ်မှာပါတဲ့ တခြားသူများ) နဲ့ ထုတ်လုပ်ရိုက်ကူးရေးအဖွဲ့တွေကို သွားရောက်တောင်းပန်ပါအုံးမယ်”

သူရေးတဲ့စာကြည့်ရတာ မဗေဒါအနေနဲ့တော့ သူ့စိတ်နဲ့ ထွက်တာမဟုတ်ပဲ တမင်ကို အဖြုတ်ခံခဲ့ရတယ်ထင်ပါတယ်။ အမှန်တော့ ဒီလောက်ကြီးတဲ့ ပြဿနာလဲမဟုတ်တဲ့အပြင် မှားနေတာ သိတာနဲ့ ချက်ချင်း ပေးဆောင်ခဲ့တဲ့ သူတစ်ယောက်ကို အဲ့လောက်ကြီး ခါးခါးသီးသီး ဖြစ်စရာမလိုဘူးလို့ထင်ပါတယ်။ သူ့ဟာသူ အခွန်မှားမဆောင်မိတာ သူ့ရဲ့ မင်းသားတစ်ယောက်ဖြစ်တည်မှုနဲ့ မဆိုင်ဘူးလို့ထင်တာပဲ။ သူတို့ ကိုရီးယားမှာ ရုပ်ရှင်မင်းသား မင်းသမီးနဲ့ အဆိုတော် Idol တွေက အရမ်း စံပြအဖြစ်နေပြရတယ်ဆိုတာ သိပါတယ်။ အခွန်နဲ့ပတ်သတ်ရင်လဲ စပ်စပ်ထိမခံကြတာ ကြားဖူးပါတယ်။ ဒါပေမဲ့ Tax ဌာနကတောင် သူညာတာမဟုတ်ပဲ အမှန်တကယ် စာရင်းမှားတာကို လက်ခံလို့ ဒဏ်ငွေနဲ့တင်ပြီးစေခဲ့တာကို ဒီလို အကျယ်အကျယ်ဖြစ်တာတော့ မင်းသားကို သနားမိတယ်။ သူ့ပုံစံကြည့်ရတာလဲ ဝင်ငွေခွန်တွေဘာတွေ ဒီလောက် Serious ဖြစ်မှန်း သတိတောင်ထားမိရဲ့လား။ ကိုယ်သာ အဲ့လောက်ရှာနိုင်ရင်ရော ကိုယ်ရော အဲ့လို အမှားမျိုး မတော်တဆ မကျူးလွန်မိနိုင်ဘူးလား? စဉ်းစားစရာပါ။

ဘယ်လိုပဲဖြစ်ဖြစ် ကိုရီးယားက မင်းသား၊မင်းသမီးတွေလဲ တဆိတ်ရှိ အပြောအဆိုခံရတိုင်း သူတို့ဟာ ပရိတ်သတ်ကို တောင်းပန်တယ်။ မထီမဲ့မြင်မပြုဘူး။ သူတို့စိတ်ထဲဘယ်လိုရှိရှိ၊ အပြင်ပန်းတော့ ပရိတ်သတ်ကို သူတို့ sincerely ပုံစံမျိုး တောင်းပန်ရတာပဲလေ။ မြန်မာပြည်က ဆယ်လီဗစ်တီဆိုတာတွေက ပရိတ်သတ် မတောင်းပန်တဲ့အပြင် ဖေ့ဘွတ်ပေါ်တောင် ပြန်တက်ဆဲနေတဲ့ဟာ။ ဘာပဲဖြစ်ဖြစ် ခုလို အမှားဖြစ်ရင် သူတို့ လုပ်ငန်း ချက်ချင်း ထိခိုက်မှုရှိတယ်။ မြန်မာပြည်က ဟိုတစ်လောက ဖေ့ဘွတ်မှာပြန့်လိုက်သေးတဲ့ အနုပညာသမားတွေ ဆေးခြောက်ကိစ္စကို သွားသတိရတယ်။ ဟို မမစိုးကြီးတို့ ဘာတို့ နာမည်တွေရောပါတဲ့ ဟာလေ။ ဒါပေမဲ့ မြန်မာပြည်ကတော့ အပြုံးမပျက်ပဲ။ ပရိတ်သတ်ကိုလဲ တောင်းပန်ဖို့မပြောနဲ့ သူတို့ကိုယ်သူတို့ ပရိတ်သတ်နဲ့တောင် မျိုးတူတယ်လို့ ထင်ကြပုံမရဘူး။ ဘယ် မူးယစ်စစ်ဆေးရေးအဖွဲ့ကမှလဲ မစစ်ဆေးဘူး။ အေးတာပဲ။ ပြီးကျရင် ကိုရီးယား အဆိုတော်တွေ မင်းသား မင်းသမီးတွေ ကြိုက်တဲ့ မြန်မာပရိတ်သတ်ကပဲ အဆင့်မရှိသလိုလို ပြောဆို ပြီး ဂျေဝင်ကြသေးတယ်။ တကယ်စဉ်းစားကြည့်ရင် တကယ်ပါ မြန်မာပြည်မှာ ဥပဒေကို မရှိဘူး။

အဲလေ။ ဥပဒေတော့ရှိတယ်။ တရားတဲ့ ဥပဒေ၊ “တရား ဥပဒေ” မရှိတာ။

ဘယ်လိုပဲဖြစ်ဖြစ် အကောင်းဘက်က စဉ်းစားမယ်ဆိုရင်တော့လဲ မင်းသားဟာ အဲ့အစီအစဉ်နဲ့ အလုပ်မများတော့ဘူးဆိုတော့။ သူ့ရဲ့ အချိန်တွေကို ဇာတ်လမ်းတွဲအတွက် ပိုပေးလာနိုင်မယ်လို့ မျှော်လင့်ရတဲ့အတွက် သူ့ကားအသစ်ကို စောင့်မျှော်လျက်…

News Sources:
http://seoulbeats.com/2015/01/jang-geun-suk-embroiled-tax-controversy/
http://www.koreaboo.com/news/jang-geun-suk-pays-10-million-fees-tax-evasion/
http://www.kdramastars.com/articles/69556/20150120/jang-geun-suk-apologizes-to-his-fans.htm

10 comments :

Anonymous said...

အျပစ္မျမင္ပါဘူး ခ်စ္ခ်င္တာပဲသိနားလည္ းP
အကိုရီးယားမွာေတာ့ စလစ္ဗ်စ္တီေတြ ျပသနာတခုခုဆို လူေတာထဲမသြားတာနဲ႕ လူေတြ သူတို႕ကိုေမ့ေအာင္ေနၾကတယ္
ျမန္မာက စလစ္ဗ်စ္တီေတြကေတာ့ ျပသနာ ျဖစ္ေလ နာမည္ၾကီးေလဆိုေတာ့ကား
ျမန္မာ ပိတ္သတ္ၾကီးက သေဘာထားၾကီးတာေတာ့ ကိုရီးယားေတြ ယွဥ္လို႕ မမွီပါဘူးေလ

madyjune said...

သူ႔အျပစ္​မဟုတ္​ပါဘူး။ သူတို႔ ကိုရီးယားက netizen ​ေတြဆိုတာ ျမန္​မာျပည္​က Facebook ​ေပၚတက္​​ေနတဲ့လူ​ေတြလိုပဲ ​အလြယ္​တကူ အျပစ္​တင္​ဖို႔ပဲသိတယ္​။

Anonymous said...

Korea ပရိတ္သတ္ မဟုတ္ေသာ္လည္း စိတ္၀င္စားစြာ ဖတ္သြားပါတယ္..သနာူပါတယ္..ဘာမွ လဲ မဟုတ္ပဲနဲ ့

ေမဇင္

mabaydar said...

@Anonymous: ဟုတ္ပါ့ ဟုတ္ပါ့။ ခ်စ္ခ်င္တာပဲ သိတာ... ျမန္မာျပည္မွာ ဆယ္လီျဖစ္ခ်င္ရင္ လူေျပာခံရမဲ့ဟာတစ္ခုခုလုပ္လိုက္... နာမည္ၾကီးျပီးသားပဲ။ Troll နဲ႔ Scandal လဲ မကဲြၾကဘူး။ Famous နဲ႔ notorious လဲ မကြဲၾကဘူး။

@Mady June: ကိုရီးယားက netizen ေတြက ျမန္မာ facebooker ေတြလို အလြယ္တကူ အျပစ္တင္ၾကတဲ့ဆိုေပမဲ့ သူတို႔ေျပာတာေတြက ျဖစ္ရပ္မွာပါ၀င္သူကို တကယ္ သြားထိေရာက္တယ္။ ခုပဲ JKS ေလး မပါရေတာ့တာၾကည့္။ ခု Kim Hyun Joong လဲ စစ္ထဲ၀င္ေတာ့မယ္တဲ့။ သူျပန္ျငိမ္ရေတာ့မယ္ေလ။ ျမန္မာ အြန္လိုင္း သမားေတြက keyboard worriers ေတြလို အြန္လိုင္းမွာပဲ သတ္မယ္ျဖတ္မယ္ေျပာျပီး ေနာက္က် ျပီးသြားတာမဟုတ္ဘူး။

@မေမဇင္-
ေဖ့ဘြတ္က အစ္မ ေမဇင္လား? ကိုရီးယား ပိတ္သတ္မဟုတ္ေပမဲ့ လာဖတ္ျပီး ခုလို တကူးတက မန္႔သြားေပးတာ ေက်းဇူးကမာၻပါ။

Anonymous said...

Sis, actress Song Hye Kyo lae ae di tone ka list hte mer par thay tel naw. Thu tot bar ma phit than ma kyar lite bu.

Ae lo pyaw lot thu ko ma like bu ma htin nae oo naw. Thu tot 2 yok lone ko arr kyi like :P

Lavender

mabaydar said...

Song Hye Kyo က မႏွစ္က ျဖစ္တာ... JKS နဲ႔ တစ္ျပိဳင္တည္းေတာ့ မဟုတ္ဘူး... ျပီးေတာ့ သူက မင္းသားေလာက္ မထိခိုက္ခဲ့ဘူး.

Anonymous said...

သူကကိုဟိုအရင္ထဲကၾကိဳက္တာ။ ေနာက္ပိုင္းသူ႕ ေတြက မေကာင္းတာမ်ားလာလို႕မ ၾကည့္ျဖစ္ေတာ့တာ။


Lavender

Anonymous said...

Ae dar pyaw ter pot. Thu tot tway ka lae bat lite tel naw :(


Lavender

Anonymous said...

ကိုယ္ဖန္စီျဖစ္တဲ႔ပံုမ်ိဳးမဟုတ္ေပမယ္႔ သူက ဖန္ဆားဗစ္ေတာ္ေတာ္ေကာင္းတဲ႔မင္းသားလို႔သိထားေတာ႔ သေဘာက်တာေပါ႔ေနာ္ ကိုယ္လုပ္ေနတဲ႔အလုပ္အေပၚ attitude ေကာင္းတဲ႔ မင္းသားအျဖစ္ ေလးစားမိတယ္ အခြန္ကိစၥကလဲ သူ႔မွာအျပစ္မရွိဘူး တကယ္မေပးဘူးပဲဟုတ္ပါေစဦး သူသူကိုယ္ကိုယ္ ေရွာင္လို႔ရရင္ေရွာင္မွာပဲ သူ႔လိုဝင္ေငြအရမ္းေကာင္းတဲ႔လူေတြေမြးျပီး အခြန္ေကာက္စားတာက နိုင္ငံႀကီးေတြရဲ႔လုပ္ရိုးလုပ္စဥ္ေငြရွာနည္းေလ သူတို႔အေနနဲ႔လဲ ခက္ခက္ခဲခဲေအာင္ျမင္ေအာင္ ႀကိဳးစားျပီးရလာတဲ႔ေငြကို ေပးေပးေနရတဲ႔အခြန္က တလံုးတခဲဆိုေတာ႔နွေမ်ာေပမေပါ႔ ဒီကေဘာလံုးသမားေတြဘာေတြဆိုလဲ ေလးဆယ္ရာခိုင္ႏႈန္းအခြန္ေပးရလို႔ အျမဲျငီးျငဴေနၾကတာၾကားေနရတာပဲ ေဝဖန္တဲ႔လူကေတာ႔ရွာႀကံေျပာေနမွာပဲ ျမန္မာျပည္က ျပည္သူေတြကို ေဖ႔ဘုတ္မွာကေလာ္တုတ္ေနက် က်ား္ေပါက္တို႔ ယုန္ေလးတို႔ ဒါမ်ိဳးအတုယူသင္႔တယ္ 2NE1ရိႈး ဝတ္မႈန္ေရႊရည္သြားၾကည္႔လို႔ 'ကိုယ္လဲဆယ္လီ သူလဲဆယ္လီပဲဲ ကိုယ္႔က်သူကပိုက္ဆံေပးမၾကည္႔ပဲ သူ႔ဘာလို႔သြားၾကည္႔တာလဲ မကစ္ရယ္' လို႔ ေဖ႔ဘုတ္မွာ ေကာမန္႔ေရးတဲ႔ နလပိန္းတံုးေတြလဲ သူတို႔ဆယ္လီေတြ ဘယ္ေလာက္ ပရိုဆန္တယ္ နွိမ္႔ခ်စြာအလုပ္လုပ္တယ္ဆိုတာေလ႔လာသင္႔တယ္ အမေလး ေမာထွာ

Wine

Anonymous said...

အရမ္းေတာ္တဲ့ မင္းသားေလးမိုု႕ ေတာ္ေတာ္ၾကိဳက္တာ ... ခုုေနာက္ပိုုင္း ကြာလတီရွိတဲ့ ကားေတြမွာ မေတြ႕ရလိုု႕ စိတ္မေကာင္းျဖစ္ေနတာ ... အရည္ခ်င္းရွိသူမိုု႕ တေန႕ ျပန္ထိပ္ဆံုုးေရာက္လာမယ္ ေမွ်ာ္လင့္မိတယ္