Friday, May 30, 2014

2013 Best Korean Dramas - Review (Part 1)

မေလအတွင်း ၁ပိုစ့်လောက်တော့ ရေးမှဖြစ်မယ်…
၂၀၁၃ အတွင်းပြသခဲ့တဲ့ ကိုရီးယား ကားတွေနဲ့ ၂၀၁၃ အတွင်း စပြပြီး ၂၀၁၄ နှစ်စကို ကူးသွားတဲ့ ကားတွေထဲကမှ မဗေဒါကြည့်ဖြစ်ခဲ့တဲ့ကားတွေကို စာရင်းပြုစုပြီး အဲဒိထဲကမှ မဗေဒါ နှစ်သက်ခဲ့တဲ့ ကားတွေကို ဒီပိုစ့်မှာ ရေးပါမယ်… ၂၀၁၂ တုန်းကလိုပဲ အကန့် ၃ကန့်ခွဲလိုက်ပါတယ်
ပထမအနေနဲ့ မဗေဒါအကြိုက်ဆုံးကားတွေရယ်၊ (၆ ကား)
ဒုတိယအနေနဲ့ အပျင်းပြေကြည့်ချင်ရင်တော့ မဆိုးပါဘူးဆိုတဲ့ So-So ကားတွေရယ် (မဗေဒါကို Crazily မဟုတ်ပေမဲ့ ကားအဆုံးထိ ကြည့်ဖြစ်အောင် ဆွဲဆောင်နိုင်တဲ့ကားတွေပေါ့)၊ (၇ ကား)
တတိယအုပ်စုကတော့ မဗေဒါ အဆုံးထိ မကြည့်ဖြစ်တဲ့ကားတွေပေါ့… အဆုံးထိမကြည့်ဖြစ်ဘူးဆိုတာမှာ အကန့် ၂ကန့် ထပ်ခွဲရမယ်.
မဆိုးပေမဲ့ အကြောင်းအမျိုးမျိုးကြောင့် ဆက်မကြည့်ဖြစ်တော့တဲ့ ကားတွေ (နောင်တစ်ချိန် ပြန်ကြည့်ချင်လဲကြည့်မယ်) (၃ ကား) နဲ့ ကြည့်ဖြစ်ပြီး ဘယ်လိုမှ သည်းမခံနိုင်လွန်းလို့ရပ်ပြစ်ခဲ့တဲ့ Bad-Dramas (၄ ကား) တွေ ဖြစ်တယ်…


1. That winter, the wind blows





Episode
: 16
Genre: Melodrama, romance
Broadcast Period: February 13, 2013 – April 3, 2013

Main Cast
Jo In Sung as Oh Soo
Song Hye Kyo as Oh Young
Kim Bum as Park Jin Sung
Jung Eun Ji as Moon Hee Sun

Production credit:
Director Kim Kyu-Tae & screenwriter No Hee-Kyung

My Rating: 4/5

ဇာတ်လမ်းအကျဉ်း

ဒီကားက 2006 ခုနှစ်တုန်းက နာမည်ကြီးခဲ့တဲ့ Loves Me Not ဆိုတဲ့ ဗွီဒီယိုကားလေးကို ဇာတ်လမ်းတွဲအဖြစ် ပြန်ရိုက်ထားတာပါ… မြန်မာကားမှာ “နေကြတ်ချိန်” ဆိုပြီး နေတိုးနဲ့ စိုးပြည့်သဇင်တို့ရိုက်ထားတာရှိလို့ ခု ကိုရီးယားဇာတ်လမ်းတွဲက မြန်မာကား နေကြတ်ချိန်ကနေ ခိုးချသွားပါတယ်ဆိုပြီး မဟုတ်တရုတ်တွေထွက်မှာစိုးလို့…. (ပြောလို့ရတာမဟုတ်ဘူး… ငါတို့နိုင်ငံက မှတ်သားလောက်တဲ့ စကားတွေ မေးရိုးပြုတ်ထွက်သွားလောက်အောင် အံ့သြလောက်တာတွေကို အစိုးရကအစပြောနေတော့ စကားကြိုခံရတယ်)…
၂၀၁၃ ထွက်တဲ့ကားတွေထဲက လူပြောများတဲ့ ကားတစ်ကားဖြစ်တဲ့အတွက် အားလုံးနီးပါးလဲ ဒီကားလေးကို ကြည့်ပြီးလောက်မယ်ထင်ပါတယ်… ဒီတော့ ဇာတ်လမ်းကိုတော့ တကယ်ကို အကျဉ်းပဲရေးပါတော့မယ်… လောင်းကစားဘုရင် လူလိမ် Oh Soo ဟာ မျက်စိမမြင်တဲ့ သူဋ္ဌေးသမီးလေး Oh Young ရဲ့ ပျောက်ဆုံးနေတဲ့အစ်ကိုအဖြစ် ဝင်ရောက်ဟန်ဆောင်ပြီး အမွေတွေကို လိမ်ယူဖို့ကြံစည်ခဲ့ပါတယ်… Oh Soo ဟာ သူ့ပထမချစ်သူနဲ့ သေကွဲကွဲပြီးကတည်းက ရည်ရွယ်ချက်မဲ့နဲ့ ဘဝကို ဖြစ်သလိုဖြတ်သန်းနေတဲ့သူတစ်ယောက်ပါ… Oh Young ကတော့ အချစ်ကို မယုံကြည်သလို သူမျက်စိမမြင်တာကို အခွင့်ကောင်းယူပြီး သူ့အပေါ်မကောင်းကြံတဲ့ သူ့ပတ်ဝန်းကျင်အသိုင်းအဝိုင်းက လူတွေကိုလဲ မယုံကြည်တဲ့ သူဋ္ဌေးသမီးတစ်ယောက်ပေါ့… ဒီ ၂ယောက်တွေ့ကြတဲ့အခါမှာတော့ အချစ်ရဲ့ အဓိပ္ပါယ်အစစ်ကို သူတို့တွေ ထိတွေ့ခံစားခဲ့ကြရတယ်….

ဝေဖန်ရေး



ဒီဇာတ်လမ်းက အောင်မြင်ပြီးသားဇာတ်ကားဆိုတော့ ဇာတ်လမ်းကျောရိုးအရကောင်းပါတယ်… ပထမမှာ သိချင်မိတာက ရုပ်ရှင်ကို ဇာတ်လမ်းတွဲလုပ်ပြီး ပျင်းစရာမကောင်းအောင် ဘယ်လိုပြန်ရိုက်မလဲလို့တွေးမိပါတယ်… ဒါပေမဲ့ ရုပ်ချောရုံတင်မကပဲ သရုပ်ဆောင်တဲ့နေရာမှာလဲ ပိုင်နိုင်အရည်အသွေးပြည့်ဝတဲ့ Jo In Sung နဲ့ Song Hye Kyo ဖြစ်နေတာရော၊ ဇာတ်လမ်းကိုလဲ ပိုစိတ်ဝင်စားစရာကောင်းအောင် ထပ်ဖြည့်စွက်တာလေးတွေကြောင့်ရော၊ ဇာတ်ဝင်တေးက အစ နားထောင်လို့ကောင်းတာရောဆိုတော့ ဒီဇာတ်လမ်းအောင်မြင်တယ်ဆိုတာ သံသယမရှိလောက်ပါဘူးနော်… အစကတော့ ကိုယ်သိပြီးသားဇာတ်လမ်းကြီးမို့ ဇာတ်လမ်းကို သိပ် feel မလာခဲ့ပေမဲ့ မင်းသား၊ မင်းသမီးကြိုက်လို့ကြည့်ဖြစ်ခဲ့တာပါ… ဥပမာ ငှက်သိုက်မုန့် ကိုက်တဲ့အခန်းတို့ ဘာတို့ဆို ကိုယ်တိုင်တောင် ရင်ထဲ လှပ်လှပ် နဲ့ရယ်… ကိုယ်သာ မင်းသမီးနေရာမှာဆို Jo In Sung ရဲ့ အကြည့်ဆွေးဆွေးကြီးတွေနဲ့တင် အရည်ပျော်ပြီး မတ်မတ်တောင်ရပ်နိုင်မှာဟုတ်ဘူး… မင်းသမီး မျက်စိကန်းနေလို့တော်တော်တယ်… ခွိ… အဲဒိအခန်းကလဲ “Secret Gardan” က Cappuccino foam Kiss လိုပဲ နာမည်ကြီးပြီး လိုက်လုပ်ကြတယ်ဆိုပဲ… (ကိုယ်တောင် Pre-wedding photo လေး အဲ့စတိုင်လေးနဲ့ ရိုက်လိုက်ရ… ခွိ… စိတ်ကူးယဉ်ရုံသာ…. တကယ်လုပ်ဖြစ်မည်မဟုတ်)…

မင်းသားနဲ့ မင်းသမီးက မျက်ရည် တစ်စက်လောက်ကျရင် ကိုယ်က ဒီမှာ တရွှဲရွှဲဖြစ်နေရပြီ… ဒါပေမဲ့ ဒီဇာတ်ကားက အဆုံးပိုင်းနားအရောက်မှာ ဘာတွေဘယ်လိုဖြစ်ပြီး ကြည့်တဲ့ ပရိတ်သတ်ကို မျက်စိလည်သွားစေတာမျိုး၊ မင်းသမီးဇာတ်ကောင်ရဲ့ အတွေးကို ချစ်တော့ချစ်တယ် ခွင့်မလွှတ်နိုင်ဘူးဆိုပေမဲ့ နောက်မှ ခွင့်လွှတ်မယ်ဆိုတာကို နားမလည်နိုင်တာမျိုး၊ လူဆိုးတွေက သူ့ကို သတ်ချင်နေတာ သူ့သူငယ်ချင်းကောင်လေး Jin Sung (Kim Bom) ကို အကျပ်ကိုင်ပြီးခိုင်းတယ်… အဲဒိအပိုင်းကို နည်းနည်းလေး ရှင်းရှင်းလင်းလင်းနဲ့ ပရိတ်သတ်ကို စိတ်ကျေနပ်မှုပေးနိုင်လောက်တဲ့အထိ ပြသင့်တယ်… သိပ်ကို သစ္စာရှိပါတယ်ဆိုတဲ့သူတစ်ယောက်က မိသားစုကြောင့် သူငယ်ချင်းကို သတ်ရပါတယ်ဆိုတာကိုလက်ခံနိုင်ပေမဲ့ ဇာတ်လမ်းအရ သူ့ရဲ့စိတ်အပြောင်းအလဲကို ပြတာသိပ်မခိုင်လုံဘူးလို့ထင်တယ်… သူ့ကို ဓားနဲ့ထိုးလိုက်ပါပြီတဲ့… သူကလဲ သူ့ဇောနဲ့သူမို့ မသေဘဲ ဆေးရုံကိုသွားတယ်… မသေသေးဘူးဆို ဘာလို့ ဆက်လိုက်မသတ်လဲ… Oh Soo မသေရင် သူ့မိသားစုကို အကျပ်ကိုင်ထားတယ်ဆို? တကယ်လို့ ခုလို မသေသေးပဲ လွှတ်ပေးလိုက်လို့ရတယ်ဆိုရင် အစကတည်းက ဘာလို့ ဓားနဲ့ထိုးသေးလဲ? ဓားနဲ့ထိုးလိုက်ပြီးတော့ တစ်ခါတည်း ၁နှစ်ကြာပြီးနောက်ဆိုပြီး ရောချပစ်လိုက်ရော… ဘာတစ်ခုမှကို ရှင်းမပြသွားဘူး… Jin Song နဲ့ သူ့ကောင်မလေးနဲ့ပြောတဲ့ စကားပြောအရ Oh Soo ကပဲ သေသွားလို့ သူ့အုပ်ဂူမှာ ပန်းသွားထားမဲ့ပုံစံမျိုးပြောတယ်… နောက်ကျတော့ မင်းသမီးက မင်းသားနဲ့ လမ်းမှာတွေ့ရင်း ကော်ဖီဆိုင်ကိုရောက်သွားပြန်ရော… မင်းသမီးက လုံးလုံးလဲ မျက်စိမမြင်ရသွားဘူး… မင်းသားနဲ့ မင်းသမီးကပဲ ၂ယောက်လုံးသေပြီး ပြန်တွေ့တာလား… အဲလိုလဲဟုတ်သေးပါဘူး… ကောင်းကင်ဘုံမှာ ဘယ်လိုလုပ် ကော်ဖီဆိုင်ရှိပြီး အလုပ်သမားကဖြစ်ရအုံးမှာလဲ… ဒီတော့လဲ အတည်ပဲလား… အတည်ဆိုရင်လဲ ဘာလို့ အိပ်မက်လိုလို effect မျိုးသုံးပြီး ၀ါးတားတားနဲ့ soft focus တွေသုံးထားသေးလဲ… Jin Song (Kim Bum) တို့အတွဲက မင်းသားသေသွားပြီဆိုတာပဲသိတယ်ဆိုတော့… နောက်ဆုံးခန်းကပဲ မင်းသမီး အိပ်မက်မက်နေတာလား… ဘာမှန်းတော့ သေချာမသိပေမဲ့… မင်းသားနဲ့မင်းသမီးက အရမ်းလှတဲ့ ပန်းပင်တန်းကြီးအောက်မှာ ချစ်စိတ်တွေ ရွှမ်းရွှမ်းဝေပြီး နမ်းပြတာနဲ့ ပရိတ်သတ်တွေကို နှစ်သိမ့်ပြီး အပြီးသတ်ပေးသွားတယ်… ဒီတော့ နည်းနည်းတော့ နင်ပေမဲ့ ကိုယ်ဖြစ်စေချင်တဲ့ အတိုင်းလေး Happy ending လိုလိုဘာလိုလိုဆိုတော့လဲ ကွန်ပလိန်းရတာက ခက်တယ်…

မင်းသမီး မင်းသား အကောင်းစားတွေကြောင့် သရုပ်ဆောင်ပြောစရာမရှိသလို…. ဇာတ်ဝင်တေးကောင်းတွေကို လိုအပ်တဲ့နေရာမှာ တိကျမှန်ကန်သုံးနိုင်တော့ ဇာတ်လမ်းက ကြည့်သူကို မြောပါအောင်တော့ ဆွဲဆောင်နိုင်တယ်ဆိုတာ သေချာပါတယ်… အဆုံးပိုင်း ဇာတ်သိမ်းကြောင့် အမှတ်ပြည့်မရပဲ ၄မှတ်ပဲပေးလိုက်တာပါ…


2. I Hear your voice





Episodes: 18
Genre: Romance, fantasy, crime, mystery
Broadcast period: 2013-Jun-05 to 2013-Aug-01
Air time: Wednesday & Thursday 22:00


Main Cast:
Lee Bo Young as Jang Hye Sung
Kim So Hyun as young Hye Sung
Lee Jong Suk as Park Soo Ha
Goo Seung Hyun as child Soo Ha
Yoon Sang Hyun as Cha Kwan Woo
Lee Da Hee as Seo Do Yeon / Hwang Ga Yeon
Jung Min Ah as young Do Yeon
Written by Park Hye-ryun
Directed by Jo Soo-won


My Rating: 5/5


ဇာတ်လမ်းအကျဉ်း

ဒီဇာတ်လမ်းလေးက တရားခွင် ပတ်ဝန်းကျင်ကို အချစ်ဇာတ်လမ်းလေးနှောထားပြီး စိတ်နယ်လွန် Fantasy လေးပါထည့်ပေါင်းထားလို့ ရသစုံတယ်လို့ပဲ ပြောရပါမယ်… ခက်ခဲကြမ်းတမ်းမှုတွေနဲ့ နားကျဉ်းမှုတွေ ကြားကနေ ရှေ့နေတစ်ယောက်ဖြစ်လာတဲ့ Jung Hye Sung ဟာ အတ္တကြီးပြီး ငွေမျက်နှာတစ်ခုတည်းပဲလိုက်တတ်တဲ့ Public Defender တစ်ယောက်ဖြစ်လာခဲ့ပါတယ်… ဒါပေမဲ့ သူမဘဝအပေါ်အတွေးအမြင် အမှန်တရားဘက်က ရပ်တည်မှုဟာ အထက်တန်းကျောင်းသားလေး Park Soo Ha၊ အမှန်တရားဘက်က အမြဲရပ်တည်ပြီး အလုပ်ကို အရမ်းလေးစားတန်ဖိုးထားတဲ့ ရှေ့နေ Cha Gwan Woo တို့နဲ့အတွေ့မှာ ပြောင်းလဲခဲ့ပါတယ်… Soo Ha ဟာ သူ့အဖေ အသတ်ခံရတာကို ငယ်ငယ်တုန်းက မျက်မြင်ကိုယ်တွေ့ဖြစ်ပြီးတဲ့အချိန်ကစပြီး လူတွေရဲ့ မျက်လုံးကိုကြည့်ယုံနဲ့ သူတို့ဘာတွေးနေလဲဆိုတာကိုသိနိုင်တဲ့ ထူးခြားတဲ့အစွမ်းတစ်ခုကို ပိုင်ဆိုင်ထားတာပါ… Soo Ha အဖေ အသတ်ခံရတဲ့အမှုကို အဲဒိအချိန်က အထက်တန်းကျောင်းသူအရွယ်ဖြစ်နေတဲ့ Hye Sung က ပစ္စည်းသက်သေနှင့်တကွ သက်သေခံထွက်ချက်ပေးခဲ့လို့ တရားခံ လူသတ်သမားက သူထောင်ကထွက်လာလျှင် လာသတ်မယ်ဟု ကြိမ်းဝါးခြင်းကို ခံခဲ့ရပါတယ်… Soo Ha ဟာ အဲ့ဒိအချိန်ကတည်းက သူ့ဘက်က ထွက်ချက်ပေးသွားတဲ့ မမကြီး Hye Sung ကို သူကြီးလာရင်ကာကွယ်ပေးမယ်ဆိုပြီး တဖက်သတ်ချစ်ခဲ့တာပေါ့…

သူတို့တွေအားလုံးတူတူပေါင်းစုံပြီး မတရားမှုတွေကို ဘယ်လိုဖော်ထုတ်မလဲ၊ လူသတ်သမားထောင်ကထွက်အလာမှာ သူတို့ကို ဘယ်လိုလိုက်နှောင့်ယှက်မလဲ၊ Hye Sung ရဲ့ ဘဝနဲ့ အလုပ်အပေါ်မှာထားတဲ့ အမြင်ဟာ Soo Ha နဲ့ Gwan Woo ကြောင့် ဘယ်လို တဖြည်းဖြည်းပြောင်းလဲလာလဲ၊ Hye Sung, Soo Ha နဲ့ Gwan Woo တို့ရဲ့ သုံးပွင့်ဆိုင်အချစ်ဇာတ်လမ်းလေးက ဘယ်လောက် ရင်ခုန်ဖို့ကောင်းသလဲ… Soo Ha ကရော သူဟာ အားကိုးရလောက်တဲ့ အရည်အချင်းရှိတဲ့ ယောကျာင်္းကောင်းဖြစ်တယ်ဆိုတာ သူ့ချစ်သူ မမကို ဘယ်လို သက်သေပြမလဲ…. စသည် စသည်ဖြင့် စိတ်ဝင်စားတယ်ဆိုရင်တော့ ကြည့်ပါလို့ တိုက်တွန်းလိုက်ပါတယ်…

ဝေဖန်ရေး

ကိုယ်ပြောလိုက်ရင် ဇာတ်လမ်းတောင် ပေါ့သွားမှာစိုးလို့ ဘာပြောရမှန်းတောင် မသိတော့ပါဘူး… ဒီကားဟာ ၂၀၁၃ ပြသွားသမျှကားတွေထဲမှာ ကျွန်မအကြိုက်ဆုံး ကား ၂ကားထဲက တစ်ကားပါပဲ… ဇာတ်လမ်းက လုပ်ငန်းခွင်နဲ့ တရားရေးဘက်ကို ပြထားသလို၊ စိတ်နယ်လွန်နဲ့ အချစ်ဇာတ်လမ်းဘက်မှာလဲ မလစ်ဟာခဲ့ပါဘူး… ဘာရယ်မဟုတ်တွေးမိတာက Secret Garden နဲ့ ယှဉ်ရင် မင်းသား Lee Jong Seok က ရာထူးတက်သွားပြီး မင်းသား Yoon Seng Hyun က နေရာကျသွားတယ်လို့ပဲပြောရမလား… 

အဲ့ဒိကားၾကည့္ေနတုန္းက Screen Shoot လုပ္ျပီး Mabaydar facebook page မွာ တင္ျဖစ္ခဲ့တာ...

ဘာလို့လဲဆိုတော့ Secret Garden မှာ Yoon Seng Hyun က Oscar အဖြစ် ဒုတိယမင်းသားဖြစ်ခဲ့ပြီး Lee Jong Seok က အဲ့ဒိတုန်းက ဧည့်သည်သရုပ်ဆောင် သာသာလေး ပါရရှာတာ… ဒါပေမဲ့လဲ ခု I hear your voice ကတော့ သူ့ဇာတ်ကောင် Character နဲ့သူဆိုတော့လဲ အဲလို ယှဉ်လို့တော့ ဘယ်ရမလဲနော်…
ဒီကားက ပျော်စရာ အဆုံးသတ်ကားလေးဖြစ်တဲ့အပြင် အဆုံးမှာလဲ ဘယ် Character က ဘာဖြစ်သွားတယ်ဆိုတာကို ရှင်းရှင်းလင်းလင်းပြသခဲ့တယ်… ဘယ်အချိန်မှာ ဘယ်လိုဖြစ်လာတယ်ဆိုတာကို အသေးစိတ်ပြနေစရာမလိုပဲ နောက်ဆုံး ဘယ်သူက ဘာဖြစ်တယ်ဆိုတာကို ပြလိုက်တာဟာ ထိထိမိမိနဲ့ ကျေနပ်စရာလို့ထင်မိတယ်…
နောက်ပြီး အချစ်ဇာတ်လမ်းမှာလဲ အသက်ကွာပေမဲ့ Hye Sung ဟာ အမြဲတမ်း အသက်ကြီးလို့ လူကြီးနေရာဖြစ်ရမယ်ဆိုပြီး တွေးနေကျ စိတ်ကနေ သူမဟာ တစ်ခါတစ်ရံမှာ သူချစ်တဲ့ Soo Ha နဲ့ လူကြီးတစ်ယောက်လို အမြဲ နေနေစရာမလိုပဲ သာမန်ချစ်သူတစ်ယောက်လိုပဲ နေလို့ရတယ်… Soo Ha ဟာလဲ ဒီ Relationship မှာ အသက်ငယ်ပေမဲ့ သူ့အရွယ်နဲ့သူ အားကိုးလောက်တဲ့ ဦးဆောင်နိုင်တဲ့သူတစ်ယောက်ဖြစ်လို့ရတယ်… ကောင်လေးတစ်ယောက်ကနေ ယောကျာင်္းတစ်ယောက်အဖြစ် တဆင့်ဆင့်ရင့်ကျက်လာတဲ့ Character development ကို ပြသရာမှာ ပရိတ်သတ်ကို စိတ်ကျေနပ်မှုရစေတယ်လို့ထင်တယ်… 

ဥပမာ Hye Sung က သူ့စိတ်ထဲမှာ ကိုယ့်ထက်ငယ်တဲ့သူနဲ့ တွဲလို့ တစ်ချိန် Soo Ha သူ့ကို ထားသွားရင် ဆိုတာကို အမြဲတွေးနေခဲ့တယ်… Soo Ha ကိုချစ်ပေမဲ့ သူမရဲ့ အနာဂတ်အစီအစဉ်တွေမှာ Soo Ha ကိုထည့်မတွက်ခဲ့ဘူး… ဒါတွေအားလုံးကိုလဲ Soo Ha က သူမဘာတွေးလဲဆိုတာကို သိနေတယ်… Soo Ha စိတ်ထဲမှာ သူ့ချစ်သူက စိုးရိမ်စိတ်နဲ့ စိတ်ကို အမြဲပြင်ဆင်ထားတယ်ဆိုတာသိတယ်… ဘယ်လိုအခြေအနေမျိုးပဲဖြစ်ဖြစ် သူတို့ ၂ယောက် အကြောင်းအမျိုးမျိုးကြောင့် ကွဲခဲ့မယ်ဆိုရင်တောင် သူ့ဘက်နေစပြီး ပြန်ချစ်မယ်… သူ့ဘက်ကနေ အမြဲသတိရနေပေးမယ်လို့ သဘောထားပေးခဲ့တယ်… (So Romantic, isn’t it?) … ဒါပေမဲ့ အဆုံးပိုင်းမှာ Hye Sung က Soo Ha ရဲ့ ဒိုင်ယာရီကိုဖတ်မိပြီး Soo Ha ရဲ့ အတွေးတွေကို သူသိသွားတယ်… အဲဒိအချက်လေးကလဲ အသက်ကွာတဲ့ သူတို့ ချစ်သူ၂ဦးရဲ့ Relationship ကို သို့လောသို့လောမဖြစ်တော့ပဲနဲ့ ခိုင်မာတဲ့ ဆုံးဖြတ်ချက်တစ်ခုနဲ့ ရှေ့လျှောက်သွားတယ်ဆိုတာကို ပြသတဲ့အတွက် ပရိတ်သတ်ကို Convince ဖြစ်စေတယ်… 



အဲဒိတုန္းက သေဘာက်မိတဲ့ စကားေျပာေတြ...

ဒီစာရေးဆရာက Voice နဲ့ Dream High ကို ရေးခဲ့သူတဲ့… Dream High တုန်းကလဲ သူ့ဇာတ်သိမ်းကို သဘောကျတယ်… မင်းသားက နားလေးသွားတယ်ဆိုပေမဲ့လဲ ဇာတ်သိမ်းကို အလေးချိန်မျှတစွာသိမ်းလိုက်နိုင်တယ်လို့ထင်တယ်… (အော်… Dream High ဘက်ရောက်သွားပြန်ပြီ…) 
ဒီကားနဲ့ မင်းသမီး Lee Bo Young ဟာ Korean Drama Award ကပေးတဲ့ Grand Prize (Daesang) ဆု ကိုရခဲ့ပြီး သူတို့ အတွဲဟာ Best Couple ဆုကိုလဲ ရရှိခဲ့တယ်.. 

မင်းသား Lee Jong Suk ဟာလဲ Excellenct Award, Actor ဆုကိုရခဲ့ပြီး ၊ လူဆိုးလုပ်တဲ့ Jung Woong-in ကတော့ ဒီကားနဲ့ Top Excellence Award, Actor ဆုကိုရရှိခဲ့တယ်… (လူဆိုးလုပ်တာလဲ တော်ပါပေတယ်… မုန်းချာကောင်းတာကိုး)…

ဒီကားကို ကြိုက်လွန်းလို့ မြန်မာသီချင်းနဲ့ Music video တောင် လုပ်ဖြစ်သေးတယ်… နောက်ထပ်လုပ်မယ်ဆိုပြီး ထပ်မလုပ်ဖြစ်တော့ဘူး… လုပ်ထားပြီးတာလေးကြည့်လိုက်နော်… မကြည့်ရသေးရင်တော့ ကြည့်ဖြစ်အောင်ကြည့်ဖို့ တိုက်တွန်းလိုက်ပါတယ်….



Korean Drama Award ကို တူတူတက္ေရာက္လာတဲ့ မင္းသား Lee Jong Seok နဲ႔ မင္းသမီး Lee Bo Young



I hear your voice ၾကည့္တုန္းက ၾကိဳက္မိသမွ်

I hear your voice ဒုတိယမင္းသမီး Prosecutor...  



16 comments :

shin said...

" ငါတို႔ႏုိင္ငံက မွတ္သားေလာက္တဲ့ စကားေတြ ေမးရုိးျပဳတ္ထြက္သြားေလာက္ေအာင္ အံ့ၾသေလာက္တာေတြကို အစိုးရကအစေျပာေနေတာ့.... " ဒီစာေၾကာင္းကို ၂ခါေလာက္ ျပန္ဖတ္တယ္။ ၾကိဳက္တယ္။ ေခတ္ကို ထင္ဟပ္လြန္းလို႕။ ဟီးဟီး.. Korea Drama မၾကည့္ျဖစ္တာ အေတာ္ၾကာျပီ။ ၾကည့္မယ္လို႕ စဥ္းစားလိုက္။ ပ်င္းလိုက္နဲ႕။ ဟိုတေခါက္က မေဗဒါ recommend ေပးတဲ့ Moon Embracing the Sun ကို ipad ကေနၾကည့္ဖို႕လိုက္ရွာတာ မေတြ႕လို႕ မၾကည့္ျဖစ္လိုက္ဘူး။ အခုလဲ မေဗဒါ review ဖတ္ျပီး The winter, the wind blow ကိုၾကည့္ခ်င္စိတ္ေပါက္လာျပန္ျပီ။ :D

Anonymous said...

ပထမကား ကိုသိတ္မၾကိဳက္ဘူး ဇာတ္နည္းနည္းေအးလို႕ အဲဓိကား မူဗီ ဗားရွင္းတုန္းကလဲ ၾကည့္ဘူးတယ္
ဒရာမာက် ဇာတ္လမ္းသိတ္မရွိပဲ ရွည္ေအာင္ဆြဲသလိုျဖစ္ေနလားလို႕
ဒုတိယကားက အရမ္းၾကိဳက္တယ္ ဒီကားထဲ ပါတဲ့သူေတြ အကုန္ ဇာတ္ပို႕ဇာတ္ရန္ကအစ သရုပ္ေဆာင္ေတာ္ေတာ္ေကာင္းၾကတယ္
ဇာတ္လမ္းလဲ ဟာကြက္မရွိေအာင္ေကာင္းတယ္
ဒုတိယမင္းသမီးကို အသစ္ထင္တာ ရန္ကုန္ျပန္တုန္း သူပါတဲ့ ကားလာေနတယ္ အပိုင္း၄/၅၀ ကားမ်ိဳး

mabaydar said...

I hear your voice ေရာ ၾကည့္ျပီးသြားျပီလား? That winter the wind blow is good bcos of the cast and OST. But the story wise, it is a bit slow.

mabaydar said...

အင္း... အဲဒါေၾကာင့္ That winter the wind blows ကို 4/5 ပဲ rating ေပးခဲ့တာေလ... I hear ur voice is one of my favorite drama of year 2013... I rate 5/5... :) .. thanks for reading and commenting.

madyjune said...

ႏွစ္ကားစလံုး မၾကည့္ရေသးဘူး။ ၾကည့္ဖို႔စာရင္းထဲမွာေတာ့ ထည့္ထားတယ္။

madyjune said...

ႏွစ္ကားစလံုး မၾကည့္ရေသးဘူး။ ၾကည့္ဖို႕ေတာ့ အစီအစဥ္ရွိတယ္။ ငိုရတဲ့ကားေတြေတာ့ သိပ္မၾကည့္ခ်င္ဘူး။

mabaydar said...

ငိုရတဲ့ ကား မၾကည့္ခ်င္ရင္ That winter the wind blows မၾကည့္နဲ႔... သူက ဇာတ္ေအး အေဆြးကားျဖစ္တဲ့အျပင္ မင္းသား မင္းသမီး ၂ေယာက္လံုးကလဲ အေဆြးဆို ပိုင္မွပိုင္ဆိုေတာ့... Jo In Sung ဆို တရႊဲရႊဲ ငိုေနတာ...
I hear your voice ကေတာ့ ဇာတ္လမ္းတဲြအေလ််ာက္ေတာ့ ငိုခန္းေတြပါတာေပါ့ေနာ္.... ဟာသကားမွ မဟုတ္တာဆိုေတာ့... ဒါေပမဲ့ I recommend it for you to watch...

Anonymous said...

I hear your voice ထဲက မင္းသမီးက 50th Baeksang Art Awards မွာလဲ အေကာင္းဆံုး မင္းသမီးဆု ရေတာ့ Jun Ji Hyun
ပရိတ္သတ္ေတြကေတာ့ သိပ္မေက်နပ္က်ဘူးထင္တယ္ http://couch-kimchi.com/2014/05/27/50th-baeksang-art-awards-tv-drama-winners/ ပထမကားကေတာ့ မၾကည္႕ရေသးဘူး အေဆြးကားဆိုေတာ့ သိပ္မၾကိဳက္ဘူး....သူတို႕ ႏိုင္ငံက ဆုေပးတာကလဲ ေတာ္ေတာ္မ်ားတာပဲ ဘယ္လို စနစ္ေတြ နဲ႕ ဆုေပးတာလဲ ၾကံဳရင္ အဲ့ေၾကာင္းေလးလဲ ေရးပါအံဳး..

mabaydar said...

Lee Bo Young က Best actress ဆုရေပမဲ့ Jun Ji Hyun က Daesang (Grand Prize) ကိုရသြားတာပဲေလ... သူတို႔ဆီက ဆုေပးပဲြေတြက နားလည္သေလာက္ေတာ့ သူတို႔ Drama air တဲ့ TV Station ကလဲ တစ္ႏွစ္တစ္ခု သူတို႔ ျပသခဲ့တဲ့ ကားေတြထဲကေန ဆုခ်တာရွိတယ္.... TV station ေတြက မ်ားလြန္းေတာ့ ဆုေပးပဲြေတြက မ်ားၾကီးလိုျဖစ္ေနတာ...

ဒါေပမဲ့ Korean Drama Award တို႔ 50th Baeksang Art Awards တို႔က်ေတာ့ အျပင္က ေပးတာထင္တာပဲ .. ေသခ်ာေတာ့ မသိဘူး... အျပင္ကေပးတာဆိုရင္ Master's Sun တို႔ဘာတို႔က်ေတာ့ ဘာလို႔မပါလဲေတာ့ မသိဘူး...

Best Actress ဆုထက္ဆာရင္ Daesung (Grand Prize) က ပိုသာတယ္ထင္တာပဲ... DaeSung က သရုပ္ေဆာင္ ေယာက်ာၤး မိန္းမ မခဲြပဲ ေပးတာထင္တယ္... အေကာင္းဆံုး သရုပ္ေဆာင္ ဆုလိုမ်ိဳးထင္တာပဲ... မေဗဒါလဲ သူတို႔ဆီက ဆုေပးတာေတြ သိပ္နားမလည္ဘူး... သိသေလာက္ေျပာျပတာ...

Anonymous said...

ေလာေလာဆယ္ Jonk Suk ခေလးဇီးျဖစ္ေနတယ္ အဲ႔ကားၾကည္႔တုန္းက စစခ်င္း သူေလးကိုရုပ္ဆိုးတယ္ေတာင္ထင္မိတာ ၃ပိုင္းေလာက္ေရာက္ေတာ႔ ရုပ္ဆိုးေလးေတြဘာေတြျဖစ္လာပီ ခုေတာ႔မရေတာ႔ဘူးကြယ္ ကေလးေလး ပူက်ဴက်ဴးေလး ေဘဘီေလးျဖစ္သြားပီ အဲ႔တုန္းက မင္းသားငို ကိုယ္႔မွာလဲငိုလိုက္ရတာ တခုထူးတာက မင္းသားနဲ႔တြဲလို႔မင္းသမီးကို မနာလိုမျဖစ္ဘူး သူ႔လဲႀကိဳက္တယ္ အဲတာထူးတယ္

:) Wine

mabaydar said...

ေတာ္ရုံ မင္းသမီး သရုပ္ေဆာင္ေကာင္းတယ္ဆိုရင္ မင္းသားနဲ႔ တြဲလို႔ မနာလိုျဖစ္တယ္ဆိုတာ နည္းနည္းရွားတယ္... Park Shin Hye ကိုေတာ့ သရုပ္ေဆာင္ မဆိုးေပမဲ့ နည္းနည္း မနာလိုျဖစ္တယ္... အဲဒါက ခြျင္း ခ်က္.... (ကိုရီးယားမွာ မင္းသား ပူက်ဴးက်ဴးေလးေတြ အလန္းေလးေတြနဲ႔ခ်ည္းပဲ တဲြေနရလို႔)... ဟီး.. I hear your voice က မင္းသမီးက သရုပ္ေဆာင္ေကာင္းတယ္... ဆုရတာလဲ ရထိုက္ပါတယ္... မင္းသားကိုေတာ့ Secret Garden မွာကတည္းက အဲ့ေကာင္ေလးကို စိတ္၀င္စားတာ... Secret Garden မွာ Gay လိုလိုနဲ႔ Oscar ကို ၾကိဳက္ရတဲ့အခန္းကတည္းက သူ႔မ်က္လံုးက တကယ္ Oscar ကို ၾကိဳက္တဲ့ပံုေပါက္တယ္... သူနာမည္ရလာတာ ေတာ္ေတာ္ေတာ့ ျမန္တယ္... ဒုတိယမင္းသားေတာင္ မဟုတ္ဘူး ေနာက္လိုက္ ကင္မရာ အစမ္းသေဘာကေန ပထမမင္းသား တန္းျဖစ္တယ္...

Anonymous said...

တူျပန္ျပီ Park Shin Hye ကို heartstring မွာႀကီုက္လားဟင္ ကိုယ္ကနဂိုကတည္းက yonghwa ခပ္ႀကိဳက္ႀကိဳက္ဆိုေတာ႔ အဲ႔မင္းသမီးကိုစျပီးအညင္ကတ္လာဘီ ပီးေတာ႔သူ႔နွာေခါင္းက တညိဳးဘဲ ဆြဲေဆာင္မႈေတာ႔ရွိပါတယ္ ကိုယ္ေတာ႔မႀကိဳက္
Wine

Anonymous said...

I hear your voice မၾကည့္ရေသးဘူး၊မင္းသမီးေတြမသိလို ့သူတို ့ကားေတြမၾကည့္ဖူးဘူး That winter, the wind blows ကတေလွ်ာက္လံုးေကာင္းသေလာက္ ဇတ္သိမ္းကိုဘယ္လိုနားလည္ရမွန္းမသိဘူး။ ဘာပဲျဖစ္ျဖစ္အဲ့မင္းသားမို ့တန္ပါတယ္ ဟီး Oh Soo Oppa!!

ATMW

Anonymous said...

That winter, the wind blows ဇာတ္သိမ္းက ဒီလိုလို႕ထင္ပါတယ္။ Kim Bum က မင္းသားကို သတ္မွသူ႕ခ်စ္သူေကာင္မေလးအပါအဝင္ သူ႕တစ္မိသားစုလုံးမေသမွာပါ။ Boss Kim ကအရမ္းယုတ္မာတာကိုသိေတာ့ မင္းသားကိုမွခ်က္ခ်င္းမသတ္ရင္ သူ႕မိသားစုလည္းဆုံး၊ မင္းသားကိုလည္း မေသမခ်င္းလိုက္သတ္မွာကိုသိေတာ့ သိပ္စဥ္းစားခ်ိန္မရွိေတာ့ပဲ သတ္လိုက္ရပါတယ္ေပါ့။ Boss Kim နဲ႕ Kim Bum တို႕အတြဲကလည္း မင္းသားတကယ္ေသသြားတယ္ဆိုျပီး ယံုသြားၾကတယ္။

တကယ္တမ္းေတာ့ ၆လအၾကာမွာ မင္းသားက ျပန္ေကာင္းသြားျပီး မင္းသမီးနဲ႕ျပန္နီးစပ္ေအာင္လုပ္ေနပါျပီ။ မင္းသမီးက မင္းသားေသတယ္လို႕ပဲထင္ထားတာေနမွာ။ မင္းသမီးက မ်က္လုံးခြဲစိပ္ျပီး အားလုံးအေကာင္းပကတိမျမင္ရေပမယ့္ ဆရာဝန္ေတြ မွန္းထားတာထက္ပိုျမင္ရတယ္။ ဆိုေတာ့ေကာ္ဖီဆိုင္မွာ ဝါးတားတားေလးေပါ့။ သူ႕ဘက္ကေန ျမင္ရသလိုေလး မႈန္မႈန္ေလး႐ိုက္ထားတာေနမွာ။ Happy Ending ေလးပါ။ ၾကည့္လို႕ေကာင္းတယ္။ Jo In Sung ကေတာ့အသည္းစြဲပဲ။ :D

mabaydar said...

ေအာ္... ခုလို ျဖည့္ေတြးစဥ္းစားျပီး ေသေသခ်ာခ်ာ ရွင္းျပသြားတဲ့အတြက္ ေက်းဇူးပါ... ကိုယ္တိုင္လဲ အဲလိုယူဆထားပါတယ္... Happy ending ျဖစ္ခ်င္လို႔.. ျပသြားတာက ျမန္ဆန္လြန္းေတာ့ စိတ္ထဲ တစ္ခုခုလိုေနသလိုျဖစ္မိတာပါ.... Jo In Sung ကိုလဲ အသည္းစဲြပါ... ခုသူ ေနာက္တစ္ကားထြက္ေတာ့မယ္ေနာ္.... Master's Sun ထဲက မင္းသမီးနဲ႔.... ေစာင့္ေနတယ္.... သူ႔ကားေတြ အကုန္ၾကည့္တယ္...

Anonymous said...

ဟုတ္ပါ့။ မင္းသမီးက သိပ္မလွေတာ့ စိတ္သိပ္မပါခ်င္ဘူးရယ္။ Jo In Sung ေလးကိုၾကည့္ရမွာမို႕သာ။ ဟီဟီ
review ေတြဆက္ေရးပါဦး။ ဒီကားေတာင္ အစ္မေရးထားတာ ဖတ္ျပီးမွ ၾကည့္ျဖစ္တာ။ ေက်းဇူး။
MKP