Friday, April 30, 2010

Jang Keun Suk နဲ့တစ်ညတာ (သို့) Fan meeting Part 1

ရှေ့ ၂ရက်က ပင်ပန်းထားတာကြောင့် ကျမ အဲဒိနေ့က နောက်ကျမှ အိပ်ယာနိုးခဲ့ပါတယ်... ကျမတို့အိမ်သားတွေအားလုံး အိမ်ပြောင်းပြီး အလုပ်ရှုပ်နေကြချိန်မှာ ကျမကတော့ ဂျန်ဂမ်ဆွတ်နောက်လိုက်နေလို့ အားတော့နာမိပါတယ်... ဒါပေမဲ့လဲ သူကဒီအချိန်ပဲလာတော့လဲ နှစ်ချို့နေတဲ့ ရည်မှန်းချက်က ခုမှပဲဖြည့်ခွင့်ရတော့မှာကိုး... အမှန်တော့ နိုးတာနဲ့သွားမလို့ပဲ... ဒါပေမဲ့ အိမ်ပြောင်းတာကို တစ်ချီလောက်တော့ ကူလိုက်အုံးမှ ဆူခံရတာ သက်သာမယ်လေ... ဒါနဲ့ နည်းနည်းပါးပါးကူလိုက်တာပေါ့... ဒီ fan meeting က ကိုယ်တစ်ယောက်တည်းမဟုတ်ဘူးလေ... ကိုယ့်အစ်မကိုပါ ဆွယ်ထားတော့ သူတော့ ကိုယ့်ဘက်မှာရှိတယ်... ဟိုမှာ သူများတွေက အွန်လိုင်းပေါ်မှာ ပြောနေကြတယ်.. ညအိပ်ပြီးတောင် နေရာကောင်းရအောင် သွားတန်းစီမယ်တဲ့... ပြောရမယ်ဆိုရင် လက်မှတ်က Free Seating လေ...

ပွဲက ညနေ ၆နာရီမှစမှာ... မဗေဒါလဲ နေ့လည် ၂နာရီခွဲလောက်ကျတော့ အမြန်ထွက်လာလိုက်တာပေါ့... ကားစီးမှာနဲ့ဆိုရင် ၁နာရီကျော်လောက်က ကြာအုံးမှာလေ... အစ်မကလဲ ကိုယ့်ကို အမြန်သွားစီထားနှင့်တဲ့... သူကိစ္စတွေပြီးရင်လိုက်လာခဲ့မယ်တဲ့.... ဒီလိုနဲ့ ကျမတစ်ယောက်တည်း ထုံးစံအတိုင်းထွက်လာခဲ့ပါတယ်... Sentac ကိုရောက်တော့ အစက IT show လုပ်နေကျ Conversion Center နားလို့ပဲထင်မိတာ... တကယ်တော့ ရှာလို့မတွေ့လို့ ... Information Counter မှာ သွားမေးတော့မှ... ရှေ့ကို ဆက်လျှောက်သွား G2000 ဆိုင်တွေ့ရင် အပေါ် ၃ထပ်ကို တက်သွားတဲ့... အဲဒါနဲ့ လျှောက်တယ်... လျှောက်တယ်... လျှောက်တယ်... အချိန်က ၃နာရီခွဲကျော်နေပြီ... ငါများ ဘိတ်ချီးဖြစ်နေပြီလားဆိုပြီး စိတ်တွေက ပူပန်လာတယ်... ခပ်သွပ်သွပ်လေးဆက်လျှောက်တယ်... နောက်တော့မတွေ့တာနဲ့... facebook Jang Keun Suk's Fan club မှာသိခဲ့တဲ့ မလေးမလေး ဖုန်းကို ဆက်ပြီးမေးတော့မှ ... Carrefour အပေါ်ထပ်မှာတဲ့... ဒီတော့မှ အမြန်တက်သွားတော့မှ Rock Auditorium ဆိုတာကို ရောက်တော့တယ်... သိသာပါတယ်... ကျူတန်းကြီးက ရှည်နေတာမှ တစ်ပတ်ပြည့်ဖို့ ၃ပုံ ၂ပုံလောက်ရှိနေပြီ... ဟိုကောင်မလေးတွေဆီသွားပြီးတော့လဲ ကျူတန်းမဖြတ်ချင်ဘူးလေ... ဒါနဲ့ပဲ နောက်ဆုံးကပဲ ဝင်စီလိုက်တယ်... ကိုယ်ဝင်တန်းစီပြီး သိပ်မကြာဘူး... ပြည်ကြီးတစ်ရုတ်မ တစ်ရောက်နောက်ကလာတန်းစီရင်း... ဒါ ဂျန်ဂမ်ဆပ်အတွက်စီနေတာလားတဲ့... ဒါနဲ့ဟုတ်တယ်လို့ပြောရင်း... သူလဲ တစ်ယောက်တည်းလာ... ကိုယ်လဲ တစ်ယောက်တည်းလာတာဆိုတော့ စကားပြောရင်း အတော်လေးရင်းနှီးသွားတယ်...

သူကလဲ မတ်လ ၁၃ရက် မနက် ၉နာရီ ၂၅ဝတန်လက်မှတ်တွေ ရောင်းတုန်းက သွားတန်းစီပြီး မရခဲ့တဲ့ အကြောင်းပြောတော့မှ... ကိုယ်အဲဒိတုန်းက အသိနောက်ကျပြီးမရခဲ့တာကို ဖြေသာသွားတယ်.. သူ့လိုသာ သွားတန်းစီပြီး နဲနဲလေး နောက်ကျလို့မရလိုက်တာဆို ပိုဖြေရခက်မယ်... ကျမတို့ရှေ့မှာတော့ ခန့်မှန်းခြေ လူအယောက် ၅ဝဝ လောက်ရောက်နေပြီ... သိပ်တောင်မကြာလိုက်ပါဘူး... အဲတရုတ်မနောက်ကို မလေးမလေးတစ်ယောက် သူ့အဖေနဲ့ ရောက်လာတယ်... နည်းနည်း တန်းစီပြီးတော့ အဲဒိမလေးမလေးကို မြင်ဖူးသလိုရှိတာနဲ့...

နင်ဟိုနေ့က လေယာဉ်ကွင်းလာကြိုသေးလား... မှန့်ထောင့်နားမှာ ရပ်နေတာမှတ်လားလို့... မေးလိုက်တော့... ဟုတ်တယ်တဲ့... ဒီလိုနဲ့ သူနဲ့လဲ ရင်းနှီးသွားပြန်ရော... သူ့အဖေကြီးလဲ သူ့သမီးအဖော်ရသွားတာတွေ့တော့မှ စိတ်ချပြီး ပြန်သွားတယ်... ဒီလိုနဲ့ ၃ယောက်သား ဂျန်ဂမ်ဆပ်အကြောင်း ပြောရင်း.... ပြောရင်းနဲ့... ရင်းနှီးသွားကြတာ ငယ်ပေါင်းတွေကျနေတာပဲ... ဟား.. ဟား... တခြား ကိုရီးယားကားအကြောင်းတွေနဲ့... အရင်က စကာင်္ပူကိုလာဖူးတဲ့ ကိုရီးယား Celeb တွေအကြောင်းရောက်တော့... ဟို မလေးမလေးက အတော်ကို ဝါသနာကြီးသကိုး... သူက ပွဲတိုင်းလိုလိုကို သွားတာ... ကျမကမှ ဒါ ပထမဆုံး... နောက် ကျမအစ်မလာတော့လဲ ပိုရင်းနှီးသွားတာပေါ့... ကျမရှေ့က စလုံး တရုတ်မအုပ်စုလေးက အစကတော့ ကြီးကျယ်တယ်... နောက်ပိုင်းကျတော့လဲ ကျမတို့ပြောနေတာတွေ စိတ်ဝင်စားလာပုံရတယ်... ဝါသနာတူတွေကိုး... နောက်တော့ အဲကောင်မလေးတွေနဲ့လဲ ရင်းနှီးသွားတယ်... ကင်မရာသမားက တန်းစီနေတဲ့ လူတွေကိုလိုက်ရိုက်ရင်း ကျမတို့နားရောက်လာတော့... အုပ်စုပေါင်းပြီး အော်ကြ တတ်တာတွေပြကြနဲ့... Oppaaaaaaa.... ဆိုပြီး.. အမှန်တော့ ဂျန်ဂမ်ဆပ်ကို ခေါ်တာပါ... အုပ်စုတောင့်လို့သောင်းကျန်းတာလဲ ပါတာပေါ့နော်... ကင်မရာမန်းတောင် နောက်တစ်ခေါက်ထပ်မလာတော့ဘူး...

ဒီလိုနဲ့ ၆နာရီလောက်ကျတော့ ကျူတန်းကြီးရွေ့ပါပြီ... ဖြည်းဖြည်း ဖြည်းဖြည်းနဲ့... ဝင်ရခါနီးမှာမှ ဘုတ်ကြီးနဲ့... Post it စာရွက်လေးတွေပေးပြီး မင်းသားကို မေးချင်တဲ့ မေးခွန်းတွေကို ရေးလို့ရတယ်တဲ့... မင်းသားက Random ဖြေပေးမယ်ပေါ့... ဒီတော့ ရှေ့ကအုပ်စုကလဲရေးကြတယ်... နောက်က မလေးမလေးကလဲရေးတယ်.. ကျမကတော့ အဲလိုမေးဆိုရင် ဘာမှ မေးစရာမရှိဘူး... ဘယ်တော့မှလဲ ကိုယ်က ဒါမျိုးဆိုကံကောင်းတဲ့သူမဟုတ်ဘူးဆိုတာလဲ ကိုယ့်ကိုကိုယ်သိတယ်... သူများတွေမေးတာနဲ့တင် ကျမသိချင်တာက လုံလောက်ပါတယ်... ဒါနဲ့ပဲ ဘာမှ မရေးတော့ဘူး.. အဝင်ဝရောက်တော့ ကဒ်သေးသေးလေးတွေ ကမ်းတယ်... ဘာမှန်းညာမှန်းမသိပဲ ယူထားလိုက်တယ်... ကဒ်လေးပေါ်မှာ...

"Soul of Asia - SEOUL"

"A City of Design and Culture"

ဆိုပြီး ရေးထားတယ်.. အားလုံးက အထဲမှာ နေရာကောင်းရဖို့ပဲ ဆိုင်းပြင်းနေတော့ ဘာမှန်းဂရုတောင်မစိုက်နိုင်ဘူး... ကျမအစ်မဖွင့်ကြည့်လိုက်တော့မှ.. အထဲမှာ ဂျန်ဂမ်ဆပ်ပုံလေး Print ထားတဲ့ Metal ပြားလေး... ပုံလေးဘေးမှာ... "Infinitely yours, SEOUL" လို့ရေးထားတယ်... အဲအောက်မှာတော့...

"This sticker may be used on a mobile phone, monitor or other electric equipment to protect against electromagnetic waves generated by electric devices."
"Caution: please handle with care as this sticker is made of very thin metal".

အော်... ဆိုလ်းစီးတီးရဲ့ Ambassador အဖြစ်လဲ ခန့်အပ်ခြင်းခံထားရတဲ့ မင်းသားလေးက သူ့ပရိတ်သတ်တွေကို electromagnetic waves ကလွတ်အောင် ဒီပစ္စည်းလေးကို ပေးဖို့ သူကိုယ်တိုင် ရွေးချယ်ခဲ့တယ်ဆိုပါတယ်... (ခုထက်ထိနောင်တရလို့မဆုံးတာ အဲဒိလက်ဆောင်လေး ပျောက်နေပါတယ်... I hate myself for losing it...) ဒီလိုနဲ့ အထဲရောက်တော့ ရှေ့က စလုံးမအုပ်စုနဲ့တော့ ကွဲသွားပါတယ်... ကျမတို့နဲ့ တူတူလိုက်လာတာကတော့ နောက်က တရုတ်မနဲ့ မလေးမလေးပါပဲ... ကျမတို့တွေ နေရာရွေးရင်း ဘယ်နေရာမှလဲ သိပ်မကျန်တော့တာနဲ့ နောက်ဆုံးတော့ အလယ်က ကင်မရာတွေနောက်မှာ နေရာယူလိုက်ပါတယ်.. အလယ်ခေါင်ဆိုတော့ ပိုမြင်ရမယ်ပေါ့.. အဲတုန်းက ကင်မရာတွေပဲ ထောင်ထားပြီး လူတွေမရှိတော့ စင်ကို ကောင်းကောင်းမြင်ရပါတယ်... ခဏစောင့်ပြီးတော့ ပွဲစပါပြီ...

ဒီဂျေ Ken အရင်ဆုံးထွက်လာပြီး ဟိုပြောဒီပြော ပြောပါတယ်... တရုတ်လိုပြောလို့ရလားလို့မေးလို့ ဝိုင်းအော်ရပါသေးတယ်... သူကပြောပါတယ်.. မင်းသားလေးက မပြောနိုင်ဘူး ပရိတ်သတ်ထဲက ပေါ်လာကောင်းပေါ်လာမယ်တဲ့... ကိုယ့်ဘေးကို ကိုယ်ကြည့်တဲ့.. မင်းသားလေးများ မတော်လို့ပေါ်လာခဲ့ရင်... စင်ပေါ်ကို အနည်းဆုံး ဘောင်းဘီလေးတော့ ပါလာတဲ့အထိ ချမ်းသာပေးပါတဲ့.. အရမ်း ဝိုင်းမဆွဲကြပါနဲ့တဲ့... နောက်တော့ အားလုံး အမှောင်ချပြီး... Projector မှာ မင်းသား ဆိုးလ်ကနေ စကာင်္ပူကို လာတဲ့ ခရီးစဉ်မှာ မဗေဒါရိုက်သလိုပဲ သူ့ကိုယ်သူရိုက်လာတဲ့ ဗွီဒီယိုကို ပြပါတယ်... ဆိုးလ်ကနေပါလာတဲ့ Fan တွေဆိုရင် လုံးဝ သူနောက်မှာပါပဲ.. နီးနီးလေးပါ... သူက အဲလောက်အထိ အကပ်ခံပါတယ်... ပြီးသွားတော့...

"Are You ready?"

"Are You Ready?"

"Are you sure?"

"Really?"

"Watch Your side"

ဆိုပြီး စာတမ်းတစ်ခုပြီးတစ်ခု ပေါ်လာ အပြီးမှာတော့ ဘေးပေါက်ကနေ ယုန်ဝတ်စုံလေး ခေါင်းစွတ်ထားတဲ့ လူတစ်ယောက်ပေါ်လာပြီး ခြင်းတောင်းထဲကနေ သကြားလုံးတွေ ကျဲပါတော့တယ်.. ကျမတို့ကတော့ အလယ်ရောက်နေတော့ သိပ်မနီးပါဘူး... နောက် သိပ်မကြာဘူး... တခြား ဘေးပေါက်ကနေ... ဘဲဝတ်စုံနဲ့ နောက်တစ်ယောက်ပေါ်လာပြီး အဲလိုပဲ သကြားလုံးတွေကျဲပါတယ်.. နောက် ၀က်ဝံရုပ်ဝတ်ထားတဲ့ လူကလဲ ကျဲပါတယ်... ဘယ်ဟာက မင်းသားမှန်းတော့ ခန့်မှန်းရခက်ပါတယ်.. ဒါပေမဲ့ စင်ပေါ်ကို ၃ယောက်လုံးရောက်ချိန်မှာတော့ မှန်းရလွယ်သွားပါတယ်... ဘာလို့လဲဆိုတော့ ယုန်က slim body အဖြစ်ဆုံးနဲ့ အိုင်တင်တွေ အကတွေ Act Cute လုပ်တာတွေ အတော်ဆုံးပါပဲ... ပရိတ်သတ်မိန်းကလေးတွေက ယုန်ဟာ မင်းသားမှန်းတန်းသိပါတယ်... (အဲဒါကို မင်းသားက ကိုရီးယားပြန်ရောက်တော့ သူ့ဝက်ဆိုဒ်မှာ ပရိတ်သတ်တွေ သူ့ကို မျက်နှာဖုန်းစွတ်ထားတာတောင် ဘယ်လိုသိလဲဆိုပြီး ရေးထားပါသေးတယ်တဲ့...) နောက်တော့ တစ်ရုပ်ပြီး တစ်ရုပ်ဝတ်စုံတွေချွတ်လိုက်ပြီး ယုန်လေးပဲ ကျန်တော့ ကောင်မလေးတွေ ၀ိုင်းအော်ကြပြန်ပါရော... ဘာလို့မှန်းတော့ မသိဘူး... ကျမလဲ အဲဒိ အချိန်မှာ ရင်တွေ အရမ်းကို ခုန်လို့... ဗွီဒီယိုရိုက်မလို့ဟာလဲ ရှေ့ကမိန်းမတွေက ကွယ်... နောက်က မိန်းမတွေက ကိုယ်မတ်တပ်ရပ်ရင်ကျတော့ ပြောချင်တယ်... ရှေ့က ကင်မရာမန်းကလဲ ကွယ်သေးတယ်... တော်သေးတယ်.. ကျမထိုင်တဲ့နေရာက မင်းသားရပ်တဲ့နေရာကို မြင်ရသေးလို့...

မင်းသားက ၀တ်ရုံလေးကို ချွတ်တော့မလို ချွတ်တော့မလိုနဲ့ မျက်နှာလေးအုပ်ပြီး ရှက်တဲ့ပုံလုပ်လိုက်နဲ့... အသဲတွေယားတာများ ဆွဲဆောင့်ပြစ်လိုက်ချင်တယ်... နောက်တော့မှ ဘေးကလူတွေ အကူအညီနဲ့ ၀တ်ရုံကို ချွတ်လိုက်ပါတယ်... မင်းသားက Skinny ဘောင်းဘီ ငွေရောင်နဲ့ အပေါ်က အကျီင်္အနက်ရောင် ပါးပါးလေးက တစ်ဖက်က လက်ပြတ် နောက်တစ်ဖက်က လက်နဲနဲလေးရှိပါတယ်... အကျီင်္ရဲ့ ရှေ့ အောက် အနားသားကလဲ ပြဲနေတဲ့ ပုံစံမျိုးပါ... အပြင်လူဝတ်ရင်တော့ အတော်လေးကို ကြည့်ရဆိုးမှာ... သူဝတ်တော့လဲ လှနေတာပဲ....

အဲဒိနောက်တော့ သူအတွက် ချထားပေးတဲ့ ဒီဂျေစက်မှာ သူ့ရဲ့ လက်ပတ်တွေ တပ်မိုက်ကို ကိုင်ပြီး
"You guys ready?" ဆိုပြီး သူ့နားလေးကို နားထောင်နေတဲ့ပုံလေး လက်နဲ့ လုပ်ပြတော့ ကောင်မလေးတွေက ပိုအော်ကြတော့တာပေါ့... သူက... ထပ်မေးပါတယ်... " Ready??" ပရိတ်သတ်ကလဲ "YES!!!" ပေါ့.... ဆိုတော့...

"It's show time!!!!!!!!!" ဆိုပြီး ဒီဂျေစပါတော့တယ်...သူကိုယ်တိုင်လုပ်တယ်တော့ မထင်ပါဘူး... အိုက်တင်လုပ်နေတာပဲ နေမှာပါ... ဘယ်လိုပဲဖြစ်ဖြစ် ကြည့်လို့လဲကောင်းတယ် နားထောင်လို့လဲကောင်းနေတာပဲလေ...

ကဲ အပိုင်း ၁ ဗွီဒီယိုလေးကို အောက်မှာ ရှုစားကြပါ... မဗေဒါရဲ့ ဗွီဒီယိုတွေကို တင်တင်ပြီးချင်း ကြည့်ချင်တယ်ဆိုရင်တော့ www.youtube.com/mabaydar မှာ Subscribe လုပ်ပြီး ကြည့်ရှုနိုင်ပါတယ်လို့...


10 comments :

Anonymous said...

JKS နဲ့တစ်ညတာဆိုတာကြီးကဘယ်လိုကြီးလဲ...
တူများမင်းသားကို အတားမယူနဲ့ဒါဗြဲ...။
ဘာဘဲဖြစ်ဖြစ် အခုလိုကြည့်ရလို့ မဗေဒါကို ကျေးဇူးပါ..။

Anonymous said...

Your videos are very nice..Arr pay nay mae nor>> I saw you in yr videos..But, which one is your'sis, u talking about.Anyway, u r so pretty..

mabaydar said...

အဟတ်.. ဟတ်.. ကိုယ့်ဘလော့လေးပေါ်မှာပဲ စာသားလေးနဲ့ အသားယူခွင့်ရလို့.. ဒါလေးတော့ ခွေးလွှတ်ပါကွယ်.. အဲလေ.. ခွင့်လွှတ်ပါကွယ်...

မဗေဒါအစ်မ ဘယ်သူလဲဆိုတာတော့ မှန်းကြည့်ပေ့ါကွယ်...

ကိုဇော် said...

အေးလေ. . .
တစ်ညတာ ဆိုလို့ ရင်ခုန်သွားတာ . .ဟိဟိ.
မင်းသားတော့ သေပါပြီ ဆိုပြီး . .
ဗေဒါက ဝိတ်ကြီးတယ်လေ. . .
မဗေဒါ အမ ဆိုတာ မဗေဒါ အဖေရဲ့သမီးပေါ့. . ဒါများ မှန်းစရာလား . .မှန်းပါဘူး. .သူ့လိုပဲ နေမှာ . .

Rita said...

JKS ခုမှ သူမှန်းသိတာပါ။

ကိုယ့်မျက်စေ့ထဲ မန္တလေး သိန်းဇော်နဲ့ တူတယ် ထင်မိတယ်။

အပေါ်က ကွန်မန့်တွေ ဖတ်ပြီး အရမ်းသဘောကျမိတယ်။ :D

thanks for sharing!

mabaydar said...

အင်း... သူ့ ဆံပင်ပုံကြောင့် အဲလိုထင်တာလဲ ဖြစ်နိုင်သလို...
မန္တလေး သိန်းဇော်ဘယ်လိုပုံလဲ မေ့နေတာလဲ ဖြစ်နိုင်ပါတယ်...
ကျေးဇူးပါအစ်မ...

Anonymous said...

Ma Baydar, I m the one who asked which one is yr sis in above . But what did u reply? My com not have myanmar font.So so sorry...Arr pay nay mae nor...Jia you..

Anonymous said...

Ma Baydar, I m the one who asked which one is yr sis in above . But what did u reply? My com not have myanmar font.So so sorry...Arr pay nay mae nor...Jia you..

mabaydar said...

Hi anonymous..
Thanks for cheering me. I just curious... if u don't have myanmar font, how did u read my post?
I replied to you saying "I will let you guess who is my sis :D " ...
I think it's pretty obvious. Thank you. :)

Anonymous said...

Ma Baydar,

I was not really unable to read your reply above. I can read some of your past but some cannot. May be the myanmar font I installed was something wrong. So sorry for make you curious. This is the first time I came to your blog, that why I was really do't know who is yr sis. I have nothing to do with yr affairs nor your sis.Just a reader of your blog. So, hope u don't mind for my quest made you remind or misunderstood with someone or something.So sorry..