Story of Sithu & Su Wai

ဖူးစာဆိုတာ တစ်ခါတစ်ရံမှာ ရှာဖွေနေလည်းမတွေ့ နိုင်ပေမဲ့... အမှတ်မထင်လိုက်တဲ့ အချိန်မှာပဲ ကိုယ့်အနီးအနားလေးမှာရှိနေတတ်တယ်... ဆိုက်ဆိုက်မြိုက်မြိုက် ရောက်လာတတ်တယ်ဆိုတာ ဒီချစ်စရာကောင်းပြီး ပျော်တတ်တဲ့ ကိုစည်သူ နဲ့ မဆုဝေ စုံတွဲအတွက်တော့ လက်တွေ့ပါပဲ... အလုပ်နောက်ကျနေတဲ့ ဆုဝေကို မထင်မှတ်တဲ့အချိ်န်မှာ ဆိုင်ကယ်နဲ့ လက်ပို့ပေးဖို့ ကမ်းလှမ်းလာတဲ့ ထိုသူဟာ ဆုဝေရဲ့ အနီးနားမှာ သူမကို သတိထားမိနေတဲ့သူတစ်ယောက်ပေါ့... နီးမဲ့နီးတော့ နီးလွန်းလို့ တစ်တိုက်ထည်းနေတဲ့ အိမ်နီးချင်းတွေမှန်း သူမ မသိခဲ့လေဘူး... ဒီလိုနဲ့ စခဲ့တဲ့ ချစ်ဇာတ်လမ်းလေးဟာ နှစ်တွေသာဟောင်းခဲ့ပင်မဲ့ အချစ်တွေက မပြောင်းလဲပဲ ပျော်စရာဇာတ်သိမ်းလေးတစ်ခုဖြစ်ခဲ့ပါတယ်...

ဘလော့က စီဗုံးထဲမှာ ဓာတ်ပုံဆလိုက်ရှိုး ဘယ်လိုလုပ်ရသလဲ မဗေဒါရေလို့ လာမေးတဲ့ ခရေဖြူနဲ့ လွန်ခဲ့တဲ့ နှစ်တွေတုန်းက လင်းလက်ကြယ်စင်ရဲ့ မင်္ဂလာဆောင်မှာ စတင်ခင်မင်ခဲ့တာပါ... သူမရဲ့စာတွေကို သံလွင်အိပ်မက်အွန်လိုင်း မဂ္ဂဇင်းမှာလဲ ဖတ်ဖူးခဲ့ပါတယ်... မင်္ဂလာဆောင်အပြီးမှာလဲ အဆက်အသွယ်မရှိခဲ့ကြပါဘူး... ဒိနောက်တော့ ဓာတ်ပုံစလိုက်ရှိုးလောက်တော့ ကိုယ်လုပ်ပေးလို့ရပါတယ်... ဗွီဒီယိုရိုက်ချင်လဲ လုပ်ပေးမယ်... အသစ်စက်စက် ဗွီဒီိယိုကင်မရာလေးကို စမ်းချင်နေတာ... ဒါပေမဲ့ တောင်းဆိုသူက Pre-wedding ဓာတ်ပုံရိုက်တဲ့နေ့ လိုက်ရိုက်ပေးပါတဲ့... မဗေဒါက ဗွီဒီယိုရိုက်ရတာကို ပိုဝါသနာပါပေမဲ့ ဓာတ်ပုံလဲ အတွေ့ကြုံရအောင် လိုက်ရိုက်ပေးဖြစ်ခဲ့တယ်... ပင်ပန်းပင်မဲ့ ပျော်စရာကောင်းတဲ့ နေ့လေးတစ်နေ့ပါပဲ... ကိုယ်လဲ တတ်နိုင်သလောက် ရိုက်ဖြစ်ပါတယ်... ၀ါသနာမနေသာတော့ အဖော်ခေါ်လာပြီး ဗွီဒီယိုကင်မရာနဲ့ ရသလောက် အဖြစ်အပျက်သာမာန်ကိုပဲ footage အနေနဲ့ ရိုက်ဖြစ်ခဲ့တယ်... ဒါနဲ့ ခုပြောနေတဲ့ ခရေဖြူဆိုတာ ကေခိုင်ဆုဝေ ဆိုတဲ့ သတို့သမီးရဲ့ ကလောင်အမည်ပေါ့...

သူတို့ ၂ယောက်ရဲ့ Wedding Celebration ကတော့ ၂၇ရက် မေလ ၂၀၁၂ တုန်းက MBS မှာ ကျင်းပခဲ့ပါတယ်... (မင်္ဂလာဆောင်က မေလတုန်းက စာမေးပွဲတွေရယ် အလုပ်မှာ မလစ်တာရယ်ကြောင့် ဘလော့ပေါ်ခုမှတင်ဖြစ်တယ်...) သူတို့ မင်္ဂလာဆောင်အကြောင်းကို ကိုတီဇက်အေရဲ့ ဟောဒီပိုစ့်လေးမှာဖတ်နိုင်ပါတယ်... 

ကိုယ့်စာမေးပွဲရယ်၊ ကိုယ့်အလုပ်နဲ့ ခရီးခဏသွားရတာရယ်နဲ့ အတော်လေးတော့ အချိန်လုလုပ်ပေးခဲ့ရလို့ မကောင်းမှာ စိုးရိမ်ခဲ့ပေမဲ့ မဗေဒါလုပ်ပေးတဲ့ ဗွီဒီယိုစလိုက်ရှိုးလေးကို သူတို့ မင်္ဂလာခမ်းမမှာ ပြသတဲ့အချိ်န်မှာ ပီတိဖြစ်ခဲ့ရပါတယ်... တစ်ဝိုင်းတည်းထိုင်တဲ့သူတွေကလဲ မဗေဒါလုပ်ထားမှန်းမသိပေမဲ့ သူတို့ချင်းတီးတိုး ချီးကျူးသံကြားတော့ ကျေနပ်မိပါတယ်... ဒါတောင် ကိုယ်ဟာနဲ့ ကိုယ်တော့ ကျေနပ်မှုမရှိသေးပါဘူး... ဒိထက်ပိုကောင်းအောင် အဆင့်မီမီရိုက်ချင်ပါတယ်... သတို့သမီး သတို့သား သရုပ်ဆောင်ပေးမယ်ဆိုရင်ပေါ့... 

ဒါနဲ့ ဘာရယ်မဟုတ် BayDar Production ဆိုပြီး ဖေ့ဘွတ်မှာ like page လေး လုပ်ဖြစ်ပါတယ်... မဗေဒါရဲ့ လက်ရာလေးတွေကို တစ်နေရာတည်းစုစုစည်းစည်းကြည့်လို့ရမှာဖြစ်သလို နောက်လုပ်ဖြစ်မဲ့ဗွီဒီယိုလေးတွေလဲ အလွယ်တကူကြည့်လို့ရတဲ့အပြင် မဗေဒါကို အလုပ်အပ်ချင်လဲ အချိန်မရွေးဆက်သွယ်ရလွယ်ကူစေဖို့ပါပဲ... (ကြော်ငြာဝင်တာပါ... ဟဲ... ဟဲ) ကိုယ်က ပညာရှင်မဟုတ်သေးပဲ ၀ါသနာရှင်ဆိုပေမဲ့ အလုပ်အပ်သူရော မဗေဒါရော ဒီအလုပ်ကို တန်ဖိုးထားလေးစားဖို့အတွက် မုန့်ဖိုးသဘောလောက်တော့ နောက်ပိုင်းယူဖို့ စိတ်ကူးပါတယ်... ဒီလိုမှလဲ ၂ဦး၂ဘက်လုံးက ကိုယ့်တာဝန်ကိုယ်သိပြီး အလေးထားဖို့ရည်ရွယ်ပါတယ်... (မဗေဒါလဲ အလုပ်ကို  အချိန်လေးလေးစားစားလုပ်ဖို့ တွန်းအားဖြစ်မယ်လို့ထင်ပါတယ်... ဟိဟိ) မဗေဒါ နောက်လဲ ဒိထက်ကြိုးစားသွားပါမယ်လို့ ကတိပေးပါတယ်...

လူသားတိုင်း ချစ်သူတိုင်းဟာ သူတို့ဘ၀ရဲ့ ဇာတ်လိုက်တွေချည်းပဲမို့ အားလုံးရဲ့ Magical Moments လေးကို မှတ်တမ်းတင်ပေးချင်တဲ့...
မဗေဒါ...

စာကြွင်း။     ။ ဓာတ်ပုံတွေကတော့ သူတို့ Pre-wedding ရိုက်တဲ့နေ့မှာ ဘေးကနေရသလောက် ကြိုက်သလိုရိုက်ပေးပါဆိုတာနဲ့ ကိုယ်လဲအတွေ့အကြုံရအောင်ဆိုပြီးရိုက်ဖြစ်ခဲ့ပါတယ်... ဆိုင်ကဓာတ်ပုံဆရာနဲ့လဲ လွတ်လွတ်ကျွတ်ကျွတ်နေပြီး ရတဲ့နေရာ ရတဲ့ View ကနေ တတ်နိုင်သလောက်ရိုက်ခဲ့တာပါ... ဒါကြောင့် ပုံတွေက ကိုယ့်ကင်မရာကို ကြည့်နေတဲ့ပုံမရှိသလောက်ပါပဲ... ဗွီဒီယိုလေးနဲ့ ဓာတ်ပုံလေးတွေကို ရှုစားသွားကြပါကုန်.... 

Life & Love Journey of Sithu & Su Wai (First video)




All for Love (Before 2nd Marching)