Monday, March 25, 2013

Discovering Brisbane - Day 3

မနက်ခင်းရဲ့ နေမင်း...

နေ့တစ်နေ့ရဲ့အစ မျက်လုံးနှစ်လုံးဖွင့်ပြီးလို့ ပြတင်းပေါက်ကိုလှမ်းကြည့်လိုက်တာနဲ့ ပင်လယ်ကြီးရယ်၊ Pine Tree တွေရယ်၊ တက်သစ်စနေလုံးကြီးရယ်က စိတ်ကိုရွှင်လန်းစေပါတယ်... ဖုန်းနဲ့ ဓာတ်ပုံရိုက်လိုက်မိတယ်... ဓာတ်ပုံထဲမှာတော့ နည်းနည်းမှောင်နေသလိုထင်ရပေမဲ့ အပြင်မှာတော့ ဒိထက်ပိုလင်းပါတယ်... Gold Coast မနက် ၅နာရီခွဲက မိုးစင်စင်လင်းပါတယ်... စကာင်္ပူရဲ့ နေ၀င်နေထွက်က ၇နာရီမှာပါ... (ဂျပန်ကို အောက်တိုဘာလမှာသွားခဲ့တုန်းကလဲ ညနေ ၅နာရီခွဲကို မိုးချုပ်သွားလို့အံ့သြခဲ့ရတာ သတိရမိသေးတယ်) မနေ့ညက စောစောအိပ်လိုက်တော့ နည်းနည်းတော့နားလိုက်ရသလိုပါပဲ... ဒါနဲ့ ပြင်ဆင်စရာရှိတာပြင်ဆင်ပြီး Brisbane သွားဖို့ကားလာခေါ်တာကိုစောင့်ရန် အောက်ဆင်းခဲ့ပါတယ်... ချောင်းက ရှေ့နေ့ကလောက်တော့မဆိုးတော့ပါဘူး... အစက ကင်မရာအိတ်ကြီးကို သယ်ရသက်သာအောင် ထားခဲ့ဖို့စဉ်းစားမိပင်မဲ့ တိုးကားနဲ့သွားမှာမို့ယူလာဖြစ်ပါတယ်...

အောက်ရောက်တော့ ဟော်တယ်ပိုင်ရှင်ပဲလား အလုပ်သမားလားတော့မသိ... ညပြန်ရောက်ရင်ပဲဖြစ်ဖြစ် မနက်စောစောပဲဖြစ်ဖြစ် သန့်ရှင်းရေးအမြဲလုပ်နေတတ်တဲ့ ဘိုကြီးကနှုတ်ဆက်ပြုံးပြပြီး ဟော်တယ်ဘေးက ဘတ်စ်ကားဂိတ်မှာ ခဏပဲစောင့်လိုက်တယ်ဆိုရင်ပဲ ကားကချက်ချင်းရောက်လာပါတယ်... လာမယ်ဆိုတဲ့အချိန်ထက် မိနစ် ၂၀လောက်ကို စောရောက်ပါတယ်... ကားပေါ်တက်ပြီး နောက်တစ်နေရာကိုသွားခေါ်တော့လဲ အဲဒိက ကလေး ၂ယောက်နဲ့ မိသားစုကို Local လို့ထင်ရတဲ့မိန်းမက ကားကူစောင့်ပေးနေပါတယ်... အဲဒိမိန်းမက "ငါပြောသားပဲ... ငါတို့ သြစတေးလျန်းတွေက အချိန်ကို စောစောလုပ်တတ်တယ်..." ဆိုပြီး လိုက်လာမဲ့မိသားစုကိုပြောနေပါတယ်... ကားမောင်းတဲ့သူကလဲ ဆက်ဆံရေးကောင်းပါတယ်... ဧည့်သည်တွေအားလုံးနဲ့ စကားစမြည်ပြောပါတယ်... ဟိုမိသားစုကတော့ ဒီနေ့ တိရိစ္ဆာန်ရုံသွားမှာတဲ့... ကျွန်မတို့ ၂ယောက်က ကားဂိတ်ရောက်ရင် Brisbane သွားမဲ့ကားပြောင်းရမှာပါ... ဟိုကားက ပျက်နေလို့ ခု ကားသွားလဲနေတာနဲ့ ဒီကားနဲ့အရင်လာကြိုတာလို့ပြောပါတယ်... အဖြူကလေးတွေက ကျွန်မတို့ အာရှကလေးတွေနဲ့ မတူတဲ့အချက်က မေးရမှာမရှက်မကြောက်ပါဘူး... သူတို့သိချင်တာတွေအကုန်လုံးကို ကားသမားကိုမေးပါတယ်... အဲဒါကောင်းတဲ့အချက်လို့ထင်ပါတယ်... ဒီနေရာမှာ လူကြီးနဲ့လဲ အများကြီးဆိုင်ပါတယ်... အဲဒိကလေးတွေက ဘယ်လို မေးခွန်းမျိုးမေးမေး စိတ်ရှည်ရှည်နဲ့ တကယ်ဖြေပေးတဲ့လူကြီးတွေပါ... ကားသမားကြီးက သူတို့မေးတဲ့မေးခွန်းကို လူကြီးတွေမေးတဲ့မေးခွန်းလိုပဲ မငြိုမငြင်ဖြေပါတယ်... ကလေးဆိုပြီး လူရာမသွင်းတဲ့ ဆက်ဆံမှုမျိုးမရှိပါဘူး... ကလေးမိဘတွေကလဲ သူတို့ကလေးကို ဟန့်ခြင်းတားခြင်းမရှိပါဘူး... ဒီတော့ကလေးတွေက မေးခွန်းမေးရမှာကို ကိုယ့်ကိုကိုယ်ယုံကြည်မှုရှိလာသလို အာရှကလေးတွေနဲ့ယှဉ်ရင် လူကြောက်ခြင်း မိဘနောက်ပုန်းနေခြင်းမရှိပါဘူး... အဲဒါက အသက်ကြီးလာတဲ့အခါ ရင့်ကျက်မှုမြန်ဆန်စေတယ်လို့ကျွန်မထင်ပါတယ်... ဒါပေမဲ့ ခုနောက်ပိုင်း အာရှကလေးတွေလဲ သွက်လာပြီး လူတတ်လေးတွေဖြစ်နေတာကို တော်တော်များများတွေ့လာရတဲ့အတွက် ၀မ်းသာမိပါတယ်... (ဒါပေမဲ့ ကိုယ်ကလေးဘ၀တုန်းကလဲ လူကြီးတွေကြောက်ခဲ့ရ... ကိုယ်လူကြီးဖြစ်တော့ ကလေးတွေက တစက်မှကိုယ့်ကိုမကြောက်တော့ပဲ ပြောင်ပြတာခံနေရတော့ ကိုယ့်အတ္တနဲ့ကိုယ်တော့ သိပ်မခံချိလှဘူး... ဟိဟိ... :P)


နောက်ဆုံးအုပ်စုကိုသွားခေါ်တော့ သူတို့ ဟော်တယ်ရှေ့မှာစောင့်တာ မိနစ် ၂၀လောက်ရှိပြီး တစ်ယောက်မှထွက်မလာပါဘူး... ကျွန်မနဲ့ အစ်မကတောင် Asian Disgrace (ချိုင်းနား) လူမျိုးတွေလားဆိုပြီး စိုးရိမ်မိပါသေးတယ်... အဲလိုလုပ်တာ အေးရှမ်းဆိုပြီး ကိုယ်ပါမျက်နှာမပျက်ချင်လို့ပါ (ခုလိုအချိန်ကျတော့ ကိုယ်က အာရှတိုက်သားကိုကိုယ်စားပြုနေတာကိုး)... နောက်တော့ အဖြူအုပ်စုပဲဖြစ်နေတော့မှ အာရှတိုက်သားမဟုတ်လို့တော်ပါသေးရဲ့ဖြစ်ရတယ်... ကားဂိတ်ရောက်တော့ ကားသမားကြီးတွေနဲ့ ခဏရပ်စကားပြောဖြစ်တော့မှ Brisbane က လွန်ခဲ့တဲ့ ၂ပတ်လောက်ကမှ မုန်တိုင်းတိုက်ပြီး မြစ်ရေလျှံထားတော့ ဘရစ်စဘင် မြစ်က သိပ်လှမှာဟုတ်ဘူးတဲ့... ရေနောက်နေလိမ့်မယ်တဲ့... ကျွန်မတို့မလာခင် ၂ပတ်က မုန်တိုင်းအကြောင်းပြောပြတော့မှ... Gold Coast ... surfer paradise ကိုသွားတဲ့ ကျွန်မတို့လျှောက်နေကျလမ်းဆို လေပြင်းလို့ လမ်းလျှောက်လို့တောင်မရဘူးတဲ့... ကျောတောင်ချမ်းသွားတယ်... တော်ပါသေးရဲ့ ကိုယ်လာတဲ့အချိန်မှာ မဖြစ်လို့ဆိုပြီး... ဒါပေမဲ့ သူတို့အစိုးရက ချက်ချင်း ကယ်ဆယ်ရေးတပ်တွေလွှတ်ပေးတယ်တဲ့... ဘရစ်စဘင်က ရေကြီးပြီး ပျက်စီးတဲ့အဆောက်အဦးတွေကိုလဲ ကယ်ဆယ်ရေးတပ်တွေ နဲ့ အမြန်ဆုံးဖြေရှင်းနိုင်တယ်တဲ့... (ကျွန်မရဲ့ မြန်မာဆန်ဆန် Mindset က အော်တိုတွေးမိသေးတယ်... ရေကြီးရတဲ့အထဲ ကယ်ဆယ်ရေးတွေကို ပိုက်ဆံကထပ်ပေးရအုံးမယ်လို့ စက္ကန့်ပိုင်းလောက်တွေးမိလိုက်သေးတယ်... နောက်မှ သူတို့နိုင်ငံတွေမှာ ဒါမျိုးက အစိုးရက Free လုပ်ပေးတာလေ... ကျန်တာတွေကလဲ Insurance တွေရှိပြီးသား...)... (အမယ်လေး... ရေလေးကြီးပြီး မီးလေးပျက်တာလောက်များ.... :P ) စကားပြောနေတဲ့ တစ်ချိန်ထဲပဲ ကိုယ့်နိုင်ငံက နာဂစ်တုန်းက ဓာတ်ပုံတွေမျက်လုံးထဲ မသိလိုက်တဲ့အချိန်မှာပေါ်လာပြီး စိတ်ထဲ အောင့်ကနဲဖြစ်ရသေးတယ်... ( ဘယ်မတုန်း ငါပေးထားတဲ့အခွန်တွေ...!!! ) လူ့စိတ်များအဲဒိ Driver ကြီးနဲ့ စကားပြောနေတဲ့ခဏအတွင်း စဉ်းစားမိတာတွေပါ... အခွန်အကြောင်းစိတ်ထဲရောက်ပြီး ဘယ်သူ့ကို မေတ္တာပို့မလဲဆိုတဲ့ ကျန်တဲ့အတွေးကတော့ ပြောပြစရာမလိုတော့ပါဘူး မြန်မာနိုင်ငံသားအခွန်ဆောင်ရသူတိုင်းအသိဖြစ်မှာပါ... မလိုအပ်ပဲ အကုသိုလ်ဆက်မပွားချင်တာနဲ့ အတွေးဆကို ဒီတင်ပဲဖြတ်လိုက်တယ်...

ဒီလိုနဲ့ ကျွန်မတို့စီးရမဲ့ကားရောက်လာပါတယ်... ကားက မီနီဘတ်စ်ထက်နည်းနည်းသေးပါတယ်... တောင်းအိတ်စ် လို့ပြောရမယ်ထင်တယ်... ကားပေါ်မှာ နယူးဇီလန်က လင်မယား ၂ယောက်နဲ့ ချိုင်းနား (သို့) ထိုင်ဝမ် (သို့) ဟောင်ကောင် က ၄ယောက်ပါပါတယ်... ချိုင်းနားဟုတ်မဟုတ်မသေချာတာက အဲဒိထဲက မိန်းမအင်္ဂလိပ်လိုပြောတာ ချိုင်းနားနဲ့သိပ်မတူတာတစ်ကြောင်း... အလိုက်ကမ်းဆိုးသိတတ်ပြီး ဘယ်သူ့ကိုမှ မျက်စိနောက်အောင်မနေတာကတစ်ကြောင်းမို့ ချိုင်းနားကဖြစ်မယ်ဆိုရင်တောင် Oversea ရောက်တာကြာနေတဲ့သူတွေဖြစ်မယ်လို့ ကျွန်မကတော့ မှန်းတာပါပဲ... ကားကသေးပြီး နောက်ဆုံးတန်းကို အဲကွန်းကမရောက်တော့ အိုက်လဲအိုက်ပါတယ်... ပထမဆုံးလိုက်ပို့ပေးတဲ့နေရာက Kangaroo Point Park ပါ... ဘာမှတော့သိပ်မရှိပါဘူး... Brisbane မြစ်ကြီးကိုမြင်ရတယ် ရေကြီးထားလို့ လူတွေမရှိတဲ့ အဆောက်အဦးတွေကို တစ်ဖက်ကမ်းမှာမြင်ရတယ်... အဲနားမှာ Coffee ဆိုင်လေးရှိတယ်... ခဏပါပဲ ဓာတ်ပုံလေးဘာလေးရိုက် လေရှု စကားစမြည်ပြော ၁၅မိနစ်လောက်ပဲရှိမယ်... ကျွန်မနဲ့ ကျွန်မအစ်မ စတန်းထောင်ပြီး ဓာတ်ပုံရိုက်နေတာကို ဘယ်နေရာကနေ Zoom ဆွဲပြီး ဓာတ်ပုံရိုက်ထားတယ်မသိဘူး... ကျွန်မ မြစ်ကိုကြည့်နေတုန်း နောက်ကနေ ပုခုံးလာတို့လို့ လှည့်ကြည့်တော့ ကင်မရာကိုင်ထားတဲ့ ဘိုကြီးတစ်ယောက်က သူ့ကင်မရာကိုလာပြတယ်... စိတ်ထမှာ သူ့အတွက် ဓာတ်ပုံရိုက်ပေးဖို့ပြောမှာလား... ဘာလဲဆိုပြီး တွေးမိတယ်... နောက်တော့ သူ့ကင်မရာထဲမှာ ကျွန်မတို့ ညီအစ်မ ၂ယောက်ပုံကိုတွေ့တယ်... ကျွန်မလဲ ကျေးဇူးတင်ပါတယ်... ပုံလေးကလှတော့ လိုချင်မိတာနဲ့ အီးမေလ်းပို့ပေးလို့ရမလားဆိုတော့... သူက သူ့အိတ်မှာ အသင့်ပါလာတဲ့ Website လိပ်စာ (Oh-hi.info ) ရေးထားတဲ့ ကဒ်လေးထုတ်ပေးပြီး ဒီနေ့ည ဒါမှမဟုတ် မနက်ဖြန် အဲဒိဆိုဒ်ပေါ်မှာရှိလိမ့်မယ်တဲ့...

သူ့ဆိုဒ်ကနေယူထားတာ...



Kangaroo Park ဆိုပင်မဲ့ Kangaroo တွေရှိပါဘူး...


မုန်တိုင်းကြောင့် ရေနောက်နေတဲ့ Brisbane River

ဟိုဘက်ကမြင်နေရတဲ့ အဆောက်အဦးတွေမှာ ခုထိလူတွေမရှိသေးဘူး...

ပြီးတော့ ဟိုဘက်မှာမြင်ရတဲ့ တောင်ပေါ်သွားမယ်ဆိုတော့ ကျွန်မတို့ ညီအစ်မ ၂ယောက် ပျော်သွားတယ်... တောတောင်လျှောက်ရတော့မယ်ထင်ပြီး... အဲဒိတောင်ကိုသွားတဲ့ လမ်းတစ်လျှောက် Brisbane မြို့ကိုဖြတ်တော့ ဒါက China town (တရုတ်တန်း)... ဒါက Casino... ဒါက တက္ကသိုလ်... ဒါက church ဆိုပြီး မရပ်ပဲနဲ့ပါးစပ်ကပဲပြောရင်း ပြသွားလိုက်တာ Pamphlet ထဲမှာရေးထားတဲ့ လိုက်ပို့မယ်ဆိုတဲ့နေရာကုန်သလောက်ပဲ... Day Tour ဆိုတာ ဒါကိုး... အဲဒါကြောင့် Tour တွေဝယ်ရတာမကြိုက်တာ... ထားပါတော့လေ... ကိုယ်လဲကျန်းမာရေးမကောင်းတော့ Tour နဲ့သွားပြီး energy save တယ်ပဲသဘောထားလိုက်ပါတယ်... နောက်တော့ Mt.Coot-tha ကို ကားနဲ့စတက်ပါတော့တယ်... လမ်းကသာယာပါတယ်... တစ်ခါတစ်လေ ကိုယ်ဓာတ်ပုံရိုက်ချင်တဲ့ သစ်ပင်အမြင့်ကြီးတွေနဲ့ တောင်ပေါ်လမ်းကိုဖြတ်ရင် ခဏလောက်ရပ်ပေးစေချင်မိတယ်... tour နဲ့သွားတာ ဘာမှပြောမနေနဲ့တော့... အဲဒိ တောင်ပေါ်လမ်းတစ်လျှောက်မှာ သြစတေးလျရဲ့ အသံလွှင့်ရုံတွေအများကြီးရှိတယ်... လူက ခါတိုင်း ကားမူးနေကျမဟုတ်ပင်မဲ့ အားနည်းတာရောကြောင့်လား တောင်တက်လမ်းမှာ ကားလမ်းကဖြူးတော့ အမြန်မောင်းပြီး အကွေ့တွေမှာ မြန်မာပြည်မှာမောင်းသလိုအရှိန်သိပ်မလျော့တာကတစ်ကြောင်း... ကားကလဲ အိုက်ပြီး နောက်ဆုံးလိုင်းက လေမရတာတစ်ကြောင်း ချွေးစီးတွေထွက်ပြီး မူးလာတယ်... မြန်မာပြည်က သူ့ထက်တောင်ပတ်လမ်းတွေများတဲ့ မေမြို့တို့ တောင်ကြီးတို့သွားတာတောင် မမူးခဲ့ပါဘူး...

Mt. Coot-tha သို့...

Mt. Coot-Tha ပေါ်က မြင်ကွင်း...

တောင်ပေါ်ရောက်တော့လဲ လူကခေါင်းထဲမကြည်ပါဘူး... နေကလဲ ပူပါသေးတယ်... တောင်ပေါ်ကနေတော့ ဘရစ်စဘင်မြို့ကြီးကိုမြင်နေရပါတယ်... လူသာနေကောင်းရင်တော့ enjoy လုပ်ဖြစ်မှာပါ... အစ်မက ဓာတ်ပုံရိုက်ချင်တယ်ဆိုလို့ရိုက်သာပေးနေရတယ် နေပူဒဏ်ကိုလဲ မခံနိုင်ဖြစ်နေပါတယ်... သြစီက"နေ"က ပူရင်လဲ စလုံးထက်ပူတယ်လို့တောင်ခံစားရပါတယ်... ကျွန်မနေမကောင်းတော့ အစ်မကပါ စိတ်မကြည်ဖြစ်လာတယ်ထင်ပါတယ်... သူ့ကိုဓာတ်ပုံရိုက်ပေးရတာလဲ ကျွန်မဘယ်စိတ်ပါတော့မလဲ.. ကိုယ့်ဟာကိုယ်တောင် ရိုက်ချင်စိတ်သိပ်မရှိတော့တာ... ဒါပေမဲ့လဲ ဒီဟာက ကျွန်မရဲ့ control အလွန်လေ... ဘယ်သူကရော ပိုက်ဆံဒီလောက်အကုန်ခံလာပြီး နေမကောင်းဖြစ်ချင်မှာလဲ... ကျွန်မက ခံစားနေရတဲ့သူ ပိုတောင် မဖြစ်ချင်သေး... နောက်တော့ ကိုယ့်ဝမ်းနာ ကိုယ်သာသိ... အရိပ်ထဲပဲ နေလိုက်တယ်... ခဏနေတော့ သန့်စင်ခန်းသွားပြီး ထွက်လာတော့ သူတို့ကိုမတွေ့တော့ပြန်ဘူး.. အဲဒိနားက Souvenir နဲ့ ကော်ဖီဆိုင်လေးကို ၀င်ကြည့်နေဖြစ်တယ်... နောက်မှ အစ်မက ဖုန်းဆက်ပြီး သူအဲဒိဆိုင်ထဲမှာဆိုတော့ ၀င်လိုက်သွားတယ်... ကားသမားကြီးလဲ ခပ်လှမ်းလှမ်းစားပွဲမှာထိုင်နေတယ်... ကော်ဖီဆိုင်လေးက တော်တော်သာယာတယ်... ရှုခင်းလဲအရမ်းကောင်းတယ်... ရာသီဥတုသာ ပူမနေရင် ဒိထက်ပိုနေလို့ကောင်းမယ်... ကျွန်မအစ်မက Cheese Cake စားရင်း ရှုခင်းကြည့်နေတယ်... ကျွန်မလဲ Muffin တစ်လုံးဝယ်စားဖြစ်တယ်... Muffin ကပဲကြီးတာလား ကိုယ်ပဲ ခံတွင်းပျက်နေတာလားတော့မသိဘူး.. မကုန်ဘူး... ဒါပေမဲ့ နည်းနည်းထိုင်နားပြီး စားလိုက်ရတော့ လူက အတော်လေးဟန်သွားတယ်... မဗေဒါခေါင်းမူးလို့ကတော့ အစားတစ်ခုခုစားလိုက် ပျောက်သွားဖို့ ရာခိုင်နှုန်းများတယ်... (မေမေတို့ ဖေဖေတို့သာပါရင် အားလုံးအဆင်သင့်ဖြစ်နေမှာ)... အဲဒိ ဆိုင်လေးက Mt. Coot-tha ပေါ်က နာမည်ကြီး Cuta Cafe ဆိုတာ ခုရေးနေရင်းမှ သိတယ်... ကားသမားကြီးနဲ့ စကားပြောရင် အမှတ်တရဓာတ်ပုံရိုက်ဖြစ်တယ်... ဒီကားသမားကြီးက မြန်မာနိုင်ငံကို သိပုံမပေါ်ဖူး... ဒါပေမဲ့ သူသိချင်ယောင်တော့ဆောင်တယ်...

နောက်ဆုံးအားယူပြီး ကြိုးစားပြုံးရိုက်ထားတယ်...

ကားသမားကြီးနဲ့အတူ...

kuta cafe ၀င်ပေါက်ဘေးက လမ်း...

ကော်ဖီဆိုင် ရှေ့ဘက်က မြင်ကွင်း.. ဘက်ဘယ်ကနေ ပထမဆုံး ထီးအောက်မှာ ထိုင်ခဲ့တယ်...

ထိုင်နေတဲ့နေရာကနေ မထနိုင်ပဲ မြင်ရတာကို ဒီလိုပဲ ရိုက်လိုက်တယ်... အောက် Brisbane မြို့ကြီးပေါ့...

နေပူနေတော့ ဓာတ်ပုံထဲမှာလှတယ်... နေမပူရင်တော့ လူနေလို့သက်သာတယ်..

တောင်အောက်ပြန်ဆင်းတဲ့လမ်းမှာတော့ မျက်လုံးကိုမှိတ်ပြီးပဲလိုက်လာလိုက်တယ်... မူးမှာစိုးလို့... ကားရပ်လို့ မျက်လုံးဖွင့်ကြည့်လိုက်တော့ Brisbane Botanic gardens ကိုရောက်နေတယ်... ဒီထဲကိုဝင်ပြီး လျှောက်ကြည့်ဖို့ နာရီဝက်လောက်အချိန်ပေးတယ်... ဘရစ်စဘင် ရုက္ခဗေဒ ဥယျာဉ်က စကာင်္ပူကလောက်မလှဘူး... မြန်မာပြည် မေမြို့က ကန်တော်ကြီးလောက်တောင် မသေသပ်ဘူး... လွန်ခဲ့တဲ့ ၂ပတ်က မုန်တိုင်းမိထားလို့လားတော့မသိဘူး... Japanese Gardens ဆိုမြောင်းပုတ်နံ့တောင် နံနေတယ်... ကျယ်တော့အတော်ကျယ်ပါတယ်... တချို့နေရာတွေလဲ upgrading လုပ်နေတယ်ထင်တယ်... ပန်းခြံထဲမှာတော့ ကျွန်မတို့ကားပေါ်ကလူကလွဲလို့ တခြားလာလည်တဲ့သူ ၁ယောက် ၂ယောက်ပဲတွေ့တယ်... ဒါပေမဲ့ အပင်စိတ်ဝင်စားတဲ့သူဆိုရင်တော့ အဲဒိထဲမှာရှိတဲ့အပင်တွေက တခြားနိုင်ငံမှာ မတွေ့နိုင်တဲ့ အပင်မျိုးတွေ အများကြီးရှိလောက်တယ်... မဗေဒါကတော့ နေလဲမကောင်း... ပင်လဲပင်ပန်းဆိုတော့ စိတ်သိပ်မပါဘူး... တွေ့တာလေးတွေတော့ ကင်မရာနဲ့ဟိုရိုက်ဒီရိုက် ရိုက်ဖြစ်တယ်...

သဘာဝနဲ့ ဆက်သွယ်ဖို့နေရာတဲ့...


ပန်းခြံထဲ ဘူမှမရှိ...

indoor but nothing special...


မင်းလေးရှိမှ ကိုယ့်ဘ၀လှပအသက်ရှင်မယ်...



 မြို့ထဲပြန်ရောက်တော့ သူက "River Cruise" စီးမလား ၊ စီးမယ်ဆိုရင် ဘယ်လောက်လဲမသိဘူးပေးရမယ်... မစီးတဲ့သူတွေကို မြို့ထဲမှာ ခဏချပေးမယ်တဲ့... ကျွန်မအစ်မက စီးချင်ပုံရတယ်... ဒါပေမဲ့ ဒီမူးနေတဲ့ခေါင်းနဲ့ သဘောင်္ထပ်စီးခိုင်းရင် ပိုက်ဆံကုန်ပြီး စိတ်ချမ်းသာရမှာမဟုတ်ဘူး... ဒါနဲ့ မစီးဘူးပဲပြောလိုက်တယ်... မြို့ထဲမှာချပေးပြီး လျှောက်သွားရတာကိုလဲ ကျွန်မက ကြိုက်ပါတယ်... (ရှန်ဟိုင်းသွားတုန်းကလဲ ဂျွမ်းဘားကြည့်မလား မြို့ထဲသွားမလားဆိုတော့ မြို့ထဲပဲသွားလိုက်တာ အဲညက ကိုယ့်ဘာကိုယ် Enjoyed ခဲ့ရတာပဲ)... သဘောင်္စီးဖို့ နယူးဇီလန်က လင်မယားပဲသွားပါတယ်.. အာရှသားတွေအားလုံး မြို့ထဲနေဖို့ပဲဆုံးဖြတ်ကြပါတယ်... ချပေးခဲ့တဲ့နေရာမှာ နောက် ၂နာရီလောက်နေလာခေါ်မယ်တဲ့... အဲဒိနားကနေ ဟိုလျှောက်ဒီလျှောက်နဲ့ ဂျပန်စာ ဆူရှီးရောင်းတဲ့ဆိုင်မှာ မလေးရှား Laksa တို့ ဘာတို့ပါ တွဲရောင်းတဲ့ဆိုင်လေးကိုတွေ့ပါတယ်... အမှန်တော့ မလေးရှားတရုတ်တွေဖွင့်ထားတဲ့ဆိုင်ပါ.. ဂျပန်စာကတော့ ဘိုတွေကို ဆွယ်ရုံသက်သက်လို့မှန်းတာပဲ... ဗိုက်တော့လုံးဝမဆာပါဘူး... (ဆာမှန်းမသိဖြစ်နေတာလဲဖြစ်နိုင်ပါတယ်... Body clock က စကာင်္ပူအတိုင်းပဲရှိနေသေးတော့ သြစီစားချိန်မှာ ဗိုက်ကဆာပေမဲ့ ဦးနှောက်က အသိမပေးဘူးလို့ထင်ပါတယ်...) ထမင်းကြော်ဝယ်စားဖြစ်တယ်... အစ်မက ကြက်သားဟင်းနဲ့ထမင်း... ထမင်းကြော်က အများကြီးရတယ်... ကုန်တောင်မကုန်ဘူး... ဒါပေမဲ့ ဒါဟာ Queensland ရောက်ပြီး စားသမျှထဲမှာ အကြေနပ်ဆုံးအစာပါပဲ... စကာင်္ပူ၊မလေးရှားလက်ရာထမင်းကြော်စစ်စစ်ပါ...

ထမင်းကြော်စားဖြစ်တဲ့ နေရာ...

စားပြီးသောက်ပြီးတော့ ခေါင်းမူးတာ တော်တော်သက်သာသွားတယ်... လက်စသတ်တော့ ငါဗိုက်ဆာလို့များ ခေါင်းမူးတာလား ဆိုတာ ခုထက်ထိ မသေချာတဲ့ အဖြေတစ်ခုပါ... ဟိုနားဒီနားလျှောက်သွား ဓာတ်ပုံရိုက်ဖြစ်တယ်.. ပြီးတော့ တစ်ဖက်ကားလမ်းကူးလိုက်တော့ Shopping Mall တွေနားရောက်သွားတယ်... ၀င်ကြည့်လိုက်တဲ့ဆိုင်တွေမှာပဲ Dress တွေက AUD 10 ဆိုတော့ ထမင်းစားတောင် ၂၀လောက်ကျနေတာ... အကျီင်္တစ်ထည် ၁၀ ဆိုတော့ ၀ယ်ပြစ်လိုက်ပြန်ရော... နောက်တစ်ဆိုင်ဝင် နောက်တစ်ခါဝယ်ပြန်ရော... အဲ... Master card တောင် စသုံးလိုက်သေး... ပိုက်ဆံမလောက်မှာစိုးလို့... ပြား ၇၀ service charge ရှိတယ်တဲ့.. ရတယ်ပြောလိုက်တယ်... (မရှိကုန်မှအေး.. စိတ်ထဲက စိတ်နာနာနဲ့ပြောတာ)... ဟိုဝတ်ကြည့် ဒီဝတ်ကြည့်နဲ့ .... ထမင်းပဲစားလိုက်လို့လား... Shopping ဆိုတာ မိန်းကလေးတွေအတွက် ဆေးတစ်ခွက်ပဲလားတော့မသိ ခေါင်းမူးတာတွေပျောက်ပဲ... ဟိဟိ... ဒါနဲ့ အဲဒိဆေးကို ကောင်းကောင်းကြီး မှီဝဲခဲ့တာ ပြန်တော့ အထုတ်တွေပိုလာရော... ပြန်လာကြိုမဲ့နေရာကို ကျွန်မတို့စောရောက်နေခဲ့တယ်... ပလက်ဖောင်းပေါ်က ခုံတန်းလေးမှာ ညီအစ်မ ၂ယောက်ထိုင်ဖြစ်တယ်... မလှမ်းမကမ်းခုံတန်းမှာ ကားပေါ်က တရုတ်အဖွဲ့ထိုင်နေတယ်... ၂ယောက်လုံးဘာလို့ ဒီလောက်ပင်ပန်းနေလဲတော့မသိဘူး (ပူလို့ဖြစ်မယ်ထင်တယ်)... လမ်းဘေးက ခုံတန်းပေါ်မှာ ငုတ်တုတ်နဲ့ ခဏလေးမှေးခနဲ အိပ်ပျော်သွားတယ်... "Go! Go! Go!" ဆိုပြီး ဟိုအုပ်စုထဲက တရုတ်တစ်ယောက်လာနှိုးတော့မှ လန့်နိုးသွားတယ်... ရောက်ရာနေရာ ထိုင်ငိုက်တတ်ခြင်းဟာလဲ မင်္ဂလာတစ်ပါးပဲ... (စတာနော် အတည်မယူလေနဲ့)...

ပင်ပန်းပင်မဲ့ ရေတစ်ဘူးနဲ့ လျော့ပင်းမထွက်ခင်...


သူကဘူလဲတော့ မသိ...

လျော့ပင်းထွက်ပြီးဘီ...

ဒါပြီးရင် ပြီးပြီလား... Tour ကလဲ ဒါပဲလားလို့ Complaint တက်ချင်သလိုဖြစ်နေမိသေးတယ်... ဒါပြီး ပြန်ရရင်ခုမှ ၂နာရီကျော် ၃နာရီလောက်ပဲရှိသေးတယ် Day tour ကလဲ Half Day လောက်ပဲရှိသလိုဖြစ်နေတယ်... ဒါပေမဲ့ နောက်တစ်နေရာကိုလိုက်ပို့တယ်... South Bank Boardwalk ၊ မြစ်ကမ်းဘေး လေညင်းခံလမ်းလျှောက်လို့ရတယ်... tourist လာတဲ့နေရာဆိုတော့ tourist တွေစုစုရုံးရုံးတွေ့ရတယ်... အ၀င်နားလောက်မှာ သြစီမှာတစ်ခုထဲရှိတဲ့ နီပေါ ဘုရားကျောင်းတစ်ခုရှိတယ်... နီပေါနိုင်ငံအပြင်ဘက်မှာရှိတဲ့ ဘုရာကျောင်းသုံးခုထဲက တစ်ခုက အဲဒိမှာရှိတယ်... (ဆိုလိုတာက နီပေါဘုရားကျောင်းတွေကို နီပေါနိုင်ငံကလွဲလို့ တခြားနိုင်ငံမှာရှိတာ ၃ခုပဲရှိတယ် အဲဒိထဲက တစ်ခု)... ဒါပေမဲ့ လူများလို့ အ၀နားလောက်ပဲဝင်ကြည့်ပြီး ပြန်ထွက်ခဲ့တယ်... အထဲမှာ တောလမ်းလျှောက်သလို သစ်ပင်တွေကြား တံတားထိုးထားတဲ့ လမ်းလေးရှိတယ်.... ဒါပေမဲ့ လူတွေများလို့ ဒီဘက် မြစ်ဘက်တစ်လျှောက်ဆောက်ထားတဲ့ ရိုးရိုး လမ်းအတိုင်းပဲ လေညင်းခံရင်းလျှောက်ဖြစ်တယ်... တစ်နေရာရောက်တော့ ခုံတန်းမှာထိုင်ပြီး ညီအစ်မ ၂ယောက် စကားမပြောဖြစ်ကြပဲ လေညင်းကိုပဲ ခံစားဖြစ်တယ်... ခေါင်းအတော်လေးကြည်သွားပင်မဲ့ ပင်တော့ပင်ပန်းနေသေးတယ်... အဲဒိ လေနဲ့အတူ အဲခုံတန်းလေးပေါ်လှဲအိပ်ပြစ်လိုက်ချင်တယ်... တောထဲက ထွက်လာတဲ့ တောက်တဲ့လိုအကောင်းလေးတွေကို ဓာတ်ပုံသဲကြီးမဲကြီးလိုက်ရိုက်နေတဲ့ ဘိုမတစ်ယောက် ရခါနီးကျတော့မှ ကလေးလေးတစ်ယောက်က အဲဒိ တောက်တဲ့ကို ရှူးလုပ်လိုက်တာ ၀င်ပြေးသွားရော... ကလေးဆိုတော့ ဘာမှပြောလို့မရဘူးပေါ့... သူကတော့ နည်းနည်းတင်းသွားလောက်တယ်.. ဖွတ်တွေ တောက်တဲ့တွေများအဲဒိမှာ ခဏလောက်ကြာကြာထိုင်လိုက် ထွက်လာပါလိမ့်မယ်...
နီပေါ ဘုရားကျောင်း...

မြစ်ကမ်းဘေးမှာ လေညင်းခံရင်းပေါ့...


တော်တော်လေးထိုင် လေညင်းခံပြီးမှ ပြန်ဖြစ်တယ်... ဒါတောင် ကျွန်မတို့ညီအစ်မက စောနေသေးတယ်... အဲဒိနားက Ferry Wheel ကြီး အကြီးရှေ့က မြက်ခင်းပေါ်ထိုင်ရင် ပတ်ဝန်းကျင်ကိုပဲ လျှောက်ကြည့်နေဖြစ်တယ်... ကလေးတွေနဲ့ ဘိုမတွေလဲ မြက်ခင်းပေါ်ထိုင်နေကြတယ်... တစ်ခါတစ်လေ ဘာစကားမှမပြောပဲ ဒီလိုအေးဆေးလေး ထိုင်ကြည့်နေရတာလဲ လျှောက်သွားပြီး ပင်ပန်းနေရတာထက်စာရင် enjoy လုပ်နည်းတစ်မျိုးပါပဲ... ဓာတ်ပုံလေး ၁ပုံ ၂ပုံလောက်ထပ်ရိုက်ဖြစ်တယ်... ကားလာတော့ ကားပေါ်ပြန်တက်ပြီး ပြန်လာဖြစ်ကြတယ်... 

ferry Wheel ဘေးက လမ်း...

ချားစီးချင်လား...

South river bank နားက အဆောက်အအုံ...


ဟိုကြည့်ဒီကြည့်... နောက်က ကင်မရာအိတ်နဲ့ စတန်းကတော့ အလွန်လေး...


ကားပေါ်မှာလဲ အိပ်လိုက်နိုးလိုက် ငိုက်လိုက်နဲ့ သံသရာလည်နေတယ်... ကျွန်မတို့ ဟော်တယ်ကို အရင်ဆုံးရောက်တယ်... ပြန်ရောက်တဲ့အချိန် ညနေ ၅နာရီလောက်တော့ရှိမယ်ထင်တယ်... နေတော့မ၀င်သေးဘူး... ဒါပေမဲ့ ညီအစ်မ ၂ယောက်လုံး ဒီလောက်ငိုက်ချင်တဲ့ ငါဆိုပြီး တမုန်းအိပ်ပစ်လိုက်တယ်.. အမှန်တော့ နေမကောင်းတာကို မနားပဲထွက်နေလို့ မပျောက်နိုင်တာ အဲလိုနားလိုက်ချင်တာ... ဒါပေမဲ့ ကိုယ်နားမယ်ဆို ကိုယ့်အစ်မပါ လိုက်ပြီး ဟော်တယ်မှာပိတ်နေမှာစိုးလို့ မပြောချင်ခဲ့တာ... ကျွန်မကိုထားပြီးသွားချင်သွားလို့ ပြောချင်ပေမဲ့ သူကလဲ ထားသွားမှာမဟုတ်တော့ မပြောဖြစ်ဖူး... ကိုယ့်ပိုက်ဆံအကုန်ခံပြီးလာကြတာ ကျွန်မနေမကောင်းတာနဲ့ သူ့ကိုဆွဲထားသလိုဖြစ်မှာစိုးလို့လိုက်ပေးနေတာ... ခုတော့ သူလဲနားချင်တာပဲလား... ကျွန်မအတွက်ပဲ နားပေးတာလားတော့မသိဘူး... အိပ်လိုက်တာဆိုတာ ကျွန်မပြန်နိုးလာတော့ ည ၉နာရီရှိပြီ... ဗိုက်ကလဲ ဆာတယ်... သူကတော့ အိပ်နေတုန်းပဲ... မနက်က Kuta Cafe က Muffin ကျန်တာလေး ထုတ်စား... အာသာက မပြေ... ဒါနဲ့ပဲ... အိပ်တာပဲအေးပါတယ် နောက်နေ့ ဆစ်ဒနီကိုသွားရင် နေကောင်းပြီး အားရှိမှဖြစ်မယ်.... ဒီနေ့တော့ ညစာထပ်လွတ်ပြန်ပြီပေါ့...

စာကြွင်း။ ။ ပထမနေ့ညမှာကတည်းက ငယ်သူငယ်ချင်းတွေနဲ့ အဆက်အသွယ်ရပြီးသားပါ... ဖုန်းဆက်ကြပါတယ်... နေမကောင်းဘူး... ချောင်းဆိုးနေတယ်ပြောတော့... ငယ်သူငယ်ချင်းကောင်းပီသစွာ... ချောင်းဆိုးရင် ငါနဲ့လာမတွေ့နဲ့ဆိုပြောပါတယ်... ဖေ့ဘွတ်ပေါ်က စာတမ်းလေးတွေလိုပေါ့... ကျွန်မ အခြေအနေဆိုရင်တော့ "Friends ask "Are You Okay?" when u sick, BEST Friends say "Don't come and meet me if you are coughing"... ဘာပဲပြောပြော သူစတယ်ဆိုတာ ကျွန်မသိပါတယ်... ပြီးတော့ မတွေ့တာ ဒီလောက်ကြာပင်မဲ့ တစ်ယောက်ကိုတစ်ယောက် ပြောမနာဆိုမနာရှိဆဲ သူငယ်ချင်းတွေအကြောင်းတွေးမိရင် အပြုံးတစ်ချက်တော့ ကျွန်မမျက်နှာပေါ်ကို အမြဲဖြတ်ပြေးဖြစ်တယ်လေ....

For More photos please like "MaBayDar" Page at the side bar...

Thursday, March 14, 2013

စိတ္တဇ Weekend ကုန်ဆုံးလွန်မြောက်ပါစေကွယ်....

မဗေဒါကို ကျန်ခဲ့တဲ့ သုံးပတ်အတွင်း အလုပ်ပိတ်ရက် စနေ တနင်္ဂနွေတွေမှာ စိတ်ဖိစီးမှုတွေပေးခဲ့တဲ့ 3d Drawing ဘာသာ အမှတ်ရပါပြီ... လူမှာ ခါးတွေလဲနာ... မျက်လုံးတွေလဲကိုက်... ခေါင်းတွေလဲမူး... စိတ်တွေလဲညစ်ခဲ့ရတဲ့ ဘာသာပေါ့... ပထမတစ်ခုက Assignment (TMA) ၊ ဒုတိယတစ်ခုက Lab report... TMA က စာတွေဖြေရတာ....နံပါတ် ၂ အေနဲ့ဘီကို မသိလို့ အစက ဒီအတိုင်း Blank ထားခဲ့မလို့ နောက်မှ အင်တာနက်မှာရှာတွေ့တာတွေ လျှောက်ရေးပေးလိုက်တာ အမှတ်ရသွားသားပဲ... TMA က ၉၃မှတ်ရတယ်... TMA အပြီး နောက်တစ်ပတ်ပဲခြားတယ်... Lab report deadline ကလာပြန်ရော... ဒီ Lab report ကတော့ အဆုံးပိုင်းမှာ မဗေဒါကို မျက်ရည်ပေါက်ကြီးငယ်နဲ့ ဒီဘာသာကို အကျပဲခံလိုက်တော့မယ်လို့ စဉ်းစားတဲ့အထိ ဒုက္ခပေးခဲ့တာပေါ့... ဟုတ်တယ်လေ... ကြိုးစားပမ်းစား စနေရော တနင်္ဂနွေ ၂ရက်လုံးနည်းလမ်းရှာဖွေပြီး ဆွဲခဲ့တဲ့ ပုံက ပြီးလဲပြီးသွားရော နောက်ဆုံးမေးခွန်းကျတော့မှ ဆွဲထားတဲ့အဆင့်တွေကို Screen Shot နဲ့တကွရှင်းပါဆိုတော့... ကိုယ်က ဆွဲတုန်းက Screen Shot တွေမလုပ်ခဲ့တော့... Final product ပဲရှိတယ်... Screen shoot လေးရဖို့ အစအဆုံးပြန်ဆွဲရတော့မဲ့ပုံပေါက်နေတယ်... တနလာၤနေ့ည Deadline... တနလာၤနေ့မနက်က အလုပ်သွားရမယ်ဆိုတော့ ဆွဲဖို့အချိန်မရှိ... တနင်္ဂနွေည အပြီးဆွဲမှဖြစ်မှာလေ... ဒါနဲ့ လက်မလျော့သေးဘူး ဆွဲမယ်လုပ်သေးတယ်... ဖြစ်ချင်တော့ အိမ်က laptop မှာ screen shoot ကို Paste လုပ်ဖို့ Microsoft office ကမရှိဘူး... (အမှန်တော့ အဲဒိအချိန်က ဟုန်နေလို့ မသိတာ... Paint မှာ Paste ပြီး save လို့လဲရသားနဲ့)... ရုံးက laptop မှာကျတော့ အဲဒိ 3d software ကမရှိ... ဒီတော့ 3d software ကို ရုံးက laptop မှာ ဒေါင်းလုပ်လုပ်လိုက်တယ်... ဖြစ်ချင်တော့ အိမ်က laptop ထဲကဆွဲထားတာက version 2.65နဲ့... ရုံးက Laptop မှာ ဒေါင်းလိုက်တော့ Version update ဖြစ်ပြီး 2.66 ဖြစ်နေတယ်... ဒီတော့ report ရေးရင် ဆွဲပြီးသား version နဲ့ မတူမှာကို စိတ်ကစိုးရိမ်ပြီး... သွားပါပြီ... လုပ်ထားသမျှတွေ သဲထဲရေသွန်ဖြစ်ပါပြီ... ကြိုးစားနေလဲအလကားပါပဲ... တကယ်တော့ ကံတွေချည်းပဲဆိုပြီး ကံကိုပဲ အပြစ်ပုံရတော့တာပေါ့... ကံကို အပြစ်ပုံပြီးသကာလ ဆရာ့ရဲ့ မေးခွန်းကို အပြစ်ပုံတော့တာပေါ့... သူ့မေးခွန်းက ဘာလို့ အဆုံးကျမှ Screen Shoot လိုတယ်ပြောထားလဲ... အစကတည်းက နံပါတ် ၁မှာကတည်းက ပုံဆွဲရင် Screen Shoot လုပ်ပါလို့ပြောထားပါလား... ဘာညာနဲ့ စိတ်တိုတော့တာပေါ့.... ကိုယ့် Lab report ကို စိတ်ရှည်လက်ရှည်နဲ့ တစ်ပတ်လုံးကူလုပ်ပေးနဲ့တဲ့ သူ့ကိုလဲ "တော်ပြီ ဆွဲမနေနဲ့တော့ မဆွဲတော့ဘူး အကျပဲခံလိုက်တော့မယ်" ဆိုပြီး စိတ်တွေတို... (စိတ်ထဲမတော့ ကျလို့ ထပ်ပေးရမဲ့ ကျောင်းလခဆိုတာကြီးကြောင့် ဒေါသပိုရသလို၊ စိတ်လဲညစ်၊ မကျရင်တော့ကောင်းမှာပဲလို့လဲတွေးမိနေတာပေါ့)... သူငယ်ချင်းတွေ msg ပို့ပြီး စိတ်ညစ်ကြောင်းပြောတော့ သူတို့ကအားပေးကြတယ်... စိတ်မလျော့ပဲ တင်လိုက်ဖို့ပြောကြတယ်... သူတို့တွေအားပေးတဲ့အတွက် ကျေးဇူးတင်ပါတယ်... ကိုယ့်မှာသူငယ်ချင်းကောင်းတွေရှိသေးတာသိလို့လဲ ဝမ်းသာပါတယ်...
စိတ်တိုတိုနဲ့မေးခွန်းစာရွက်ကြီး ဆွဲဖြဲပြစ်လိုက်တယ်... ဟီးဟီး...

နောက်တော့ ညတော်တော်နက်ပြီး စိတ်ပြန်နည်းနည်းအေးတော့မှ အစအဆုံးပြန်ဆွဲရတာပေါ့... ဒါပေမဲ့ ဒီတစ်ခေါက်ဆွဲတော့လွယ်သွားပြီ... ပထမတစ်ခေါက်ဆွဲတုံးက ဆွဲတဲ့အချိန်ထက် ဘယ်လိုဆွဲရလဲ လိုက်ရှာရတာက ကြာတာလေ... ခုကျတော့ ဘယ်လိုဆွဲရလဲဆိုတာ ကိုယ်ကသိပြီးသွားတော့ ဆွဲရုံပဲ သိပ်မကြာတော့ဘူး... ဒါပေမဲ့ ပထမပုံလောက်တော့ Detail မဆွဲနိုင်တော့ဘူးပေါ့... အစက နံပါတ် ၂မေးခွန်း တံခါးပုံဆွဲခိုင်းတာ မဆွဲပဲထားမလို့ ၁၀မှတ်ပဲ မရလဲနေဆိုပြီး... အဲညက အမြင်ကပ်ကပ်နဲ့ ဖြစ်သလိုဆွဲပြစ်လိုက်အုံးမယ်ဆိုပြီး ဆွဲလိုက်တယ်... (အဲဒိ အပုဒ်က ခု အမှတ်ပြည့်ရတယ်ရှင့် ဟိဟိ)... နောက်နေ့မနက် ရုံးမှာအားရင် report ထိုင်ရေးရတာပေါ့... တနလာၤနေ့ည ၁၂နာရီ submission ပိတ်မယ်ဆို... ည ၁၁နာရီ ၂၅မိနစ်လောက်မှာ တင်ဖြစ်သွားတယ်... တော်တော် စိတ်ဒုက္ခပေးတာ... ခုအဲဒိ Lab report က ၉၄မှတ်တောင်ရတယ်... ဟဲဟဲ...

ဒါက ပြန်ဆွဲထားတဲ့ပုံ စားပွဲရဲ့ရှေ့ကရိုက်ထားတာ

ဒါက စားပွဲနောက်ကမြင်ကွင်း...

ဖြစ်သလိုဆွဲလိုက်တဲ့ တံခါး...

ပြဿနာမျိုးစုံနဲ့ ထွက်လာတဲ့ လေယာဉ်ပျံပုံ... ဒါတောင် သူကူဆွဲပေးလို့...

Lab report တင်ပြီး နောက်တစ်ပတ်ကျရင် Final project (ECA) ဆိုတာကြီးဆွဲရပြန်ပါရော... ဒီတစ်ခါတော့ ဘယ်သူ့မှ မကူနိုင်တော့ဘူး... သူက တစ်ပုံထဲမှာ ကြိုက်ရာ ပစ္စည်း ၆မျိုးဆွဲခိုင်းတာ... Interior or Exterior တော့ ရွေးရမှာပေါ့... လူက အမှတ်မရှိ လျှာရှည်ချင်တော့ လွယ်လွယ်ကူကူကို မဆွဲဘူး... အင်းလေးက ခြေတံရှည်အိမ်ပုံလေးဆွဲချင်ပြန်ရော... ဘာလို့များ လွယ်ကူပြီး Creative ဖြစ်တဲ့ Idea မျိုး ကိုယ့်မှာမရှိရတာလဲ မသိဘူးနော်... ကိုယ့်ကိုကိုယ်သတိထားမိတယ်... တစ်ခုခုရွေးဆို ခက်တာကိုပဲရွေးဖြစ်တယ်... ပြီးရင်မလုပ်တတ်တော့ဘူးဆိုပြီး အော်တယ်... တော်တော် ခွကျတဲ့ ကျွန်မ... ဒီတစ်ခါတော့ စိတ်သိပ်မရှုပ်တော့ပါဘူး... Youtube က tutorial တွေလျှောက်ကြည့်ပြီး သစ်ပင်တွေ မြက်တွေ ဘယ်လိုဆွဲလဲဆိုပြီး လျှာရှည်ပြန်ရော... ထားပါတော့လေ... အားလုံးအဆင်ပြေပြေပဲ... အဲ တင်မယ်လဲလုပ်ရော... report ကို 10MB အောက်ပဲထားပါတဲ့... ကိုယ့် Working file ချည်းပဲ Zip လုပ်တာတောင် 30MB. Render လုပ်ထားတဲ့ပုံတွေနဲ့ ကိုယ်သုံးထားတဲ့ Materials ပုံတွေမပါသေးဘူး... အဲဒါဘာလို့လဲဆိုတော့ လျှာရှည်ထားတဲ့ အပင်က သစ်ရွက်တွေနဲ့ လျှာရှည်မိတဲ့ မြက်ခင်းက မြက်တွေက File size ကို မတရားကြီးစေတာလေ... ဒါနဲ့ပဲ Wasting my effort again... ဆွဲထားတဲ့ မြိုင်မြိုင်ဆိုင်ဆိုင် သစ်ပင်နဲ့ မြက်ခင်းကို အရွယ်တွေလိုက်လျှော့ရပါရော... ပြီးမှပဲ တင်လိုက်ရတယ်... ဆရာသာ ကိုယ်ချင်းစာတတ်မယ်... ကျွန်မကြိုးစားထားတဲ့ Effort ကိုသဘောပေါက်မယ်ဆိုရင်တော့ အမှတ်ကောင်းကောင်းပေးမယ်လို့မျှော်လင့်တာပဲ... သူလိုချင်တာက Original creation... ဓာတ်ပုံကို ကြည့်ပြီး ပြန်ဆွဲပါတဲ့... တခြားသူတွေဆွဲထားတဲ့ အင်တာနက်ပေါ်က 3d ပုံတွေကို ပြန်ကူးမချပါနဲ့တဲ့... အဲဒါကိုကြည့်မယ်ဆိုရင်တော့ ကျွန်မရဲ့ Original Creation စစ်စစ်ဆိုတာကို သူ ၉၉.၉၉ မှတ်ပေးသင့်နေဘီ... ဟွန်း.... ဆွဲထားတဲ့ပုံတွေကြည့်လိုက်နော်...



ရေကန်ဆွဲရတာက လက်တော်တော်ဝင်တယ်... ရေကန်နဲ့တော့ သိပ်မတူလှဘူး...



အင်းလေး ခြေတံရှည်အိမ်... ဟဲဟဲ...

အနောက်က floating plantation က တကယ်ကိုပဲ လေပေါ် float ချင်နေတယ်... မတတ်နိုင်ဘူး... ရေပေါ်float အောင်ချိန်တာပဲ ဒီလောက်ပဲရတယ်...


Wednesday, March 13, 2013

Visit to 360 Sky Point & Movie World - Gold Coast Day 2

အဲဒိနေ့ကသာ ကျွန်မနေကောင်းနေခဲ့ရင် ဒိထက်ပိုပြီး ပျော်စရာကောင်းခဲ့လိမ့်မယ်။ သြစီသွားတဲ့ရက်တွေထဲမှာ ကျွန်မရဲ့ ကျန်းမာရေးအဆိုးရက်က အဲဒိရက်ဖြစ်ခဲ့တယ်။ တုတ်ကွေးလဲဟုတ်ပါဘူး... ကိုယ်လဲမပူပါဘူး... အာခေါင်တွေခြောက်ပြီး ချောင်းတွေဆိုးတဲ့နေ့ပေါ့... ရှေ့ရက်တွေမှာဆေးတွေသောက်ထားတော့ ချောင်းဆိုးရင် သလိပ်ပါချင်တယ်... ပြီးတော့ အဲကွန်းရှိတဲ့နေရာရောက်တာနဲ့ လည်ချောင်းခြောက်ပြီး ချောင်းကစဆိုးတော့တာပဲ... ပြီးတော့ သွေးအားကလဲ နည်းနေပါသေးတယ်... ဒီတော့ သွားရလာရမကောင်းဘူးပေါ့... ကိုယ်ကအစားအသောက်ဆို အပူအစပ်မှ ခံတွင်းတွေ့တာဆိုတော့ အဲဒိမှာအစားအသောက်ကလဲ သိပ်စားချင်စိတ်မရှိဘူး... (သေချာတာတော့ မဗေဒါက အစားအသောက်ခရီးသွားမဟုတ်ဘူး... အဲဒါမဖြစ်သင့်ဘူး... ကိုယ်သွားတဲ့နိုင်ငံက ဒေသစာကို လေ့လာစားသုံးနိုင်တာလဲ ခရီးသွားကောင်းတစ်ယောက်ရဲ့ လိုအပ်တဲ့အရည်အချင်းပဲ... နေမကောင်းတော့ ပိုဆိုးတော့တာပေါ့)... ဒီတော့ လည်ချောင်းမခြောက်အောင် ရေဗူးဆောင်ပြီး အမြဲရေသောက်ပေးမှရတယ်... ဒီတော့လဲ အပေါ့ကသွားချင်ပြန်ရော... ဘယ်နိုင်ငံမှ စကာင်္ပူလောက် သန့်ပြီး နေရာတကာလွယ်လွယ်ကူကူရှာလို့ရတဲ့ အိမ်သာသိပ်မရှိဘူး (စလုံးမကြီးလေသံဖြင့်ပြောသည်။)... ဒီတော့ ချင့်ချိန်ပြီး စိုးရိမ်စိတ်နဲ့နေရတယ်... အဲဒိနေ့ မနက်စာကို စလုံးမှာလဲရှိတဲ့ Subway (အရသာဘယ်နိုင်ငံရောက်ရောက်တူတူပဲမို့) အဲဒါပဲစားဖြစ်ပါတယ်... 6 inches ပေါင်မုန့်ကို ကိုယ်တွေပဲစားတယ်ထင်တယ်... အားလုံးကတော့ Foot long အရှည်ကြီးတွေစားကြတယ်... ကိုယ်က 6 inches bread တောင် မနည်းကုန်အောင်စားရတယ်... အဲဒါက AUD 5.50 (မနက်စာကို စလုံးငွေ ၇ကျပ်လောက်ကျတယ်ဆိုတော့ ဈေးကြီးတယ်)
Don't limit yourself...


၃၆၀ ဒီဂရီ Sky Point

အဲနေ့မတိုင်ခင်ညက ဈေးရောင်းကောင်းတဲ့ကောင်မလေးဆီကနေ ၃၆၀ ဒီဂရီ Gold Coast ရဲ့ အမြင့်ဆုံးအဆောက်အဦး Sky Point နဲ့ Movie World Ticket ၀ယ်ခဲ့တယ်လေ... Movie World ကိုသွားမဲ့ကားက Titanium Bar မှတ်တိုင်မှာ မနက် ၁၀နာရီလာမယ်ပြောခဲ့တော့၊ မနက် ၈နာရီလောက် Sky Point ကိုသွားခဲ့ကြတယ်... အဲဒိရောက်တော့မှ ကျွန်မတို့ဝယ်ထားတဲ့ AUD 21 လက်မှတ်က Observation deck အထိပဲလက်မှတ်ဖြစ်နေတယ်... ဟိုးအပြင် အပေါ်ထိမရောက်ဘူး... (အစထဲက အဲဒါကို မေးဖို့မေ့သွားတယ်) အပေါ်အပြင်အထိ ၀တ်စုံကြီးတွေနဲ့ တက်ချင်ရင်က တစ်ယောက်ကို AUD 69 တဲ့... မဗေဒါတို့က ၀ယ်မယ်ဆိုတော့ Time slot တွေအားလုံးက ပြည့်နေပြီတဲ့ မနက်ဖြန်မှရမယ်တဲ့... ဒါပေမဲ့ မနက်ဖြန် Brisbane သွားမလို့ စီစဉ်ထားတော့ ဘယ်အချိန်ပြန်ရောက်မလဲမသေချာဘူး... ဒါနဲ့ပဲ လက်လျော့လိုက်ရတော့တယ်... အဲဒိအပြင်အပေါ်ကဆို ကြောက်စရာလဲကောင်း ကြည့်ရတာလဲ ပိုလွတ်လပ်မှာ... ဒီလိုနဲ့ပဲ Observation deck နဲ့တင် ကျေနပ်ခဲ့ရတာပေါ့... Observation Deck ကနေကြည့်တာတောင် ပင်လယ်ကမ်းရိုးတန်းကြီးကို မျက်စိတစ်ဆုံးမြင်ရတဲ့ မြင်ကွင်းကအတော်လေးကိုလှပါတယ်... ဒါပေမဲ့ သိတဲ့အတိုင်း အဲလို Observation deck တွေက နောက်ကရှုခင်းနဲ့ လူနဲ့ တွဲဓာတ်ပုံရိုက်ဖို့ခက်ပါတယ်... လူက အဆောက်အအုံထဲမှာဆိုတော့ အပြင်က ပိုလင်းနေပြီး လူက မှောင်နေGeတတ်ပါတယ်.... အရမ်းကပ်သွားပြန်တော့လဲ မှန်ရဲ့ Reflection ကဆိုးပါတယ်.... နောက်ပြီး တခြားလူတွေလဲရှိသေးတော့ ဓာတ်ပုံကို အမြန်ရိုက်ရပါတယ်... ရိုက်လာတာလေးတွေကြည့်နော်... ဟိုးအပေါ်အထိမတက်ခဲ့ရတာကပဲ နောက်တစ်ကြိမ်ပြန်လာဖို့ အကြောင်းပြချက်တစ်ခုရသွားတာပေါ့....
Wonderful View




Gold Coast and me

Visit to Movie World


Gold Coast မှာ Theme Park တွေအများကြီးရှိတယ်... Sea World, Dream World, Movie World စသည်ဖြင့်ပေါ့... အချိန်မရှိတာနဲ့ အဲဒိထဲက တစ်ခုကိုရွေးလိုက်တယ်... Movie World ကို... ဘယ်သွားသွားတော့ အတူတူလောက်ပဲဖြစ်မယ်ထင်တာပဲ... ဂျပန်က DisneyLand... Korea က Ever Land... ဟောင်ကောင်က Ocean Park... မလေးရှားက Genting... စကာင်္ပူက Universal Studio အကုန်ရောက်ဖူးပါတယ်... (ဒီလိုပဲ စကားပြောရင် ကြုံတော့လဲ ကြွားရတာပေါ့... ကျော်များဖတ်လိုက်ကြလားမသိ... အဟိ)..အားလုံးက ရာသီဥတုရယ် လူတွေရယ်ကွာတာကလွဲလို့ စီးတာတွေ အထဲက အပြင်အဆင်တွေက ခပ်ဆင်ဆင်တူကြပါတယ်... Movie World ကိုသွားဖို့ Titanium Bar ရှေ့မှတ်တိုင်ကနေစီးတာ တော်တော်လေးစီးရတယ်... ထိုင်စီးရတာမဟုတ်ဘူး... ရပ်စီးရတာ... အဲဒိဂိတ်ကိုရောက်တော့ ဘတ်စ်ကားက ဘယ်ထဲကတောင်ပြည့်လာလဲမသိဘူး.... ကိုယ်တွေနေရာမရဘူး... ကားထဲဝင်လိုက်တာနဲ့ အဲကွန်းလေကြောင့် အာခေါင်တွေခြောက်လာပြီး ချောင်းကဆိုးချင်လာရော... တတ်နိုင်သလောက်အောင့်ပေမဲ့ ဗိုက်နာတာနဲ့ ချောင်းဆိုးချင်တာက ကြာကြာအောင့်လို့ရတာမဟုတ်ဘူး... တတ်နိုင်သလောက်ထိန်းဆိုးတယ်... ဒါတောင် ထိုင်နေတဲ့ အာရှသူနဲ့တွဲလာတဲ့ ဘိုကောင်က မကြည်ဖြူတဲ့ပုံလုပ်နေတာ... ဒါနဲ့ ပါလာသမျှ စကာင်္ပူဆေးခန်းကပေးလိုက်တဲ့ ငုံဆေးပြားတွေငုံ... ကုန်သွားတော့ အစ်မယူလာတဲ့ Strepsils ကို အဆက်မပြတ်ငုံနေရတယ်... အစကတည်းက ပူရှိန်းမကြိုက်တဲ့ကျွန်မ Strepsils ကလဲ ခါးလိုက်တာမပြောနဲ့... ဒါပေမဲ့ အညူစူမခံနိုင်လို့ ငုံလိုက်တယ်... ငုံထားရင်သက်သာတယ်... ဆေးကုန်တာနဲ့ဆိုးချင်ရော... လူကချောင်းမဆိုးအောင်ထိန်းရတာ မျက်ရည်တောင်ကျလုပဲ... အဲဒိနေ့က ဘတ်စ်ကားစီးရတာတော့ တကယ့်ကို ငရဲပဲ... ၄၅မိနစ်လောက်ကားပေါ်မှာခံလိုက်ရတယ်... ဟိုရောက်တော့ ညက၀ယ်ထားတဲ့ လက်မှတ်နဲ့ တန်းဝင်လို့ရတယ်... အထဲရောက်တော့လဲ လူကပဲ နေမကောင်းလို့လားမသိ... အရမ်းလဲထွေထွေထူးထူးမဟုတ်ပါဘူး... တခြားနိုင်ငံတွေကအတိုင်းပါပဲ... ပြောရရင် တခြားနိုင်ငံတွေထက်တောင် စီးစရာနည်းသလိုပဲခံစားရတယ်... Green Lantern ကတော့ ၀င်ပေါက်နားမှာပဲ သိပ်လဲ ကြာကြာမစောင့်ရဘူးဆိုတော့ ၀င်တန်းစီလိုက်တယ်... လူကတော့ အရမ်းစိတ်မပါပါဘူး... နောက်တော့ အစ်မလဲ တစ်ယောက်တည်းဖြစ်နေရင် ငြူစူမှာစိုးလို့ လိုက်စီးပေးလိုက်တယ်... အသက်ကြီးလာလေ အသည်းငယ်လာလေဖြစ်နေတဲ့ကျွန်မ နေကမကောင်းတော့ ကိုယ့်အခြေအနေကိုယ်စိုးရိမ်နေရတယ်... စီးတော့ အာပြဲကြီးနဲ့ဇွတ်အော်လိုက်တာ ဘေးက ဘိုမတွေတောင်နားတော်တော်ညီးသွားမယ်... မဗေဒါကတော့ မအော်လို့မဖြစ်ဘူး... အဲဒါတွေစီးနေတဲ့အချိန်မှာ မအော်ရင် အံချင်သလိုကြီးဖြစ်တတ်တယ်... မဗေဒါက အော်လိုက်မှသက်သာတာ... ဘာလို့လဲတော့မသိ...
သူ့နောက်မှာ ဘေးတိုက်လေး ပိန်အောင်ဝင်ပုန်းနေတာ... သြစီက Marilyn Monroe က သိပ်ချောဝူး... 

အော်ဒါနဲ့... အဲဒိဟာတွေစီးမယ်ဆို ပါလာတဲ့ပစ္စည်းတွေကို လော့ကာငှားပြီးထည့်ခဲ့ရတယ်လေ... အဲဒိလော့ကာကလဲ အကြီးဆိုရင် AUD 8 နဲ့ 12 (တစ်ခုခုပဲ အဲလောက်ဝန်းကျင်ပဲ)... ပေးရတယ်... ပြီးတော့ ပေါ်လစီကလဲ ၁နာရီအတွင်းပြန်လာထုတ်ရမယ်တဲ့ အဲလိုမှမဟုတ်ရင် ပို charge အုံးမယ်တဲ့... ကောင်းရော... တခြားနိုင်ငံတွေမှာတွေ့ဖူးတဲ့ Lockers တွေက တစ်ခါထည့်ထားရင် နောက်တစ်ခါပြန်မဖွင့်မချင်း တစ်နေကုန်ထည့်ထားလို့ရပါတယ်... ဒီကလော့ကာကတော့ ရိတ်တယ်လို့ပဲဆိုချင်ပါတယ်... နောက်တော့ ညီအစ်မ ၂ယောက် ကြုံတဲ့4D ပွဲ Ice Age ကိုဝင်ကြည့်ပါတယ်... နေ့လည်ရောက်တော့ ဗိုက်လဲနည်းနည်းဆာလာ... ကျွန်မက ခေါင်းမူးတဲ့အခါ စားလိုက်ရင်သက်သာသွားတတ်ပါတယ် (ပိန်အုံးမယ်) ဒါနဲ့ အဲဒိနားမှာ ဆိုင်ကလဲ အဆင်သင့် Buffet ကို Asian စာလဲရမယ်ဆိုတော့ အဲဒါပဲ အေးအေးဆေးဆေးနားရင်း ၀င်စားလိုက်ပါတယ်... ဒီလို Theme Park တွေမှာ အပြင်က Food court ရိုးရိုးစားလဲ စားကောင်းချင်မှသာကောင်းမယ် ဈေးကတော့ ကောင်းနေကျမို့ ဆိုင်ကြီးပဲတတ်စားဖြစ်လိုက်ပါတယ်... ဆိုင်နာမည်က Rick's Cafe Americain လို့ခေါ်ပါတယ်... တစ်ယောက်ကို AUD 26.99 ကျပါတယ်... စားကောင်းပါတယ်... Asian ရော Western ရော အကုန်ရပါတယ်... အကုန်စားကောင်းပါတယ်...

ဒါက ပထမအချီ... ထမင်းစားတာ...

ဒါက ဒုတိယအချီ ဘိုလိုစားတာ...


ဒီဆိုင်မှာ ဘူဖေးစားတာ စားကောင်းတယ်...

စီးတဲ့နေရာတွေမှာတော့ ကျန်တဲ့နိုင်ငံတွေမှာကြုံခဲ့ရသလို အကြာကြီးစောင့်စရာမလိုပါဘူး... အလွန်ဆုံး နာရီဝက်လောက်ပါပဲ... Scoopy Doo မှာ ၄၅မိနစ်လို့ရေးထားပင်မဲ့ နာရီဝက်လောက်ပဲ ကြာပါတယ်... Green Lantern စီးပြီးတာနဲ့ လူက အီလည်လည်နည်းနည်းဖြစ်လာလို့ ဆက်မမိုက်တော့တာပဲကောင်းမယ်... နောက်မို့ဆို အခြေအနေဆိုးသွားနိုင်တယ်ဆိုပြီး ကိုယ့်အရှိန်ကိုယ်သတ်လိုက်ပါတယ်... အစ်မကိုပဲ သွားစီးငါအိတ်စောင့်မယ်ဆိုပြီးပဲ ရောက်လေရာထိုင်နေပါတယ်... ပင်ပန်းနေတော့ ဓာတ်ပုံတောင်သိပ်မရိုက်ဖြစ်ပါဘူး... အစ်မ Scoopy Doo သွားစီးနေတုန်းကျွန်မ ဗွီဒီယိုရိုက်ဖြစ်ပါသေးတယ်... ကင်မရာနဲ့ စကားစမြည်ပြောကြည့်တာပေါ့.... ဂျပန်တို့ ကိုရီးယားတို့သွားတုန်းကလဲ အဲလိုလုပ်ပါတယ်... လူသိပ်ကြည့်မခံခဲ့ရပါဘူး... ဒါပေမဲ့ သြစီရောက်ကာမှပဲ လူတွေက ကိုယ့်ဘာကိုယ်ကင်မရာလေးကြည့်စကားပြောနေတာကို ကြည့်ကြတော့ လူတောင်ရှက်သွားပါတယ်...

အဲဒိထဲက စီးတာတွေက ရေစိုတယ်...

စားသောက်ပြီး နည်းနည်းနားလိုက်လို့ ပြန်လန်းလာတော့မှ ရာသီဥတုကလဲ ပူတာနဲ့ Wild West Falls က Jurassic Park မှာ ရေစိုတဲ့ ဟာတစ်ခုသွားစီးဖြစ်ပါတယ်... သိတဲ့အတိုင်း သြစီက ဘယ်အရာမဆို ကျွန်မတို့ စံနဲ့တော့ အစောကြီးပိတ်တယ်လို့ခံစားရပါတယ်... ညနေ ၅နာရီလောက်ရောက်တာနဲ့ Costume တွေဝတ်ထားတဲ့ ရုပ်ရှင်ထဲက သူရဲကောင်းတွေကားတွေနဲ့ထွက်သူကထွက် လမ်းထွက်လျှောက်သူကလျှောက် တော့တာပါပဲ... ဂျပန်က Desney Land တောင် ည ၈နာရီမှ အဲဒါမျိုးတွေထွက်တယ်ထင်တယ် (မေ့တော့မေ့နေပြီ ဒါပေမဲ့ ညရောက်မှထွက်တာတော့သေချာတယ်)... သူတို့ ကတာကို လူမတိုးနိုင်တော့လို့ TV Screen အကြီးကြီးကနေပဲ ထိုင်ကြည့်ပြီးနေလိုက်တယ်... ကျွန်မအစ်မလဲ ကျွန်မနေမကောင်းနေတော့ သူလဲ စိတ်ပါတော့ပုံမရဘူး... ပြန်မယ်ဆိုပြီးပဲ ပြန်လာလိုက်ကြတယ်... Park ကလဲ မကြာခင်ပိတ်တော့မယ်လေ... ဘတ်စ်ကားကလဲ အပြန်မှာ မနည်းစောင့်လိုက်ရတယ်... စောထွက်လာတာတောင် လူတိုးရသေးတယ်... တန်းစီတဲ့ အတန်းလဲမရှိဘူး...


ဒီလိုနဲ့ surfer paradise မှတ်တိုင်ပြန်ရောက်တော့ ပင်လယ်ဘက်ခဏလမ်းလျှောက် ပင်လယ်လေအေးလေးရှူလိုက်တော့ နည်းနည်းပြန်လန်းသွားတယ်... နောက် သြစီက KFC ဘယ်လိုအရသာရှိလဲ သိချင်တာနဲ့ ဟော်တယ်ကို ပါဆယ်ထုတ်ဝယ်ဖြစ်တယ်...ပြီးတော့ ပထမနေ့ကလို ဆိုင်တွေပိတ်သွားလို့ ထမင်းမငတ်အောင်ရော၊ ကိုယ်လဲ ဟော်တယ်ပြန်စောစောနားချင်တာရော၊ ကိုယ့်ပါးစပ်နဲ့စားလို့ရမဲ့အစားအစာရောဖြစ်တဲ့ ခေါက်ဆွဲခြောက်ထုတ်တွေ Groceries ဆိုင်မှာဝင်ဝယ်ပါတယ်... ကြက်ဥ ၆လုံးတစ်ကဒ်၊ ဂေါ်ဖီပန်းပွင့် တစ်ကဒ်၊ ခေါက်ဆွဲခြောက် ၄ထုတ်၊ နောက်အမဲသား Curry ဗူးတစ်ဗူး (စားမကောင်းဘူး)၊ ရေဗူးအကြီးတစ်ဘူး၊နဲ့ စောစောက KFC ခပေါင်းရင် AUD 35 ကျပါတယ်... နေ့တိုင်းဒီလိုစားနိုင်ရင်တော့ အပြင်မှာစားတာထက်အတော်လေးသက်သာမယ်... ဒါပေမဲ့ လုပ်ပေးမဲ့ ဖေဖေ၊ မေမေတို့ မပါတာရော၊ ချက်ရပြုတ်ရ အချိန်ကုန်မှာရောကို ထည့်စဉ်းစားရမယ်... အားလပ်ခရီးထွက်လာတာ ဟင်းချည်းချက်ပြီး အချိန်ကုန်လို့ မဖြစ်ဘူးလေ... ဒါပေမဲ့ တစ်ဖက်ကကျပြန်တော့ ကျွန်မတို့က ညနက်မှဗိုက်ဆာတဲ့သူတွေ... သူတို့ဆိုင်တွေက ဘုရားစူး အစောကြီးပိတ်တာရှင့်... (ကျွန်မတို့ စံနှုန်းနဲ့ဆိုရင်ပေါ့လေ)... ဆိုင်ပိတ်နေုတုန်းလေး ၀ယ်လို့ရအုံးမလားသွားမေးရင်တောင် ရောင်းတာမဟုတ်ဘူး... ဒါတွေထားပါတော့လေ...
စီးနေကျ ဘတ်စ်ကားဂိတ်လေး...

 ဒီလိုနဲ့ ဟော်တယ်ကို ည ၈နာရီလောက်မှာတင်ပြန်ရောက်တာပေါ့... ရေမိုးချိုးပြီးတော့ ညစာစားဖို့ပြင်တယ်... အရှေ့ဝရံတာလေးမှာလဲ စားပွဲနဲ့ ထိုင်ခုံလေးတွေရှိတော့ အဲမှာထိုင်စားချင်တာနဲ့ စားဖြစ်တယ်... ဘေးခန်းက မိန်းမကြီးကတောင် သူ့ဝရံတာအသေးလေးကနေ ၀ရံတာထွက်ကြည့်တာနဲ့ကြုံလို့ စကားပြောဖြစ်သေးတယ်... အဲဒိညကတော့ ညစာမငတ်တော့ဘူးပေါ့နော်... ဖြစ်သလို ခေါက်ဆွဲပြုတ်နဲ့လဲ စားကောင်းခဲ့ပြီး အိပ်ယာကို ည ၁၀နာရီလောက်ဝင်ဖြစ်တယ်... စကာင်္ပူမှာဆို ည၇နာရီလောက်ပဲရှိအုံးမယ်ဆိုတော့ လူက သိပ်တော့ အထာမကျဘူး... မအိပ်ချင်ဘူးလေ... စကာင်္ပူမှာကိုယ်က weekend တွေဆို ည ၂နာရီလောက်မှအိပ်တာဆိုတော့ ခု ည ၇နာရီအိပ်ရသလိုဖြစ်နေတော့ စောကြီးအိပ်ပြစ်နေရတာပေါ့... အိပ်ပျော်ပြီး ခဏနေညလည်လောက်ကျ နိုးပြန်ရော... အိပ်ယာပြောင်းတာကြောင့်လဲပါမယ်.. မွေ့ယာကြီးက အရမ်းပျော့တာကြောင့်လဲပါမယ်... မနက်တော့ ငါးနာရီခွဲသံပတ်ပြန်ပေးထားလေရဲ့....

Wednesday, March 06, 2013

Gold Coast, A place for everyone - Day 1


Gold Coast ကို သွားမယ်သာ ဆုံးဖြတ်လိုက်တယ်... ဘာကို မျှော်လင့်ထားရမှန်း မသိခဲ့တာအမှန်ပါပဲ။ သွားခါနီးမှ တနလာင်္နေ့ကနေစပြီး လူကနေမကောင်းဖြစ်တာ ပျောက်သွားလိုက် ပြန်ပြီး နှာစေးချောင်းဆိုးလိုက် ကိုယ်လက်ကိုက်ခဲလိုက်နဲ့ လူကခရီးသွားတဲ့ရက်တွေအထိ နေမကောင်းဖြစ်နေခဲ့တယ်... အဲဒါကြောင့် ခရီးတစ်ခုသွားဖို့ ကျန်းမာရေးကလဲ အဓိကကျတဲ့အချက်ထဲပါတယ်။ ကိုယ်ကျန်းမာတုန်း သွားနိုင်လာနိုင်တုန်း အခွင့်အရေးရရင်ခရီးသွားဖို့တိုက်တွန်းချင်တယ်... ခု Gold Coast အကြောင်းပြောရရင် Gold Coast က သြစတေးလျရဲ့ အရှေ့မြောက်မှာရှိတဲ့ Queensland ပြည်နယ်ထဲမှာရှိတာပါ။ အဲဒိပြည်နယ်ရဲ့ မြို့တော် Brisbane နဲ့ ၉၄ကီလိုမီတာကွာတဲ့ မြို့ကြီးတစ်မြို့ပေါ့။ မသွားခင် အနည်းအကျဉ်းတော့ ရှာဖွေကြည့်တော့ Gold Coast ဆိုတာ Beach သက်သက်ချည်းပဲတော့ မဟုတ်တာ ရိပ်စားမိခဲ့ပါတယ်... ဒါပေမဲ့ လုပ်စရာ သွားစရာတွေ ဒီလောက်များလိမ့်မယ်လို့ မထင်ခဲ့မိပါ။ သင်ဟာ Beach တွေကိုကြိုက်သလား၊ သင်ဟာ သဘာဝပတ်ဝန်းကျင်နဲ့ တောတောင်ကို ကြိုက်လား၊ သင်ဟာ Party တွေကိုကြိုက်လား၊ သင်ဟာ Theme Park တွေကို ကြိုက်လား၊ သင်ဟာ မြို့တစ်မြို့ရဲ့ လူနေမှုနဲ့ Culture ကိုကြိုက်လား၊ အဲဒိအရာတွေအကုန်လုံးကို Gold Coast မှာရနိုင်ပါတယ်။ ဒီတော့ Gold Coast မှာ ကြာကြာနေပြီး တစ်ခုချင်းစီကိုလုပ်မလား၊ ကိုယ်သဘောအကျဆုံးတွေကိုပဲ အဓိကထားမလား ဆိုတာကို ဆုံးဖြတ်သင့်ပါတယ်။ မဗေဒါကတော့ ဘာမသိ ညာမသိ Gold Coast သွားမယ်ဆိုပြီး ဟော်တယ်တွေရှာတော့ သူများတွေရေးထားတဲ့ review တွေဖတ်၊ ဈေးအသင့်အတင့်ကိုကြည့် အဓိကကတော့ Location နဲ့ Accessibility နဲ့ ဈေးအသင့်အတင့်ပေါ့နော်... ဒီလိုနဲ့ Royal Pacific Resort ကို ဘွတ်ဖြစ်သွားတယ်... သူ့ထက်သဘောကျတဲ့ ဟော်တယ်တွေရှိပေမဲ့ အခန်းမကျန်တော့ဘူးချည့်ဖြစ်နေတော့... အားလုံးထဲမှာအဲဒါလေးက မဆိုးဘူးဖြစ်နေတယ်... ပြီးတော့ Accessible ဖြစ်တယ်... ဟော်တယ်ရှေ့တည့်တည့်မှာ ဘတ်စ်ကားဂိတ်လေးနဲ့ဆိုပြီး ရေးထားတော့ အဲဒိနေရာကိုပဲ ရွေးဖြစ်သွားတာပါ... ၂ယောက်ခန်း ၃ညအိပ်ကို စလုံးဒေါ်လာ ၃၈၀ လောက်ပဲဆိုတော့ သိပ်မဆိုးပါဘူး... 

Scoot Airline နဲ့ ဖြစ်ပျက်သမျှ

လေယာဉ်က (သောကြာင်္နေ့) ၈ရက်နေ့ည ၁၀နာရီခွဲမှာ ချန်ကီကနေ Gold Coast ကို ScootBiz နဲ့ ညီအစ်မ ၂ယောက်ထွက်ခဲ့ကြပါတယ်... Scoot Airline ကြီးအကြောင်းကို ပြန်ပြောင်းပြောပြရရင်ဖြင့် ဈေးသက်သာတာ သက်သာပင်မဲ့ အဲဒိဈေးနဲ့မတန်လောက်အောင် မကောင်းပါဘူး... ဒေါ်လာ ၂၀၀ လောက်ပိုပေးပြီး SIA နဲ့သွားလိုက်ရင်တောင် အတော်လေးကောင်းမှာပါ... ဒါပေမဲ့လဲ ကိုယ်ကခဏတစ်ဖြုတ်လေယာဉ်လေးပဲ စီးမှာလေ... ဒီပိုက်ဆံ၂၀၀ လဲနည်းလားလို့ လေယာဉ်လက်မှတ် ဘွတ်ခါနည်းဆို တွေးတက်တဲ့ အတွေးရှိတယ်လေ... အဲဒိ ScootBiz ကို ဘွတ်တုန်းက လေယာဉ်ပေါ်မှာစားဖို့ Menu ရွေးခိုင်းပါတယ်... ဒီတော့ ညီအစ်မ ၂ယောက်လုံးက ဒန်ပေါက်ကိုရွေးထားပါတယ်... ခုလို အဖြူတွေနေတဲ့နိုင်ငံသွားရင် ထမင်းကတော့ ခပ်ရှားရှားဖြစ်မှာစိုးလို့ ထမင်းအ၀စားထားချင်တာပါ... Business class ဆိုတော့ နည်းနည်းလောက်တော့ မှန်းထားမိပါတယ်... Boarding လုပ်တော့လဲ ကိုယ်တွေက အရင်ဆုံးတက်ရတာလေးပဲ ကွာပါတယ်... လေယာဉ်ပေါ်ရောက်တော့လဲ ထင်ထားတာက ဒီ ၇နာရီခရီးစဉ်မှာ အနည်းဆုံးတော့ ထိုင်ခုံကို တဆုံး လှဲအိပ်လို့ရတန်ကောင်းပါရဲ့(လှဲအိပ်မည်ဟုဆိုလိုခြင်းမဟုတ်)... စောင်ခေါင်းအုံးလောက်တော့ ပေးတန်ကောင်းရဲ့ (MAI တောင် ပေးသေးတယ်...) လို့မှန်းခဲ့တာပါ... လေယာဉ်ပေါ်ရောက်တော့ ထိုင်ခုံလေးတွေက ထင်သလောက်လဲ မကျယ်ပါဘူး... ရိုးရိုးတန်းဆို ဘယ်လောက်ဆိုးမလဲလို့တွေးပြီး အပြန်အတွက် စိတ်ခုရပါတယ်... ထမင်းကျွေးချိန်ကလဲ အတော်နောက်ကျပါတယ်... စဉ်းစားကြည့် ည၁၀ခွဲ ထွက်တဲ့လေယာဉ်အတွက် ၈နာရီ၄၅လောက် Check in ၀င်ဖို့ အိမ်က ၈နာရီလောက်ထွက်လာတော့ တချို့ဆို ထမင်းမစားခဲ့ကြလောက်ပါဘူး... တော်သေးတယ် အိမ်မှာ ကြက်ကုန်းဘောင်နဲ့ တစ်လုတ် နှစ်လုပ်စားဖြစ်ခဲ့လိုက်လို့... မဗေဒါ အစ်မဆိုလေယာဉ်ပေါ်မှာလဲ ကျွေးမှာပဲဆိုပြီး မစားခဲ့တော့ အတော်စာနေတာပါ... ည ၁နာရီလောက်မှ ထမင်းကျွေးဖို့လုပ်တာတွေ့ပါတယ်... ခဏနေတော့ လေယာဉ်မယ်ရောက်လာပြီး ကျွန်မတို့ရွေးထားတာမရှိကြောင်း spaghetti ပဲရှိကြောင်းလာပြောပါတယ်... သူတို့လေယာဉ်ပေါ်က ပိုက်ဆံပေးစားတဲ့ Menu ပေါ်မှာတောင် ၄မျိုးလောက်ရွေးစရာရှိသည်... အဲဒါကို ဒါပဲရှိတယ် ဒါပဲရမယ်လာပြောသည်။ ကျွန်မတို့က Menu ထဲက အမဲသားနဲ့ထမင်းမရနိုင်ဘူးလားမေးတော့... မရဘူး ဒါပဲရမယ်တဲ့... ဒါနဲ့ ကျွန်မက ဒါဆို ငါတို့ လက်မှတ်ဝယ်တုန်းက စားစရာတွေ အများကြီးပြပြီး Menu ကြိုရွေးခိုင်းတာက အဓိပ္ပါယ်မရှိတော့ဘူးပေါ့... ဒါလက်မှတ်ကို ညာရောင်းတာပဲ... ငါတို့က ထမင်းပဲစားချင်တာ (အမှန်တော့ Spaghetti လဲစားနိုင်ပါတယ်... အချိုးကိုမကြိုက်လို့ ကိုယ်ကလဲ တမင်ရစ်တာပါ)... ဒီတော့မှ မမက "I will check with captain" ဆိုပြီး ထွက်သွားပါတယ်... လေယာဉ်မောင်းနေတဲ့သူကို customer က ထမင်းပဲစားချင်လို့ ကျွေးရမလားဆိုတဲ့ မေးခွန်းမျိုးသွားမေးရပေအုံးမပေါ့... (အမှန်တော့ လေယာဉ်ပေါ်မှာ လူစားအနည်းဆုံး ပစ္စည်းကို ကျွန်မတို့ကို ထိုးကျွေးတာဖြစ်မည်)... ဒီလောက်ဆို scoot ရဲ့အကြောင်းကို တစေ့တစောင်းရိပ်မိလောက်ပြီ... ကျွန်မတို့လဲ တော်တော်ကြီး သဘောပေါက်သွားလို့ ဘာမှ Complain မလုပ်ချင်တော့ပြီ...လေယာဉ်ပေါ်က စားစရာတွေမကောင်းမှန်း သိပင်မဲ့ Scoot ပေါ်ကကျွေးသောထမင်းဖြင့် ဘေးကလူကို ကောက်ပေါက်လျှင် ခေါင်းကွဲလောက်သည်... (အတိသရ၀ုတ်တိအလကာင်္ဖြင့် အလွန်အကြူးဖွဲ့ဆိုသည်)...

Immigration and Custom 

Gold Coast လေဆိပ်က မြန်မာပြည်လေဆိပ်ထက် အနည်းငယ်သာရုံလောက်ရှိမည်ဟု စိတ်ထဲထင်မိသည်။ စကာင်္ပူလေဆိပ်က ထွက်လာသူမို့အဲလိုထင်တာလားတော့ မသေချာ။... Immigration ဖြတ်ဖို့တန်းစီတဲ့သူတွေထဲ Asian က ၈၀ရာခိုင်နှုန်းလောက်ရှိသည်။ ဘာလီသွားတုန်းကတောင် အဖြူတွေပိုများသေးသည်။ အင်မီဂရေးရှင်း officer ထိုင်တဲ့ကောင်တာထဲမှာ အဖြူလူမျိုးတွေတွေ့ဖူးတာ ပထမဆုံးမို့ အမြင်တော့ဆန်းနေတယ်... ၀င်တော့ သံရုံးကပေးလိုက်တဲ့စာ (စာအုပ်ပေါ်မှာ မရိုက်ပင်မဲ့ စာတစ်စောင်တော့သက်သက်ပေးလိုက်တယ်) ကို Immigration officer မိန်းမကိုပေးတော့ မလိုဘူးဆိုပြီး ပြန်ပေးတယ်... "It's Electronically" လို့ပြောလိုက်သေးတယ်... အေးဆေးပဲ တုံးထုပေးပြီး ပြီးသွားတော့ အိတ်တွေလည်နေတဲ့ဆီရောက်တယ် ... အိတ်တွေကလဲ စာတမ်းပြနေတဲ့ Belt က မထွက်ပဲ ဘေးက Belt ကနေလဲ ထွက်နေတယ်... လူတော်တော်များများကိုယ့်အိတ်ကို တော်တော်လေးစောင့်ရတယ်... တဖက်က Belt ကနေ တခြားလေယာဉ်နဲ့ရောပြီး အိတ်တွေကထွက်နေတယ်... နောက်မှ တာဝန်ရှိသူတစ်ယောက် ဟိုဘက်မှာလဲ အိတ်တွေကို စစ်ပေးပါဆိုမှ ကိုယ့်အိတ်တွေ့သည်... အစ်မအိတ်က အပေါ်အိတ် Zip သေးသေးလေးက ပွင့်နေသည်... အထဲမှာ Face shop က၀ယ်ထားသည့် ရေစိုပုံစံဆိုးလို့ရတဲ့ လက်သည်းနီ၃ဘူး အသစ်စက်စက်ကို ရှာလို့မတွေ့တော့... ဒီလိုနဲ့ Custom ကိုဖြတ်ရတယ်... သြစီက ကျပ်တော့ ဘယ်သူ့မှ မလွတ်ရအောင်စစ်တော့တာပဲ... ကျွန်မတို့ ညီအစ်မ ၂ယောက်ကိုတော့ အသေးစိတ်စစ်ဖို့ တစ်ဖက်ကိုသွားခိုင်းတယ်... အိတ်ပါတာများလို့ပဲ စစ်တာလား... လူကပဲ မသကာင်္စရာ ဥပတိရုပ်ဖြစ်နေလို့လားတော့ မသိ... ကိုယ်လဲ မဟုတ်တာ ဘာမှမပါ... အစကတည်းက သြစီကျပ်မှန်းသိလို့ ဘာစားစရာမှလဲ ယူမလာ... တခြား ငြိမယ်ထင်တဲ့ပစ္စည်းတွေလဲ ယူမလာ... အထဲရောက်တော့ Custom က မိန်းမက ဖော်ဖော်ရွေရွေပဲ... ဖော်ဖော်ရွေရွေဆိုပေမဲ့ စစ်လိုက်တာတော့ တစ်ခုမကျန်... အိတ်အားလုံးကို Xray ဖြတ်ခိုင်းပြီး... တစ်အိတ်ချင်းစီကိုလဲ ဖွင့်ခိုင်းပြီး တစ်ခုချင်းစီစစ်တယ်... စစ်နေတုန်းလဲ အလ္လာပသလ္လာပ ပြောသည့်ပုံစံဖြင့် ကျွန်မတို့ ညီအစ်မရဲ့ Background ကိုစစ်ဆေးနေသေးတယ်... သူ့တာဝန်သူလုပ်နေတာပဲ ကိုယ်လဲ မဟုတ်တာတစ်ခုမှမလုပ်ထားတော့ အကုန်အမှန်အတိုင်းပဲဖြေတယ်... စိတ်လဲဆိုးစရာမလိုဘူးလေ... သူတို့က မြန်မာ Immigration officer တွေ Custom Officer တွေလို (နှိမ်တာတော့မဟုတ်ပါဘူး) ပိုက်ဆံမထွက်မချင်း ရစ်ပြီး ပေးမသွားမဲ့ သူတွေမဟုတ်ဘူးလေ... (တစ်သက်နဲ့တစ်ကိုယ် ကိုယ်က အမှန်အကန်လာပင်မဲ့ ဘာများဖြစ်မလဲဆိုပြီး ကြောက်ကြောက်လန့်လန့်ဖြတ်ရတာဆိုလို့ ကိုယ့်နိုင်ငံ Immigration တစ်ခုပဲရှိတယ်...) ဒီလိုနဲ့ ကိုယ်လဲ သိချင်တာတွေ သူ့ကိုပြန်မေးတာပေါ့... ဒီကနေ ဘယ်လိုကားစီးရလဲ... ဘယ်လိုသွားရလာရသလဲပေါ့... သူကလဲအားလုံးကို စိတ်ရှည်လက်ရှည်ပြန်ဖြေပါတယ်... အားလုံးစစ်ပြီးတော့ကျွန်မတို့ကို ပေးသွားပါတယ်...

အပြင်ရောက်တော့ tourist တော်တော်များများ ကားလက်မှတ်တွေတန်းစီနေကြတဲ့နေရာမှာ ကျွန်မတို့လဲ တန်းစီလိုက်ပါတယ်... ကားလက်မှတ်တွေက ၃ရက်စာ၊ ၅ရက်စာ၊ ၁ပတ်စာ မြို့တွင်းဘတ်စ်ကား ကြိုက်သလောက်စီး ပြီးတော့ လေဆိပ်အပို့အကြိုရယ်ပါပါတယ်... ကိုယ်က ၄ရက်နေမှာဆိုတော့ အပြန်လေဆိပ်ကို ဘယ်လိုလာကြိုတော့မလဲဆိုပြီး တွေးရခက်နေပါတယ်... ကိုယ့်အလှည့်ရောက်လို့ မေးကြည့်တော့မှ ၃ရက်စာ ဘတ်စ်ကြိုက်သလောက်စီးနဲ့ အပြန်လေဆိပ်အပို့က ကြိုက်တဲ့နေ့ဖြစ်လို့ရတယ်ဆိုတော့မှ ရှင်းသွားတော့တယ်... ဒီတော့ 3 days Pass ၀ယ်လိုက်ပါတယ်... ၁ယောက်ကို သြစီ ၇၁ ဒေါ်လာကျတယ်... ဘတ်စ်များများ စီးနိုင်မှ တန်တယ်... မဟုတ်ရင်မတန်ဘူး... Transportation အကြောင်းပြောရင်း တစ်ခါတည်းပြောလိုက်မယ်... အဲဒိ Pass က သိပ်တော့မတန်ဘူး... ဘာလို့လဲဆိုတော့ ဘတ်စ်ကား တစ်ခါစီးအလွန်ဆုံးကုန် ၁၀ဒေါ်လာပေါ့ (မသေချာပါ... ခန့်မှန်းခြင်းသာ... ဒီထက်လဲ တန်ကောင်းတန်မည်...)... ကိုယ်တနေ့အလွန်ဆုံးစီးဖြစ်မှ အသွားတစ်ခါ အပြန်တစ်ခါ... ဘာလို့လဲဆိုတော့ ဘတ်စ်ကားတစ်စီးနဲ့တစ်စီး မိနစ်၃၀ကွာတော့ တစ်ခါတစ်ခါစောင့်ရတာနဲ့တင် အချိန်တွေကုန်လွန်းလို့တတ်နိုင်သလောက်ကိုယ်က မစီးချင်ဘူး... ကိုယ့်မှာ လိုင်စင်ရှိရင်တော့ ကားတွေသွားငှားပြီး မောင်းလို့ရတယ်... တစ်နေကုန်မှ ၂၅ဒေါ်လာတို့ ဒေါ်လာ၃၀တို့လောက်ပဲရှိသည်... ဒါပေမဲ့ Parking ခကတော့ အတော်ဈေးကြီးတယ်လို့ကြားသည်.... ကိုယ့်ဘာသာကိုယ် ဘယ်ဟာကိုယ်နဲ့ အကိုက်ဆုံးလဲ ချိန်ဆကြည့်ပေါ့...
ကားငှားရင်တော့ တော်တော်သက်သာမယ် အချိန်ကုန်လဲသက်သာမယ်... Parking ခတော့ ဘယ်လောက်လဲမသိ

ကျွန်မတို့နေတဲ့ Resort ကလဲ အဓိက လူအစည်ဆုံး Surfer Paradise နဲ့ အတော်လေးဝေးနေတာတွေ့ရတယ်... Review တွေပြောသလို့ Accessible ဖြစ်ပါတယ်... ဘတ်စ်ကားဂိတ်လေးလဲရှိပါတယ်... ဒါပေမဲ့ ဘတ်စ်ကားလာတဲ့အချိန်က ကြာလွန်းတော့ ဒီလောက်လဲအကျိုးမရှိလှပါ... Facility ကတော့ မစိုးပါဘူး... ကံကောင်းချင်တော့ ကျွန်မတို့ ဘွတ်ထားတဲ့ Studio Apartment အမျိုးအစားက ကုန်သွားလို့ ဒီထက်ကောင်းပြီး ပိုကျယ်တဲ့ အခန်းကိုပေးပါတယ်... စစချင်းတော့ သူတို့အလုပ်လုပ်တဲ့ ပုံစံက Singapore လို သိပ် serious မဖြစ်ဘူးလို့ခံစားရပင်မဲ့...နောက်တော့ အားလုံးက ဒီလိုပုံစံပဲဆိုတာသိသွားတော့လဲ အသားကျသွားပါတယ်... အခန်းက ဧည့်ခန်း၊ (ဓာတ်ခဲမရှိတဲ့) Remote နဲ့ တီဗွီ၊ Mini မီးဖိုချောင်၊ ၂ယောက်အိပ်ခန်း (၁ယောက်အိပ် ကုတင် ၂လုံးပေးဖို့ဘွတ်တုန်းက တောင်းထားပင်မဲ့ ၂ယောက်အိပ်ကုတင် ၁လုံးပဲရှိတယ်... အခန်းက upgrade ပေးထားတော့လဲ မပြောချင်တော့ပါဘူး...) ၊ အဲကွန်း၊ မီးပူ၊ Microwave၊ မီးဖိုချောင်သုံးအသုံးအဆောင်တွေ၊ ရေချိုးခန်းအိမ်သာက အိပ်ခန်းဘေးမှာ ပါတယ်... ရောက်တာနဲ့ ညီအစ်မ၂ယောက်လဲ အထုတ်တွေဖွင့်ပြီး အခန်းကိုဖွလိုက်ကြတာပဲ... ဓာတ်ပုံတောင်မရိုက်ဖြစ်လိုက်ဘူး... ပြန်ခါနီးမှရိုက်လာတဲ့ပုံတွေကြည့်လိုက်... အခန်းကတော့ ပွနေတယ်... ပြတင်းပေါက်ကနေကြည့်လိုက်ရင် ပင်လယ်ကြီးကိုမြင်နေရတဲ့ ရှုခင်းတော့ကြိုက်တယ်... ၀ရံတာအကြီးကြီးလဲရှိတယ်... ဘာပဲပြောပြော ပေးထားတဲ့ဈေးနဲ့ မဆိုးဘူးလို့ပြောလို့ရတယ်... မိသားစုလိုက်လာရင်တော့ အခန်းခက ပိုတန်မယ်ထင်တယ်... Check in စောဝင်ခွင့်ပေးတာပဲ ကျေးဇူးတင်ရမယ်...
Royal Pacific Resort
ဟိုဘက်အဆောင်က ၀ရံတာကိုရိုက်ထားတာ.. ကျွန်မတို့ ၀ရံတာလိုပဲ... ဘေးခန်းက ၀ရံတာလေးတွေက သေးတယ်...

မွှေ့ရာက ပျော့လွန်းတော့ ခါးနာတယ်... ပြတင်းပေါက်ကရှုခင်းကတော့ မနက်နိုးရင် စိတ်ကြည်နေတာပဲ...

ဧည့်ခန်းက ပွနေတယ်... သိပ်မပွတာလေး ရွေးရိုက်ထားတာ...

ဒါက Mini Kitchen၊ Fridge, Microwave, မီးဖို၊ Basin၊ ပန်းကန်ခွက်ရောက် အကုန်ရှိတယ်...

ညီအစ်မ၂ယောက်လဲ ပင်ပန်းပြီး ခဏအိပ်ပျော်သွားကြတယ်... နောက်မှ ရေမိုးချိုးပြီး နေ့လည်စာစားဖို့ ထွက်ရင်း ပတ်ဝန်းကျင်လဲ လေ့လာဖို့ထွက်ခဲ့ကြတယ်... တည်းခိုခန်းပိုင်ရှင်မိန်းမကတော့ အဲဒိဘေးက လမ်းအတိုင်းထွက်သွားရင် လမ်းထိပ်မှာဆိုင်တွေအစုံရှိတယ်... နည်းနည်းလေးဆက်လျှောက်ရင် Shopping Mall တောင်ရှိတယ်လို့ပြောတယ်... ဒါပေမဲ့ လမ်းထိပ်ရောက်ဖို့တောင် ၁၅ မိနစ်လောက်လျှောက်ရတယ်... လမ်းလေးကတော့ သာယာပါတယ်... ပင်လယ်ကပဲစီးပြီးဖြစ်နေတဲ့ မြစ်လိုလိုလေးရှိတယ်... အိမ်တိုင်းရဲ့ နောက်ဖက်မှာ ကိုယ်ပိုင် သဘောင်္လေးတွေနဲ့ သဘောင်္ဆိုက်တဲ့နေရာလေးတွေရှိတယ်... စကာင်္ပူလိုလဲ လူတွေရှုပ်ရှက်စည်ကားနေတဲ့ နိုင်ငံကလာလို့လားတော့မသိဘူး စိတ်ထဲမှာလူသိပ်ပျက်တာပဲလို့ ခံစားရတယ်... ဘယ်သူတွေ့တွေ့ "Where are you from?" ဆိုလို့ကတော့ Proudly Answer " I am from Myanmar." လို့ပဲဖြေတာပဲ... 


The small valley along the river near our resort... Is He naked? OMG I didn't mean to take his photo...


လမ်းထိပ်မှာရှိတဲ့ စားသောက်ဆိုင်လေးတွေ...

 အဲဒိရောက်မှ ဘာဖြစ်တယ်မသိဘူး.... ထမင်းချည်းစားချင်တာ... လေဆိပ်မှာ Sandwich စားကြည့်တာ အီစိမ့်နေတာပဲလို့ခံစားရတယ်.. ကုန်လဲမကုန်ဘူး... လူကနေမကောင်းလို့ ဆေးတွေသောက်ပြီး ခံတွင်းပျက်နေတာလဲ ပါမယ်ထင်တယ်... လမ်းထိပ်ရောက်တော့ အီတာလျံဆိုင်၊ ဂျပန်ဆိုင်၊ ထိုင်းဆိုင်တွေ့တယ်... ထိုင်းဆိုင်တွေ့တော့ ညီအစ်မ၂ယောက်လုံး ပျော်ပြီး တံခါးဖွင့်ဝင်လိုက်တော့ ဆိုင်က ညနေ ၃နာရီ ပိတ်တယ်တဲ့... အချိန်ကြည့်တော့ ၃နာရီ၁၀မိနစ်... ဒါနဲ့ ဒုတိယဦးစားပေး ဂျပန်ဆိုင်ပဲဝင်လိုက်တယ်... Teriyaki Chicken နဲ့ ထမင်း(AUD 8.90)၊ အစ်မက Pork curry၊ ထမင်းနဲ့ အအေး (AUD 9.90) ကျတယ်... စလုံးနဲ့ယှဉ်ရင် စားစရိတ်အတော်ဈေးများတယ်... စားပြီးတော့ ဆိုင်ရှေ့က ဘတ်စ်ကားဂိတ်ကနေ Surfer Paradise သွားဖို့ကားစီးတယ်... သြစီက ဘတ်စ်ကားမောင်းတဲ့သူတွေက ပိုက်ဆံပေးလို့ ပိုရင် ပြန်အမ်းတယ်... စကာင်္ပူမှာဆို မအမ်းဘူး... အစကတည်းက အတိပေးရင်ပေးပဲ... မဗေဒါတို့ကတော့ 3 days pass ဆိုတော့ Pass ကို ပြပြီးတက်ရုံပဲ (Date လဲ ယူပြီး မစစ်ဘူး.. ညာစီးရင် ဘယ်နှယ့်လုပ်)... ဘယ်နားဆင်းရမှန်းတော့ အသေအချာမသိပင်မဲ့ ကားပေါ်မှာ Surf board ကြီးနဲ့ ကောင်လေးတစ်ယောက်ပါလာတော့ သူဆင်းတဲ့နေရာလိုက်ဆင်းရင်လဲ မမှားလောက်ဘူးထင်တာပဲ... ပြီးတော့ လမ်းတစ်လျှောက်လဲ လမ်းနာမည်တွေကို လိုက်ဖက်လာတယ်... ထင်တဲ့အတိုင်းပါပဲ အဲကောင်လေးဆင်းတဲ့နေရာကလဲ Surfer Paradise လို့ ရေးထားတဲ့မှတ်တိုင်ပဲ... လေဆိပ်ကလာတုန်းက အဲဒိဘက်ကို ကားက ပတ်နေသေးတော့ မှတ်မိထားတာလဲပါတာပေါ့... ဒီလိုနဲ့ ပင်လယ်ရှိမဲ့ဘက်ကို မှန်းပြီး လမ်းလျှောက်လာလိုက်တယ်...
Pork Curry and rice
Teriyaki Chicken and Rice


ရှော့ပင်းမောတစ်ခုတွေ့တော့ သွားတိုက်တံမပါလာတာနဲ့ သွားပွတ်တံဝင်ဝယ်တယ် (AUD 1.95) ... နောက်ပြီး Travel adapter ပါလာပင်မဲ့ သြစီက ပလက်တွေကလဲအလုပ်မဖြစ်တဲ့ ထိပ်အပြား ၃ပင် ဖြစ်နေတယ်... ပါလာတဲ့ ကင်မရာတွေ ဖုန်းတွေအားမသွင်းလို့ကလဲ မဖြစ်တော့ Adapter ၀ယ်ရတယ် (AUD 14.00)... adapter 14 dollar က များတယ်လို့ထင်တာပဲ... ဆက်လျှောက်ရင်း Vodafone ဆိုင်တွေ့တော့ ဖုန်းကဒ်ဝင်ဝယ်ပါတယ်... ရိုးရိုးကဒ်ဆိုရင်တော့ AUD 30 ပါပဲ... ကျွန်မဖုန်းက Note 2 micro sim ဆိုတော့ ၂ဒေါ်လာပိုပေးရပါတယ်... ဆိုင်က Hilary Duff နဲ့ ဆင်တဲ့အရောင်းကောင်မလေးက သဘောကောင်းတော့ voice plan ကို လျော့ပြီး Data plan ကိုတိုးလို့ရတယ်တဲ့... ကျွန်မတို့က ဖုန်းခေါ်တာထက် အင်တာနက်သုံးဖို့ကများတော့ အဲလိုလုပ်လိုက်တယ်... ဖုန်းကလဲ Viber နဲ့ ခေါ်လို့ရနေတာပဲလေ... ဒါပေမဲ့ ဖုန်းကဒ်က တန်ပါတယ်... ကျွန်မတို့ တစ်ချိန်လုံး သုံးနေတာတောင် သြစီခရီးစဉ်တစ်ခုလုံးအတွက် လောက်တယ်... နည်းနည်းတောင်ပိုတယ်....
I was at Cavill Ave, Gold Coast, Queensland, Australia
End of Cavill Ave is surfers paradise

ဒီလိုနဲ့ Surfer Paradise မှာ Shopping နဲ့ Entertainment ဆုံတဲ့လမ်းဖြစ်တဲ့ Cavill Avenue ကို လျှောက်ရင် ပင်လယ်ဘက်ကလာတဲ့ လေအေးကို စတင်ခံစားလို့ရပါတယ်... အဲဒိလမ်းကတော့ လူအတော်ရှုပ်ပါတယ်... လမ်းဆုံးမှာတော့ Surfer Paradise လို့ခေါ်တဲ့ Beach ရဲ့ တစ်နေရာကိုရောက်ပါတယ်... ဘီကနီတွေနဲ့ လှဲလှောင်းနေကြတဲ့ ဘိုမတွေများသလောက်တော့... Asia တွေလာလည်သူတွေကလဲ မနည်းမနောရှိပါတယ်... ဂျပန်၊ ကိုရီးယား၊ချိုင်းနား များပါတယ်... ညီအစ်မ၂ယောက်လဲ ပါလာတဲ့ ကင်မရာ အိတ်တွေစောင့်ပေးမဲ့သူမရှိတာရော ရေကူးအင်္ကျီ တည်းခိုခန်းမှာထားခဲ့တာရောကြောင့် ခြေစိုရုံလောက်ပဲ ပင်လယ်ထဲဆင်းဆော့ခဲ့ပါတယ်... ပင်လယ်ရေကတော့ အေးစိမ့်နေတာပါပဲ... လေကလဲ အတော်တိုက်ပါတယ်... လှိုင်းတွေလဲကြီးတယ်... ကမ်းခြေမှာ ခဏလေညင်းခံပြီး အဲဒိတစ်လျှောက်လမ်းလျှောက်ပြီး လျှောက်ကြည့်ကြပါတယ်... အထူးသဖြင့်တော့ Gold Coast ရဲ့ အမြင့်ဆုံး Tower ဘက်ကို ဦးတည်ခဲ့ကြတာပါ... Observation Desk ကနေ အပြင် outdoor ထိပ်ဆုံးထိတက်လို့ရတယ်ဆိုလို့ အဲလိုအရာတွေကြိုက်တဲ့ ကျွန်မအစ်မက လုပ်ကြည့်ချင်တာပါ... ဟိုရောက်တော့ ညနေ ၆နာရီလောက်ရှိနေပါပြီ... တန်းစီနေတဲ့ လိုင်းကလဲရှည်ပါတယ်... ပြီးတော့ ထိပ်ဆုံးထိတက်တာက ပိတ်သွားပီလို့ပြောပါတယ်... ဒါနဲ့ပဲ မနက်ဖြန်မှပဲ လာဖို့ ဆုံးဖြတ်လိုက်ပါတယ်....


Surfer Paradise

သူတို့လဲ လေညင်းခံမလို့ပေါ့...

ဒီလိုနဲ့ မြို့ထဲဘက်တွေလျှောက်ကြည့်ဖြစ်ပါတယ်... Tour Agent တစ်ခုတွေ့တော့ Brisbane ကို နောက်တစ်ရက်ကျော် (Monday) မှာသွားဖို့ 1 Day tour ကို AUD 89 နဲ့ ၀ယ်ဖြစ်ပါတယ်... ကိုယ့်ဘာကိုယ်သွားတာကို ပိုကြိုက်ပင်မဲ့... Transportation system ကို သိပ် Reliable လုပ်လို့မရတာနဲ့ tour ပဲဝယ်ဖြစ်လိုက်တာပါ... နေရာ ၇ နေရာလောက်တော့ ပို့ပေးမဲ့ထဲပါပါတယ်... ကိုယ့်ဘာသာကိုယ်ဆိုလဲ အဲဒိနေရာတွေ ဘယ်လိုသွားရမှန်း လိုက်ကြည့်တာနဲ့တင် အချိန်ကုန်လောက်ပါတယ်... ပြီးတော့ မလာခင်လဲ သြစီက သူငယ်ချင်းတွေက Local Tour Package ၀ယ်ဖို့ တိုက်တွန်းထားလို့ပါ... Tour ရောင်းတဲ့ ဘိုမကလဲ မရောင်းချင်သလိုလို ၊ မဖြေချင်သလိုလို ဖြေချင်သလိုလိုနဲ့ နောက်ကရပ်နေတဲ့ သူ့အီစီကလီဘက်ကိုပဲ လှည့်လှည့်ပြီး ကြာပစ်နေတာတောင် အဲဒိတစ်ခုကို ၀ယ်ဖြစ်လိုက်ပါသေးတယ်...

360 degree views sky park အောက်မှာ ဓာတ်ပုံရိုက်ဖြစ်ခဲ့တယ်...


ပြီးတော့ မြို့ထဲဆက်လျှောက်ရင်း ညစာအမြန်စားမှဖြစ်မယ်... မဟုတ်ရင် ဆိုင်တွေအကုန်ပိတ်ပြီး ငတ်သွားအုံးမယ်ဆိုပြီး စားဖို့လိုက်ရှာကြပါတယ်... ညီအစ်မ ၂ယောက် အာရှစာကို ထပ်ရှာကြပြန်ပါတယ်... ဟိဟိ.... ထိုင်းဆိုင်တွေ့တော့ ၀မ်းသာအားရစားမလို့ဟာ... Menu ကြည့်တော့ ဟင်းတစ်ပွဲကို AUD 27 လောက်ရှိတော့ ဈေးများလို့ မစားခဲ့ပါဘူး... ဒီလိုနဲ့ လျှောက်ကြည့်ရင်း နောက်ထပ် Tour ဆိုင်လေးတစ်ဆိုင်ကိုတွေ့ပြန်ပါတယ်... ဒီတစ်ခါတော့ ကောင်မလေးက အရမ်း ဖော်ရွေပါတယ်... သူအရောင်းတော်တာနဲ့ပဲ သူ့ဆီက Movie World Ticket နဲ့ Skypark ပေါ်တက်တဲ့ ticket အပြင် အဲဒိနေ့ည ၈နာရီခွဲမှာစမဲ့ surfer paradise ရဲ့ Ghost Tour ကို ၀ယ်ခဲ့ပါတယ်... AUD 88၊ AUD 21 နဲ့ AUD 25 စီကျပါတယ်... ၀ယ်တဲ့အချိန်မှာ ၈နာရီရှိဘီမို့ လူစုရပ်ကို အမြန်သွားဖို့ သေချာလမ်းညွှန်လိုက်ပါတယ်... သူကသိပ်အသေးစိတ်ညွှန်လို့လားတော့မသိ... ကျွန်မတို့လဲ နားတွေရှုပ်ပြီး မှားဖြစ်အောင်မှားလိုက်ပါသေးတယ်... နောက်တော့မှ ထင်တဲ့နေရာမှာစောင့်ရင်း ကျွန်မအစ်မက သူ့ဆီပြန်ပြီးမေးရပါတယ်... နောက်တော့မှ တခြားသူတွေလဲရောက်လာပြီး "Ghost Tour" စောင့်နေတာလားဆိုမှ ကိုယ်တွေနဲ့ တူတူပဲမှန်းသိလိုက်ပါတယ်... အဲဒိ Cavill Ave က ညဘက်ကျတော့ Club တွေ PUB တွေနဲ့ နေ့လည်က Bikini မလေးတွေကလဲ မိတ်ကပ်တွေ ဒေါက်မြင့်တွေ ဂါဝန်အတို အကပ်လေးတွေနဲ့ ဖြစ်ကုန်ကြရော...
သဘောကောင်းတဲ့ကောင်မလေးဆိုင်

ဒီမှာ မှာချင်တာက သေသေချာချာမှတ်ထားပါ... Ghost tour (AUD 25) ဆိုရင် လုံးဝ လုံးဝ မ၀ယ်ပါနဲ့... ၀တ္တုထဲက ကျွန်မမျက်လုံးထဲပုံဖော်ထားတဲ့ ရှားလော့ဟုမ်းအသက်ကြီးကြီးပုံ လူကြီးတစ်ယောက်က မီးအိမ်ကြီးကိုင်ပြီး ကမ်းခြေတစ်လျှောက်သွားပြီး ဟိုနားရပ်လိုက် စကားတွေပြောလိုက်... ဒီနားရပ်လိုက် သရဲအကြောင်းပြောလိုက်လဲ... ချမ်းကချမ်း... ခြေထောက်ကညောင်း... ဗိုက်ကဆာ... ဖြစ်ရတဲ့ Tour ပါ... ကိုယ်နဲ့အတူ ဒီ Tour ကို ၀ယ်တဲ့သူ ၁၅ယောက်လောက်တော့ရှိပါတယ်... Asian ကတော့ ကျွန်မတို့ ၂ယောက်နဲ့ ဟောင်ကောင်အတွဲ ၂ယောက်ပဲပါပါတယ်... သူက အစကတည်းက သူ့ Tour ကို မလိုက်ချင်တော့ရင် ကြိုက်တဲ့အချိန် မလိုက်ပဲနေခဲ့လို့ရပါတယ်တဲ့... ဒါပေမဲ့ လိုက်ပြီးမှတော့ အဲလိုကြီးနေခဲ့ရမှာ အဲဒိလူကြီးကို အားနာတယ်လေ... အတွဲ ၁တွဲပဲ မလိုက်ပဲနေခဲ့တယ်.. ကျန်တဲ့သူတွေအားလုံး အဆုံးထိလိုက်ကြပါတယ်... တကယ်ပါ.. သူပြောတဲ့ သရဲအကြောင်းကလဲ ကျွန်မဦးလေးကတောင် ဒိထက်ပိုကြောက်စရာကောင်းအောင်ပြောတတ်ပါသေးတယ်... ကျွန်မတောင် ကျွန်မဦးလေးကို မြန်မာပြည်မှာ ghost tour လုပ်ဖို့ အကြံပေးမှလို့ နောက်ပြီး ပြောနေသေးတယ်... တစ်နေရာအရောက်မှာ သူပြောတဲ့ ဟာတွေကို လမ်းက ဖြတ်သွားတဲ့ ဘိုတစ်ယောက်က ရပ်နားထောင်ပြီး သူ့ကို မေးခွန်းတွေမေးပြီး ပြဿနာရှာပါတော့တယ်... အဲဒိဘိုက အသက် ၂၀ကျော်လောက်ပဲရှိအုံးမယ်... ဒီ Tour ဟာ ဘာမှ စိတ်ဝင်စားစရာမကောင်းမှန်းသိပေမဲ့ လူတွေဟာ ဒီအဘိုးကြီးကို အားနာတာရယ်... ကိုယ်လဲ ပိုက်ဆံပေးထားပြီးဖြစ်တာရယ်ကြောင့် လိုက်နားထောင်နေတာပဲရှိပါတယ်... ဘယ်သူမှတော့ ယုံလို့လိုက်နားထောင်နေတာမဟုတ်ပါဘူး... ဒီကောင်လေးက၀င်ပြီး မေးခွန်းတွေမေးတယ်... ဟုတ်တယ် သူပြောတာတွေကမှန်တယ်... ဟိုလူကြီး လျှောက်ပြောနေတာကို သူက ဖော်ထုတ်တာ... ဒါပေမဲ့ လူတွေကို သူနားလည်ဖို့လိုတယ်... သူ့လောက်တော့ လူတိုင်းသိတယ်ဆိုတာ... ကျွန်မနောက်မှာရပ်ပြီးပြောနေတဲ့ သူ့ဆီကလဲ အရက်နံ့ကျွန်မရနေ ပင်မဲ့ ရုပ်ကိုတော့ လှည့်မကြည့်ဖြစ်ခဲ့ဘူး... နောက်ဆုံး tour လူကြီးလဲ ပြဿနာမတက်ချင်တာနဲ့ တခြားနေရာသွားမယ်ဆိုပြီး ခေါ်တော့ ကျွန်မတို့အားလုံးက သူ့နောက်လိုက်သွားတော့ အဲဒိ ကောင်လဲ မကျေမနပ်လေသံနဲ့ "And then they follow!" ဆိုပြီး အော်ကျန်ခဲ့လေရဲ့... ကျွန်မတို့အားလုံးက ငတုံးတွေဆိုတဲ့ သဘောပေါ့လေ... တုံးတာမတုံးတာထက် ကျွန်မအတွက်ကတော့ ဒီလူကြီး အသက်လဲကြီးနေပြီး သူ့ခမျာလုပ်စားနေရရှာတယ်လေ... ငါလဲ ပိုက်ဆံပေးပြီးမှတော့ သူဘယ်လိုလုပ်စားလဲ လိုက်ကြည့်လိုက်ပါ့မယ်ဆိုတဲ့သဘောနဲ့ လိုက်တာပါ... ဒီလိုမှလဲ နောက်လူတွေကို ခုလို မ၀ယ်ဖြစ်အောင် ပြောပြနိုင်မယ်ဟုတ်... ဒါပေမဲ့ တစ်ခုကောင်းတာတော့ သူတို့ English Listening ကောင်းကောင်းလေ့ကျင့်လိုက်ရသလိုဖြစ်သွားတာပေါ့နော်...
Ghost Tour စောင့်နေတုန်းက... 

နေမကောင်းတော့ ဘာမှ သိပ်မစားချင်ဘူး...

သူ့ tour က ၁၀နာရီလောက်မှာပြီးတော့ ပင်ပန်လာတာနဲ့ ဟော်တယ်ပဲပြန်မယ်ဆုံးဖြတ်လိုက်တယ်... တော်ကြာ ဘတ်စ်ကားမရှိတော့မှာကြောက်လို့... အပြန်ဘတ်စ်ကားဂိတ်ကိုလဲ အတော်လေးရှာလိုက်ရတယ်... အလာတုန်းက ဘတ်စ်ကားဂိတ်ရဲ့ ဟိုဘက်ကားလမ်းမှာသွားရှာတော့လဲ မတွေ့ဘူး... ဒီတော့ အလာတုန်းက ဘတ်စ်ကားဂိတ်မှာပဲ ယောင်လည်လည်လုပ်နေတုန်း... ရဲသုံးယောက်လျှောက်လာတယ်... ရဲမေတစ်ယောက်၊ ယောကျာင်္း ၂ယောက်... သူတို့ကို ဘတ်စ်ကားအကြောင်းမေးမလို့ bus လို့ ဟရုံပဲရှိသေး... ဘတ်စ်နဲ့ ပတ်သတ်ရင်သူတို့လဲ သိပ်မသိကြောင်း... သူတို့ကအမြဲကားပဲမောင်းနေကြောင်းရှင်းပြပါတယ်... ROYAL PACIFIC RESORT လို့ပြောတာလဲ ကိုယ့်အသံထွက်ကို သူတို့ မဖမ်းမိလို့ စာလုံးပေါင်းပြမှပဲ သိတော့တယ်... သူတို့ပြောတော့လဲ ကိုယ်ပြောတဲ့ အသံနဲ့ဆင်သလိုပဲလို့ စိတ်ထဲထင်မိတာပဲ... အဟိ... နောက်ဆုံးမှ ကျွန်မတို့ မနက်က ဘတ်စ်ကားစီးပြီး ဒီဂိတ်မှာဆင်းခဲ့ကြောင်း... ခု အပြန်ကားအတွက် ဘယ်မှာစီးရမှန်းမသိကြောင်း... လမ်းက ၂လမ်းသွားဆိုတော့ ဟိုဘက်ကားလမ်းမှာရှာတာလဲ ဘတ်စ်ကားဂိတ်မတွေ့ကြောင်း ပြောတော့မှ သူတို့ သဘောပေါက်ပြီး ဘတ်စ်ကားဂိတ်က ဟိုဘက်ကားလမ်းမှာပဲ ရှေ့နည်းနည်းဆက်လျှောက်လိုက်ရှိတယ်တဲ့...Titanium Bar နားမှာတဲ့... ခု Google map မှာရှာရင် ဘတ်စ်ကားမှတ်တိုင်လေးရှိတယ်... ကျွန်မတို့သွားတုန်းက မရှိဘူး... ကျွန်မတို့ မလာခင် ၂ပတ်လောက်ကမှ မုန်တိုင်းတိုက်သွားတဲ့အထဲ ပါသွားလားတော့မသိ...

ကျွန်မတို့တည်းတဲ့နေရာပြန်ရောက်တော့ ရေမိုးချိုးပြီးတော့ မနက်က လေဆိပ်မှာဝယ်စားတဲ့ Muffin လေး နည်းနည်းပိုတာကို စားပြီး ညစာလွတ်ကာ အိပ်လိုက်ပါတော့တယ်... သြစီရဲ့ ပထမညမှာတင် ညစာလွတ်တဲ့သင်ခန်းစာပေါ့...

Friday, March 01, 2013

The Beginning of Memories in Australia

Photo credit to http://www.ytravelc.com/australia-travel-guide.htm

ဒီခရီးစဉ်ကို မနှစ်က Bonus လေး အတန်အသင့်ရလိုက်လို့ အစ်မတော်က ခရီးသွားဖို့ စပြီးပြောလို့ စီစဉ်ဖြစ်တာပါ... အစက ထိုင်ဝမ်သွားမလို့... ဒါပေမဲ့ တရုတ်နှစ်ကူးပိတ်ရက်မို့ တရုတ်နိုင်ငံတွေမသွားတာပဲ ကောင်းတယ်ဆိုပြီး သြစတေးလျကို စီစဉ်ဖြစ်သွားတာ... ဒီခရီးကို စပြီး သွားမယ်လို့ ဆုံးဖြတ်ခဲ့တာက ဒီဇင်ဘာလောက်ကပါ.. ဒါပေမဲ့ ဒီဇင်ဘာမှာ ရန်ကုန်ပြန်ဖို့ စီစဉ်ပြီးသားဖြစ်နေတဲ့အတွက် မြန်မာပြည်ကိုပဲစိတ်ရောက်ပြီး သြစီခရီးအတွက်ဘာမှကို မလုပ်ဖြစ်ခဲ့ပါဘူး... ဟိုက ငယ်သူငယ်ချင်းတစ်ယောက်ကတော့ ဒီဇင်ဘာလာခဲ့ဖို့ ဘလော့ပေါ်က ဟောင်ကောင်ခရီးစဉ်ပိုစ့်မှာကို ကွန်မန့်နဲ့ အော်ထားပါသေးတယ်... ဒါပေမဲ့ ဘယ်လိုမှ မဖြစ်နိုင်ခဲ့ပါဘူး... ခရီးတစ်ခုသွားဖို့ဆိုတာ အခြေအနေတွေအားလုံးတိုက်ဆိုင်မှ စီစဉ်လို့ရတာ မဟုတ်ပေလား... သွားဖို့ပိုက်ဆံ၊ အလုပ်ကခွင့်ရက်၊ သွားမဲ့နေရာရဲ့ ရာသီဥတုအခြေအနေ၊ ဗီဇာလျှောက်ထားဖို့ ခွင့်ရက်၊ ခရီးသွားရာသီချိန် ဟုတ်မဟုတ်၊ ကိုယ့် ကျန်းမာရေးအခြေအနေ စတဲ့ ကိုယ့်အတွက်စဉ်းစားစရာ အချက်တွေရှိသလို ကိုယ်နဲ့သွားမဲ့သူနဲ့ပါ  ညှိပြီးလုပ်ရတော့ အမှန်ဆိုရင် အတော်ကို စီစဉ်ဖို့ သိပ်မလွယ်တဲ့ကိစ္စပါ... အထူးသဖြင့် ကျွန်မက Tour package နဲ့သွားရတာကို မနှစ်သက်တဲ့အတွက် ကိုယ်သွားချင်တဲ့ Itinerary  နဲ့ ကိုယ်နဲ့သွားမဲ့သူရဲ့ အကြိုက်နဲ့ ညှိရတာက မလွယ်ကူလှပါဘူး... Team work နဲ့ discussion လိုပါတယ်... ဒါတောင် ကိုယ်နဲ့သွားမဲ့သူက ကိုယ့်အစ်မဖြစ်နေတော့ အများအားဖြင့်တော့ စိတ်တူတာများပါတယ်...

ဗီဇာ...

သြစီသွားမယ်ဆိုရင် ဘယ်နိုင်ငံသားမဆို ဗီဇာလိုပါတယ်... ကွာတာကတော့ နိုင်ငံကောင်းကလူတွေက e-visa ကို ၂၀လောက်နဲ့ အလွယ်တကူလျှောက်နိုင်ပြီး... ကျွန်မတို့လို ချမ်းသာကြွယ်ဝတဲ့ ရွှေနိုင်ငံကလူတွေကတော့ သံရုံးကို ရုံးချိန် သွားတင်တရက် ပြန်ရွေးတရက်သွားရပါတယ်... ဗီဇာခကလဲ စကာင်္ပူဒေါ်လာ ၁၅၂ ဒေါ်လာကျပါတယ်... 
လိုအပ်တဲ့စာရွက်စာတမ်းတွေကတော့ ဗီဇာလျှောက်တဲ့ဖောင်မှာဖြည့်၊ ပတ်စပို့ဓာတ်ပုံ တစ်ပုံ၊ အိုင်စီမိတ္တူ၊ Re-entry Permit (ပီအာတွေအတွက်) မိတ္တူ၊ ဘဏ်စာအုပ် (ဒါမှမဟုတ်) ဘဏ် statement မိတ္တူ၊ အလုပ်က လခရယ် ရာထူးရယ် လျှောက်ထားတဲ့ခွင့်ရက်ရယ်ပါ ပါတဲ့ထောက်ခံစာ၊... ဒါတွေကတော့ အခြေခံလိုအပ်တဲ့ ပါကိုပါရမဲ့ စာရွက်စာတမ်းတွေပါ။ ဒါပေမဲ့ ဖောင်ထဲမှာ သူတို့ သံသယရှိရင် ရှိသလို တခြားအထောက်အထားတွေလဲ ပြခိုင်းချင်ပြခိုင်းပါအုံးမယ်တဲ့... အဲဒါတွေကတော့ လေယာဉ်လက်မှတ် အသွားအပြန်၊ ဟော်တယ်ဘွတ်ကင်း၊ ကျောင်းတက်နေရင် ကျောင်းထောက်ခံစာ၊ စကာင်္ပူမှာ ပစ္စည်းဥစ္စာ အိမ်ပိုင်ရှိရင် ရှိကြောင်း သက်သေ စသည်ဖြင့်ပါ... ဒီလောက်တောင် ဖြစ်တာ အမြင်ကပ်ကပ်နဲ့ ဖေ့ဘွတ်မှာ ကြွားလို့မရမဲ့အတူတူ သြစီသံရုံးမှာ ရှိသမျှပိုင်ဆိုင်မှုတွေ အကုန်ကြွားပစ်လိုက်တော့တာပေါ့... ကိုတွေလို ရွှေနိုင်ငံကလူတွေက သူများထက် ပိုက်ဆံရှိမှ ခရီးတစ်ခုကို စီစဉ်လိုရတယ်မှတ် ဆိုပြီး ဒီလိုပဲ ကြံဖန်မာန်တက်ထည့်လိုက်တာပေါ့...
ဒီလိုကျတော့ သံရုံးက မိန်းမကြီး ရှိန်သွားပြီး ရပါဘီ လုံလောက်ပါပြီဆိုပြီး အကြွားမခံပဲ အခြေခံလိုတဲ့ စာရွက်တွေပဲလက်ခံတယ်... ၂ပတ်နေပြန်လာရွေးလို့ရပါတယ်တဲ့... ချလန်ပေးလိုက်တယ်... ကိုယ်တိုင်မဟုတ်လဲ ချလန်နဲ့ဆို ဘယ်သူမဆိုရွေးလို့ရတယ်ဆိုလို့ တစ်ယောက်သောသူကိုပဲ အကူအညီတောင်းပြီး ရွေးခိုင်းရတော့တာပေါ့...

သြစီဗီဇာက Paperless ဗီဇာလေ... စာအုပ်ပေါ်မှာ ဘာတုံးမှမထုဘူး... ကျွန်မတို့ရဲ့ ကမ္ဘာပေါ်မှာ ဈေးအကြီးဆုံး ရွှေပတ်စပို့ကြီးကို တစ်ရွက်ချွေတာပေးလိုက်တဲ့အတွက် ကျေးဇူးအများကြီးတင်ပါတယ်...

Scoot Airline အကြောင်း တစ်စေ့တစ်စောင်း...

ဒါနဲ့ ဗီဇာမလျှောက်ခင် လေယာဉ်လက်မှတ်အရင်ဝယ်ဖြစ်တယ်... သြစီဆိုရင်တော့ ဈေးအသက်သာဆုံးက scoot ပဲလေ... တခြားလိုင်းတွေနဲ့လဲ ယှဉ်ဖြစ်ပါသေးတယ်... scoot ကအသက်သာဆုံးပဲ။ ဒါတောင် သွားတဲ့အချိန်က ဈေးကြီးတဲ့အချိန်ဖြစ်နေတော့ scoot တောင်မှ စကာင်္ပူ-ဆစ်ဒနီ၊ ဆစ်ဒနီ-စကာင်္ပူကို ၁၄၀၀ လောက် အသွားအပြန်ကျနေတယ်... ဟောင်ကောင်အတူတူသွားခဲ့တဲ့ သူငယ်ချင်းက အစကလိုက်မလို့ပဲ... နောက်တော့ လေယာဉ်ခတွေက ရာသီချိန်မို့ပဲ ဈေးကြီးနေလေရော့သလား၊ နောက်တစ်ချက်က ကျောင်းပြန်ဖွင့်မဲ့ရက်နဲ့ နည်းနည်းညိနေတာရော၊ သူ့မိဘတွေ စကာင်္ပူလာမဲ့ရက်နဲ့ကိုက်သွားတာရောကြောင့် မလိုက်ဖြစ်တော့ဘူး... ကိုယ်လဲ လေယာဉ်လက်မှတ်ကို အဲလောက်မထင်ထားပဲ ခု ဈေးကြီးတော့ နည်းနည်းတော့ အင်တင်တင်ဖြစ်သွားတယ်... ဒါပေမဲ့ ကိုယ့်အစ်မက အရမ်းစိတ်အားသန်နေတော့ သူ့အလိုကို ဖြည့်စည်းပေးလိုက်ပါတယ်... 

ဒါပေမဲ့ ဖြစ်ချင်တော့ ဖေ့ဘွတ် scoot page မှာ ၁ရက်ပဲ ပရိုမိုလုပ်တဲ့ သူတို့ပေးတဲ့ link ကို Like ရင် Scoot biz class ကို ၃၀% ချပေးမယ်ဆိုတာတွေ့တော့ လုပ်ဖြစ်လိုက်တယ်... နောက်ပြီး Singapore ကနေ ဆစ်ဒနီကို တိုက်ရိုက်ပျံတာထက် စကာင်္ပူကနေ Gold Coast ကို ပျံတာက နည်းနည်းဈေးပိုသက်သာတယ်... နေရာလဲ ၂နေရာရောက်မယ်ဆိုတော့... စကာင်္ပူ - Gold Coast - ဆစ်ဒနီ - စကာင်္ပူ ဆိုပြီး ခရီးစဉ်ကို ချလိုက်တယ်... Gold Coast ကနေ ဆစ်ဒနီ ပြည်တွင်း ခရီးစဉ်ကို Jetstar နဲ့ ဘွတ်လိုက်တယ်... အဲဒိဟာ အားလုံးပေါင်း စကာင်္ပူ ၁၄၀၀ လောက်ကျတယ်... စကာင်္ပူ-ဆစ်ဒနီသွားတာနဲ့တူတူပဲ... ဒါပေမဲ့ ကိုယ်က အသွားမှာ Business Class နဲ့ သွားရမယ်၊ Gold Coast လဲရောက်မယ်ဆိုတော့ မဆိုးလှပါဘူး...



တရုတ်နှစ်ကူးပိတ်ရက်အတွင်း Gold Coast မှာ ၃ည ၊ ဆစ်ဒနီမှာ ၄ညအိပ်ဖို့ ခရီးစဉ်ကို စတင်ဖို့သေချာသွားပါဘီ။ ဒီခရီးမှာ ကျွန်မအတွက် တခြားခရီးနဲ့ မတူတဲ့ ထူးခြားချက်ကတော့ ဆစ်ဒနီရောက်နေတဲ့ ၁၂နှစ်လုံးလုံးကွဲကွာနေတဲ့ ကျောင်းတုန်းက ငယ်သူငယ်ချင်း တွေနဲ့ ပြန်တွေ့ရမှာမို့လို့ပါပဲ... သူတို့လဲ ခုလိုပြန်တွေ့ရမှာကို ကျွန်မနဲ့ထပ်တူ ရင်ခုန်ပျော်ရွှင်နေကြမယ်ဆိုတာ သေချာနေတယ်လေ....
Photo credit to http://www.travelvivi.com/kangaroos-australias-most-iconic-animals/