🏠 အိမ်ရှင်မဘဝ ၆ နှစ် Gap ကို Local Experience နဲ့ ဘယ်လို အစားထိုးမလဲ

​၆ နှစ်လောက် အလုပ်နားထားတဲ့ Gap ရှိနေတော့ CV ထဲမှာ ဘာရေးရမလဲလို့ အားလုံး သိချင်ကြမှာပါ။ ကျွန်မကတော့ စင်္ကာပူမှာ လုပ်ခဲ့တဲ့ အတွေ့အကြုံတွေထဲက ကိုယ်လျှောက်မယ့်အလုပ်နဲ့ သက်ဆိုင်တာတွေကို ဦးစားပေးဖော်ပြပါတယ်။ ဒါပေမဲ့ Australia လို နိုင်ငံမျိုးမှာ Local Experience က အရမ်းအရေးကြီးတာမို့ ဒီ ၆ နှစ်အတွင်းမှာ လုပ်ခဲ့တဲ့ Personal Development၊ Volunteer အလုပ်တွေနဲ့ အောင်မြင်မှု (Achievement) လေးတွေကိုပါ ထည့်ရေးခဲ့ပါတယ်။

​✨ အိမ်ရှင်မဆိုတာ အိမ်တစ်အိမ်ရဲ့ CEO 

တကယ်တော့ အိမ်ရှင်မဆိုတာ အိမ်ထောင်စုတစ်ခုလုံးကို စီမံခန့်ခွဲနေရတဲ့ CEO ပါပဲ။ နေ့စဉ်စားသောက်ရေး၊ ကလေးပြုစုရေး၊ အမျိုးသားရဲ့ Schedule နဲ့ လူမှုရေးကိစ္စတွေအပြင် Financial Planning နဲ့ Budgeting ကိုပါ ကျွမ်းကျင်စွာ လုပ်နေရတာပါ။ ဒါတွေကို Business terms တွေနဲ့ ပြောင်းလဲစဉ်းစားကြည့်ရင် Networking Skill, Adaptability, Fast Learner စသဖြင့် ကိုယ့်ရဲ့ အစွမ်းအထက်ဆုံး Skills တွေအဖြစ် CV မှာ ဂုဏ်ယူစွာ ရေးသားနိုင်ပါတယ်။ အဓိကကတော့ လုပ်ငန်းခွင် Gap ရှိနေတာကို ကိုယ့်ရဲ့အားနည်းချက်လို့ မယူဆဖို့ပါပဲ။

​🤝 Volunteer လုပ်ခြင်းရဲ့ နောက်ကွယ်က အခွင့်အလမ်း

Australia မှာ Volunteering ဆိုတာ စေတနာအပြင် Local Experience နဲ့ Networking ရဖို့အတွက် အကောင်းဆုံး လမ်းစပါ။ အထူးသဖြင့် Adelaide လို မြို့မျိုးမှာ Connection ရှိရင် အလုပ်ရဖို့ ပိုလွယ်ပါတယ်။ Qualified ဖြစ်နေသူထက် "အသိကတဆင့် Recommendation" ကြောင့် အလုပ်ရသွားတာမျိုးတွေ ခဏခဏ တွေ့ရတတ်ပါတယ်။ ဒါကြောင့် ကိုယ်သွားချင်တဲ့ Field နဲ့ဆိုင်တဲ့ Volunteer အလုပ်မျိုး တွေ့ရင် လက်မလွှတ်ပါနဲ့။

​👩‍💻 ကျွန်မရဲ့ ၆ နှစ်တာ "အိမ်ရှင်မ" ခရီးစဉ်နဲ့ အလုပ်ဖြစ်ခဲ့တဲ့ အတွေ့အကြုံများ

​အိမ်ရှင်မလို့သာ ပြောတာ၊ ဝါသနာပါရာတွေ လိုက်လုပ်ရင်းကနေ ရလာတဲ့ အတွေ့အကြုံတွေက ကျွန်မကို ယုံကြည်မှု အပြည့်ပေးခဲ့ပါတယ်။စာဖတ်သူတွေက အလုပ်အတွက် Focus ပြီး ကိုယ့်အတွက် relevent ဖြစ်တာကိုလုပ်ပါ။ 

​🥘 ၁။ Online Food Business & Networking

အိမ်မှာချက်စားရင်း Online ကနေ အော်ဒါကောက်ကာ  ပိုချက်ပြီး စားစရာတွေ ရောင်းချပါတယ်။ ဒါက ဝင်ငွေရရုံတင်မကဘဲ လူအများနဲ့ ထိတွေ့ရတဲ့ Networking ကိုပါ ရစေပါတယ်။ Asian Street Food Festival မှာ ဆိုင်ခန်းဖွင့်ပြီး မြန်မာစာကို Promote လုပ်ခဲ့တဲ့ အတွေ့အကြုံကလည်း လုပ်ငန်းခွင်အတွက် အဖိုးတန်တဲ့ သင်ခန်းစာတွေ ရခဲ့ပါတယ်။ Food Business နဲ့ သက်ဆိုင်တဲ့ မိတ်ဆွေတချို့ရခဲ့တာက ကိုယ့်အတွက်တော့ ကြည်နူးစရာပါ။

​🙏 ၂။ Community Support & Fundraising

Adelaide မှာ မြန်မာဘုန်းကြီးကျောင်းအတွက် Online ကနေ အလှူငွေကောက်ခံပေးတာ၊ မြန်မာပြက္ခဒိန်လေးတွေ လုပ်ရောင်းပြီး ရံပုံငွေရှာပေးတာတွေ လုပ်ခဲ့ပါတယ်။ ဒီကနေတဆင့် Australia ရဲ့ Printing Service တွေ၊ Post Office အလုပ်လုပ်ပုံတွေနဲ့ ပြည်နယ်အလိုက်ရှိနေတဲ့ မြန်မာ Community တွေအကြောင်း ကောင်းကောင်း သိခွင့်ရခဲ့ပါတယ်။

​🎨 ၃။ Creative Projects & Event Leadership

"Myanmar in Adelaide" ဆိုတဲ့ Group မရှိသေးလို့ ကိုယ် အက်ဒလေးလာဖို့ ရှာတုန်းက မြန်မာနဲ့ ပတ်သတ်တဲ့ အချက်အလက်တွေ ဘယ်မှာမှ ရှာမတွေ့လို့ ဘာမှ မသိပဲ ရောက်ခဲ့ရတဲ့အတွက် နောက်လူတွေ အဲ့လိုမဖြစ်အောင်၊ အက်ဒလေးကိုရောက်နေတဲ့ မြန်မာတွေလဲ လိုအပ်တဲ့ Information sharing နဲ့ Gathering စသဖြင့် နေရာလေးတစ်ခုဖြစ်အောင် စပြီး တည်ထောင်ခဲ့တယ်။ 

အဲ့ဒိ ဂရုကနေပဲ တခြားသူငယ်ချင်းတွေနဲ့ ပူးပေါင်းပြီး မနှစ်ကဆိုရင် 

1. Myanmar In Adelaide Hiking group

2. Myanmar  In Adelaide group private Thingyan,

3. ငလျင်အတွက် Online food fundraising၊ 

4. What Happened to the wolf ရုပ်ရှင်ပြသတဲ့ Event တွေ လုပ်ဖြစ်ခဲ့တယ်။ 

​📚 ၄။ မြန်မာစာ သင်ထောက်ကူလုပ်ငန်းနဲ့ ပညာဒါန

​ကိုယ့်သားလေးကို မြန်မာစာ သင်ပေးချင်တဲ့ စိတ်နဲ့ပဲ ကိုယ်တိုင် Research လုပ်ပြီး မြန်မာအက္ခရာနဲ့ ဂဏန်းသင်ထောက်ကူ (Flashcards) လေးတွေကို စတင် ထုတ်လုပ်ဖြစ်ခဲ့ပါတယ်။ အခုဆိုရင်တော့ တစ်ဦးတည်းအတွက်တင် မဟုတ်တော့ဘဲ သားလေးလိုပဲ မြန်မာစာသင်ချင်ကြတဲ့ ကလေးတွေ၊ လူကြီးတွေအတွက်ပါ ရည်ရွယ်ပြီး Australia တစ်ဝန်းလုံးကို မြန်မာစာသင်ထောက်ကူ ပစ္စည်းတွေ၊ ပုံပြင်စာအုပ်တွေ၊ ပိုစတာနဲ့ အရုပ်လေးတွေကို Facebook Page ကနေတစ်ဆင့် ဖြန့်ချိပေးနေပါတယ်။

​ဒါ့အပြင် ဩစတေးလျရောက် မြန်မာကလေးငယ်တွေကို မြန်မာစာ သင်ကြားပေးဖို့နဲ့ ပတ်သက်ပြီး အကြံဉာဏ် လိုအပ်သူတွေကိုလည်း ကျွန်မ တတ်နိုင်သလောက် ဆွေးနွေး အကြံပြုပေးဖြစ်ပါတယ်။ (Page နာမည်ကိုတော့ ကြော်ညာသလို ဖြစ်မှာစိုးလို့ ဒီမှာ ထည့်မရေးတော့ပါဘူး၊ သိချင်ရင်တော့ DM ကနေ မေးမြန်းနိုင်ပါတယ်ရှင်။)

​🏆 ၅။ Measurable Achievement (ထည့်ရေးကို ရေးရမည့်အချက်)

Marketing တက်နေရင်း AADC ကလုပ်တဲ့ Design Contest မှာ ဝင်ပြိုင်ခဲ့ရာက Cancer Council အတွက် Billboard Design အဖြစ် ရွေးချယ်ခံရပြီး မြို့လည်ခေါင် Rundle Mall Billboard မှာ ပြသခံခဲ့ရပါတယ်။ ဒါမျိုးကတော့ CV ထဲမှာ Achievement အနေနဲ့ ခိုင်ခိုင်မာမာ ထည့်ရေးလို့ရတဲ့ အချက်ပါ။

​🖼️ ၆။ Professional Volunteering

Non-profit Org တစ်ခုမှာ Volunteer Director အဖြစ် တာဝန်ယူပြီး 'Surviving the Sunset Fundraising' ပန်းချီပြပွဲကို Curator အနေနဲ့ စီစဉ်ခဲ့ပါတယ်။ ဒါက မြန်မာ့အရေးကို Raise Awareness ဖြစ်စေသလို၊ ကိုယ့်အတွက်လည်း Leadership အတွေ့အကြုံကောင်းတွေ ရခဲ့ပါတယ်။ (ဒါကိုလဲ local experience Leadership skill တစ်ခုအနေနဲ့ ထည့်ရေးပါတယ်။)

​🍎 ၉။ Paid Local Experience and Community Connection

​Adelaide Language School မှာ Summer Activities အနေနဲ့ Australian ကလေးတွေကို "မြန်မာစကား မိတ်ဆက်" တဲ့ အတန်းကို သင်ကြားပေးခဲ့ပါတယ်။ ဒါက အပျော်တမ်းမဟုတ်ဘဲ ပိုက်ဆံရတဲ့ Paid job တစ်ခုပါ။ ဒီအတွေ့အကြုံကနေ ကိုယ့်ကိုယ်ကိုယ် ယုံကြည်မှု (Confidence) ပြန်ရလာသလို၊ Local Community နဲ့လည်း ပိုမိုထိတွေ့ရင်းနှီးခွင့် ရခဲ့ပါတယ်။ ဒါကြောင့်မို့လို့ ဒါကို Local အတွေ့အကြုံအစစ်အမှန်အနေနဲ့ CV ထဲမှာ ဂုဏ်ယူစွာ ထည့်ရေးခဲ့ပါတယ်။

​💡 အိမ်ရှင်မဘဝကနေ လုပ်ငန်းခွင် ပြန်ဝင်ချင်သူများအတွက် အကြံပြုချင်တာကတော့...

​တိုက်ရိုက်လျှောက်ပါ: အလုပ်ပြန်လုပ်ဖို့ ဆုံးဖြတ်ပြီးရင် ချက်ချင်းသာ လျှောက်လိုက်ပါ။

​Confidence အရင်တည်ဆောက်ပါ: Gap များလို့ စိတ်မချရင် ကိုယ်နဲ့ဆိုင်တဲ့ Volunteer အလုပ်လေးတွေ အရင်စလုပ်ကြည့်ပါ။

​LinkedIn ကို အသုံးချပါ: ကိုယ့် Field နဲ့ဆိုင်တဲ့ Group တွေ Join ထားပြီး အခွင့်အရေးကို စောင့်ကြည့်ပါ။

​ကိုယ်ပိုင်ဆုံးဖြတ်ချက်: သူများပေတံနဲ့ ကိုယ့်ကိုယ်ကိုယ် မတိုင်းပါနဲ့။ ကိုယ်ဘာလို့ ရွေးချယ်တယ်ဆိုတာ ကိုယ်တိုင်သိရင် လုံလောက်ပါပြီ။

​"အလုပ်ဟူသမျှ ဂုဏ်ရှိစွ" မို့လို့ ကိုယ့်ရဲ့ အိမ်ရှင်မဘဝ အတွေ့အကြုံတွေကိုပါ တန်ဖိုးရှိရှိ အသုံးချပြီး အားလုံးပဲ အိမ်မက်တွေဆီ ပြန်လည်ခြေလှမ်းနိုင်ကြပါစေရှင်။ 💪✨

နောက်ပိုစ့်မှာ ကျွန်မ CV ထဲ ဘာတွေ ထည့်ရေးထားလဲဆိုတဲ့ အတိအကျထက် CV ကို ဘယ်လိုရေးရင် အင်တာဗျူးရဖို့ အခွင့်အရေးပိုကောင်းလဲ၊ Australia ရဲ့ CV Culture လေးတွေ၊  အစိုးရအလုပ်လျှောက်ချင်သူများရဲ့ CV ကို ဘယ်လိုရေးရမလဲ (အစိုးရအလုပ်လုပ်ချင်တဲ့သူက မေးခွန်းတွေ အင်တာဗျူးမဖြေခင်တောင် ပိုမေးခံရတွေရှိပါတယ်။ အဲ့ဒါတွေအတွက် ဘယ်လိုဖြေရမလဲဆိုတဲ့ အထာလေးတွေ ဝေမျှပေးမယ်။ အစိုးရအလုပ်လျှောက်တာ ၃ ခုလျှောက် ၂ ခု အင်တာဗျူးခေါ်ခံရပြီး အင်တာဗျူးရသမျှ အလုပ်အကုန် offer ရလို့ ၁၀၀% success rate လို့ ကွကိုယ်ကျေနပ်မိသူပါ။ 😁)

#jobsearch 

#GapYears

#migrantlifestyle 

#fromhousewifetowork 

#HowIGainedLocalExperiences

✈ Australia ရောက်စ အိမ်ရှင်မဘဝကနေ လုပ်ငန်းခွင်ဆီသို့

✈ Australia ရောက်စ အိမ်ရှင်မဘဝကနေ လုပ်ငန်းခွင်ဆီသို့

​🏠 ကိုယ် Australia ကို စရောက်တော့ ကလေးက ငယ်သေးတယ်။ နိုင်ငံအသစ် နေရာအသစ်မှာဆိုတော့ ကိုယ့်ကလေးကို ကိုယ်တိုင်ပဲ စောင့်ရှောက်ချင်လို့ လုပ်ငန်းခွင်လည်း ပြန်မဝင်ချင်သေးဘူး။ ပြောရရင်တော့ အမျိုးသားလုပ်စာစားရင်း အိမ်ရှင်မပဲ လုပ်တော့မယ်ပေါ့။ ကိုယ့်မှာက မိဘတွေ၊ သူငယ်ချင်းတွေ အများကြီးရှိရာကနေ မြန်မာနည်းတဲ့ Australia, Adelaide မြို့ကို ပထမဆုံး ရောက်လာတာကိုး။

​💼 ကိုယ်လုပ်ခဲ့တဲ့အလုပ်က Engineering ကုမ္ပဏီဆိုပေမဲ့ အဓိကက Business Development လုပ်တာဆိုတော့ Hands-on experience က သိပ်မရှိဘူး။ ရှိတယ်ထားဦးတော့၊ Australia မှာက သူတို့သတ်မှတ်ထားတဲ့ လက်မှတ်မရှိရင် Engineering အလုပ်ရှာဖို့ ခက်တယ်။ (ကိုယ့်ကိုယ်ကိုယ် Confident မရှိတာလည်း ပါတာပေါ့။) နောက်တစ်ခုက ငယ်ငယ်က စင်္ကာပူမှာ ကျောင်းရဖို့ လူကြီးတွေက Engineering ကို ရွေးခိုင်းခဲ့တာပါ။ ကိုယ်တိုင်လည်း သိပ်ဝါသနာမပါတော့ ဩစီရောက်တဲ့အခါ ကိုယ်တကယ်ကြိုက်တာကို ၁ ကနေ ပြန်စချင်တာလည်း ပါပါတယ်။

​👪 အဲ့ဒီမှာ ဘယ်လိုဖြစ်လဲဆိုတော့ (အခုရေးမှာတွေက ကိုယ့်ခံစားချက်သက်သက်ပါပဲ၊ စာဖတ်သူနဲ့ အယူအဆချင်း တူချင်မှတူပါလိမ့်မယ်။) အခုချိန်ထိ ကလေးနဲ့အတူတူ အချိန်ပေး ထိန်းကျောင်းလာတာကို နောင်တ လုံးဝမရပေမဲ့၊ နေ့တိုင်း ကလေးနဲ့ နှစ်ယောက်တည်း ဟင်းချက်လိုက်၊ ကလေးကျွေးလိုက်၊ သိပ်လိုက်နဲ့ပဲ အချိန်ကုန်ခဲ့ရတယ်။ ညနေ အမျိုးသားပြန်လာမှ အပြင်လေးထွက်ချင်လို့ ပူဆာရတယ်၊ (ဒီမှာက ဆိုင်တွေက မိုးချုပ်ထိ မဖွင့်လို့ ကြာသပတေးနေ့ Shopping Day ကျမှ ထွက်ရတာပါ။) Weekend ဆိုရင်လည်း ကိုယ်က ၅ ရက်လုံး အိမ်ထဲမှာဆိုတော့ အပြင်သွားချင်တယ်၊ အမျိုးသားကတော့ နားချင်တယ်၊ Schedule တွေက သိပ်မကိုက်တော့ဘူး။ ဒါတောင် ကိုယ့်အမျိုးသားက လိုက်ပို့ပေးရှာသလို အိမ်အလုပ်လည်း ကူလုပ်ပေးပါတယ်။

​🧹 တကယ် အိမ်ရှင်မလုပ်ကြည့်တော့ အလုပ်က မစားသာပါဘူး။ အပြင်အလုပ်က Weekdays 9-5 ဆင်းပြီးရင် ပြီးပြီ (Aussie က Work-life balance ရှိတော့ စင်္ကာပူလို OT တွေလည်း မရှိဘူး)။ အိမ်ရှင်မကတော့ ၂၄ နာရီ၊ ၇ ရက်လုံး ပိတ်ရက်မရှိ ကလေးကြည့်၊ ဟင်းချက်၊ အဝတ်လျှော်၊ အိမ်ရှင်း လုပ်ရတာပါ။ အမျိုးသားရှာတဲ့ပိုက်ဆံက ကိုယ့်ပိုက်ဆံပဲဆိုပေမဲ့ ကိုယ်တိုင်မရှာတော့ ကိုယ်လိုချင်တာ၊ Skincare နဲ့ အလှအပပိုင်းတွေမှာ အလိုလို ကပ်စေးနဲလာမိတယ်။

​🥘 အပြင်ထွက်စားရတာ ကြိုက်ပေမဲ့ စရိတ်များလာရင် ငါ့တာဝန်မကျေလို့လားဆိုပြီး စိတ်မလုံဘူး။ အမျိုးသားက ဘာမှမပြောဘဲ ဝယ်ပေးချင်ပေမဲ့ ကိုယ်ကပဲ အားနာပြီး မပြရဲ မပြောရဲဖြစ်နေတာ။ အိမ်မှာနေရင်း လူပိုဖြစ်မှာစိုးလို့ ဟိုဟာစမ်းလုပ် ဒီဟာစမ်းလုပ်နဲ့ လူမှုရေးအကျိုးတွေလည်း ဝိုင်းကူသယ်ပိုးမိသေးတယ်၊ 🤭 (နေရာတကာ မသိတာ၊ မရှင်းတာတွေ လိုက်မေးမိလို့ လူမုန်းခံရတာလည်း တစ်ကြောင်းပေါ့၊ ကိုယ့်ကိုယ်ကိုယ် လူမှုရေးညံ့တယ်လို့ ခံစားရလို့လုပ်ကာမှ ပိုဆိုးသွားခဲ့တာပေါ့။ 😁)

​⏰ တဖြည်းဖြည်း ကလေးကြီးလာပြီး မူကြို တစ်ပတ် ၃ ရက် စတက်တော့မှ အားလပ်ချိန်လေးတွေ သိသိသာသာ ရလာတယ်။ ကိုယ်က အိမ်သန့်ရှင်းရေးလည်း အားသန်သူမဟုတ်၊ ဟင်းဆိုတာလည်း Australia ရောက်မှ စချက်တတ်တာ။ ပန်းကန်ဆေးဆပ်ပြာနဲ့ မတည့်လို့ ပန်းကန်ဆေးတာလည်း အမျိုးသားကပဲ လုပ်ပေးတော့ ကိုယ့်ကိုယ်ကိုယ် လူပိုကြီးလို ပိုခံစားလာရတယ်။ စင်္ကာပူတုန်းက ကိုယ့်ပိုက်ဆံကိုယ်ရှာ၊ ခရီးတွေသွား၊ Skincare နဲ့ Facial ဆိုင်တွေ သွားခဲ့တာတွေကို ပြန်တွေးမိပြီး သိမ်ငယ်စိတ်လေးတွေ ဝင်လာတာပေါ့။

​🤝 အပြင်အသိုင်းအဝိုင်းနဲ့ တွေ့ရင်လည်း အိမ်ရှင်မဆိုရင် အလေးမထားသလို ဆက်ဆံခံရတာမျိုး ကြုံရတတ်တယ်။ ကိုယ်ကတော့ ဒါကို သိပ်ဂရုမစိုက်ပေမဲ့ အိမ်ရှင်မလို့ ပြောလိုက်တာနဲ့ အချိုးပြောင်းသွားတာမျိုး ခံစားရတယ်။ ဒါပေမဲ့ လုပ်ငန်းခွင် ပြန်ဝင်ချင်တာက အဲ့ဒီလူတွေရဲ့ Attitude ကြောင့် မဟုတ်ပါဘူး။ အိမ်မှာ အိမ်ရှင်မလုပ်ရတာ ကိုယ့်အတွက် ကျွမ်းကျင်တဲ့ အလုပ်မဟုတ်တာရယ်၊ တစ်ခါတလေ ဘာမဟုတ်တာနဲ့ စိတ်ကောက်၊ ကွိုင်ရှာမိတာတွေ ဖြစ်လာလို့ပါ။

​😔 အရင်က အမျိုးသားကို သဝန်မတိုတတ်ပေမဲ့ အားလာတဲ့အခါ အသေးစိတ်တွေ လိုက်စဉ်းစားပြီး သဝန်တိုလာတယ်။ တစ်ခါတလေ ဘာမဟုတ်တာလေးနဲ့ ထိုင်ငိုမိတာမျိုးလည်း ရှိတယ်။ "ငါ့အမျိုးသားသာ မရှိရင် ငါဘယ်လိုလုပ်မလဲ" ဆိုပြီး တစ်ပါးသူကို အားကိုးပြီး ကြောက်ရတဲ့စိတ်မျိုး မခံစားဖူးတော့ အစက ကိုယ်ဘာလို့ ငိုနေမှန်းတောင် မသိခဲ့ဘူး။ လုပ်ငန်းခွင်ပြန်ဝင်ဖို့ကျတော့လည်း အလုပ်နားထားတာ ၆ နှစ်လောက်ရှိပြီဆိုတော့ ကြောက်နေမိတယ်။ Australia က Local Experience အရမ်းကြည့်တာဆိုတော့ ကိုယ့် Engineering အတွေ့အကြုံက သုံးမရမှာကိုလည်း စိုးရိမ်မိတာပေါ့။

​❤️ အလုပ်ပြန်လုပ်ချင်တဲ့ အကြောင်းရင်းတွေထဲမှာ အမျိုးသားကို ချစ်တဲ့စိတ်လည်း ပါပါတယ်။ 😍 အမျိုးသားက "ပိုက်ဆံအတွက် မပူနဲ့ ငါရှာမယ်" လို့ ပြောပေမဲ့ သူလည်း Burn out ဖြစ်မယ့်အချိန် ရှိမှာပဲ။ သူ့အတွက် Fallback Plan၊ စိတ်လုံခြုံမှုပေးနိုင်တဲ့သူ ကိုယ်ဖြစ်ချင်တယ်။ သူ အလုပ်မှာ မွန်းကျပ်လာတဲ့အခါ "ယောကျ်ားရေ... အလုပ်က ထွက်လိုက်တော့" လို့ ရဲရဲဝံ့ဝံ့ အားပေးနိုင်တဲ့ အင်အားမျိုး ကိုယ့်မှာ ရှိချင်တာပါ။ ဒါက ကိုယ့်ကို အလုပ်ပြန်လုပ်ဖို့ အားအဖြစ်စေဆုံး အကြောင်းပြချက်ပါပဲ။

​🎓 နောက်ပိုင်းမှာ အမျိုးသား အကြံပေးချက်နဲ့ TAFE မှာ Marketing သင်တန်း တက်ဖြစ်တယ်။ တစ်ချိန်တည်းမှာပဲ South Australia Multicultural Ministry က Sponsor ပေးတဲ့ Women's Leadership Scholarship ရလို့ သင်တန်းနှစ်ခု ပြိုင်တက်ခဲ့တယ်။ အဲ့ဒီမှာ ကိုယ်နဲ့ Background တူတဲ့ အမျိုးသမီးတွေနဲ့ဆုံပြီး ပျော်ခဲ့ရသလို၊ သီရိလင်္ကာက သူငယ်ချင်းတစ်ယောက်ရဲ့ အကြံပေးချက်နဲ့ iworkforsa website ကနေ အစိုးရအလုပ်တစ်ခု လျှောက်ဖြစ်ခဲ့တယ်။

​✈️ အမေ နေမကောင်းလို့ စင်္ကာပူမှာ ခွဲစိတ်ဖို့ ပြင်ဆင်နေတဲ့ ၂၀၂၃ အောက်တိုဘာလောက်မှာ အလုပ်အင်တာဗျူး ခေါ်ခံရတယ်။ ရချင်ရ၊ မရချင်နေဆိုတဲ့ စိတ်နဲ့ စင်္ကာပူကနေ Video Conference နဲ့ အကောင်းဆုံး ဖြေလိုက်တယ်။ အဲ့ဒီအလုပ်က ဒီဇင်ဘာမှာ ကိုယ့်ကို ခေါ်စာပို့ပြီး ၂၀၂၄ ဖေဖော်ဝါရီမှာ စလုပ်ဖြစ်ခဲ့ပါတယ်။

​📝 ပထမဆုံး အလုပ်လျှောက်ဖို့ CV အတွက် Local Relevant ဖြစ်မယ့် ဘာတွေပြင်ဆင်ခဲ့လဲဆိုတာ သိချင်ရင်တော့... Comment မှာ မန့်ခဲ့ပေးပါဦး။ ရေးပေးပါမယ်။

#BacktoWork

#FromHousewifeToWork

#LifeInAustralia

#MigrantLifestyle

You and Everything Else - Kdrama review

Name: You and Everything Else 

Language: Korean 

 Episode: 15 

Casting: Kim Go-eun, Park Ji-hyun 

Genre: Romance, Friendship, coming-of-age 

 Airing: Sep 2025 

 Date I watched: 20 Oct-23 Oct 2025 

 My rating: 4.5/5

 ဇာတ်လမ်းအကျဉ်း

 မတူညီတဲ့ မိသားစုနောက်ခံတွေနဲ့ ကြီးပြင်းလားတဲ့ မိန်းကလေး ၂ ယောက် ရန်သူကနေ သူငယ်ချင်းတွေဖြစ်သွားကြပြီး မထင်မှတ်တဲ့ ဘဝအပြောင်းအလဲတွေကြောင့် မခေါ်မပြောတော့တဲ့ သူတွေဖြစ်သွားခဲ့ပေမဲ့ တစ်နေ့မှာတော့ သူ့ဘဝရဲ့နောက်ဆုံးခရီးစဉ်ကို အဖော်ပြုပေးဖို့ တောင်းဆိုချက်နဲ့ ပြန်လည်တွေ့ဆုံကြပြန်တယ်။ 

 ဝေဖန်ရေး

 ကိုရီးယားကားတွေ ကိုယ့်ကို မစွဲဆောင်နိုင်တာ အတော်ကြာပြီ။ ဒီကားလေးတော့ ကိုယ့်ကို တွေးစရာတွေရော၊ ဇာတ်ကောင်တစ်ယောက်ချင်းစီကို ဘာကြောင့်သူတို့ ဒီလိုဖြစ်သလဲ၊ Eun Jung (မင်းသမီးဇာတ်ကောင်) ကရော ဘာလို့ အဲ့လိုဆုံးဖြတ်သလဲ၊ ပြီးတော့ လူတိုင်းမှာ မကောင်းတဲ့ စိတ်ခံစားချက်လေးတွေ၊ သူတပါးကို အားကျအထင်ကြီးတာ၊ မနာလိုတာ၊ ကိုယ့်ကိုကိုယ်အားမရတာ စတဲ့ စိတ်ထားလေးတွေရှိကြပေမဲ့ စိတ်ကောင်းရှိတဲ့သူက အဲ့ စိတ်တွေကို သတိမူမိပြီး ခဏလေးနဲ့ပျောက်သွားတယ်။ သူ့ဟာသူ Move on တယ်။ တကယ့်အတွင်းထဲက အငုံစိတ်ရှိနေသူကျတော့ ကိုယ်တိုင်ရဲ့ ကိုယ်ရည်ကိုယ်သွေးကိုတောင် သတိမမူမိတော့ပဲ ကိုယ့်ကိုကိုယ်ပဲ ပိုပြီး ပျက်စီးအောင်လုပ်တယ်။ အငုံစိတ်က ဘယ်လောက်ဆိုးလဲဆိုရင် ထုတ်တောင်မပြောပြနိုင်လောက်အောင်ဆိုးတယ်ဆိုတာ သူတို့ကိုယ်တိုင်လဲသိတော့ အဲ့လိုလူတွေက မြုံစေ့စေ့တွေဖြစ်လာတယ်။ တစ်ဦတည်းသော သူငယ်ချင်းဘဝကို အားကျရာက မနာလိုဖြစ်ပြီး သူ့ကိုကျ ဘယ်သူမှမချစ်ကြဘူးထင်ပြီး သူ့ကိုချစ်တဲ့ သူငယ်ချင်းရဲ့ဘဝကိုဖျက်စီးတာ ကိုယ်တိုင်ကတကယ်တော့ မသိစိတ်က သူ့ကိုယ်သူအပစ်ပေးနေတာလို့ ထင်တယ်။ ကိုယ်ကတော့ နောက်ဆုံးပိုင်း တရွှဲရွှဲငိုလိုက်ရတယ်။ ဇာတ်ကောင်တစ်ဦးတစ်ယောက်ကို သနားလို့ငိုတာမျိုးမဟုတ်ပဲ၊ ဖြစ်နေတဲ့ အခြေအနေကြီးအတွက် ဇာတ်ကောင်တွေအားလုံးကို သူတို့ဘာလို့ဒီလို ပြုမူဆုံးဖြတ်လဲဆိုတာကို နားလည်ပြီး ကိုယ်ချင်းစာလို့ ငိုမိတာ။ 

 Cinematography တွေ၊ ဇာတ်ဝင်တေးတွေရယ်၊ ဇာတ်လမ်း Pace သွားပုံကလဲ draggy သိပ်မဖြစ်ဘူး၊ မင်းသားတော့ သိပ်မကြိုက်ဘူး၊ ဒါပေမဲ့ သူကလဲ အဓိကမဟုတ်တော့ ထားလိုက်ပါတော့။ ကလေးသရုပ်ဆောင်တွေအားလုံးကောင်းကြတယ်။ အသေးစိတ်မျက်နှာအမူအရာလေးတွေရော၊ ထည့်ထားတဲ့ ဇာတ်ကောင်နေရာက ကလေးတွေနဲ့ လိုက်ဖက်နေတာရော။ ခေါင်းဆောင် မင်းသမီး ၂ ယောက်လုံးလဲတော်ကြတယ်။ Kim Go-eun သရုပ်ဆောင်ကောင်းတာက သိပြီးသားဆိုတော့ စိတ်ထဲမှာ Park Ji Hyun သရုပ်ဆောင်ကောင်းတာကို ချီးကျူးမိတယ်။ ခပ်ပါးပါးလေး၊ ပျော့ပျော့လေး နူးနူးညံ့ညံ့လေး အပြင်မှာတွေ့ဖူးနေကျ အတွင်းပုတ် အမြုံသူငယ်ချင်းပုံစံမျိုး။ 

 လုပ်ငန်းခွင်ဝင်တဲ့အရွယ်မှာ သူ့ဇာတ်ကောင်ကို မဟုတ်တာလုပ်တယ်ဆိုပြီး ကိုယ့်အနေနဲ့ စပြီး ယူဆဖြစ်တယ်။ တက္ကသိုလ်တက်တုန်းက သူများရည်းစားကြားဝင်တာ မင်းသမီးဘဲနဲ့ ပြတ်တာတွေကိုတောင် သူ့ကို သိပ်အပစ်မမြင်သေးဘူး။ 

မင်းသမီးပြောသလိုပဲ အပြင်လူကြောင့်ပြတ်တာမဟုတ်ဘူး။ သူ့ဘဲကြောင့်ပြတ်တာ၊ သူ့ဘဲကို ဆက်တွဲနေရင် ဖြစ်လာမဲ့ Insecure အမျိုးသမီး၊ သံသယတွေနဲ့ ကိုယ့်ကိုကိုယ်ယုံကြည်မှု လေးစားမှု မရှိတော့မဲ့ အမျိုးသမီးဖြစ်လာအောင် ခံစာချက်ပေးလို့ ပြတ်တာ။ ဟုတ်တယ်လေ... ကိုယ့်အပေါ် သစ္စာမရှိတဲ့လူကို ဖက်တွယ်ထားဖို့အတွက် ကိုယ့် Self-esteen ကို ပစ်ပယ်သင့်လား? အဲ့လောက်အထိ Eun Jung ဇာတ်ကောင်ရဲ့ စိတ်ထားက ခိုင်မာတယ်၊ Sang Yeon က အဲ့ဘဲကို ရသွားရင်တောင် Eun Jung က move on နိုင်တယ်ဆိုတဲ့ စိတ်ဓါတ်ကွာဟမှုကြီးကို ပြထားတာ Sang Yeon ဇာတ်ကောင်က တကယ်တော့ ပွဲတိုင်းရှုံးပဲ။ 

 ☠️Spoiler Alert☠️

 မင်းသမီး (Eun Jung) ဇာတ်ကောင်က နောက်ဆုံးမှာ Sang Yeon ဇာတ်ကောင်ကို ဘာလို့ ခွင့်လွှတ်တာလဲဆိုတာကို တချို့က ဘဝင်မကျပေမဲ့ ကိုယ်ကတော့ နားလည်ပေးလို့ရတယ်။ ဒါဟာ Sang Yeon အားကျ မနာလိုရဖြစ်ရတဲ့အထိကောင်းတဲ့ Eun Jung ရဲ့ ကိုယ်ရည်ကိုယ်သွေးလို့ယူဆတယ်။ Eun Jung ဆီက Project ကို ခိုးခံလိုက်ရလို့ သူနာမည်ကြီးမဖြစ်သွားလဲ သူ့ကိုယ်သူ ဘယ်လောက် Secure ဖြစ်ပြီး ဘဝမှာ စိတ်သန့်သန့်နဲ့ နေနိုင်လဲ။ Project ကို မနာလိုစိတ်နဲ့ ခိုးယူသွားပြီး အများအမြင်မှာ အောင်မြင်ပြီး အားလုံးပြည့်စုံနေတယ်လို့ ထင်ခံရတဲ့ Sang Yeon ကတော့ Eun Jung ရဲ့ 'နင့်အတွက် ဘဝမှာ ဘယ်သူမှရှိမှာ မဟုတ်ဘူး၊ နင်အမြဲ အထီးကျန်နေမှာ' လို့ ပြောသွားတဲ့ စကားထဲမှာပဲ နစ်ပြီး မဟုတ်ကြောင်းသက်သေပြချင်တာနဲ့ ပြည့်စုံတဲ့ဘဝကြီးမှာ အပေါ်ယံဘယ်လောက်နေပြပြ တစ်ဘဝလုံး သူစိတ်သန့်သန့်နဲ့ မရှင်သန်ခဲ့ရဘူး။ 

 'I don't hate her. I just dislike her' ဆိုတာကို Eun Jung က သူ့အမေကိုရှင်းပြတာလေး ကိုယ်နဲ့ အယူအဆချင်းတူလို့ တော်တော်လေး သဘောကျမိတယ်။ ကိုယ့်ဘဝကိုယ် ကျေနပ်ပျော်ရွှင်မှုဆိုတာ ကိုယ့်အတွင်းထဲကလာတာ၊ ကိုယ့်ရွေးချယ်မှုတိုင်းအတွက် ကိုယ့်အပေါ် အကျိုးသက်ရောက်မှုရှိလို့ မျက်ကွယ်ရာမှာပင် မကောင်းမှု မပြုခြင်းဆိုတဲ့ အရည်အသွေးက တန်ဖိုးကြီးတာ။

 Eun Jung က နောက်ဆုံးမှာ ခွင့်လွှတ်ပေးတာ ဇွတ်ကြီး ရုပ်ရှင်ဆန်တယ်လို့ Reddit မှာ တစ်ယောက်ရေးထားတာတွေ့တယ်။ ကိုယ်ကတော့ Eun Jung ဘာကြောင့်ခွင့်လွှတ်နိုင်လဲဆိုတာကို နောက်ဆုံး ၂ ပိုင်းမှာ သေသေချာချာလေး တင်ဆက်ထားတယ်လို့ထင်တယ်။ သတိမူရမှာက ကိုယ်တွေကသာ ၁ရက် ၂ ရက်နဲ့ တစ်ကားလုံးကြည့်လို့ Sang Yeon လုပ်ထားတာကို ပူပူနွေးနွေး စိတ်ဆိုးမပြေသေးတာ။ ရုပ်ရှင်ထဲမှာလို ဆယ်စုနှစ်တစ်ခုခြားသွားပြီး၊ Eun Jung ဘဝကလဲ ဟန်ဟန်ပန်ပန်ဖြစ်နေသေးတယ်ဆိုတာကို ထည့်စဉ်းစားပေးရမယ်။ 

 ကိုယ်တွေဘဝမှာလဲ အခုလို နောက်ကျော Dah နဲ့ထိုးတဲ့ သူငယ်ချင်းမျိုး၊ ကိုယ်က တကယ်ခင်ပေမဲ့ ကိုယ့်ကို အပေါ်ယံ လိုသုံးခင်တာကို နောက်မှ သိလိုက်ရတဲ့ သူငယ်ချင်းမျိုးတွေ ကြုံခဲ့ဖူးပါတယ်။ တစ်ယောက်စီတိုင်းသာ လိုက်မုန်းနေရရင် ကိုယ့်ဘဝကြီးတော်တော်ဆိုးနေမှာ။

 သူသာ terminal illness မရှိရင် တောင်းပန်မှာ မဟုတ်ဘူးဆိုတဲ့ ဆွေးနွေးမှုမျိုးလဲ reddit မှာတွေ့တယ်။ အဲ့စကားအတိုင်း Eun Jung လဲ Sang Yeon ကို ဒဲ့ရှင်းပြီးမေးခဲ့တယ်လေ။ Sang Yeon လောက် Eun Jung ကို ဘဝမှာ အနိုင်ယူချင်ခဲ့ပေမဲ့ သူဘာလို့မနိုင်ခဲ့လဲ၊ သေခါနီးမှ နောင်တရပြီး တောင်းပန်ရတာလဲဆိုတာ ၂ ယောက်ရဲ့ ဘဝခံယူချက် အတွင်းစိတ်တွေနဲ့ဆိုင်တယ်။ ကိုယ့်အနေနဲ့ကတော့ မျိုးရိုးလိုက်တာရော သူ့ရဲ့အတွင်းစိတ်တွေကြောင့်ရော ဒီလိုမျိုး Terminal illness ဖြစ်ပြီး စောစောထ့က်ခွာရတာ၊ နေခဲ့ရတဲ့ ဘဝတစ်လျှောက်လုံး အငုံစိတ်နဲ့ သူများစကားကို မဟုတ်ကြောင်းပြချင်တာနဲ့ မချစ်တဲ့သူနဲ့ လက်ထပ်၊ တဖက်က သူ့ကိုချစ်တာတောင် သူကအိမ်ထောင်သက်တန်းတစ်လျှောက် perfect wife၊ ချစ်ဟန်ဆောင်ပြရတာ ဘယ်လောက် စိတ်ပင်ပန်းလိုက်တဲ့ ဘဝလဲ? အလုပ်ထဲတင် Stress များမှာ မဟုတ်ဘူး၊ သူ့ဘဝက အိမ်ပြန်ရောက်လဲ အလုပ်ထဲကလို စိတ်ပဲ ဖြစ်နေမှာ၊ အပြင်လူကတော့ မသိနိုင်ဘူးပေါ့၊ ဒါပေမဲ့ ထဲထဲဝင်ဝင်စဉ်းစားကြည့်ရင် သူရသင့်တဲ့ အပစ်ဒဏ် တသက်လုံး သူခံနေရပြီးသား။

 တကယ်တော့ လောကကြီးမှာ အဖိုးတန်ဆုံးလက်ဆောင်ဟာ ကြင်နာမှုပါပဲ။ ဒါပေမယ့် ဒီကြင်နာမှုကို အပြည့်အဝပေးနိုင်ဖို့ဆိုတာ ကိုယ့်ဘဝကို ကိုယ်ကျေနပ်ပျော်ရွှင်နေမှ၊ စိတ်ထဲမှာ လုံခြုံငြိမ်းချမ်းနေမှသာ ဖြစ်နိုင်တယ်။ 

 လူတစ်ယောက် စိတ်နှလုံးပြည့်ဝနေမှသာ... တစ်ပါးသူကိုစာနာထောက်ထားနိုင်မယ်။ ကြင်နာစွာလက်လှမ်းပေးနိုင်မယ်။ သူ့အပေါ်မကောင်းကြံခဲ့သူကိုတောင် ခွင့်လွှတ်နိုင်မယ်။ 

 ဒီလို ခွင့်လွှတ်နိုင်တာဟာ... တစ်ဖက်လူရဲ့လုပ်ရပ်တွေကြောင့် ကိုယ့်စိတ်နှလုံးပျက်စီးမသွားတော့ဘူးဆိုတဲ့ စိတ်ဓာတ်ရဲ့ကြံ့ခိုင်မှုကြောင့်ပါပဲ။ ဒီတော့ ကြင်နာမှုဆိုတာ စိတ်ချမ်းသာမှုကနေပေါက်ဖွားလာတဲ့ စိတ်ဓာတ်ကြီးမျိုး။ ပစ္စည်းဥစ္စာနဲ့ ဝယ်ယူလို့မရဘဲ၊ ကိုယ့်အတွင်းစိတ်ရဲ့ ပြည့်ဝမှုကနေသာ ရရှိနိုင်တဲ့ အဖိုးမဖြတ်နိုင်တဲ့ လက်ဆောင်ပဲ ဖြစ်ပါတယ်။ အဲ့ဒါကြောင့် Eun Jung ရဲ့ ခွင့်လွှတ်နိုင်မှုက Sang Yeon အပေါ် အကြီးမားဆုံး အနိုင်ရမှုလို့ ကိုယ်က ယူဆတယ်။ 

 တော်သေးပြီ... သဘောထားကွဲလွဲမှုတွေကို Personal attack မပါပဲ ရေးသားနိုင်မဲ့သူမျိုးတွေသာ အဖတ်လုပ်ပါမယ်။ အပြင်ဘဝတွေဆိုးတိုင်း အင်တာနက်ပေါ်လိုက်အပစ်ရှာနေသူများအတွက်လဲ ဘဝအမောတွေပြေပါစေလို့ ဆုတောင်းပေးလိုက်ပါတယ်။ #2025KoreanDrama #KdramaReview #YouandEverythingElse

Online Persona

ကိုယ်က​လေ ဘယ်​တော့မှ Mainstream ​ပေါ်ပြူလာ Influencer ဖြစ်လာမယ်မထင်ဘူး။

Influencer ​တော်​တော်များများက online persona နဲ့ အပြင်နဲ့က ကွဲလွဲကြတာချည်းပဲ။ ကိုယ်လဲ တမင် hide ထားတာမျိုးမဟုတ်​ပေမဲ့ အပြင်နဲ့ online persona က အနည်းနဲ့အများ​တော့ ကွဲတာပဲ။

ကိုယ် Single ကတည်းက ကြည့်ဖြစ်တဲ့ Beauty youtuber Bubz Beauty ဆိုလဲ ကိုယ့်​နောက်မှ လက်ထပ်တာ သူ့​ရည်းစားဘဝကတည်းက Tim ကို video ထဲမှာ မြင်ဖူးတာ၊ က​​လေး ၂ ​ယောက်ရပြီး Tim ​ဖောက်ပြန်လို့ကွဲမှ ကိုယ်ပြန်ကြည့်မိပြီး စိတ်မ​ကောင်းဖြစ်ရတယ်။ အခု​တော့ ​နောက်အိမ်​ထောင်ပြု​တော့မယ်။

ဟိုတစ်​လောကမှ မိသားစုလိုက် ဟာသ reel ​တွေရိုက်ရိုက်​နေတဲ့ ဩစီက ဖိလစ်ပိုင်နဲ့ အဖြူ​ကောင် မိသားစု The blackman family ဆိုလား။ အခုကွဲပြန်ပြီ။ လူ​တွေက Family life ကို Online တင်ပြထား​တော့ လင်မယားကွဲပါတယ်ဆိုမှ ​ဝေဖန်ကြ ​ပြောကြနဲ့၊ ဟင်.... အရင်က​တော့ Happy family ​ယောင်​ဆောင်​နေပြီး​တော့ ဘာညာ​ပေါ့။ အမှန်ဆို ဘယ်သူက လင်မယားရန်ဖြစ်တာကို video ရိုက်တင်မှာလဲ စဉ်းစားကြည့်​လေ။ အားလုံးက ကိုယ့်ဟာကိုယ် သူတို့တင်တဲ့ video ​တွေက​နေ ကိုယ်က သူတို့အ​ကြောင်းအကုန်သိတယ်ဆိုပြီး delusion ဖြစ်​နေတာ မဟုတ်ဘူးလား။ သူတို့တင်တဲ့ video ​တွေကို relate လို့ရလို့ သ​ဘောကျခဲ့သူ​တွေ၊ Entertainment ဖြစ်လို့ ကြည့်ခဲ့ကြတာပဲ​လေ။ လူ​တွေအကြိုက်လိုက်တင်ရင်း၊ social media platform ​တွေကလဲ တစ်ပတ်မှာ ၇ ပုဒ်တို့ ဆ၀ပုဒ်တို့နဲ့ ပိုက်ဆံ​ပေး​​နေ​တော့ လူကြိုက်များတာကို professional တစ်ခုအ​နေနဲ့ တင်ရင်း Fake persona ​တွေဖြစ်လာကြတာလို့ မြင်တယ်။ 

​နောက် မဲလဘုန်းက ဖိလစ်ပိုင် Influencer ပဲ လာလာ​ပေါ်လို့ သိ​နေတာ။ The Mommy Rovesတဲ့... သူဆိုလဲ ဩစီ Accent ၊ အသုံးအနှုန်း​တွေကို video လုပ်ရင်း လူသိများလာတာ။ ​နောက်ပိုင်း အဲ့ content က ကုန်လာ​တော့ တခြား lifestyle လိုလို video ​တွေတင်လာတယ်။ The Blackman family က ဖိလစ်ပင်းမိန်းမနဲ့လဲ ​တော်​တော် ​ရောတယ်။ ပွဲ​တွေဘာ​တွေ တူတူတက်ရတယ်။ လွန်ခဲ့တဲ့ ၃ ၊ ၄ လ ​လောက်က​နေစပြီး Depression ဝင်တဲ့အ​ကြောင်း အလုပ်ထဲမှာ သူ့ကို influencer လုပ်လို့ဆိုပြီး တို့​ထောင် အနိုင်ကျင့်ခံရရင်း စိတ်ကျ​ရောဂါဖြစ်လာတဲ့ အ​ကြောင်း​ရေးထား​တော့ သူများ​တွေရဲ့ online persona ပဲမြင်ပြီး ကိုယ့်ကိုကိုယ်အားမရတာမျိုး၊ သူများကို အလွန်အကျွံ အထင်ကြီး အားကျတာမျိုး​တွေ မဖြစ်ဖို့ internet အသိဉာဏ်ရှိ​စေချင်တယ်။

ကိုယ့်မှာလဲ လူမှု​ရေး၊ ကျန်းမာ​ရေး၊ စီးပွား​ရေး စသဖြင့် ပြသနာ​တွေရှိတယ်။ လူတိုင်းမှာလဲ သူ့ပြသနာနဲ့ သူရှိမှာပဲ။ ဒါ​ပေမဲ့ စိတ်​ပျော်စရာ၊ ဒါမှ မဟုတ် ကိုယ်သိတာ​လေး​တွေ၊ ကိုယ့်အ​တွေ့အကြုံ​တွေကိုပဲ မျှ​ဝေမှာပဲ။ အဲ့ဒါ​ကြောင့် lifestyle influencer က content ရ​အောင် ​လျှောက်တင်တဲ့အခါ integrity issue ရှိကြတာများတယ်။ Technical တစ်ခုခု ပညာရပ်တစ်ခုခုကို ​ရေးနိုင်တဲ့ niche topic တစ်ခုခုကို ​ရေးနိုင်တဲ့သူ​တွေကို​တော့ ပို​လေးစားမိတယ်။

တချို့ကရှိ​သေးတယ်။ နိုင်ငံခြား​ရောက်ပြီးမှ ဆစရက လုပ်ပြီး​ရေး​နေတယ်တို့၊ ကြွား​နေတယ်တို့၊ မြန်မာပြည်က လူ​တွေမှ အားမနာ ဘယ်လိုကြိုးစားရုံးကန်​နေရတယ်တို့​ရေးတယ်ဆိုပြီး အပစ်​ပြောကြတာလဲ ​တွေ့တယ်။ ကိုယ့်အသိုင်းအဝိုင်းထဲမှာကို အဲ့လိုမျိုး​ပြောတာ​တွေ့​တော့ (ကိုယ့်ကိုမဟုတ်ဘူး၊ တချို့ နာမည်ရပြီးသား နိုင်ငံခြား​ရောက် မြန်မာ influencers ​တွေကို) အဲ့ဒိအင်ဖြူယမ်ဇာရဲ့ motivational ဘက် နည်းနည်း​ရောက်တဲ့ content ​တွေကို ဟုတ်​သော်ရှိ မဟုတ်​သော်ရှိ ကိုယ့် ဦး​နှောက်နဲ့ ပြန်မစဉ်းစားပဲ အလွန်ကိုးကွယ်တဲ့ လူတန်းစားရှိသလို၊ သူ့အ​ခြေအ​နေ​ပေါ်မူတည်ပြီး သူ့အ​တွေ့အကြုံ​လေးမျှ​ဝေတာကို ကြွားတယ်တို့၊ တခြားရုံးကန်​နေရသူ​တွေအားနာပါအုံးတို့၊ တခြညးလူ​တွေ အတုခိုးမှား​အောင် ​လျှောက်​ရေတယ်တို့ဆိုပြီး တဖက်က ကိုးကွယ်သူ​တွေကို ပြန် မျှတ​အောင် ချိန်ကိုက်ရင်း content creator ကို ဆဲကြပြန်​ရော။ 

ကိုယ်လဲ တစ်ခါတစ်​လေ lifestyle vlog ​လေး​တွေ၊ မိုတီ​ဗေးရှင်းလိုလို ဘာလိုလို​ပြောတဲ့ videos ​လေး​တွေ ကြည့်တတ်တယ်။ tarot videos ​တွေ​တောင် နား​ထောင်တယ်။ ဒါ​ပေမဲ့ ယုံ​နေတာမျိုးမဟုတ်ဘူး။ တစ်ခါတစ်​လေ တစ်​ယောက်တည်း အာ​ပေးစကား​ပြော​ပေးမဲ့သူမရှိရင် ဘယ်သူ့ကိုမှလဲ ထုတ်မ​ပြောချင်ရင် အဲ့လို video ​တွေနား​ထောင်ပြီး relate လုပ်တာမျိုး စိတ်​ဖြေတာမျိုးလုပ်မိတာထင်တယ်။ 

Youtuber Via Li ဆိုတဲ့ အ​မေစိကန်​ချိုင်းနီးစ် ​ကောင်မ​လေး Video ​လေး​တွေကြိုက်တယ်။ သူလဲ ​သူ့အမြင်​တွေ​လျှောက်​ပြော ကိုယ်လဲ relate လို့ရတာ relate၊ လက်မခံတာကိုယ့်စိတ်ထဲက ပြန်​ပြော၊ သူက အသက်ငယ်​သေးတာကိား ဆိုပြီး တခါတ​လေ နားလည်​ပေးလိုက်နဲ့.... အပျင်း​တော့​ပြေတာပဲ။

ဒါ​ပေမဲ့ ကိုယ့် friendlist ထဲမှာ​တောင် နိုင်ငံခြား​ရောက်ပြီး ဆရာလုပ်တယ်တို့၊ Motivational ​ပြောတဲ့ဟာ​တွေကို လင်းသိုက်ညွန့်တို့၊ ဖြိုးဖြိုး​အောင်တို့လို​တွေချည်းပဲတို့ဆိုပြီး ​သိမ်းကြုံး​လှောင်​နေကြ​တော့ ကိုယ်လဲ တစ်ခုခု​ရေးချင်ရင်တောင် အ​​ပြောလွတ်တာ ဘာမှ မရှိတာနဲ့ ဘာမှ ကို သိပ်မ​ရေးဖြစ်​တော့ဘူး။

Caption တိုတို​လေးနဲ့ ပုံလှလှ​လေး​​တွေ တင်တဲ့လိုင်းကျ​တော့လဲ ကိုယ်နဲ့ မကိုက် 😁.... blogspot ဘယ်သူမှ မဖတ်တဲ့​နေရာ ​လျှောက်​ရေးတာပဲ ​ကောင်းပါတယ်။ 🤣

​မပြည့်စုံ​သေးတဲ့ ဆန္ဒ​လေးတစ်ခု... ​မေ့မရတဲ့ ​နေ့​လေးတစ်​နေ့

အိပ်မက်တစ်ခုလိုလို တကယ်လိုလို အမှတ်တရရှိ​နေတဲ့ စိတ်ထဲမှာ အစမရှိ အဆုံးမရှိ အဆက်စပ်မရှိ fragment ​လေးတစ်ခုကိုပဲ စွဲစွဲမြဲမြဲ ထင်ကျန်​နေတဲ့ ငယ်ဘဝ memory မျိုး လူတိုင်းမှာရှိမယ်ထင်တယ်။

ကိုယ့်အတွက်က​တော့ ကိုယ့်အဖွား ​​မြေး ၃​ယောက် (ကိုယ်ရယ်၊ ​နောက် ဝမ်းကွဲ​မောင်နဲ့ ညီမတစ်​ယောက်ရယ်)ကို ​ခေါ်သွားတဲ့ ဂျက်ဆင်နားက Fun Fair  ​လေးတစ်ခုရဲ့ ပုံရိပ်က အ​ပျော်ဆုံး အမှတ်ရစရာ​လေးတစ်ခုအဖြစ် ပထမဆုံးနဲ့ ​နောက်​ဆုံး မြန်မာပြည်က Fun fair အ​တွေ့အကြုံ​လေးတစ်ခုအဖြစ်အမှတ်ရ​နေခဲ့တယ်။

အဲ့ဒိ ​နေ့က အဘွားက ဘာစိတ်ကူး​ပေါက်လဲ သူအဲ့ event ကို ဘယ်လိုသိလဲ ကိုယ်ဘာမှ မမှတ်မိဘူး။ ဒါ​ပေမဲ့ ကိုယ်​သေချာမှတ်မိတဲ့ မှတ်ဉာဏ်အရ လူငယ်အဖွဲ့အစည်းတစ်ခုက လုပ်တယ်ထင်တယ်။ သူက Temporary tent ​လေးတွေနဲ့ ဂိမ်းအလွယ်​လေး​တွေမျိုး မျှားပစ်၊ နို့ဆီဗူးပစ်၊ ဘဲရုပ်​လေး​တွေ ချိတ်နဲ့ဆယ်၊ ပြီး​တော့ တခြား snack ​လေး​တွေ ပူ​​ဖောင်းလေး​တွေလဲ ​ရောင်းတယ်။ ၁၉၉၄/၅ ဝန်းကျင်ကာလဖြစ်မယ်ထင်တယ်။ တစ်ခါမှ မ​ရောက်ဖူးတဲ့ ကိုယ်နဲ့ ကိုယ့်ရွယ်တူ cousin က အဲ့တုန်းက ၄/၅ တန်းအရွယ် အပျို/လူပျိုလဲ မဖြစ်​သေး​ပေမဲ့ တန်းဝင် ​ဘောင်ဝင်​ဆော့တတ် နားလည်​နေတဲ့အရွယ်ဖြစ်​နေပြီ။ ​ဆော့ချင်ရင် အဘွားက ပိုက်ဆံထုတ်ရ​တော့ အဘွားကိုလဲ ပူဆာရတာအားနာ​တော့ ကိုယ်​သေချာ​ပေါက်နိုင်​လောက်မဲ့ ဂိမ်း တစ်ခု ၂ ခုပဲ အဘွားကို ပူဆာတယ်။ ဂိမ်းနိုင်ရင် ပြန်​ပေးတဲ့ ပစ္စည်းလေး​တွေကလဲ ဘာမှ တန်ဖိုးရှိတာမဟုတ်​ပေမဲ့ တစ်ခါမှ အဲ့လိုပွဲမျိုး မသွားဖူးတဲ့ ကိုယ့်အတွက် limit နဲ့ ထိန်း​ဆော့ရ​ပေမဲ့ အစမ်း​ပျော်ခဲ့ရတယ်။

၂၀၁၅ ကိုယ့်စလုံးမှာ မင်္ဂလာပွဲလုပ်ပြီး​တော့ ၂ ဘက်မိဘက မြန်မာပြည်မှာ ပွဲလုပ်​စေချင်တာ သိတယ်။ ဒါ​ပေမဲ့ စလုံးမှာ လုပ်ဖူးပြီးသွားပြီး မင်္ဂလာပွဲဆိုတာလဲ ကိုယ့်အတွက်တကယ်​ပျော်​ပေးမဲ့ သူငယ်ချင်းဘာညာများများမရှိပဲ သမာရိုးကျ ဧည့်သည်​တွေဧည့်ခံ လမ်း​လျှောက် မုန့်စား နှုတ်ဆက်နဲ့ ပင်ပန်းပြီး ပိုက်ဆံကုန်တာပဲရှိတယ် ​ပျော်လဲ မ​ပျော်ရဘူး​​လေ။ For me, wedding is overrated. ဒါ​တောင် စလုံး မင်္ဂလာ​ဆောင်မှာ အလုပ်က ဂျပန်​တွေနဲ့ သူ​ဌေး​တွေဖိတ်ထား​တော့ လက်ဖွဲ့စတာ ​ပွဲလုပ်ခ ​​​ကျေတဲ့ အပြင် သူတို့လဲ စလုံးမှာ မင်္ဂလာ​ဆောင် မတက်ဖူးလို့ ​ပျော်ကြ ကိုယ့်မြန်မာ pre-wedding ပုံ​တွေနဲ့ မြန်မာပြည်ရဲ့ ​နေရာ​တွေနဲ့ ဝတ်စုံ​တွေ သူတို့အတွက်အထားအဆန်းမို့ မြန်မာပြည်ကို ခရီးသွား promote သလိုဖြစ်လို့ ​ကျေနပ်မိပါတယ်။ 

မြန်မာပြည်မှာ ပွဲလုပ်ဖို့ကျ​တော့ ကိုယ့်အသိလဲ ဘယ်​လောက်မှ မရှိ၊ ၂ ဘက်မိဘ​တွေ အသိချည်းပဲသူတို့ကဖိတ်ချင်တာ၊ ပိုက်​ဆံကျ ကိုယ်ကထုတ်၊ ဒါတင်မကဘူး၊ လက်ဖွဲ့ကျ ထမိန်တို့၊ ပုဆိုး​တို့၊ အယ်လဘမ်တို့၊ ထမင်း​ပေါင်အိုးတို့ လာမှာ။ ကိုယ့်အစ်မတုန်းက အာ့​တွေရတယ်​လေ။ ပြီး​တော့ အချင်းချင်း အကယ်ဒမီပွဲလိုအပြိုင်ဝတ်ကြ၊ ၂ ဘက်အမျိုး ဒရမ်မာ​တွေထိန်းရ၊ ဧည့်သည်​တွေရဲ့ အတင်းခုတ်ခြင်းခံရ၊ အိုးးး... ဒါ​တွေကြို​တွေးမိပြီး ​ခေါင်းထဲ scenerio run ပြီးတာနဲ့တင် လုပ်ချင်စိတ်ကုန်။

ဒါနဲ့ ပွဲလုပ်ပါလား ပါးစပ်တပြင်ပြင်ဖြစ်​နေတဲ့ မိဘ​တွေကို မိဘမဲ့​ကျောင်းမှာ သွားလှူမယ် အမျိုး​တွေဖိတ်လိုက်လို့ ​ပြောလိုက်​ရော။ (ဂွစာ​နော်...) ကိုယ့်အ​မေက​တော့ အဲ့လို​ပြောလိုက်တာနဲ့ ဘယ်သူ့မှ မဖိတ်​တော့ဘူးတဲ့။ 😂 သူ့အ​မေလဲ အ​ဒေါ်အရင်းချာ​တွေကလွဲ တခြားတစ်ရပ်ကွက်လုံး တစ်​ဆွေလုံးတမျိုးလုံးမပါ​တော့ဘူး။ 🤣 (တစ်ချက်ခုတ် ၃ ၄ ၅ ချက်ပြတ်) 

ကိုယ်က မိဘမဲ့​ဂေဟာအလှူ​လေးကို ဘယ်လိုမျိုး​လေးလုပ်ချင်တာလဲဆို​တော့ ကိုယ်ငယ်ငယ်က ​ပျော်ခဲ့ရတဲ့ Fun Fair ပုံမျိုး​လေးနဲ့ က​လေး​တွေကို ​ပျော်​စေချင်တာ။ ဒီဆန္ဒ​လေးက အဲ့​နေ့က ကိုယ့်စိတ်ကူးထဲကအတိုင်း မဖြစ်ခဲ့​ပေမဲ့ တဝက်​လောက်​တော့ ဖြစ်ခဲ့တယ်ဆိုရမယ်။ အဲ့ဆန္ဒ​လေးဖြစ်ဖို့ ကိုယ့်လိုအပ်ချက်က ဝန်းခပ်ကျယ်ကျယ်ရှိတဲ့ မိဘမဲ့​ကျောင်းဖြစ်ဖို့လိုတယ်။ ပြီး​တော့ ကိုယ်လုပ်ချင်တာလဲ ​ပေးလုပ်ဖို့ ခွင့်ပြုချက်​ပေးရမယ်​ပေါ့​နော်။ ​ကိုယ့်ပိုက်ဆံနဲ့ ကိုယ်လုပ်ချင်တဲ့ပုံစံမျိုး တတ်နိုင်တာကလဲ အ​ယောက် ၁၀၀/၁၅၀ ​ဝန်းကျင်​လောက်ပဲ limit ရှိတယ်။ ဖြစ်နိုင်ရင် ​ယောကျ်ား​လေး​ရော မိန်းက​လေး​ရောရှိတဲ့​ကျောင်းမျိုးဖြစ်​စေချင်တယ်။

အဲ့ဒိလိုအပ်ချက်​တွေနဲ့ကိုက်မဲ့​ကျောင်းကို ကိုယ် မြန်မာပြည်ပြန်တဲ့အချိန်တိုတွင်းရှာဖို့က အ​တော်ခက်တယ်။ ဒီမှာ ကိုယ်သိပ်​ကျေးဇူးအတင်ဆုံး ကိုယ့် ဘ​လော့ reader က​နေ အပြင်မှာပါခင်မင်ခဲ့တဲ့ ​မောင်တစ်​ယောက်လို အားကိုးရတဲ့အပြင် ​ပေါက်​ပေါက်​ရောက်​ရောက် ထက်ထက်မြတ်မြတ်နဲ့ Attention to detail ရှိတဲ့ Ye Wint Thu  ကို ပြန်မလာခင်ကတည်းက Messenger နဲ့ မိဘမဲ့​ဂေဟာ​တွေအ​ကြောင်းသွား​မေးတာ သူက အားတက်သ​ရော အပင်ပန်းခံပြီး​တော့ကို ကိုယ်လိုချင်တဲ့ပုံစံမျိုး ​ကျောင်း​တွေကို လိုက်ရှာ​ပေးတာ။ အဲ့လို လုပ်​ပေးလိမ့်မယ်လို့ကို မ​မျှော်လင့်ခဲ့တာ။ သူသိတဲ့​ကျောင်းရှိလား ရှိရင် ကိုယ်ပြန်​ရောက်မှ စိတ်ဝင်စားတဲ့​ကျောင်း​တွေကို သွားကြည့်စုံစမ်းလုပ်မလို့က ကိုယ့်ရဲ့ အစက အစီအစဉ်... သူက အခုလို ​သေချာ အပင်ပန်းခံ ကူညီ​တော့ စိတ်ထဲ ဘယ်လို ​ကျေးဇူးတင် ခင်မင်မိမှန်းမသိဘူး။ (သူသိမသိ မသိ​ပေမဲ့ သူ့ကို ​​မောင်တစ်​ယောက်လို့ ကိုယ်ယုံကြည်အားကိုးလို့ရတဲ့သူတစ်​ယောက်လို စိတ်ထဲ ရင်းနှီး မိတာ။) 

နောက်ဆုံး ဗဟန်း ဝင်္ကပါလမ်းက အမျိုးသမီးများဖွံ့ဖြိုးတိုးတက်​ရေးအသင်းဆိုတာက ကိုယ်လိုချင်သလို ​နေရာကျယ်ကျယ်ဝန်းဝန်းရှိတယ်။ သူက မိန်းက​လေးချည်းပဲ​ကျောင်း ပြီး​တော့ အရွယ်​ရောက်ပြီးသားအမျိုးသမီး​လေး​တွေကိုလဲ အသက်​မွေးဝမ်း​ကျောင်းပညာသင်​ပေးပြီး ဝင်​ငွေ​လေးရှာ ဆက်​နေခွင့်​ပေးတယ်။ ဒိထက် ချို့တဲ့တဲ့​နေရာ​တွေရှိ​ပေမဲ့ ​ဝေးတာ​ရော၊ တချို့ကျ က​လေးဦး​ရေအရမ်းများ​တော့ ကိုယ်မတတ်နိုင်တာ​ရော​ကြောင့်မ​ရွေးဖြစ်တာ၊ ပြီး​တော့ ဒီ​ကျောင်း​လေးက တိုက်နဲ့ ခြံနဲ့ဆို​​တော့ အလှူရှင်​တွေက ကိုယ့်လိုပဲ ပိုလိုအပ်တဲ့​နေရာကိုလှူမယ်ဆိုပြီး ကပ်​ကျော်ဖြစ်ဖြစ်ပြီး သိပ်လာမလှူကြဘူးဆိုတဲ့အချက်​လေးကို သူက​ပြောပြတယ်။ 

ပြီး​တော့ သူပြတာ ​ကျောင်း ၂ ​ကျောင်း တစ်​ကျောင်းက ​ယောကျာ်း​လေး​ကျောင်း ကုက္ကိုင်းပရဟိတ​ဂေဟာက  ​ကျောင်းသားဦး​ရေ ၃၀/၄၀ ဝန်းကျင်ပဲရှိတာ။ ဒီ​တော့ ကိုယ်လှူချင်တဲ့ ဦး​ရေထက်​တော်​တော်နည်း​နေတာ။ ဒါ​ပေမဲ့ က​လေး​တွေကို ​တွေ့​တော့လဲ ​​ပျော်​စေချင်တာ။ ကိုယ့်​မောင်က အားကိုးရတာ အစ်မ ​​ယောကျ်ား​လေးကျောင်းက က​လေး​တွေကို ကားနဲ့ ဒီဘက် အလှူလုပ်မဲ့ မိန်းက​လေး​ကျောင်းကို​ခေါ်လာ​ပေးမယ်တဲ့။ ကိုယ်ကလုပ်ချင်တာပဲသိတာ Detail က​လေးတပြုံကြီး တာဝန်ယူ​ခေါ်လာဖို့နဲ့ ထိန်းဖို့က ကိုယ်မလုပ်နိုင်ဘူး​လေ။ ဘာလို့လဲဆို​တော့ ကိုယ်က Fun Fair ပုံမျိုးလုပ်မယ်ဆိုရင် on the ground မှာ ကိုယ်ရှိ​နေမှ ရမှာ။ တက်ညီလက်ညီပဲ သူက အစ်မ ကားငှားလိုက် ကျွန်​တော် က​​​လေး​တွေ ကြိုပို့တာဝန်ယူ​ပေးမယ်တဲ့။ အ​တွေးထဲတင်​ပျော်တယ်။ ကုသိုလ်​ရေး​တွေ ကုသိုလ်ရတယ်​တွေ စကားကြီး စကားကျယ်မ​ပြောဘူး။ ကိုယ်က​လေး​​တွေနဲ့ ​ဆော့ချင်တာရယ်၊ ကိုယ့် Childhood memory ​လေးကို တခြားက​လေးနဲ့ အ​ကောင်ထည်​ဖော်ချင်လို့ လျှာရှည်ကြတယ်ပဲ ဆိုပါ​တော့။ 😜 ကိုယ့်ရဲ ရှည်​ကြောလန် idea ​တွေကို execute ​ပေးတဲ့ ​မောင်မင်းကြီးသားက​တော့ နိုင်ငံမတူလို့ အမြဲမ​တွေ့ဖြစ်ကြ​ပေမဲ့ ကိုယ့်ရဲ့  နည်းနည်းပဲရှိတဲ့ inner circle မိတ်​ဆွေသာရင်းထဲ ထိတ်ဆုံးကပါသင့်တာ​ပေါ့။ သူက အဲ့တုန်းက TV ထဲလဲ ပါ​​နေကျ ဆယ်လီဆို​တော့။ အပြန်အလှန် ဖန်း ​တွေ​လေ။

အစက​တော့ အမျိုးသမီး​ကျောင်းအုပ်ကြီးက ပစ္စည်း​တွေ​​ပေးချင်ရင် သူ့ကို​ပေးခဲ့ ​သူတို့က မိဘမဲ့​ကျောင်းဆို​တော့ ပစ္စည်း​တွေကို ဘုံလို​​ခြွေတာ အလှည့်ကျသုံးရတာမို့ သူက ပစ္စည်း​တွေ manage မယ်တဲ့။ ဒါ​ပေမဲ့ အဲ့ဒါကို ကိုယ်က လက်မခံနိုင်ဘူး။ သူတို့ကို ကိုယ်တိုင် တစ်​ယောက်ချင်းစီ လက်​ဆောင်​ပေးချင်တာ။ တသက်လုံး ဘုံသုံးခဲ့ရ​ကောင်း သုံးခဲ့ရမဲ့ သူ​တွေအတွက် သူတို့အပိုင်ပစ္စည်း ဘယ်သူနဲ့မှ ရှယ်စရာမလိုတဲ့ လက်​ဆောင်​ပေးချင်တာ။ ဒါနဲ့ ​နေ့လည်စာအလှူ အသားဟင်းအပြင် အလှူ​ငွေပါ ၃ သိန်းထပ်လှူ​တော့ ​ကျောင်းအုပ်ကြီးကလဲ ကိုယ်လုပ်ချင်တာသာလုပ်ဆိုပြီး တပြုံးပြုံး​ပေါ့။ လာမဲ့ ဧည့်သည်​တွေအတွက် ဆန်အ​ကောင်းနဲ့ ချက်​ပေးရမလားတဲ့။ က​လေး​တွေက ဆန်ကြမ်းစား​နေကျမို့ ဆန်အ​ကောင်းစား​လေ့မရှိဘူးတဲ့။ ကိုယ်လဲ သူတို့နဲ့​ပျော်ချင်ပါတယ်ဆိုမှ အဆင့်အတန်းကြီးခွဲသလို ကိုယ်​တွေအတွက် ဆန်​ကောင်းသက်သက်ထပ်ချက်​နေရမှာစိုးလို့ ရတယ် ဧည့်သည်​တွေလဲ သူတို့စားတဲ့ဆန်နဲ့ပဲစားမယ်လို့ စီစဉ်ခိုင်းလိုက်တယ်။ 🤣🤣

ဆန်ကြမ်းဆိုပဲ...

​နေရာ​သေချာသွား​တော့ ကိုယ်လုပ်ချင်တဲ့ ငယ်ဘဝ မုန့်​တွေ အရုပ်​တွေ လိုက်စုံစမ်း​ရော... ဒဂုံ ၁ ​ကျောင်း​ရှေ့မှာ ကြက်ဥ​ခေါက််မုန့် ကပ်​စေးနဲ နဲ့ အုန်းသီးနို့ဆီ​ဝေဖာညှပ် ​ရောင်းတဲ့ အန်တီကြီးကို ​တွေ့ထား​တော့ အဲ့ကိုသွား ​အလှူလုပ််မဲ့​နေ့အတွက် ချုပ်ပြီးဝယ်။ အလှူလုပ်မဲ့​နေ့ သူ့ကို ကားနဲ့သွား​ခေါ်တာ ကိုယ်​​တွေပဲ​ခေါ်လား ဘယ်သူသွား​ခေါ်​ပေးလဲမသိဘူး။ အဲ့ အန်တီကြီးကလဲ တကယ်အသွက်၊ သူကလဲ ​ပျော်၊ အလှူကို နို့စမ်း​ဝေဖာချုပ်ဝယ်ပြီး​ကျွေးတာ မမြင်ဖူးဘူးတဲ့။ 😅

​နောက်ပြီး အင်တာနက်​ပေါ်​တွေ့လို့ save ထားတဲ့ ဂျုံမင်းသား ဂျုံရုပ်သမားကို ဖုန်းဆက်ပြီး​မေး​တော့ သူက အရုပ် ၇၀ ​လောက်ပဲ အများဆုံးလုပ်​ပေးနိုင်မယ်တဲ့။ က​လေးက အ​ယောက် ၇၀ ​လောက်ပဲရှိမှာ​လေ။ ​ကောင်မ​လေးတချို့က အပျို​လေး​တွေဖြစ် ကြီး​နေပြီ။ ဂျုံရုပ်က ​​​​ဈေးကလဲ သိပ်​တော့ မ​ပေါ​ပေမဲ့ ကိုယ်လုပ်ချင်တာကိုး... အမှန် Party ​တွေမှာ​ခေါ်တဲ့ ပူ​ဖောင်းအလှဆင်ဂျိုကာတို့ဘာတို့ပါ ​ခေါ်ချင်တာ၊ အဲ့ဒါပါ​ခေါ်ရင် Out of budget ဖြစ်သွားတာ​ရော၊ လမ်း​ဘေး​ဈေးသည် လိုက်စုံစမ်းဖို့လဲ အချိန်မရ​တော့လို့။ 😁 ကိုယ်စိတ်ကူးထဲက လုပ်ချင်တဲ့ပုံစံက တစ်ကယ်​တော့ သူတို့ကို ကူပွန်​လေး​တွေ ​ဝေ​ပေးပြီး သူတို့လိုချင်တာ ​ဆော့ချင်တာကို ဝန်းထဲ​လျှောက်သွားကြည့်ပြီး ကူပွန်နဲ့ redeem လုပ်တာမျိုးကွာ။ Redeem ပြီးသွားတဲ့ဟာမျိုးကို Stamp ဖြစ်ဖြစ် အဲ့ station တာဝန်ယူသူရဲ့ လက်မှတ်ဖြစ်ဖြစ် ကူပွန်​ပေါ်ထိုးပြီး မှတ်ထားမယ်ကွာ။ စိတ်ကူးထဲရှိ​ပေမဲ့ ထုတ်​ပြောရမှာလဲရှက်တာ​ရော၊ နင်က ရှည်ပြန်ပြီဆိုပြီး အိမ်သား​တွေဝိုင်း​ပြောမှာစိုးလို့ ဘယ်သူ့ကိုမှ ထုတ်မ​ပြောဖြစ်ခဲ့ဘူး။ ကိုယ့်ဟာကိုယ်ပဲ ကိုယ့်အ​တွေးထဲကဟာ​တွေကို တတ်နိုင်သ​လောက်လုပ်ခဲ့တယ်။ 

​နောက်ပြီးသိမ်ကြီး​ဈေး​ပြေး ကျွတ်ကျွတ်အိတ်လှလှ​လေး​​​တွေ၊ မိန်းက​လေး​တွေအတွက် ​ခေါင်းစည်းကြိုး၊ ကလစ်​တွေ၊ ​ယောကျ်ား​လေး​ကျောင်းက ကိုရင်​တွေ​ခေါင်းမှာ ဒက်​တွေ​ပေါက်တယ်ဆိုလို့ ​ဆေး​တွေ၊ ကိုယ်ငယ်ငယ်က ယိုးဒယားကလာတဲ့မုန့်​တွေ စားချင်​ပေမဲ့ ​ဈေးကြီးလို့ သိပ်ဝယ်မစားဖြစ်ခဲ့တဲ့ မုန့်မျိုးစုံ။ ​နောက်ပြီး ​ယောကျာ်း​လေး​ကျောင်းသွားကြည့်တုန်းက က​လေး​တွေက ​တော်​တော်​လေး မွဲမွဲ​လေး​တွေမို့ မိိန်းက​လေး​ကျောင်း​ခေါ်လာရင် တချို့ အကြီး​လေး​တွေက ရှက်​နေပုံရလို့ သိမ်ကြီး​ဈေးက​နေ က​လေး​တွေအတွက်​တော့ ဝမ်းစက်​လေး​တွေနဲ့ နည်းနည်းကြီးတဲ့ ​ကောင်​လေး​တွေအတွက်​တော့ စပို့ရှပ်​​ပြောင်​လေး​​တွေ အလှူ​နေ့ကျ ကိုယ့်ရဲ့ အထူးဧည့်သည်​တော်​တွေအတွက် ဝတ်ခဲ့ဖို့ ​ဝယ်လိုက်တယ်။ တကယ့်နေ့မှာ ရဲဝင့်သူသွား​ခေါ်​တော့ သူဘယ်လို Manage ခဲ့လဲ​တော့မသိဘူး က​လေး​တွေက အင်္ကျီအသစ် သနပ်ခါးအ​ဖွေးသားနဲ့ လှပ​နေ​ရော၊ အကြီး​ကောင်​လေး​တွေက ရှက်လို့ မလိုက်ဘူး။ ​ယောကျ်ား​လေး​ကျောင်းက က​လေး​တွေကို မိိန်းက​လေး​ကျောင်း​ခေါ်လာမယ်ဆို​တော့ မိန်းက​လေး​ကျောင်းက ​ကျောင်းအုပ်ကြီးက သိပ်မကြိုက်ချင်ဘူး။ သူ့တသက် ဒီ​လောက်လျှာရှည်တဲ့ အလှူရှင် မမြင်ဖူးတာရယ်၊ ဘာလို့များသူဒီလို လုပ်ချင်တာလဲဆိုတာကို သူနားမလည်နိုင်ဖြစ်​​နေတာ ကိုယ်သိတယ်။ 

ကိုယ်ကသူ့ကို​ပြောတာက အန်တီပဲ ဧည့်သည်ဖိတ်လို့ရတယ်ဆို? အဲ့​​ကျောင်းက က​လေး​တွေက ကျွန်မဧည့်သည်​တွေလို့ သတ်မှတ်ရင် သ​ဘောတရားတူတူပဲ မဟုတ်ဘူးလားလို့။ သူအင်တင်တင်ဖြစ်​နေလို့လဲ ​နေ့လည်စာအပြင် ​ငွေသားချည်း ၃ သိန်း ထပ်လှူလိုက်တာက​တော့ ကိုယ်လုပ်ချင်တာလုပ် ကြည်ဖြူသူ့အပြုံး​လေးရ​တော့ အားလုံးစိတ်ချမ်းသာရတယ်။ အဲ့တုန်းက ကိုယ့်စိတ်ထဲမှာ Trader ballroom ငှားခနဲ့ယှဉ်ပြီး ​ပေးရတာတန်​နေ​​ရော၊ Trader ballroom သွားစုံစမ်းဖြစ်​သေးတယ်​လေ customer service ကလဲ လခစား​ပေမို့ မသိရင် သူပိုင်တဲ့​ဟော်တယ်ကျ​နေ​ရော လူကိုဆက်ဆံတာက... အခု ၃ သိန်းလှူတာနဲ့ ကိုယ် VIP လို ဆက်ဆံခံရတာ၊ ပြီး​တော့ ဒီ ၃ သိန်းကလဲ ဟုတ်ဟုတ် မဟုတ်ဟုတ် ဒီ​ကျောင်းက မိန်းက​လေး​တွေအတွက် Good cause ကွာ ၁ ချက်ခုတ် ၂ ချက်ပြတ်ပြန်​ရော...

အထူးဧည့်သည်​တော်​တွေအတွက် အင်္ကျီအသစ်ဝမ်းဆက်

အဲ့အ​ကြောင်းနဲ့ ကိုယ်​ဈေး​တွေသွားဝယ်တဲ့ Process ကို ​ဖေ့ဘွတ်မှာကိုယ်ကတင်​တော့ Canada က​နေ အဲ့အချိန် မြန််မာပြည်ပြန်​ရောက်​နေတဲ့ Hollywood ရုပ်ရှင်​ (Star wars, X-Men, The Creator, Deadpool and wolverine စတဲ့ရုပ်ရှင် တွေမှာ) မြန်မာနိုင်ငံသား visual effects ပညာရှင် အ​နေနဲ့ ပါတဲ့ ကိုယ့်ငယ်ငယ်ကအတန်း​ဖော်တစ်​ယောက်ကလဲ သူလဲ ​စောင်​တွေ လာလှူချင်တယ်တဲ့။ ကိုယ်ကလဲ ရတယ်​လေ။ ​ကောင်တာတစ်ခုဖွင့်ရုံပဲဟာ။ 😄 The more, the merrier ပဲ။

လူချည်းလာရင်​တောင် ဂိမ်း​ကောင်တာဖွင့်ပြီး Game master လုပ်အား​ပေးလို့ရ​သေးတယ်။ သူကိုယ့်အလှူလာမယ်ဆိုတာလဲ ကြား​ရော တချို့ အတန်းထဲက သူနဲ့ ရင်းနှီးတဲ့ အတန်း​ဖော်​တွေကပါ လာလှူမယ်ဖြစ်ကုန်​ရော၊ ကိုယ့်အလှူက သူတို့ဆီက ပိုက်ဆံ​ကောက်တာလဲ မဟုတ်၊ သူတို့လှူချင်တဲ့ပစ္စည်း က​​​လေး​တွေလက်ထဲတန်းထည့်ရုံဆို​တော့ ဘယ်သူမဆို လာ join လို့ရတယ်။ က​လေးဘယ်နှ​ယောက် ဘယ်အရွယ်​တွေဆိုတဲ့ data ကိုယ်​ပေးလိုက်တာပဲ။ ဒီလိုနဲ့ ငယ်သူငယ်ချင်းအုပ်ထဲက ပိတ်စ​တွေ၊ မျက်နှာသုတ်ပဝါ​တွေအပြင် အဲ့​နေ့ကျမှ Dagon center မှာ Fashion ဆိုင်ဖွင့်ထားတဲ့ သူငယ်ချင်းက သူ့ဆိုင်ရှင်းရင်း ရှူးဖိနပ်အသစ်​တွေအိတ်လိုက်ကြီး ဘယ်နှရံလဲ မသိ ဆိုဒ်စုံဆို​တော့ အဲ့ဒိ ဖိနပ်အသစ်အိတ်ကြီးက​တော့ ​ကျောင်းအုပ်ကြီးပဲ ကြည့်စီစဉ်ပြီး ဘုံသုံးဖို့ ​​ပေးခဲ့လိုက်တယ်။

​နောက်ပြီး ကိုယ့် ဘ​လော့ Reader ထဲက​နေ အပြင်မှာ ခင်​နေတဲ့ အစ််မ​တွေက အမျိုးသမီး လစဉ်သုံးဂွမ်းထုတ်​တွေ၊ ​ဖေ့ဘွတ်က​နေ သိတဲ့ မြန်မာအမျိုးသမီးနဲ့ အိမ်​ထောင်ကျ​နေတဲ့ အ​မေရိကန် (အဲ့​နေ့မှ ပထမဆုံး​တွေ့ဖူးတာ) ကလဲ စာ​အုပ်နဲ့ စာ​ရေးကိရိယာ​တွေ၊ ​​နောက် ​ဖေ့ဘွတ်သူငယ်ချင်းတစ်​ယောက်က ကိုင်စားလို့ရတဲ့ ​ဝေဖာနဲ့ ​ရေခဲမုန့် ​တွေ​ရော၊ ဘာ​တွေပါမှန်းကိုယ်​တောင် မမှတ်မိ​တော့ဘူး။ 

ဒါ​ပေမဲ့ ကိုယ့်စိတ်ကူးထဲကလို က​လေး​တွေ roaming around လုပ် လိုချင်တာ Redeem ဖို့ ကူပွန် system လုပ်ဖို့ အချိန်မရ​တော့ ​နောက်ဆုံး အလွယ်ပဲ ​ယောကျ်ား​လေး​တွေက ပြန်ပို့ရမှာဆို​တော့ စားပြီးတာနဲ့ တန်းစီပြီး လက်​​ဆောင်​တွေလိုက်​ကောက်တာ။ သူတို့က ဆွမ်းဆန်စိမ်း​လောင်းတာနဲ့ တူတယ်ဖြစ်​ရော။ 🤣🤣 တစ်ခုရှိတာက မြန်မာပြည်က က​လေး​တွေက အရှက်အ​​ကြောက်ကြီး​တော့ ကူပွန်စနစ်လုပ်လဲ သူတို့က လုပ်ရဲ မရဲ နားလည် မလည် မ​သေချာဘူး။ သူတို့ကို Encourage ဖို့က ပစ္စည်း​ကောင်တာက လူ​တွေအပြင် on the ground မှာ urshers ​တွေလိုမယ်။ ကိုယ့်အစီအစဉ်က ပစ္စည်း အလှူရှင်များပြီး လုပ်အားလှူသူနည်း​တော့ ကိုယ့်စိတ်ကူးထဲကလို လုပ်လို့မရဘူး။ အဲ့ဒါ​ကြောင့် ကိုယ့်ပွဲက တဝက်ပဲ အထ​​မြောက်တယ်လို့ ယူဆတာ။ မ​ကျေပွဲ နွှဲချင်​သေးတာ။ 😁

အဲ့​နေ့က က​လေး​တွေ ​ပျော်မ​ပျော်​တော့မသိဘူး။ ကိုယ့်ပွဲလာတဲ့ သူတိုင်း​တော့ ​ပျော်ကြတယ်။ ​ကျွေးတဲ့ ထမင်း​တောင် မစားပဲ နို့ဆမ်း​ဝေဖာ ကပ်​စေးနဲချည်း ဝိုင်းစားကြတာ။ 😅 ဂျုံရုပ်က ​ကျောင်းက က​လေး​တွေအတွက်ပဲ​နော်လို့ အမုန်းခံ​ပြောထားတာ​တောင် တချို့ ဧည့်သည်ကပါလာတဲ့ က​လေးတစ်​ယောက်တည်းကို ၂ ​ချောင်း ၃ ​ချောင်း ယူ​ပေးထားတာ​တွေ့​ပေမဲ့ မမြင်ချင်​ယောင်ပဲ ​ဆောင်​​​ပေးလိုက်​ပါတယ်။အော်.... လူဂုဏ်တန်အသိုင်းအဝိုင်းဆိုသူ​တွေရဲ့ အခွင့်ထူးခံလုပ်ပြချင်တဲ့ စရိုက်​​လေးပါလားဆိုပြီး အထင်ကို မကြီး​တော့တာ။ ကိုယ်​ပြောတာကကွာ က​လေးမို့ ကိုယ့်ကိုယ်တာနဲ့ကိုယ် ၁ ခု​လောက် ယူ​ပေါ့... အရုပ်သမားက ​ရွှေထွက်​တောင် အခု ၇၀ ထက် ပိုမလုပ်​ပေးဖူး​​ပြောထားတာ။ မ​ဆော့ဖူးတဲ့က​လေး​တွေ ​ပျော်ပါ​စေလား။ ​နောက်ရက် ၁၀ ခုလိုချင် လဲ သူ့မိဘ​တွေတတ်နိုင်​နေတာပဲ။ ဒါ​ပေမဲ့ တတ်နိုင်တာ မတတ်နိုင်တာထက် ငါတို့က အလှူရှင်နဲ့ အသိ​တွေ ငါတို့​တောင်းပိုင်ခွင့်ရှိတယ်ဆိုတာမျိုး လူကြီး​တွေကအစ လုပ်ပြချင်တာ။ 

က​လေးများဖြင့် အလုပ်ရှုပ်​နေ​သော ဂျာကြီး

ဆန်ကြမ်းလို့ မစားနိုင်ဘူးဆိုတဲ့ တချို့ ဧည့်သည်​တွေရဲ့ feedback လဲ ပြန်ကြားပါတယ်။ 🤣🤣 ​ဟော်တယ်မှာပွဲလုပ်ရင် မုန့်မ​ကောင်းဘူးအပြင် သတို့သမီးက လှလဲမလှဘူးတို့ ဘာတို့ပါပါမှာ။ အခုကျ ဆန်မ​ကောင်းတာအပြင် တခြားဟာ သူတို့အကုန်ကြိုက်။ လာသမျှ ဧည့်သည်အကုန်လဲ လုပ်အား​​ပေးရင်း​ပျော်ရ။ ကိုယ့်မင်္ဂလာပွဲ အထိန်းအမှတ်လုပ်တယ်လို့​တော့ ၂ဘက်မိဘ​တွေကိုကလွဲ ကျန်တဲ့သူ​တွေ မသိပါဘူး။ မြန်မာပြည်မှာ မင်္ဂလာပွဲ လုပ်​​စေချင်လွန်းတဲ့ မိဘ​တွေကလဲ ပွဲလုပ်​ပေး​တော့လဲ မင်္ဂလာပွဲဆိုပြီး နာမည်တပ်မဖိတ်ကြဘူး​လေ။ အစက​တော့ ဖိတ်ချင်သူ​တွေ list လိုက်ကြီးရှိကြတာကို... 😝

ဒီအလှူလုပ်တုန်းက ကိုယ်က ဟို​ပြေးဒီ​ပြေးဆို​တော့ ပုံသိပ်မရိုက်ဖြစ်ဘူး။ လာတဲ့ သူငယ်ချင်း​တွေရိုက်ထားတဲ့ပုံ​လေး​တွေပဲ ရှယ်ခိုင်းထားတာ။ facebook ပေါ် နဲ့ ဘ​လော့​ပေါ်အကျယ်တဝင့်စာမ​ရေးဖြစ်ခဲ့တာက အဲ့တုန်းက ပရဟိတဆိုပြီး က​လေးပုံ​တွေပြ အရမ်းလုပ်စားကြတယ်ကွာ။ အဲ့​တော့ လက်ယာသမား​တွေက က​လေး​တွေပုံရိုက်တာ မဖြစ်သင့်ဘူးတို့။ လူ​ကောင်း ဆိုတဲ့ နာမည်လိုချင်လို့ အားနည်းသူကို ခုတုံးလုပ်တယ်တို့ မျိုးစုံ ဒရမ်မာခင်း​ရေးသူ​တွေရှိ​တော့ ကိုယ်လဲ ​ရေးရမှာ ရှိန်ခဲ့တာ​ပေါ့။ page မှာက ကိုယ်မှန်းသိတဲ့ အမျိုး​ပေါင်းမျိုးစုံဘယ်သူဖတ်​နေမှန်းမသိလို့ မ​ရေးဖြစ်ခဲ့တာလဲပါတယ်။ အခု​တော့ နှစ်​တွေလဲ ကြာ​နေတာ​ရော၊ ဒါက အလှူဆိုတာထက် ကိုယ့်မင်္ဂလာပွဲကို တက်​ရောက်ကြတဲ့ ဧည့်သည်​တွေနဲ့ Door gifts ပြန်​ပေးတဲ့ Sponsors ​တွေလို့ သ​ဘောထားလိုက်ရင် ok တယ်ဟုတ်? 

​ပျော်​နေတဲ့ ဧည့်သည်​တွေ ပြန်ချိန်

ဘာရယ်မဟုတ်ဘူး ဖုန်းအသစ်​ပြောင်းလိုက်​တော့ ပုံ​တွေ Back up လုပ်ရင်း ဒီပုံ​​​လေးတွေပြန်​တွေ့​တော့ ပြန်​ပျော်ရတာ​ရော၊ ပြီး​တော့ ကိုယ့်ရဲ့ အပြည့်အဝ မလုပ်ရ​သေးတဲ့ Fun fair ​လေး​ရော မြန်မာပြည်ပြန်လို့ရတဲ့ တစ်ချိန် အားလုံးနဲ့တူတူ လုပ်ချင်ပါ​သေးတယ်လို့.....

စားချင်ထှာ... ကိုယ့်သားကို ​ကျွေးချင်မိ

၂၀၂၄ My Recommended K-dramas list

2024 မှာ ကိုယ့်စာရင်းရှိ ကြည့်ဖြစ်တဲ့ ကိုရီးယားဇာတ်လမ်းတွဲ စုစုပေါင်း ၃၂ ကားရှိတယ်။ အရင်တစ်ခေါက်က ကိုယ်သိပ်မကြိုက်လို့ မပြီးတဲ့ကားတွေအကြောင်း​ရေးပြီးပြီဆိုတော့ ဒီတစ်ခေါက် ကိုယ်ကြည့်ဖြစ်တဲ့ကား ၃၂ ကားထဲက ကိုယ် recommend ပေးချင်တဲ့ ကား ၁၂ ကားကို ကိုယ်အကြိုက်ဆုံးကနေ စပြီး ranking လုပ်ထားတယ်။ ဒီ list ထဲမှာ မပါတဲ့ ကားကောင်းတွေရှိကောင်းရှိမယ်။ ဒါက ကိုယ်ကြည့်ခဲ့တဲ့ ကားတွေထဲကပဲ personal list မို့လို့။

1. A shop for Killers 

ဦးလေး Lee Dong Wook က အရမ်း cool. ဇာတ်လမ်းက ဟုတ်သော်ရှိ မဟုတ်သော်ရှိ Action full pack. ကောင်မလေးကလဲ သရုပ်ဆောင်ကောင်းချစ်ဖို့ကောင်း။ ၁၉၉၀ ခုနှစ်တွေက အက်ရှင်ကားတွေ ကြည့်ရသလိုခံစားချက်မျိုးရတယ်။ အပိုင်းအကုန် တထိုင်တည်းကြည့်ခဲ့တယ်။ Season 2 လာမဲ့ပုံရှိလို့ မျှော်နေပြီ။

2.  Blackout

တစ်ရွာလုံးနဲ့တစ်ယောက် ကိုယ်မှန်နေရင် ဆက်သာလျှောက်ပဲ။ အနာဂတ်အတွက် အညွန့်တလူလူတက်နေတဲ့ အထက်တန်းကျောင်းသားအရွယ်မှာတင် လူ Tတ်မှုနဲ့ မတရားစွပ်စွဲခံပြီး မိသားစုပျက် ထောင်ကျခဲ့တဲ့ Jung Woo တစ်ယောက် ထောင်ကလွတ်လာတဲ့အခါ အမှန်တရားကို ပြန်လည်ဖော်ထုတ်စဉ် ဝမ်းနည်းရင်နင့်ဖွယ် သစ္စာဖောက်မှုတွေနဲ့ ရင်ဆိုင်ခဲ့ရ။ Byun Yo Han ရဲ့ မပ်ုမလို သဘာဝကျကျသရုပ်ဆောင်ချက်တွေ၊ စုံထောက်လုပ်တဲ့မင်းသားနဲ့ Bromance တွေက ပရိတ်သတ်ကြား BL fantasy တွေ ဖြစ်စေခဲ့သေးတယ်။ စလယ်ဆုံး ကောင်းတဲ့ကားလေး။

3. Highschool return of Gangster

ဒီကားကို ဘာလို့ လူပြောသိပ်မများလဲ မသိဘူး။ သူက ၂၀၂၄ ဖေဖော်ဝါရီလကထွက်တာ။ 47 နှစ်အရွယ် Gangster က သူ့ဘဝရဲ့ဆန္ဒဖြစ်တဲ့ တက္ကသိုလ်ကို ပြန်တက်ဖို့လုပ်နေချိန်မှာ မထင်မှတ်ပဲ အနိုင်ကျင့်ခံရတဲ့ အထက်တန်းကျောင်းသားလေး တံတားပေါ်က ခုန်ချ တာကို ကယ်တင်ရင်း သူ့ဝိဉာဏ်က အဲ့ကလေးကိုယ်ထဲဝင်သွားရော။ သူက BL ဝတ္ထုကို ပြန်ရိုက်တာလို့ကြားတယ်။ ဒီကားမှာတော့ friendship and bromance ပြောင်းလိုက်တာပေါ့နော်။ All of us are dead ကားထဲကမင်းသား Yoon Chan Yong နဲ့ နောက်မင်းသားငယ်ချောလေး Bong Jae Hyun တို့ ခေါင်းဆောင်ပါဝင်သရုပ်ဆောင်ထားတယ်။ ဇာတ်လမ်း flow က ဘယ်လိုသွားမယ်မှန်းလို့ရပေမဲ့ Yoon Chan Yong သရုပ်ဆောင်ကောင်းတာကို ဒီကားမှာ တော်တော်သိသိသာသာ မြင်ရတယ်။ 

4. My Dearest 2

ဒီကားကို ၂၀၂၃ နိုဝင်ဘာမှ လွှင့်ခဲ့ပေမဲ့ ကိုယ်ကြည့်ဖြစ်တာ ၂၀၂၄ နှစ်စပိုင်းထဲမှာမို့ ၂၀၂၄ ထဲ ထည့်လိုက်တာ။ ငယ်ငယ်က အဆွေးကားတွေ စိတ်ညစ်လို့ မကြိုက်သလောက် အခုနောက်ပိုင်းဆို စို့စို့နစ်နစ် တမ်းတမက်မော ခက်ခက်ခဲခဲ ခံစားရတဲ့ကားတွေက ရင်ထဲမှာကြည့်ပြီး ၂ ရက် ၃ ရက် တစ်ချို့ဆို ၁ ပတ်လောက် စွဲကျန်နေလို့ ကြည့်ရတာတန်တယ်ကွာ။ ဒီကားက part 1 ရော part 2 ရော အဲ့လိုခံစားချက်ကိုပေးတယ်။ 2024 Beaksang award မှာ Best drama ဆုရခဲ့တဲ့ကားလေးပါ။

5. No Gain No love

ကိုယ်ဒီကားကို စကြည့်တုန်းက ဘာမျှော်လင့်ချက်မှ မရှိပဲ ဒီတိုင်းဖွင့်ကြည့်လိုက်တာ။ အဲ့အချိန် ကိုယ်မျှော်လင့်ထားတဲ့ Love next door က disappointed ဖြစ်သွားတော့ ဘာမှတောင် ကြည့်ချင်စိတ်မရှိဖြစ်နေတာ ဒီကားကြည့်ပြီး မု ပြန်ဝင်လာတာ။ ဒီကားမှာ ကိုယ့်ကို မျက်ရည်ကျစေတဲ့ connection dynamic လေးက မင်းသား၊မင်းသမီးဇာတ်လမ်း မဟုတ်ဘူး၊ ဒုတိယအတွဲဇာတ်လမ်းလဲ မဟုတ်ဘူး။ မင်းသမီးနဲ့ ဒုတိယမင်းသမီးကြားက connection လေး... မိဘမဲ့ကလေးတွေရဲ့ ခံစားချက်နဲ့ မိဘမဲ့ကလေးတွေကို စောင့်လျှောက်နေတဲ့ မိခင်အရင်းရဲ့မေတ္တာငတ်ခဲ့ရတဲ့ မင်းသမီးရဲ့ ခံစားချက်လေးကို ပြတာ မျက်နှာရိပ်မျက်နှာကဲ၊ သိမ်ငယ်မှု၊ စသဖြင့် သူတို့အခန်းဆို ကိုယ်က ၂ ယောက်လုံးအတွက် Empathy ဖြစ်မိပြီး ငိုမိတယ်။ မင်းသားနဲ့ မင်းသမီးမှာလဲ အဲ့လို connection မျိုးရှိပေမဲ့ အနည်းဆုံး မင်းသားရဲ့ Guilt က ဟိုကောင်မလေးလောက် မကြီးဘူးလေ။ It's a beautiful connection. That's why I like it.

6. The Trunk

ဒီကားက ကြိုက်တဲ့သူနဲ့ ဘာကြီးမှန်းမသိဘူးဆိုပြီးလုံးဝ မကြိုက်တဲ့ သူ ၂မျိုးပဲရှိတယ်။ ကြားနေသိပ်မရှိဘူး။ ကိုယ်က ကြိုက်တဲ့အထဲပါတယ်။ အသေးစိတ်မရေးတော့ဘူး ကြည့်ကြည့်လိုက်ပြီး အမြင်လေးလာပြော။

7. What comes after Love

ဂျပန်ကြီးရဲ့ အပြုံးတွေမှာ ရှုမော၊ ပါးချိုင့်ကြီးထဲ လက်ပစ်ကူးပြီး ပထမ ၂ ပိုင်းမှာ အပျိုဘော်ဝင်စ မိန်ူကလေးလို့ သွားကြီးဖြဲပြီး ကြည်နူးမှုတွေပေးပြီး နောက်ပိုင်းတွေကျ ဆွေးကွာဆိုပြီး မျက်လုံးရွဲကြီးတွေနဲ့ မခို့မရို့ကြည့်တတ်သူကြီး။ အဲ့ကားပြီးတော့ ကိုယ်တွေတော်တော်များများ နီဟွန်းပြည်ကြီးဘက် ခဏလောက် ဟန်းနီးမွန်းတွေထွက်ဖြစ်ကြသေးတာ။ အချစ်ကားကွာ။ ဆက်မပြောတော့ဘူး။ မင်းသားနဲ့တင် တန်ပါတယ်။

8. Squid Game 2

ဒါကတော့ ထွေထူးပြောမနေတော့ဘူး တစ်ကမ္ဘာလုံးပြောနေကြတာဆိုတော့... ကောင်းတယ်ကွာ။ ထုံးစံအတိုင်း Brutal တော့ဖြစ်တာပေါ့။ Season 3 က ချန်သေးတာ။ တန်းလန်းကြီးနော်...

9. Good Partner

ကိုယ်က အဆုံးထိ မကြည့်ရသေးပေမဲ့ ကောင်းမှန်ူသိတယ်ကွာ။ အချိန်မရတာနဲ့ ကြည့်လက်စကားတွေ ဖြတ်ပြီးမှ ဆက်ကြည့်မယ်နဲ့ မကြည့်ဖြစ်လို့။

10. When the phone Ring

သူက အဆုံးပိုင်း ၂ပိုင်းလောက်မှာ နည်းနည်း ပျင်းလာသလိုခံစားရပေမဲ့ Overall တော့ မဆိုးပါဘူး။ အစ၊ အလယ်၊ အဆုံး စောင့်ကြည့်တာတောင် အပြီးထိကြည့်ဖြစ်ခဲ့တယ်ဆိုတော့။

11. Marry My Husband

သူက ၂၀၂၄ ဖေဖော်ဝါရီကထွက်တာ။ သူ့ဟာနဲ့သူကြည့်လို့ကောင်းတယ်။ အဆုံးမှာ စိတ်ပုတ်မဇာတ်ကောင်က ထောင်ထဲရောက်တဲ့အထိတောင် ပန်းနုသွေးပြီးမပြောင်းမလဲ သူ့ဇာတ်ကောင်အတိုင်း Delulu ဖြစ်နေသေးတာကိုပြသွားတာကို သဘောကျမိလို့ အခုလို top 11 ထဲ ထည့်လိုက်တာ။

12. My Happy Ending

တစ်ကားလုံး Jang Na Ra လို အသက်ရှုတွေကျပ် ဟိုလူ့လိုက် သံသယဖြစ် ဒီလူ့လိုက်သံသယဖြစ်၊ ရင်တွေကွဲ၊ မျက်ရည်တွေပေါက်ပေါက်ကျ ဒါပေမဲ့ Happy Ending လေးကြည့်ချင်ရင် ဒီကားကြည့်နော်။ ကိုယ်ဆို ဒီလိုကားမျိုး PMS ဖြစ်နေတဲ့အချိန်ကြည့်ပြီး သူနဲ့အတူ လိုက်ငိုပြီး stress ပြေသွားလို့ အိမ်ကလူတွေလိုက် ပြဿနာမရှာဖြစ်တော့ဘူး။ 🤣... ဒီကားကိုတော့ တခြားလူတွေ မကြိုက်ရင်လဲ မကြိုက်ကြလောက်ဘူး။ မဗေဒါရဲ့ recommended list ထဲပါလို့ agree မလုပ်တဲ့သူတွေလဲ ရှိမယ်။ ဒါပေမဲ့ ကိုယ့်အတွက်ကျတော့ ဇာတ်ကောင်တစ်ယောက်ချင်းစီကို ပရိသတ်တွေက အပစ်ရှိမရှိ Judge ကြတာ မတူကြဘူး။ ကွန်မန့်တွေမှာ ဆွေးနွေးကြတာတွေ ဖတ်ရတာ အရမ်းပျော်ဖို့ကောင်း။ ကိုယ်သဘောတူတာရှိသလို သဘောမတူတာလဲရှိ။ ကိုယ်လဲ ကိုယ့်အမြင်ရေးချင်အောင် လှုံ့ဆော်နိုင်တယ်။ ဘာလို့မရေးလဲဆိုတော့ ပွဲမဖြစ်ချင်လို့။ ပြီးတော့ တချို့ တောသူမ/သား တွေကို ကိုယ့်အမြင်ကို သဘောမတူရင်တောင် နားလည်အောင် ထောင့်စုံအောင်ရေးရရင် ၁၀၀၁ညပုံပြင်လိုရေးနေရမှာစိုးလို့ မရေးတော့တာ။ အခုတော့ မေ့သွားပြီ။ ပြောရရင်တော့ ဒီကားကို ဘာလို့ကြိုက်လဲဆိုရင် သူ့ယောကျ်ားလုပ်ရက်က မှန်၏ မမှန်၏ သနား၏ မသနား၏ ဆိုတာကို မတူတဲ့ ဆွေးနွေးမှုတွေပေးလို့ ကြိုက်တယ်။

2024 မှာ တခြား ကားကောင်းတွေလဲ ထွက်ပါတယ်။ ကိုယ်လွတ်သွားတာတွေလဲ ရှိတဲ့အထဲက ကြည့်ဖို့မှတ်ထားသေးတဲ့ ကားတွေလဲ ရှိတယ်။ Born to be star တို့၊ lightshop၊ Brewing Love တို့ဆို ကြည့်ဖို့ အိမ်စာတွေမှတ်ထားတယ်။ Judge from Hell လဲ ကြည့်ပျော်ပါတယ်။ ကြည့်နေတာ တန်းလန်းဖြစ်နေလို့။ 

ဤတွင် ၂၀၂၄ k dramas recommendation list ပြီးပါပြီ။

#ကြိုက်သလိုသဘောထားကွဲလွဲနိုင်ပါတယ်

#2024RecommendedKdramas

Reading Vs Experiencing

Blog reader တစ်ယောက်က လာမေးဖူးတယ်။

ခရီးတွေဘာလို့သွားနေမလဲ။ ပိုက်ဆံကုန်ပင်ပန်းတယ် သိချင်တဲ့နေရာတွေရဲ့ ဗဟုသုတတွေကို စာအုပ်တွေကနေဖတ်လို့ရနေတာပဲတဲ့...

ကိုယ့်အမြင်ကတော့ ဒီလိုပါ...

စာအုပ်တွေကနေ ခရီးသွားခြင်းအကြောင်းတွေနဲ့ ဒေသတွေအကြောင်းကို လေ့လာနိုင်တယ်ဆိုတာ မှန်တယ်။ တစ်ခါတစ်လေဆိုရင် တကယ့်ခရီးတိုသွားခဲ့တဲ့သူတွေထက်တောင် ပိုပြီးသိနိုင်တာတွေရှိတယ်။ ဥပမာ ပြည့်စုံတဲ့ သမိုင်းကြောင်း၊ ယဥ်ကျေးမှု၊ နေရာအလိုက်အတွေ့အကြုံတွေကို စာရေးသူရဲ့ အာဘော်ပေါ် မူတည်ပြီး အဲ့နေရာအကြောင်းတစ်စေ့တစ်စောင်းနားလည်နိုင်တယ်။ ဒါဟာ တစ်နေရာတည်းကို သွားလည်ပြီး မျက်စိနဲ့ကြည့်ခဲ့တဲ့အမြင်ထက် ပိုတဲ့နားလည်မှုတစ်ခုကိုပေးကောင်းပေးနိုင်မယ်။

ဒါပေမဲ့ တကယ်ခရီးသွားခဲ့တဲ့လူတစ်ယောက်ရဲ့ အတွေ့အကြုံနဲ့တော့ ကွဲပြားနေသေးတယ်။ ခရီးသွားခဲ့တဲ့သူက စာအုပ်ဖတ်ပြီး စာအုပ်ကစာရေးသူဖော်ပြတဲ့မှန်ပြောင်းတစ်ခုတည်းနဲ့မဟုတ်ပဲ သူရဲ့ ကိုယ်တွေ့အတွေ့အကြုံ ခံစားမှုတွေဖြစ်တဲ့ မြင်ကွင်းတွေ၊ အသံတွေ၊ စနစ်သစ်တွေ၊ အနံ့တွေကို အပေါ်ယံမဟုတ်ပဲ ကိုယ့်ရဲ့ အာရုံ ၅ပါး အကုန်ကနေ လက်ခံနိုင်သလောက် first hand အတွေ့အကြုံကိုပေးတယ်။ စာအုပ်ထုတ်တဲ့သူကျန်ခဲ့ကောင်းကျန်ခဲ့သွားနိုင်တဲ့ အသေးစိတ်ခံစားချက်လေးတွေကို ကိုယ်တိုင်ကြုံမှ သတိထားမိတာလေးတွေရှိမယ်။ တနည်းအားဖြင့်တော့ စာအုပ်ဖတ်တဲ့သူက အချက်အလက်ပိုင်းမှာ ဗဟုသုတပိုရှိခဲ့မယ်ဆိုရင်တောင် စာအုပ်ထဲမှာရေးထားသလောက်ထိပဲ သိနိုင်မယ်။ ကိုယ်တိုင်သွားပြီး တွေ့ကြုံခဲ့သူကတော့ စာအုပ်အသစ်တစ်အုပ်ကိုယ်တိုင်ရေးနိုင်လိမ့်မယ်။

စာဖတ်သူတို့ရော ဘယ်လိုထင်လဲ ပြောသွားပါအုံး။

Photo taken at Willunga Beach, South Australia

Nagatan To Aoto:Ichika no Ryourijou (Aka) Kitchen Knife and Green Chilli Pepper (Review)

ဟိုတစ်လောက ကိုရီးယားကားရော၊ တရုတ်ကားရော ကိုယ်သိပ်စိတ်ဝင်စားတာမတွေ့လို့ ဂျပန်ကားနဲ့ တမျိုးလေးအရသာ အာရုံပြောင်းကြည့်ဖြစ်ခဲ့တယ်။

တစ်နိုင်ငံနဲ့တစ်နိုင်ငံက တင်ဆက်ပုံ၊ ရိုက်ချက်၊ စာတန်းထိုးတဲ့စတိုင်နဲ့ cultural တွေပါမတူတော့ အဲ့လို အပြောင်းအလဲလုပ်ကြည့်ရင် refreshing ပြန်ဖြစ်တယ်။

ဒီကာလေးကို ကြည့်ပြီးပြီးချင်းရေးမလို့ပဲ၊ ရေးနေရင်း ပိုစ့်က ​ပျက်သွားလို့ မရေးဖြစ်တော့တာ။

Name: Nagatan To Aoto:Ichika no Ryourijou

Name in English: Kitchen Knife and Green Chilli Pepper

Airing year: 2023

Number of episode: 10

ဇာတ်လမ်းအကျဉ်း

ဒီဇာတ်လေးက ဂျပန်စစ်ပြီးခေတ် ၁၉၅၁ ခုနှစ်ကို အခြေခံထားတဲ့ ကားလေးတစ်ကားပေါ့။ စစ်ပြီးကာလ ကျိုတိုက စီးပွားပျက်လုနီးပါးဖြစ်နေတဲ့ မိသားစုပိုင် ဂျပန်ရိုးရာစားသောက်ဆိုင်လေး ဆက်လက်တည်တံ့ဖို့အတွက် Ichika ဟာ Amane ဆိုတဲ့ သူ့ထက် ၁၆နှစ်ငယ်တဲ့ Osaka က ကျောင်းသားလေးနဲ့ အကြောင်းအမျိုးမျိုးကြောင့် လူကြီးချင်းပေးစားလို့ လက်ထပ်လိုက်ရတယ်။

စာရေးသူအမြင်

Age gap ကြီးက တော်တော်ကွာလို့ အစကဟုတ်ပါ့မလားဆိုတဲ့ စိတ်နဲ့ ကြည့်ဖြစ်ပေမဲ့ ဒီကားတင်ဆက်ပုံလေးက အေးအေးချမ်းချမ်းလေးနဲ့ ကိုယ်ပါ Amane ကို အားကိုးချင်သွားတယ်။ သူက စစ်ပြီးခေတ်အခြေအနေမှာ အမျိုးသမီးတွေကို နှိမ်ချဆက်ဆံတာမျိုးတွေကိုလဲ ဖော်ပြထားတယ်။ အဲ့လို နှိမ်ချခံရတဲ့ကြားက အမြင်ကျယ်တဲ့ အိုဆာကာသား လူငယ် (next generation) ယောကျ်ားရထားတော့ မိန်းမကို သူက လုံးဝ support ပေးတာလေးက ရင်ထဲနွေးထွေးစေတယ်။

အဲ့ကားကြည့်တုန်းက comment တွေလဲ ဖတ်မိတော့ အခုချိန်ထိ ကျိုတိုက conservative နည်းနည်းဖြစ်ပြီး ယဉ်ကျေးမှုကို တအားထိန်းသိမ်းထားတဲ့မြို့ဖြစ်ပြီး Osaka ကလူတွေက ပိုပြီး mordern အတွေးအခေါ်မျိုးရှိကြတယ်လို့ တွေ့ရတယ်။ (ဟုတ်မဟုတ်တော့ မသိဘူးနော်။ သူများရေးထားတာတွေ့လို့။ ဗဟုသုတပေါ့။ ဟုတ်မဟုတ် တနေ့တော့ ဂျပန်သွားလည်ပြီး ခံစားကြည့်ချင်သေးတယ်။)

မင်းသား မင်းသမီးရဲ့ Chemistry က ဇာတ်ကားတစ်ကားမှာ အရမ်းအရေးကြီးတယ်။ ဒီကားမှာဆို Skinship ဆိုတာ မပါသလောက်ရှားတယ်။ မင်းသမီးက တစိချိန်လုံး ဟင်းချက်၊ မင်းသားက သူချက်သမျှ ထိုင်စားနေတာ။ စစချင်း လက်ထပ်ကာစမှာ မင်းသမီးက မင်းသားကို ကလေးလိုပဲ ဆက်ဆံတာ၊ သူ့မောင်လေးလိုပေါ့။ လက်မထပ်ခင် ၂ ယောက်သား စကားပြောကြကတည်းက တစ်ယောက်နဲ့တစ်ယောက် မချစ်ဘူးလို့ ပြောခဲ့ကြလို့ လက်ထပ်ခဲ့ပေမဲ့ ဟန်ဆောင်လက်ထပ်ကြတာတော့မဟုတ်ဘူး။ မင်္ဂလာဦးညမှာ သတို့သားက သူ့တာဝန်သူလုပ်ဖို့ offer ရှာပါတယ်။ မင်းသမီးက ကလေးနဲ့ ဘယ်လိုမှ feel မလာလို့ လက်မခံပဲ အခန်းခွဲအိပ်ကြတာ။

ဇာတ်လမ်းအရ မင်းသားက အသက်ငယ်ပေမဲ့ စီးပွားရေးအမြင်ကျယ်တယ်၊ အစားအသောက် မြည်းစမ်းတာမှာတော်တယ်။ လူမှုဆက်ဆံရေးလဲ ရင့်ရင့်ကျက်ကျက်ရှိတယ်။ (သူ့သူငယ်ချင်းရွယ်တူတွေနဲ့ တွေ့တဲ့အချိန်ဆိုလဲ လူငယ် vibe လေးပဲ။) ပြီးတော့ အဲ့ခေတ်က အဲ့လိုမျိုး ငယ်ငယ်ရွယ်ရွယ်နဲ့ လူကြီးချင်း ပေးစားလို့အိမ်ထောင်ကျတာမျိုးက မဆန်းသလိုတော့ ပြတယ်။

အပိတ်စာတန်းထိုးလေးတွေဆိုလဲ သူတို့ဟင်းချက်နေတာလေးကို ပြပေမဲ့ တစ်ပိုင်းနဲ့တစ်ပိုင်း သူတို့ relationship လေး တိုးတက်လာတာကို အစမှာ မင်းသမီးတစ်ယောက်ပဲ ချက်တယ်။ နောက်ပိုင်းကျ မင်းသားစားဖို့ချက်နေတာလေး။ နောက်အပိုင်းတွေကျ မင်းသားကပါ မင်းသမီးကို ကူလုပ်ပေးတာမျိုး။ နောက်အပိုင်းတွေမှာ မင်းသားတစ်ယောက်ပဲ မင်းသမီးဖျားတုန်း နောက်ဖေးဝင်ပြီး ချက်နေတာမျိုးလေးကို တီးလုံးအေးအေးလေးနဲ့ပြတော့ ဇာတ်လမ်းက ဘာ skinship မှ သိပ်မရှိတာတောင် ကြည့်တဲ့သူရင်ထဲ သူတို့ ၂ ယောက်ရဲ့ relationship တိုးတက်လာတယ်ဆိုတဲ့ အတွေးက နှောင်တွယ်လာတယ်။

တစ်ချိန်လုံး ဘယ်တော့ နမ်းကြမလဲ စောင့်နေမိတဲ့အထိပဲ။ ၁၀ ပိုင်းမှာ နမ်းတာ ၁ ခန်းလားပဲပါတယ်။ အဆုံးခန်းမှာ အနည်းဆုံးတော့ တစ်ယောက်နဲ့တစ်ယောက် ပြေးဖက်စေချင်တာ။ လုံးဝပဲတော့... တကယ့် ရှေးရိုးဂျပန်တွေလိုပဲ ယောကျ်ားက ရှေ့ကလျှောက် မိန်းမက ဘေးနောက်လေးက တူတူလျှောက်ပြီးပြီးသွားတယ်။ လက်တောင်မကိုင်ဘူး။ ဂျပန်ကားတွေက skinship ပါတဲ့ကားမျိုးတွေဆို စလာကတည်းက မင်းသား or မင်းသမီးက လူတကာနဲ့ လိုက်အိပ်နေတာမျိုးနဲ့ စရင်စ။ အခုလို လုံးဝ ရိုတာမျိုးဆိုလဲ skinship သိပ်မပါလို့ ပရိတ်သတ်က မထိတထိဖြစ်ရတယ်။

ပြီးတော့ ဒီကားလေးကို သဘောကျတဲ့အချက်က ဒီထဲက ဟင်းချက်နည်းတွေက အတိအကျ မပြောပေမဲ့ ဟင်းချက်နေကျလူဆိုရင်တော့ တကယ်လိုက်ချက်လို့ရတဲ့ recipe လေးတွေလိုပဲ။ ကိုယ်ဆို မင်းသမီးချက်ပြီဆိုရင် အဲ့ဒါကြည့်ရတာပါ စိတ်ဝင်စားဖို့ကောင်းတာ။

၂၀၂၄ ထဲက ကိုယ့်အချိန်ပေးလိုက်ရတဲ့ ကားလေးတစ်ကား မှတ်တမ်းလာတင်တာ။

#JdramaReview

#2024JdramaIwatched

#2024drama