Saturday, May 31, 2008

Are you Depressed?

မဗေဒါရဲ့ depression ကတော့ ၅၂ရာခိုင်နှုန်းပါတဲ့.. သင်တို့ရော စမ်းကြည့်ချင်သေးလား...




Your Depression Level: 52%



You seem to have mild depression.

A lot of people fall into your range, and it's quite possible you don't need treatment.

If you've been feeling this way for a while, you may want to seek help.

Sunday, May 25, 2008

ကျမနဲ့ဘလော့


ဒီပိုစ့်လေးကို... ကိုပီကေဘလော့မှာ ကျွန်တော်နဲ့ဘလော့ဆိုတာကို ဖတ်တုံးက tag ခံရဖူးပါတယ်။
ဖတ်တဲ့သူတိုင်းကို tag ထားတာပါ။ ရေးမယ် ရေးမယ်နဲ့ မရေးဖြစ်ခဲ့ပါဘူး။ ကျမကကျမဘလော့မှာကျမအာရုံလာရာ randomly ရှောက်ရေးတတ်ပါတယ်။
ခုတော့ ဒီခေါင်းစဉ်လေးကို ရေးဖို့အာရုံလာပါပြီ.....ဟတ်...ဟတ်....
အာရုံလာရတဲ့အကြောင်းကတော့ တခြားမဟုတ်ပါဘူး.... ကျမဘလော့ရဲ့ခေါင်းစဉ်.. "မဗေဒါရဲ့ လျှို့ဝှက်ချက်" ဆိုတာနဲ့ပတ်သတ်နေလို့ပါ...
ဒီပိုစ့်လေးမှာ......
ကျမဘလော့စတင်ဖြစ်ပေါ်လာပုံလေးရယ်..
ကျမဘာကြောင့်ဘလော့ရေးလဲဆိုတာရယ်..
ဘာကြောင့်ဒီခေါင်းစဉ်ကိုရွေးလဲဆိုတာရယ်
ဘာကြောင့်ဒီပိုစ့်ကိုရေးဖြစ်သလဲဆိုတာရယ်... ဆိုတဲ့အချက်လေးတွေကိုပြောပြချင်ပါတယ်..
စိတ်ဝင်စားမယ်ဆိုရင်တော့ ဆက်ဖတ်ကြည့်ပေါ့နော်...

လျှို့ဝှက်ချက် စတင်ခြင်း..

ဘလော့ဆိုတာကို သိတာတော့ကြာပါပြီ... ဒါပေမဲ့ ကိုယ်နဲ့မဆိုင်သလိုပဲနေခဲ့ပါတယ်.. ဖတ်လဲမဖတ်ဖြစ်ပါဘူး..
အဲဒိတုန်းကလဲ ဘလော့ဆိုတာ တွင်တွင်ကျယ်ကျယ်မှ သိပ်မရှိသေးတာ..
၂ဝဝ၆ နိုဝင်ဘာလလောက်တုန်းက အတန်အသင့်ခင်တဲ့ အွန်လိုင်းသူငယ်ချင်းတယောက်နဲ့ စကားပြောရင်း သူကဘလော့အကောင့်ဖွင့်ခိုင်းပါတယ်..
ဘလော့ကမိုက်တယ်.. ဆန်းကြည့်ဆိုပြီးပြောလို့.. အကောင့်သွားဖွင့်ဖြစ်ခဲ့ပါတယ်... ကိုယ်ပိုင် page လှလှလေးတစ်ခုနဲ့..
ဒိုင်ယာရီလိုရေးလို့ရလို့သဘောကျပေမဲ့... ဘာရေးရမှန်းမသိပါဘူး.. တကယ်ပါ.. အဲဒိတုန်းက မြန်မာလိုရေးတဲ့ဘလော့တွေကိုလဲ မမြင်ဘူးခဲ့သလို..
တွေးတောင်မတွေးမိပါဘူး.. ဒီလိုနဲ့အလုပ်ထဲမှာအားနေတာရော... စိတ်ညစ်တာရော၂ခုဆုံသွားတာနဲ့... "what a boring day" ဆိုတဲ့ပိုစ့်တစ်ခုနဲ့ စိတ်ထွက်ပေါက်လေးရခဲ့ပါတယ်..
ဒါပေမဲ့အဲဒိနောက်ပိုင်းမအားတာရော.... ကိစ္စတော်တော်များများရှုပ်သွားတာရော.. အစထဲက စာရေးစာဖတ် အလွန်တရာမှပျင်းတာရောကြောင့်... ဘာမှဆက်မရေးဖြစ်တော့ပါဘူး..
ကိုယ့်မှာကိုယ်ပိုင်ဘလော့လေးရှိတယ်ဆိုတဲ့အသိပဲရှိပါတယ်.. မလုပ်တတ်တာလဲပါပါတယ်..
မရေးတတ်တာတောင် ကျမ background wallpaper , tamplates တွေကိုကြိုးစားပြီးပြောင်းကြည့်ပါသေးတယ်.. CSS, HTML တွေကိုလဲလုံးဝနားမလည်လေတော့..
စိတ်ရှုပ်တာပဲအဖတ်တင်ခဲ့ပါတယ်... နောက်ပိုင်းပြစ်ထားလိုက်တာ password တောင်မေ့တဲ့အထိပါပဲ... ခုထိလဲကောင်းကောင်းမလုပ်တတ်သေးပါဘူး..
Peekaboo တောင်အစကလုပ်တုန်းကရပြီး..ခုပျက်နေတာ..ပြန်ကိုမလုပ်တတ်တော့ပါဘူး..
ဒီလိုနဲ့ကျမရဲ့ဘလော့လေး ဖုတ်လိုက်ဖုတ်လိုက် စတင်မွေးဖွားရှင်သန် ခဲ့ပါတယ်...

ကျမဘလော့လေးအဆင့်တက်လာပုံ.. မြန်မာဘလော့ဖြစ်လာပုံလေးကိုပါထည့်ပြောချင်ပါတယ်...
၂ဝဝ၇ စက်တင်ဘာ အရေးအခင်းဖြစ်တုန်းက ကိုထိုက် ရဲ့ဘလော့ကတော်တော်လေးနာမည်ကြီးလာပါတယ်.. အဲဒိမှာ နောက်ဆုံးပေါ်သတင်းတွေ.. ဓာတ်ပုံတွေဖတ်ဖြစ်ပါတယ်...
အဲဒိကတဆင့် လင်းလက်ကြယ်စင်ဘလော့ကိုလဲ ပုံမှန်ဖတ်ဖြစ်ပါတယ်.. မြန်မာဘလော့တွေကို ဖတ်ရတော့ တော်တော်လေးကို ဖတ်လို့ကောင်းခဲ့ပါတယ်..
အဲဒိဘလော့တွေကတဆင့် တခြားဘလော့တွေဆီကိုပါ ကျမခြေဆန့်ခဲ့ပါတယ်.. အိုင်ဒီယာတွေ.. အကျိုးပြုတွေ.. ရသတွေ.. ဒါတွေအားလုံးဟာ ဝါသနာရှင်တွေက ရေးထားတာပါ..
ကျမမှာလဲဒီလိုလုပ်ဖို့အခွင့်အရေးရှိတယ်လို့တွေးမိတယ်.. ကျမပြစ်ထားမိတဲ့ အချိန်အတိုင်းအတာအတွင်းမှာ ဘလော့လောကကြီး ဒီလောက်ပြောင်းလဲသွားခဲ့တယ်ဆိုတာ..
"Alice in the wonder land" ရောက်နေသလို.. ယောင်လည်လည်နဲ့အံ့မခန်းပါပဲ....
အရင်ကဘာရေးရမှန်းတောင်မသိတဲ့ကျမကို ဒါတွေရေးလို့ရပါလားဆိုပြီးမျက်စိဖွင့်ပေးခဲ့တယ်..
နောက်တော့လင်းလက်ကြယ်စင်ဘလော့ ဘေးက မြန်မာဘလော့လုပ်ချင်ရင်ဆိုတဲ့လင့်လေးကနေ..
ကိုမောင်လှ.. ကိုညီလင်းဆက်.. တို့ဘလော့မှာသွားလေ့လာခဲ့ပါတယ်..
မြန်မာစာလုံးလေး ဘလော့ပေါ်မှာ မြင်ရဖို့တောင် တော်တော်လေးကြိုးစားလုပ်ယူခဲ့ရတယ်..
နောက်ဆုံး သိချင်သမျှကို ရှင်းရှင်းလင်းလင်းနဲ့တနေရာထဲမှာရနိုင်တဲ့ ကိုရန်အောင်ရဲ့ " မြန်မာဘလော့ဂါ helpdesk" ကိုတွေ့လိုက်ရတော့ရတနာသိုက်တွေ့လိုက်ရသလိုပါပဲ..
မသိတာရှိရင်လဲ Cbox မှာမေးခဲ့လို့ရသေးတယ်.. တော်တော်အသုံးဝင်ပါတယ်...
မဗေဒါရဲ့ သင်ဆရာ မြင်ဆရာ ကြားဆရာဘလော့ဂါသူငယ်ချင်းများအားလုံးကို ကျေးဇူးတင်ရှိကြောင်း...............


ဗေဒါ ဘာကြောင့်ဘလော့ရေးသလဲ...


ဒီအကြောင်းကိုပြောမယ်ဆိုရင်တော့.. ရှင်းပါတယ်.. မဗေဒါ သိတ်ဟန်မဆောင်တတ်ပါဘူး.. အထူးသဖြင့် ကြည့်မရတဲ့သူ.. မုန်တဲ့သူတွေဆိုရင်ပိုဆိုးပါတယ်..
ဟန်ဆောင်ပြုံးပြရမှာတောင်ဝန်လေးတတ်သူပါ.. ခုအသက်ကြီးလာတာနဲ့အမျှ လူမှုဆက်ဆံရေးမှာ တော်တော်လေးအားနည်းနေတာ ကိုယ့်ကိုကိုယ်တွေ့ရတယ်..
ပြီးတော့ကိုယ့်ကို တစ်စုံတစ်ယောက်ကလိမ်နေတာသိရင်လဲ မပြောပဲမနေနိုင်ဘူး.. မျက်နှာချင်းဆိုင်ရှင်းချင်တဲ့ လူမိုက်အလုပ်မျိုးသိပ်လုပ်ဖြစ်ပါတယ်..
ဒီတော့ကာ စစချင်း မဗေဒါဘလော့ကို ရေးမယ်ဆိုတုံးက စိတ်ကူးထဲမှာ ဘာရှိလဲဆိုတော့..... အပြင်လောကမှာ မဗေဒါ မကျေနပ်သမျှတွေ.. မကျေနပ်တဲ့သူတွေအကြောင်းတွေ.. ကိုယ်ကခင်သလောက် ကိုယ့်အပေါ်ပြန်မကောင်းတဲ့ သူငယ်ချင်းတွေ.. သစ္စာမရှိတဲ့ ချစ်သူအကြောင်းတွေ.. စသည်ဖြင့်
မဗေဒါ မကျေနပ်ချက်တွေအကုန်လုံးကို ဒီပေါ်မှာပေါက်ကွဲမယ် ဆိုတဲ့စိတ်ကူးနဲ့ပါ.. ဘလော့လောကမှာ ဒီလိုသူငယ်ချင်းတွေရနိုင်တယ်ဆိုတာ အဲဒိတုန်းကမသိသေးဘူးလေ...
မဗေဒါနဲ့ အပြင်မှာသိတဲ့သူတွေ အကုန်လုံးကို မပြောပြပဲနေမယ်ပေါ့.. အဲဒါကြောင့်လဲ "မဗေဒါရဲ့လျှို့ဝှက်ချက်" လို့ အမည်လေးကို ပေးဖြစ်ခဲ့တယ်..

ဒါပေမဲ့ မဗေဒါ ခုတော့ ရည်ရွယ်ချက်နဲနဲပြောင်းလာပြီ.. ဘလော့ရေးတော့ သူများတွေလာဖတ်ကြတယ်.. ကွန်မန့်လေးတွေ ဆီပုံးက မတ်စေ့ခ်ျလေးတွေ မြင်ရင်ပျော်တယ်..
ကိုယ့်ဘလော့လေးကို လာလည်တဲ့သူတွေကို မဗေဒါ့ မကျေနပ်ချက်တွေတင် မကပဲ.. သူတို့ကြိုက်နှစ်သက်ရာ ဖတ်သွားလို့ရအောင်.. မဗေဒါလဲ ရေးရတာဝါသနာပါတဲ့.. ပိုစ့်မျိုးလေးတွေ ရေးဖြစ်လာတယ်.. စာလာဖတ်တဲ့သူတွေကို တစ်ခုခုတော့ပေးချင်တယ်.. တသက်နဲ့တကိုယ် ကိုယ့်ကိုကိုယ်မထင်ထားတဲ့ ဝတ္တုရေးခြင်းဆိုတာကိုလဲ ခုမှစလုပ်ဖြစ်တယ်.. အမှန်အတိုင်း ဝန်ခံရရင် မဗေဒါ ဝတ္တု ၁အုပ်ကို အစအဆုံးတစ်ခါမှမဖတ်ဖူးဘူး.. အထူးသဖြင့် ဖေဖေက ငယ်ငယ်ထဲကတားမြစ်ထားတဲ့ အချစ်ဝတ္တုတွေဆို လုံးဝ မဖတ်ဖူးဘူး.. တစ်ခါတစ်လေတော့ မဂ္ဂဇင်းထဲက ဝတ္တုတိုလေးတွေ ရုပ်ပြကာတွန်းတွေနဲ့ အိမ်မှာရှိတဲ့ စုံထောက်ဝတ္တုတွေ နဲနဲကြီးလာတော့ ဖေမြင့်စာအုပ်တွေပဲ ဟိုစပ်စပ် ဒီစပ်စပ်ဖတ်ဖြစ်ပါတယ်.. စာဖတ်ခြင်းဆိုတာကို ဝါသနာမပါပင်မဲ့ အမုန်းကြီးလဲမဟုတ်ပါဘူး.. ကိုယ့်ကို တကယ်စွဲဆောင်ပြီးရေးနိုင်တယ်ဆိုရင်တော့ တကယ်သေချာဖတ်ပါတယ်.. ဖတ်ပြီးရင်လဲ ထပ်ခါထပ်ခါပြန်တွေးပါတယ်..
အပေါ်မှာပြောခဲ့သလို မဗေဒါဟာ စာဖတ်အားနည်းတဲ့သူဖြစ်တဲ့အတွက် အမှားအယွင်းရှိရင်ပဲဖြစ်ဖြစ်... အရေးအသားညံ့နေသေးရင်ပဲဖြစ်ဖြစ်...
စာဖတ်သူအားလုံးဗွေမယူကြပါစေလိုကြောင်း ကြိုတင်တောင်းပန်ထားပါရစေ... ပိုကောင်းလာနိုင်အောင်တော့ ကြိုးစားသွားမှာပါ...

ဘာကြောင့်ဒီပိုစ့်ကို ရေးဖြစ်သလဲ..


အပေါ်မှာပြောခဲ့တဲ့အတိုင်း... မဗေဒါ အပြင်မှာမကျေနပ်ချက်တွေကို အိတ်သွန်ပါမယ်ဆိုမှ... အရင်ဆုံး အိမ်မှာဘလော့ရေးတော့.. မိသားစုကစပြီးသိပါတယ်..
နောက် အရင်ကတော့ ရည်းစားကိုတော့ ဘာမှမဖုံးထားချင်လို့ပြောပြခဲ့ပါတယ်.. (မှတ်ချက်.. ခုတော့ ထိုရည်းစားမရှိတော့ပါ..) နောက်တော့.. ဘယ်လိုကဘယ်လို အရင်အလုပ်က လုပ်ဖော်ကိုင်ဖက် အကိုကြီးက တွေ့သွားလဲမသိပါဘူး... သူကနေတဆင့် အရင်အလုပ်ကသူငယ်ချင်းတွေသိသွားပါတယ်..
အခုအလုပ်မှာလဲ အလုပ်ကနေပိုစ့်ရေးရင် တွေ့ကြတော့ သူတို့လဲသိသွားပါတယ်.. အပြင်သူငယ်ချင်းတစ်ယောက်ကလဲ သူ့ဘာသူမျက်စိလည်လမ်းမှားပြီး ကျမဘလော့ကိုရှာတွေ့ခဲ့ပြန်တယ်.. ခက်တာကလဲ ဒီဘလော့ account လေးကိုဖွင့်ခါစက တစ်ခြားနေရာတွေမှာလဲ သုံးဖြစ်ခဲ့တဲ့.. ဒီမဗေဒါဆိုတဲ့နစ်လေးကို အပြင်သူငယ်ချင်းတော်တော်များများက ကျမမှန်းသိပါတယ်.. ဒီတော့.. "မဗေဒါရဲ့လျှို့ဝှက်ချက်" ဘလော့လေးက လျှို့ဝှက်ချက်မဟုတ်တော့ပါဘူး..
ခုဆို မဗေဒါ စိတ်ထဲမှာ မကျေနပ်တာရှိရင်တောင် ရေးချလို့မဖြစ်တော့ပါဘူး... ခုတလော "မဗေဒါရဲ့လျှို့ဝှက်ချက်" ကို နာမည်ပြောင်းဖို့စဉ်းစားနေပါတယ်..
လျှို့ဝှက်လို့လဲ မရတော့ဘူးဆိုတာသိပါတယ်... ဒါပေမဲ့ ဒိထက်ကောင်းတဲ့ခေါင်းစဉ်လဲ ခေါင်းထဲပေါ်မလာသေးပါဘူး..
ဒီတော့ ဒီခေါင်းစဉ်လေးကိုပဲ ဆက်လက်သုံးစွဲသွားမည်ဖြစ်ကြောင်း... သို့သော် မဗေဒါရဲ့လျှို့ဝှက်ချက်စစ်စစ်များမဟုတ်ကြောင်း...
ဒီပိုစ့်လေးရေးပြီး အသိပေးလိုက်ပါတယ်..

အားလုံးကျန်းမာ ရွှင်လန်းကြပါစေ...

Friday, May 23, 2008

နှင်းစက်ခြေရာ (၂)




ခြေရာ (၄)
"ဟဲ့ .. ငရဲ.. ပြီးခဲ့တဲ့အပတ်က ငါ့အစ်မကို တွေ့လိုက်လား.." နွေနှင်း ပြုံးစိစိနှင့် ရဲသွေးကိုမေးလိုက်သည်..

"အေး.. တွေ့တယ်ဟ.. နင့်အစ်မကနင်နဲ့ တခြားစီပဲ.. ရိုးရိုးအေးအေးလေး..မိုက်တယ်.. နင်များ.... မျက်စိကိုနောက်နေတာပဲ.."

နွေနှင်းကျိတ်၍ရယ်မိသည်.. ဒါပေမဲ့ သူမကို အမြဲ မျက်စိနောက်စရာကောင်းသည်.. ပြာကလပ်စိန်ဖြစ်နေသည်..ဆိုပြီး အကောင်းမပြောတတ်သော ရဲသွေးကို မကျေနပ်ဖြစ်မိသည်..
("ငါ့ကို အမြဲ မကောင်းပြောတဲ့ငရဲ သိမယ်.. သေဖို့သာပြင်.. ငါက နင့်ကိုသနားလို့ပြောပြမလို့.. ခုတော့ မပြောချင်တော့ဘူး..") နွေနှင်းစိတ်ထဲမှ ကြုံးဝါးလိုက်သည်..
ထိုအခိုက်ရုတ်တရက်.. ရဲသွေးမှ

"နင့်လက်ကိုပြစမ်း..."

နွေနှင်းသိလိုက်သည်.. သူမလက်တွင် အမြဲဝတ်ထားလေ့ရှိသော ကျောက်စိမ်းနှင့်ရွှေလက်စွပ်ကို ကြာသပတေးနေ့ကချွတ်ရန်သူမမေ့နေခဲ့သည်... နွေနှင်းလက်ကို နောက်တွင်ဝှက်ထားပြီး...

"ဘာလုပ်မလို့လဲ... "

"ခဏကြည့်မလို့ပါ.. ခဏပြပါ..."

နွေနှင်းအခက်တွေ့ရသည်.. သူမစထားသောကိစ္စကို သူမပြောပြလိုက်မှသိစေချင်သည်... သူဖော်လိုက်၍ သိလျှင် သူမသိက္ခာ ကျသည်.. ("ဘာလုပ်ရင်ကောင်းမလဲ.. ငါဘာလုပ်ရင်ကောင်းမလဲ...")
ရဲသွေးကလဲ...
"ပြလေဟာ.. ဟား ဟား.. နင်ငါ့ကိုနောက်နေတာမှတ်လား.. နင့်အစ်မဆိုတာမရှိဘူးမှတ်လား.. "

("ငါဘာပြောရင်ကောင်းမလဲ...ဟာ.. အကြံရပြီ.. ၁ချက်ခုတ် ၂ချက်ပြက် အကြံရပြီ..")

နွေနှင်းသူမလက်ကို ရဲရဲတင်းတင်း ထုတ်ပြလိုက်သည်..

"ဒီမှာ.. ဒီမှာ..အဲဒါဘာဖြစ်လဲ.. ငါ့လက်နဲ့ငါ့အစ်မ ကိစ္စနဲ့ဘာဆိုင်လို့လဲ.. နင့်ပဲငါက အားအားရှိစရအုံးမယ်.." နွေနှင်း ပါးစပ်မှ ရန်တွေ့ရင်းခပ်တည်တည်ပြောလိုက်သည်...

"ဟား... ဟား... ဒီမှာလေ နင့်လက်စွပ် ကြာသပတေးနေ့ကလဲ ဒီလက်စွပ်ကြီးနဲ့ပဲ.. အဲဒိနေ့ကလဲ နင်ပဲမှတ်လား.."

"အန်... ဟား ဟား.. လက်စွပ်နဲ့များဟာ.. ဒီလိုဟ.. ငါနဲ့ငါ့အစ်မနဲ့ကို ငယ်ငယ်လေးထဲက ချူချာလို့ ကျောက်စိမ်းဆောင်ရမယ်ဆိုလို့ ဆင်တူဝတ်ထားတာဟ.. အမွှာပဲဟာ.. ဆင်တူရှိတာဆန်းလား.. အင်္ကျိဆိုလဲ ငါတို့ ၂ယောက်လုံးမှာဆင်တူရှိတယ်.. သူက ဒိုက်ကောဆိုတော့ ငါ့လိုလှအောင်မ၀တ်တတ်ဘူး.. အဖွားကြီးကိုက်..." နောက်နေ့များတွင် အင်္ကျိမထပ်အောင်ဝတ်ရန် နွေနှင်းရုပ်ရှင်မင်းသမီးမဟုတ်.. အဲဒိအတွက်ပါကြိုတင်ပြောထားရမည်...

ရဲသွေးခဏတာ တွေဝေသွားသည်.. "ဒါဆို သူ့နာမည်ဘယ်လိုခေါ်လဲ.. နင်တို့၂ယောက်တွဲရိုက်ထားတဲ့ဓာတ်ပုံပြ.."

ရဲသွေး နာမည်မေးမည်ဆိုသည်ကို ကြိုတင်တွက်ထားပြီးဖြစ်သော နွေနှင်းအတွက် သိပ်မခက်ခဲပါ..

"လူကိုမယုံသင်ကာနဲ့.. အားလုံးပြောပြမယ်... ထပ်မမေးနဲ့.. ငါ့အစ်မနာမည်က မေနှင်း.. ၅မိနစ်ပဲခြားတာ.. ငါတို့၂ယောက်ကအရမ်းတူတာ.. အိမ်သားကလွဲပြီး ကျန်တဲ့သူသိပ်မခွဲတတ်ဘူး.."

နွေနှင်း ကြိုတင်စဉ်းစားပြီးသားများကို ဟန်ပါပါပြောပြလိုက်သည်..
ရဲသွေးက ယုံတ၀က် မယုံတ၀က်မျက်လုံးနှင့်ကြည့်သည်..

"နင်ကသိပ်ယုံရတာမဟုတ်ဘူး.. စစခင်ခြင်းထဲက ငါ့ကိုဖောနေတာ.. "

ရဲသွေးခုလိုပြောလိုက်တော့... နွေနှင်းမလုံမလဲဖြစ်သွားသည်.. ရဲသွေးကို ပို၍ယုံစေချင်လာသည်.. မခံချင်စိတ်ဖြင့် နွေနှင်းပါးစပ်မှလွှတ်ခနဲထွက်သွားသည်..

"မယုံဘူးလား.. ငါနဲ့ငါ့အစ်မနဲ့က basic တန်းတုံးက တူတူတတ်ဖူးတယ်.. ခုအတန်းကျမှ သူက ကြာသပတေးပဲ အားလို့၂ယောက်အလှည့်နဲ့တတ်တာ.. မယုံရင်ဆရာမကိုမေးကြည့်ပါလား.. ဆရာမအတန်းကိုတတ်ခဲ့တာပဲ.. "

"အေး.. မေးမယ်.. မယုံဘူး.. အတန်းပြီးရင်သွားမေးမယ်.."

"သွားမေးပေ့ါ..နင်မယုံရင်.." ခပ်ပျော်ပျော်စနောက်တတ်သော ကိုယ့်ဆရာမအကြောင်း နွေနှင်းကောင်းကောင်းသိသည်..

အတန်းဆင်းတော့ အတန်းသားများအားလုံးကုန်အောင် ရဲသွေးစောင့်နေပြီး.. ဆရာမဆီသွားကာ..

" Teacher Teacher... နွေနှင်းမှာအမွှာအစ်မရှိတယ်ဆို? အဲဒါဟုတ်လား...?" ရဲသွေးအဲလိုမေးလိုက်တော့ ဆရာမကလဲကြောင်ကြည့်နေပြီး..

"ဘာလဲသား... ဘာကိုပြောတာလဲ".. ဆရာမထိတကယ်မေးလိမ့်မည်ဟု ကြိုမတွက်ထားမိ၍ တိုင်ပင်ကိုက်မထားမိသောကြောင့် နွေနှင်းအခက်တွေ့နေရပြီ...
("အကြံရပြီ...!")..

နွေနှင်း ရဲသွေးနောက်မှကပ်လိုက်သွားပြီး.. ဆရာမနားမရောက်ခင်ခပ်လှမ်းလှမ်းမှ..

"တီချယ်ရေ..အဲမှာငရဲကသမီးမှာ အမွှာအစ်မရှိတာမယုံဘူးတဲ့.. မေနှင်းလေ.. သမီးအမလေ.. basic တန်းတုန်းကတောင် သမီးနဲ့တူတူတီချယ်အတန်းပဲတက်ခဲ့တာလေ..." စကားပြောရင်း ဆရာမကို information အကုန်ပေးလိုက်သည်..

ရဲသွေးနောက်ကျောပေးထား၍ ဆရာမကိုအချက်ပြမျက်စိမှိတ်ပြလိုက်သည်.. ဆရာမသဘောပေါက်သွားပုံရသည်.. ပြီးနောက် စိတ်ချရလောက်သောအခြေအနေရှိပြီဖြစ်၍...
နွေနှင်းလဲ...

"ငါရှိနေရင်နင်မယုံမှာစိုးလို့.. သွားတော့မယ်.. မယုံရင်နင့်ဟာနင်ပဲဆရာမကိုမေးလိုက်တော့.."

ပြောရင်းဆိုရင်းရဲသွေးကိုကျော်တက်ကာနွေနှင်းအတန်းပြင်ထွက်သွားသည်..အတန်းထောင့် နားပြန်ကပ်၍နားထောင်လိုက်ရာ...ဆရာမ၏ "ဟုတ်တယ်..သားရဲ့....." ဆိုတဲ့ထောက်ခံသံကိုကြားလိုက်ရပြီးနောက်.. နွေနှင်းပြုံးစိစိဖြင့်အိမ်ပြန်လာခဲ့သည်.. လာမည့်ကြာသပတေးနေ့တွင်လဲမေမေ့ထမိန်ငှားဝတ်ရအုံးမည်...
ဆံပင်အရှည်အတိုကိုသိမည်စိုး၍ဖြန့်ထားနေကျဆံပင်ကိုခေါက်တင်ရမည်..
ဒီတခါလက်စွပ်လိုသတိမမေ့အောင်သေချာသတိထားရမည်..အတွေးပေါင်းစုံဖြင့်နွေနှင်းကျိတ်ဝမ်းသာနေသည်..
("နောက်နေ့မှဆရာမဘာတွေပြောလိုက်လဲဆိုတာပြန်မေးရမယ်...")...............
----------------------------- ။ ---------------------------------

ခြေရာ (၅)



ထိုနေမှစ၍ ရဲသွေးအတော်လေးယုံသွားသည်.. နွေနှင်းကို၂ယောက်တွဲရိုက်ထားသော ဓာတ်ပုံတောင်းရုံမှလွဲ၍ သူအကြွင်းမဲ့ယုံသည်ဆိုသည်ကို နွေနှင်းမှန်းလို့ရသည်...
"ဓာတ်ပုံလား.. ပြမယ်.. ဒီနေ့ မေ့ကျန်ခဲ့လို့... "
အမှန်တော့ နွေနှင်းသူ့ကိုဒီလောက်ကြာကြာ စဖို့စိတ်ကူးမရှိ... ဒီလောက်သူယုံလိမ့်မည်ဟုလဲမထင်.. အဘယ့်ကြောင့်ဆိုသော်.. နွေနှင်း၏စကားများတတ်သောအကျင့်ကို သူသေချာကြည့်လျှင်တွေ့နိုင်သည်... နွေနှင်းအတွက် ကြာသပတေးနေ့တွင် ပုံမှန်ထက်ထူးခြားလုပ်ရခြင်းဟူ၍ လုံချည်ဝတ်.. ဆံပင်စည်းကာ အတန်းတွင်းရောက်လျှင် သူ့ကိုစကားမပြောပဲ မသိချင်ယောင်ဆောင်နေရုံပင်ဖြစ်သည်..
နွေနှင်းအတွက် သိသိသာသာမပြောင်းလဲသော်လဲ.. ကြာသပတေးနေ့များတွင် ရဲသွေးတစ်ယောက် သာမန်ထက်ပို၍ သပ်သပ်ရပ်ရပ်ဝတ်စားလာတတ်သည်ကိုတော့ တဖြည်းဖြည်းသတိထားမိလာသည်.. တနလာင်္ အင်္ဂါ ဗုဒ္ဓဟူးနေ့များတွင် နွေနှင်းအား မေနှင်းအကြောင်းများမေးတတ်သည်..



တခါတရံ စသလို နောက်သလိုဖြင့် မေနှင်းကို သူသဘောကျသည် အောင်သွယ်ပေးရန်ပြောတတ်သည်.. ထိုသို့ပြောတိုင်း နွေနှင်း သူ့ကို စကားကောင်းကောင်းမပြောချင်.. သူမေးဖန်များလာတော့ နွေနှင်းစိတ်ရှုပ်လာသည်..

"မေနှင်းလား.. သေပြီ..." ဟုဘုပြန်တောတတ်သည်..

အိမ်ကို ဖုန်းဆက်တိုင်းလဲ.. နွေနှင်းနဲ့ဖုန်းပြောတိုင်း မေနှင်းဘာလုပ်နေလဲဟုမေးတတ်သည်..
မေးတိုင်းလဲ..
"မေနှင်းလင်နောက်လိုက်သွားပြီဟာ.. မမေးနဲ့တော့.. ရှိတော့ဘူး.. ငါ့ကိုခင်လိုဆက်တာမှမဟုတ်တာ.. သူ့အကြောင်းသိချင်လို့ ဆက်ရင် နောက်.. ငါ့ဆီဖုန်းမဆက်နဲ့"

"နင်ဟာလေ.. မိန်းကလေးဖြစ်ပြီး နင့်အစ်မလို သိမ်သိမ်မွေ့မွေ့ ကိုမရှိဘူး.. " ဟု နှိုင်းယှဉ်ပြီး အပြစ်ပြန်ပြောတတ်သည်..

တခါကတော့ သူပြောတာကို နားညီးလွန်း၍ အိမ်ကို အလည်ရောက်နေသော ညီမတ၀မ်းကွဲနှင့် မေနှင်းဆိုပြီးဖုန်းပြောခိုင်းလိုက်ရသည်..
ညီမလေးကို ဘာပြောလဲလို့မေးကြည့်တော့.. ဘာမှမပြောဘူး.. နွေနှင်းနောက်နေတာ..ဘာမှမဟုတ်ဘူးဆိုပြီး.. ငြိမ်နေတယ်ဟုပြောသည်..
သို့သော် ရဲသွေး မေနှင်းအကြောင်းကို မေးတိုင်း နွေနှင်းစိတ်ထဲတွင် ကသိကအောင့်ဖြင့် မနာလိုစိတ်လိုလိုဖြစ်မိသည်.. သူမထက် သူမဖန်တီးထားသော မေနှင်းကိုပို၍ စိတ်ဝင်စားနေသော ရဲသွေးကိုလဲမကျေနပ်ဖြစ်မိသည်..
မေနှင်းအနေဖြင့်လာသောနေ့များတွင် ရဲသွေး၏ အကြည့်များကို ကျိတ်၍ကျေနပ်မိသည်.. ထိုနေ့များတွင် သူနှင့်တခါတရံ စကားပြောရန်ကျလျှင် သူ၏ ရှက်သလိုလိုဖြစ်နေသောပုံကို နွေနှင်းသဘောကျမိသည်.. နွေနှင်းအဖြစ်လာလျှင် သူ၏ သာမန်ပုံစံကို ကောင်းကောင်းသိထားသော နွေနှင်းအဖို့ မေနှင်းနှင့်သူစကားပြောလျှင် သူ၏ပြောင်းလဲမှုများကို ကောင်းကောင်းသတိထားမိသည်..
မေနှင်းကို သူမအားကျသည်.. မနာလိုဖြစ်သည်..

("မေနှင်းဆိုတာလဲ ငါပဲ.. နွေနှင်းဆိုတာလဲ ငါပဲ.. မေနှင်းကိုကြည့်တာလဲငါ့ကို ကြည့်တာနဲ့တူတူပဲလေ") လို့ ကိုယ့်ကိုကိုယ် စိတ်ဖြေပြီးတွေးမိတိုင်း ရှက်လဲရှက်သည်.. သိမ်ငယ်စိတ်လဲ ဖြစ်မိသည်..

မေနှင်းကို ကြည့်သော အကြည့်မျိုးကို နွေနှင်းအနေဖြင့် အကြည့်ခံချင်လာသည်..
တခါတရံ.. ကြာသပတေးနေ့တွင် မေနှင်းကဲ့သို့ ၀တ်ဆင်လာပြီး.. ရဲသွေးနှင့် လှေကားအတက်၌ ဆုံလျှင် ရဲသွေးက နှုတ်မဆက်ပဲတက်သွားတတ်သည်..
သို့သော် နွေနှင်းစိတ်ထဲမှ ရဲသွေးထူးခြားနေသည်ကို ခံစားလို့ရသည်.. အရင်က ရဲသွေးကို ယောင်္ကျားတစ်ယောက်အဖြစ် ထိုကဲ့သို့ နွေနှင်းမခံစားဖူး..
တချို့ ကြာသပတေးနေ့တွင် ရဲသွေး ၀တ်ကောင်းစားလှဝတ်လာလျှင် အမြင်ကပ်ကပ်ဖြင့်...

" ဟဲ့.. ငရဲ.. ငါ့ကိုတောင်မခေါ်ဘူး.. နင်က ဘာဖြစ်နေတာလဲ.. "

"ဟာ.. နွေနှင်း ငါက နင့်အစ်မမှတ်လို့.. နင်က ဘယ်လိုဖြစ်ပြီး လုံချည်နဲ့.. ဆံပင်တွေဘာတွေ စည်းလာတာလဲ.. ဒီနေ့ကြာသပတေးလေ.. နင့်အစ်မမလာဘူးလား " ပြောရင်း နောက်ကို မျှော်လင့်တကြီး ရှာနေသည်..

" ငါ့အစ်မ မအားလို့.. ငါပဲလာတာ.. တမင်နင့်ကိုနောက်ချင်လို့ ဒီလိုဝတ်လာတာ.. ဘာလဲ ငါလာတာများတော်တော်စိတ်ပျက်သွားတဲ့ပုံနဲ့ "

"အေးဟာ.. နင့်တွေ့ရတာ တော်တော်စိတ်ပျက်တယ်.. ဟား.. ဟား... ငါ့မှာ ၄ရက်မှာ ၁ရက်ပဲ သူ့ကိုတွေ့ရတာ.. ဒီမျက်နှာကြီးမမြင်ချင်ပါဘူး.. "

"သေနာ.. မမြင်ချင်လဲ သေလိုက်ဟာ.. " ဟုနွေနှင်းပြောပြီး ခြေစောင့်ကာ ရဲသွေးအားတွန်း၍ လှေကားကို ပြေးတက်သွားသည်..

ရဲသွေးကို ဟန်ဆောင်ပြန် ရန်တွေ့လိုက်သော်လဲ နွေနှင်း စိတ်ထဲတွင် ၀မ်းနည်းမိသည်..
အမှန်အတိုင်းပြောပြလိုက်ချင်သည်.. သူမပြောပြလိုက်လို့.. နောက်ဆို ၄ရက် ၁ခါတောင် ရဲသွေးရဲ့ အကြည့်နွေးနွေးတွေကို မရမှာ စိုးရိမ်မိသည်.. ရဲသွေးစိတ်ဆိုးမှာလဲ စိုးသည်.. ရဲသွေးစနောက်ကာပြောသောစကားထဲတွင် မေနှင်းကို တွေ့ချင်တာ အမှန်ဆိုတာကို သူမခံစားလို့ရသည်..
သူမ၏ ရန်တွေ့လိုက်သော စကားတွင် သိမ်ငယ်စိတ်နှင့် မနာလိုစိတ်ပါနေသည်ဆိုတာကိုရော ရဲသွေးမှ သိပါလေစ...

-------------------------------- ။ ---------------------------------------
ခြေရာ (၆)

ဒီနေ့ နွေနှင်းစိတ်တွေလေးနေသည်.. အကြောင်းရာ တခုခုကို သူမ လေးလေးနက်နက်ဆုံးဖြတ်ရတော့မည်.. ဒီနေ့ သင်တန်းနောက်ဆုံးနေ့... ကြာသပတေးနေ့.. ဘာလိုလိုနဲ့ မေနှင်းဆိုသည့် စိတ်ကူးယဉ်လူသားတစ်ယောက် ရှိခဲ့သည်မှာ ၂လနီးပါးရှိခဲ့ပြီ...
မေမေ့ဘီရိုကို ဖွင့်ရမလား.. သူမဘီရိုကိုပဲဖွင့်ရမလား.. သူမစိတ်ထဲတွင်တော့ သူမကို နွေနှင်းအနေဖြင့်သာ လက်ခံစေချင်သည်မှာ အမှန်တကယ်..
နွေနှင်း အနေဖြင့် သင်တန်းနောက်ဆုံးနေ့တွင် ရဲသွေးရဲ့ အကြည့်နွေးနွေးတွေကို လိုချင်မိသည်.. ရဲသွေးကို မေနှင်းနှင့်ပတ်သတ်၍ ပြောရသည့်အချိန်တိုင်း၌ အပြစ်ရှိသလိုခံစားရသည်.. ကသိကအောင့်ဖြစ်မိသည်.. သူမ ၏ အချစ်ပြိုင်ဘက်သည်.. သူမကိုယ်တိုင်ဖြစ်နေအောင်.. သူမကိုယ်တိုင်ပင် ဖန်တီးခဲ့ခြင်းအတွက်.. သူမကိုသူမပဲ အပြစ်တင်မိသည်..

("နင့် နှလုံးသားပေါ်က နှင်းစက်တစ်ခုရဲ့ ခြေရာကောက်ကြောင်းအတိုင်း နင်လိုက်လာလို့ အဆုံးမှာ ငါ ရှိနေတယ်ဆိုရင် နင်လက်ခံမှာလား ငရဲ ရယ်")....



သူမဗီရိုကိုဖွင့်လိုက်သည်.. အင်္ကျီတစ်ထည်ကိုယူဝတ်လိုက်သည်.. သူမ စထားမိသော ဇာတ်လမ်းအတွက် အကျိူးဆက်ကို သူမရဲရဲခံယူဝံ့ရမည်... သူမ၏ တွေဝေမှုတွေကြောင့် သင်တန်းဆင်းပွဲအထိတောင် ရောက်ခဲ့ရပြီ.. ရဲသွေး၏ ခံစားချက်ကိုနားလည်သည်.. သူမ၏ အတ္တတစ်ခုကြောင့် ရဲသွေး၏ မေနှင်းစွဲလမ်းမှုရောဂါပိုဆိုးလာမည်ကို မလိုလား... ထို့အတွက် ဒီနေ့ သူမရဲသွေး၏ ဆုံးဖြတ်ချက်ကို ကျေနပ်စွာလက်ခံရမည်.. မျှော်လင့်ချက်ဖြင့် သူမ အကောင်းဘက်က တွေးရင်း.. ကိုယ့်ကိုကိုယ်အားပေးမိသည်...
(" မေနှင်းနဲ့ ငါနဲ့ကတကယ်တော့တူတူပဲဟာ.. သူသိသွားရင်လဲ.. ........ဟင်းးးးးး")

ဗိုလ်ကလေးဈေးလမ်းကို ချိုးဝင်လိုက်တယ်ဆိုရင်ပဲ.. တီရှပ်အင်္ကျီ အဖြူ နှင့် ပုဆိုးကို သပ်သပ်ရပ်ရပ်ဝတ်ကာ Y.E.S တိုက်အောက်တွင် ရပ်နေသော ရဲသွေးကို တွေ့လိုက်ရသည်.. သူ နွေနှင်းကို မြင်တော့ ပုံမှန်းအတိုင်း ရီ၍လက်ပြသည်..
"နင်လာတာနောက်ကျတယ်နော်.. ငါက နင်မလာဘူးမှတ်နေတာ.. သင်တန်းနောက်ဆုံးနေ့လေးတော့ ၂ယောက်တူတူလာတာဟုတ်ဘူး"

"အေး..နဲနဲနောက်ကျသွားတယ်.." နွေနှင်း အားအင်တွေယုတ်လျော့နေသည် ဘယ်ကဘယ်လို စပြောရမှန်းမသိ...

"ငါ.. ငါ... နင့်ကိုပြောစရာရှိတယ်.. နင်စိတ်မဆိုးစေချင်ဘူး".. နွေနှင်း ထစ်ထစ်အအ ဖြင့်စကားစလိုက်သည်..

"အေး.. ပြောစရာရှိနောက်မှပြော.. ငါလည်း ဒီနေ့ ကိစ္စတစ်ခုကို သေချာသိပြီးရင် လုပ်စရာရှိတယ်.. ခုတော့ အတန်းနောက်ကျနေပြီ.. သွားမယ်လာ.. "

နွေနှင်းပြောမထွက်ခဲ့... သူ့နောက်မှ ခေါင်းငိုက်စိုက်ဖြင့်လိုက်သွားသည်.. အတန်းနောက်ဆုံးနေ့ဖြစ်၍ ဂိမ်းများ ကစားကြ ပစ္စည်းများလဲကြဖြင့်.. မပျော်နိုင်သူက နွေနှင်း.... အနည်းဆုံးတော့ သူငယ်ချင်းတစ်ယောက်မဆုံးရှုံးချင်...
သူမကို မေနှင်းကဲ့သို့ ခံစားချက်မျိုးဖြင့် လက်ခံမည်ဆိုက အတိုင်းထက် အလွန်ဝမ်းသာမိမည်..
သင်တန်းဆင်းပွဲအစပိုင်းတွင်သာ ရဲသွေးကို တွေ့လိုက်သည်.. ခဏနေတော့ သူ့ကို ရှာမတွေ့တော့.. နွေနှင်းလိုက်ရှာနေမိသည်..
နောက်ဆုံး အတန်းပြင် ဆရာမများနားနေရာနေရာ၌ ရဲသွေးကို ဆရာမနားကပ်၍ သဲကြီးမဲကြီး မေးနေသည်ကိုတွေ့လိုက်သည်..
ဆရာမလဲ အတန်းထဲက ထွက်လာသော နွေနှင်းကို မြင်လိုက်သည်နှင့်

"ကဲ.. သူ့ကိုသာမေးကြည့်လိုက်တော့ သားရေ.." နွေနှင်းဘက်လှည့်ကာ.. "သမီးရေ.. မေနှင်းတကယ်ရှိမရှိဆိုတာ.. "..
နွေနှင်းကြောက်သည်.. ဒါပေမဲ့ ပြောမှဖြစ်မည်.. သူမစိတ်ထဲ၌ ရှိနေတာတွေကို ရဲသွေးသိသွား၍ သူမကို အထင်သေးမည်စိုးသည်..
နွေနှင်း ဟတ်ဟတ်ပတ်ပတ် ရီချင်ယောင်ဆောင်လိုက်သည်..

"ဟား.. ဟား.. နင်ကလဲ.. ဘာများလဲလို့.. မေနှင်းဆိုတာဘယ်သူလဲ... သိတောင်မသိဘူး.. ဟား.. ဟား.. နင့်ကို ငါနောက်ထားတာ.. တကယ်ယုံတာကို.. တကယ်ကြီးကိုယုံတော့တာပဲ.. တုံးတာက.. နေပါအုံး.. ခုမှဘာလို့ဒီလောက်သေချာသိချင်နေတာလဲ"

ရဲသွေး ဘာမှပြန်မပြောနိုင် .. သူတော်တော်လေး ခံစားသွားရပုံများသည်.. နွေနှင်း စိတ်ထဲမှ ပြင်းပြင်းပြပြ တောင့်တနေမိသည်.. ရဲသွေးရဲ့ အကြည့်နွေးနွေး...
ရဲသွေး၏ စက်ဆုပ်မုန်းတီးမည့် မျက်လုံးမျိုးကို ရနိုင်သည်ကိုလဲ နွေနှင်းကြိုတွေးထားမိသည်.. ထိုတခဏတာသည် နွေနှင်းအတွက်တော့ မျှော်လင့်ခြင်းများနဲ့စောင့်စားနေရသည့် ရာစုနှစ်တခုကဲ့သို့ကြာသည်ထင်ရသည်..
သို့သော် သူမတွေ့လိုက်ရသည်က ရဲသွေး၏ စိတ်ပျက်အားလျော့သွားသော မျက်လုံး နဲ့.. သက်ပြင်းရှည်ကြီးတစ်ခုအဆုံး၌

"နင်ဟာ...... "

သူ နွေနှင်းကို ဘာမှဆက်မပြော ခေါင်းငိုက်စိုက်ဖြင့် ထထွက်သွားသည်.. နွေနှင်း ဘာပြောရမှန်းမသိ.. ဘယ်လိုအားပေးရမလဲမသိ..
ဆရာမက "သား.. ဒီမှာ သား စီဒီကျန်ခဲ့ပြီ.." သူ မကြားနိုင်တော့... နွေနှင်းကြည့်လိုက်တော့ စီဒီတချက်..
"သမီးလိုက်ပေးလိုက်မယ် တီချယ်.. "

"အင်း.. ဒီပေါ်မှာတော့ မေနှင်းအတွက်လို့ရေးထားတယ်.. ဒီတော့ သမီးအတွက်ပဲပေါ့.. စိတ်ဆိုးသွားတယ်ထင်တယ်.. သူငယ်ချင်းကို လိုက်ချော့လိုက်အုံး.."



ထိုနေ့က ရဲသွေးကို နွေနှင်းရှာမတွေ့တော့.. နောက်ရက်များတွင် ဖုန်းခေါ်သော်လဲ ရဲသွေးနှင့်မတွေ့.. သူခံစားရသလို နွေနှင်းလဲခံစားနေရသည်ဆိုသည်ကို သူကတော့မသိနိုင်.. နွေနှင်းက တော့ သူမအပြစ်နှင့်သူမ ၂ယောက်စာခံစားနေရသည်.. ရဲသွေး မေနှင်းအားပေးမည့် စီဒီထဲမှ သီချင်းများကို နားထောင်မိတိုင်း နွေနှင်းငိုမိသည်.. ရဲသွေးရဲ့ နှလုံးသားခံစားချက်များနှင့် မြတ်မြတ်နိုးနိုးချစ်၍ ရွေးထားသော သီချင်းတွေပါလားဟုတွေးမိတိုင်း နာကျင်မိသည်... ရိုးသားနုညံ့သော နှလုံးသားတစ်စုံကို မရည်ရွယ်ပဲ သူမ ပျောက်ကြားစစ်တိုက်သလိုဖြစ်ခဲ့သည်.. ထိုသို့ဆိုလျှင် ဤတိုက်ပွဲတွင်၂ဘက်လုံး စစ်ရှုံးခဲ့သည်.. စစ်ပွဲကို စတင်မိသော သူမသာလျှင် စစ်လျှော်ကြေးအနေဖြင့် သူငယ်ချင်းတစ်ယောက်ပါ ဆုံးရှုံးခဲ့ရသည်.. သူ ၏စိတ်ထဲ၌ မေနှင်းနေရာတွင် သူမအစားထိုးမ၀င်နိုင်မှန်း သူမ တဖြည်းဖြည်း ကောင်းကောင်းသဘောပေါက်လက်ခံလာသည်..

------------------------- ။ --------------------------
နောက်ဆုံး ခြေရာ (သို့) ခြေရာ (၇)




သူမ နေ့တိုင်း ရဲသွေးကို ဖုန်းခေါ်ခဲ့သည်မှာ.. ၁ ပတ်လောက်ပင်ရှိခဲ့ပြီ... ၁ရက် သူမဆီကို ဖုန်းလာသည်..
"ဟလို..."
"ဟာ... ငရဲ... နင်.. ငါ့ဆီနင်ဖုန်းဆက်တယ်??? ...ငါ့ကို စိတ်ဆိုးနေတာလား..?? ငါဟိုနေ့တွေတုံးက နင့်ဆီဆက်တယ်.. နင်နဲ့မတွေ့ဘူး.. ငါ့တောင်းပန်ပါတယ်ဟာ.. စိတ်မဆိုးနဲ့နော်... "
"ရပါတယ်ဟာ... စစချင်းတော့ စိတ်ဆိုးတာပေါ့ ခုတော့မဆိုးတော့ပါဘူး.. နင့်အပြစ်မှမဟုတ်တာ... ဒါပေမဲ့ဟာ.. နဲနဲတော့ခံစားရတာပေါ့.. ငါကိုက တုံးခဲ့တာပါ"
("အော်... မေနှင်းနဲ့ ပတ်သတ်တဲ့ကိစ္စက ငါ့အပြစ်မဟုတ်ဘူးတဲ့လား.. နင့်စိတ်ထဲမှာ ငါနဲ့ မေနှင်းဆိုတဲ့ ငါ့ကိုယ်ပွားက အဆင့်တော်တော်ကွာတယ်နော်... ငါက နင့်အတွက် စိတ်ဆိုးရလောက်အောင်တောင် အရေးမပါဘူးတဲ့လား ဟယ်..")
နွေနှင်း အသံကို ပုံမှန်အသံမျိုးထိန်းကာ....
"အဲလိုလဲ ဟုတ်ပါဘူးဟာ.. နင်မယုံလို့တောင် နောက်ဆုံးနေ့အထိ မေးနေသေးတာပဲ.. "

"ဒါတွေထားလိုက်ပါတော့ဟာ.. ငါ YES က IELTS အတန်းတက်မလို့.. နင်တက်အုံးမလား.. အဲဒါပြောမလို့.. "
ရဲသွေးခုလို သူမကို သင်တန်းတက်ရန်ခေါ်သောကြောင့် သူမ၀မ်းသာသည်.. အမှန်တော့ ရဲသွေးသည် သူမထင်ထားမိသည်ထက် ပို၍ တည်ကြည်သည် ယောင်္ကျားဆန်သည်.. သူမကို ခွင့်လွှတ်တဲ့အတွက် သူမ၀မ်းနည်းဝမ်းသာဖြစ်ရသည်.. ရဲသွေးနှင့် နောက်တစ်ခါ ဒီလိုအဖြစ်မခံနိုင်.. သူငယ်ချင်း သာလျှင် အဖြူစင် အခိုင်မြဲဆုံး ဆက်ဆံရေးဖြစ်သည်..
"အေး.. တက်မှာပေါ့... ဘယ်နေ့ဖွင့်မှာလဲ.. "

ထိုသို့ဖြင့် နောက်ထပ်သင်တန်းတစ်ခုတူတူတက်ဖြစ်ကျသည်... ရဲသွေး၏ အကြည့်နက်နက်တွေကိုတော့သူမဘယ်တော့မှပြန်မရတော့..
ရဲသွေး၏ စိတ်ထဲ၌ မေနှင်းဆိုသော ကောင်မလေး အမြဲစိုးမိုးနေသေးသည်ကို နွေနှင်းတခါတလေ စကားပြောကြည့်တိုင်းသိနေသည်..
"ဟဲ့.. ငါမနက်ဖြန်မနက် ငါ့သူငယ်ချင်းတွေနဲ့ဘုရားသွားချင်လို့်.. .. နင့် ကားအားရင် လိုက်ပို့ပါလား.. မုန့်ကျွေးမယ်လေ.. "
"အာ... ပို့ပေးပါဘူး ဟာ.. ငါမထနိုင်ဘူး"
"နင်နော်.. ငါ မေနှင်းအိုက်တင်နဲ့ နင့်ကို ပြောလိုက်ရမလား.. ဒါမှပို့ပေးမယ်ထင်တယ်.. " နွေနှင်း ရီ၍စလိုက်သည်..
ရဲသွေး မျက်နှာ ရုတ်တရက်ပျက်သွားပြီး... ခဏနေမှ ပြုံးကာ...
"အေးပါ... မေနှင်းဆိုလို့ကတော့ပြောစရာကိုမလိုဘူး.. အေး.. မေနှင်းပုံစံတော့မလုပ်နဲ့.. စိတ်မထိန်းနိုင်ရင် ဖတ်နမ်းပြစ်မှာ.. ကဲပါ လိုက်ပို့ပေးမယ်.. မေနှင်းဆိုတာကိုတော့ ထပ်မပြောနဲ့တော့.. မနက်ဖြန် ဖုန်းဆက်ပြီးနှိုးလိုက်.." သူပြောပြီး မျက်နှာလွှဲသွားသည်..

သူမ.... နှင်းစက်တစ်ခုဖန်တီးကာ ရဲသွေး၏ နှလုံးသားတွင်း၌ ခြေရာချန်ရစ်ခဲ့မိသည်..
ထိုနှင်းစက်ခြေရာများအတိုင်း လှမ်းလျှောက်လာခဲ့သော ရဲသွေးဆိုသည့် ကောင်လေး၏ ခြေရာများမှာလဲ သူမနှလုံးသားပေါ်တွင် ပျောက်ပျက်တော့မည်မဟုတ်... ၂ယောက်ထဲသာရှိသော ၃ ပွင့်ဆိုင်ဇာတ်လမ်းတွင် သူမ၏ ပြိုင်ဘက်သည် သူမကိုယ်တိုင်ဖြစ်နေပြီး.. ဤပြိုင်ပွဲကို သူမဘယ်တော့မှ ပြန်မနိုင်နိုင်တော့..
ရဲသွေး၏ ကြည်လင်သော အကြည့်တွေဖြင့်သာ.. သူမ ရိုးသားရောင့်ရဲစွာ ရင်ခုန်တော့မည်.....
ယခင်က ရဲသွေးကို သိမယ်ဟု ကျိတ်ပြီး ကျုံးဝါးခဲ့သော နွေနှင်း ယခုတော့ သူမဟန်ဆောင်မှုများ၏ တန်ပြန်မှုများကို အပြည့်အ၀ခံစားရမည်..
("အော်.. လောကမှာ ဟန်ဆောင်သူတွေဟာ ဟန်ဆောင်နေတဲ့ အချိန်မှာရော.. ပြီးဆုံးသွားတဲ့ အချိန်မှာပါ ၂ခါပူလောင်ရတဲ့သူတွေပါလား.. ")
သူမ၏ဟန်ဆောင်မှုများကြောင့်... ကံကြမ္မာက ယခုထိသူမကို ဒဏ်ခတ်ကာ ခံစားချက်များကို ဟန်ဆောင်မြိုသိပ်သွားရတော့မည်....

---------------------------------- ပြီးပါပြီ ---------------------------------

စာရေးသူဆုတောင်း ။ ။ ဟန်ဆောင်ကင်းသော ချစ်ခြင်းများဖြင့် ဆုံစည်းနိုင်ကြပါစေ...

Sunday, May 18, 2008

နှင်းစက်ခြေရာ (၁)


ခြေရာ(၁)

"မေမေရေ.. သမီးဒီလုံချည်လေး ဒီနေ့ဝတ်မယ်နော်... ခဏငှား..."
နွေနှင်းခွင့်တောင်းသောအချိန်တွင် လုံချည်ကပင်သူမခါးပေါ်ရောက်ပြီးသားဖြစ်နေပြီ..

"အော်.. ဒီကောင်မလေးနဲ့.. အမြဲတမ်းရှက်ပြာ ရှက်ပြာနဲ့.. လုံချည်မဝတ်စဖူး ဝတ်လို့.. ထူးတော့ထူးခြားနေပါလား.. တခုခုတော့တခုခုပဲ.."
မိခင်ဒေါ်ဝေဝေ ရောက်ရက်ခက်နေသူ သမီးနွေနှင်းကိုကြည့်ကာ ပြောလိုက်ချင်းဖြစ်သည်..

"အား.. နောက်ကျနေပြီ.. အမြန်လုပ်မှ" ခေါင်းကိုစည်းကာညှပ်ကလစ်ဖြင့်ညှပ်ရင်း နာရီကို မော့ကြည့်၍ ကဗျာကရာဖြင့်သူမ သင်တန်းသွားရန်ဟန်ပြင်လိုက်သည်..

"ဟဲ့.. ဟဲ့ ဒါကဘယ်လိုပုံဖြစ်နေတာလဲ.. လုံချည်နဲ့.. ခေါင်းကလဲ ဆံပင်ကြီးတင်ပြီးတော့.. လူကြီးပုံဆန်ကြီး.. ပြဿနာတော့ရှာမလာနဲ့နော်"

"ဟုတ်ကဲ့ပါ.. ခုတော့သွားတော့မယ်နော်... မွ.. မွ.." ပြောပြောဆိုဆို နွေနှင်းအိမ်မှထွက်လာပြီး သင်တန်းရှိရာ ဗိုလ်ကလေးဈေးလမ်းသို့ ဦးတည်လိုက်သည်..

သူမသည် အစအနောက်အလွန်သန်သည်.. တခါတလေ အတည်ပေါက်နဲ့စတတ်သည်.. စကားအလွန်များသည်.. တစက်ကလေးမှ ငြိမ်ငြိမ်မနေတတ်.. သူမကိုကြည့်လျှင်အမြဲပေါ့ပါးလွတ်လပ်နေတတ်သည်.. ခေတ်နဲ့အညီ ဝတ်စားတတ်သည်.. သူငယ်ချင်းများက သူမကိုခင်မင်ကြသလို.. ဆရာ ဆရာမများကလဲ ချစ်ခင်ကြသည်.. ယခုလဲ သူမ မထင်မှတ်ပဲစထားမိသော ကိစ္စတစ်ခုကြောင့် ကြာသပတေးနေ့တိုင်း သူမ ဝတ်လေ့မရှိသောထမိန်ကိုဝတ်.. ဆံပင်ကိုလှန်တင်ကာ ရိုးရိုးအေးအေးမမကြီးပုံဖမ်းကာ ထွက်ရတော့မည်ဖြစ်သည်.. မနေ့က မထင်မှတ်ပဲ စရန်စက်ကွင်းထဲဝင်လာသော ရဲသွေး အဖြစ်ကိုတွေးကာ နွေနှင်းရီချင်နေမိသည်..

------------------------- ။ ----------------------------


ခြေရာ (၂)


ရဲသွေးနှင့် စတင်သိသောနေ့ကိုမှတ်မှတ်ရရရှိသေးသည်... Y.E.S speaking သင်တန်းကို Intermediate class ထိပြီးဆုံးအောင်တတ်ထားပြီးသော်လည်း.. ဆရာမနှင့်ခင်မင်သောကြောင့်တစ်ကြောင်း နွေနှင်းရှိလျှင် အတန်းထဲ၌ speaking သင်တန်းလာပြီး စကားမပြောရဲသောသူများကိုပင်ပြောအောင်.. အတန်းကိုတစ်ဖက်တစ်လမ်းမှလဲ ကူညီရာရောက်နေသောကြောင့် ဆရာမက အလကားတတ်ခွင့်ပေးထားခြင်းဖြစ်သည်.. Y.E.S speaking သင်တန်း၏ သင်ကြားမှုများတွင်.. အတန်းတွင်းရှိ လူငယ်များအချင်းချင်း တစ်တွဲချင်းနေရာချပေးကာ ဆရာမချပေးသော topic ကိုအစချီကာ အင်္ဂလိပ်လို ပြောရလေ့ရှိသည်.. နွေနှင်းအတွက်ကတော့ ပြောရင်းအရှိန်ကောင်းလျှင် တခြားအကြောင်းများပင်ရောက်သွားတတ်သည်..

ထိုနေ့က ရဲသွေးနှင့်ပထမဦးဆုံးစကားပြောရသောနေ့ဖြစ်သည်.. သူ့ပုံစံက မြန်မာဆန်ဆန် ပုဆိုးနှင့် မျက်မှန်နှင့် ရိုးသားဖြောင့်မတ်ပြီး ခင်မင်စရာကောင်းသော လူငယ်တစ်ယောက်ဖြစ်သည်.. စကားပြောရင်း သူ့အိမ်နားမှ ကုလားပလီက ညနေဆိုလျှင် အရမ်းဆူကြောင်း.. သူနားညီးကြောင်းများကို ရောက်သွားသည်..

ထိုအချိန်တွင် ဆရာမ အနားရောက်လာကာ သူ့ကိုစသွားသည်.. "သား.. လူအကြောင်းမသိဘဲ ဘာသာရေးမဆွေးနွေးရဘူး.. နွေနှင်းကမွတ်စလင်.. "

ဆရာမကပြောပြီး ကျမကို မျက်စိမှိတ်ပြသွားသည်.. ကျမလဲ မှင်သေသေဖြင့်..
"ရပါတယ်.. ကိစ္စမရှိပါဘူး.. ငါနားလည်ပေးလို့ရပါတယ်.." .. ရဲသွေးတော်တော်အားနာသွားပုံရသည်... ခြေမကိုင်မိ လက်မကိုင်မိဖြစ်ကာ..

"ဆော်တီးနော်.. ငါကဒီလိုပဲပြောတာပါ.. မကောင်းဘူးလို့ပြောတာဟုတ်ပါဘူး.. နင်က မွတ်စလင်နဲ့မတူဘူးနော်.. တရုတ်နဲ့တောင်ခပ်ဆင်ဆင်တူသေးတယ်.. "

" ငါက ပန်းသေး.. ငါ့အဖေက ပလီလူကြီး မုဆိတ်ကြီးနဲ့.. ငါ့အမေက တရုတ်စစ်စစ်.. ..." ကျမတို့ အင်္ဂလိပ်လို ထိုတော့ပစ်ကို ဆက်ပြောသည်.. ကျမဖြီးဖျန်းရင်း သူ့ကို အကဲခတ်မိနေသည်.. စိတ်ထဲကလဲ ကိုယ်ပြောသမျှကို ပြန်ရီချင်နေမိသည်.. အချိန်ပြည့်၍ ဆရာမက သင်ချိန်ရောက်ရာတွင်.. ဆရာမကအတန်းတွင်း စောစောက လိုက်ကြည့်ထားသမျှ ဘယ်သူကတော့ဘာလိုတယ်.. conversation ဆိုတာဘယ်လိုစရတယ်.. ပေးတဲ့ topic မှမဟုတ် speaking သင်တန်းတတ်လျှင် ကြိုက်တာပြော.. အင်္ဂလိပ်လို သာကြိုးစားပြော.. ကိုယ့်အကြောင်းတွေ သူများသိမှာစိုး၍ ပြောမထွက်လျှင် story making လုပ်၍ပြောသင့်ကြောင်း ... ကျမကို ဥပမာပေး၍ ပြောလိုက်သည်..

"ဥပမာဆိုရင်ပေါ့.. နွေနှင်းလို.. သူမွတ်စလင်မဟုတ်ပေမဲ့.. story making လုပ်ပြီး သူပြောတယ်.. ပြောစရာတွေ အများကြီးထွက်လာတယ်.. အဓိကက ဘာပြောပြော အင်္ဂလိပ်လို များများပြောဖို့ပဲ မဟုတ်ဘူးလား.. " ဆရာမစကားအဆုံးတွင် ရဲသွေး မျက်လုံးကြီးပြူးပြီး ကျမဘက်လှည့်ကြည့်သည်.. ကျမလဲ သူ့ကို သွားဖြီးပြီး ပုခုံးတွန့်ပြလိုက်သည်.. ဤသို့ဖြင့် ရဲသွေးဖြင့်ရင်းနှီးခဲ့ခြင်းဖြစ်သည်..

စစသိချင်းနေ့ကတည်းက ထိုသို့ခံခဲ့ရသည်ကိုပင် မမှတ်သေး.. နွေနှင်းသူများကို နောက်ရန်ကြံစည်နေသော စက်ကွင်းထဲသို့ ရဲသွေး နောက်တစ်ကြိမ် စိုက်စိုက်မြိုက်မြိုက် ထပ်ဝင်လာပြန်သည်..

မနေ့က ဒါလီ့ကို နောက်၍ နွေနှင်းပြောနေသော စကားကို ရဲသွေး နားစွန်နားဖျားကြားကာ ဝင်ပြော၍ သူ့ကိုမနောက်ချင်သော်လည်း ယုတ်တိတန်အောင် သူ့ကိုပါ ဆက်ရွှီးခဲ့ရသည်..

"ဟဲ့... ဒါလီ မနက်ဖြန် ငါ့အမွှာ အစ်မလာမှာ နင်ငါ မှတ်ပြီးခေါ်လို့ ဟိုကပြန်မထူးရင် ငါ့ကိုစိတ်ဆိုးမှာစိုးလို့်.. အဲဒါနင့်ကို ခင်လို့ကြိုပြောထားတာ.."

ဘေးမှရဲသွေးက "ဟုတ်လား.. ငါ့လဲပြောလေဟာ.. တော်ကြာငါက နင်မှတ်ပြီးသွားခေါ်မှ ပါးရိုက်ခံနေရအုံးမယ်.. တော်သေးတာပေါ့ ခုနင်ပြောတာကြားလိုက်လို့..."

တကယ်နောက်ချင်သော ဒါလီက ယုံဟန်မရှိ.. ဘေးကသူက ဇွတ်ယုံနေသည်.. သူ့ ကိုအကြောင်းမကြားသောကြောင့် စိတ်ဆိုးမည့်ပုံပင်ပေါက်နေသည်.. ထိုသို့ဖြင့် ကျမလဲ ယုံသော သူ့ကိုဆက်ရွှီးခဲ့သည်..

"အေး.. ဒီလိုရှိတယ်ဟ.. သူနဲ့ငါက ဒီသင်တန်းကို ၁ယောက်စာပဲပေးပြီး ငါ့နာမည်နဲ့ပဲ register လုပ်ပြီး ၂ယောက်တက်နေတာ.. ဘယ်သူမှမသိဘူး.. သူက ငါ့အယောင်ဆောင်ပြီးလာတက်မှာ.. သူ့ကို ငါ့နာမည်ပဲခေါ်ကြမှာ.. သူကလဲ အလိုက်အထိုက်တော့ နေတတ်မှာပါ.. မစိုးရိမ်ပါနဲ့.. ဟော.. ပြောရင်းဆိုရင်း အတန်းတောင်ဆင်းပြီ ပြန်တော့မယ်.. မနက်ဖြန်ကျရင်တော့ သတိထားကြည့်ကြည့်လိုက်"

------------------------ ။ -----------------------------

ခြေရာ (၃)


"ဟိုကောင်မလေးခြေတစ်လှမ်း ကုဋေ၁သန်းနဲ့ လျှောက်မနေနဲ့.. နင့်အမေပိုင်တဲ့လမ်းမဟုတ်ဘူး..!" .. ဘတ်စ်ကားပေါ်မှစပါယ်ရာ၏ ကြိမ်းမောင်းသံကြားတော့မှ နွေနှင်းအတွေးစပြတ်သွားသည်.. မြို့ထဲဟွန်းမတီးရ စည်းကမ်းချက်ထုတ်ပြီးနောက်ပိုင်းတွင် ကြားရလေ့ရှိသော ကားသမားများ၏ဆဲရေးဆူပူသံများကို ရန်ကုန်မြို့ကြီး၏လက္ခဏာတစ်ခုအဖြစ်ခံယူထားသော နွေနှင်း ကားသမားကိုလဲ အပြစ်မဆိုလိုတော့ပါ.. ကြည့်လိုက်တော့ ပန်းဆိုးတန်းလမ်းမီးပွိုင့်တောင်ရောက်နေပြီ.. မီးပွိုင့်ကလဲ ထုံးစံအတိုင်းပျက်နေသည်.. ကားများကားနိုင် လူများလူနိုင်စနစ်ဖြင့် ကားတစ်ပြန်လူတစ်လှည့် ကူးလူးဖြတ်သန်းနေကြသည်.. လမ်းဘေးဈေးသည်များပလတ်ဖောင်းပေါ်တွင်အပြည့် ...ကားလမ်းပေါ်၌လဲ ပန်းဆိုးတမ်း ဘတ်စ်ကားဂိတ်ကို တန်းစီနေသော ဘတ်စ်ကားများ.. နွေနှင်းအတွက်တော့ ဒီလမ်း ဒီလူ ဒီအခြေအနေသည် မထူးစမ်းတော့.. ၁ပတ် ၄ရက် လျှောက်နေကျလမ်းဖြစ်သည်..

ပန်းဆိုးတန်း လမ်း၎ဝကျော်ပြီး အနဲငယ်လျှောက်ပြီးလို့ ဗိုလ်ကလေးဈေးလမ်းထဲ ချိုးဝင်လိုက်ချိန်တွင် ရှေ့နား၌ လမ်းလျှောက်နေသော ရဲသွေးကို လှမ်းမြင်နေရသည်.. နွေနှင်း ခတ်သုပ်သုပ်လျှောက်၍ ရဲသွေးကို ကျော်တက်လိုက်သည်.. ရဲသွေး သူမကိုမြင်သော်လည်း နှုတ်မဆက်... ပုံမှန်အတိုင်း ဆက်လျှောက်နေသည်....

"ဒီကောင်.. မနေ့ကပြောတာကို တကယ်ယုံတယ်ကြည့်စမ်း.. ဒါဆိုရင်တော့ မထူးဘူး.. မသိချင်ယောင်ဆောင်ပြီး ဆက်လျှောက်သွားမှ.. အတန်းထဲရောက်မှ သူ့ကိုပြောပြပြီး ရီရမယ်... "

အခန်းတွင်းသို့ဝင်ထိုင်နေလိုက်သည်.. ဒါလီ အနားသို့ရောက်လာပြီး.. "ဒါလား.. နင့်အစ်မ နင့်အမေ ဆိုရင်တောင် ယုံအုံးမယ်.. ဝတ်လာတာကိုက... "
နွေနှင်းဘာမှပြန်မပြောဖြစ်.. ခပ်တည်တည်နေလိုက်သည်...

ဒါလီက ဆက်ပြောသည်.. "အေးပါ... နင်ဘယ်လောက် ငြိမ်ငြိမ်နေနိုင်မှာမို့လဲ... မကြာခင်နင့်ပုံစံကပေါ်လာမှာပဲ.. " .. ဟုတ်ပါသည်.. တသက်နှင့်တကိုယ် စကားမပြော မလှုပ်တလှုပ် ငြိမ်ငြိမ် နွေနှင်း ၅မိနစ်ပြည့်အောင်မနေနိုင်ခဲ့ပါ.. ရယ်စရာတွေပြော.. အားရပါးရရယ်ကာ ငြိမ်နေသူများကိုပင်လိုက်လိုက်စတတ်သော နွေနှင်း .. သူမကိုယ်တိုင်လဲ ကိုယ့်ကိုကိုယ်ယုံကြည်မှုမရှိပါ..

"ထားလိုက်ပါ.. ရသလောက်တော့နောက်လိုက်အုံးမယ်.. ဒီနေ့ညနေ ပေါ်တော့လဲ နောက်တာဆိုပျော်စရာကြီး.. ဟိုကောင့်မျက်နှာကြီးဘယ်လိုလဲ ကြည့်ချင်စမ်းပါဘိ..."

ခဏကြာအတန်းစတော့ ဆရာမက စကားပြောရန် partner ခွဲပေးရာ.. နွေနှင်း ၏အဖော်မှာ.. နွေနှင်းတို့ ဆယ်တန်းအောင်နှစ်၌ မြန်မာတစ်နိုင်ငံလုံးအဆင့် ၇ ရ ကျောင်းသားနှင့်ဖြစ်သည်.. ထိုသူက အင်္ဂလိပ်ကို အတော်ပင်မွတ်နေအောင်ပြောတတ်သည်.. ဆရာမလစ်တုန်း နဲနဲလေးတောင် အချောင်ခိုပြီး မြန်မာလိုပြော၍မရ.. သူမြန်မာလိုမတတ် US army ကလာသည်ဟုပြန်ပြောသည်.. အရင်ကမပြောသောသူများ မတတ်သောသူများကို နွေနှင်း ဆရာကြီးလုပ်ပြီးနင်းကန် မှုတ်ခဲ့သမျှ ခုပြန်မှုတ်ခံနေရပြီ.. ထိုသူရှေ့တွင် တတ်ထားသမျှ အင်္ဂလိပ်စာလေးများ ကြက်ပျောက်ငှက်ပျောက်...... ပြောလိုက်လို့မှားသွားမှာကိုလဲစိုးရိမ်သည်.. ကိုယ့်ကိုကိုယ်ယုံကြည်မှုမရှိတော့သော နွေနှင်း စိတ်ဓာတ်ကျကာ ငုတ်တုတ်မှိုင်နေမိသည်.. ထိုနေ့က သူများတွေသာ partner change ရသည် နွေနှင်း ကတော့ ထိုသူနဲ့ ၂ပါးသွားနေရတဲ့ ပြဿဒါးနေ့ဖြစ်သည်.. ဆရာမကလဲ နွေနှင်းကိုတိုးတက်စေချင်၍ တစ်ကြောင်း.. ၁တန်းလုံးတွင် နွေနှင်းမှလွဲ၍ သူ့အတွက်စကားပြောရန်မှာ ဆရာမပဲရှိသည် ဆိုသည်ကိုလဲနားလည်သည်.. နွေနှင်းတစ်ယောက် ငြိမ်ကာမှိုင်ပြီးငုတ်တုတ်ထိုင်နေရ၍ အဝေးမှ နွေနှင်းကို အကဲခတ်နေသော ရဲသွေးကိုပင် သတိမထားမိတော့ပါ...

ဆက်ရန်/

Friday, May 16, 2008

ဘားဂလစ်ရ်ှတတ်ယုံနဲ့ မြန်မာလိုစာရိုက်လို့ရပြီ...

မြန်မာစာလက်ကွက်ရိုက်လေ့မရှိဘူးလား....
မြန်မာစာရိုက်ဖို့ ပျင်းနေလား....
မြန်မာဖောင့် လက်ကွက်ကိုကျွမ်းကျွမ်းကျင်ကျင် မရိုက်တတ်လို့ စိတ်ပျက်နေလား....
ဟောဒီ site လေးမှာ သင် burglish တတ်ယုံနဲ့ မြန်မာစာလုံးလေးတွေ လွယ်လွယ်ကူကူ ရိုက်ယူလို့ရပြီလေ...
အိုင်ဒီယာနဲ့ ကြိုးစားမှုကို လေးစားပါတယ်...
အသုံးပြုပုံကတော့ လွယ်ကူလှပါတယ်..
ဥပမာ... စာရိုက်တဲ့ box လေးထဲမှာ "မြန်မာ" လို့ရိုက်ချင်ရင်.. အောက်ပါပုံလေးတွေအတိုင်း အဆင့်လိုက် ရိုက်သွားရုံပါပဲ..
စမ်းကြည့်ကြပါ.. ကြိုက်မယ်ထင်ပါတယ်.. မြန်မာ ဖောင့်မရှိသူများ.. မြန်မာလို ရိုက်ရမှာပျင်နေသူများ.. အလွယ်တကူ အသုံးပြုနိုင်ပါတယ်..
မဗေဒါ ရဲ့ ပိုစ့်လေးတွေကို မြန်မာလို comment ပေးချင်ရက်နဲ့ မြန်မာလိုမရိုက်တတ်လို့ မပေးခဲ့ရဘူး သူငယ်ချင်းရယ်ဆိုတဲ့ ဗေဒါ့ သူငယ်ချင်းတွေအတွက်လဲ..
နောက်ဆိုရင် ဒီအကြောင်းပြချက်လေးမလိုတော့အောင်ဖြစ်သွားတာပေါ့နော်...
Credit goes to the guys who put efforts to create this and information credit goes to Ko Han Lynn Kyaw.





Saturday, May 10, 2008

မုန်တိုင်းမတိုင်မှီ မိုးလေ၀သကြေငြာချက်


၂၉ရက် ဧပြီတွင် ကြေငြာသော မိုးလေ၀သကြေငြာချက်ဖြစ်သည်... ဘာပြောရမှန်းတောင်မသိတော့ပါဘူး.. ပြောရတာလဲ.. ကျွဲပါးစောင်းတီးပဲဖြစ်တော့မယ်...

Saturday, May 03, 2008

ယနေ့ခေတ် သင်္ကြန် နှင့်ကျမ၏ထင်မြင်ချက်..



သင့်အတွက်သင်္ကြန်ဆိုတာ... ဘာလဲ?

ကျမခုရက်ပိုင်း သင်္ကြန်ရဲ့အနှစ်သာရနဲ့အဓိပ္ပါယ်ကို အတော်လေးစဉ်းစားဖြစ်နေတယ်.. သင်္ကြန်နဲ့ပတ်သတ်ပြီး ငယ်ငယ်ကတော့စာစီစာကုံးတွေ အဖွဲ့အနွဲ့တွေနဲ့ ရေးခဲ့ရဖူးတယ်.. အဲဒိတုံးက ကျမစိတ်ကူးပုံးဖော်ပြီးရေးခဲ့ရတဲ့ ကဗျာလေးတွေ စာလေးတွေကျက်ပြီးတင်စားခဲ့ဖူးတဲ့ လှပယဉ်ကျေး အဓိပ္မါယ်တွေနဲ့ပြည့်စုံတဲ့ အတာသင်္ကြန်ဟာ ယနေ့ခတ်မှာ ဘာတွေဖြစ်ကုန်ပြီလဲ.. ယနေ့ခတ်လူတွေအတွက် သင်္ကြန်ဆိုတာဘာလဲ.. သင်္ကြန်ရဲ့အဓိပ္မါယ် သင်္ကြန်ရဲ့အနှစ်သာရကဘာလဲ? သူတို့ဘယ်လိုနားလည်ထားကြလဲ.. ဆိုတာ ဒီနှစ် 2008 ရန်ကုန် အင်းလျားလမ်း သင်္ကြန်ရဲ့ vedio clip လေးတစ်ခု ကိုအမှတ်မထင် Youtube မှာတွေ့လိုက်ရာက တွေးမိတာပါ..




ကျမစဉ်းစားမိတယ် ကျမတို့ရဲ့အစည်ကားဆုံးပွဲတော်ကြီးကို ကိုယ့်နိုင်ငံတွင်းမှာ ပြည့်ပြည့်ဝဝ ကျင်းပခွင့်ရတဲ့သူတွေဟာ အရမ်းကိုကံကောင်းတဲ့သူတွေပါ.. ဒါပေမဲ့ သူတို့တွေက သင်္ကြန်ကိုဘယ်လိုနားလည်ထားကြလဲ.. သင်္ကြန်လို့ကြားလိုက်တာနဲ့ သူတို့ဘာတွေ စဉ်းစားကြလဲ..

"သင်္ကြန်ရောက်ရင် ငါဘယ်လိုထင်ပေါ်အောင်ဝတ်ရမလဲ"

"ရည်းစားကိုလှည့်ပြီး ဘယ်ကောင်မလေးနဲ့ကဲရမလဲ"

စုံလို့ပါပဲ.. ကျမလဲသူတို့လေးတွေ ဘာစဉ်းစားမှန်း လိုက်မမှီလို့ တချို့အပေါင်းသင်းတွေဆီက ကြားဖူးသလောက်ပဲ ဥပမာပေးတာပါ.. ခေတ်နဲ့အညီအဝတ်အစားဝတ်တာ နားလည်ပါတယ်.. ကျမလဲဒီလောက် OUT OF DATE ဖြစ်နေတဲ့ သူမဟုတ်ပါဘူး.. လူငယ်ပီပီ ဒီလိုပွဲမျိုးလှချင်လို့ ဝတ်တာကိုလဲအပြစ်မပြောပါဘူး.. ဒါပေမဲ့ ကာလံဒေသံ ရာသီဥတု အခြေအနေ နဲ့ သင့်တော်တဲ့ ခေတ်အဝတ်အစားမျိုးကိုဝတ်စေချင်တယ်.. "တောင်းမှာအကွတ် လူမှာအဝတ်ဆိုသလို" လူတစ်ယောက်ရဲ့ဝတ်စားပုံကလဲ အဲဒိလူရဲ့ CHARACTER, စရိုက် နဲ့ အဆင့်ကို ဖော်ပြနေပါတယ်.. အဆင့်ဆိုရာမှာ ဆင်းရဲချမ်းသာနဲ့မဆိုင်ပါဘူး စာရိတ္တလို့ပဲဆိုပါစို့.. သင်္ကြန်ဆိုတာ ရေနဲ့ကစားတဲ့ မြန်မာ့ရိုးရာနှစ်ကူးပွဲ.. ဖက်ရှင်ရှိုးပွဲမဟုတ်ဘူး... ရေစိုနေတာနဲ့တင်လူတိုင်းတူတူချည်းပဲ.. "နေညိုအက ရေစိုအလှ" လို့တောင်သီချင်းရှိသေးတာပဲ..

နောက်မဏ္ဏပ်တွေပေါ်မှာ မူးရူးနေတာ.. ယောင်္ကျားလေးက ထားပါအုံး.. (မသောက်ရင်တော့အကောင်းဆုံးပေါ့) မိန်းကလေးတွေ မူးတာ မနက်ပိုင်းလောက်တင် မှောက်ပြီး ထမ်းထမ်းခေါ်သွားရတာ.. ဗွက်ထိုးအန်တာ.. အရမ်းကို ရုပ်ဆိုးပါတယ်.. အရင်က ကျမစိတ်နဲ့ဆို လက်မခံနိုင်ပေမဲ့ ခုတထစ်လျှော့တဲ့အနေနဲ့ ချမ်းတယ်ဘာညာ အကြောင်းပြပြီးသောက်ခဲ့ရင်တောင် အလွန်အကျွံ မဖြစ်သင့်ဘူးလို့ထင်ပါတယ်.. ဒါတောင် ချမ်းရင် ရိုးရာ ရာသီစာ သာကူတို့ ကြာဇံချက်ပူပူလေး ရှောက်သီးသုတ်စပ်စပ်လေး စားရင်လဲအချမ်းပြေပါတယ်.. သောက်ချင်ရင်သင်္ကြန်မှ မဟုတ်ဘူး အိမ်မှာလဲပုလင်းဖတ်ပြီးနေလို့ရပါတယ်.. သင်္ကြန်မုိ့လို့သောက်တာပဲဟာ.. ဆိုတဲ့ အဓိပ္မါယ်မရှိ အခြေအမြစ်မရှိတဲ့ အကြောင်းပြချက်တွေက အတာသင်္ကြန်ဆိုတဲ့ အဓိပ္မါယ်ကိုညစ်ညမ်းစေပါတယ်..

နောက်တစ်ခုကတော့ လူမြင်ကွင်းမှာ မဖွယ်မရာများလုပ်ပြတာပါ.. ယောင်္ကျားပဲဖြစ်စေ မိန်းမပဲဖြစ်စေ ယောင်္ကျားနဲ့မိန်းမ၂ယောက်ပေါင်းဖြစ်စေ .. ဘေးလူကိုအနှောက်အယှက်ဖြစ်စေမဲ့ အပြုအမူမျိုးမလုပ်သင့်ပါဘူး.. မိန်းကလေးတွေ မြူဆွယ်တဲ့အကတွေကတာ... လူမြင်ကွင်းမှာ စုံတွဲတွေမဖွယ်မရာလုပ်တာ.. အလွန်တရာမှ ရှက်ဖို့ကောင်းပါတယ်.. "အရှက်အကြောက်တရား" ရှိမှလူဆန်မှာပါ.. အိပ် စား ကာမ ထိုသုံးဝပဲသိတယ်ဆိုရင် "တိရိစ္ဆာန်" အဆင့်ဖြစ်သွားပါပြီ.. ဒါဆိုရင် ထိုသူတွေကို ကျမအနေနဲ့ တိရိစ္ဆာန်နဲ့စာရင် အကြောင်းပြတတ်တဲ့.. အဝတ်ဝတ်သေးတယ်ဆိုတော့.. နဲနဲသာတယ်ပြောရမှာပါ.. အပေါ်က vedio clip ကမိန်းမလိုမျိုး ဝတ်ထားတဲ့ အကျီင်္တောင် မကပ်နိုင်ဘူးဆိုရင်တော့ စကားပြောတတ်တာရယ် လူကဲ့သို့ခန္ဒာကိုယ်ဖွဲ့စည်းပုံကလွဲလို့ လူနဲ့တူတာသိပ်မရှိသလောက်ပါပဲ..

သင်္ကြန်က နေ့ဘက်ကြီးပါ လူတွေလဲအများကြီးရှိပါတယ်.. ပြီးတော့ မဏ္ဏပ်ပေါ်မှာပါ.. night club မဟုတ်ပါဘူး.. တချို့နိက်ကလပ်တွေမှာတောင် ဒါမျိုးလုပ်တဲ့သူမရှိပါဘူး.. အနောက်နိုင်တွေမှာတောင် ဒီလိုမျိုးအပြုအမူမျိုးကို မိန်းမကောင်းမလုပ်ပါဘူး.. night club မယ်တွေတောင် ပိုက်ဆံရမှပါ.. free ဆိုရင်လုပ်ပြမယ်မထင်ပါဘူး.. ဘေးကလူတွေကလဲ မတားတဲ့အပြင် အရူးဘုံမြှောက်လုပ်နေပါတယ်.. အဲဒိ vedio clip ကိုတွေ့ပြီး ကျမ ဇဝေဇဝါဖြစ်မိတယ် "ယဉ်ကျေးတဲ့ မြန်မာ" တဲ့လား.. ကျမမြန်မာပြည်နဲ့ မြန်မာလူမျိုးကိုချစ်တဲ့ မြန်မာစစ်စစ်ပါ.. ဒါပေမဲ့ ယဉ်ကျေးတဲ့ မြန်မာဆိုတဲ့ စကားကို doubt ဖြစ်လာပြီ.. တကယ်လဲစိတ်မကောင်းဘူး.. မြန်မာပြည်မှာ မြန်မာသင်္ကြန်ကို အပြည့်အဝခံစားရပြီး အတာသင်္ကြန်တန်ဖိုးကို မသိတဲ့သူတွေ အတာသင်္ကြန်ရဲ့အနှစ်သာရနဲ့ ပျော်ရွှင်မှုအစစ်ကိုဖျက်စီးနေတဲ့ သူတွေကများနေပါတယ်.. ထိုမိန်းကလေးတွေကို မွေးထားတဲ့မိဘတွေရော သူတို့သမီး YOUTUBE ပေါ်အထိရောက်နေတာသိရင် ဘာလုပ်သင့်သလဲ?

နိုင်ငံတစ်နိုင်ငံရဲ့အကြီးအကဲဟာ ပြည်သူပြည်သားတွေအတွက် မိဘလိုပါပဲ.. ဒါပေမဲ့ သူတို့ဟာ သူတို့ကိုယ်ကျိုးပဲကြည့်ပြီး ပြည်သူတွေကို လမ်းမှားရောက်အောင်လုပ်ထားတဲ့ ပထွေးဆိုးလိုပါပဲ.. တကယ် စာတတ်ပေတတ် အသိပညာ စဉ်းစားဥာဏ်ရှိတဲ့သူတွေ ယဉ်ကျေးတဲ့သူတွေ စာပေပညာရှင်တွေ အနုပညာသမားကောင်းတွေကျတော့ ဖမ်းဆီးလိုက် သတ်ဖျက်လိုက်လုပ်တာကိုတော့ "ခေါ်ယူထိန်းသိန်းတယ်"ဆိုတဲ့စကားသုံးပြီး.. ခုလို ပညာဥာဏ်မရှိ တိရိစ္ဆာန်သာသာ ယဉ်ကျေးမှုဖျက်ဆီးပြီး တကယ်ခေါ်ယူထိန်းသိန်းသင့်တဲ့ သူတွေကိုတော့ "ငါ့အမဲ မလုရင်ပြီးရော" ဆိုပြီးလစ်လျူရှုထားပါတယ်.. ပိုတောင်သဘောကျရင်ကျနေမှာ.. ဒါမျိုးတွေကိုလူငယ်တွေ စိတ်ဝင်စားလေလေ သူတို့ ဘာလုပ်လဲအာရုံမထားနိုင်လေလေပါ.. နိုင်ငံရေး ယုတ်ယုတ်ယုတ်ယုတ် ဖြစ်ရင် ရုပ်ရှင်လောကက အဆင့်မရှိလုပ်ရက်တွေကို ဖြန့်ပြီးအာရုံပြောင်းအောင်လုပ်လိုက်.. ဟိုလုပ် ဒီလုပ်နဲ့ အချိန်ဆွဲလိုက်လုပ်နေတာပါ.. ဒါက ကျမထင်တဲ့အတိုင်း ဦးနှောက်သေးသေးနဲ့ စဉ်းစားပြီးရေးတာပါ.. သဘောထားကွဲနိုင်ပါတယ်..

အိမ်ခေါင်ကမိုးမလုံမှတော့ တစပ်မိတ်မိုးယိုတာကို ဘယ်လိုထိန်းချုပ်ကြမလဲ.. ကျမတို့နိုင်ငံရဲ့ ပညာရေး စီးပွားရေး ကျန်းမာရေး စတဲ့ အရေး ကြိုက်တဲ့အရေးတွေကိုစဉ်းစားကြည့်ပါ ဘာ့ကြောင့်ဒီလိုဖြစ်နေရလဲလို့... ဘယ်လိုပဲစဉ်းစား စဉ်းစား အဖြေက ဒင်းတို့ပဲ ထွက်ပါတယ်.. ဒီတော့ ဒင်းတို့လှည့်ကွက်ထဲမှာ တိရိစ္ဆာန်သာသာဘဝနဲ့ ကြိုးဆွဲရာကနေကြပြီး မြန်မာ့ရိုးရာရဲ့ပုံရိပ်အလှကို ဖျက်ဆီးနေကြတော့မှာလား? ကျမ မတွေးတတ်တော့ဘူး.. လူများစုကဒီလိုဖြစ်နေတော့ ကျမတတ်နိုင်သလောက်ပဲ ကလောင်သွားနဲ့ တင်ပြလိုက်ပါတယ်..

(ဤပိုစ့်သည် ကျမရဲ့ စဉ်းစားချက် ခံယူချက်ဖြစ်ပြီး မည်သူတစ်ဦး တစ်ယောက်ကိုမှ ထိခိုက်စေလိုခြင်းမရှိပါသောကြောင့် လွတ်လပ်စွာသဘောထားကွဲလွဲနိုင်သည်)

Friday, May 02, 2008

ကျမအတွက်တော့ သင်္ကြန်ဆိုတာ...

ဧပရယ်၁ရက်နေ့ရောက်ပြီဆိုရင် မြန့်မာ့အသံက တာသင်္ကြန်အဆိုအကများကို အမြဲစောင့်စားခဲ့ရတယ်.. ငယ်ငယ်တုံးကထဲက သင်္ကြန်ဆိုရင် အိမ်အောက်မှာရေဇလုံလေးချပြီး လမ်းထဲဖြတ်လျှောက်တတ်တဲ့ လူ၁ယောက်၂ယောက်ကိုစောင့်ပတ်ခဲ့ရတယ်.. ကလေးဆိုတော့ ဒီလောက်ကစားရတာလဲပျော်လို့.. ကြီးလာတော့ ဖေဖေကလုံးဝပေးမကစားတော့ဘူး.. သင်္ကြန်ရောက်လို့ရေလေးစိုချင်လုိ့ မနက်ဈေးသွားဝယ်ပေးမယ်ဆိုရင်တောင်မရဘူး.. သူကိုယ်တိုင် ဒါမှမဟုတ်မေမေ ၁ယောက်ပဲ သွားဝယ်ရတယ်..ဒါတောင်ဗေဒါက အိမ်မှာအငယ်ဆုံးလဲဖြစ် ၈တန်း၉တန်းထိ လမ်းထဲက ကလေးတွေနဲ့ကစားတုံးဆိုတော့ ဖေဖေက အထူးခွင့်ရေးအနေနဲ့ အိမ်အောက်ထပ်က ကလေးတွေနဲ့ တူတူကစားခွင့်ပေးခဲ့တယ်.. ဒါပေမဲ့ ရေစိုလို့ပျော်ပေမဲ့ ကျမငယ်ငယ်ကလောက်မပျော်တော့ဘူး.. ကျမအစ်မတွေဆိုရင် သင်္ကြန်ဆို အိမ်မှာပျင်းလွန်းတာရော ဖေဖေက သမီးတွေကိုသဝင်တိုလို့ တခုခုဆိုဆူပဲခံနေရလို့ အားလုံးတရားစခန်းဝင်ကြတယ်.. ကျမကတော့ အိမ်မှာပဲတရုတ်ကားဇာတ်လမ်းတွဲတွေ သင်္ကြန်မတိုင်ခင်တထပ်ကြီးငှားပြီး သင်္ကြန်တတွင်းလုံးထိုင်ကြည့်ခဲ့တယ်.. ဖေဖေနဲ့ကျမ၂ယောက်ထဲကျန်ခဲ့ရင်တော့ ဖေဖေကသိပ်မကြတ်ဘူး.. မနက်ဆိုမုန့်တူတူထွက်စားတယ်.. ကျမကသင်္ကြန်တွင်းအပြင်ထွက်နဲတော့ လမ်းထဲကအကြောင်းသိ ယောက်ျားလေးတွေက ရတုံးဖေဖေဘေးမှာပါတာတောင် ရေဗုံးနဲ့လိုက်လောင်းလို့မပြီးရင် အိမ်ပြန်ရောက်ရင်နားညီးပြီမှတ်.. ပျင်းရင် မေမေနဲ့အမတွေရှိတဲ့ ဘုန်းကြီးကျောင်းလိုက်ပို့ပေးတယ်.. ကားပေါ်ကနေ ရန်ကုန်သင်္ကြန်ကို လမ်းတလျှောက်ကြည့်ခွင့်ရတယ်.. လမ်းတလျှောက်လဲ ဖေဖေပြောနေကျအတိုင်း

"တွေ့လားဟိုမှာ.. မူးရူးနေကြတာ.. ကားတွေက ပိတ်ပြီးရေတောင်မစိုဘူး.. မိန်းကလေးတွေအတွက်အန္တရာယ်များတယ်" စသည်ဖြင့်..

ကားများပိတ်လို့ ဘေးသင်္ကြန်ကားက အမူးသမားတွေကလှမ်းစရင် စိတ်ညစ်ရပါတယ်.. ဖေဖေက "နင်တို့ အနေထိုင်မတတ်လို့.." ဆိုပြီး တခါတလေစကားများရရင် ဘယ်မှလိုက်မပြတော့ပဲပြန်ရတတ်ပါတယ်.. အဲဒိအရွယ်တုံးကတော့ဖေဖေ ဘယ်လောက်ပြောပြော အဲဒိပျော်နေတဲ့သူတွေကိုအားကျမိတယ်..

နောက်တော့ကျမ စကာင်္ပူရောက်လာတယ်.. ၂၀၀၅ သင်္ကြန်မှာရန်ကုန်ပြန်ဖြစ်တယ်.. ရန်ကုန်မှာရော စကာင်္ပူမှာရောခင်ရတဲ့ သူငယ်ချင်း အိမ်ကလဲစိတ်ချတဲ့သူငယ်ချင်းရဲ့အမ မဏ္ဏပ်မှာ သူမရဲ့အာမခံချက်အရရော ကျမအမရဲ့ကူပြောပေးချက်အရရော နိုင်ငံရပ်ခြားမှာ မိဘတွေမရှိပဲတောင်နေလာရတာကြောင့်ရော အကျက်နေ့၁ရက်ထဲပတ်ပြီးရင် နောက်ထပ်မတောင်းဆိုတော့ပါဘူးဆိုတဲ့ကတိရောကြောင့် ရန်ကုန်အင်းလျားလမ်းသင်္ကြန်ကို ပထမဆုံးရောက်ဖူးခဲ့တယ်.. ဒါပေမဲ့ကျမ ငယ်ငယ်ကအားကျခဲ့သလောက် စိတ်ကူးခဲ့သလောက်ပျော်စရာမကောင်းဘူးဆိုတာသိလိုက်ရတယ်.. ဖေဖေပြောခဲ့တဲ့စကားတွေကိုလဲ ၈၀%လောက်လက်ခံလာတယ်.. ဒီလိုနဲ့စောစောပြန်လာဖြစ်ခဲ့တယ်.. အတက်နေ့အိမ်မှာနေနေတုံး ကျမငယ်သူငယ်ချင်း (သူငယ်ချင်းများအကြောင်းမှ SNOW) ကရေပတ်ခံထွက်ဖို့ခေါ်ပါတယ်.. ဖေဖေ့ကိုကတိပေးပြီးဖြစ်နေလို့ ကြောက်ပေမဲ့ SNOW က ကျမ အိမ်ကစိတ်ချရလောက်တဲ့ သူငယ်ချင်းလဲဖြစ် မတွေ့ရတာ ၁နှစ်ကျော်ရှိနေတော့ မေမေကူပြောပေးလို့ လိုက်ခွင့်ရခဲ့တယ်.. ကားကချောင်နေပြီး မိန်းကလေး ၄ယောက် ယောင်္ကျားလေး၂ယောက်ထဲမို့ ညနေပိုင်း ကျမအစ်မတွေကိုပါ ခေါ်ဖြစ်ခဲ့တယ်.. ဒါပေမဲ့ မဏ္ဏပ်စီတော့လဲကြာ.. ခွက်စုတ်ကနာ.. မိန်းကလေးဆို မီးသတ်ပိုက်က ဆွဲ.. အမူးသမားက မဲ.. ရေလေးနဲနဲစိုလိုက် နောက်ထပ်ဆိုဖို့ တော်တော်လေးစောင့်လိုက်နဲ့ သူငယ်ချင်းနဲ့သွားရတာကလွဲလို့ သတိထားပြီးကြောက်နေရတာကများပါတယ်..

၂၀၀၇ သင်္ကြန်မှာ ချစ်သူအားကိုးနဲ့ တူတူပျော်မယ်ဆိုပြီးပြန်ခဲ့ပေမဲ့ ခြိမ်းတဲ့နေရာကိုရောက်မလာပဲ သင်္ကြန်တွင်း ကျမအိပ်မက်တွေဆိုးခဲ့ရပါတယ်.. ဒါတွေအားလုံးဟာ ကျမငယ်ငယ်ကနေ ၂၀၀၇ထိ သင်္ကြန်အတွေ့အကြုံပါ..

ဒီနှစ်တော့ ကျမစင်္ကာပူမှာပဲ အလုပ်ကသူငယ်ချင်းအဒေါ် စတုဒီသာအတွက် SAMBAWAN ဘုန်းကြီးကျောင်းသင်္ကြန်မနက်ပိုင်းသွားပါတယ်.. သူငယ်ချင်းနဲ့တိုင်ပင်ပြီး မြန်မာအင်္ကျီဝတ်သွားပါတယ်.. လာတဲ့လူတွေအားလုံး သရုပ်ပျက်မရှိပါဘူး.. စတုဒီသာကိုလဲ အေးအေးလူလူစားကြပါတယ်.. မိန်းကလေးကိုရေပတ်ချင်တဲ့သူကလဲ "ရေပတ်ပါရစေ ခင်ဗျာ"ဆိုပြီး ယဉ်ယဉ်ကျေးကျေးလောင်းပါတယ်.. ၂၀၀၆ သင်္ကြန်တုံးကတော့ တိုပါရိုး နဲ့ CITY HALL သင်္ကြန်ကိုမေမေရယ် အစ်မတွေရယ်နဲ့ ရောက်ဖြစ်ခဲ့ပါတယ်.. ရိုင်းရိုင်းစိုင်းစိုင်း သရုပ်ပျက်မရှိပါဘူး.. အမူးသမားမရှိဘူးလို့မပြောပါဘူး.. CITY HALL မှာ တော့လူပိုများပြီး အမူးသမားလဲရှိပါတယ်.. ဒါပေမဲ့ ကောင်းတဲ့သူက ဆိုးတဲ့သူထက်ပိုများနေတော့ အားလုံး ပျော်ပျော်ရွင်ရွင်ပါပဲ.. လူငယ်သဘော စကြနောက်ကြတာကိုလဲ လက်ခံလို့ရပါတယ်.. ဒီလိုနဲ့ ပျော်စရာကောင်းတဲ့ ယဉ်ကျေးမှုထိမ်းတဲ့ သင်္ကြန်လေးကို နိုင်ငံရပ်ခြားမှာ ခံစားခဲ့ရတယ်.. ကျမကျောင်း TP သင်္ကြန်ဆိုလဲ PERFORMENCE ပိုင်းမှာ ယဉ်ကျေးမှု မပျောက်အောင်ရော ခေတ်နဲ့အမှီဟာသလေးတွေရောနဲ့ တခြားနိုင်ငံကလူတွေရှေ့မှာ မြန်မာ့ယဉ်ကျေးမှုကိုထိန်းခဲ့တယ်.. ဘယ်လိုပဲဖြစ်ဖြစ် ကျမအတွက်သင်္ကြန်ဆိုတာကတော့ မြန်မာပြည်က မြေသင်းရနံ့လေးတွေ.. အတာမြေအိုးလေးတွေ.. ပိတောက်ပန်းရနံ့လှိုင်လှိုင်တွေ.. TV မှာလာတဲ့ "သင်္ကြန်မိုး"ရုပ်ရှင်.. နေရာတိုင်းကြားရတဲ့ တူးပို့တူးပို့ စီးချက်လေးတွေ ပါမှပြီးပြည့်စုံသွားမှာပါ ..